رواية اه يادنيا -8
روان : هاه
ميشو : وش هالملابس تراك بجامعة بنات
روان : ههههههههه ادري ولو سمحتي اذا كنتي بتتلقفين ضفي عفشك وطسي
ميشو : روان ما فكرتي ليش رغد ورنيم تركوك وقالو لي اذا ماشيتي روان ما بنقعد معكم
روان الي كانت مجروحه من السالفه : اساساً هم من عذالي وما يستاهلون احد يفكر فيهم
ميشو وهي معصبه : روان اصحي اصحي ياماما البنات قالو هذا الكلم لأن ستايلك شبهه
روان انصدمت : ميشو وش تقولين انتي
ميشو : روان حبيبتي انا واثقه فيك واعرفك زين بس وش ذنب الباقين لوكك يقول انك شبهه ومسترجله
روان قامت وهي تصارخ : والله العظيم يا مشاعل ان تكررت هالكلمه منك ماراح يصير خير
ميشو : روان تعالي
روان وهي تقوم: مشاعل انتهت السالفه واتمنى ما تدخلي بخصوصيات غير
...,,,...,,,..,,..,,..,,
نجي لرهف الي من يوم راحت شوق عنها وهي ما تقوم من النت
دخلت وفتحت الماسنجر وشافته اون لاين وعلى طول دخلت
(( حبك بقلبي له الف حكايه ))
سلاموو
(( دخيل الله لا تغيب ))
هلا والله وعليكم السلام
(( حبك بقلبي له الف حكايه ))
اخبار المنتدى تركي
(( دخبل الله لا تغيب ))
بخير ومشتاق لك ولخواطرك
..........................
رهف بعد ماراحت شوق سجلت بمنتدى وصارت تكتب خواطرها واخذت شعبيتها بالمنتدى هذا
ومدير الموقع اعجب بشخصيتها واخذ ايملها واضافها
ورهف يوم شافت اسلوبه عدل ومؤدب ماعارضت
...,,,...,,,..,,
بريطانيا )) >>
شوق استانست حيل بالمدرسه وبالطلاب
وخاصه مع الجوري وخالد ومشعل صارو شله وحده ودخلت معهم وحده حبوبه اسمها امل
...........
مر علو وجود شوق ببريطانيا شهر اتأقلمت مع الوضع وصارت مقطعه نفسها بالمذاكره
وعلاقتها زادت قوه مع لمى وصارت صديقتها الروحيه بس مستحيل توصل لرهوفه على قولتها
وطبعاً شوق قلقانه من رحال لأنها كل ماجت عينها بعين شوق خزتها بشكل يخوف
..................
رجعت شوق من المدرسه اخذت شور ونزلت تتغدى وباين عليها السعاده
عبد الله الي مبسوط حيل من بنته الي بدت ترجع مثل شوق القديمه
عبد الله : هلا وغلا ببناتي هلا والله بتاج راسي هلا
شوق وهي تحضن ابوها : هلابك يبه
شموخ وهي تحضنه بعد : هلا بابي وحشتني
عبد الله : يله اقعدو تغدو
شموخ راحت حضنت امها : وحشتيني مامي
حنان : يابعد قلبي اجلسي تغدي
شوق نزلت عيونها وهي تدعي ان ربي يحفظ شموخ لأمها والعكس
.......................
الساعه 5 )) >>
قامت شوق من النوم وهي فرحانه لأني باكر مافي اختبار
جاء على بالها تروح مكتب ابوها تسولف معه لأنه هالوقت بالمكتب يقرا الجرايد
وعلى قولة روان الخربوطات
شوق دقت الباب
عبد الله : تفضل
شوق : سلام
عبد الله وهو يعدل جلسه : هلا والله
شوق جلست : اخبار ابوي وحبيب قلبي
عبدالله : بخير ياغلاي بغيتي شيء يبه محتاجه شيء
شوق : لا انت مو مقصر فديتك
عبد الله : اجل وش بغيتي
شوق : ياسلام يعني اي بنت تجي لأبوها يعني تبي شيء
عبد الله بنفسه صدق من قال انك عكس اختك :ههههههههههههه ياجعلني افداك وفدا امك
شوق نزلت عيونها وكان فيها فضول تعرف كل شيء عن امها صح انها تتذكر بس تبي تسمع كل شيء
عبدالله كنه فهم عليها : آآآآآآآآه ياشوق انا مشتاق لأمك اكثر منك
شوق اول مره بحياتها تسمع هالنغمه بصوت ابوها رفعت عيونها وكان فيه فضول شديد
بدى عبد الله يقول لبنته كل شيء عن ايامهم وشوق تسمع وهي متأثره من شكل ابوها
وهي شايفه الدمعه حايره بعيونه
شوق : آآآآآه يبه كل هذا بقلبك
عبد الله سكت وشوق احترمت سكوته
وجلسو ساكتين 5 دقايق وقطع هالصمت شوق وهي تسأل : يبه الحين امي ما جابت غيري
عبد الله ابتسم وهو ناوي يقولها : ايه يايبه ما جابت غيرك بس انتي لك اخو
شوق وهي مو مصدقه : وشوو
عبد الله : هههههههههههه عندك اخو يابوي
شوق ومخها قافل : توك تقول ما جابت غيري
عبدالله : يابوي عندك اخو من الرضاعه
شوق وهي توقف : احـــلف
عبد الله : قري خلني اقولك السالفه
شوق قعدت وهي متحمسه: يله يله قول
عبد الله : امك الله يرحمها كانت حنونه حيل حيل وانتي طلعتي عليها
شوق : طيب
عبد الله : لا تقاطعين .... المهم كان لنا جاره سوريه متزوجه واحد سعودي
وكانو دايم يتضاربون اخر شيء هالسوريه ولدت وحطت الولد وشردت على سوريا
عاد جارنا السعودي اخذ ولده وحطه عندنا الين ما ربه ييسر له اموره وكنتي انتي وياه بنفس العمر
شوق وهي مو مستوعبه : وبعديــن
عبد الله : امك رضعته معك لمدة 3 شهور اخر شيء جت امه واخذته وسافرو
شوق : طيب وين اخوي ويدري انه امي ماتت يعني تصير امه ووش اسمه ووينه وليش ما قلت لي
عبد الله : ههههههههههههههههههه شوي شوي علي
عبد الله : يابوي هذاني
سوري يا حلوين انا امس ما كملت الجزء كله وهذي التكمله
شوق : طيب وين اخوي ويدري انه امي ماتت يعني تصير امه ووش اسمه ووينه وليش ما قلت لي
عبد الله : ههههههههههههههههههه شوي شوي علي
شوق وهي زعلانه : ليش ماقلت لي
عبد الله : يابوي هذاني قلت لك وش تبين بعد
شوق : وش اسمه ووينه
عبد الله: اسمه خالد وهو هنا ببريطانيا ومعك بالمدرسه
شوق : اسمه خالد
عبد الله يبتسم : ايه
شوق : ومعي بالمدرسه
عبد الله طلع من درجه صوره : هذا هو
شوق قامت وهي مصدومه : يوووووووه
عبد الله : تعرفينه
شوق تبتسم : ايه هذا معي بالفصل
عبد الله : تراه ما يدري انك اخته ... بس يدري ان عنده اخت
.....
طلعت شوق من عند ابوها وهي فرحانه وبتموت من الفرح معقوله بعد هالسنين كلها
اكتشف انه عندي اخو آآآآآآآه واخيراً تحقق حلمي
نزلت على تحت
شوق وهي تبوس شموخ : اهلين وسهلين بأحلى اخت
شموخ وهي مستغربه : هلا شوقه وش الطاري
شوق : شرايك نطلع السوق او نروح نتمشى
شموخ : هههههههههههه شوق شاربه شيء
شوق تبتسم بحيويه : لا
شموخ وهي تقوم : وآو
شوق : وشو
شموخ : لقيتها
شوق : وش
شموخ : في مكان دببات بحريه ودببات بريه شرايك ناخذ الشله ونروح
شوق : اممممممممممم اوك
شموخ : يله اجل قومي البسي
شوق : بتصل على جوري ومشعل وخالد وامل
شموخ : وانا بتصل على فيصل وحمد ووجدان وابرار
شوق : ونآآآسه
شموخ : يله
شوق بنفسها وآآو يا خالد وش ردت فعلك اذا عرفت اني اختك
طلعت شوق لبست جنز ابيض واسع شوي وتي شيرت سماوي مخطط بابيض
ولبست جزمه سبورت سماوي بخيوط بيضاء وطبعاً الحجاب وبنفس الألوان
ومانس الاكسسوارات والنظارات الشمسيه
....
شموخ كانت لابسه شورت ابيض وبلوزه كت سماوي وكاب ابيض ونظاراتها الشمسيه
واخذت واقي الشمس واخذت لها ملابس لأنها ناويه تركب دباب بحري
شوق اتصلت على جوري : الوو
جوري : هلااااااااااا والله بشواقي تونا كنا نتكلم عنك ونقول ليتها معنا
شوق : ههههههههههههه وينكم فيه
جوري : ببيت عمتي ام مشعل
شوق : اسمعي انا وشموخ وصديقاتها طالعين على البحر منتجع الدبابات وش رايكم تجون
جوري : وآآآآآآآآو من زمان ودي اروح له
شوق : من معك الحين
جوري : معي اموله ومشعل
شوق : اوك انا بدق على خالد ونتقابل هناك
جوري : اوك وخذي >> وباست السماعه اموآآآآآآآآآآآآآآه
شوق : ههههههههههههه وعععععع
جوري : مالت عليك >> وسكرت
شوق : اتصلت على خالد
خالد كان جالس بكوفي واستغرب اتصالها وكان يسميها مطوعة جدتي : الوو
شوق : الووو هلا خلود اخبارك
خالد بنفسه والله فصخت الحيا : هلا شوق الحمد لله تمام كيفك انتي
شوق : بخير خلود طلبتك
خالد : امري
شوق : حنا الحين رايحين البحر منتجع الدبابات نبيك تجي
خالد من جد استغرب : اوك تبيني امر عليكم
شوق : لا لا بنجي مع السايق
خالد : اوك
وراح يستعد لروحه وهو حاس ان شوق فيها شيء معقوله ذي الي تستحي
تتكلم معي بكل جرأه ولا تعزم بعد والله حآآآله
.... ,,, ,,, .......
بالرياض )) >>
عبد الرحمن كان كله يفكر بالبندري وبعيونها وناوي يقول لأمه تخطبها له
>> ما عنده لعب الرجال
عبد الرحمن نزل من غرفته وشاف امه وهتون : سلام
نوره : هلا هلا والله بولدي وتاج راسي
عبد الرحمن يسلم على راس امه : اخبار الغاليه
نوره : بخير
عبد الرحمن وهو يطالع بهتون : يمه بغيتك بسالفه
هتون حست وابتسمت
نوره : امر يايمه
عبد الرحمن : ابي اتزوج
هتون : هههههههههههههههههههههههاي ما عنده اسلوب
نوره : والله هذا يوم المنى يابوي اليوم اكلم لك جارتنا ام احبد واخطب لك ابتهال
عبد الرحمن طلعت عيونه : لا لا لا فكينا دخيلك
هتون : ههههههههههههههههه يمه يبي البندري
عبد الرحمن وهو منصدم : بسم الله الرحمن الرحيم اللهم حولينا ولا علينا
نوره : والله وعرفت تختار الحبن اكلم امها يابوي
عبد الرحمن ابتسم : يله اجل استأذن
هتون راحت طيران على فوق
ودخلت على ساره
ساره : وجع وجع في شيء اسمه استأذان
هتون نطت عليها وحضنتها : ههههههههههههههههه دحوم بيخطب بنوو
ساره تدفها : وشووو
هتون : دحيم بيخطب بنوو
ساره وهي تحضن هتون : وآآآآآآآآآآآآآآآآآآآآآآآآو
بريطانيا))>>
وجدان اعتذرت وابرار وحمد وفيصل جو
تقابلو كلهم قدام المنتجع وكانو (( شوق . شموخ , جوري , امل ,ابرار , مشعل , خالد, فيصل , حمد ))
مشعل : ايه ايه اخسس يالأخوات مطقمين سماوي بسماوي
شوق : ههههههههههههههه
حمد : هيه والله تصدق توي انتبه حق ملابسهم بس صراحه شموخ اكشخ
خالد : هههههههههههههههههاي انت تبي المفصخ
شموخ تخصرت : اقول هيه هيه انت وهو وش شايفيني كل واحد يقول رأيه ماكني موجوده واسمع
الكل : هههههههههههههههههه
شوق كانت بس تطالع بخالد وودها تقوم تحضنه بس كان ودها تسوي فيه مقلب
دخلو كلهم وقعدو على الجلسات الي قدام البحر
شوق قامت : جوري
جوري وهي مشغوله بذره : لبيه
شوق : قومي ابيك بشيء
جوري قامت ورمت شنطتها على وجدان بس بالخطأ جت على فيصل
جوي : يؤ يؤ قسم آسفه
فيصل : ماصار شيء
جوري : اجل خل شنطتي عندك لحد يلمسها
فيصل : ههههههههههههه اقطع ابو الموانه بس ابشري
الكل : هههههههههههههههههه
شوق اخذت جوري وجلسو بجلسه بعيده
جوري وهي ترمي الذره وتلحس اصابعها : ايه وش عندك
شوق : ههههههههههههههههه ياحبني لك
جوري : جايبتني هنا عشان تقعدين تتغزلين اخلصي علي
شوق : هههههههههههه طيب اسمعي بقولك الزبده مالي حيل مقدمات
جوري : ايه احسن
شوق : خالد
جوري : تحبينه
شوق : ههههههههههههههههههههههههاي خليني اكمل
جوري وهي متحمسه : ايه وش فيه ذاك المصري
شوق : اخوي من الرضاعه
جوري بأعلى صوتها : احـــــلفي
شوق : والله اليوم دريت وترا هو ما يدري اني اخته
جوري : حمآآآآآس
شوق : نبي نسوي فيهم مقلب
جوري بعيونها نظرة خبث : طيب طيب انا عندي فكره
.... ,,, ... ,,,
بالجلسه الثانيه كان حمد بس يطالع بشموخ
وابرار تطالع بفيصل
وامل تطالع بخالد
وشموخ طقتها سوالف مع مسعل
وخالد شغال بالجوال
شموخ كانت بجنب مشعل ويسولفون والباقين كل واحد بحاله ويفكرون
شموخ بهمس : مشيعل طالع بالوجيه الولهانه
مشعل : هههههههههههههههههههه ايه والله يأطع بو الحب شو بيدل
شموخ : هههههههههههههههههههههه
الكل انتبه على نفسه وضحكو الا خالد الي قال : شالسالفه
فيصل : خلك بجوالك احسن
شافو شوق وجوري مقبلين
وشوق تهمس لجوري : والله استحي
جوري : هههههههه تراه اخوك يالهبله
شوق : لا لا استحي
جوري : شووووووووق
شوق : خلاص طيب
>>
جت جوري وهي تنبه شوق بنظراتها اخذت شنطته من عند فيصل وبصدفه مسكت يده
حست بجسمها كله يرتعش من قبضته الرجوليه وهو بعد انحرج
شوق جت وبكل جرأه جلست بجنب خالد وحطت ايدها على كتفه
شموخ وخالد والكل انصدموو وما توقعو تجي هالحركه من شوق
شوق : خلوووودي والي يعافيك يا قلبي عطني الجوال
خالد وهو وده يقوم يصفقها : شوق يا ام الشباب مسخنه
شوق قربت لم خالد بشكل محرج وهي شوي بتموت لكن جوري تهددها بعيونها
خالد خاف وقام من الكرسي : خلا قري قري بعطيك اياه
امل بغت تموت من الغير
وفيصل احترق قلبه بشكل فضيع
والباقين الصدمه مخليهم ساكتين
الكل سكت وشوق ما قدرت تكمل وهنا جوري ما قدرت تمسك نفسها : ههههههههههههههههههههههه
شوق ووحهها احمر : ههههههههههههههههههههه
خالد حس : وش السالفه
شوق : خالد
خالد : هلا
شوق وهي عيونها مدمعه : انت اخوي
خالد شهق كان دايم يسمع ان له اخت بس ما يدري وش اسمها وكيف شكلها
خالد : صدق
جوري : ايه صدق انت اخوها من الرضاعه
الكل انصدم وشموخ حز بنفسها وبدت دموعها تطيح لكن محد منتبه لها الا حمد
خالد ما صدق الي يسمعه على طول شال شوق وصار يدور فيها
وهي ميته رعب : آآآآآآآآآه يمآآآآآآآآآآه نزلني نزلني خلووووود رجيتك
نزلها خالد وضمها على صدره : والله فجعتيني قلت وش فيها ذي فصخت الحيا
شوق الي اول مره تحس باحساس الأخوه : هههههههههههههههه
طبعاً الكل فرح لهم وقامو بصفقون وامل تطالع بشوق وتقول ليتني مكانك *ـ*
خالد : يله قومو على الدبابات وطبعاً شوقي معي
الكل قام الا شموخ
شموخ : انا راجعه البيت
شوق : ليـــــــــش شموخي
شموخ : كذا مالي نفس تبين ترجعين معي
خالد : لا لا لا شوقي انا برجعها معي هذي اختي هذي
شموخ خلاص وصلت معها : اوك >> وراحت
الكل راح يركب هالدبابات وحمد راح ورا شموخ
شموخ كانت تمشي على البحر تنتظر السواق يجي انتبهت للي وراها والتفتت
شموخ : حمد
حمد : شوو
شموخ : وش جابك
حمد : شلون تبيني اتركج لحالج عيال الحرام وايد
شموخ ابتسمت : لا تخاف علي الحين بيجي السواق
حمد : ماكو مشكله ايلس وياج الين مايوصل عقبها اروح
شموخ : اوك
حمد : تعالي نيلس هناك
شموخ : يله
جلست شموخ وهي متضايقه وودها تصيح
حمد : شو شموخه اشوفج مضايجه
شموخ تبتسم: لا
حمد : مو على حمود هالحركات
شموخ قامت : يله السواق جاء باي
حمد قام : شو رايج اروح وياج
شموخ : ليش
حمد : اوصلج
شموخ استغربت : لا شكراً روح العب معهم
حمد : مالي خاطر ... طيب شو رايج نروح انا وياج اي موكان
شموخ : اوكي يله تعال
حمد استانس : يله
بالرياض )) >>
ساره اتصلت على البندري : بنووووو ياروح روحي انتي
البندري : خخخخخخ وش عندك
ساره : بنجيكم اليوم انا وامي وهتون
البندري : الله يحيكم مين بيجيبكم
ساره بخبث : السواق مافي غيره
البندري بخيبة امل : اوكي الله يحيكم بزل اقول لمامي
ساره : طيب يا مامي باي
بنو : هههههههه باي
عبد الرحمن طلع وهو كاشخ وحركتات
هتون : الله الله فديت المعرس
عبد الرحمن : احم تعالي بخريني
هتون : اقلب وجهك زين
جت ساره ومعاها المبخره وبخرت اخوها ولبسو البنات وطلعوو وطبعا مع نوره الي فرحانه بولدها
وبنفس اليوم جو اهل راشد لم بيت عبد العزيز
ابو عبد العزيز : هلا هلا والله
ابو راشد : هلابك زود ياخوي
دخلو الرجال على المجلس وجاء عبد العزيز ومعه القهوه
راشد يهمس لعبد العزيز : ادع لي
عبد العزيز : هههههههه والله وطلعت روينه موب هينه
راشد يتذكر شكلها وآآه ياربي
داخل عند الحريم روان ما كانت تدري عن السالفه لبست هذي المره جينز عادي وتي شيرت
كت لونه ابيض كان ماسك على صدرها بطريقه حلوه
يعني كان شكلها نعوم ولأول مره وشعرها لها فتره ما قصته وصاير لأول كتفها
ما حطت بوجهها شيء عكس رهف ونزلت تحت تسلم على ام راشد
ام راشد : هلا هلا والله ببنتي
فاطمه وهي تبتسم : هذي روان
ام راشد ابتسمت واعجبت بشكل روان : كيف حالك يا بنتي
روان سلمت عليها وجلست : الحمد لله بخير يا خاله شلونك انتي بشريني عنك
ام راشد اعجبت باسلوب روان : الحمد لله بخير ياجعلني افداتس
روان قامت المطبخ وشافت رهف
رهف : رورو شكلك يهبل ليش ما حطيتي بوجهك شيء
روان تتخصر : وليش احط
رهف : تدرين من الي عندنا
روان : لا
رهف : ام راشد صديق عبد العزيز
روان تذكرت الي صدمت فيه بس مي متأكده انه هو : طيب وش اسوي
رهف تبتسم بخبث : الظاهر هو الي خرعتيه ذيك اليله
روان طالعت فيها وراحت
طبعاً ام راشد كلمت فاطمه وقالو لها بنشاور البنت وراحو
.......
بالسياره
راشد : هاه يمه وش قالوو
ام راشد : يابوي اركد الركاده زينه
راشد : طيب وش قاالو
ام راشد : هو تونا مكلمينهم تبيهم يردون واساساً البنت ما تدري
راشد : طيب يمه وش رايك فيها
ام راشد : ماشاء الله جمال طبيعي بدون ما تحط هالطحين واخلاق
راشد بنفسه بلاك ما تدرين ليش ماتبي هالطحين لكن صدقوني بغيرها وانا ولد ابوي
ابو عبد العزيز : رهف قومي نادي اختك
رهف : اوك
طلعت رهف فوق ودخلت على روان الي كانت على الاب توب
رهف : ابوي يبيك
روان نغزها قلبها : اوك
وراحت لأبوها
روان : سم يبه ناديتي
ابوها : تعالي يابنتي اقعدي
روان وهي تقعد : آمير يبه
ابو عبد العزيز: اليوم جاء ابو راشد وخطبك لولده وهو نعم الرجال ويعرف اخوك
روان سكووووت
ايو عبد العزيز : فكري يا بنتي وردي لي خبر ومعك وقتك
روان : لا يبه مابي مو موافقه
ابو عبد العزيز : لا تستعجلين انتي فكري وردي علينا خبر
روان ونفس الرد ببالها : طيب
ابو عبد العزيز : الله يوفقك يارب
روان ابتسمت وقامت لغرفتها وهي تفكر ر ر
دامه يحسبني ولد ليش جاي يخطبني ليش ما خطب رهف
الكذاب كان يدري اني بنت انا اوريه مو روان الي ينضحك عليها
...,,,,....,,,.
رهف كانت على المسن وكانت خايفه من تركي الي اسلوبه تغير قالت خلاص بحذفه
(( رهآف الي ما تخآف ))
تركي اسلوبك تغير وانا بنت ناس ومحترمه
(( ترووك ))
آآسفه رهف بس وربي غصب عني مو بيدي
(( رهآف الي ما تخاف ))
انت مثلك مثل كل الشباب وانا الغبيه الي خليتك تتمادى
(( ترووك ))
؟ ؟ ؟ سوي الي تبين مو انا الرجال الي اهين نفسي لبنت حتى لو كنت حبيتها ؟؟؟
(( رهآف الي ما تخاف ))
رهف بغت تنجن يحبني معقوله يحبني وبدى قلبها ينبض بسرعه
سكرت المسن والنت والاب كله وحطت راسها والأفكار ماخذتها
.... ,,, ... ,,, .. ,,
نجي لبنو الي فرحتها ما توسعها معقوله فارس احلامي الي حلمت فيه طول عمري يجي يخطبني
آآآآه يا عبد الرحمن اخيراً اخيراً حسيت
مو مصدقه آآآآه ياربي تذكرت اول مره تشوف عبد الرحن
كان جاي ياخذ ساره من عندها وطلعت تودعها عند الباب وشافته
شافت ملك قلبها الي تحبه وطول عمرها تفكر فيه
....,,,,....,,,,...,,,
نجي لشوق الي كان هذا اليوم بالنسبه لها احسن يوم بحياتها استانست من قلب مع اخوها
بس كانت قلقانه على شموخ وودها تعرف وش فيهااا
وصلها خالد لم البيت : انزلي يا اختي الموقره
شوق : مشكور خلود وربي مرا استانست اليوم
خالد وهو يطالع لأخته بحنان لمس خشمها بيده : وه بس فديت اختي
شوق دمعت عيونها : مو مصدقه اني لي اخو الله لا يحرمني منك ياخوي
خالد : والا منك يله انزلي يا ام الشباب اخرتيني
شوق : ههههههههههه الشرهه موب عليك علي الي معطيتك وجه باي
خالد : باي
وتابعها بنظره الين ما دخلت مع الباب ورآح . . .
شوق قبل لا تدخل الفلا دق موبايلها
برقم غريب : الوو
البنت : الوو
شوق : هلا من معي
البنت : انتي شوق
شوق خافت : ايه انا شوق انتي مين
البنت : اسمعي يا شوق مصيري راح انتقم منكم كلكم
شوق بدا الرعب يدخل قلبها : ميـــن
البنت : راح اخليك انتي واختك وابوك تبكون دم راح انتقم وسكرت السماعه
شوق خافت بس طنشت ودخلت على الفيلا....
اسبوعين مرت حصلت تطورات كثيره ونبدا بروان
روان للحين محتاره توافق اولا لأن مشاعل حاولت تقنعها
هي اقتنعت بس في شيء مخليها تتراجع
.......
رهف بدت تتعلق بتركي وهي بقرارت نفسها تلعن الي تسويه بس مو قادره
وتمنت شوق الي متغيره عليها ونستها على قولتها تكون معها
........
ساره مره فرحانه للبندري ويستعدون للملكه لأن بنو وافقت من اليوم الثالث
ما قدرت تستحمل *ـ*
........
هتون ملت من حياتها وتقدم لها واحد وهي للحين تفكر توافق او لا
وتستعد للملكه بعد
........
بنووو ودحوم حاسين نفسهم طيور حياتهم هذي الفتره كلها سرحان وتفكير
بنسبه لهم دحوم متحمس ويعد الأيام وبنو اخس منه *ـ*
..........
نايف الأخ مو عارف طيف يبدا السالفه مع بنوو
وده يعرف ساره من بنته لأن الأخ اعجب فيها وساره ما درت عن داره
.............
شوق التهديدات ازعجتها وارعبتها
وهي الحين تحاول بأبوها تحضر ملكة عمها
وتشوف اهلها
...........
شموخ صايره هذي الأيام هاديه وبدت تلتزم شوي شوي
وشوق مره فرحانه لها بس الكل ملاحظ الحزن بعيونها وما ندري ليش ؟؟
...................
فيصل : قرر يعترف لشوق بحبه بس يبي الوقت المناسب
خالد : هو بعد قرر يعترف لأمل
والباقين حياتهم عاديه وما حصل لهم اي جديد
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك