رواية الا فراقك -5
دخلت امل طالعها ...كانت وقفه عند الباب
بندر- تعالي....
قربت منه وقالت- وين كنت؟
بندر- بالحفر....
امل- طيب اتصل عليك ماترد....
بندر- جوالي ...كان ..منكسر.....
امل- طيب ليش ماتكلمني..من جوال اصدقاك...
بندر- ما كنت اقدر...حبيبتي انا اسف...
امل- طيب خلاص......
بندر- خلاص ايش؟؟
امل- ما فيه شيء...
بندر- قولي للشغالة تسوي لي شاهي...
امل- انا بسوي لك...
بندر- تعرفين؟؟
امل- لا بتعلم...
بندر- امشي انا وانتي نسوي لنا شاهي...
امل- يلله..
.........................
.........................
عبد الرحمن ضم ياسر بقوة وهو يقول- الحمد لله على السلامة......
ياسر- الله يسلمك.....
عبد الرحمن- مبروك ...متى طلعت؟؟
ياسر- اليوم مع بندر......ماشفته؟؟
عبد الرحمن لا ....ما دريت عنه...اكيد تعبان ...وين الجسم يارجال......كم كيلو طحت؟؟
ياسر-اللي يجرب السجن ...يختفي من الهم......الله لا يعيده.....
عبد الرحمن- مشينا نجلس....
ياسر- طيب وبندر ...اتصل عليه ...
عبد الرحمن- خله يرتاح......
................
بندر-خلصنا .....جيبي لي اكواب....
امل - طيب
جابت له كوب .....صب الشاهي فيه ...واخذ الكوب وقال- يلله ........
طلع لصاله وجلس على التلفزيون ......وكان يشرب وهو يفكر....وامل كانت تطالع فيه......وهي تفكر
التفت لها .....وابتسم ....هي ابتسمت له ...وجلست جنبه وقالت- ليش رحت للحفر؟؟
بندر- عندي هناك دوام.....مثل المعهد......
امل- اها .....طيب ليش .....
سكتت....بندر قام وقال- اموووله....خلاص ....انا ابي انام....
صعد لغرفته وامل جالسة تفكر...
........................
مر شهر ......
كانت امل وسارة يلعبن سوبر ماريو ....
سارة- امل عطيني ....خلص دورك....
امل- لا .....بقى لي لعبة.....
سارة- عطيني.....انتي ما تعرفين تلعبين....
امل- كيفي....
سارة- لا مو كيفك ...اصلا هذا ابوي شراه لــــــ......
-سااااارة......
التفتن على الباب ...لو بندر كان معصب......
سارة- خلاص كيفها......
قامت وعيونه مدمعه ......قالت- اصلا ...انت ما تحبني....كل شيء امل.....لو امل سوت غلط ...تعصب علي انا ..
بندر رحمها وقال- طيب ...حبيبتي سارة....
امل طالعت بندر ......
بندر- روحي لغرفتي.....يلله روحي لها.....
سارة -لا ....
بندر- ابقولك شيء...
سارة- لا...
بندر- واللي تبينه اجيبه .....
سارة- ..طيب...
راحت سارة وهي تمسح دموعها....
بندر مشى وراها....
امل- بندر
بندر- هلا....
امل- وشلون تقول لسارة حبيبتي وهي اختك...
بندر كأن احد عطاه كف من الصدمة ....رفع حاجبة وقال- ايش؟؟
امل وتعيد كلامها بكل برأة - ليش تقول لسارة حبيبتي وهي اختك...يعني المفروض ....بس انا تقولي...لانك تحبني ..وانا اقولك حبيبي لاني احبك......
جلس قدامها وقال- من قالك هالكلام....
امل- ما احد....
بندر- لا يا امل....انتي وسارة نفس بعض ...كلكن حبيباتي.....ما فيه شيء للاخت وإلا ...لغيرها....انتي وسارة مثل بعض.....
\
\
\
(((امل))) راح تتلكم عن شعورها .....
من ذاك اليوم ....وكلامه يدور براسي....من قبل 4 سنوات ...قالي الكلام هذا....يعني بندر ...يمكن ما يحبني...صراحة هذا اول صدمة يصدمني فيها بندر....
صحيح انه قالها لي وانا صغيرة
لكن اتذكرها كل ما كبرت.....صار عمري 16 وانا افكر بالكلام هذا...
دخلت سارة وقالت- امل....امل....
كنت اعطيها ظهري....
قلت- هااه...
سارة- قومي....ابوي يبيك.....
قمت وانا متضايقة...كل ماتذكرت كلامه .....تضيق بي الدنيا....
نزلت مع الدرج وانا افكر...كان بندر يمشي من عند الدرج...رفع نظره لي وقال- أخبارك امول....ما عاد نشوفك هنا...
قلت وانا اضحك- عاد تري هنا وين بروح....بنزل لابوي........
بندر- طيب لا تحبسين نفسك بالغرفة.....اطلعي للحوش...اجلسي معنا...
ابتسمت مجاملة وقلت- ان شاء الله...
بندر يطالعني وكأنه مو مرتاح من طريقتي بالكلام......
((صح صح....لا تستغربون....ما قدرت اتغطى عن عيال عمي....))
وكمل بندر طريقة وانا كملت طريقي...
................
((بندر))
غريبة امل مو على طبيعتها.....لا يكون تعبانه.....لا لا ان شاء الله.....
التفت لها واشوفها تنزل مع الدرج بهدوء....يالله ياني مشتاق انها ترجع بنت صغيرة ...عشان اضمها والعبها...اما الحين ...خلاص ...صار مستحيل..
قلت بهمس- ان شاء لله اتزوجها...يمدني الله بعمر ...واتزوجها ....
دخلت غرفتي واتسطحت وانا افكر .....ممكن تقولون اتذكر....وش كنت اسوي مع امل...كنت العبها...اشيله على اكتافي....ياليت الزمن يرجع خمس او ست سنوات.......
تذكرتها وهي على الدرج....مو مرتاح لشكلها..لازم اشوف وش فيها...
...........
دخلت امل للمجلس
امل- السلام عليكم...
ابو خالد وام خالد- وعليكم السلام.....
قام خالد وقال- بروح انام....
ابو خالد- تصبح على خير..
خالد- تلاقي الخير...يا وجه الخير....
جلست امل.....وطلع خالد.....
ابو خالد- يا بنتي.....انتي كبرتي....وعيالي كبار...يعني ...لازم تبدين تغطين...ما يصلح كذا...
امل طالعت الارض وقالت- انا مثل اختهم....
ام خالد- انتي مثل اختهم بس حرام ...انتي كبرتي ...مو امل اللي كان عمرها 14 سنه...او 13 سنه.....
امل- اللي تطلبونه انا حاضرة...
ام خالد- بس تغطي....ما نبي الا سلامتك...
قامت وقالت- ان شاء الله.....
ابو خالد- عاد فكري ...بس لازم تغطين......
امل -ان شاء الله
ابو خالد- روحي نامي......
طلعت امل...
((امل))طلعت وانا طفشااانة .....هذا ثاني مرة .....او ثالث مرة يفاتحوني فيه ....صعدت الدرج..وشفت خالد وبندر واقفين يسولفون...
التفتوا لي....طالعت فيهم...
خالد- نامي بكرة عندك مدرسة...
ابتسمت وقلت- انم عشان تكلم زوجة المستقبل....
ضحك بندر بقوة ...طبعا خالد مملك على هدى ....بنت الجيران
بندر-هههههه والله وعرفتلك يا خالد...اقول متى تخلص علينا وتفارقنا ...لك سنتين خاطبها وومملك...اخلص ,,,
خالد- خلاص ما بقى الا شهر وتفتكون مني......تصبحون على خير...
راح لغرفته ......
امل مرت من جنب بندر وهي تقول- تصبح على خير...
بندر- امووول....
وقفت وطالعت فيه ...وقالت- سم؟؟
بندر ابتسم بحنان وقال- سم الله عدوك...انتي مو معجبتني اليوم....
امل ابتسمت بوناسه وهي تقول بقلبها((حاس فيني اني طفشانة ومتضايقة ....يالله ..ويسألني ...يا ليتني اقدر اسأله تحبني او ...)
بندر- ههههههه وش بك تطالعين فيني وتبتسمين....؟؟
امل نحرجت وقالت- ههههه ولا شيء....انا تمام ....بس ضايق خلقي شوي....
بندر وعليه علامة استفهام كبيرة- ضايق خلقك؟؟وش منه؟؟
امل- كذا طفشانه....
قرب منها وحط يده على خدها وقال- لا اكيد عليك حرارة....
بعد يده وقال- تبيني امشيك انتي وسارة....
امل بسرعة- ايه ايه....
بندر- طيب ....البسن....
كان بيتركها ويدخل غرفته قالت- بندر.....
التفت وقال- عيونه...
قالت وهي مبتسمه بخجل- عندك دوام؟؟
بندر- كيف الدوام اهم شيء خاطرك....
امل- لا بنتأخر يمكن ...ودوامك.....
بندر- ابنتظركم بالسيارة..
امل- طيب...طيب..
ركضت لغرفتها هي وسارة...
......................
بندر كان يطالعها .....دخل الغرفة وهو يفكر ..
بندر بنفسه((عاجلا ام اجلا بتغطى....ايه انا ابيها تغطى عن خالد وعنالناس ...بس انا لا ...ما ابيها تغطى عني...اووووف..))
لبس وطلع ...
.........
نزلت امل وسارة مع الدرج...وهن لابسات عبياتهن...
ابو خالد- وين؟؟
امل - مع بندر....بيمشينا....
ابو خالد- وشوله....بهالوقت؟؟
امل- عادي يبه.... مو مطولين..
سارة- تركنا يبه نروح....
ابو خالد- طيب امل ....
وسكت...
امل- سم؟؟
ابو خالد- روحن روحن.....
طلعن وهن يركضن ..
.................
ركبت امل ورى
امل- سلاااام....
بندر- وعليكم السلام...
سارة- وين بندورة؟؟؟
بندر- اللي تبن..
سارة- امممممم ...ما ادري..
امل- السوق.....
بندر- طيب ....السوق السوق...بس اي الاسواق ...
امل- اقول ودنا العزيزية....
بندر- طيب.....
سارة- ايه صح...العزيزية ..ياقدمي عنها...
................
................
بالعزيزية......
امل تاخذ الاغراض وتحدهن بالسلة ....تاخذ اللي تبي....
سارة- امل...مالك فايدة فيهن...
بندر- تركيها...
امل- سمعتي..اتركيني....بندر ما يبخل علي بشيء..
بندر- خوذي يسارة اللي يعجبك..
سارة -نكلف عليك على اغراض مال امه داعي.....
امل وقفت .....وطالعت بندر....يعني صح نكلف عليك.....
بندر- ولا يهمكن ....كملن بس....
ودف العربة ورجعت امل زي عادتها اغراضها الحالها 300 بالعادة كذا او اكثر...وكله من ....دلع بندر...
.......
بندر طفش وهو يمشيء وراهن......وقف وهو يحط يده على راسه وياخذ نفس....
من وراه- ماتشوف شر يالغالي...
التفت هو وامل....سارة ما انتبهت وكملت وهي تكلم بالجوال...
بندر صد وكمل....
امل واقفه تطالع بالبنات وهي واصله معه .....
بندر- يلله امل...
امل- قلة حياء ....اصلا لو كنت عاقلات ...وفاهمات تربيت ابوكن وامكن لكن ...ما كان قلتن ...
بندر- امـــــل.....
امل طالعت فيه....
قالت بنت- هههههههه الحين هذي اختك ..او بنتك....بس تكفى لا تقول خطيبتك...
امل- اصلا انتي وحدة سافلة .وحـــ....
بندر مسك امل مع يدها وقال- بس...
اصلا هو معصب...بس ماسك نفسه لان اللي قدامه امل...
سارة رجعت لهم ....وهي تطالع ببندر وامل....
البنت بدلع - اضربها ...شفها تكلم علينا....
امل التفت لسارة وقالت- سارة ...شوفي الحثالــــ...
ضربها كف...سكتن البنات .....وامل سكتن....((الممر مابه الا هم والبنات وهن ثلاث بنات))
امل طالعت ببندر ودموعها بعيونها...طبعا عليها طرحه بس مو ثقيلة .....
تركها بندر وقال- مشينا نطلع...
سارة تطالع ....
البنات- هههههههههههههههه هههههههه
عصب بندر وقال بصوت علي - امل ...سارة ...امشن قدامي....
..................
ركب السيارة وكانن فيها...التفت على امل ...كانت مسنده راسها على الدريشة ...وحطة يده على خده ....وتفكر...تطالع باللي برا...
بندر مشى ورجع للبيت.....ولا صوت ولا نفس كان بالسيارة ...اكن هدوووووووء
........
نزلت امل بسرعة .....
بندر نزل وطالعها ...
سارة- مالك حق تضربها...
بندر- ترى مالي خلقك...
فتح الدبة ...ونزل الاغراض ......
صعد لغرفته...وسمع صوت بغرفة امل وسارة....قرب من الباب ...سمع امل تصيح
وهي تقول- والله ما اسامحه ...والله ما اسامحه....اهنني قدام اللي مايسون....
سارة - بس ...هو عصب..
امل وهي تهاوش سارة وصوتها مختفي من الصياح- واذا عصب يضربني ....اصلا هو معجبة الوضع....
بندر ناظر للارض ...وقال- ان لله .....رجع لغرفته بسرعة...ودخل وسكر الباب بقوة ....وطاح على سريرة ....
............................
من بكرة الصبح.......كان جالس يشرب حليب بالصالة ....ينتظر امل وسارة ينزلن عشان المدرسة...
وجالس يطالع الدرج ...متعود اول من ينزل أمل وهي تركض مثل ماتعود عليها من صغرها ...نزلت سارة...كان يطالع الدرج...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك