رواية شغب في مدارس الرس -12
فارس- أيـــه ووع ....
مها ابتسمت لمرام ...
مراام- منعووونه ....اووخص يا ذكيه ...
فارس- اييييه تكذبن علي...
مرام- اقول كل وانت ساكت .....
سكت فارس لانه يخاف من مرام ......
......................................
كان بالملحق يتفرج على التلفزيون ومعه ترتيلا ...لانه يبي ياكل الاكل اللي تاكله مها....يعني يبي يصير هو ومها واحد....
طارق ياكل ويقول- طعمها رهيب ....والله ياقلبي عندك ذوق ....دق جواله .....
طالع بالرقم.....ورد وقال- هلا .....
صديقه- هلا فيك وينك؟؟
طارق- اوووه نسيت ....يا اخي مالي نفس......روحوا انتم.....
صديقه- لا لا انت طارق والا مغلط بالرقم ....
طارق- تبي شيء....اخلص علي......
صديقه – هاذي بليااردوو ....وشلون ما انت بجاي.....
طارق- لا ....مع السلامه ...
سكر...وهو يقول- كره ....فاضي لكم ....
ا
....................
يوم الجمعه الساعه خمس العصر .........
مها جالسه بالحوش على البساط ومتكيه على الجدار وتطالع لسماء ....
كان الجو فضييييع ......شمس دااافيه ...كان بيدها كاسة شاي....والقهوة وعندها ...
مها تفكر بفيصل
مها بنفسها- اخاف اقول لندى وتقول حبته بعد ما تشافى ....لا صعبه اقول لندى .....
اخاف تفهم غلط ......طيب انا جد احبه من قبل لاينشفي .....آآآآه ....ما اتوقع ندى تفكر كذا ...
جت مرام وقالت- السلام عليكم
مها- وعليكم السلام .....
جلست جنبها وطالعت السماء ...وقالت- يقولون ان السماء للعشااق ...والرومانسيين ...
مها- آآه أي والله اني اعشق.....
مرام طالعتها وقالت- من جدك انتي....؟؟
مها تطالع السماء وقالت- أي والله ....
مرام- اكيد حبيتيه بعد ما تشافى .....
مها هزت راسها بــ لا ....
مرام- تحبين واحد اعمى .....مايسويها العاقل....
مها- كان اعمى ....ولله الحمد رجع يشوف.....
مرام – وش هالغبى اللي يخليك تحبين واحد اعمى ....
مها- ما ادري.....كذا من الله .....شفته عند البقاله ....وطاحن منه جلكسيات ...اخذتهن والتفت علي وقال تحتاجين مسااعدهـ........... كانت نظرته لي رهيبهـ........... تخيلي واحد اعمى يطالعك.....تحسين انه مو اعمى .....عيونه يامراام مانسيتهن....يجنن....وربي يذبحن...
مرام بتعجب شديددد !!!- أوووف.....تحيبنه من متى ...
مها- مالي فتره....بس والله كان ضايق خلقي عليه يوم يطيح ويدخل غيبوبه...
مرام- أيــــــه عشان كذا كان ضايق خلقك....
مها- ايوه....
مرام- ياعوومري عليك ....
مها ابتسمت تحسبها بتقول يا مها.....او يا اختي .....
مرام- يا طارق.....عز الله مها ماشافتك....
اختفت ابتسامة مها وقالت- وش جاب طاريه.....انا اخاف منه....
مرام- وانتي من جدك ماتبين طارق....لو انك تكرهينه ما تبينه لو خطبك؟؟
مها- الله لا يقوله ....
مرام- اعذريني مها.....بس انتي بجد غبيييييه ........كلن يعرف ان طارق يمووووت فيك...ولو خطبك ماتوافقين .....تدرين انه بيدللك.....لو قلتي ابي القمر قال خوذي....
مها- بس كذا من الله ما احبه .......لا ويقول يارب يتكرر موقف سويته معه يوم كنا صغار ...
مرام- شووو ؟؟؟
مها- انا قريت مذكراته ....كاتب فيه موقف سويته يوم كنت صغيره ...كان معي ايس كريم واكلت معه بنفس الملعقه ...تعرفين الايس كريم ابو نص ريال.....هو اكلت بعده من نفس الملعقه......ويقول يالله ....ليته يتكرر..
مرام-خخخخخخخخخخخخخخخخخخخخخخخخخخخخخخخخ ياحوووبي له ...يتذكر للحين ...اقول الله يرزقني بحبييب مثله ....بس وش مذكراته .....يالملقوفه تفتشين دفاتره؟؟
مها- يوه قديمه دفاتر....لابتوبه ....له مجلد خاص له باسورد ....
مرام- وشلون فتحتيه....
مها- افا عليتس اختك ذكيه....كتبت اسمي .....مهاوي ...وفتح....
مرام طيرت عيونها ....وقالت بعصبيه – انتي غبيه والله العظيم غبيه ...شفتي انه مجنوون فيك بس ما تفكرين زين .....غبيييه ..تحبين اعمى وتتركين هذا على جنب....
مها طالعته بنظرة ضيق وقالت- فيصل مو اعمى ....
مرام- الا اعمى ....حبيتيه وهو اعمى .....
مها امتلت عيونها دموع ومرام تقول- جد ابفهم انتي وش تحسين فيه .....جد انك نفسيه ..ماعندك ماعند جدتي .....
مها نزلت عيونها وقالت- ما اطيق طارق....لو بيدي كان حبيته ...بس شيء من الله اني اكرهه..
مرام- لا ياشيخه ....اجل تحبين واحد عشان عيونه ...وتقول عيونه تذبح وهو اعمى ...
مها نزلت دموعها ومسحتهن قبل لاتشوفها مرام.......
ووقفت وقالت بصوت عالي – كيفي ...مالك دخل باللي احب....
مرام سكتت وهي تطالع بمها .......
مها- طارق ما احبه ما اطيييقه.....وش اسوي عاد احب فيصل غصبن عني...
مرام بهدوء- انا اتفاهم معك بس....
مها- هذا اسلوب تفااهم ....لا تلوميني كذا ....هذا شيء مو بيدي ....غصب والله غصب....
مرام – طيب ليش تعصبين ....
مها بعصبيه اشد- اتفاهم معك .....هذا تفااهم ....
تركتها وراحت وهي معصبه....
مرام- يوومااه بتاكلن هاذي....
كانت ندى وفايزه وفيصل وسامي جالسين عند احمد بالمستشفى .....
واحمد ماكان يتكلم....كان كئـــــــــــــــــيـــــــب
سامي- لا اشوفك زين اليوم...مافيك الا العافيه....
مارد عليه....
فيصل- احمد تغديت اليوم...
احمد بهمس- ايه....
فيصل- طيب سولف معنا.....
احمد ما يرد عليه ....
فيصل- هذا قضاء وقدر....لا تتضايق من هالشيء......
فايزه بهمس لندى- ياعومري عليه...الله يشفيه .....
ندى- امين ...
ددددنددن ....
فايزة طلعت جوالها بتقراء الرساله....
قرتها....وطيرت عيونها....وتغير وجهها...
فيصل- وش فيك؟؟
فايزة سكرت الجوال وقالت- ولا شيء....
سامي بتعجب- وش الرساله......
فايزة بضيق وخووف – الله يرحمها.....زميلة بفصلي توفت.....
الجميع – الله يرحمها....
احمد وجه عيونه لفايزة وده يسألها من البنت ....
سبقته ندى وقالت- من؟؟
فايزة – خلود.....
شهق احمد وهو يصيح....
طالعوه...وقمة التعجب.....
سامي- مشينا نتركه لحاله...
فيصل- بجلس عنده ...
احمد من بين شهقاته- تركوني ....
فيصل- لا يا احمــ....
احمد- تركني....
فيصل – ان شاء الله...وقف وطالعه ....
احمد يحاول يبعد عيونه عنهم.....يصد بوجهه...ما يقدر....
طلعوا من عنده ....
سامي- هذا وقته تقولين هالخبر ...
فايزة- انتم سألتوني .....
سامي- اووف...
فيصل يمشي وهو يفكر وبقلبه- احمد ما يسوي كذا عشان سالفه مثل هاذي...فيه سالفه مراه...الله يستر يا احمد.....
............................
حاتم جالس بالصاله عنده مرام .....
...
مها تلبس عبايتها .....
حاتم- وين؟؟
مها- لندوو ....
حاتم يطالعها ويفكر ....
مها خافت من نظراته .....
مرام- سلمي لي عليهم ....
مها -اوك ....
حاتم- مها ....
خافت وطالعته ...
قال- سلمي لي على فيافي
ضحكت بقوة من الوناسه وقالت- ايه طيب بقولها .....تيب تيب بقولها
حاتم- عاد صدقت ....اعقلي
مرام- وش السالفه ......هااااااااااه ...يانذلكم ما كأني اختكم ....
حاتم- وش هالفضووول ....
مرام- اختكم انا ....انا اختكم ....
حاتم- اجل بنت الجيران ...
مرام- اووووه نذاااله .....
مها- سي يووو ....
.................
ندى- فيصل ...تكفى رح اشتر لي حلاو ....البنت بتجي ولا فيه شيء نحلي فيه
فيصل- عجزاان
ندى- الله يخليك....يالله هاذي مهاااوي...
فيصل طالعها بتعجب وقال- واذا مهااوي ؟؟
ندى ابتسمت وقالت- قم احسن لك ...ترى احس ان البنيه مو طبيعيه ....
فيصل طالعها بتعجب وهو سااكت ...
ندى- وش فيك....
فيصل ابتسم وقال -وشلون تحسين انها مو طبيعيه ؟؟
ندى ابتسمت وقالت- سلامتك بس رح للبقاله ....
فيصل ابتسم وقال- قولي واروح ....
ندى- ما ادري ...هي ماقالت شيء....بس احس انها تحبك...
فيصل طالع ومو مصدق....
ندى جلست جنبه وقالت- يوم تدخل بغيبوبه ....كان ضايق خلقها....اقولك اشك فيها ....
فيصل وقف وقال- من عيووني الحين اجيب لتس...يالله ...
وبسرعه طلع ......وهو مبتسم ابتسامه شاااقه وجهه ....
فتح الباب .....وقف فجأة ...ووقفت تطالع فيه ...
اختفت ابتسامته ....وحاس بربكه ...من زمان ماشاف بنت مو اخته بهالقرب منه ...
رجع على ورى ....ونزل عيونه .....وقال- ندى داخل....تفضلي....
دخل للبيت قبلها....
................
مها واقفه تفكر....مو مصدقه.....
كانت ترجف من الربكه ....قلبها كانه طبول....
مها - يمه..يمه....ياويلي...كان مبتسم .....كلمني ...يدري اني صديقة ندى ...
طلعت ندى للحوش وقالت- هلاااااااااا .....ادخلي.....
دخلت مها وهي طايره من الفرحه ....بس ترجف من الموقف اللي تو .....
سلمت عليها ...
ندى ماسكه يدها وقالت- وش فيتس ..وراتس كذا ؟؟
مها تبلع ريقها- لا سلامتك ...مافي شيء...
ندى طالعتها بنظرات خبث وابتسمت وقالت- طلع بوجهك فوفو....
مها طالعتها وقالت بربكه- بس مو عشان كذا ارجف....انا بردانه
ندى -ههههههههه وانا قلت عشان فيصل والا لا ....قلت هو طلع بوجهك ....يعني اسألك ...فضحتي نفسك....
سكتت مها....
ندى- امشي....ندخل.....
دخلت ومها كانت مستاااااحيه ......اول شيء من فيصل ...وثاني شيء لان ندى كفشتها
ندى بصوت عالي- فيصـــــــــــــــل .....لا تتأخر بالحلااااو .....
مها تنتظر تسمع صوته ....
فيصل من بعيد- من عيوني.....
التفتت ندى لمها ....مها نزلت عيونها بالارض وقالت- صوته يجنن ....
ندى-هههههههه ايه ميخالف ...الحين اتفاهم معك يادبه ....
.......................
فيصل طلع للبقاله وهو مبتسم....
ويقول بنفسه ((يعني معقوله كانت تحبني وانا كنت اعمى ....هالبنت من زمان تعجبني ....ماتوقعت انها تحبني ))
طالع لسماء وقال- الحمد لله اني تعافيت ....الحمد لله
.....................
فايزة ع التلفون ....
عبير -حتى نوره يقولون توفت ....فقدوها اهلها....لقوها بالمستشفى مسويه حادث...
فايزة- لاحول ولاقوة الا بالله...الله يرحمهن....
عبير- آمين....شكلهن طالعات....هاذي واخوها ماتوا.....ويقولون مطعونه...وذيك فقدوها ...ولقوها ميتــ...
فايزة- وجع....اقول ورى ماتسكتين...حرام عليك....البنات تحت الارض ...ادعي لهن بالرحمه....والميت ماتجوز عليه الا الرحمه
عبير- استغفر الله ....بس شي واضــ....
فايزة- عبير استغفري....اتقي الله في نفسك بالله عليك لا تقولين عنهن هالكلام وهن قد ماتن...
عبير- اسفه ...هاه وش قلتي ...نقول لغيدا ؟؟
فايزة- اووووه ماتفهمييييييين غيدا مالها دخل.....افهمي....الا انتي بكره بتجين؟؟
عبير- ان شاء الله ....وانتي؟؟
فايزة- ايه لازم اجي...غيداء تبيني بسالفه ....
عبير- اول نتطلبك تجين ....والحين لاقالت غيدا تعالي تجين ...
فايزة- عاد انتي وش فيك ....احس مو معجبكن ان غيدا صارت صديقتي ...
عبير- الا وش التغير المفاجئ فيها....صارت تستشور الشعر ....وتلبس حلق...
فايزة- مو بنت هي عشان ماتستشور....عادي بنت مثلك مثلها لازم تلبس حلق وتهتم بنفسها...
عبير - والله انك غريبه ....
فايزة- يالله مع السلامه.....
عبير- يالله باي
سكرت
...................
...................
ندى- جد ....عطاك الجالكسي ....يانذلك ...ليش تاخذينه وهو شاريه لنا ...
مها-هههههه اكيد بيقول حلالك...اجل لو قال هاتيهن ...كان قلت خذ يابخيل هع هع
ندى- الا قولي لو بيقول هاتيهن كان طحتي مغمى عليك ...
مها- خخخخخ لا مو لهدرجه ...
ندى- كثري لي ....بس سمعتي صوته خقيتي ....
دخلت فايزة معصبه ومتنرفزه من البنات والفكره اللي اخذينها عن غيداء ....
مها- هلا وغلااا ...
فايزة- اهلييين مهاوي....
سلمن على بعض...
مها- وش فيتس معصبه؟؟؟
فايزة- سالفه ....تعدي على خير....
ندى- تركيها الحين تضحك
مها- طيب وش لي لو ونستها...
ندى- اتحدااااااااك
فايزة تطالع فيهن وساكته
مها- آآآآآآآ حاتم .....
فايزة ابتسمت ....
ندى-ههههههههههههههههههههههههههه
مها- ماكملت السالفه ...
فايزة - فيه سالفه ....بسرعه تكلمي...
مها- يسلم عليك....
فايزة طاحت على السرير واتسطحت وقالت0 اغدي ملح .....اغدي كشنه ....يازينه زينــــــــــــــــــاااااه
ندى بضيق- ياويلي عن اختي ...اثر الحب مسوي فيها كذا ....ابي احب ....كل وحده لقت فارس الاحلام ....وانا ...
فايزة بشهقه- مها ...تحب ....
مها - ومن قاله
فايزة- وش معنى كلامها ؟؟؟
ندى- ايه تحب ...وش تبين...ماراح تعلمك...
فايزة- لا تكفين علميني من تحبين ....
ندى- انقلعي ...وش جابك للغرفه
فايزة- انا اكلمها ما اكلمك
ندى- اقول طسي ....
مها ابتسمت وقالت- تصدقين ندى ....بوه احد يصدق ندى ؟؟
ندى بدون اهتمام- ايه ايه ..صح....
التفتت لها بسرعه وقالت- يادوووبه ...تسبينن وانا قدامك
مها- هههههه سوري سوري...
فايزة- مصيري عارفه....
ندى- شوفي فيصل جاب الحلويات ...وجيبي لنا القهوة ...
فايزة- ترى عشان مهاوي بقوم...ادري انها بعد قلبي بتقول لي..
تركتهن وطلعت ....
ندى- ياااويييلي يالشرااافه ....وش دخلها ...
مها- يعني لو كنتي بمكانها ما ودك تعرفين ...
ندى ابتسمت وقالت- لا
مها- ايه هيين ..كثري لي منها
ندى- قومي قومي ...تعالي شوفي غرفة فيصل....
مها- لا لا صعبه ...
ندى- قووومي ....مابيننا رسمياات
سحبتها مع يدها ....وطلعن لغرفته ....
ندى دخلت ...
مها وقفت عند الباب وهي تقول- لو يدري ابوك او امك انك متلقفه ....
ندى- عادي عادي....
مها- لا لا...امشي نطلع ...
طالعت لدرج الصاله ..وقف عنده وهو يطالعها....
حست ان الدنيا تدور فيها ...
نزل عيونه ورجع ....
مها بخووف - ندى ....
ندى- تعالي شوفي درجه ...
مها- ندى فيصل جاء...
ندى- وش دراك انتي ...واذا جاء..
مها- شافني ...
ندى - جدك ...وين جاء...
مها- عند الدرج يادوبه...
ندى- يوووه يافشله عاد انتي اللي بتتفشلين مو انا ...
مها- الله يقلع بليسك يادووبه...
.....
نزل وقابلته فايزة وقالت- بس حلاو سنكرس ....لا تصير بخيل...
فيصل- اللي عند ندى مها؟؟
فايزة- ايه ....
فيصل- اها...
تركها وراح....كان بيتأكد هي مها او لا....
طلع للحوش واجهه سامي وقال- بكره احمد بيطلع .....قل للبنات يجهزن له غرفته....
فيصل- امي بتنزل غرفته بجنب غرفتها...عشان لو احتاج شيء..
سامي- المهم بكره ...يجي والغرفه جاهزة فوق تحت ....ابوي داخل
فيصل- ايه بغرفته
سامي اخذ نفس بضيق وقال- الله يعين ....
تركه وراح .....فيصل طلع لشارع وهو يفكر...
الله رجع له نعمة البصر ...بس اخذ من احمد نعمة الحركه ....سبحان الله ....دوام الحال من المحال....
كان يمشي وهو يفكر...حاس بضيقه بصدره ....جلس بالحديقه القريبه من بيتهم....هي تعبر بعيده ...بس اللي بيتمشى بياصل له ....
جلس على الكرسي...ويطالع ...كان فيه شباب بعمره يلعبون كورة ......
فيصل يطالع طريقتهم باللعب ...مايعرف يلعب....كان يحب الكوره قبل يصير اعمى .....بس نسى كل حركه كان يتعلمها.....
وصار يتذكر ويتذكر ويتذكر ....
قاطعه صوت- حيااا الله فيصل...
رفع عيونه له ...وقف وقال- الله يحيك ....
صافحه وقال- اخبارك..عاش من شافك....
فيصل- تعيش ايامك...
حاتم- العب معنا.....
فيصل باحراج- ما اعرف...
حاتم غمز له وقال- اعلمك....
من بعيد صوت خالد- يارجال اخلص علينا ....من الدين صلة الرحم ....
فيصل طالعه وابتسم ...
حاتم- ماعليك منهم ...بعدين انا وفهد وخالد بس....يعني بنعلمك كلنا...
فيصل- والله؟؟
حاتم- ايه ...
فيصل متردد...
حاتم- عادي ...
فيصل- بس لا تضحكون علي
حاتم- اكسر اسنان اللي يضحك ...انا موجود ماعليك من احد
فيصل- ههههههههه طيب يالله ؟؟؟؟
اتجهوا لهم ...
فهد وخالد سلموا عليه وقالوا- الحمد لله على السلامه ...
فيصل- الله يسلمكم ..
فهد - تلعب معانا؟؟
فيصل- تراي ما اعرف ...بس حاتم بيعلمن ...
خالد- انا اعلمك ...
فهد- انتم الحين شوفوا لعبكم عشان تعلمونه...انا اعلمك...
حاتم- ههههههه ....اقول لا يكثر...يالله ....
رجع شوي على ورى ووقف ...وهو يطالع فيصل...ابتسم وهو يتذكر مها ....
فيصل طالعه وابتسم له وقال- اصير معك ...
حاتم ضحك وقال- وش معي ومو معي....هاذي قديمه...الحين حنا نتحدى بعض ...يعني خذ الكوره اخذ الكورة .....طارق جاء شباااب ...
خالد وفهد- هلااااا...
طارق ابتسم وهو متجه لهم.....بعدين وقف يطالع بفيصل....واختفت ابتسامته .....
سلم على فهد وخالد
فهد- لا اجل اكتمل اللعب...
طارق بدون نفس - ايه واضح ...
مر من جنب فيصل...
فيصل رفع يده له بيسلم عليه ...
طالع فيه ...ومر من جنبه ولا كأنه شافه ....
انصدموا العيال ....حاتم ما يدري وش يسوي ....من قوة الصدمه ما احد تكلم ....
طارق- يالله ...بنلعب ...مع مين الكوره ....
فيصل طالع طارق ....وقال- انا استأذن ....بروح للبيت ..
حاتم بربكه- بدري...
سفههم وراح ....
حاتم التفت على طارق وقال- صراحه مالك داعي....
طارق طالع بحاتم ...وقال- يا اخي ما احبه....اكرهه...
حاتم- بس مو تسوي كذا
خالد- يا اخي كسرت خاطره
فهد- المهم يالله بنكمل ....
حاتم- صراحه مالك داعي ابد....لو تكره ماتسوي كذا .....
سكت حاتم وهو يتذكر....
طارق يحب مها....ومها تحب فيصل....
عصب وقال بنفسه- هذا وش دراه عن مها .....كل شيء يعرفه عنها....
......
فيصل يمشي ....انقهر من طارق....
فيصل- وقسم انه سفيه ...واللي يحط راسه براسه اسفه منه .....
دخل البيت ......وجلس بالصاله ...عند سامي ....
سامي- وش فيك...ورى ما تسلم ...
فيصل- السلام عليكم
سامي- وعليكم السلام....وراك انت ؟؟
فيصل- لا سلامتك....
سامي- طيب ما تبي جوال؟؟
فيصل طالع فيه وقال- الا...وبكمل دراستي...
سامي- متى!!!
فيصل- العصر...
سامي- بس...
فيصل- بكملها...
سامي- براحتك...تبيني اسجلك؟؟
فيصل- ايه ....
سامي- خلاص...تبدا من سادس ان شاء الله....الا الملف عند امي؟؟
فيصل- اعتقد انه عندها....
سامي- خلاص....اشوف لك حل...
................
دق الجوال....
رفعته مها وقالت- آآآ ما اعرف الرقم ....
عطته صامت ..وقالت- وش قالن؟؟
ندى- يقولن اللي يقولن .....انا اعتقد انهن يغاررن منك ....
مها-خخخخخخخ على ايش يغارن؟؟؟
ندى- انتي شــ...
دق الجوال...
مها- من هاذا؟؟
ندى- قولي هاذي...ردي عليها ...
مها- طيب....
ردت- ألو ....
سكتت .....ولا صوت ...
ندى- خلاص خلاص سكري ...يمكن غلط...
مها-يمكن ...
سكرت ....
.....................
طارق ضغط على الجوال بيده وقال - ايه ادري ليش ماوده يلعب...ادري ليش انقلع وتركنا ....ما صدق تصير سالفه عشان يروح لبيتهم .....
مسح الرقم ومسح السجل ...وقال- مشكور يافهد....
فهد ابتسم له وقال - العفو ..
طارق طالع بالساعه وقال - تسع ونص.... انا بروح...يالله نشوفكم على خير...
حاتم يطالع طارق وهو شايل عليه بقلبه ليش يسوي كذا بفيصل....
تركهم وراح.....
.....................
مها وقفت وقالت- عاد الحين يالله مع السلامه...
ندى- ياشينه انثبري وين تروحين هالحزة
مها- لا لا ما اقدر جد وربي طولت ....
ندى- آآآآآ طيب تروحين لحالك؟؟
مها- ما علي الطريقي فاضي...
ندى- وهاذي المشكله ....خلاااص لازم احد ياقف لك او يوديك....
مها- قومي البسي وتعالي معي....
ندى- ايـــــــــــــــــــه يعني قولي خلي فيصل ياقف لنا...
مها- لا تكفين وربي احراج...
ندى- اجل اذا رحت معك من يرجعن؟؟
مها- يوووه...خلاص مو لازم....ندى- الا الا ....
تركتها وطلعت بسرعه ومها تقول- لا ما ابيه يجي معنا...
ولا حياة لمن تنادي....
.............
ندى- فيصل فيصل.....مها بتروح ...وخايفه ...بروح اوصلها وارجع ....
فيصل يطالع فيها ويقول- وانتي من يرجعك ....
ندى- انت اوقف لي انا وياها....
فيصل ابتسم وقال- من فكرته هاذي؟؟؟
ندى- والله العظيم انها على نيااتها وانا اللي قلت لها ....هي تقول بروح لحالي ....
فيصل- يالله ...اطلعن قبلي ....
ندى تركته وهي تركض....
..................
مها تمشي وهي حاسه انها مو قادره تمشي باي لحظة بتطيح....
كانت ندى جنبها وتقول- لا تخافين بعيييد عنا...
مها- لا لا ولو بعيد...يانذلك...هييين حسابي معك بكره بالمدرسه.....ياربـــــــــي
ندى-خخخخخخخخخخخ الحين يحسبك انتي اللي تبينه ...يعني انتي اللي قترحتي الفكره يادبه
مها بخوووف- الله يخلي لك ابوك وامك واخوانك....تكفيييين قولي له ...
ندى- آآآ لا بقول هي ...اكيد بقوله ما عليتس منه ولو فكر كذا لا تخافين ...
مها- اشوى ...الله يستر بعد لا يكون طارق عند بابــ.......
سكتت ووقفت هي وندى ...
فيصل يمشي ويطالع بالارض وسااااااهي...الى ماصار قريب منهن ..
طارق يطالع بفيصل....
فيصل رفع عيونه ...وطالع بطارق....
مها قلبه ينبض بقوووة ...
طارق- جزاكم الله خير...وصلت لبيتها....
طالع بمها يبيها تمشي....
مها بقلبها- هذا يحسبن زوجته عشان اروح معه ....
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك