رواية اه يادنيا -11
انتهــتـ.. الملكه على خير وشوق الضيقه موب راضيه تخليه
قررو البنات كلهم يتوجهون على بيت الجده وكانو كلهم هلكانين ويدورون النوم
طبعاً من الرقص والرجهـ
البنات ركبو مع عبد العزيز والباقين مع عبد الرحمن الي قلقان على خالد
وصلو والكل نزل ودخلو وشوق وقف مصنمه قدام الباب وتطالع بالشارع ودموعها تنزل ويدها على فمها
دخلو البنات وما انتبهو لها وعبد العزيز كان بالسيار يستناهم يدخلون عشان يحرك
انته ان وحده من البنات واقفه عند الباب وشاف يدها على فمها
نزل بسرعه ويوم قرب عرف انها شوق زاد سرعته وصرخ : وش فيـــك
شوق ودموعها تزيد اشرت على مكان الحادث الي كله دمـ
عبد العزيز اخترع وقا لها : وشـ فيك ادخلي الناس تطالع
شوق بصوت مخنوق وكله دموع : خااااالد ويــنه
عبد العزيز تذكر وخفق قلبه على حالة شوق : شوق ادخلي ادخلي
شوق : ويـــــنه وينه الحين تجيبه لي ليش ماجاء معكم
عبد العزيز قلبه متفطر عليها وعلى خالد الي خاف عليه : ادخــلي يا شوق اخوك بخير
شوق وهي تأشر : هذي سيارته ؟
عبد العزيز طالع بالسياره : ايه ايه سيارته شفتي قلت لك بخير شوفي سيارته سليمه
شوق بهمس ودموعها سيول : وهذا دم مين ؟
عبد العزيز طفش لأن نص اهل الحاره برا : شووق ادخلي داخل لا تخليني اعصب
شوق طالعت فيه وحست برغبه انها تكمل صياح : بدخل بس الله يخليك جيب لي اخوي
طلع عبد الله ووجهه اسود وباين انه سمع خبر شين وشاف شوق مع عبد العزيز
عبد العزيز استغل الموقف : خالي تعال خذ بنتك
عبد الله بصوت مخنوق : وش السالفه
شوق وهي تصيح : يبــه حاسه انه بيصير شيء يبه وين خالد
عبد الله مستغرب من احساس شوق الصادق : ادخلي داخل اخوك رايح مع اخوياه
شوق دخلت وهي معصبه وصرخت : كذاااابيه بس انا اوريكم
عبد الله طالع بعبد العزيز المصدوم : خالد انصدم وهو بالمستشفى
عبد العزيز : وشـــووو
عبد الله : يه هو بالمستشفى لازم نروح
ركب عبد العزيز مع خاله وهو يفكر بشوق معقـــوله
هذا احساس وخايف على ولد خاله الي ما امداهم يفرحون فيه
دخلت شوق وطالعت بالصاله ماشافت احد جلست على الأرض حست بتعب
حست انها ما تقدر تمشي ولا خطوه رمت بجسمها على الأرض وجلست تصيح بهدوء
البنات كانو فوق مغيرين ولابسين ولا وحده انتبهت لشوق كل وحده تحسبها بغرفة الثانيه
اجتمعو بغرفة ساره
هتون وهي تنسدح : ويــــــن شوق جوالي بشنطتها
رهف وقفت : ايه والله وينها انا على بالي هي عندكم
شهد : انا بنزل اجيب بيبسي واشوفها يمكن تحت
البنات : اوكي
نزلت شهد وماشافت شوق بالصاله : شووووق
شوق بهمس : نعم
شهد طالعت بشوق الي للحين عبايتها عليه وشهقت يوم شافتها على الأرض
جت بسرع وجلست بالأرض ورفعت شوق وضمتها : وش فيـــــك
شوق غمضت عيونها على صدر شهد وشهت تخرعت وصرخت : شوووووووووووووق
شوق : ..........
.. ..
البنات سمعو الصراخ ونسو التعب وراحو يركضون على تحت
ساره : وش فيه
شهد تصيح وموب قادره تتحرك : شـ .. شــ .. وق ماتت
رهف صرخت : وشوووو
تجمعو كلهم حول شوق رهف اخذت شوق وضربتها على خده بشويش وهي تصيح
رهف : شوق شوق قومي تكفين
شوق فتحت عيونها بشويش
روان ودموعها على خدها : قامت
ساره : شوق وش فيك
شوق ورجعت دموعها تنزل : خالد خالد بيصير فيه شيء
روان : يووه رجعنا لطاري يلي
قامت هتون وقومت شوق طلعوها فوق وحطوها بسريهرها
شوق قفلت معها الأخلاق لأنه حاسه انه صاير شيء وهم مو معبرينها
شوق : خلاص انا بخير اطلعو برا
رهف : لا انا بقعد معك
شوق : اطلعو كلكم ابي البس
البنات مالقو مجال لرفض وطلعو قامت شوق وراهم وهي تحس الدنيا سودا بعيونها
قفلت الباب ورمت بنفسها على السرير وماصدقت عيونها الناعسه قفلت والدمعه معلقه برمشها
.. .. ..
بالمستشفى كانوو عبد العزيز وعبدالعزيز على نار
عبد العزيز يضرب بيده على الجدار : وش يسون ذولي
عبد الله : اركــــــد
عبد العزيز حس بخاله : خال ان شاء الله انه بخير
عبد الله : لو صار له شيء شوق بتنهار ويمكن نفقدها
عبد العزيز بغى ينجن : ليـش
عبد الله : وشو ليش هذا اخــوها
عبد العزيز التفت : هذا هو طلع
قام عبد الله : بشـــر دكتور
الدكتور الي باين عليه تعبان من دقة شغله : والله مــدري حالته الين الحين تحت المراقبه
عبد الله بيأس : فيه امل بحياته
الدكتور : والله مقدر احكم هو نزف دم كثير وهذا الي متعبنا بس احنا عوضناه وان شاء الله في امل
عبد العزيز : يجي نشوفه
الدكتور بسرعه : لا لا هو تحت العنايه الحين
عبد الله : الله يستر الله يستر
عبد العزيز عصب : الحين انت خايف على شوق اكر منه
عبد الله طالع بعبد العزيز وراح على سيارته والهم مالي عيونها
عبد العزيز تأفف واخذ شماغه ورماه على كتفه وراح ورا خاله
.. ,, .. ,, ..
بريطانيا )) >>
رحال كانت جالسه بالكوفي ومعها وحده من صديقاتها دق موبايلها
رحال ردت بحماس : هاااااه ؟ بشـــــــــر
سيف : نفذنا مهمتك يا اخت
رحال بفرحه : كفووو والله
سيف : بلا كفو بلا هم الفلوس تتحول لي الحين فاهمه
رحال بغير نفس : طيــب قولي وش سويت
سيف : صدمته
رحال : مــات ؟
سيف : الظاهر انه مات لأني شفته كله دم
رحال عصبت : الظاااهر وش الظااهر انا ابي اكيد
سيف بصوت مرعب : لا تنفخين والفلوس توصل لي وان ما وصلت انا اعرف كيف اتصرف
قفلت بوجهــه رحال : اوففف
نادين : وش فيج
رحال : هالحمار يقول الظاهر ان خالد مات
نادين وهي تشهق : سويتها يالمينونه
رحال : ايه انا قلت لازم انتقم
نادين : الحين وش دخل اخو شوق واساساً وش دخل شوق .. حرام تظلمينهم وهم مالهم ذنب
رحال : انا ابي اشوف شموخ تتعذب قدامي
نادين : ويــه عليج انتقمي منها اهي شو دخل اختها
رحال : انتي اسكتي ومالك شغل
نادين : بس لأنها اهانتك وفصلتك من الشغل تسوين جذي
رحال : اهانتني مو اي اهانه هذا شرف.. يانادين انا رحال مو اي بنت عشان تهينني
نادين : مدري شقولج
رحال وهي تصيح : يعني بالله عليك اسوي هالشيء من قلبي وربي مو من قلبي بس ما احب احد يهيني
نادين حنت على رحال : بس عاد رحول لا تبجين
رحال : لا وتروح تقول ابوها وفصل ابوي بعد
نادين : بس الحمد لله حالتكم الحين تمام التمام
رحال : بس ماراح انسى الايام الي عيشتنا اياها كنا ننام وما حطينا بفمنا شيء
نادين شوي وتصيح : بس عاد
رحال : حتى الجامعه طردتنا .. .. حسينا بالغربه لا اهل ولا فلوس ولا شيء
وكله من سبب وحده مغروره هي وابوها ويظلمون الناس ويحبون الجبروت
قامت نادين اخذت رحال وطلعتها برا الكوفي لأنها تصيح وصياحها باين عليه صياح ندم
,,
اشرقت شمس يوم السبـــــــت على الرياض
قامت شوق وهي تحس بجسمها متكسر
طالعت بباب البلكونه الي مفتوح والشمس ماكله الغرفه
حست بالحر طالعت بالفستان وحسته حاشرها
قامت دخلت الحمام واخذت لها شــور سريع
نشفت شعرها على السريـــع ولبست وطلعت
شافت ابوها لابس ثوبه والبوك بيده وباين عليه بيطلع
عبد الله انتبه لوجود شوق : هلا هلا ببنتي
شوق طالعت فيه بجفا : يبــه وين رايح
عبد الله يقول بنفسه ياخوفي تكتشف : هاا لا بس بروح اشوف الشركه
شوق : يبه حنا بالرياض
عبد الله يلعن نفسه : شركة واحد من اصحابي
شوق : يبه خالد نايم تحت ؟
عبد الله وهو رايح : مدري
شوق مسكته من كتفه : يبــه وين اخوي قولي وش فيه وعد مني اتصبر
عبد الله بيأس وحزن وكل احاسيس الخوف والندم : اخوك بالمستشفى
شوق شالت يدها من كتف ابوها بهدوء ونزلت راسها وهمست : كنت حاسه
عبد الله استغرب هالهدوء وينفس الوقت خاف منه
شوق : بجي معك انتظرني
عبد الله : انا بالسياره
راحت شوق بدون ما ترد عليه لبست عبايتها وركبت السياره
وطول الطريــق ودموعها تنزل بدون صوت
عبد الله استغرب ان شوق ما سألت وين الحادث وكيف صار ومن هالاسأله المعروفه لكن سكت
.. .. ..
دخلو على المستشفى وشوق مكتومه من الريحه و الكل يعرف انها ما تحبها ..
دخلو على مكتب الدكتور
عبد الله : السلام عليكم
الدكتور : هلا اخوي تفضل
عبد الله : هاا دكتور بشر شخبار خالد
الدكتور طالع بشوق : حالته للحيت تحت المراقبه ادعو له
شوق دموعها تنزل على خدها وهي ماخذه دور المستمع
عبد الله : اوكي دكتور نقدر نشوفه اليوم
الدكتور : لا لأن حــالتــ . .
وهنا شوق قطعت كلامه وقالت بهدوء : ابي اشوفه مالي شغل
عبد الله طالع بالدكتور بنظرة ترجي
الدكتور : اوكي تشوفينه بس من برا
شوق وقفت : قلت بشوفه
الدكتو قام فتح الباب وطلعو شوق وابوها وراه . .
راحو على غرفة خالد دخل الدكتور بشويش وبحذر
دخلت شوق وراه ووقفت بنص الغرفه تتأمل الي قدامها
صوت الاجهزه المرعب وخالد الي نص جسمه ضمادات السري كله اسلاك
غمضت عيونها وبدى نفس الموقف يرجع قدام عيونها بس الشخص الي على السرير تغير
شافت امها .. وتذكرت موت امها كانت بنفس هالغرفه صوت دقات جهاز القلب بدى يعلى صوته بالنسبه لشوق
فتحت عيونها مشت بخطوات هاده لخالد رفعت طرحتها وتأملته والهدوء للحين عليها
شوق ودموعها سيول : خالد حتى انت بتروح يالخاين .. تراك وعدتني ما تخليني والله انك وعدتني
جلست على ركبها ومسكت ايده ودموعها مستمره : والله انك وعدتني والله .. تتذكر ؟؟ هاا خلود تتذكر يوم كنا بالمطعم
وعدتني تجيب لي العطر الي كنت ابيه خلود تراك ما جبته .. انا مابي العطر والله ما ابيه بس ابيك انت
انت وبــــس خلود لا تخليني ترا امي راحت وخلتني مثلك راااااحت >> وبدى صوت صياحها يعلا
وعبد الله والدكتو دموعهم على خدهم لأن الموقف مأثر وشكل شوق يقطع القلب
شوق حضنت يده وصاحت .. صاحت من خوفها انها تفقد احد وللمره الثانيه
الدكتو طلب النيرس وخلاها تاخذ شوق برا الغرفه
شوق : اتركيني وش تبين فيني خليني عند اخوي ابي اشم ريحته قبل لا يروح
عبد الله : شوق حبيبتي اخوك ما يسمعك وان شاء الله هو بخير
شوق تصيح : الا يسمعني انا متأكده انه يسمعني حتى امي تسمعني
عبد الله وهو يقاوم دموعه : شوق ادعي له يكون بخير
شوق استسلمت وطلعت مع النيرس وهي تردد : يمه تعالي خذيني .. يمه تراي احبك .. يمه كله منك ليش تركتيني
كلكم وعدتوني ما تخلوني وتخلفون وعودكم وتروحون ليش يمه ليــــــش
.. ..
اخذتها النيرس واعطتها ابره مهدأه
وشوق عيونها تفيض بدون اي حـــس
جاء عبد الله اخذ شوق وهم طالعين من باب المستشفى
شافو عبد العزيز داخــل راحت له جري شوق
عبد العزيز : شووق ؟
شوق وهي تشهق من الصياح : شفت شفت قلت لك صاير فيه شيء قلت لك
عبد الله جاهم : بس بس يا شوق
شوق بصوت مليان دموع يقطع القلب : يبه كلهم وعدوني ما يخلوني
عبد العزيز مسح دمعته الي فلتت منه غصب
شوق : يبه ليــش الدنيا قست علي
عبد العزيز : شــوق اخوك ماراح .. لا تفاولين عليه .. ادعي له وبيرجع لك احسن من اول
شوق طالعت بعبد العزيز اقتنعت بكلامه هو الوحيد الي صدقته
عبد الله استغرب سكوت شوق
شوق ودموعها مستمره : الله يشفيه ويرجعه لنا بالسلامه
عبد الله فرح من قلب وده يقوم ويحضن عبد العزيز
عبد العزيز وعبد الله : آميـــن
،،،،
..
رجعت شوق على البيت وهي تحس بصداع فضيــع
نزلت من السياره
عبد الله : شوق يابوي انتبهي لنفسكـ
شوق : ان شاء الله يبهـ
عبد الله : شوق يايمه قولي لأمي اني بتغدى برا
شوق وهي تبي تروح بسرعه : ابشر
دخلت على الفيلا طالعت بالباب حسته بعيد وحست انها ما وده تمشي
شوق رجعت دموعها تاخذ مكانها على اهدابها
وراحت تمشي بخطوات بطيئه
دخلت على الفيلا شافت شموخ ونورهـ ي الصاله
شوق ما صدقت تشوف جدتها وراحت رمت بنفسها على حضنها وتنزل باقي دموعها
شموخ اخترعت : شوووق وش جابك من برا انتي مو كنتي نايمه فوق
شوق وهي تصيح على حضن جدتها الي عارفه السبب
شوق : يمهـ اخوي بيروح مني مثل ماراحت امي بيرووح يا يمهـ بيروح
نوره ودموعها على خدها شدت على شوق : بس يا يمه ادعي له
شموخ وقفت وهي مذهوله : شالسالفه
شوق وهي تصيح : خاااالد خااااالد يا شموخ خالد بين الحياة والموت
شموخ انفجعت وماطرا على بالها غير رحال وبحقد : الحقيــــــــــره
شوق ترجع تضم جدتها : يمهـ انتي بعد بتروحين وتخليني صح يمه
نوره : لا ياعمري وعد مني ما اخليك
شوق بشهقة صياح : كلهم وعدوني يمه كلهم وعدوني
نوره اشرت لشموخ تجيب كاس مويه لشوق وراحت شموخ تركض
..
شوق كملت صياحها على حضن جدتها الي جفونها تعبت
وتلاقت جفون شوق بكل هدوء على حضن جدتهاا
..
شموخ تأملت ملامح شوق النايمه وشافت اثار الدموع على خدها
مسحت دموع اختها وغطتها وطلعت .. وهي تقول بنفسها والله مثل ما نزلت دمعت اختي
لأنزل دموعها دمـ هالحقيرهـ. .
..
عبد العزيز حس الدنيا ضايقه فيه وحس قلبه بيتفطر على شوق
شوق شوق هالاسم الي عذبه بابتسامه وعذبه بدمعه
آآآآآآآآهـ ياشوق ليتك تدرين ليتك تدرين عبد العزيز شلون متعذب
دق علي راشد
عبد العزيز : الوو
راشد : هلااا والله وغلااا بالقاطع
عبد العزيز : هلابك زود ياخوي
راشد حس ان عبد العزيز فيه شيء : بوو عزوز وش فيك
عبد العزيز : آآآهـ ياخوي
راشد : سلامتك من الآآهـ وش بلاك
عبد العزيز : احبهاا
راشد : ههههههههههههه ندري انك تحبهاا وش الجديد
عبد العزيز : راشد
راشد : لبيه
عبد العزيز : شفتها تصيح اليوم تقطع قلبي
راشد : افا شالسالفه ؟ .
عبد العزيز : اخوها بالمستشفى
راشد بعفويه : يابعد قلبي
عبد العزيز انهبل : وشوووووو يالتيس
راشد : هههههههههههههههههههه بسم الل شوي شوي ياخوي طلعت كذا
عبد العزيز : هههههههههههه حسبت
راشد : لا تحسب مره ثانيه . . الا ياخوي اختك متى ناويه ترد علينا
عبد العزيز بنفسه لو تدري انها ردت آآخ بس
راشد : الووو
عبد العزيز انتبه : هلاا . . ياخوي وراك مستعجل عط البنت وقتها
راشد بينجن : عزيـــــــــز اخبر البنات مدتهن اسبوع واختك كم لها بالله عليك
عبد العزيز : ههههههههههههههههههههه ابشر ياخوي اليوم بسألها وارد لك خبر
راشد وقلبه ينبض : الله يستـــر . يالله بو عزوز انا استأذن
عبد العزيز : اذنك معك يله فمان الله
.. ..
قامت روان من النومـ وهي تحس بنشاط جلست تفكر وهي على السرير
معقوله شوق صادقه وعبد العزيز ما رد على هالتيس
تيس تيس ههههههههه عادي عادي امــون
وقفت وتمغطت بنشاط طالعت بالمرايهـ نزلت التي شيرت
وحست انها ودها تصرخ
روان صرخت بصوت عالي : هتووووووووووووووووووون
هتون قامت وهي متخرعه : هاااااه وين شوق وش صاير فيها
روان : هههههههههههههههههههههههههههههههههههههههههههههاي
هتون وقفت وجت لمها بخوف : وش صاااااااير شوق فيها شيء
روان ببرود هزت راسها بمعنى لا
هتون للحين ما استوعبت: وش فيك صرختي
روان هزت كتوفها : كان ودي اصرخ
هتون بدت تستوعب : هاااه
روان فكت الباب وحطت رجلها : ههههههههههههه
هتون انقهرت : حمااااااااااااااااااااااره
..
روان نزلت تحت وشافت شموخ تطالع بالدرج
روان : هاي
شموخ : هلا
روان : وش فيك تفكرين لا يكون تهاوشتني معه
شموخ ما فهمت : ميـــن
روان : ههههههههههههه زوجكـ
شموخ سندت ضهرها : اوف ياشين الرواقهـ
روان : بالعكس مافي احسن من الرواقهـ
شموخ : خلاص روان اسكتي انا مو رايقه
روان : وانا راااايقهـ
شموخ : اوووف
روان سكتت شوي وبعدين بدت تغني بلحن عرقاي : ياااامحلاااا سيحة البااااال في مجلســـن مافيه
نفســــن ثقيـــله اوووووه اوه اوووووه ترم ترم ترم
شموخ غصب عنها : ههههههههههههههههههههههه اقطع ابو التخريف
روان : احم احم شرايك بالصوت بس خققااان ولا ؟
شموخ : الا الا اكيـــــــد
روان قامت تبي تقول للخدم يسون لها فطور وهي عن الباب دق موبايلها رجعت
روان عصبت لأنه دق يوم جت تروح : الوو
عبد العزيز : ...
روان : نعــــم هاااه خيـــر يالأخو ادري انك اشتقت لي وش تبي غير كذا
عبد العزيز بنفسه مدري وش يبي راشد بذي : اقول مناك بس
روان : وش تبي
عبد العزيز : هههههههههههه هدي
روان : هلا هلا والله بأخوي وقلبي وحياتي
عبد العزيز : اعوذ بالله مسرع قلبتي على قناة الغزل
روان : ههههههههههههه حلوووهـ بس لو كانت مني بتكون احلا
عبد العزيز : وشي الي حلوه
روان : بسم الله وراكم كلكم مفهين اليوم .. اقصد كلمة القناة
عبد العزيز شكلها ما درت عن خالد : اقووول وران بغيت اشاورك
روان : هااا
عبد العزيز : للحين مصممه على رأيك
روان : اي رأي
عبد العزيز : لا حووووول الحين من المفهي .. رأيك برفض خويي
روان استحت وفرحت وزاد نشاطه لتوب : هاا
عبد العزيز يضحك بنفسه : طيب طيب خلاص مانبي نغصبك على شيء
والزواج قسمه ونصيب وانتي رفضتي عادي حبيبتي لا تشيلين هم يله باي
روان بقهر : استنى استنى
عبد العزيز عظ لسانه : وشو
روان بالقوه قالت : بفكـــر
عبد العزيز : لا لا خلاص لا تفكرين انتي رفضتي من المره الأولى خلاص
روان بنفسها وش فيه ذا : طيب خلاص الشور شوركم
عبد العزيز ناوي يهبل فيها : الشور شورنا لا لا مو شورنا واذا شورنا حنا مو موافين
روان ودها تقوم عليه بالجزمه : عزيــــــــــــــــز
عبد العزيز ما قدر يستحمـــل : هههههههههههههههههههههههاي وربي كنت عارف يله باي
وقفل بوجهها قبل لا تعصب عليه وتهزأهـ
روان ناظر بالسماعه ووجهها احمرررررررر
شموخ : هههههههههههههههه شالسالفه اكيد انخطبتي
روان اخذت المخده وصكتها بوجه شموخ : انطـــــمي
وراحت جري على فوق تبي تخبر شوق وهي ما تدري عن الي صار
....
دخلت على شوق وطبت على السرير وبدت تهزها بقوه : شووشوو شووشوو
شوق بهمس : هممم
روان حست على راس شوق لقته حااااار : شوق بسم الله عليك وش فيك
شوق طالعت بوجه روان ومع السخونه حسبتها رهف ودمعت عيونها
روان : شووقي وش فيك
شوق رمت راسها على حضن روان ورجعت تصيح : رهـــف قلت لكم خالد فيه شيء
روان بنفسها انا رهـف لكن عدتها : وش فيــه
شوق تصيح : بالمستشفى وبين الحيا والموت
روان شهقت وشوق كملت صياحــ . .
بعد عشر دقايق روان حست صدرها بيحترق من شوق الي حرارتها توب ووجهها احمر
وجبهتها منديه طلعت موبايلها من جيبها بالقوه ودقت على هتون
هتون من غير نفس وصوتها كله نوم : خيـــــــر
روان بهمس : هتوون الحقيني انا بغرفة شوق
هتون بخوف : وش فيه
روان : تعالي > وقفلت بوجهها
هتون قامت بسرعه وراحت جري على غرفة شوق ودخلت
هتون طبت معهم على السرير واشرت لها روان تمسك جبهتها
هتون لمست جبهة شوق : آآح ياويل قلبي البنت جمره
روان وعيونها مدمعه على شوق : شيليها شوي صدري بيحترق
هتون اخذت شوق ورفعت شعرها ولمته بسرعه اخذت الشباصه الي بشعرها وحطته عشان رقبت شوق
يجيها شوية هوا
وروان راحت جري على تحت جابة مويه ثلج ومنشفه صغيره
وحطتها على راس شوق الي تهمهم بكلمات نصها مفهومه ونصها لا
روان بهمس وهي شوي وتصيح : يا قلبي
هتون نفس الحاله : ياعمري
روان بصوت عالي : ايه صح
هتون حطت يدها على فمها : اوووص
روان تهمس : تقول خالد بالمستشفى
هتون بصوت عالي : وشوو
روان تحط يده على فمها : اووووص
هتون : هههههه هبلا ... بقوم اتأكد من امي
روان : طيب
البارت الأخــــــــــــــــــــــــــــــــــير
,,,,
بريطانايا)) >>
بدى فيصل يميل لأبرار بس للحين طيف شوق يهدد ذكراه
كان هو وحمد جالسين بالكوفي وفيصل ساحب على حمد وسرحاان
حمد يحرك ايده قدام وجه فيصل : الوووووه هيه فصوووول
فيصل : ....
حمد : فيصل فيصل حوووووووووووه شو بلاك
فيصل : .....
حمد بأعلى صوته : فصووووووووووووووووووووووول
فيصل تخرع : هااااااااااااااه وش تبي
حمد : شو بلاك ارمسك من ساعه
فيصل : سوري
حمد : فصول متى بيون
فيصل : ههههههههههههههههههه قول متى بتجي
حمد : ياخي ولهت على هالمينونه
فيصا : اقول قم قم بس فشلتنا
...
عند ابرار ووجدان كانو بغرفتهمـ. .
ابرار ترمي نفسها على السرير وتتنهد بعمق
وجدان : هههههههههههههههه وش عندها العاشقه
ابرار وعيونها تتجول بتفكير : احسه بدى يميل لي وجودي
وجدان تمشط شعرها : اممممممممم صح حتى انا حسيت
ابرار نقزت وتربعت بحماس : صدق
وجدان : ههههههههه ايه والله
ابرار : شلون
وجدان : من نظراته ... اووف ابرار ترا صجيتيني بفيصلك بس خلاص ان شاء الله انه يحبك
ابرار وهي تتذكر كلمته الي قالها لشوق وبقهر : لا ما يحبني . .
.. .. ..
بالرياض )) >>
نزلت هتون جري : يمااااه يمااااه وينك
نوره طلعت من المطبخ : يوه يوه رخي صوتك يامال الصمخ
هتون وهي تلهث : يمااه وين غطستي دورتك بكل مكان
نوره وهي تجلس : وش بغيتي يايمه
هتون : خاد بالمستشفى
نوره تنهدت : الله يشفيهـ
هتون : يعني بالمستشفى
نوره : ايه يايمهـ الله يصبر شوقـ
هتون : يمهـ ترا شوق فوق
نوره : ادري وش هالغباء هتين
هتون : بس مصخنهـ
نوره قامت : لا اله الا الله وتوك تنطقين
هتون تلحق ورا امها : شسوي لك ما عندك حسن استماع
نوره تصفق ايدينها ببعض : الله يصبرني
هتون ترفع يدينها : آآمين ويصبرني معك
..
دخلو على غرفة شوق وكانت روان ورساره عندها
جت نوره ولمست جبهتها وشهقت : نعنبووكم مخلين البنت كذا وهي مثل الجمره
روان : لااا يمه حطيت لها مويه وثلج
نوره : هالحراره يبي لها مستشفى دقو على عبد العزيز او عبد الرحمن
روان بسرعه اخذت موبايلها ودقت على عزوز
روان : الوو
عزوز : هاااه وش تبين
روان : عزيز تعال بسرعه امي تبيك تودي شوق المستشفى
عزوز اخترع : وش فيهااا
روان : عليها حراره وصايره جمره
عزوز وهو خايف : اوك اوك دقايق وانزلو
روان : طيب
لبسو شوق عبايتها وراحو ساره ونوره والباقين جلسو بالبيت مع رهف الي للحين نايمه
...
عبد العزيز طول الوقت وعينه على راس شوق الي متسند على كتف ساره
ووده يشوت سارونه ويجلس محلها وكان حيل متضايق على حبيبة قلبه ومعذبته
نزلو شوقه واعطوها المغذي وراح عبد العزيز يشتري لها شيء تاكله
..
شوق بهمس : يمااه ليش جبتوني هنا
نوره : ياقلبي المغذي بيفيدك
شوق : يمااه خلود قام
نوره ما تدري وش تقول : باقيله شوي ويقوم
شوق والحراره مأثره عليها ابتسمت : الحمد لله
سكتوو شوي الا نطقت شوق : ساره ليش ما جت امي معكم
ساره عيونها دمعت : شوفيها جت
شوق : لا لا موب جدتي اقولك امي امي تدري انه علي حراره صح
ساره ماقدرت تقاوم دموعها : شوقـ حبيبتي وش فيك
شوق بهمس : مافيني شسء قلت لك وين امي لازم تقولون لها اني تعبانه
نورهـ : ان شاء الله يا عمري الحين اتصل عليها
ساره ودموعها على خدها : يمهـ فقدت الذاكره
نوره ابتسمت غصب عنها : لا يايمه الحراره قويه ومأثره عليها
ساره : اها
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك