رواية حبيب الحب -4
البارت الحادي عشر ( 11 )
المساء بأول شهر ثمانيه - بيت محمد ( أبو صالح ) : بصالة المعيشة : أم صالح وأبو صالح ومها
سعد : السلام عليكم
أم صالح وأبو صالح ومها : وعليكم السلام
سعد > حب رأس أمه وخشم أبوه : أشوه ما نمتوا بغيتكم بسالفه
أم صالح : خير يأمك ، ان شاء الله قررت تعرس
أبو صالح : أي والله يا سعد ما بقى إلا انت ومها
سعد : لاحق على العرس ، بس مو هاذي سالفتي ، الدفاع حاطه دورة للضباط مدتها ثلاث اشهر بالرياض وأنا قدمت عليها
أم صالح : ليش وأنا أمك، ثلاث تشهر ما نشوفك ، مو لازم تأخذها اذا مهي اجباري
سعد : أي يمه مهي اجباري بس تساعدني بالترقيات وفيها مكافآت زينه
أم صالح : وأنت عليك اقصور بالفلوس ، الحمدلله خير ابوك واجد ومعاشك قوي
أبو صالح : خلي الولد يروح يشوف مستقبله ودورات الدفاع تفيده بشغله باجر نشوف مركزه عالي ان شاء الله .
سعد : اي والله يمه موب ناقصتني فلوس ، أبي الدورة علشان تنفعني باجر بشغلي
أم صالح : يمك مده طويله ثلاث تشهر
مها : بتروح الرياض ، الله وناسه خلاص بنزورك أنا وأمي وابوي ، ودي اشوف الفيصلية
سعد : لا والله هذا اللي يهمج ، الدورة بتكون بمعسكر داخلي وما نقدر نطلع منه .
أبو صالح : متى ان شاء الله سفرتكم
سعد : والله يا يبه الأسبوع الجاي بندخل معسكر الجيوان تدريب مدة اسبوع عقبها بنطلع أربع ساعات نسلم عليكم ونسافر للرياض .
مساعد : السلام عليكم >> ودنق على امه وحب رأسها ورأس ابوه
الكل: وعليكم السلام
سعد >>> قال لمساعد عن الدورة
مساعد : أي والله حتى إحنا بالوحدة وصلتنا نشرة الترشيح للدورة بس أهي بالأختيار مو إجباريه ، ليش بتروح
سعد : بتفيدني بشغلي
مساعد : بس هذا اللي خلاك تروح ؟؟
سعد : أي ما في سبب ثاني ، يالله أنا تعبان وبنام باجر عندي مناوبة ، السلام عليكم
الكل .......... : السلام عليكم
================
أول يوم من شهر رمضان : 30/ 8 / 2008 يوم الاثنين : من عادة عيال أبومحمد إن أول يوم رمضان يكون أول تجمعهم بديوانية أبو راشد ومنها يطلعون الأخوان الكبار لزيارة الدواوين ، وطبعا ما يطلعون قبل ما توصل خواتهم شيخه وموضي ببيت أبو راشد يسلمون عليهم الأخوان والشباب ، وغالباً تكون شيخه وموضي بصالة الأستقبال ينطرون أخوانهم وعيالهم وكان فيه صالة صغيرة بين صالة الاستقبال والديوانية منها تدخل شيخه وموضي للسلام على اخوانها وعيالهم أما النساء فيكونون بصالة الاستقبال ، وهالعادة السنوية أهي اللي أمنعت نوره إنها تشوف خالد أو أي واحد من عيال عماتها أما سعد بحكم أنه بيتهم مقابل بيت عمه أبو راشد فهو يشوف نوره بالدشه والطلعه .
قبل الافطار : بيت أبو خالد
خالد >> كان توه راد من الشركة ، لاحظ غرفة المكتب مفتوحه ودخل : السلام عليكم ، مبارك عليك الشهر
أبو خالد >> يقرأ قرآن ورفع رأسه : وعليكم السلام ، علينا عليك ............... توك واصل من الشركة
خالد : أي والله يبه ، كنت أراسل شركات دبي وأرسلهم الفواتير ، وخذاني الوقت وما حسيت إلا الساعة أربع العصر
أبو خالد : عساك على القوة هذا حلالك أحرص عليه يا بوك .
خالد : لا توصي حريص
أبو خالد : لا تنسى اليوم عقب التراويح تروح معاي بيت عمك أبو راشد .... تروح معاي بسيارتي وإلا تروح بروحك بسيارتك المهم توصلهم
خالد : إن شاء الله ، بس بروح بسيارتي مو معاك لأني عقبها بمر خوالي ، وبعدها بروح لدواوين ربعي .
أبو خالد : كيفك بس أهم شي تروح معاي عند عمانك وتشوف عماتك بعد وتبارك لهم
=======================
بمنتصف شهر رمضان ، نوره كانت تتجهز لغبقة عمتها شيخه أم بدر ، أول ما ردت من صلاة التراويح خذت لها شور وألبس دراعه من تصميم أنسام الخلف وأستشورت شعرها وحطت لها مكياج خفيف
>> حان الوداع يتصل بك – نوره غيرت من الانتقام الى حان الوداع
نوره : آلووووو
خالد : غلا قلبي اشتقت اشوفج
نوره : هلا يا عمري ، أنا بعد والله مشتاقه بس شسوي أول عذري الكلية وكنت اقدر اشوفك بس اللحين كل طلعاتي معاي أحد مو بروحي اشلون اشوفك
خالد : زين لو من بعيد
نوره : الشوارع والمجمعات زحمه يا قلبي وين تلقاني بين الناس
خالد : اطلعج لو بين مليون ، نوره أنا خلاص ما فيني بكلم أبوي أي اخطبج
نوره : خالد اشلون تقول لأبوك انك بتخطبني وانت للحين بنت عمك على ذمتك
خالد : نوره والله خايف تضيعين من ايدي ومليت أبيج اليوم قبل باجر عندي
نوره : امممممممممممم وأنت مو تقول ان امك اهي اللي بتطلقك من بنت عمك ليش ما تصرفت للحين ؟
خالد : كلمتها تقول انطر ابيها تتطلق قبل عرس ريم بيوم
نوره >>> اي علشان ما نحضر العرس يا مرت عمي : ليش ؟
خالد : ما ادري ، علشان جذي بقول لأبوي أني ما بي بنت عمي وأني على علاقة ببنت وأبي اتزوجها .
نوره : خالد أبوك بيكرهني ، وبعدين اشلون اواجه بعدين
خالد : مو مهم ، المهم عندي تكونين زوجتي اليوم قبل باجر
نوره >> تفكر : خلاص خالد أجل الموضوع إلى عقب عرس ريم . وإن شاء الله ما يصير إلا الخير
خالد : هذا رأيج
نوره : اي هذا رأي ، واللحين مع السلامة معزومه على غبقه
خالد : آآآآآآآهـــــ ما تأخذيني معاج
نوره : ههههههههــــــ مع السلامه
بيت شيخه ام بدر كانت عازمه اهلها على غبقه ونون لحفيدها محمد ولد بدر لأنه توه يمشي : بدى يتوافدون الحريم أم راشد ونوره وجناتها هند وتهاني أم صالح وبنتها مها وجناتها هيا وساره وأم عادل ( موضي )
وقبل الغبقة بيوم اتصلت ام بدر على ام خالد وعزمتها وحلفتها إنها تجي العزيمة كانت تعرف طبعها تتهرب من هالجمعات وأحرجتها إنها علمت أخوها حمد وأصرت عليه إنه زوجته تحضر الغبقة مع بناتها . وطبعا كان فيه معازيم واجد من أهل زوجها ومعارفها وصديقاتها .
ريم : هلا نوره .... مبارك عليج الشهر لوأنه متأخر
نوره : هلا ريم ... علينا وعليج
ريم : داليا داليا تعالي سلمي على نوره مرت خالد
دلال : انتي نوره ........ واي اتهبلين
نوره : تسلمين يا قلبي ........ اشلونج داليا ان شاء الله بخير
داليا : بخير الله يسلمج >> وخذت ريم على جنب : ليش انتي وامي قلتوا عنها جيكره
ريم : سكتي بعدين اعلمج
كان الصوت عالي الكل يسولف ، وجابت ام بدر زبيل كبير فيه قرقيعان وحطت حفيدها بالوسط وقطت عليه القرقيعان وقاموا اليهال يلقطون القرقيعان وخذت سلوى زوجة بدر صينية مصففه فيها علب فيها دهن عود وحلويات ووزعته على الحريم الكبار وطبعا كان البوفيه مفتوح بنهاية الغبقه .
ام بدر : ها يا أم خالد ما حددتي للحين عرس خالد ونوره
ام خالد : لا والله للحين أول شي اخلص من عرس ريم إن شاء الله ، وبعدين عرس خالد
أم على : أنتي ام خالد نوال خالد ناصر الـــ مرت أخوج ام اسامه
ام خالد : أي تعرفينها
أم علي : أي أعرفها عشرة عمر أنا وياها بالمدرسة ، لين ما تقاعدت وللحين بينا اتصال ما قطعنا ببعض
أم خالد : أي عاد ام اسامه ما شاء الله عليها واصله كل اللي كانوا معاها بالدوام ، والكل يذكرها بالخير .
أم علي : اي والله صاجه .
قامت أم خالد تغسل ايدها عند المغاسل وشافت بنتها داليا
داليا : يمه ليش قلتي انه نوره جيكره وأهي حلوة وتهبل
ام خالد : قصي لسانج ، مو شغلج واذا قلتي شي لخالد يا ويلج مني
داليا : ليش يمه
ام خالد : مابي هالبدوية تصير جنتي عرفتي ليش
>> كانت نوره وراهم تسمعهم ووخرت بسرعه لا يشوفونها ، بعد الغبقة كانت نوره شبه منهاره من كلام أم خالد ، صعدت بسرعه لغرفتها واستسلمت لحالة هستيريا من البجي >> حان الوداع يتصل بك ......... شافت التلفون
وصاحت من قلبها بس ماني قادره استحمل ما اقدر اجذب علي نفسي اكثر من جذي مدري اهو حب وإلا انتقام لازم انتهي من هالسالفه اخاف اتعلق فيه اكثر وأمه واقفه بينا ، عرفني خالد وإلا ما عرفني الفراق اهو مصيرنا لا يمكن يعصي كلام امه ، وأنا بعد ما أبيه يخسر أمه ما أرضاها لأمي اشلون ارضاها لأمه ............ قامت راحت ركض لغرفة أمها >> طقت الباب يمه يمه
ام راشد : تعالي نوره
نوره : يمممممممممممممممممه >> واستلمت نوبة بجي ثانيه
ام راشد : اشفيج نوره عسى ماشر
نوره : يمه خلاص ما اقدر استحمل أبي اتطلق ما بي خالد
ام راشد : شنو هالكلام اشفيج اشصاير
نوره : آآآآهـ ، تعبانه يمه من ملجت وأنا حاسه إني بختنق ما بيه ما بيه فكوني منه مثل ما زوجتوني اياه اللحين ابي اتطلق
ام راشد : نوره ، اشفيج ليش تقولين جذي شاللي مضايقج
نوره : ما فيني شي بس ابي تطلق
أم راشد : اسم الله عليج يمه >> وقامت جابت لها علبة ماي زمزم : شربي نوره وسمي بالرحمن
نوره : تشرب شوي وتبجي وتصيح
ام راشد > حطت ايدها على رأس نوره وتقرى عليها الأدعيه
نوره : يمه الله يخليج قولي لأبوي ما بيه خليه يطلقني منه
ام راشد : يا يمه هذا زواج مو لعب ابيه وإلا ما بيه ، شقول لأبوج بس ما تبيه وخلاص لازم في سبب مقنع
نوره : يمه ........... أنا عرفت من رفيجاتي انه خالد مواعد بنت بالزواج ..... وفوق هذا امه تمشي وتسولف انه بيطلقني لأنها ما تبيني
ام راشد : نوره هالكلام صج تحجي
نوره : والله يمه هذا اللي سمعته
ام راشد : خلاص نوره ، أنا اتصرف بهالبلوى >> بقلبها ..والله اني قايله ماني مرتاحه لولد الحضريه
نوره : يمه انا اتصلت علي اماني وتبيني اروح معاها باجر بعد صلاة الظهر الفنار علشان تقيس بدلتها
ام راشد : ميخالف روحي بس السايق اللي يوديج ومعاج سيلفيا
البــارت ( 12 )
ثاني يوم ، نوره قامت قبل صلاة الظهر غسلت وقرأت القرآن شوي لي آذان الظهر ولبست عباية من المحجبه وأنزلت لقت امها قاعده بالصالة
نوره : السلام عليكم
ام راشد : وعليكم السلام ، يمه نوره اشفي عيونج جذي مورمه
نوره : يمه تدرين ان قلت لج البارحه السالفه مو تنسين يمه الله يخليج قولي لأبوي ما اقدر اواجه بروحي ، اشلون اخاف يهاوشني
ام راشد : لا تخافين يمه انا قتلج اتصرف ، قومي روحي ولا تتأخرين
بعد مع اطلعت نوره
اتصلت ام راشد على حماتها ام بدر
ام راشد : السلام عليكم ام بدر
ام بدر : وعليكم السلام
ام راشد : ام بدر بغيتج بسالفه وامنتج بالله ماتقولينها لأحد
ام بدر : خير ام راشد امري
ام راشد : ما يأمر عليج عدو ، السالفه اني سامعه من ناس انه ام خالد ناويه تطلق نوره من ولدها وبعد ولدها ما يبي نوره ، وابيج تأكدين من هالسالفه اذا صج ترا محنا ناطرينها لين ما طلق بنتنا إحنا اللي بنرد المهر ونخلص من هالسالفه
ام بدر : نطري يا ام راشد لا تستعجلين خليني اتأكد وأنااللي أجيبلج الخبر الاكيد
ام راشد : تكفين يا ام بدر ما ابي خوانج يدرون ما ابي افرق بينهم
ام بدر : ولا يهمج يا ام راشد ما يصير خاطرج إلا طيب
-----------------------------------------------------------
بالطريج كانت نوره سارحه اشلون تنهي علاقتها بخالد بدون ما يعرفها ومحتارة تنهيها قبل الطلاق وإلا بعده ، اخنقتها العبرة واهي تفكر ونزلت من عيونها دمعه امسحتها قبل لا تبين من تحت النظارة . افتحت التلفون وشافت الشاشه بتشوف خالد اتصل عليها وألا لا
>> خمس مرات مس كول ورساله { ليش ما تردين خايف عليج يا قلبي اشفيج لا تعلقيني اتصلي انطرج بس طمنيني عليج }
ردت عليه برساله { أنا بخير يا حبي ، لا تحاتيني أمس رديت متأخرة من الغبقة واللحين طالعه مع أماني }
وصل السايق لمجمع الفنار واتصلت نوره من تلفونها الاصلي على >> نوره يتصل بك
أماني : هلا نوره وينج ، أنا عند البوشيه
نوره : كاني وصلت لج ................ ونزلت من السيارة وراحت لمحل البوشيه
أماني : هلا نوره تعالي ، اشفيج ما قطيتي النظارة
نوره : لا ما فيني شي
أماني : نوره طالعيني >> وارفعت عن عينها النظاره : الله نوره ليش اعيونج جذي متفخه كنت تبجين
نوره : بعدين اقولج قيسي البدلة اول شي بعدين اسولف عليج
أماني : ما اقدر انطر تعالي >> خذتها وطلعتها بره واقعدوا على الكراسي : يالله قولي
نوره : أمس بالغبقه >>> وقالت شنو اسمعت من ام خالد وإنها امس قالت لأمها إنها تبي الطلاق
أماني : نوره خلاص هاذي النهاية اللي تبينها ، ليش يا نوره ما تقولين لخالد الصج خليه يعرفج
نوره : ما اقدر أمه ما تبيني وأنا ما أبيه يطلع عن شور امه
أماني : يمكن إذا عرفج راح يصر عليج ويقنع أمه
نوره : خلاص أماني إنتهينا >>>> حان الوداع يتصل بك
لما نوره ارسلت الرسالة المسج لخالد كان بالشركة وكل دقيقه يطالع تلفونه يبيه يرن أو توصله رساله ، وقع بريد الشركة وجيك على باقي الفاكسات >> وصول رساله أول ما فتحها................ قرر يتصل
نوره: آلووووو
خالد : هلا حبي ، اشفيج يا قلبي ، ما تقدرين تقصين من وقتج وتعطيني ويه
نوره : ما فيني شي حبيبي بس والله لاهيه مع أماني نجهز لملجتها
خالد : وينج اللحين
نوره : بالفنار
خالد : خلاص كاني ياي لا تطلعين بشوفج لو ثواني
نوره : لا خالد تكفي ، والله لاهيه خلها بعدين
خالد : نوره والله مشتاق من عطلتي بالكورس الصيفي للحين ما شفتج ، ثواني بس لا تطلعين أنا قريب بالشركة . يعني بالسالميه . انطريني باي
نوره : خالد >>>>>>افـــــــــ صكر التلفون
أماني : اشفيج
نوره : خالد جاي اللحين الفنار
أماني : لا والله انتي محجوزه ، قومي قومي قبل لا يوصل بقيس البدله
نوره : يالله
وتموا بالمحل لين ما خلصت أماني واستلمت البدله وراحوا البستان بيشترون كرمكم الله جوتي للبدله أول ما ادخلوا المجمع >>> حان الوداع يتصل بك
نوره : الوووو
خالد : هلا يا قلبي وينج
نوره : انا بالبستان تعال يم محل نوران انطرك
خالد : اوكي
أماني : وين رايحه نوره
نوره : بطلع خالد بره ، إنتي شوفي اللي يناسبج من الجواتي وقيسي على ما اشوفه
أماني : خلاص لا تتأخرين
اطلعت نوره من محل وراحت يم محل نوران شافته جاي من صوب البوابة الرئيسية . ابتسمت وحست بنار بقلبها آآآآآآآه يا خالد كلها جم يوم ونصكر الستارة على هالمسرحية بس بعدها الله يعيني على دموعي وحرقت قلبي
خالد : هلا نوره
نوره >> أول مره تمد ايدها له تبي تمسكة وتودعه سلمت عليه بحرارة واهو مسك ايدها ليش يهدها واهو يتمناها
نوره : خالد ، خلاص شفتني يالله باي
خالد : وين وين نوره صبر خليني اشوفج عدل فيج شي متغير
نوره : ما فيني شي
خالد : ليش اعيونج تعبانه
نوره : سهرانه من امس وأماني إلا تبيني اروح معاها
خالد : واشلون تسوقين وانتي نعسانه
نوره >> تذكرت انه خالد يعرف سايقهم محمد : لا أماني مارتني وبتردني للبيت ، خالد يالله باي اماني بالمحل وبنتشري وبعدين بنروح الصالون ماكو وقت
خالد >> كان ما سك ايدها ما يبي يهدها حاس بشي ناغز قلبه عليها ما يدري ليش : يالله مع السلامة وردي على اتصالاتي لو بكلمة آلو بس ما أبي شي
نوره : مع السلامه
راحت نوره ركض لأماني وعيونه غرقانه دموع وبسرعه طلعت نظارتها والبستها .
شافتها أماني : آآآه يا قلبي يا نوره ............. خلاص اعترفيله حرام اللي قاعده تسوينه
نوره : يالله اماني لقيتي اللي تبين
أماني : اي لقيت يالله خلينا نروح نحجز الصالون
نوره : أنا جايه مع السايق تركبين معاي وبعدين نردج لسيارتج
أماني : نوره والله ان قلبج مو معاج إنتي نسيتي ان اخوي موصلني وانتي اللي بترديني البيت
نوره >> ابتسمت من ورا دموعها
البـــارت ( 13 )
تمت نوره يومين ما كلمت خالد بس بالرسايل تسأل عنه تعذرت بإنها تبي تنهي ختم القرآن الكريم . كانت نفسيتها حيل تعبانه الكل لاحظ عليها حتى أخوانها ، بالصالة بأول ليلة من العشر الأواخر كانت أم راشد قاعده تنطر نوره تجهز علشان يروحون مبجر للصلاة قبل الزحمه . رن تلفون البيت
ام راشد : آلو
ام بدر : السلام عليكم
ام راشد : وعليكم السلام هلا والله بأم بدر
ام بدر :اشلونج ام راشد عساج بخير
ام راشد : بخير الله يسلمج
ام بدر : ام راشد عندج احد بكلمج بموضوع مهم
ام راشد : لا والله قاعده بالصاله انطر نوره تخلص لبس علشان نروح الصلاة
ام بدر : اقول يا أم راشد انتي وصيتيني على شي ، وانا والله من يومها ومتضايقه على نوره ما بيها تنظلم ، يغربل ابليسج يا نوالوا على اللي بتسوينه ببنت اخوي ، بس الله يرد كيدها بنحرها ونوره الله بينصرها عليها
ام راشد : ام بدر قولي يا وخيتي والله قلبي قام يعورني
ام بدر : لا يعورج قلبج ولا شي نوره مزيونه وجامعيه وكلمن يتمناها بس اخوي فهد الله يهداه اهو اللي عرض نوره عليهم
ام راشد : شنو فهد اهو اللي قال اخذوا نوره
ام بدر : اي يا أم راشد ، فهد عرض نوره على حمد واهو اللي بغاها لولده ، ونوال انقهرت وقالت والله لخليه يملج عليها ونطلقها بس والله ما اخليها ، أبيج تقولين لأبو راشد يتصل على اخوي حمد باجر ويجيب ولده خالد معاه ويردون المهر اللي ما تستحي نوال ما جابته بنفسها دزته مع اخوي حمد ، ويقوله نوره اهي اللي عافت ولدكم مو أنتم اللي رديتوها ، وانا من باجر بروح ازفلج نوالوا ، واحلف على خالد يطلق نوره ، ابج نوره من يعوفها هاذي سميت امي وغاليه علي والله ما تنذل
ام راشد : ام بدر اخاف فهد ما يرضى
ام بدر : ما عليج منه انتي بس قوليله واذا عيى لج مني انا اللي بوقف بوجه
ام راشد : الله يستر يا ام بدر ، عقب ما ارد من الصلاة بكلم فهد وعيالي ونشوف حل مع هالبلوى
ام بدر : خلاص سوي اللي تبينه ، بس انا لج مني ما ني مخليه نوالوا
ام راشد : سترك يا رب ما ابي فهد يخسر اخوه وعيال العم يتباغظون
ام بدر : يا الله مع السلامه أنا بعد بروح الصلاة وباجر يجيب الله خير
ام راشد : مع السلامه
انزلت نوره من السلم وسلمت على امها واتصلت على اخوها طلال علشان يوديهم للمسجد
وبعد ما ردوا من الصلاة ام راشد اطلبت من عيالها يدخلون الصالة الداخلية ونادت ابو راشد فهد
ام راشد : اقعد يا فهد اشفيك واقف
ابو راشد : انتي اللي اشفيج ، ليش مجمعتنا انا والعيال
ام راشد : ان شاء الله خير ، اسمع بنتي نوره تبي تتطلق من خالد
فايز : شنو اهو لعب عيال ، ليش اشفيها
ابو راشد : اسكت يا فايز ، ليش تبي الطلاق
ام راشد : ام خالد تمشي وتسولف تقول ان ابو راشد اهو اللي خطب نوره لولدها وأبو خالد استحى منه ووافق وابلش ولدها ببنتهم ، واهي حالفه انه يطلقها .
ابو راشد : من قالج هالحجي
ام راشد : أنا أول شي سمعته من نوره وجذبتها واتصلت على اختك ام بدر واهي اللي جابت العلم الأكيد
ابو راشد : لا حول ولا قوة إلا بالله ، بس انا قايل لأخوي الزواج مو غصب للولد
طلال : يمه لا تستعجلين يمكن هذا كلام مرت عمي بس خالد ما ندري عن رأيه
راشد : اي صح مو كل كلام الحريم نصدقه والا جان كلمن تطلق
فايز : انا بعد اقول جذي يبه اتصل باجر على عمي حمد وانشده
ابو راشد : بيستحي مني اخوي وبيغصب ولده يجذب
ام راشد : والحل
طلال : عندي الحل انا انشد خالد من غير ما يدري عمي واذا طلع صج نقوله يطلقها
راشد : اي والله يبه ما نبي نخسر عمي حمد ولا نفشله ، نخلي الطلب من نوره
ابو راشد : وشنو عذري وقتها
ام راشد : نقول ان البنت جتها نفس وكله تصيح وتصارخ قرينا عليها وما كو فايده
فايز : خلاص هذا احسن حل ، والله يا يبه سعد كان شاريها بس انت الله يهداك
ابو راشد : قدر الله وما شاء فعل ، طلال اتصل عليه اللحين ورد لي الخبر
طلال : يبه الساعه 2.00 من الليل
ابو راشد : يابوك ، خلنا نخلص والله اني متضايق على نوره ، انا اللي بعتها برخيص جانه الخبر صج ، اتصل الناس رمضان ومحد ينام هالحزه
طلال : ان شاء الله يبه >>> طلال يتصل بك
خالد كان توه راد من الصلاة ومسك تلفونه ظن نوره اللي تتصل ، وإلا طلال يتصل عليه
خالد : السلام عليكم
طلال : وعليكم السلام ، عسى ما قعدتك من النوم
خالد : لا والله ما قعدتني توني راد من الصلاة وما تسحرت
طلال : خالد ودي اني اسألك سؤال وابيك تجاوني بصراحه
خالد : آمر يا ولد عمي
طلال : ما يأمر عليك عدو ، ابي اعرف انت عمي حمد اجبرك على الزواج من نوره
خالد >> سكت : .........................
طلال : خالد جاوبني علشان نخلص من هالسالفه وأنا ما بي احطك بموقف محرج مع عمي اذا غاصبك قول وإحنا بنخلي الطلاق يجي منا
خالد : والله يا طلال بنت عمي ما تنعاف وودي على نسبكم بس والله الشي مو بيدي وأنا من يومها محرج بين رضى ابوي وزعله وووووووو
طلال : خلاص يا خالد الوجه للوجه ابيض ، لا تكدر خاطرك ترا محنا زعلانين منك ، خطأ اللي صار وإحنا اللي نبي نصلحه وتراك تبقى ولد عمنا وعزيز علينا
خالد : تسلم يا طلال والله اني ما لي ويه ، منحرج من عمي
طلال : لا تنحرج ولا شي وان شاء الله ما يصير إلا الخير ، مع السلامه
خالد : مع السلامه
التفت طلال لأبوه : يبه الولد منغصوب عليها من عمي ومتفشل لا يقول وخايف على رضى ابوه
ابو راشد : دام جذي خليها تجي منا ولا منه ، باجر اتصل على اخوي واخليه يجي ونتفاهم معاه ، ام راشد حطي لنا السحور ونادي نوره ابي اشوفها .
أبو راشد كان يبي يشوف نوره على السحور بس ما قدر يكلمها كانت خانقته العبره ما هقى الرفض يجي من ولد اخوه وعقب الملجه آآهــ كان خاطبها منه سعد بس اهو اللي استعجل وكلم حمد .................... يفرجها الله
=============================
ثاني يوم بعد الفطور اتصلت ام بدر على أخوها حمد وقالته انها بتمره البيت لا يطلع وخل خالد يكون موجود وام خالد بتشوفهم ضروري ، ووصلت لهم بعد صلاة التراويح .
ام بدر : السلام عليكم
ام خالد وأبو خالد : وعليكم السلام
ابو خالد : يا حيا الله ام بدر ،
ام بدر : الله يحيك ، اقعد ياخوي بكلمك بس وين خالد
ام خالد : ليش ؟؟
ام بدر : ولد اخوي وابي اشوفه فيها شي
ام خالد : لا ما فيها شي اللحين ادق عليه ينزل طلع فوق يريح عقب ما يا من الصلاة
ام بدر : وين ريم وداليا
ام خالد >> تتصل على خالد : ريم وداليا بغرفهم
خالد : هلا يمه
ام خالد : تعال تحت عمتك ام بدر تبيك
خالد : ان شاء الله
ابو خالد : والله يا ام بدر منتي خليه اشفيج مناديتنا كلنا عسى ما شر
ام بدر : ما كو إلا الخير انطر بس خل خالد ينزل
خالد : السلام عليكم حيا الله عمتي زارتنا البركة
ام بدر : الله يحيك لو لي غلا جان مريتني ببيتي مو بالسنه حسنه
خالد : مشغول والله يا عمه بس ان شاء الله ابشري لج منى ازورج كل اسبوع اشرايج
ام بدر : بلا كلام ما تنفذه ، اسمع يا خالد وانت يا أخوي أنا جايتكم بموضوع مهم ما أبيك تزعل منه ولا تأخذ بخاطرك ولا أبيك تزعل من اخوك فهد >>> وتطالع ام خالد بنص عين
ابو خالد : عسى ما شر يا ام بدر والله خرعتيني اشفيه اخوي فهد
ام بدر : والله يا ابو خالد نوره بنت اخوي فهد تبي الطلاق وطلبتك يا خوي لا تردها خل خالد يطلقها
أبو خالد وام خالد >>> الصدمه بوجيهم
ابو خالد : شنو ، ليش ؟ شاللي صاير ؟
ام بدر : مدري اهو يقولك ، وتكفى يا حمد اذا اتصل عليك لا ترده >> ولفت على خالد : هاا يا خالد تطلقها
خالد >>> ما صدق على الله : اذا هذا اللي تبيه نوره وعمي أنا ما اردهم متى ما بغوني اطلق اطلقها
ام خالد : شنو اهو لعب عيال يملجون متى ما بغوا ويطلقون متى ما بغوا
ام بدر >> تصر على اسنانها : اي يا ام خالد >> واغمزت لها
ام خالد >>> حست الحركه اللي سوتها ام بدر لها معنى وسكتت
ابو خالد : اذا اخوي فهد اتصل علي وطلب هالشي لا والله ماني راده ولا أبي اخسر اخوي اللي يبه يسويه ، بس بعرف السبب .
ام بدر : خلاص توقع منه اتصال اليوم >>> ما كملت حجيها وإلا ابو راشد يتصل
ابو خالد : السلام عليكم
ابو راشد : وعليكم السلام يا بو خالد اشلونج ان شاء الله طيب
ابو خالد : الحمدلله ، بشر عن حالك
ابو راشد : طيب يا جعلك طيب ، بغيتك تمرني اليوم ومعاك خالد ضروري يا بو خالد
ابو خالد : ان شاء الله يا بو راشد جايك بالطريج مع خالد
خالد : أنا بقوم البس
وقام ابو خالد وراح لداره واهو متضايق ليش يخسر نوره وكان وده انها تكون ببيته تمنى وحده من بنات اخوانه تصير زوجه لولده خالد ويأخذ من اهله استغفر الله وراح يلبس
بعد ما قام ابو خالد وخالد التفتت ام بدر : شوفي يا ام خالد ما كو شي يتخبى بالديره
ام خالد : يعني شنو ؟؟
ام بدر : سوالفج اللي تقولينا لأهلج توصلنا مو علشان احنا اصلنا بدو يعني ما نعرف الحضر لا نعرفهم ومناسبينهم . وانتي كنتي تبين خالد اهو اللي يطلق نوره ، والله رد كيدج وخلا نوره أهي اللي تعوف ولدج وما تبيه . يالله مع السلامه
البــارت ( 14 )
بفيلا ابو راشد : كانت نوره قاعده بغرفتها حدها متضايقه من قالت السالفه لأمها ولا كلمتها بالموضوع >> طق الباب
نوره : منو ادخل
ابو راشد : أنا يا بوج
نوره : هلا يبه >> حبت رأسه وما قدرت توخر عنه وحضنته كان ودها ترد نوره الصغيره
ابو راشد >> اخنقته العبره : يا بوج يا نوره ، ما يصير خاطرج إلا طيب مثل ما زوجتج اياه اللحين بطلقج منه ............ لا تزعلين ولا تكدرين خاطرج والله يرزقج بالرجال الصالح اللي احسن منه
نوره >> من اسمعت كلام أبوها صاحت وبجت وكانت تنتفض بين ايدين ابوها وأهو يمسح على رأسها : آآآآآآآآآهـــــــــــــ يبه يبه سامحني
ابو راشد : خلاص يا بوج لا تقولين شي ولا ني زعلان منج .
دخل عليهم أخوها فايز >> وراح لنوره وبأس رأسها : نوره لا تخافين بنطلقج منه غصبن عليه وهالشي اضمنيه وترا انتي بس بينج وبينه ملجه حتى عدة ما لج قال الله تعالى (يا أيها الذين آمنوا إذا نكحتم المؤمنات ثم طلقتموهن من قبل أن تمسوهن، فما لكم عليهن من عدة تعتدونها، فمتعوهن وسرحوهن سراحًا جميلاً) (الأحزاب: 49). نوره من سمعت كلام أخوها فايز زادت بالبجي والصياح وقاموا يهدونها يحسبونها منحرجه لأنها بتطلق ، واهي تبجي من قرب الفراق ،
=============
نزل أبو راشد للديوانية وتم عندها فايز وأتصل على تهاني تجي تقعد عندها وراح للديوانية
ابو راشد : هلا والله بأبو خالد >> سلم عليه وقرب منه خالد وحب رأس عمه
ابو خالد : الله يحيك يا أبو راشد
ابو راشد : اقلط يمي : يا أبو خالد أنا زوجت نوره لخالد وكنت أتمنى اليوم اللي اشوفها ببيتك لكن قدر الله ما شاء فعل ، البنت من الملجه واهي تبجي وجايتها حاله الله يعلم فيها وأنا أبي منك طلب ما تردني مثل ما طلبت منك أول مره خالد يأخذ نوره أبيه يطلقها
ابو خالد >> حز بخاطره اللي صار : والله يا بو راشد ما ودي بالطلاق لو نصبر علي العيال شوي ونشوف نوره يمكن الله يهداها
ابو راشد : ما يحتاج يا بو خالد احنا ما خلينا شي ما سويناه أبي منك بس ورقة طلاقها ودامها بس ملجه نحسبه جنه شين ما صار ، والله يوفق بنتنا ويوفق ولدنا خالد
ابو خالد : لا حول ولا قوة إلا بالله والله ما ودي اسمع هالكلام بس لي طلب ابي أنا وخالد نشوف نوره ونسمع منها هالكلام
ابو راشد : طلال اتصل على نوره وقولها >>> طلال اتصل على نوره وقالها قامت تصارخ وتبجي مابي اشوف خالد فكني منه ما ابي اشوفه >>
طلال : عمي نوره تقول ما تبي تشوف خالد
ابو خالد : خلاص انا اشوفها
طلال : نوره خلاص لا تبجين انزلي بس عمي يدخل الصاله ويشوفج
انزلت نوره >> سلمت على عمها وعيونها تصب الدموع
ابو خالد >> انصدم من منظر نوره وبجيها كل اللي سواه حب رأسها وقالها ما يصير خاطرج إلا طيب >> كان يظن انه بهالحاله من الملجه
رد للديوانيه ابو خالد وطلال وتكلم ابو خالد : ابو راشد والله اني بقول لخالد يطلق نوره وأنا ما ودي على هالشي بس عقب شوفة نوره بهالحاله بخليه يطلقها بس مو باجر آخر يوم برمضان : خالد تروح أنت وطلال بآخر يوم برمضان المحكمة واطلق نوره
خالد >> كان طول المده ساكت مو قادر يحس بالفرح مع انه يتمنى هالشي علشان حبيبته نوره : ان شاء الله يبه اللي تأمر عليه >> وقام حب رأس عمه : سامحني جان جا مني خطا
ابو راشد : لا يبوك ما جا منك خطا وأنت ولدي مثلك مثل طلال
وعدى الوقت عليهم وغيروا السالفه إلى مواضيع السياسة والتجارة واحوال العالم علشان ما يحسون انهم تغيروا على بعض .
طلع أبو خالد وخالد من الديوانيه وراحوا البيت يريحون قبل صلاة القيام خالد >>>>> حان الوداع يتصل بك
نوره : هلا حبيبي >> كانت بغرفتها علشان تغسل وتلبس للصلاة
خالد : هلا حياتي ، هانت يا قلبي ما بقى للقانا شي
نوره : خير بشرني
خالد : نوره بنت عمي اطلبت الطلاق
نوره : ليش ؟
خالد : مو مهم ، المهم انج صرتي لي قريبه
نوره : متى بتطلقها
خالد : اتفق ابوي وعمي بآخر يوم برمضان اروح انا وولد عمي للمحكمة واطلقها
نوره >> يعني ما اقدر اكلمه إلا هالاسبوع : حبيبي انا بقوم اتوضوه للصلاة عقب ما ارد من المسيد أبي اسهر معاك
خالد : غالي والطلب رخيص وهذا مناي يا نوره أشم ريحتج على مخدتي واسمع صوتج يا غلا
نوره : حبيبي لو يسألوني شنو اسم الحب والله لأقول خـــــــــــــالـــــد ... مع السلامة
خالد : أحبج ............ مع السلامه
============================
كانت هالليله أطول ليله بحياة .............نوره وخالد ، كثر ما خالد كان مستعد للطلاق كان حاس بغته ما يدري ليش كل ما لها وتزيد .................وخاصه ان نوره طول الأسبوع اللي كان يكلمها فيه كانت تتكلم بهدوء وتبجي من غير سبب ...................... وإذا سألها قالت إنه أبوها تعبان وهذا اللي مضايقها .................... وكانت كله تتكلم عن الفراق واذا أحد وقف بينهم وفرقهم شنو راح يسوي خالد
خالد : حبيبتي اشفيج والله ما راح اتخلي عنج وهانت يا عمري بس باجر الصبح أطلق بنت عمي وبالليل اخطبج
نوره : لا خالد شنو بنفس اليوم ، اصبر لي بعد العيد
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك