رواية الا فراقك -1
إلا فراقك
للكاتبه ((h.m))
السلام عليكم .....
اخباركم يا زوار غرام ؟؟
نبدا..
كان يلعب معها بالحوش ......
بندر ....عمره 12 سنه وامل عمرها 3 سنوات
....................
ام امل – ام خالد ما شفتي امل؟
ام خالد- مع ولدي بندر يلعبها بالحوش....
ام امل- وليش ما يطلع مع اخوياه....مو مع البزارين...
ام خالد- لا مدامه مستانس مع امل احسن له يجلس...
ام امل – بس مو صغير على شيلها؟
ام خالد- ما عليك ...بندر ما يخلي امل ....والله انه يخاف عليها اكثر من خوفه على اخته سارة...
ام امل- هههههههه سارة مدلعه.....وين تبينه يخاف عليها..
أم خالد- الله يوفقهم ويهديهم......
ام امل- امين....
.............................
بندر وهو مجلس امل قدامه ويلعب بيدها ويطالعها وهي تحاول تكلم معه...
دخل خالد
خالد عمره 16
خالد- هيه بندر يبيك عبد الرحمن...
بندر- ما ابيه .....ما اقدر اخلي امل....
خالد- رجعها لامها.....
بندر- لا ابيها عندي.
خالد- والله انك بزر يالبزر...
تركه وراح..........
..................................................
طلعت ام امل وقالت- بندر حبيبي هات امل......
بندر وقفها ومسك يدها وهو يمشي فيها وعطاها امها
ام امل- تبيها؟
بندر وهو يطالع الأرض ومستحي- عادي لو تجلس عندي دايم عادي...الا عمه ليش ما تجلس عندي؟
ام امل- هههههههههه هي صغيرة....
بندر- يعني اذا كبرت تجلس عندي؟
ام امل- ان شاء الله ...شف عمك جاء او لا؟؟
طلع بندر ورجع وقال- ينتظرك......
مرت من جنبه وهو يقول لأمل باي........
امل تضحك له
.....................................
مر اسبوع
دخل ابو خالد وهو مستعجل وينادي خالد....- خـــــــــــــــــالد خالد ....خاااااالد
خالد- سم يبه ....
ابو خالد- بسرعة كلم عمك سعود يجي لي بسرررررعة
خالد- ان شاء الله
بندر كان يطالعهم وهو يحل واجباته
جت ام خالد وقالت- سلامات ابو خالد وش بك؟
ابو خالد- سليمان سافر وصار له حادث انا رايح اشوفهم ..
شهقت ام خالد وقالت- اختي فيها شيء؟ بنتها اخوك...؟؟؟
ابو خالد – لا ان شاء الله ما فيهم الا العافية...
بندر – يبه........عمي سليمان فيه شيء؟
ابو خالد- لا ......
بندر- طيب امل......
ابو خالد- كلهم بخير ......لا تخاف ....
بندر – طيب.....
ابو خالد- انا رايح.......يالله......
طلع بسرعة .........وقابل اخوه سعود...
سعود- وش فيك؟
ابو خالد سليمان صار عليه حادث...اركب بسرعة..
ركبوا.........
.........................................
بالمستشفى كان ابو خالد رايح جاي عند العناية المركزة.....
سعود- ياخوي ما فيهم الا العافية بس انت ارتاح......
جلس ابو خالد وهو ياخذ نفس...
طلع الدكتور- السلام عليكم
نطوا – وعليكم السلام؟
الدكتور مين منكم ابو خالد؟
ابو خالد- انا....نعم
الدكتور – اخوك يبيك...تفضل.....
دخل ابو خالد شوي شوي.......وشاف اخوه على السرير والأجهزة بكل مكان......ما قدر يمسك دمعته وهو يشوف اخوه كذا.........مسح دموعه بشماغه وقال- لا ماشاء الله بخير.......
ابو امل بصوت متقطع- اوصيك بنتي يا....ابو خالد......بنتي....برقبتك...الله الله ببنتي وزوجتي ...تكفى
نزلت دموع بو خالد وهو يقول- بتقوم بالسلامة لا توصيني ........
ابو امل- اوصيك عليهم....بسألك عنه يوم...الحساب؟؟...تكفى يا اخوي مالي غيرك ومالهم غيرك ...اوصيك ...
ابو خالد- قل لا الاه الا الله ...انت بتقوم بالسلامة......
سليمان- لا ....الاه....الا....الله....اشـــــــهـــ.....د ان...لااااا...الاه...الـــاــ الله.....
وضغط على يد ابو خالد ....وارخاها....وطاحت يده......
ابو خالد كان يطالع وهو مو مصدق ...
ابو خالد- اخوي .....اخوي....سليمان.....
نزلت دموعه بقوة ومسحهن بشماغه وهو يقول- الله يغفر لك ....الله يرحمك...
طلع من الغرفة وهو يردد هالكلمتين ....وطاح مغمى عليه........
بعد ثلاث اسابيع
امل – عمي.......
التفت لها ابو خالد- سمي
امل- ماما...وين؟
ابو خالد شالها وحطها بحظنه....وقال- ماما تجي بعدين ان شاء الله...
امل- تيب وينها ؟
ابو خالد- تجي ان شاء الله.....يبه بندر...خذها ورح لعبها .....
بندر- ان شاء الله
اخذها وطلعها من المجلس....
ام خالد وهي تمسح دموعها وتقول- الله يشفيك يا ام امل......
ابو خالد – امين....اليوم بتروحين تزورينها .....
ام خالد- وهي تحس فيني ....
((طبعا ام امل بغيبوبة ))
ابو خالد- ادعي لها....
..............................................
بعد ثلاث اسابيع ...........
وبعد ايام العزاء لوفاة ام امل.....
دخل ابو خالد وهو يقول- يا ام خالد ماهو فايدك الصياح عليها ...هي تبي منك بالدعاء....
ام خالد- وصتني على بنتها ....ياويلي لو انك شفتها قبل موتها ...الله يرحمك الله يغمد روحك بالجنه ...
ابو خالد- امين....بس امل تكفين لا تدري
ام خالد- لا ما عليك ان شاء الله ...
ابو خالد- خلاص ابوها وامها مسافرين....غير كذا ما ابي
ام خالد -ان شاء الله
..............................
بعد ثلاث سنوات ...وعمر امل 6 سنوات...
كانت تلعب مع سارة واحد طش ...يعني امل تغبى وسارة دور عليها...
....................
كان بندر بغرفته وهو منسدح على السرير بينام....
انفتح الباب شوي شوي......التفت للباب ...
دخلت امل وقالت- بندر ....سارة دورني ...بتغبى عندك......
بندر- تعالي....
راحت تركض له ونطت على سريرة وانسدحت جنبه
بندر بنفسة- الله من زين الوقت اللي يلعبون فيه ...آآآه من امل وسارة ...طول وقتهم لعب وهواش ...
امل- شفت اليوم عندنا بالمدرسة ....فيه بنت ما حلت الواجب ....اصلا هي ما تحل الواجب ابد...نزلتها الاستاذة تحت عند المديرة ...
بندر- وانتي ما عمرك نسيتي تحلين الواجب؟
امل- هههههه لا ...لانك تذاكر لي وتحل معي واجباتي.....
انفتح الباب
سارة- امل اطلعي
امسكت امل يد بندر وهي تغبى عنها
بندر- سارة اطلعي ....امل مو عندي.....
سارة- اصلا هي كل يوم تغبى وراك.....
بندر- انا مو رايق لك اطلعي.....
سارة- لا طلعها...
بندر- يالله اطلعي يا سارة ...مو عندي
سارة ركبت على السرير وقالت- لا يا كذاب......
ضربت امل وهربت
امل- اصلا ما ني لاعبه معك ...بنام عند بندر
سارة- غشاشه....
سكرت الباب بقوة
بندر وهو يلعب بشعر امل- ايه قولي.....وش بعد
امل- اليوم الابله حطت لي عشر نجوم.....نجووووم كثيـــــــــــرة
بندر- شاطرة....وسارة؟
امل- لا حطت لها نجمتين...
بندر- عشان كذا باخذك اليوم للبقاله واشتري اللي تبين.....
امل- طيب العصر.......
بندر- اوكي العصر....
امل- انت تعرف انقليزي......
بندر-هههههههه ايه اعرف...بعدين اذا كبرتي بتعرفين....
امل- انا احب ارسم ما احب اتكلم....
بندر- طيب خلاص اذا قمنا بتوريني رسمك...
امل- ايه رسمي حلو احسن من سارة......
بندر- يالله بنام...عشان العصر اصحى...
غمض عيونه.....ومرت خمس دقايق
امل- بندر...
بندر- هاااه...
امل- خلاص...
وغمض عيونه ...وخمس دقايق ثانية...
امل- بندر...
بندر- نعـــــم
امل- خلاص
وخمس دقايق
امل- بندر...بندر.....بندوري...لاااا تكفى لا تنام.....اوووف منك
فتح عيونه وقال- وش تبين....
امل- خلاص ما ابي شيء
غمض عيونه مرت عشر دقايق ما نادته...فتح عيونه شافها طالع السقف وهي تفكر ...جاه فضول وده يعرف وش تفكر به...
قال- امول...امل
قالت- نعم...
قال- وش تفكرين فيه؟
قالت- بندر....
قال- عيونه؟
امل- انت قلت لي ...ان امي وابي راحوا عند الله ....
بندر ستغرب وش جاب هالتفكير لها...
بندر- ايه
امل- طيب والله فوق...
بندر- اكيد...
امل- طيب ...وشلون راحوا لفوق....يعني هم طاروا......
بندر- الله اخذهم عنده ....وبعدين انا الله راح يخذني عنده ...وراح ياخذك عندهم
امل- ياخذك حتى انت؟
بندر- ايه
امل- وتخليني؟
بندر- ههههههه الكل راح يمتون ونروح عند الله
امل- بس انت ماراح تخليني........
بندر- ان شاء الله ......
امل – بندر...انا ما ابيك تخليني وتروح عند الله مثل ماما وبابا ....
بندر ضاق خلقه من كلامها وجلس وقال- كلنا بنموت يا امل........
وقف وقالت- وين ...؟
طلع وما رد عليها ....لحقته........
.........................................
خالد كان منسدح بالصاله....يعني نايم
جلس بندر جنبه واخذ الريموت وبدا يغير بالقنوات الى ما طفش ورماه على جنب.......امسكت امل الريموت وحطت ام بي سي ثري
وجلست تابع...بندر يتأمل فيها بريئة ....تهبل...حلوووة ما عمرة شاف بنت بعمرها مثلها
بندر- اموله...
امل من دون ما طالعه-نعم
بندر- تحبيني؟
قامت له وضمته بقووووووة وقالت- أيــــــــــه
بندر ضمها وقال- وانا بعد....
ابعدت عنه وقالت- بس من تحب اكثر انا او سارة؟
بندر- يالله عليك...كلكن مثل بعض سارة اختي...وأنتي...
امل- وانا وشو؟
ابتسم بندر وقال- مثلها...
-لا والله مو مثلها....
التفت لخالد...
خالد قام وقال- اقوم انام بغرفتي احسن لي...او بغرفتك ...لان المكيف حقي خربان...
بندر- خلاص نم...
امل- خالد...
التفت عليها وقالت- انا اكرهك..
طلعت لسانها له .......
رجع لها ...دفنت نفسها بحظن بندر وهي تضحك....
خالد- عطني امل ابي اذبحها....عطنيها...
بندر- لا كل شيء الا امول
خالد- عطنيها...
امل وهي تصارخ وتضحك وتقول- بندر بيضربني لا تخليه يضربني...
خالد- لا خلاص ما ني ضاربك....
ناظرته وقالت- احسن انقلع........
سحبها ورفعها فوق بيديه ....وسدحها على الكنب وهو يقول- مين اللي ينقلع...هاه
بندر يطالع امل كيف تضحك كيف تلعب ...كيف تكلم...
خالد- بندر ...بندر ساعدني عليها ....
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك