رواية همسات حب تنزف الم -23
اخذت تالا الدبلة وحطتها في سلسله ولبستها في رقبتها وقفت قدام المرايا ومسحت دموعها ( من اليوم اوعدك يارامي عمري في يوم ماراح اكون لغيرك )دق رامي عليها ردت تالا بصوت فيه بكى : الو
رامي بخوف : تالا انتي كنتي تبكي
تالا : لا حبيبي بس فجئة صوتي انبح
رامي : طيب ايش رايك في الهدية
تالا : اكيييييد حلوة دام منك
رامي : تالا انتي موافقه تتزوجيني
تالا سكتت شويا
رجع رامي عاد كلامه : تالا موافقه تتزوجيني
تالا ابتسمت وعينها مليانه دموع : اكييييييييييد انا موافقه
رامي شويا ويطير من الفرحه : انا بكرا راح اكلم وائل اني اجي اخطبك انا واهلي
تالا : طيب
رامي : احبك
تالا : وانا احبك ............. قفلت من رامي وقامت غيرت ملابسها ولبست بجامه ورجعت جلست على السرير
ملك كانت جالسه في الغرفة وقاعدة تفكر في اللي يسرلها مع مهنا ( انا خلاص راح اعترفله اني احبه ماله داعي اخبي اكثر............بكرا ان شاء الله بعد ماارجع من العزيمة راح اقله
) فجئة تشوف مويا باردة تنكب عليها ......... شهقت شهقة قويه : مهنا ليش تكبني بالمويا
مهنا : والله من اول اكلمك وانتي مسرحه ماتردي قلت اكبك بالمويا يمكن تسمعيني
ملك : طيب انا اوريك
وراحت عبت كاسه مويا باردة وتكبها على مهنا
مهنا : يابنت الايه تعالي والله لا اوريكي ............ تعالي هنا
ملك شردت ع الحمام
مهنا : ماراح اتحرك الا لمن تخرجي من الحمام
وجلس عند الباب يستنها تخرج .......... اما ملك فاطسه ضحك عليه
هدى بعد اسبوع فرحها وخايفة ماتدري كيف راح يكون مصيرها مع هادي ........... هوا مايتكلم معاها اغلب الوقت يجي ........ ويتكلم بالجوال يكمل اشغاله او يجيب اوراقه ويقعد يراجعها وهيا تقعد تراقبه
اما جمانه ماهي قادرة تشيل ليث من بالها ............. طول وقتها مسرحه
ام وائل قررت بعد العزيمة انها تخطب كندا لوائل
فارس قرر يخطب راما
اما ليث مانسي شكل جمانه اللي مرة عجبته
يوم العزيمه الكل مجتمع البنات مسوين فله وعند الشباب برضو فله
رامي بتوتر : وائل
وائل : هلا
رامي : ممكن اكلمك في موضوع
وائل : طيب ....................وراح معاه جلس بالحديقة رامي جلس وكان مرة متوتر ماهو عارف م فين يبدء ولا ايش يقول
وائل : رامي اتكلم اشبك
رامي اخذ نفس : انا بخطب اختك تالا
وائل بأستغراب : تالا ؟
رامي : ايوا............. واتمنى انك توافق ياوائل
وائل سكت شويا بعدين اتكلم :..........................................
عند البنات تالا جالسه مع راما : حماس راح تسيري مرة اخويا
تالا ابتسمت بتوتر
راما : اشبك
تالا : خايفة وائل مايوافق
راما : لا مااعتقد انا اللي اعرفه وائل ورامي اصحاب من زمان
تالا : الله يستر بس
راما : يلا قومي ماما تبغاكي
تالا : طيب استني اصلح نفسي
راما : لا كذا حلوة بس تعالي
تالا راحت مع راما
ام رامي : هلا قلبي وسلمت على تالا
تالا : كيفك ياخالة
ام رامي : انا تمام الحمد لله.......... انتي كيفك ياحبيبتي
تالا : الحمد لله
عند الشباب
مؤيد : ها جهزت اللي قلتلك عليه
خالد : ايوا كله جاهز وهاذا المفتاح
مؤيد : ماراح انسالك هاذا الموقف ياخلود
خالد : راح ترده لمن اتزوج ههههههههههههه
مؤيد : هههههههههههههههههههههههههههههه
في الليل دخل مؤيد عند الحريم: السلام وعليكم
الكل : وعليكم السلام
غزل كانت جالسه مع البنات ............ راح مؤيد لعندها : كيفك حياتي
البنات يضحكو عارفين غزل مرة تستحي : تمام
مؤيد سحبها من يدها : تعالي اقعدي جنبي
غزل اكتفت بالابتسامه
مؤيد جلسها جنبه وباس يدها
غزل : مؤيد البنات هنا
مؤيد حوطها من وسطها : ويعني زوجتي حياتي انا حر
ام مهند : هههههههههههه الله يخليكم لبعض
غزل ومؤيد : امين
مؤيد باسها على خدها
رسيل سطحت : ههههههههههههههههههههههههههههههه
تالا دقتها : استحي على وجهك منتي شايفه البنت كيف سار وجهها
رسيل : بالله من زمان مااستلمت احد
تالا بشويه عصبيه : رسيل ............. روقي احسلك
رسيل : انتي اشبك معصبة
تالا : ماني معصبه ولا شي وانكتمي لا تتلطشي
رسيل لفت ع الجهة الثانيه : شكلها الاخلاق تجارية اليوم
تالا : ايش تقولي
رسيل : لا ولا شي
مؤيد : حياتي ماتبينا نروح البيت
ملك بأستهبال : ايش عندك في البيت هاااا
مؤيد حرك حواجبه : مالك دخل
ملك : هههههههههههههههههههههههه خلاص راح نرحمك اليوم
مؤيد : ملوكه مهنا من اول يستناكي روحي لايطق عرقه
ملك : ايوا ايوا صرفني
مؤيد ببراءة : لا والله انتي بس كلميه وشوفي ايش يقولك
قامت ملك تكلم مهنا
غزل : خلاص خلينا نمشي
رسيل : هيا شوف بالله مرة مستعجله
غزل فرصعت بعينها يعني اسكتي
رسيل : هههههههههههههههه طيب خلاص
ام وائل : رسيل عيب
رسيل : والله خلاص وحطت يدها على فمها
ام خالد : ههههههههههههههههه ياقلبي عليكي عسل والله عسل
رسيل استحت : انتي العسل
انتهت العزيمة وكان اليوم مرة حلو
مهنا كان جالس على السرير ............... جات ملك ( اقوله ولا اخليها بكرا ............. يعني اليوم ولا بكرا لازم يعرف) اخذت نفس وراحتله ......... كانت لابسه قميص نوم ابيض قصير فوق الركبه
ملك : مهنا
مهنا بأستغراب اول مرة يشوفها لابسه قميص نوم : هلا
ملك : ممكن اقولك شي
مهنا اتكتف : قولي
ملك بتوتر : مهنا انا انا انا
مهنا : انتي ايش
ملك وعيونها الحلوة لمعت بالدموع : انا احبك
مهنا كأنه احد كب عليه مويا باردة ( انا بحلم ولا بعلم ياربي اذا كان حلم لاتصحيني ) وقف مهنا وراح لعندها : ايش قلتي
ملك : انا احبك ومااقدر اعيش بدونك .......... انا صح في البدايه ماحبيتك .......... بس دحين غير انا اموت فيك
مهنا ماهو عارف ايش يقول يحس نفسه طاير من الفرحه
ملك لمن ماشافت اي ردت فعل مشيت ............... مهنا سحبها لنحيته : وانا كمان احبك وماراح احب غيرك ياملك انتي الوحيدة اللي قدرتي تملكي قلبي بيوم ......... وقرب منها ........... انتي روحي ..........وحياتي كلها ............. ملك حست بتوتر من قربه لها بس كانت اسعد ايام حياتها انها اعترفتله وهوا للان يحبها ......... مهنا مسك يدها وباسها بعدين قرب اكثر ....................... ^_*
واقف هوا وهيا برى باب البيت ............كانت فاتحه الطرحه وحاطتها على كتفها ربطلها عينها
غزل : مؤيد ايش بتسوي
مؤيد : اوشششششششششششششش لا تتكلمي
غزل ابتسمت
فتح باب الشقه ودخلها وقفل الباب وراه ............... فسخلها العبايه وهيا لسى عينها مربوطة
مؤيد : خليكي هنا ثواني وارجعلك
غزل : طيب
راح مؤيد وغاب ................ ورجع بعد ثواني ........... جاهزة
غزل هزت راسها بايوا
فتحلها الربطة اللي كانت على عينها كانت ترمش بعينها بعدين اتفاجئت ماكانت مصدقه المكان مررررررررررررة رومانسي .......... كان حاطط شموع في كل مكان وفارش الارض بالورد الاحمر واللمبات مطفيه يعني اللي منور البيت الشموع من كثرها
مؤيد وقف قدامها : مبرروك ياحياتي عقبال مااشوفك اللي في بطنك وانتي ماسكته بيدك
غزل : الله يبارك فيك حبيبي
مؤيد اخذها للطاولة اللي كانت مرة مرتبه وحلوة ............ وجلسها على الكرسي ............ احبك
غزل : وانا كمان حبيبي احبك
مؤيد سلم على يدها ............... ووقف .............. وراح شغل موسيقة كلاسيكية ................ وراح وقف قدامها ............ تسمحيلي بهاذي الرقصة
غزل ابتسمت : اكييييييد ............. وحطت يدها بيده وجلسو يرقصو
مؤيد : حياتي كلها راح تكون حلوة طول منتي معايا
غزل : اكيييييييييييد طول منتا معايا ماراح اكون زعلانه راح اكون مبسوطة انت ماتدري قد ايش اكون فرحانه طول منتا معايا
مؤيد سلم على راسها : وانا كمان .......................... ^_*
تالا كانت جالسه في البلكون وتفكر ( ياترى كيف ردة فعل وائل ............ شكلو ماوافق ......... طيب ليش مايوافق يعني رامي صاحبه من زمان ووائل مرة يعزه ............. خليني ادق على رامي اسأله)
اخدت جوالها ودقت على رامي بس للاسف رامي كان مقفل جواله
: ليش مقفل جواله معقول وائل ماوافق ............... عشان كذا قفل جواله
........... لا ان شاء الله خليني اقوم اصلي ركعتين وادعي ربي احسن لي
قامت اتوضت وصلت وجلس تقرا قرآن وتدعي ربها انو وائل يوافق ............. بعدين انسدحت على السرير والافكار توديها وتجيبها لحد مانامت
( انتهى البارت)
( البارت الرابع والعشرون )
كانت نايمه بس نومها كان مرة مقطع كانت خايفه من قرار وائل فتحت عينها وقامت جلست حطت راسها على رجولها ( يارب ساعدني يارب وائل يوافق )
طالعت في الساعه اللي جنبها لقيتها 9 الصبح قامت دخلت الحمام واخذت شور على السريع
نزلت اسفل كان الكل نايم هيا الوحيدة صاحيه ............ ماهي عارفة ايش تسوي ............ خرجت الحديقه وجلست على العشب كان الجو مرة حلو وصوت العصافير مالي المكان ............... تالا كانت مسرحه مرة كانت افكار توديها وافكار تجيبها اتخيلت لو انه ماراح تكون معاه كيف راح تكون معاه فجئة نزلت من عينها دمعه ............ واحد جاها من وراها وغطالها عينها بيده .............. هيا متعودة على هاذي الحركة من لؤي ....... تالا بصوت حزين ........... لؤي شيل يدك حبيبي
: ومين قال انا لؤي
تالا فزت من مكانها لمن سمعت الصوت
: ليش كنت تبكي
تالا مسحت دموعها : لا مافيا شي بس طفشانه
وائل بأستهبال : متأكدة
تالا رخت عينها ........... تالا لمن ماتحب احد يعرف اذا كان فيها شي ترخي عينها : ايوا
وائل : طيب تعالي معايا ابغاكي في غرفتي ضروري
تالا تحس قلبها بيخرج من الخوف كانت عارفة انه راح يفتح معاها موضوع رامي .......... راحت وراه
كانت لابسه فستان قصير بنكي وجلجله شعرها وحاطة ميك اب خفيف كان شكلها مرة نعوم ............. كانت قاعدة تجهز الفطور ...... جاه من وراها ومسكها من وسطها وباسها على خدها ............... لفت عليه وعلى وجهها ابتسامه ............ ايش قاعدة تسوي ؟
: منت شايف اسوي الفطور لحبيبي
كانت واقفه ورى الطاولة شالها وجلسها على الطاولة
ملك : مهنا ايش قاعد تسوي
مهنا ابتسملها : انا اللي راح اسوي الفطور ............ انتي ارتاحي بس
ملك : لا انا بسويه ............. ونزلت من فوق الطاولة هات البيضة ........ وجات بتسحبها الا طاحت على الارض وعدمتها وعدمت مهنا
ملك شهقت : كذا يالله
مهنا ابتسملها عادي
ملك ردتله الابتسامه : انا رايحه اخذ شور على السريع
مهنا : طيب
راحت ملك واخذت شور على السريع ................ وخرجت وهيا لافه المنشفه على جسمها نسيت الروب مااخذته ............ وماكانت متوقعه انه فيه احد يراقبها بعينه ............. كانت قاعدة تحط لوشن في رجله ........ حست بحركة وراها .............. لفت ........... مهنا ؟
مهنا : ياعيونه
ملك : روح شويا برى بس اغير بعدين ادخل
مهنا ولا كأنه سمع شي ............ دخل : ايش رايك ؟
ملك : في ايش ؟
مهنا قرب منها وشالها : مو لازم نفطر ..................... وحطها على السرير ^_*
دخلت غرفتها ودموعها على عينها ............ نرجع للنقاش اللي كان بينهم
نذكركم باللي سار
رامي بتوتر : وائل
وائل : هلا
رامي : ممكن اكلمك في موضوع
وائل : طيب ....................وراح معاه جلس بالحديقة رامي جلس وكان مرة متوتر ماهو عارف م فين يبدء ولا ايش يقول
وائل : رامي اتكلم اشبك
رامي اخذ نفس : انا بخطب اختك تالا
وائل بأستغراب : تالا ؟
رامي : ايوا............. واتمنى انك توافق ياوائل
وائل سكت شويا بعدين اتكلم : رامي ............. انت صاحبي وعزيز عليا يعني ممكن اي مشكله تسير مابينكم راح تخرب صداقتنا ........... فما اقدر اوافق يارامي ............... ووقف .......... انا آسف ومشي ........... بس وقفه كلام رامي
رامي : وائل ........ انا احب تالا وهيا تحبني .......... وبترجي .......... وائل لا تفرقنا ياوائل انت الوحيد اللي تقدر تسوي كل شي
وائل رجع لمكانه : يعني انت تحبها
رامي : ايوا
وائل : من متى ؟
رامي : في باريس
وائل : طيب ليش ماقلتلي
رامي : انا كنت خايف على تالا .............. وهيا لمن عرفت انك صاحبي حاولت تبعد عني بس ماقدرت ........... وسكت ماحب يقله اللي سار مع تالا
وائل بشويه عصبيه : كمل
رامي اخذ نفس : تالا حاولو شخصين يعتدو عليها وانا لحقتها في اللحظة الاخيرة والحمدلله ماسار شي لها ........... وانطعنت بسكينه ودخلت بغيبوبة
وائل ابتسم : يعني انت خاطرت بحياتك عشانها
رامي ساكت
وائل وقف قدامه : رامي
رامي وقف قدامه
وائل حضنه : انا ماراح انسالك هاذا الموقف ........... انا متأكد انك تحبها ........... وانا موافق انك تخطبها
رامي والابتسامه شقت حلقه ............ وحضن وائل : الله يخليك ليا ياصاحبي
وائل : ويخليك ليا
رامي : انا بكرا راح اجي
وائل : اشوفك مرة مستعجل
رامي : والله مرة بتزوجها واخذها معايا باريس يعني بعد اربعه شهور ان شاء الله
وائل : الله يوفقك .............. بس اسمع بكرا لاتجي ........ امي بتخطبلي
رامي : الف الف مبروك ........ خلاص انا بعد بكرا راح اجي
وائل : الله يبارك فيك ................ ان شاء الله يوفقك انت وهيا
رامي : امين
وائل : يلا تعال نروح عند الشباب
رامي : يلا
وبعد ماراحت مع وائل غرفته
: انتي تحبيه
كانت ماهي عارفة ايش تقول ولا ايش ترد عليه
رجع عاد عليها الكلام : انتي تحبيه .............. لاتخافي حتى لو كنتي تحبيه هاذا الشي مو بيدك ............ انتي ماتقدري تمنعي قلبك انه يحب .............. يلا قولي تحبيه ؟
كانت متوترة مرة وخايفه انها تجاوب على سؤاله : ا... ا ...... ا........ ايوا ورخت راسها ودموعها نزلت على طول
ابتسم على حركتها ........ وراح لعندها : طيب ليش البكى
تالا: ولا شي .......... بس شويا متضايقه
وائل حضنها : طيب لاتبكي ............. انا موافق على رامي .......... مبروك ياقلبي
تالا دموعها نزلت : من جد
وائل : والله ............. يلا ماتبي تباركيلي
تالا بأستغراب : على ايش ؟
وائل : اليوم بخطب
تالا : قول والله
وائل ضحك : والله
تالا ابتسمت : الف الف مبروك
وائل : الله يبارك فيكي ............ عقبالك وغمز لها
تالا رخت راسها من الخجل
وائل : يلا روحي غرفتك انا بنام عشان بنروح المغرب بيت العروسه
تالا : طيب الله يوفقك
وائل : امين
نرجع للمكان اللي جالسه فيه كانت دموعها دموع فرح ماهي عارفة ايش تسوي من كثر ماهي فرحانه ................ راحت جابت جوالها تبى تدق على رامي ........... دقت من اول رنة رفع : هلا قلبي
تالا ببكى : ليش امس مقفل جوالك
رامي : تالا اشبه صوتك لاتقولي وائل سوالك شي
تالا : لا ماسوالي شي ............ قلي انه وافق انك تخطبني
رامي ارتاح شويا : طيب ليش تبكي
تالا : عشان مبسوطة
رامي : خلاص اخيرا راح اتزوجك
تالا ضحكت : اخيرا ............... دحين قولي ليش جوالك مقفل امس
رامي : البطارية فضيت عشان كذا ........... يالله لهاذي الدرجه خايفه عليا
تالا : اكيد اجل اخاف على مين اذا ماخفت عليك
رامي : احبك احبك احبك
تالا : وانا كمان احبك
رامي : خلاص انا بكرا راح اجي والزواج والملكة راح تكون في يوم واحد راح املك واخذك على باريش بعد اربع شهور
تالا فتحت عينها : اربع شهور ؟
رامي : ايوا ............. خلاص انا مااقدر استنى اكثر من كذا
تالا : طيب
رامي : يلا انا بقفل وشويا اكلمك
تالا : اوكي حبيبي
رامي : عيديها
تالا : حبيبي وحياتي وقلبي
رامي ضحك بهدوء : طيب قلبي انتبي على نفسك
تالا : وانت كمان ........... يلا باااي
رامي : باااي
نروح لعشاق اخرين في الرواية
غزل : مودي
مويد : هلا قلبي
غزل : ايش رايك اليوم نروح البحر
مويد : من عيوني ياقلبي ............. جهزي نفسك بعد ماتروحو تشوفو العروسه لوائل اخذك البحر
غزل : طيب حبيبي
مؤيد مسوي زعلان وماد بوزه شبرين : يعني مافي هديه مقابل الروحه
غزل ابتسمت : الا اكيد فيه............... وقربت من وباسته على خده
مؤيد باسها على يدها : احبك
غزل : وانا كمان
رسيل كانت جالسه في الحديقه ............ فجئة سمعت صوت خلاها تفز من مكانها
: انا قلت لو مسكتك ثاني مرة ماراح ارحمك
رسيل : انت ايش جابك
خالد : انتي ياقلبي
رسيل : طيب قلبي روح دحين بليزززززززززز
خالد : راح اروح بس اعطيني بسوة في خدي واروح والله ماارجع بس بوسه
رسيل نفخت بأقوة ماعندها
خالد بأستهبال قرب منها ومد خده : يلا بوسه
رسيل ابتسمت على حركته دوبها كانت بتبوسه على خده الا لف وجهه واعطته البوسه على فمه
خالد : هههههههههههههههههههههههه اخذتها اخذتها
رسيل ضربته على صدره بخفه : انقلع لعد تكلمني وراحت وسابته وهوا يضحك عليها
في المغرب وائل لابس الثوب والشماغ وجالس يتبخر
تالا ورسيل : ماشاء الله تبارك الله تجنن
وائل : ههههههههههههههههههه
رسيل : لازم نغطرف له
تالا : ايو والله
والاثنين سوا جلسو يغطرفو
ام وائل : ههههههههههه خلاص صنجتو الولد وانتو تغطرفو عند اذنه ............ يلا ياولدي
وائل : ادعولي
تالا ابتسمت : الله يوفقك
وائل ابتسملها : ويوفقك
راح وائل لبيت كندا ومعاه امه وغزل وابوه.............. وفي نفس هاذا اليوم كانت جالسه بغرفتها ................ دق الباب
: ادخل
دخل وعلى وجهه ابتسامه كعادته : ايش مجلسك لوحدك
: ولا شي بس طفشانه
: طيب بقولك موضوع
ابتسمت له : قول
: اليوم جاكي عريس
حست بدقات قلبها تقوى اكثر ............. هيا ماحبت غير انسان واحد ولايمكن توافق على غير حتى لو كان مايحبها : مين هوا
رامي : فارس الـــــ ...........................
انصدمت ماتوقعت انه راح يخطبها ماتوقعت انه الانسان اللي حبته من اول يوم شافته فيه يحبها
رامي : ها ايش قلتي موافقه ................ الولد من عايلة معروفه ومحترم ويخاف ربه
راما ابتسمت : موافقه يارامي
رامي ابتسم لها وحضنها : مبروك ياقلبي
راما : الله يبارك فيك
رامي : يلاقومي البسي عشان تنزلي معايا الرجال لازم يشوفك
راما : طيب
رامي فتح عينه : وانا احسب بتقولي لا خليها بكرا يمكن تخجلي والله بنت غريبه
راما : هههههههههههههههه
رامي :هههههههههههه يلا قومي بسرعه
راما : اوكي
عند كندا لبست فستان بنكي قصيرتوب وفلاس بنكي وعملت شعرها الاسود كيرلي وحطط كحل اسود بعينها الكبار وقولس بنكي كان شكلها مرة نعوم ودخلت وهيا ترجف
وبصوت باين عليه الرجفة وواطي : السلام عليكم
اول ماسمع وائل صوتها حس بقلبه بيخرج من مكانه : وعليكم السلام
جلست كندا قدامه : كيفك كندا
كندا : الحمدلله بخير
وائل : كيف الجامعه
كندا : خلاص هاذي السنه اخر سنه
وائل : الله يوفقك
كندا : انا استئذن وقامت خرجت وجهها احمر وتحس بحرارة قويه تخرج من وجهها من الخجل
اما عند راما لبست تنورة قصيرة بيضه وتوب احمر وشعرها فتحتو وحطت مكي اب ناعم كان شكلها حلو ونعوم ودخلت
دخلت كعادتها بكل ثقه ........... صح تحس انو كل ماتقرب من المكان قلبها تقوى دقاته بس مابينت
: السلام عليكم
فارس اول ماشافها ابتسم : هلا وعليكم السلام
جلست راما وتحس يدها ترجف
فارس : كيفك راما
راما : تمام
فارس: ها كيف الاجازة
راما فاهمة قصده : تمام ............ ووقفت عن اذنكم
وخرجت .............. زفرت تحس انها كانت مرة مخنوقة حاولت على قد ماتقدر انها تمثل انو ماتخجل بس ماقدرت
رجع وائل وهوا مرة مبسوط .................... وغزل راحت مع مؤيد البحر وكان الجو مرة حلو كان غيم يعني كأنها بتمطر وجلسو شويا وبعدين رجعو عشان غزل تعبانه تعرفو الحامل لازم تتعب ......... تالا باركت لوائل ودخلت غرفتها كانت متوترة من بكرا ايش راح تلبس ....... وكيف تدخل عندو وقدام وائل وابوها .......... كانت بتكلمو بس رجعت بطلت ( خليه يرتاح يمكن بينام من وقت مااستلم الدوام وهوا تعبان )
انسدحت على سريرها كانت فرحانه انها راح تكون معاه على طول وفي المكان اللي شافته فيه اول مرة
اليوم الثاني صحيت تالا نشيطة قامت اخذت شور ولبست شورت جينزغامق وتوب اصفر ورفعت شعرها ذيل حصان وجلست بالبلكونه ............ اخذت جوالها تكلم رامي ............ ماتقدر يمر يوم من غير ماتكلمه ........ اتصلت عليه ورد بعد رنتين وبصوت كلو نوم : الو
تالا : نايم ؟
رامي : ايوا
تالا طالعت بالساعه اللي بيدها : مو كأنك متأخر على الدوام لك ساعة
رامي : لا اخذ اجازة
تالا بأستغراب : ليش ؟
رامي ابتسم : لا تنسي انا عريس لازم اتشيك
تالا : طيب يلا قوم
رامي : مو كأنو بدري
تالا : طيب نام
رامي : لا خلاص صحيت وعدل جلسته
تالا بأستغراب : لا خلاص نام انا بس كنت باطمن عليك حبيبي
رامي : لا شكلك طفشانه
تالا : لا ماني طفشانه......... وقالت بكذبه ......... اصلا ماني فاضية
رامي : ليش ايش عندك ؟
تالا : بعدين اقلك
رامي : تالا قولي ايش عندك
تالا : والله ماعندي شي بس بمزح دحين روح نام عشان تجي مصحصح
رامي : ياحسرة اشبك راح تقعدي معايا بس بشوفك وتخرجي
تالا : خلاص كلها اربعه شهور اتحمل
رامي : لجل عيونك راح اتحمل قلبي
تالا : اوكي يلا روح نام
رامي : اوكي قلبي انتبي على نفسك
تالا : اوكي وانت كمان
رامي : بااي قلبي
تالا : باااي حبيبي
غزل : مؤيد انا اليوم بروح لماما
مؤيد : اوكي قلبي جهزي نفسك عشان اوديكي
غزل : طيب
مؤيد راح لعندها ومسكها من وسطها : ايش رايك نقعد بالبيت اليوم
غزل : والله عشان تالا اليوم جايها عريس واكيد كعادتها تحتاج مساعدة .......... لحسن تالا تتلبخ لو كان عندها شي
مؤيد : طيب حياتي ............ بس نرجع بيتنا بدري
غزل ابتسمت : من عيوني قلبي
مؤيد سلم على خدها : تسلم عيونك ياحبيبي
ملك راحت كمان عند تالا
في المغرب البنات مجتمعين عند تالا اللي مرة ................ متوترة وماتدري ليش
تالا : بنات وربي خايفه
رود تغمز لتالا : علينا اقول بس ترى كلها تدخلي وتقولي السلام عليكم وتقعدي خمس دقايق ويخلص الموضوع
ريفان : ايوا والله عادي كلنا دخلنا بهاذي التجربة
غزل تكلم تالا في اذنها : دحين مو انتي كنتي تشوفيه ليش خايفه دحين
تالا فرصعت بعينها ماتبى احد يدري
جاه وائل ودق الباب : تالا يلا انزلي عشان يشوفك رامي
تالا : طيب
وقفت تالا عند المرايا : شكلي حلو
ملك : تجنني يلا روحي بسرعه
تالا : طيب
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك