رواية عيونك التي لا تخون -3
كملو الشباب سهرتهم مع بعض تحت في الصالة من فلم لفلم ومن مباراه لمباراه
محمد { زوج فرح } : ما شاءالله بيتكم حلو تنسيقه وديكوره
سعود : تسلم هذا تنسيق ماما
طلال : ذوقها حلو ماشاءالله
سعود : أجل لو شفت الصالة اللي مقفلتها ايش بتقول
طلال : حمستني يا شيخ أجل نكسر الباب
سعود : هههههههههههه لا حبيبي حتى لو مفتوح ما بخليك لأنه مرسوم صورنا ع الجدار
خالد : قول كذا من أول
الكل : هههههههههههههه
فيصل : هي وينها لنا ساعتين من وقت ما جينا و احنا ما شفناها
سعود : أكيييد نايمة .. زي هذا الوقت تكون نايمة
طلال : سعود أعذرني بس أنا طفيت و ودي أنام
سعود : لحظة بس أشوف الشغاله لو نظفت الغرف
طلال : قلت لك بنام فوق سريرك هههههههه
سعود : هههههههه وأنا ما قلت شيء .. بس لازم اشوف الغرف الباقية عشان البنات و احنا
و راح سعود يشوف الشغاله لو خلصت التنظيف و لقى البنات كل وحده حاجزة لها غرفة
و تركو غرفتين بس للشباب
سعود : شباب البنات ما بقو غير غرفتين بس .. طلال معاي وانتو شوفو كيف تقسمون
خالد : أنا مع أي واحد مو مشكله فيصل أو محمد
فيصل : أنا عن نفسي طالع أنام واللي يبغى ينام معاي يجي مافي مشكلة
محمد : خلاص نام وأنا وخالد مع بعض
فيصل : اجل تصبحون ع خير
الكل : وانت من أهله
و طلع طلال مع سعود ونامو و خالد ومحمد مع بعض.
صحيت داليا الساعة عشرة الصبح و سوت لها فطور و جلست تفطر
و بعد الفطور راحت تشوف ايش ممكن تضيف أصناف فوق اللي سوته أمس
و بينما هي انشغلت بعمل الحلا دخل فيصل المطبخ ومن غير ما يلتفت
مين هذي اللي جالسة دخل وفتح الثلاجة و أخذ قارورة المويه و لسى بيشرب
يلتفت ويشوف داليا اللي من أول ما شافته سمرت في مكانها ومهي قادرة تتحرك
فيصل : آسف حسبتك الشغاله عشان كذا أخذت راحتي
داليا : اطلع بسرعة
فيصل : لا
داليا و هي تصارخ : نعم ما سمعت
فيصل : قلت مني طالع
داليا : البيت بيتك وما خذ راحتك والله
فيصل : بيت زوجتي
داليا وهي مقهورة : تحلم أتزوجك بعد موقفك هذا
فيصل : مو بكيفك .. خاصة بعد ما شفتك بدون عبايتك راح نتزوج غصباً عنك
داليا : فيصل بليييييز اطلع وفكني منك
فيصل : الأسبوع الجاي ملكتنا .. وإياني وإياك ترفضي وإلا والله لأنا أخليك تخسرين الأولاد
داليا : تهددني
فيصل : لا بس أعطيك خبر
داليا وهي تهمس : مغرور و شايف نفسه ع ايش مدري
فيصل وهو يسطنع الغباء : أدري أني مدوخك بوسامتي
داليا وهي متنرفزة منه : أقولك اطلع من المطبخ
فيصل وهو طالع من المطبخ : لو ما كلمتي سعود ورغد عن زواجنا اليوم أنا بكلمهم بكرة
داليا : أستغفرالله منك
فيصل : هههههههههههههه
داليا : غليظ
و على الساعة 2 الظهر الكل صحى من نومه و هنا عرفت داليا سبب مجيء فيصل
اللي ما قدرت تسأله كيف جاء وكيف دخل البيت و الغدا الكل جالس يتغدا
رغد : ماما ليش قافلة الصالة الثانية
داليا : عشان الحفلة
سعود : طيب ومكان الشباب وين حيكون
داليا : في الحديقة
سعود : حلو ... طيب ماما ليش ما تخلينه شوي
داليا : لا حبيبي ما ينفع أشوي ولا أستقبل الضيوف صعبة
خالد : احنا الشباب نشوي ... ايش رأيكم
داليا : تعرفون
طلال : أكيد و أحسن واحد فينا فيصل
رغد : الله يعني حماس بيكون
داليا : نخليه البوفيه للضيوف و بعد ما يروحون ممكن نشوي لنا احنا بس
شو رأيكم
غيداء : ايوه الله يخليكم خلونا نرجع زي زمان
فيصل : بشرط
كلهم : ايش
فيصل : داليا تسوي معانا و نشوف أحسن شوي مين احنا أم داليا
رغد : مافي أحسن من طبيخ مامتي
فيصل : أوك نتحدا
الكل ما عدا داليا : واحنا قبلنا
فيصل : ما سمعنا صوتك
داليا وهي مطنشاه : رغد حبيبي الكوفيره جايبتها هنا و يا بنات شو رأيكم
تجوبون فساتينكم هنا أو تروحون تشترون ايش تفضلون
فرح : أنا عن نفسي حمودي بيروح يجيب فستاني وفستان ملاك
غيداء : أنا بشتري فيصل تعطيني فلوس
فيصل : لا
داليا : ولا يهمك حبيبتي روحي مع رغد السوق اليوم
شيماء : يا سلام حسبتو الكل إلا أنا يعني مالي رب ولا ايش
سعود : إلا لك ومين قال
داليا وهي تغمز لسعود : ولا يهمك حبيبتي سعود بيعطيك
طلال : وأنا وين رحت يعني
سعود : موجود بس خليه اليوم هدية مني
داليا : ههههههههههههههههه
سعود : ماما
داليا : ههههههههههه وايش سويت
سعود : أكرهك
داليا : نفس المشاعر والله
رغد : هههههههههههههههههههههه
سعود : ها جات أم لسانين
رغد : ماغيرك
سعود : الحمدالله عارف نفسي
داليا : خلاص انت وياها و يلا لو سمحتو شوفو مين اللي يحتاج شيء من السوق
و يروح , عشان الكوفيره بتجي ع المغرب
رغد : ماما شفتي هذا الفستان اللي عجبنا كتير
داليا : ايه
رغد : أبغاه
داليا : لا حبيبتي الفستان من ناحية حلو حلو لكن مهو عملي يعني حق لبس مرة وحده بس
رغد : ماما بليييييز
داليا : عندك سعود شوفيه لو يوافق
رغد : وايش دخله الحين بيطلع لي ألف عيب فيه
سعود : دامك عارفه أنه في ألف عيب أجل بلاها
رغد : ماما
داليا : خلي زوجك يشتريه لك عشان تلبسينه له بس
رغد : ماااااااااااماااااااااا
داليا : هههههههههه ايش أسوي لك من أول أفهمك وانتي مش راضية تفهمي
فرح : خلاص يلا روحو ع السوق عشان ما تتأخرون
غيداء : فيصل الله يوفقك عطني فلوس
فيصل : غيداء خلاص عندك فساتين بالهبل
داليا : عطها يعني ايش يحصل لو اشترت واحد جديد
فيصل : الموضوع بيني وبين أختي
فرح : يا جماعة حصل خير ... فيصل عيب
داليا : لا عادي صح وأنا ايش دخلني
راحو البنات يلبسون عباياتهم و نزلو تحت
ميس : خاله داليا وأنا أبغى فستان جديد
داليا : هلا حبيبتي وليش لا ... لك فستان جديد كمان .. رغد خذيها معكم
و ملاك وهي تجري لحضن داليا : وانا كمان أبغى زديد
داليا : ههههههههههههههه وانتي كمان حبيبتي .. كلكم حتروحون مفهوم يا غيداء
روحي البسي عبايتك و روحي معاهم
غيداء : لا داليا ما يحتاج
داليا : أنا ما أتراجع عن كلمتي يلا روحي بالطيب أحسن أني أخليك تروحين بالقوة
غيداء : بس
داليا : بدون بس
غيداء : مشكورة يا داليا
داليا وهي تبتسم لها : ولا يهمك حبيبتي
و راحو كلهم للسوق ما عادا داليا وفرح و فيصل و محمد زوج فرح
دخلت داليا تكمل شغلها و تساعدها فرح و فيصل ومحمد في الصالة يتفرجون.
{ حفلة نجاح سعود و رغد }
وقفت داليا وسط الصالة المخصصة للحفلة و تشوف لو شيء ناقصه
و أنه كل شيء مرتيب و معد للحفة ع أكمل وجه و فجأة تسمع صفير و زغروووده
و تلتفت تشوف رغد
رغد : واااااااااااااااااااو ماشاءالله عليك .. غلبتيني
داليا : هههههههههههههههههه وانتي كمان حلوة كتير و تجنني
رغد : بس مو مثلك
داليا : حبيبتي انتي عيونك الحلوين هم اللي يشوفوني حلوة ولا أنا عادي
فرح وهي تدخل : تصدقين اللون هذا عليك حلو كتير
داليا كانت لابسة فستان أخضر قصير من الأمام و طويل من الخلف و اكسسوراتها الناعمة
و مجعدة شعرها و رافعاه فوق كانت في قمة الجمال و الأناقة
شيماء : ماشاءالله عليك
داليا : أقول روحو كملو شغلكم ما بقي ع الناس شيء
رغد : هههههههههه فديت اللي يستحون و يخجلون
داليا و هي تاخذ المخدة من ع الكنبة وترميها لرغد : امشي من قدامي أحسن لك
الكل : هههههههههههههههههههه
داليا : فرح الشباب موجودين ولا عادهم ما رجعو
فرح : لا كلهم برا ما عادا سعود
داليا : زين لأني بخرج بشوف الحديقة كل شيء مرتب ولا لا
فرح : لا مافي أحد
خرجت داليا و خبت هدية رغد و غطت ع سيارة سعود بغطاء
و رمت الورود ع المسبح و شغلت النافورة و الأنوار اللي حطتهم حوالين النافورة
و راحت تشوف سماعات الدي جيه و جات تلف بترجع شافت فيصل واقف يطالع فيها
و داليا من النار اللي جواها ما عرفت تقوله شيء غير إنها تروح قدامه و تعطيه كف ع وجهه
و مشت بسرعة للداخل و هي تغلي نار منه و شافتها رغد
رغد : ماما ايش فيك .. لونك مخطوف كذا
داليا : مافي شيء بس خلصي شغلك بسرعة
و راحت داليا للمطبخ تشرب لها مويه بارده , و بعد العشا بدأو الناس يجون و لمن اكتملو الناس
بدأت زفة رغد اللي زفتها داليا و صورها ينعرض ع برجوكتر من هي صغيرة إلين تخرجها
و كانت زفتها على موسيقى بتهوفن و بعدها قدمت لها داليا هديتها و تركتها تختلط بالضيوف
و راحت تلبس عبايتها عشان تزف سعود و كانت زفته ع موسيقى اسلو و نفس الشيء
صوره كان ينعرض وهو ينزف و لمن وصلو وسط الناس شالت الغطاء من ع السيارة
و أعطته صندوق صغير فيه مفتاح السيارة
سعود و يبوس جبين داليا : الله لا يحرمني منك
داليا : ولا منكم
رغد : قولو شييييييييييييييز و لقطت لهم صورة مع بعض
و بدأت الحفلة و الأغاني تعلى أصواتها و الناس بدأو يرقصون
إلين الساعة 2 بدأو الناس يتعشون و يروحون ع بيوتهم
و ما بقي غير أصحاب البيت و أولاد أعمامهم و بناتهم
طلال : داليا يلا نشوي
داليا : أنا تعبانه اشو انتو
خالد : يعني نعتبرك خسرانه
فيصل : بيننا تحدي ولازم نكمله
داليا : أجل يلا بدينا
و بدأو يشوون في الحوش و سوالف و محشات ما خلت في جمعتهم ,
فيصل وهو يقرب من داليا : اعملي حسابك الملكة بعد بكرة
داليا : وشوووو
هنا الكل يطالع فيهم و يستفسرون منهم ايش فيهم
فيصل : اللي سمعتيه
داليا : مو بكيفك و بعدين أنا ما قلت أني موافقة عليك
فيصل : بتزوجك غصباً عنك سامعتني
داليا : لا مني سامعة و وريني ايش بتسوي
فرح : يا جماعة وايش صاير معاكم ... ليش تصارخون
فيصل : تقولي لهم و لا أنا أقولهم
داليا : ايش أقولهم أو انت تقولهم .. مرة مصدق حالك
داليا : انت تمشي الأمور بكيفك يعني
فيصل : يا جماعة عندنا خبر لكم .. أنا وداليا راح ... راح .. راح نتزوج
رغد و سعود : ايييييييييييييش
فيصل : ملكتنا بعد بكرة جهزو حالكم
رغد : ماما من جد يتكلم هذا
داليا ساكته مو عارفه ايش تقولها
سعود : ماما ردي علينا
طلال : تمزحون صح
فيصل : وأنا من متى أمزح معاكم
داليا : أنا لسى ما قررت و لا وافقت حتى
فيصل : اللي عندي قلته و ملكتنا بعد بكرة
سعود : مو بكيفك
فيصل : لا حبيبي بكيفي ولا ما تبغى أحد يلم فضيحة أمك
سعود : انت ايش تقول و فضيحة ايش
فيصل : أمك أدرى فيها
داليا وهي تغلي نار : ايش اللي أدرى فيها وايش سويت أنا
فيصل و يهمس لها في أذنها : قلت لك مو من مصلحتك ترفضين أو تعارضين
داليا : بس بهالشكل
فيصل : ألقاك جاهزة بعد بكرة واحمدي ربك ما خليتها بكرة أو اليوم
داليا : ليش .. ليش أنا بالذات في ألف وحدة تتمناك
فيصل : الألف هذي ما أبغاها .. أبغاك انتي
داليا : حرام عليك
رغد : ماما
داليا : نعم
رغد : خذي امسكي كلمي
أخذت داليا منها الجوال
داليا : ايوه نعم
المتصل : ايش اللي سمعته
داليا تفاجأت و تطالع برغد : ايش اللي سمعته
المتصل : زواجك
داليا : ايه وايش فيه
المتصل : و أنا
داليا : وانت ايش
المتصل : معقولة أنا فارس وتنسيني وتتزوجي غيري
داليا : ايه بتزوج و حابة أقولك ترى ملكة وبروح ع بيته ع طول مفهوم كذا
فارس : بخليكي تندمي ع إنك تزوجتيه
داليا : نشوف
و قفلت الخط في وجهه و أعطته لرغد
داليا : هذي أول مرة و آخر مرة أشوفك تتصرفين من وراي و إلا والله يا رغد
بتشوفين شيء ما شفتيه في حياتك و زواجي حيكون بعد بكرة و أعطيتكم خبر
{ وتلتفت لفيصل } أنا جاهزة و تحت شروطك
فيصل بابتسامة : كذا أفضل
سعود : ماما
داليا : سعود ما أبغى أحد يكلمني في هذا الموضوع قفلوه عليه
و تركتهم داليا و طلعت ع غرفتها و قفلت ع نفسها و راحت لدموعها اللي نزلت
و تكلم نفسها { بحاول انساك زي ما نسيتني أول و أكرهك زي ما كرهتني و بحاول أعيش
حياتي معاه وفق شروطه حتى لو ما كانت حلوة لكن بحاول أكسبه و أكسب حبه }
دق باب غرفتها وكان سعود
سعود : ماما الله يوفقك افتحي لي أبغى أتكلم معاك
فتحت له داليا الباب و رجعت تجلس مكانها
سعود : ماما ايش اللي صار بالضبط
داليا : وانت ايش اللي تبغى تعرفه
سعود : كل شيء وليش وافقتي عليه وليش تكلم عليك كذا
داليا باستسلام لأنها تعرف أنه ما راح يتركها في حالها : عشان ما ودي أخسركم
أنتو كل دنيتي و ما أقدر أشوفكم بعيد عني لكن مع ذلك كنت مقررة أدور ع طريقة أكون معاكم
غير زواجي منه بس هو اليوم صدمني لمن قالي انه بعد بكرة وما يبغى أي نقاش فيه
و فوق كذا زادتها علي أختك لمن اتصلت ع فارس و كلمته و هددني أنه يخليني أندم
أني تزوجت فيصل و رفضته
سعود : لو هو رجال خليه يسوي شيء و رغد حسابها عندي بعدين
داليا : لا ما راح تسوي لها شيء
سعود : طيب ماما .. فيصل رجال والنعم فيه لكن لو انتي ما تبغيه ...
و قبل لا يكمل كلامه قاطعته داليا
داليا : أبغاه و راح أتزوجه و بعيش معاه و بجيب لكم أخ أو أخت
سعود : وأنا بسميه
داليا : هههههههههههههههه يصير خير
سعود : امسحي دموعك و تعالي معانا نتعشى
داليا : حبيبي معليش خليني بنام .. تعبانه والله
سعود : بس ما أكلتي شيء
داليا : لا تخاف ماكله و شبعانه الحمدالله
سعود : أكيد
داليا : أكيدين
سعود و يطبع بوسه ع خدها : أجل تصبحين ع خير يا أحلى أم
داليا : وانت من أهله
نزل سعود وانضم مع المجموعة و كانو هم يلعبون لعبة الإعتراف
سعود : رغد اللي انتي سويتيه صح
رغد : مو شغلك
سعود : رغد والله لا أصكك كف
رغد : يعني ايش سويت غير اني كلمت فارس وايش فيها
سعود : كمان ايش فيها
رغد : ايه ايش فيها .. أنا أحب ماما و أتمنى لها الخير لكن انت الظاهر ما تبغى لها الخير
سعود : أنا
رغد : ايه انت ع طول أشوفك وافقت ع فيصل
سعود : والله أشوفه كويس و ماما وافقت عليه
رغد : أنا أدري ماما ايش تبغى بالضبط .. أكيد فيصل أجبرها أو هددها فينا
فيصل : من أول أنا ساكت و أبغى أعرف مين هذا فارس
رغد : شيء ما يخصك
فيصل : تراني ماسك أعصابي لحد الآن
رغد : وايش بتسوي .
فيصل : سعود امسك أختك لا أفلت أعصابي و يصير لها شيء لا انت ولا أنا راح نرضاها عليها
سعود : رغد خلاص اهدأي
رغد : وليش تسكتني ان شاءالله
سعود : رغد
رغد : روح مناك
سعود ما قدر يتحمل أخته و دفها بقوة إلين طاحت ع الأرض
رغد وهي تبكي : والله لا أعلم ماما وآخذ حقي منك
و طلعت رغد غرفتها و تركتهم تحت
فيصل : سعود مين فارس
سعود : واحد مو مهم ولا تشيل همه
فيصل : سعود مين
سعود : عندك ماما و اسألها
فيصل: يصير خير
و طلعو كلهم لغرفهم ينامون .
وانتظروني بالجزء الرابع.
{ الجزء الرابع }
{ شركة فيصل }
صحى فيصل من نومه على الساعة 9 الصباح و أخذ له شور و لبس ثوبه وشماغه و عقاله
و نزل ع شغله و كتب رسالة لداليا و أرسلها كتب فيها { رايح ع الشغل ساعة و راجع
عشان نروح المستشفى نسوي تحاليل الزواج } و صل الشغل و دخل مكتبه
دخل عليه السكرتاري غالب
غالب : أستاذ فيصل عندك اجتماع مع الوالد الساعة وحدة اليوم
فيصل : ممكن راح أتأخر ع الإجتماع قول للوالد عندي شغلة ضروريه اليوم
غالب : ان شاءالله .. أي أوامر ثانية يا طويل العمر
فيصل : لا خلاص روح كمل شغلك
غالب : الأستاذ عمر منتظرك له ساعة { عمر صديق فيصل من الطفولة و أقرب شخص له }
فيصل : وليش ما دخلته لحد الآن
غالب : لأنك ما كنت موجود
فيصل : وكم مرة أقولك حتى لو مني موجود دخله
غالب : ان شاءالله
فيصل : يلا روح ناده
و خرج غالب و بعد أقل من عشرة دقائق دخل عمر
عمر : سلام يا أبو الشباب
فيصل : وعليكم السلام هلا والله بالغالي
عمر : كيفك ما صرنا نشوفك
فيصل : مشاغل الدنيا انت كيفك
عمر : بخير .. وانت ايش أخبارك
فيصل : ماشي الحال .. ع فكرة بكرة ملكتي وانت أول واحد انعزمت
عمر : أفا .. تتزوج و أنا آخر من يعلم
فيصل : لا والله لكن جات فجأة
عمر : و بنت مين ؟؟
فيصل : بنت يتيمة ومالها أحد
عمر : كيف يعني مالها أحد
فيصل : يعني بنت من دار الأيتام
عمر : انت من جدك تتزوج وحدة من دار الأيتام
فيصل : ليش فيها شيء
عمر : لكن ما ينعرف أخلاقهم و كيف جات ع الدنيا
فيصل : البنت هذي معروفه بشغلها و بأدبها و مستقلة بحياتها
عمر : وحلوة
فيصل : هههههههههههههه قمر مو بس حلوة
عمر : عشان كذا طيحتك اللي ما عطيت وجه لأي وحدة من اللي راحو
فيصل : هههههههههههه
عمر : تحبها
فيصل : لا .. لكن معجب بشخصيتها .. لكن في شيء محيرني فيها
عمر : وايش هي
فيصل : أول شيء عيونها فيه حزن كبير .. وثاني شيء فارس
عمر : ومين هذا فارس
فيصل : ما أدري .. لكن شخص تعرفه داليا
عمر : زوجتك اسمها داليا
فيصل : ايه
عمر : اسألها طيب مين يكون
فيصل : أخاف ما تقول و أنا أعرفها ما تتكلم أبد.
عمر : أجل الله يعينك
فيصل : يلا بالإذن بروح المستشفى معاها عشان التحاليل
عمر: الله يوفقكم
فيصل : آمين
خرج فيصل من مكتبه متجه ع بيت داليا و لمن وصل لقاها جاهزة و تنتظره بسيارتها
نزل فيصل من سيارته وراح لسيارتها ودق ع الشباك إلين ما فتحت له داليا
فيصل : انزلي اركبي معي
داليا : لا بروح بسيارتي
فيصل : أقولك انزلي
داليا : أنا لسى ما صرت زوجتك عشان أركب معاك و بعدين أنا عندي مشوار ضروري
بعد ما نروح المستشفى وانت صعب توديني هناك لأنه لو شافوني معاك بصير لي مشكله
فيصل : أجل أنا بروح معاكم
داليا : فيصل عندي مشوار ضروري ما يصير
فيصل : أنا اليوم ما عندي شيء
داليا : طيب اركب
و ركب فيصل السيارة و اتجهو ع المستشفى و بعد اكمال الإجراءات و التحايل عليهم
أنه يطلعو لهم التحاليل اليوم و طبعاً هذا كله بواسطة فيصل رجعو يركبون سيارتهم
داليا : شريف روح ع مكتب الأستاذ حسن { شريف السواق }
شريف : طيب ماما
فيصل : مين هذا الأستاذ حسن
داليا : اللي بموافقته راح يتم الزواج
فيصل : ليش
داليا : لأنه هو يعبر ولي أمري و هو اللي راح يزوجنا
فيصل : وان شاءالله ما يكون في شيء
داليا : أبد بس الإجراءات راح تعرفها اللي لازم يسألون عنك و يشوفون انت مين
وهل تعرف تصرف علي وكيف عرفتني يعني زي هالروتين المعروف
فيصل : يعني ملكتنا ما راح تتم بكرة
داليا : بالضبط
فيصل : أنا مستعجل .. عندي أشغال كثيرة ع الأسبوع الجاي و ما راح أفضى
داليا : والله هذا اللي بيصير
فيصل : أجل باستخدم أسلوبي
داليا : استخدم لو تقدر
و وصلو للمكتب و نزلت داليا و معها فيصل و دخلو المكتب , دقت داليا باب مكتب الأستاذ حسن
اللي كان متوقع حظورها و رحب فيها و دخلهم و طلب لهم عصير
الأستاذ حسن : كيفك داليا و كيف أمورك
داليا : الحمدالله
الأستاذ حسن : بصراحة ما توقعتك راح تقبلين أي واحد بسبب الأولاد
داليا : قلت لك دامني أكون قريبة منهم ما عندي مشكلة
الأستاذ حسن و هو يطالع اتجاه فيصل : و مين هذا اللي معاك
داليا : هذا العريس يا أستاذ
الأستاذ حسن يصافح فيصل : ان شاءالله تهتم ببنتنا لأنها غالية علينا كلنا
فيصل : ان شاءالله
الأستاذ حسن : داليا عندك أي شروط
داليا : شرطي وانت تعرفه لكن الحين ما يحتاج لأنهم لقو أهلهم
الأستاذ حسن : لا يا بنتي أي شرط ثاني مثلاً بيت لوحدك و أي شيء
داليا : لا ما عندي أي شرط
الأستاذ حسن : متأكدة يا بنتي
داليا : ايه
الأستاذ حسن : ع بركة الله و ألف مبروك لك مع أني مو راضي أنه يتم بكرة
لكن يلا دامك انتي اللي تبغيه ما أقدر أقول شيء و ان شاءالله بكرة أكون موجود
داليا : شكراً أستاذ و الحين بستأذن وراي شغل
الأستاذ حسن : الله معك يا بنتي
و خرجو من المكتب و هم طالعين ع السيارة
فيصل : الملكة ما راح يتم إلا بعد ما يسألون عني صح
داليا : ايه ما كان يتم لو اني ما قلت له اني انا اللي ابغاه
فيصل : لا يا شيخة
داليا : ايه وانت ع بالك ما عندي أحد يفرح لي و نفسه يشوفني عروسه
فيصل : ما قصدت كذا
داليا : وين تبغانا نوصلك
فيصل : وين يعني ع بيتك باخذ سيارتي
داليا : اهاا صح نسيت
و صلو ع البيت و نزل فيصل و ركب سيارته و مشى ع الشركة و داليا دخلت بيتها.
{ بيت داليا }
كانت جالسة تقلب في القنوات هنا وهناك و مالقت شيء و خلت ع قناة مزيكا
و نزلت رغد و جلست جنبها , و بعدها بشوي نزل سعود و جلس معاهم
سعود : ماما تغديتو
داليا : لا حبيبي لسى
رغد : ايش الغدا
داليا ساكته ما ردت عليها
سعود : ماما خلينا اليوم نخرج
داليا : بروح اليوم بشتري لي فستان لبكرة و انتو كمان تشترون لكم و بعدها
نروح ع أي مطعم نتعشى و نرجع
رغد : و بعدها نتمشى ع البحر شوي و نركب دباب
داليا كمان ساكته و ما ردت عليها
سعود : ماما اشتري ثوب ولا بدله
داليا : ثوب أحلى عشان انت اللي راح تقدمني لفيصل و تهتم فيني
رغد : اووووووف يعني ما تبغي تكلميني بس تردي ع سعود
داليا : سعود بعد العشا تكونون جاهزين
رغد : أنا بروح بيتنا كلمي السواق يوصلني
داليا : بيتكم
رغد : ايه بيتنا بيت أبوي
داليا : وهذا
رغد سكتت و ما ردت عليها
داليا : أوك اطلعي البسي عبايتك و بكلم السواق يوصلك
و طلعت رغد و لبست عبايتها و نزلت ع طول بدون ما تسلم عليهم و طلعت السيارة .
سعود : ماما زعلتي منها
داليا : لا يا حبيبي مافي أم بتزعل من بنتها لكن حزت بلقبي كلمتها مش أكثر
سعود : امسحيها بوجهي هذي المرة
داليا : لا حبيبي لا تشيل هم حتى من أختك مني زعلانه
****************************************
بعد العشا راحو داليا وسعود ع عزيز مول يدورون فستان و سعود اشترى له ثوب و غتره
و هم يلفون ع المحلات شافو فارس
سعود : ماما هذا مو فارس
داليا : هذا ايش جابه هنا
فارس : سلام
داليا : ....................
فارس : اوك لا تردون .. اشوف رغد مو عاجبها زواجك و حابتني أكثر من ولد عمها
داليا : ايش تقصد
فارس : أبد بس قالت لي أرجعك لعقلك قبل لا تروحين مني
داليا : رغد كلمتك عن مكاننا
فارس : أجل أنا عرفت من راسي
سعود : يمكن ليش لا .. ممكن بالصدفة
فارس : اذا ما تبغى تصدق شوف جوالي وشوف آخر مكالمة مين
سعود : أشوف
سعود أول ما شاف اسم أخته و التاريخ ما صدق أنه أخته ممكن تسوي كذا و سكت
داليا : سعود امش نرجع للبيت
فارس : ع وين لسى ما خلصت كلامي
داليا : ما بيننا كلام
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك