رواية بلا رقيب -76

رواية بلا رقيب -76

خلف :طيب ليش بطبع مو بنسخ ..

مشاعل :لا اصدق انك صفعتني

لازم تنكد وش دخلنا بهالموضوع اللحين

خلف:انا ماحب المره النكديه والكفين اللي جوك بعطيك بدالهم

اللي ينسيك طعمهم ...

مشاعل :وهل تعتقد ان كل شي بالماده يمشي

همست لها بطريقه تنسيها اسمها

خلف:مو بس بالماده معنوي بعد بس تعالي عندي اللحين ...

مشاعل :أخبرتك اني لاستطيع ...

خلف:خابر كلامك ماتقدرين لأن كرامتك فوق كل شي

ولأني همجي بربري وشايف حالي على الحريم

شفتي كيف مانسيتهااا ...

مشاعل :ياءالله كيف استطعت تشويه حديثي بهذه الطريقه ..

خلف :عمري انتي تحبين السوالف كثير بس انا احب الاعمال اكثر...خلصيني اللحين تبغين امرك او تجيني ..

مشاعل :حسناً اين سنلتقي...

والله البنت صايره مطيعه بطريقة تشككني ..

وين قوة البأس اللي كانت متلبستهااا ..

مشاعل

بعد اقفالي الهاتف اقنعت نفسي ان رغبتي

بالذهاب إليه فقط لأني اريد ان اسحب منه المعلومات ..

وليس رغبة بلقاءه ...

حسناً سأذهب ولكني لن أتساهل معه

سأكون انا الأقوى ..

وكم ارغب بان تتاح لي الفرصه وانال منـه ...

اخبرني ان التقيه قرب أحد الفنادق وسيقلني من هناااك ..

كنت استعد لنهوض وماذا لو لم اذهب

اليس هذا يعتبر درس لتلقينه ...

عادت لمكاني ونظرت لساعة هاتفي

تبقى ساعه ونصف على موعدنااا...

عدت لأرساله رسالة مليئة بالغزل مره اخرى والحقتها بثانيه وثالثه ...

ارسلني ان لم أكن اقضي الوقت بالأستعداد ..

فأخبرته اني لست كباقي النساء بحاجه لأستعداد فأنا كامله ..

بعد مضي نصف ساعه اتصلت به اخبرني انه خرج للتو من المنزل وبدأ يحادثني وهو يسوق سيارته

وأخذ يهدي الأغاني لي

واخبرني بانه شديد الأشتياق لي ولرؤية عيوني التي تفتنه ...

وتأسف لأنه لم يتغزل فيها اخر مره ألتقينااا بهااا ..

واعلن انه ماأن نلتقي لن يبعدني ابدن عنه ..

لأن الدنيا اكثر تفاهه من اضاعتها بالفراق ...

اغلقت الهاتف بعد ان اخبرته اني سأصعد الآن لسيـارة

وبعدها اقفلت هاتفـــــي ...

ليلة سعيده ياعزيزي..

هو الآن مشتاق

سينتظر كثيـراً

ثم يتصل لأني تأخرت ولن يجد أجابه سيصاب بالجنون

سيذهب للمنزل ولن يجدنــــــي وبأخر الليل سأرسل له أني خدعته وهذا انتقام الصغيـــــــر ...

خلف

تأخرت المفروض قبل نص ساعه تكون واصله ...

نص ساعه مع هالزحمه تصـير ساعه اصبر اشوي وهي بتجي .. ماني متصل تصدق اني ماقدرت اصبر عنها

..ايه بعد ايش ماني فضحت كل شي يوم كلمتهااا ...

فرقعت اصابعي ورجعت اطل بمراية السياره

ارتب شماغي ..

بس نسينا ان مدامناا ماتحب الشماغ ولا اللبس السعودي

يعني ماراح نعجبها بجميع الأحوال ...

شغلت سي دي محمده عبده ..

ثواني وقفلته استغفرالله ...اللحين بهالعمر وماقدرت اضبط

نفسي كيف بربي عيالي بكـره ...

عيال واخيراً ياخلف اقتنعت انك محتاج عيال ...

بس عيال ماهن بنااات ..

لاويازينهن لو طلعن مثل مشاعل

بيدخلني شهار ...

.

.

وابحـر بتفكيره عيال ومشاعل وعائلة صغيره

ماحس انه اقتنع اخيراً

بزوجه تستحق انها تكون ام لأبنائــــه

لكن هل هي حقاً تستحق تكون أم ..

.

.

طلعت جوالي اتصلت عليها

لقيته مغلق ضاقت الدنيا بوجهي

وينها تأخرت مرت نص ساعه على موعدناا

مو سالفة زحمه هذي ..

هي عارفه متى لازم تطلع عشان توصل بالوقت المحدد ...

ولاهذي مثل حركتهااا ذاك اليوم

تتعمدت تأخر ..طيب والجوال وش لزمتها قفلته ..

بدت الوقت يمشي والدقايق تحولت لساعات تعمدت تسويها فينـــــي

هذي حقارن ورد على الكف اللي ظربتها ..

بس ماعرفتي من تحدين يامشاعل ...

سارا

تأخــر قيس مـره ماجاء يأخذنـي جت الساعه 11 وهو ماجاء ولاأتصل

وملاك طفشت مني لأني قلقانه وطردتني ونامت ...

نزلت شوي عند خواتي وانقرفت من هوشات وعد ونوف اللي ماتخـلص ..ياربي وش اسوي اخاف صار له شـي عاد ماني فاضيه اصـير ارمله ..استغفرالله وش هالتفيكر مابي ابكي لامات ..اوف لامابغاه يموت قسم ماني صاحيه فيه وحده تقول عن زوجها كذا ...

خبله قسم انا خبله ..

ماقدرت اتحمل اكثر لبست عبايتي وهم لفوا علي

سارا:وش فيكم بروح

هند :أول مره اشوفك مستعجله على الرجعه

شوق:لا ويوم هو ماجاء ياخذها

سارا:طيب اكيد انشغل وانا فيني نوم بروح اناااام احسن لي وبعدين

البيت كلها خطوتين ..

نوف :خليني اجي اوصلك

كنت متوتره وانا اقفل ازرار عبايتي

سارا:اجلسي بالبيت مابي احد يوصلنــي ..

وعد :انا مو رايحه مكان اخاف الشمس تأثر على بشـرتي ..

نوف:شمس باخر الليل الحمدلله والشكر حافظه الكلمه وماتدري وين تحطهــا ..

وعد :والله انتي اللي حافظه الكلمه الشمس اصلاً حتى بالليل موجوده بس بالقسم الثاني من الكره الأرضيه يعني كلامي صحيح اشعة شمس للحين موجوده وأكيد بتأثر على بشـرتي ...

اخذت شنطتي وانا اسمع وعد تكمل مشوارها الطويل

ياربي من اللحين ارتجف كيف لا شفته

فتحت باب الشارع وطلعت

طيب انا ليش مرتبكه وش يعنـــــي

بيقول ليش رجعتي بقول جاني النوم ورجعت عشان لو نمت هناك

بتسبب لي مشلكه ..

كان باب الشارع مفتوح دخلت وانصدمت تمنيت

الأرض تنشق وتبلعنــــي كان فيه كثير رجال بالحــــوش بسرعه توجه للمدخل بدون ماشوفهم

احس المكان كان سوالف يوم دخلت سكتو او يمكن انا صرت ماعاد

احس باللي حولي دخــلت بسرعه لصاله لقيت منيره مع خالاتها وبناااتهم ...

اوووووووف بجد ياليتني ماجيت

سلمت عليهم وجلست وكلهم يناظروني بنظره مادري كيف

بس قهرتني

حتى منيره قهرتني حسيتهااا مو طايقتني خير ان شاءالله ...

والله ماجلس عليهم بعد هالنظرات سحبت نفسي وطلعت فووووووق

الله يقلعكم زين ..

اكره احد يناظرني كذا اوووووووف ..حسيتني كائن نازل من السماء

فصخت عبايتي ورميتهااا ودخلت اغسل وجهي يمكن لاراحت الحراره اللي فيه انسى الأحراج

طلعت لقيت قيس واقف بنص الغرفه ..

مباشره قلت ..

سارا:فيني نوم ورجعت لو نمت هناك كان سويتلي مشكله ..

ماكان يتكلم بس قرب مني ومسكني مع يدي يبغاني الف

مادري كنت اناظره بعيونه اشوف وش يفكر فيه بس ماكان يناظر بعيوني كان يناظر..اوووووه الفستان كيف نسيت كنت ناويه افصخه قبل مايشوفه علي ..

لفني بيديه حتى صار وجهي لاصق عند وجهه

..

سارا:اوووف وخر وجهك من قريب يخوف

قيس:والله

سارا:ايه والله

حسيت صوت تغير وهو يقول

قيس:اشتقتلك يالخبله ...

يووه طيب ليش يناظر كذا

سارا:اجل اشوى اني جيت ورحمتك

مادري كيف قلت هالكلمات بس حسيت انها عصـبته وعيونه بتطلع

بس بسرعه رجع وجهه رايق وفكني

قيس:صدق خبله ...

سارا:انتي وش فيك طلعت مو عندك رجال

قيس:كانوا طالعين بس هم يحبون الهذره حتى وهم على الباب ..

سارا:شفت انكم بعد تحبون الهذره انا ملاك نامت وخلتني يعني احنا

ارحم منكم ..

قيس:طيب اذا بسمع كلامك بنام واقف بدخل اتروش لاتنامين ..

طفشت يوم قالي كذا غيرت ملابسي بعدين حسيت ريقي ناشف جيت اشرب مويا بس الثلاجه مافيها يعني لازم انزل اخذ من تحت اوووووف

لبست عبايتي أي كلام واخذت الطرحه ونزلت ..

على اساس كلام قيس انهم طلعــوا تفاجئت لما لقيت الحريم لسى موجودين ..

مريت بسرعه وتمنيت ماحد يلاحظني لأنهم جالسين بصالة الجانبيه ..

وبسرعه دخلت المطبخ وقفلت عبايتي ازرتها كانت مفتوحه

وانا لابسه بيجاما مره قصيره ..

اخذت المويا وطلعت بسرعه وانا طالعه بسرعه بوجهي طلع واحد كان قلبي بيطلع من مكااانه اشوى فادي مو جابر

والله كنت بنتحر لو هــــو

وخري عني وكمل طريقه وهو يصفر

احلف ..!!..وربي انهم منتهين ذا العائله ...

دخلت ولسى قيس ماطلع اشوى

اوووف اصلاً ماراح اقول اني نزلت حطيت المويا فوق الثلاجه لأنه كبير ومايدخل جواهااا..

وفصخت عبايتي وجلست عالسـرير ..

قسم ملل وش اجلس انتظره وش اسوي لاتلفزيون لاحاااجه

مو معقوله ببقى على طول كذا عايشه بملل ابغى مكان اكبر اخذ فيه حريتـــي ...

بس عارفه مستحيل يرجعني الشقه عشان امه...

قيس

كان يحول يأجل الكلام اللي عنده

بس خايف عليها

يخاف احد يجرحهاا بالكلام لازم الكلام يجي منه مو

من أحد ثانــــي ..

دخل بالغرفه بعد مانتهى متحمم ولابس لأنها تنحرج يلبس قدامهااا..

وهذي بعد غلطه منه لأنه خوفهاا منه

دخل بحيااتها بوقت ماستعدت فيه للزواج ولا تهيئت نفسياً

كانت خايفه من كل شي واي شـي ..

وهو يكره يسبب لها توتر او خوف حتى بسبيل انه يعودهاا..

كانت نايمه على السرير وتناظر السقف

اول ماشافته تعدلت بجلستهاا على السرير

وقالت

سارا:ابغى تلفزيون اووف ملل هنااا ..

وقف قدام المرايه يجفف شعره ..

تقتله اذا كانت كذا بريئه وبايعه الدنيااا

يحس بوضاعته كيف تجرأ وسوى اللي سواه حرمهاا حتى تسوي عرس على عيون الناس

وهذي هي الناس بدت تتكلم فيهــــم ..

سارا:اوووه اكرهك اذا سكت ومارديت ..

رمى المنشفه وجاء يجلس عندها ..

قيس:وانا اكرهك اذا كنتي تبغين شي وبنفس اللحضه لازم يصير ...

لاحظها وهي تدفع نفسها عنه

قيس:وانتي للحين من تروحين ترجعين بحياك ...

كذا حالتها من تروح عند خواتها وترجع ماتجلس حتى جنبه من الحياء

غريبه هالبنت ماكان يوضح انها حيويه من كانت صغيره وهي جريئه حتى مع الرجاال ..وبعد ماكبرت شافها بمواقف مختلفه وماكانت مستحيه توقعهاا ماراح تستحي منه وبتقهره جرأتها بس

ينصدم يوم عن يوم انها تصير اكثر حياء ...يكره اللي يفكر فيه

مايبغاها تصير تخاف منه ماتستحـــــي ..

انتبه عليها تغمض عيونها وتحرك راسها كانها تبعد شي عنه ...

واضح عليها النوم ...

قيس :نعسانه ...

سارا :اكيد مو قلتلك جايه عشان انام وانت بس تحبب تهذر

ضحك بقوه كالعاده بس تنعس تبدأ تقط خيط وخيط وتنسى حتى خوفهاا..

قيس :بس اليوم ناوي اعذبك بجلس اهذر حتى الفجر

حاولت تدفه وواضح عليها الوهن ..

سارا:روح زين ..

ونزلت راسها بتنام بنص الســــرير ...

ضحك على حركتهاا

مصدقه نفسه بالنومه هذي رجولها عالأرض وراسها بوسط السرير

مايجي الصباح الا وهي معــــوقه ...

عدلها نومتهااا ..

وهو مقهور من نفسه ليش ماقال لها الموضوع قبل لاتنااام

اللحيـــن ماراح يجيه النوم من التفكـير ...

ضحى

من طلعت الشمس واناا صاحيه مانمت كثير من التفكيــــــر

يمكن اقل من ساعه بس كفاني احس بنشـاط كبيـــــر

لأني أخيراً عرفت وين بحط رجولي...

الراحه هذي ماحسيت فيها حتى يوم قالي انه مو مريـض ..

راحتي اليوم غيـر

تحسسني بقـوتي ... بكلمتي اللي ماتنثني

بحياتي اللي أنا امشيها بكيفـــــــــي ...

وماعاد شي بالدنيا يهمنـــي .. بطلقه وبتزوج اللي يجوزلي ..

ولا ولد ولابنت بيوقفون بوجهي اذا يبغى عيالهم يأخذهم

اذا هو يبغى يحرمهم من التربيه الصح انا ماراح امنعه

يسوي اللي يبغى اصلاً هالعائله ماتوقع يطلع منها

انسان صالح مرتـــاح ...

تصادفت مع وعد اللي مشغله تلفزيون وتابع فيلم ...

ضحى :خير على الصباح تلفزيون

وعد :اصلاً مانمت

ضحى :وليش ان شاءالله

وعد :بس كذا ميزاجي هذا نظامي الجديد وانا حره فيه مره اعجبنـــي بعد شوي بروح انام وبصحى بعد العشاء لاتزعجوني ...

ضحى :حاضر عمتي وعد ..

هذا راسك كبير من اللحين اجل لو تزوجتي وش بيصير

كيف بتقبل الموضوع وعد مادري اتوقع انها تقبله بسعة صدر ...

ليش مافاتحهاا ..

صوت حمودي طلعني من غفلتي

مجنونه انااا ياقسوتي وش كنت بسوي

معقوله .. كيف فكر ان وعد بتكون قويه هذا نسمة هوء تجرحها

مو السكين اللي تزرعها بقلبـــــهاا ...

جتني الشغاله بحمودي ..تطفشني لأنها متعلقه بس تسمع صوته تركضله حتى لو هي بأخر البيت سحبته منها وانا مقهوره ..

هذي اول شي برميه بوجه عســـــاف مع هداياه الغبيـه ...

اخذت حمودي وطلعت للغرفه بشوف شدن كانت صاحيه وفيها نوم

اول ماشافت حمودي بين يدي جت تركض

وهي تقفز

شدن :نزليه بشوفه ..

ضحى :تعالي بنزل بالصاله واجلسي عنده حتى اسويلكم الفطور ..

وعد :انااا ابغى توست محمص وعصير برتقال طازج ..

سألتها بمصخره

ضحى :والله

وعد:ايوه عشان احافظ على رشاقتي ..

ضحى :ومن بيسويلك ان شاءالله

وعد:انتي او قولي للغبيه الخدامه أي احد اهم شي احد يسويلي

ضحى :طيب ياللي بتحافظين على رشاقتك

ليش ماتنامين بطريقة صح ولا ماراح ينفع أي نظام غذائي..

قطع كلامي صوت الجرس ...

وعد بغباء:انتي تنتظرين احد ..

صديت عنها اضحك بجد البنت متلبسه الدور..

وعد:بروح اشوف من عند البــــاب..

ضحى :لاتفتحين الباب مباشره اسألي قبل ..؟!

وعد :اول مره افتح باب انا .!!!

مادري ليش مارتاح قلبي ورحت معها..

كنت افكر ان عساف فقد الأوراق وعرف انها معي

واني عرفت ...عشان كذا جاي بهالوقت

بس يوم سألت وعد مين

وجانا صوت خلف يقول افتحي ...

بسرعه طرى على بالي سالفة زواج وعد

سحبتها تدخل داخل ولبست عبايتي وطلعت فتحت الباب دخل بس ماقفل الباب ...

خلف :وين مشاعل .؟؟؟!!

تبلدت دقايق افهم وش اللي يقوله ..

مشاعل كل الروعه وجاي يسأل عن مشاعل ...

سألته بنرفزه

ضحى :انت تتكلم جد جاي هالوقت تسأل عن مشاعل ..

نفخ علـي

خلف:خلصيني وينهااا ..

ضحى :مادري عنها اللحين اشوفها لك بس رجاء مره ثانيه اختار الوقت المناسب لزياراتك..

بجد حسيتني بنفجر كل هالخوف واخرتها جاي يسأل عن مشاعل

...

وعد :وش يبغى..؟!

ضحى :مشاعل روحي ناديها..

وعد:مشاعل طلعت امس ومارجعت..

ضحى :يمكن رجعت روحي شوفي..

وعد:اووف انا طول الليل هنا لو نمله دخلت بشوفها محد جاء ..

خلاص نامت برى يعني اول مره ...

ضحى :طيب اطلعيه قوليله هالكلام ...

وعد :ياربي رجعتيني تحكمين في يعني اووف منك ...

ياربي من هالبنت قسم ترفع الضغط ...

وعد

كنت سهرانه طول الليل واللحين خلاص بديت ادووخ

ومو ناقصه ضحى ومشاعل اووووووووف منهم بس

طلعت للغبي خلف ..

وعد:مشاعل مو فيه امس طلعت ومارجعت..

جيت بدخل..

بس سحبني مع يدي..

خلف:كيف طلعت ومارجعت ..يعني وينها..

ياربي والله مو ناقصته اووووووووف..

وعد:هي دايم تنام عند صديقاتها انا وش دراني وين..

حسيته كذا وده يذبحني انا وش دخلني طيب قلت عشان اقهره

وعد:هي حره تروح للمكان اللي تبغى وان شاءالله تغيب شهر

حنا نعيش بحريه وديمقراطيه ..

قاطعين بصوت عالي ..

خلف:وين صديقاتها ذولي وش تعرفين عنهن..

جلست اضحك

وعد:هههههههههههههههههههههههههههههههههههه

بس يوم صرخ علي سكت..

خلف:خلصيني وش تعرفين..

وعد:وش اعرف ماعرف شي ..؟!

طلع معصب وقف الباب بقوه ...

يارب يصدم ويموت غبي ..

رجعت وانا دايخه بسرعه طلعت فوق لغرفتي الجديده ونمت ...

خلف

بس القاها ماراح يفكها مني الا الموت

هذي حركه تسويها فيني ...غطلتي اني وثقت فيهاا ..

الفاجره هذي ...

رجعت اتصل عليها للمره الألف ماترد ..اخ بس لو تطيح بيدي ..

ركبت سيارتي وحركتهااا

ناظرة بمراية السيارة وبشعري اللي طالع من تحت الشماغ ..

آآه ياخلف ياخسارة هالشيبات تلعب فيهن مشرده مثل هذي ...

اللحين وين اروح وين بلقاهااا ..

بعد كل هالسهر عشان ادبهااا اول ماتطلع الشمس القاها مختفيه ..

وش السواة ياخلف ...

منجبر اصبر لين القاهاا وساعتها بعرف شلون

اربيهااا ..

سارا

ياحلو الصباح وخصوصاً اذا فتحت الشباك ولقيت ملاك بالمطبخ تغسل المواعين وتسولف معي بالأشارات وكل الأغبياء اللي عندها

مو منتبهين ...

بس وربي شي شكل ضحى وهي تناظر ملاك كل دقيقه تحسبها انهبلــــت ...

لفيت بسرعه وقفلت الستاره يوم دخل قيس ..

قيس :يالله بسرعه ماتجهزتي انتي ...؟!

سارا:اتجهز ليش ..

قيس :اوووف بسرعه ماتسمعينا تحت قلنا بنطلع للبر يالله خلصيني

جهزي نفسك بسرعه ...

سارا:برر حررر وعععع...

لف علي بصرخه

قيس:بسررررررعه ..

اووف ياربي وش بر الحمدلله وشكر ...

وقفت قدام الدولاب وش يلبسون بالبر

بحياتي ماطلعت بر .. يلبسون عبايه هناك او مو لازم ..

اوووف اخذت لبس عادي البسه بالبيت ....

ووش بعد جزمه ..

لبست صندل بدون كعب ولبست عبايتي ..وشنطه حطيت فيها مرطب ومناديل وعطر ومويا.. يمكن اضيع عنهم يكون معاي مويااا ..

مو يصير بالأفلام كذا ...

نزلت بسرعه اخاف قيس يعصب علي قدامهم والله ابكي ...

لقيتهم كلهم بالحوش متجهزين واغراضهم كثيره ...

ركبت بالسياره مع قيس ومنيـر ووحده من خالاتهم

عمتي جلست معها اختها الثانيه لأنها هي بعد مريضه

هذا اللي فهمتهم من سواليفهم ياربي ياذا الحرمه مأحبهــــا ..

احسها دايم تناظري بنظرة اني انسانه مو زينه ..

انا مو مغفله اعرف الأنسان اذا كانت الفكره براسه عن شخص ثاني ...

منير كان جالس معي ورى .. ماتوقعتها من قيس

اللحين يقول لاتجلسين معه ويخليه يجلس جنبي

والله قمة التناقض هالأنسان ... الساعه ثمانيه احس فيني دوار نفسي انااام وفعلاً نمت ...

صحيت على شمس قويه والسياره تمشي وسط صحراء

ببكي شكلي خلاص ماعاد شايفه الحضاره

بضيع وسط هالصحراء ويمكن يلقوني بدوان واعيش معهم

بالبر واصير البس برقع واحلب غنماات ....

جتني ظربه على كتفي من منيــــــــر

منير:سارا ااا شوفي ذيك بعارينا ..

ناظرت وين يأشرانذهلت

سارا:وااااااااااااو كلهم بيضات ...

انا قلت الكلمه من هناااا والسيارة ارتجت ضحك من هنااا..

ناظرت بمنير كان مفهي مثلي مايدري وش السالفه ....

شكله يكذب علي قلت بقهر

سارا:الكذب حرام

منير:والله هذولي حقاتناااا..

قيس :سارا وش اسمها كلهم ايش ...؟!

مافهمت وش يقصد

سارا:مادري ...

قيس:وش لونهم

سارا:ابيض ...

قالت خالته

خالة قيس :ماسمها كلهن بيضات يالخكريه اسمها عفر ...

سارا:اوووف ماقلت اسمهم قلت لونهــم ياربي يعني حرام الواحد مايعرف معــلومه ...

بس قهرني قيسوووه جلس يتريق علي

مبسوط مره يعني طايح تريقه فيني مو ناقص يعني يشوفني غبيه بعد اللحين صار يشوفني ماعرف اسم الأبل حقاتهم ...؟!!!

انقهرت حتى ولدهم منير ماعرفها ليش مامصخروه بس انا عشاني مو بنتهم بجد كرهتهم وحقدت عليهم ...

وقفوا عند باقي السيارات اللي كانت موقفه بمكاان كله شجر غريب احسه ماعمره سقوه موياااا مره عطشان وجاف ...

كان سيارات بجهه وسيارات ثانيه بجهه شوي بعيدها عنها

يعني مكان للحريم والثاني للرجال...

وقفونا عند مكان الحريم

مانزلت انتظرت خالته تنزل وجاء هو ومنير ينزلون بس

شافني جالسه رجع يطل علي

قيس:انزلي

صديت ماناظرت فيه

سارا:رجعني اللحين للبيت ..

حسيته انقهر ونفسه يظربني بس مو قادر

قيس:والله ياشيخه ..!!

سارا:ماسمي شيخه واللحين بترجعني جايبني هنا عشان يضحكون علي اصلاً ماهموني خل يضحكون بس اكره اجلس معهم ..

رجع وقفل الباب بقوه ..

قيس :اللحين بتلمين لسانك بفمك وتنطميـــن...

تقدمت بجلستي

سارا:لا مو ساكته انااا

بس قاطعني

قيس :انطمي سامعه واذا تبغين يضحكون عليك طولي لسانك زياده عشان اربيك قدامهم ...

سارا:حقير اكرررهك والله اكررررهك ...

جلس يتلفت يشوف احد انتبه احسن يستاهل خليهم يشوفون

متعود يقهرني دايم وسيارته مظلله اللحين الجيب هذا مو مظلل

خلهم كلهم يشوفونه وهو يهزأني ...

قيس:سارا انزلي

جلست ابكي قهرني قسم مقهـــوره منهم

كلهم ناس ماعرفهم واحس يكرهوني ماقدر اجلس عندهم ماقدر ....

سارا:قلتلك ماراح انزل روح عني اووف ..

توقعته بيجلس ويغصبني انزل بس نزل بدون كلام وراح يمشي لم الرجال ووقف شوي لف علي بعدين كمل طريقه ..

جلست ابكي شوي بعدين قررت انزل بكون قويه بتصور ملاك معي وبقوي نفسي بتنقهر لو قلت لها اني خفت وجلست بسياره ...

حنا بنات مبارك مانخاف من احد وخصوصاً اذا كان هالأحد ناس

عاديه وشايفه نفسها علينــا ...

يوم جلست معهم ويسولفون وزي كذا

حسيت اني ظلمتهـــم ...

بس بعدين بناتهم مادري مره شايفين انفسهم

وحتى زوجة جابر اللي كنت اقول عنها بزر

احسها صارت لعينه اليوم يمكن لأنها صارت مع بنات ثانيات مادري

بس ماهموني اوف منهم ...

تكيت على شجره اللي وراي

وحطيت سماعة بأذني وجلست اسمع اناشيد

كنت طلبت من قيس يحملي اغاني بس لعب علي وحمل اناشيد مالت عليه بس ..

المره الثانيه انا باخذ كمبيوتره واحملي اغاني ...

قيس

كل مايتذكر صوتها وهي تبكي

وتطلب منه يتركهااا ماتبغى تنزل ينقهر منها وعليها

يعني اللحين امس سامع كلام يسم بدنه عن زواجهم

واكيد اللحين ماراح يرحمونها ليش جابها وحطها بوجه المدفع

هي بكت ورفضت تنزل عشان كلمه تافههه

كيف لو احد لمح لها بشي ... بس سارا ماتفهم ماراح تستوعب التلميح ...

يتبع ,,,,,

👇👇👇

تعديل المقال