رواية بلا رقيب -73
ميشو :برأيك ماذا مجرد رسوم بالألوان سأغسلها اذا كانت لاتعجبك
ولكن توقف عن الصراخ لي بهذه الطريقه ..
عاد ليجلس بقوه وهو يزفر
خلف :أوووف منك احرقت اعصابي ..!!
وبدأ بتدخين سيجارته
حقاً انا من هز بدنه يال الرجال ..
قام بعد ذالك وأخبرني انه سيدخل للأستحمـام ..
وأخبرني انه قد طلب العشاء اذا حضر وهو لم يخرج لأتصرف من نفسي
حسناً ايه الرجل الغيور.. تمنيت ان اقولها له ولكني خشيت غضبه
..
لكنه العشاء لم يأتي الا بعد خروجه ..
تناولنا العشاء بصمت
وبعدها بدأ يمارس سحره علي ...
من خلال الحديث اللبق ..والغزل اللذيذ ..
وعبارات الحب والهيام التي لم اسمع مثلها من قبل لم اكن اشعر بأني اسقط
في شباكه ابدن ..
ولم اصدق الشيك الذي وضعه بيدي ...
حتى افقت باليوم الأخر ...
يألهي كيف استسلمت بهذه السهوله ماذا سيظن بي الآن ..
&
ميشو
لأصدق ان يحدث هذا معي ...
لقد هرب .. هرب مني .. ست ساعات منذو صحوت وخلف لم
يظهر بعد ...
ملابسه موجوده كل شي على وضعه .. أذن اين ذهــــب ....
كيف تجرأ لفعل هذا بــــي ..
اشعر بالأحباط ورغبة بالأختفاء من على الأرض ..
ماحدث معي امر مخزي لأصدق اني طاوعته لفعل هذا لقد خدعنــي ..
كم كنت خرقاء
من السهل معرفة ان خلف كان يخادعني ولكني كنت بغباء حيث لم ارى
ذالك
هل صدق ماقالته شقيقته سعاد رغم جميع مبرراتي ..
انا لأريد تصديق ذالك ..
وماذا سأفعل الآن .. هل سأبقى هنا .. بأنتظاره بعد كل مافعل
.. وهل سيعود حـتى ..
ولكن ماذا سأفعل سوى الأنتظار انا مجرد امرأه ضعيفه ..حتى أني
لأستطيع العوده لرياض لوحدي ..
يألهي لم اكن افكر بأسوء كوابيسي ان امر بهذه الحاله من الضعف
لقد خذلني خلف خذلنـي
كنت اريد التعبير عن مأشعربه بالصراخ ..اجل اريد فعـــــل ذالك اريد
الصراخ بكل ماحمل من قوة
انه ســـــــافل
ماأن فتحت شفتاي لأصرخ بأسمه وقبل ان الحقــــــه بأسوء النعـوت
اجابني صوته
وهو يطبق علي بين ذراعيه ويديرني لأقابله
خلف :عيونه قلبـــه روحـه ..
لأعلم من أين اتى كنت في الصاله اندب حظــي لم اشعر به حينما تسلل
من خلفـــــي ..
كنت ارى التسليه بعيناه وانا كل ماشعر به الغضب الشديد والضعف الشديد
رفعت يدي قبل ان افكر بما سأفعل وصفعتــــه
حلت الصدمه بعينـــــاه لتلحق بها التسليه الشديده ..
رفعني بين ذراعيه يحتظني على صدره
خلف :وش فيك ياروحي كل هذا شــــوق ..
اجبته وان احاول التركيز على الموقف
ميشو :لما تركتني بهذه الطريقه
خلف :كان عندي شغل ياحياتي ومابغيت انكد عليك ..
ميشو :هذا ليس مبرر
انزلني على الأرض وقام بأبعاد شماغه ..
خلف :والله هلكان مو وقت العتاب خليني لين ارتاح بعدين عاتبي على
ميزاجك ..
تعالي اجلسي هنا خليني احد راسي بحضنك وانسى الدنيا ومافيها ..
اشفقت عليه بدأ متعبً جداً ولكني لا لوم علي فقد فاجئني اختفاءه ..
جلست كم طلب ووضع رأسه حيث اراد
يجب ان اسر فلم يهرب مني كما توقعت ولكنهم لم يخبرني اين ذهب ..
ويجب ان لأثق في ميزاجه ..
((11))
[..حدث قبل ذالك /انكشفت الحقيقه..]
خلف
الأتصال اللي وصلني من أمي .. خربط كل حساباتي ...
اصرت اني اجيها بالحضه نفسها .. وماهتمت لو مسافر وطريق
كانت تبغيني اجي .. واللي جنني صوت بكااها كان لازم اروح وطبعاً
ماحبيت اخرب على مشاعل نومها ..
قلت اروح واجي مسافة الطريق بس لأن امي ماراح تقتنع الا بشوفتي
...
لكن اللي ماتوقعته لقيته هناك ...
وهي تبكي عليه ...بعد ايش بعد مادمرت حياتي وحيــــاته..
خلف :ليش قلتي له ليييش .. واللحين جايبتني وش اسوي بعد
ماسويتي سواتس ..
خلاص تحملي نتيجة اللي سويتيه ولو ولدك يفكر مجرد تفكير بزوجتي
بذبحــــه ..
باشا :انت مررررريض اخوك طايح بيموت وانت كل همك الحريم متى
بتعقل انت عن خبالك هذا ...
خلف :انتي اللي هبلتي فيني ليش تقولين له ماقدر ارتاح بعيشتي انا لازم
تسببون علي بمشاكلكم ...
باشا:حرام عليك كيف ماقوله وهو ولدي خلاص اللي مانعني مات وولدي
لازم يعرف الحقيقه
خلف :الحقيقه .. كان بيدك تكشفينها من سنين .. بس انتي كل
همك تنكدين علي ..
تبغين تملكيني باي طريقه .. بس لاااا يمه ماعمري قلتلك لا عشان
مره بس هالمره اقولها ..لااامشاعل ماتقربون لهااااا ..
الا اذا تبغون تذبحوني ..انا اللحين عايش عشان شي واحد بس
وهالشـي مشاعل اللي ماحسيت اني عايش الا من عرفتها ..
تفهمين يمه مشاعل الهواء اللي اتنفسه بالدنيا اذا تبغين تخسريني
تعرضـيلها .. تبغيني ابقى ولدك ابعدي مشاعل من راسك ..
وكملت وانا احس بنيران تطلع مع كلامي ..كنت غاضب وماني مقدر
اللي اقولها
خلف:لأأني لوفقدتهاااا ..بنهيكم كلكم ...
باشا:انت سامع الطريقه اللي تكلمني فيها كل هذا عشان الساحره ...
اكيد مسويه لك سحر الدجاله الحراميه ..
خلف :مسويتلي سحر عمل بكيفهااا بس انتي ابعدي عنهاااا..
جلست بعد ماحسيت براسي يثقل .. ماني مصدق كيف امي خربت
علي بذا الطريقه
والله كنت حاس من قبل مأسافر وهي ناويه على الشر ..
ياربي يعني مايحلى لها تكشف حقيقة ولدها الا على حسابي
بس اوريه الحقير بس خله يفكر بمشاعل اقصف عمره قصف...
خلف :اللحين تحملي اللي بيجيك منه ولاتلومينه تحملي خطأك
باشا:اللحين بدال ماتكون لي سند بتعاونه علي
خلف :انتي اللي غلطتي ..آآه ياراسي بينفجر من الضغط
باشا:سلامتك من الضغط يمه
رحمت امي اللي خايفه علي رغم قسوتي عليهااا
الله يسامحك يمه عاد هذا وقته ..
دخلت علينا سعاد بوجه منقلب
سعاد :أللحين ماتبغون تفهموني وش السالفه مالك وش فيه ..؟!
لفيت علي أمي تشاورني بعيونها
خلف :وش تخبين مصيرها بتدري .. انتي خليتي فيها أسرار
..؟!..
اللحين وين اودي وجهي من عساف اللي دخلته بالموضوع بعدين فضحت
السـر ..
لا ان مالي شغل عمي مبارك هو اللي ضغط عليه .. كان بعد ماجاه
عساف يشكي من ضحى ..
قاله عمي مبارك المصيبه اللي كان داسها .. وعساف ثارت جنونه
..على قولته مايقدر يخون اخوه الميــــــت ..
بس اخرتها اقتنع مثله مثـلي ...
بس انا كنت عارف من قديم وماكنت اقدر اقول شي .. كان لساني
ملجوم ...
وعمي مبارك يقربني منه بكل طريقه عشان مأفضحه عند عماني
وجماعتنا انه مسجل مالك بأسمــــه ...
انا عارف انه كان طمعان يسجلني انا باسمه بس ماقدر لأني كنت كبير
.. فاستغل مالك اللي عمره سنه وقدر يدبرها بمعرفته و
كان من الصدمه لأن جاه ولد بنفس عمر مالك ومات وعمره سنه ...
فموت مالك .. وعيشه هو .. بالأوراق الرسميه
شي زي الجنون كان لابسه
وبعد مادبر كل شي خبر أمي مأدري وش كانت ردة فعلها بس المهم قدر
انه يسكتهااا ..
وبعدها بدأ يفيق على نفسه وعرف حجم المصيبه اللي حط نفسه فيها
وماقدر يطلع منهاااا
ماقدر يتراجع كان جبــان وضعيف ماقدر يعترف بالخطأ اللي ارتكب
ولاقدر يصلح غلطتــه ..
اللي ماجنت على مالك بس جنت علينا كلنــــــا.. كنت مرتاح ان مالك
يعتقد نفسه اخو مشاعل
بس اللحين خلاص عرف الحقيقه ..
واللي اتهمته انه سواه مع وديان ظلم ماراح يتوانى يسويه مع مشاعل
حقيقه ..
ان اعرف مالك واعرف تفكيره بمشاعل بس والله ماراح
اخليه يعيش على وجه الأرض لو فكر فيها ..
((12))
[..مراهقه ام ماذا..]
وعد
كان النوم بغرفة جدتي مرعب صحيت نص الليل نمت وقت طويل وانا
جيعانه نزلت تحت الكل نايم والبيت ظلام ..
ماحد اهتم فيني ولاصحاني يمكن حتى نسوا اني عايشه معهم .. كيفهم
اهم شي انا اللحين اعيش لنفسي وبس هم
ماهتموا فيني ليش اهتم فيهم بس نورا عشانها صغيره الباقين قلعتهم ..
سخنت حليب واخذت معه شابورا
وانا اكل كنت افكر لازم اتغـير ..بكون حلوه ومرتبه وأحلى من شهد
حتى ..هي تزوجت عشانها حلوه انا بصير حلوه وانيقه
وبروح عند امي وهي تزوجني
وارتااح من الغبيات خواتي ومن بنات المدرسه ومن الروحه للمدرسه
..
بس خلصت رحت للغرفة مشاعل باخذ الاستشوار حق الشعر اللي عندها
واسوي شعري
وانا افتش لقيت عندها اغراض مره حلوه وجلست اخذ منها .. ياءالله
الاسكارف هذا يجنن وبيليق على مريولي ...
استشورت شعـري ورجعت انام ..
الصباح قمت بحماس
وجلست ارتب شعري وكل مره اسويه حركه .. لين دخلت علي هند
معصبه
هند:يالله تحركي انتي مو مداومه بعد
وعد :أوف اوف اوف انتي من مسلطك علي ادوام اموت انام مالك شغل
طسي عني
ولاكأنها موجوده لفيـــت على المرايه ..خلاص بترك شعري كذا
وين القلوس اللي اخذته من ميشو
انتبهت له وبجنبه الأسكارف ايه صح مالبسته
اخذته وربطته على قدام لا مو حلو على جنب احلى ..ايوه كذا احلى
هند:انتي يالخبله وش تسوين رايح للعزيمه حضرتك
وعد:اصلاً حنا مانروح للعزايم بعدين للمره المليون اقولك بذا الحلقه
مالك شغل فينــــي انا حرررره اسوي اللي اريد ..
ولفيت احط من القلوس كان اورنج مره حلوو
ايه كذا زين ماحست الدنيا ..
اخذت الكحل القلم جيت احط منه لا وش ذا ازرق اووف احس شكله نكته
علي
هند :لا انتي مو بصاحيه وربي مو صاحيه وعد وش فيك جني متلبسك
وخرت القلم عن عيني لأحوس الدنيا
وعد :انتي ورى ماتطسين ترى كذا ماراح اداوم حتى بكره اطلعي عني
ومالك شغل فيني...
حطيت شي خفيف بالكحل اشوى ماطلع يضحك ..
ولفيت اخذ عبايتي والشنطه اللي ماشفت وش فيها من كتب ..
يوووه ملحوق على الدراسه اهم شي الكشخه
اول مانزلت انصدموا فيني شوق ونوف بس طنشتهم اهم شي ضحى
ماشافتني الباقي كيفهم ..
جلسوا يتحرطمون علي بس ماعطيتهم وجه ..
لبست عباتي وطلعت عند الباب يبون يتهاوشون بالشارع انا جاهزه ..
مارتحت لين وصلنا المدرسه فصخت عبايتي وحطيتها بالشنطه ورحت
اتمشى احس الكل يطالعني عادي ...
كأنهم متعودين علي .. احس فيه شي خطأ مو من عادت بنات
مدرستنا يخلون الواحد بحاله ..
لما دخلنا الفصل بعد الطابور وجيت اجلس بطاولتي قالت لي وحده خبله
من الفصل فيها بلاهة العالم كله ..
:لاتجلسين هنا هذي طاولة الجنيه بنت مبارك ..
قلت بصوت ناعم اقلد شهد ..
وعد :بايخه
صرخت الخبله
:وععععععد مسويه عملية تجميل
قلت لها وانا احرك راسي بدلع
وعد :ياربي يسمعون بعمليات التجميل قراوه
:بنات شوفوا وعد وش مسويه
الحقيره جلسوا البنات يناظرون فيني ويتغامزون ويضحكون بس ماهموني
الغيره تسوي أكثـر..
كل معلمه تدخل فصلنا تستغرب من شكلي يعني كل الناس تغير ليش
ركزوا علي اوف منهم .
رحت للمخبأ السر حق خواتي وانا حاسه بيسوون لي شي
يوم وصلتهم لقيت مشترين لهم فطور وماجابوا لي
وعد :ليش ماشتريتوا لي
هند :لاعقلتي نشتريلك
وعد :يعني مو كفايه اللي تسوونه بالبيت حتى هنا تخليتو عني ..
طلعت من عندهم مقهــــوره ودي احرق فيهم ذولا مو خوات عدوات ..
الحصه الأخيره هاوشتني المعلمه عشان ماكملت دفتري وقالت لي اكمل
دفتري اللحين واجيبه لها اليوم
بس كان ناقصني دروس كثيره وانا بطيئه بالكتابه جلست اكتب واكتب
ودق الجرس وانا لسى ماخلصت صرت اكتب بسرعه
والبنت اللي اخذت دفترها اكمل منه قالت بتطلع واخلي دفتري معها ..
مر ربع ساعه بعد مادق الجرس وانا اكتب لوحدي
بالفصل حسيت الدور الثاني هدؤ ماحس فيه احد برى ابدن كان المكان
صار مهجور بسرعه جمعت اغراضي وطلعت اركض
وانا شايله شنطتي
اللي اول ماطلعت مع باب الفصل طاحت وطلعت كل اغراضي منها نزلت
اجمعهم بسرعه بسرعه وانا اسمع اصوات العلب
واكياس الشيبس والمناديل وهي تحركها الهوء يخوف حسيت اني بفيلم
رعب
قفلت شنطتي عشان ماتطيح منها الاغراض مره ثانيه ونزلت اركض مع
الدرج طلعت بوجهي معلمتنااا حسيت قلبي بيوقف ..
:وعد وش تسوين فوق للحين
وعد :كنت اكمل الدفتر
:كان خليته لبكره انتي مع الباص
وعد :ايوه
:الباص خلاص راح ..روحي لغرفة المعلمات انتظريني بتأكد من
الفصول فوق واجي ادبر احد يوصلك ..
كنت بسحب عليها واطلع مشي بس وانا اتصور الشوارع الفاضيه وعيال
الأبتدائي المزعجين يحذفوني
قلت لا خلني اجلس انتظرها احسن..
رجعت بعد فتره وانا خلاص جاني النوم .. ولاوحده من المعلمات او
الادريات رضت توصلني اخر شي قالت لي انها
بتوصلني لأن المناوبه اصلاً عليها..
لبست العبايه وسويت لثمه مثل شهد ..اول مره اتلثم واطلع بس متعوده
العب بالبيت واسويها
هزت راسها المعلمه وكأن مو عاجبهـا ..
طلعنا وسألتها يوم شفت رجال بالسياره اللي رايحه لها
وعد :ابله هذا مو سايق
:لا مو سايق أخوي ..
لاا ياويلي ضحى بتهاوشني لو درت راكبه مع رجال
وعد :لااا مابي استحي خلاص بروح مشي
:اقول امشي بس ماني فاضيه لحياك ..
اووف وقفت عند الباب ماودي اركب بس يوم نادتني بعصبيه ركبت
ورقعت الباب احسن يستاهلون
اخو الأبله :هيي بشويش على باب السياره هيوف انا مو فاضي اوصلك
عشان اكد على خلق الله..
كان شكل اخوها يضحك بجد يضحك لابس قميص بيت وشماغ برتقالي
لافه مثل الخليجين ..
مادري كذا تلقائي رديت ..
وعد :طيب اوف من زين السياره ..
سمعت الابله تقوله بصوت واطي
الأبله :انت اسكت فضحتنا ..
بس هو خبل ماعليه بس يتكلم بصوت مرتفع
اخو الابله :من هالخبله اللي مركبتها ..
وعد :انت الخبل شف وش لابس
حسيت الابله معصبه ومتفشله وندمانه انها وصلتني تستاهل ليش تخليني
اكمل الدفتر
:وعد خير ان شاءالله هذا اللي ربوك اهلك عليه ..
اخو الأبله :هذي اللي تبغاني **** خيرها بس ذولي ****
مايعرفون يربون بناتهم مايدرون ان البنت
اذا ماكسرت خشمها ماتعدل ..
اووووف قهرني همجي مرره احس الأبله وهي اخته وكبيره مايحترمها
واحد قليل حيا
وعد:اووص ياهمجي بتكسر وتظرب انت داخل حلبة مصارعه ..
ياكرهك
الابله :وعد خلاص ولا الكلام هذا بيوصل لأهلك ..
جلس يسب ويهاوس وانا منرعبه حسيت قلبي بيوقف الله ياخذه هذا وش
ركبني معه
ماصدقت اوصل بيتنا نزلت بسرعه حتى ماقفلت باب السياره ودخلت مع
باب بيتنا اشوى كان مفتوح ...
استقبلتني نوف اللي جلست تصرخ علي عشاني فشلتها بحركاتي بس
طنشتها
اللحين رايحات وتاركتني بالمدرسه ولهم عين يكلموني ..
رحت عند ضحى وجلست اشتكي عليهم يارب يمكن ترجع مثل قبل
وتهاوشهم ..
ضحى :خواتك الكبار ومعهم حق باللي قالوه والمفروض انتي تطيعينهم
مالك احد غيرهم وهم يبغون مصلحتك المدرسه
مو للكشخه والوناسه
المدرسه صرح علم ..
وعد :بس حنا عندنا مكان نروح له غير المدرسه عشان اكشخ فيه طبعاً
لا ..!!اجل تحملـوا تصرفاتي ..
وقمت من عندها متنرفزه ..
((13))
[..أمنيات..]
ملاك
ضحكتني تصرفات وعد مادري وش فيهم خواتي معصبات منها وربي
حركاتها تنكت بجد البنت بدت تراهق ..
بس من ناحيه ثانيه هم بعد معذورين ..لو انا معها بالمدرسه بتفشل من
حركاتها يعني كذا فجاه حست نفسها تبغى تكشخ ..ولا الكحل والروج
بجد ماهو لايق عليها صايره نكته فيهم ملامحها مره طفوليه ماتليق عليها
هالحركات..
ولا المشيه اللي طايح فيها تهز خصرها وهي تمشي .. شي قسم شي
..!!..لو سارا هنا ماتركتها بحالها من التقليد..
من جد الفراغ يسوي بلاوي ولا أنا من متى اركز وش تسوي وعد الخبله
..الله يصلحها بس..
فديت نوره مو مسليني بالبيت غيرها هي وكلماتها اللي مضيعه الطريق
..
ولا لو جينا لباقي خواتي احس نيران شابه بينهم ابتداء بوعد ونوف حتى
ضحى
كلن مو محتمل الثاني والوحده منهم اعصابها كبريت
وانا مو مهتمه وماني قادره حتى اتصنع الأهتمام .. وجود سارا
بجنبي كان يكمل روحي
اللحين احس روحي ناقصه ماعرف اهتم بأحد النصف اللي اهتم عشانه
مكانة فارغ ..
وللأسف مو راضيه بوضعـي ابغى اتغير ودي بشي يملء حياتي ..
دراسه مالي خلق .. مابغى اتمشكل مع احد ولا ابغى اكون طالبة
وهوشات ومعلمات ومديره وكلن بيكبر راسه علي ..
ودي اتوظف بس وش الشهاده اللي بتوظف فيها ابغى اكون غير احس
بالأستقلال ..
بشوف المجتمع مليت من الناس والمستوى اللي انا عايشه فيه ومليت من
نفسي بعد ..
سارا وعايشه حياتها واذا بغت تتسلى اتصلت هي عندها حياتها مألومها
بس انا محتاجه يكون لي حياه ..
محتاجه يكون لي هدف اعيش عشانه ..
وقدامي اخطأ كثيره وتجارب فاشله اكثر.. لخواتي ولي ماراح
امربنفس اللي مروا فيه ابغى اختار شي وانجح فيه
مباشره مابغى اجرب الفشل لأني مو متحمله خساره جديده ..
((14))
[..اهي عاشقه..]
ميشو
أكرهك ..!!..كفاك..!! توقف عن تحديق في بهذه
الطريقه ..
هذا مأريد قوله ولكني لأستطيـــع لساني لايساعدني لأنطق هذه الحـروف
بوجهه ..
من قال أن هذه الحياه أسهل من الموت بتأكيد قد أخطأ ...
لايروقني كوني زوجة حقيقية للخلف كان يعجبني ان اكون الأنثـى التي
لاتنال ..
والآن اصبحت كأي انثى مرت بحياته فتاة عاديه متى ارداها ارتمت
بأحضانه ..لا أتميز عن غيري من النساء ..
اود ان اقول له لاا ..اريد ان اظهر كرهي للمساته .. ارغب ان
اصرخ به انه ممل وغزله مستهلك ولا يعجبني ..
ولكن كل هذا لايحدث ولاأشعـربه ..
لأستطيع ان اتصنع هذا النوع من المشاعر انا لست خبيره كخبـرته التي
تألم قلبــــي ..
فلقد اكتشفت مؤخراً اني اشعربالغيره من تاريخه العريق مع نسـائه التي
لأستطيع ابعادهن عن تفكـيري ..
خلف لم يتزوج مره ولاحتى اثنتين
ولم يتعرف على فتاة ولا حتى عشــــر ..
من سأكون انا في هذا السجل الطويل .. الفتاة المتشرده التي لم يكن
يخجلها ان تصرح عن كرهها للرجال...
ولم احاول بمره اجتذابهم ..سواه هو فقط الوجود الرجالي بالتاريخـي
.. هو يعلم ذالك ..
ولكني اتمنى لو لاا يعلم.. اتمنى لو يكون ماضي غامض بالنســـــبه له
..
لأعلم افكار غبيه تراودني ولكنها من الغيره التي بت اشعر بها مؤخراً
..
كم كنت احتقر المرأه التــــي تريد ان تمتلك الرجل بكل ماضيه وحاضره
وتغضب من ماضي لم تكن فيه وبت اخشى ان اكون هكذا ..
خلف :امممم هاه حبيبي وين وصلتي ...
قمت بتعديل جلستي خلف الكونتر وأجبته بملل من اسألته السخيفه المتعبه
..
ميشو :هنا اين سأذهب بربك ..
أتعمد ان اجيبه بطريقة غير محببه لأخفي مشاعري خلفها ..
خلف :اممم شوشو مافيه امل تكلمين زين ..
بحق هذا السؤال اغضبني ماباله كلامي ..
ميشو :ماباله كلامي الا يعجبك ..
خلف :بالعكس يجنن بس مو بكل وقت عاد .. فيه اوقات ودي اكلمك
وتردين علي زي رد أي وحده ثانيه
هل يعلم ماشعر به من غيره ويسعى لأثارتها ..كلا لايفعل هي مجرد
صدف وهذا حديث روتيني من الممكن ان يحدث بدون سبب
فجميع الرجال يرون انفسهم اسياد زمانهم وأن جميع النساء يهمن بحبهم
ويتمنين البقاء تحت اقدامهم لخدمتهم ..
لأعلــــم لما استرسلت بتفكيري ولكن يبدون ان عقلي الباطن يرسل اشارة
تحذير
يوضح فيها ماسيكون عليه مستقبلي لو خضعت لخلف ..اجبته بتملق
..
وانا اتناول كوب الموكا الخاص به لأرتشف منه رشفات لم تعجبني فقط
لأغيضه ...
ميشو :اذا لماذا اخترتني لماذا لم تختر أخرى ..
ضحك ضحكته الجذابه ... تاريخ ضحكته معي طويل فقد جربت
معها جميع المشاعر في البدايه كنت اخشاها
لأن صوته كان من النوع الذي لم اتعود عليه فكانت ضحكته كذالك ..
وفي فترة من الفترات كرهتها وخصوصاً حينما
يتعمد ان ينفث فيها سحره الرجالي ..
والآن باتت اذني تواقه لسماعها ...واشعر بأن قلبي يتحرك في مكانه
حينما يسمعهــا ..
خلف :رحمتك عنستي ببيت اهلك اشفقت عليك وقلت اخذك عشان خواتك
ماينقطع نصيبهــــم
يألهي لماذا يحب هذا الرجل تكرار هذا الكلمه التي تنتقص من شأني ..
ميشو :اكرررهك
ماأن نطقت تلك الكلمه الا وجدت نفسي محتجزه بين ذراعيه ..
خلف :صدق حبيبتي بس عيونك تقول كلام ثاني وخصوصاً هاللحضه
..هاه قولي أنك تحبيني
وبكل ذعون أنثى عاشقه .. أجبته
ميشو :أحبـــــك ..
خلف بضحكه :حياااتي أنتي ..
((15))
[..الجميع:لاترحـلي..]
ضحى
جلست يومين وخلالها قدرت ابعد مرض عساف والسفر من راسي عشان
اقدر استغل الوقت مع خواتي
واحاول اقرب بينهم ومن كثر ماني اعطيهم محاضرات عن وش
المفروض يسوون من بعدي
صاروا يتهربون من الجلسه معي..انا ماقدر الومهم ولاحتى انا انلام
حالتهم ابد ماتساعد انهم يبقون بدوني
احس اني متسرعه لأن عساف للحين ماقال متى بنسافر واصلاً ماعندي
جواز ولاشدن وحمودي
وعلى بال مايطلع فيز ..اصلاً ماني عارفه وين نوى نسافر ..يعني
السالفه مطوله بس اناا ابغى امهد لنفسي كل شي
ابغى اريح نفسي وراحتي اذا اطمأنيت على خواتي ..وانهم بأمان من
بعدي ..
كنت منغمسه بأفكاري وشدن عندي جالسه تلعب تقص اوراق ملونه
وتلصقهم بدفتر رسم
ماكنت مركزه معهااا وماتوقعت ان مقص الورق الصغير اللي بايدها
بيسوي اللي سواه
ولاتوقعتها هي تنفذ اللي تفكر فيه لأنها سألتني قبل فتره اذا كان المقص
يقص جلد الانسان قلتلها لااا
ماتوقعت انها بتجرب الشي هذا ماشفته الا تناديني برعب ويدها نافورة دمـ
كنت ادور صوتي بصرخ بس ماقدرت بتحرك اشوفها ماقدرت
شفت ملاك اللي جت تركض على صراخ شدن تلف يدها بمنشفه وتشيلها
بتطلع بدون عباة حتى
وانا مكاني ماتحركت لين اختفوا من قدام عيني ..
جلست ادور صوتي بتكلم بنطق رجولي بحركها احس اني بحالة شلل
كامل اشوف نوف تطلع تدخل
لين فجأه حسيت اني روحي رجعتلي واني قادره اوقف على رجولي..
وقادره اسوي اتصال بعساف ..
&
ملاك
كنت توي صاحيه نزلت تحت بفطر قبل ماوصل المطبخ سمعت صرخت
شدن مو صرخت لعب ولاقهر صرخت ألم
رحت اركض لمكان الصرخه لقيتها وملابسها مغطيه بالدم وهي مو
بوعيهااا
وضحى كانت موجوده بس ماسوت شي
ركضت على المطبخ سحبت فوطه معلقه
كانت احس اني قادره اسوي اي شي مو خايفه
ولا رجولي خانتني
كأن اللي قدامي اي احد ومو خايفه عليه ..لفيتها على يدها وشلتها
وش المفروض اسوي لازم مستشفى صحيح
بس ايه اطلع الشارع
مادري بس اتوقع هذا الطريق للمستشفى لحقتني نوف قبل ماطلع
نوف :وين رايحه تعالي وش فيها شدن
ملاك :بوديها المستشفى
مادري صوتي طلع احد سمعه ولاأنا بس اللي اسمعه .. ماتخيل ان
اللي جالس يصير معي حقيقة ..احس اني بالموقف لحالي مافيه غيري
انا وشدن
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك