رواية بلا رقيب -72
قلت بس ابرر موقفي
سارا :من قال بس خفت انك مسوي فيني مقلب مثلاً جوال لعبه
قيس :ليش شايفتني سخيف لهدرجه تفضلي هذا الجوال بس هاه ماتعطين
رقمك لكل من هب ودب ...
احس نفسي مررررره استحيت وومأدري كيف بس شعور غير يعني
قدرته لأنه جاب لي شي ماتعودت
احد يسوي شي عشاني مأدري بس حبيت انه يجيب لي شي ..
سارا :شكراً
قيس :بس شكراً مافيه طريقة ثانيه تعبري فيها عن الشكر
يبغاني ابوسه .. طيب
سارا :وتفضل احلى بوسه
بسته على خده وشوي يلف الخد الثاني
قيس :وهنا بعد ..
اوووو بعدين مصخهاا
...
&
قيس
كان مبسوط وعايش جوه لين ..
:سارررررا
اللحين هذا وش يبي بسارا قايله الف مره مايجي هنااا
طلع له وهو متنرفز
قيس :خير وش عندك
منير :أبغى سارا
رد عليه وهو يتركى على الباب
قيس :ووش تبغى فيها ..؟!
منير :الزلابه هذي عيت تحط لي غداء تقول لازم ماما سارا ..كله من
منيرووووه جالسه توصي عليها
قاطعه
قيس :خلاص انزل انت واللحين تروح لها سارا...
جاء بيدخل بس قبل سأله
قيس :اخوانك جوو
منير :فادي لا بس جابر جاء وشكله نام مأدري بالملحق هوو ..
قيس :طيب روح شوفه لو صاحي ناده على الغداء ..
انقهر يوم شاف سارا طالعه وعليها عباتها
قال بقهر
قيس :روحي قولي للشغاله الزفت تحط لنا الغداء ...
((3))
[..وعد أخرى..]
وعد
كنت انتظر نوف على نار خليها تجي بس والله لأسوي فيها مقلب ماحلمت
فيه
لو ماسمعت ضحـى صوت طقي على الباب يمكن مأحد درى عني وجلست
طول اليوم مسجونه بالسطح ويمكن اموت بعد ..
الدفشه الغبيه اللي ماتعرف تسوي مقالب والله اوريها ..
شدن :انت ليش جالسه هنا انا مليت
اووف ناقصه انا هذي
وعد :وانا حلفت عليك تجلسين معي
شدن :ياغبيه ماحلفتي بس مع مين بجلس انا اكيد انتي
وعد:والله وش اللي يخليه اكيد انك تجلسين معي
شدن :يعني مع مين بجلس
وعد:روحي العبي مع نوره
شدن :نوره تعبانه وماما تقول لاتجلسين معها تنتقل العدوى لكي
وعد :والله نوره ماجاها المرض صدفه انتي يالغبيه اللي نقلتي لها
المرض من مدرستك ..
شدن :بس انا مو مريضه
وعد :انتي مو مريضه انتي مرض يمشي على الأرض
شدن :يا***
وعد :تقلعي بس يابنت الشوارع
ماحسيت الا خبطه على ظهري بغت تطلع روحي
لفيت لقيت ضحى واقفه فوق راسي والشرار بعيونها
ضحى :اذا هي تربية شوارع لأنها جالسه معك شدن قومي ادخلي داخل
..
الحقيره تظربني برجلها على ظهري وتقول عني تربية شوارع والله
اوريها هذي اخت هذي افه مو اخت ..
اكرررهم كلهم ضدي ياليت كنت بنت ناس ثانيين مو ذولا اهلي ..
ياحظ سارا ومشاعل ياليت اتزوج وافتك واطلع من بيت الشؤم هذا..
انفتح الباب وادخلت شوق ...وبعدها نوف اللي هربت على الحوش
يوم شافتني لحقتها
وعد :خوافه اطلعي على حقيقتك والله لو مسكتك انتف حواجبك ..
نوف :أذا مسكتيني يالسحلفاه ..
عجزت امسكهاا الحقيره طياره مو انسانه..
طلعت لفوق وتخبت بغرفة مشاعل وقفلت الباب ..
ركلت الباب وقلت لها
وعد :لاتطلعين لأني بصفقك ..
سمعت هند تناديني من تحت ..
رحت اطل من السلم
وعد :نعم اشتبغون
هند :تعالي بنتغدى
وعد :اتغدوا مابي اشاركم بشي خلاص انسوني ..
ابغى مكان اخليه غرفتي لحالي وشفت غرفة جدتي ايه هي اللي بتكون
غرفتــي
نزلت تحت وجمعت اغراضي وهند تطالعني باستغراب
هند :وش تسوين انتي
وعد :وانتي وش تبغين لاحقتني
هند :بشوف وش سالفتك
كنت اجمع اغراضي باللحاف لأن ماعندي شنطه
وعد :سالفتي مو سالفتك فانقلعي عني
هند:انتي ليش لسانك طويل انطمي وقولي وش تسوين انا اكبر منك
بعدين لو متذكره انا أختك يعني ليش شغل فيك ..؟!
وعد :روحي عن وجهي زين اختي طيب عارفه يحتاج تذكريني يعني
ياكرهي لحركات المسلسلات ..
هند :وعد بلاخبال لاتتوقعين بنخليك تطلعين من البيت اعقلي لأقول
لضحى ونسجنك فوق ..
وعد :ليش شايفتني مجنونه اهرب
هند :طيب وش تسوين
لميت اخر اغراضي اللي هي شنطة المدرسه وطلعت من الغرفه وهي
تمشي وراي
وبس تكرر وعد وش تسويين مثل الببغاء
لفيت عليها بعصبيه
وعد :شوفي اذا مابعدتي عني بظربك مع يدك الملفوفه ..
بس ماطست اللصقه لحقتـني لين دخلت غرفة جدتي
هند :هي انتي وش بتسوين هنا
وعد :مااالك شغل تسمعين مالك شغل لاتحشرين نفسك بأموري
هند:اقول انطمي ترى عطيتك وجه مو بكيفك تجين هنااا انتي بزر
ماتبقين لحالك ..
اوووف الحقيره هذي وش تبي ..
وعد :أسمعي مابي امد يدي عليك وانتي اكبر مني
هند :لا اذا بتوصل لمدت اليد فكينا
واخيراً انقلعت البارده مسويه الأخت المثاليه ..
رقعت الباب وراها ورميت أغراضي على سرير جدتي اللي ماعليه شــي
..
اووف اللحين كيف بنام بغرفة وحده ميته .. اخاف تجيني أشباح ..
ولا روحهااا ساكنه المكان .. لاا استغفرالله الأرواح هذي بدع ..
ياربي ان شاءالله مايصير شي يخوف بالمكان عشان مأرجع لغرفتي مع
نووف ويضحكون علي ..
احس الغرفه ظلام مع اني فاتحه الأنوار .. وش القصه
ليكون صدق مسكونه ..
والأشباح دايم تسكن الدواليب ..
بحط لصق على باب الدولاب عشان مايفتحون ويطلعون اذا كانوا
موجودين واذا ماكانوا فيه انا برتاح..
كنت جالسه افكر وانا على السرير وماحسيت بنفسي الا نايمــــــــه ..
((4))
سارا
غريبه قيس اختفى .. من بعد الغدى اللي للأسف جلست عليه لوحدي
لأن خالتي اكلها غير ..
قمت انام واستغربت لما صحيت مالقيت قيس عجيب مانام الظهر يعني
..
المهم قمت صلت وتجهزت ونزلت تحت سويت قهوه وجلست لوحدي مافيه
احد لين دخل منير ومعه كتبه ورماها على الأرض وجلس ..
منير :أووف واجبات اسابيع ماحليتهاا وش اسوي اللحين
سارا :شفت قيس
منير :لا اصلاً حتى ماصلى معنا ..
بجد السالفه فيها ان ..
جلسنا لين المغرب وانا كل خمس دقايق افكر وش سالفته كذا فجأه اختفى
مو عوايده
لين دخــــل علينا وشكله منتهي من النوم
قيس:ليه ماصحيتوني
انا ومنير وجيهنا اكس مو فاهمين شي يعني هوكان بالبيت وحنا متوقعين
طالع ..
ماشاءالله علينا اذكياء مره بس يعني معذورين حنا يعني لو بالبيت اكيد
بالغرفه ..
سفهنا وطلع فوق لأن اتوقع لوجلس لين الليل ماحد تجرأ يرد عليـه
اطلع ماطلع اطلع ماطلع لاوالله البيبي اللي مايعرف يسوي شي طقاقه
مالي خلق احرك رجولي انا مرتاحه كذا ..
بعد ربع ساعه نزل ومباشر طلع للصلاه ..
مادري وش فيني مكسله عجزت اطلع فوق قلت بصلي تحت وقلت للخبله
الخدامه تسوي قهوه عشان لو يرجع ..
((5))
ضحى
مأدري وش فيهم خواتي يعني يوم أخذت قراري بالسفر بدت تطلع
مشاكلهم
اللي تصعب علي الموقف ..
نوف وعد مأدري وش فيهم قالبين على بعض وكل وحده متحامله على
الثانيه
الصراحه بديت أخاف اتركــــهـم
ياليت عندي احد اعتمد عليـه المشكله كل خواتي تقول يانفسي ولاوحده
تشيل هم الثانيه ..
مأقدر اتركهم على هالحال ولا اقدر اخلف وعدي مع عسـاف يعني لازم
القى لي حـــل
ومشاعل مأدري وش سالفتها مع صديقتهااا اللي تقول بتروح تجلس
عندهااا من راحت وادق عليها وعلى طول جوالها مقفـــل ..
يارب تتيسر الأمور ابغى اسافر وانا مرتاااحـــــه ..ودي اليوم قبل
بكره ابتعد عن هالمكااان
ابغى شي جديد ينسينـي الماضـي ..ويمكن لارحنا هناك نشوف حل
للمرض عساف كل شي جايز ..والله كـــريم ..
كانت شدن تلعب عندي مابغها تلعب مع نوره عشان ماتنقل لها المـرض
..على انها ميته تبغى تجلس معها بس اخاف يتنقل لها
المرض ومنها لحمودي ..
شدن :ماما خلينا ناخذ معنا نورا
ضحى :ناخذها وين
شدن :بالسفر
ضحى :لامانقدر نأخذها
شدن :ماما والله حرام ماعندها ام هي صيري امها ماحد يبغى يكون امها
ضحى :ياءالله شدن لاتعورين راسي خليك بلعبك وامور الكبار لاتشغلين
نفسك فيها
شدن :بس انا ماقدر مافكر فيها هي مسكينه وبيبي
يقهرني كلامها لأنه يحسسني بالذنب ابغى اسكتها لأنها تقول الحقيقية اللي
تعور قلبي
ضحى :شدن روحي عني ولابعاقبك ..
طلعت من عندي وهي تصارخ
شدن :أووووووووف منكم ماتحبون الصدق
والله هذي وعد مو شدن ..
[..أعتذر..]
((6))
سارا
كنت بنام بمكاني يوم دخل منير وعطاني كيس كبير مره ..
منير:هذا قيس قال اعطيك اياه وهو راح للأستراحه ..
اخذت الكيس وفتحته شفت ملابس معقوله حقي
منير:وش فيه
سارا:وانت شكو يالملقوف
منير:قلتيها ملقوف يالله بروووح العب كوره بالحاره ..
قلت بحماس
سارا:ياليت شباك الغرفه يفتح على الشارع عشان اتفرج عليكم
منير:درايش الملحق تطل عليه
سارا:احلف بس تبغى قيس يقتلني بعدين اخوانك ممكن يجوني ..
منير:احسن خل يطقك ويصير اكشن ..مع الباي
استغفرالله وش التحريف هذا قهر راح قبل ماقوله انه حرام ..لاحقه
اقوله لارجع ..
شفت الشغاله سألتها عن خالتي قالت سوي صلاة ونوم ..
ههههههه الله يرجني صرت اتكلم مثلها ..
طلعت فوق ومعاي الكيس نزلته على السرير وفصخت عباتي اووووف
من العصر علي ..
جيت بغير ملابسي حسيت بالجوال اللي بجيب البنطلون
ياءالله نسيت وماستخدمته ..فتحته وشفت الأرقام دخلت رقم بيتنـا
واتصلت ماطول يرد ردت ضحى
سولفت معها شوي بعدين قلت لها تعطينــــي ملاك ..
وجلست اسولف معها ماحسيت بالوقت كانت المكالمه فوق الساعه الكامله
دخل قيس ورفع حاجب يوم شافني متمدده على السرير وأسولف ..
سارا :طيب ملاك خلاص بروح اصلي
كانت ملاك تقول يعني عشانها مو عندي اخرب واخر صلاتي مو كأنها
هي بعد تسولف معي وماصلت ..
سارا:شوفي حالك قبــــل ..يأختي لو انتي حريصه حتى ابليس
مايشغلك روحي زين مع السلامه..
قيس :ماشاءالله وش المكالمه اللي مشغلتك حتى عن الصلاه
سارا :أكلم ملاك ..بروح اصلي بعد الصلاه قول اللي عندك ..
شفته يروح لسرير وينام على نفس المكان اللي كنت متمدده عليه بالعرض
..
شافني اطالعه
قيس :يالله صلي
سارا :طيب ..بس لاتجلس تطالع فيني ماحب احد يراقبني بصلاة
..
لفيت عنه بصلي اشوى ان القبله مو جهته ولاكان ماقدرت اصـلي ..
اول ماخلصت صلاة جاني صوته وشكله بس كان ينتظرني اسلم من
صلاتي
قيس :مافتحتي الكيس صح ..؟!
طولت شوي قبل مارد عليه
سارا :لا ليش
قال وشكله تنرفز ..؟!
قيس :طيب تعالي شوفي
اصلاً ماهتميت حتى اشوف وش داخله مأدري ليش يمكن لأني بطبعي
مأحب الفضول ..
مأدري ماعندي مبرر واضح ..
فتح الكيس وبدأ يطلع شغلات .. فساتين لااا من جده هذا نفذ كلامه
اووما بلبس ذولي ..
مأحب اصلاً انا مريول المدرسه اتضايق منه مأحب شي فضفاض احب
اللبس يكون على تفاصيل جسمـي ..
قيس :وش فيك كان ماهو عاجبك ..؟!
سارا:ياربي ماتعودت البس كذا
قال وهو يطلع قيس متوسط من الكيس الكبير ويحطه بين يديني
قيس :طيب وين المشكله تعـودي ..وشوفـــــي ذولاا بيعجبونك كثير
ليش قالها بخبـث ..
سارا:وايش هذا ..؟!
قيس:مادري افتحي خلينا نشوفه سوى ..
مادري مافكرت كثير وش بيكون ..
فتحت الكيس وطلعت اولى قطعه ..
يؤؤؤؤ وشذا والله هذا من مبطي قايله راعي حركات
سارا:ليش
قيس :وش اللي ليش
سارا:ماعجبتني حركتك
قيس :اي حركه
تذكري كلمة جوليت بالفيلـــــم انها مو دمية عرض تنفع هناا
سارا:انا مو دمية عرض ..انسانه انا والبس اللي يعجبني ماحد
يفرض علي شـي..
اخذ الكيس وقام يحطه بدولابه ورد وهو معطيني ظهـره
قيس:طيب براحتك محد فارض عليك شـي ..
&
((7))
قيس
ماتوقع منها هالرد كان يعتقد انها كتاب مفتوح قدامه وهذي هي تثبت انها
تقدر تخيب توقعاته
بس اختار افضل طريقة ينهي فيها الموضوع .. يبني لها انه ماهو
مهتـــــم ..
قيس :ماسألتيني ليش جبتهم
سارا:مادري
قيس :بس كذا شفتهم واعجبوني قلت اخذهم لك ..؟!
لو قدام احد ثاني انكشف انه يبرر بس قدام سارا مستحيل تنتبه ..
قيس :يالله ننزل تحت انا طلبت عشاء من برى واكيد ماوصل
كان واقف وماد يده لها بس استغرب يوم هزت راسها بالرفض .
سارا:مابي اليوم تغديت لحالي ومو مشتهيه اتعشي لحالي بعد ..
طنشها وطلع كان وده يقولها انه بيجلس يتعشى معها بس هو متعود على
كذا
يترك رياجيل عشان يتعشى مع اهله عيب بحقـه ..
رجع على ساعه وحده..
اول مافتح الباب سمع صراخها ..
فتح الأنوار واسرع لها
سارا:لأااااا لااا لاااا
جلس قريب منها وهو يهزها عشان تصحى
قيس :ساارا وش فيك اصحي
بس ماصحت استمرت تنتفض والدمع مغطي وجها
قيس :بسم الله عليك اصحي سارا
سارا:لاااا
كلمها بعصبيه
قيس :سارااا
جلست وهي تتنفس بقــــوه
قيس :وش فيك
كانت تتلفت حولها وناظرته برعـــب
سارا:لأااا وش تبغى روح عنـــــي ..
مسكها مع كتوفها يحاول يهديها بس انتفضت بقوه وبصياح عالي ويديها
تغطي وجها ..
سارا:وخر عني ياوووحش
انقهر منها وحضنها غصب على صدره .. وبداخله يحس بنار تغـلي
..
وبعدين مع هالخوف منه ماانتهينا يعنــي كم وضح لها انه يخاف عليها
اكثر من انه يخوفها
بس الصوره اللي داخلها عن الوحــــش ماهي راضيه تنمحـي ..
((8))
[..أنا الأمان لاتخافيني..]
سارا
صحيت على منبه قيـس كنت احس جسمي مكسر ..
مع اني نمت البارح بدري ..
مالقيت قيس تو المنبه دق امداه طلع يصلي بعدين لو طلع اكيد بيقفل المنبه
..
وش سالفة طلعتي اوضي بعدين رجعت للغرفـه لقيته جالس على السرير
بثوب ابيض شكله ماغير لبس من أمـس ..
سارا:ليش مانمت
وليتني مافتحت فمي لف علي بعيــــــون تخرع ..اكيد هذا سهران
وطول الليل يدخن
واضح عليه ارهاق على عصبيـه على هواش جاي بالطريق .
قيس :يعني اللحين مانتي خايفه ..
كلمته حسستني اني مسويه مصيبه
رديت عليه وانا رايحه الدولاب اطلع لي لبس ..وطاحت يدي على
واحد من الفساتين اللي جابها امس فستان
يصلح للبيت مادري ليش سحبته بلبسه..
سارا:لأني واثقه اني ماأخطأت بشي يستحق اخاف منه
مادري كيف بس طلع الكلام معي تلقائي يشرح المعنى اللي احس فيه
وقف وقرب مني ..
قيس:بس بأحلامك تشوفيني اخوف ..
حسيت اني ببكي اكره كذا اكرهه
سارا:انت اللحين تخوفني لاتسوي كذا ..
حقير وحش يتعمد يخوفني قرب لين لصقني بالدولاب
قيس :وش سويت قولي سارا وش سويت انا عشان تخافين مني ..
خلاص قلنا انسي الماضي شوفي انتي من تزوجنا وش تسوين وانا امشيها
لك تعتقدين لو احد غيري وكاشف
لعبتك انتي واختك بيسكت عليك .. بس انا عمري ماعديتك انسانه
عاديه بحياتي .. سارا افهمي عاد انا حاط لك
مكانه كبيره بحيـــاتي لاتخربين على نفسك صدقيني مالك غيـــــــــري
حافظي على اللي بينا بكل اللي تقدرينه ...
كنت ابكي والله كلامه خوفني وبكاني وحسسني ان المستقبل يخوف
حسسني انه لو ماهو موجود انا ولاشيء ..
يعني لو ماهو بحياتي ماكان حصل معي اشياء كثيره .. هو كان دايم
موجود بحياتي من طلع على الدنيا
مو شرط يكون كابوس حياتي .. ممكن اقول انه الجزء الصعب
فيها.
سارا:انت ليش تقــــول كذا .. انا ماسويت شـي ..انا احبك
لاتخوفنـــــي ..
ارتحت يوم حضني وهو يقول
قيس :انا مابغاك تخافين مني لأن الشي هذا يحرق دمــــي ..يعني
تتوقعين شي بسيط انك تشوفين كوابيس بسببي...
مادري عن ايش يتكلم بس اهم شي انه خلاص مو معصب علي ..احبه
بس اخاف منه لاعصب
واحس ان ماعاد فيه شي اسمه قيس وتحول لوحش بيقضي علي بأي
لحضه ..
((9))
[..وانقلب السحر على الساحـر..]
ميشو
بدأت الأستعاد لليلتي الثانيه ولنرى ياخلف من سيربح
شعرت بالرغبه شديده بأرتداء زي غريب كانت هذه احد الصفات
المتأصله فيني
حب التميز ... وبالملابس كنت اعشق كل غريب وشاذ ...
كل مايعبر عن شخصيتي المتشرده ... ولكن بالأونه الأخيره بدأت
ارتدي مايعجب الناس ويرفعني بنظرهم ...
لم يكن بين ملابسي ماهو غريب ولكني استطعت الحصول على ذلك
المظهر بعشوائية مارتديت ...
آآه هناك شيء اخر اجد نفسي تواقه إليه الرسم.. احب رسم شعارات
كالوشوم واجيد ذالك بدرجه عاليه ..
رسمت على رقبتي فراشه وعلى كتفــي قلوب صغيره وكبيره ..
ماأن شعر بوجودي خلف حتى هتف ..
خلف :المتشرده ..؟
اخترت ابعد عنه لأجلس ليس هروب منه ولكن لمعرفتي انه سيحضر
لجلوس قربي ..
ميشو:حقاً كنت تكرهني
كان لي ماأردت جاء إلي بقدميه ..
خلف :كنتي ترفعين ضغطي
كان يقولها وهو يمد ذراعه خلفي ..
ميشو:لم أتعمد ذالك .. ولكنك كنت تنظر لناس بتعالي ...
خلف :ماطرى على بالي ان اخرتها بتزوجك ..
ميشو:وهل تعتقد اني خططت لذالك ..
امسك بخصله من شعري بطريقة قاسيه وشدها إليه حتى لامس راسي
كتفه..
خلف :ماحلم كنتي تبين الفكه مني لين اخرتها امس ..
ابعدت رأسي عنه رغم شعوري بالألم
ميشو :هيا توقف عن ذالك انا ابدن لم ارفضك انت الذي لم يقدرني ..
واخيراً حرر شعري واعتدل بجلسته ..
خلف :وقدرك بالفلوس..!!
وامسك بكفي ووضغطها على صدره..
ميشو:لم استشف اي قدر معنوي منك دعني احظى بالقدر المادي ...
خلف :طيب ليش مانتفق..؟
افلت يدي من قبضته وربت فيها على صدره ..
ميشو:كلا لاتحاااول ..
خلف :بعطيك ضعف مهرك ..
كان يقولها بعد ان امسك بكفي ورفعها لشفتيه لتقبيلها
ميشو:المهر الذي استولى عليه شقيقك الجرذ ..
خلف :ماعطيته شي عشان يستولي عليه ..
ميشو:حقاً اذا لما لم احظى عليه حتى الآن الم اخبرك اني رخيصه لديك
...
خلف :خلينا من هالسوالف اللي لاتودي ولاتجيب .. مهرك بالعقد
100000.. اضاعفه لك وخلصينا ..
ميشو :كلاااا لن ارضى بذالك ..
احتد صوته وشعرت به كتلة نار بجواري
خلف :مشاعل لاتعبينـي ..
ميشو :يسعدني ان اكون سبب تعبك ياعزيزي ..
رأيته فجأه يحدق بي بشده ..
مد يده لرقبتي
خلف :وش هذا
ميشو :الا يعجبك
ولكن صرخ بطريقة هزت جسدي رعباً .. هو بصوته العادي مرعب
كيف حينما يصرخ ...
خلف:قلت لك وش هذا ..؟؟؟؟؟؟!!
ميشو :برأيك ماذا مجرد رسوم بالألوان سأغسلها اذا كانت لاتعجبك
ولكن توقف عن الصراخ لي بهذه الطريقه ..
عاد ليجلس بقوه وهو يزفر
خلف :أوووف منك احرقت اعصابي ..!!
وبدأ بتدخين سيجارته
حقاً انا من هز بدنه يال الرجال ..
قام بعد ذالك وأخبرني انه سيدخل للأستحمـام ..
وأخبرني انه قد طلب العشاء اذا حضر وهو لم يخرج لأتصرف من نفسي
حسناً ايه الرجل الغيور.. تمنيت ان اقولها له ولكني خشيت غضبه
..
لكنه العشاء لم يأتي الا بعد خروجه ..
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك