رواية الا فراقك -7
افتحت الباب وقالت – هلا.....
بندر- امل...
ويسكت مو مصدق.....نحفانه بقوة ...
امل- هلا بندر..وش تبي....
بندر- هااه ...خلينا ننزل نتغدى.....
امل امسكت الباب بتسكره وهي تقول- مشكور ما ابي....
مسك الباب ....وقال- عندكم مرايه
امل- ايه...اجيبلك....
بندر- ايه.....
دخلت امل ..وتركت الباب مفتوح......دخل للغرفة وهو يطالع فيها....
جابت له...
امل- تفضل...
اخذها....وجّهها لها....يعني تشوف وجهها....
قال- بالله هذا وجه يا امل...شوفي عيونك ....
امل نزلت راسها وقالت- طيب ما اشتهي..
بندر- امل.....كلنا بنموت....ليش توقفين حياتك وتخلينها كلها حزن عشان ابوي.........
امل نزلت دموعها وقالت – ابي الروح لخالي.....ما ابي اجلس هنا.........
انصدم......كأن احد صب فوقه مويا بارد.....
امل- ما ابي هنا........
بندر- امل ...هذا بيتك......
امل- ما ابي هنا.....
بندر- وش اللي قلبك علينا.....
امل- ابوي مات واسبب كله خالي.....
بندر- وش ذا الكلام...
امل- ايه ابوي قال لي.......بأخر زيارة له....قال روحي عند خالك....خلاص انا بتركك.......لازم تروحين....العيال كبار....و..
شهقت بقوة وبدت تصيح بوة....
بندر- امول- لا ...ما انتي طالعه من هنا.....
امل- بنفذ وصيت ابوي....
بندر- لا.....
طلع وسكر الباب بسرعة .........وهو مصدوم...قال- ماراح تترك البيت........
.........
كان جالس بالصالة...وهو يفكر بعمق...
دنددددددن((جرس الباب))
نزل خالد وقال- ليش ما تقوم وتفتح....ظينتك مو موجود...
نزل وطلع بيفتح الباب......
......
بندر- ليش ابوي يبيها تروح عنا....هو يدري انها مثل اختي....انا ابيها عندي....دايم جنبي....اصبح بوجهها وانم ببتسامتها...يا الـــــــــلـــــــه
اخذ نفس .....وقطع نفسه لما سمع صوتها تقول- بندر....
التفت بسرعة وقال- امل...وشوله لابسه عبايتك وين بتروحين؟
امل - والله برتاح اذا سويت وصيت عمي.....
قام وهو يقول- امل وش تقولين انتي....عمي؟؟....هو ابوك ....انتي بنته...وخالد اخوك وسارة اختك...
امل- وانت وش تصير لي طيب.....انتم عيال عمي..
بندر- انا غير...انا ان شاء الله بصيـــ....
طررررررخ الباب.....
دخل خالها ابو وليد وهو يقول- الحين بتطلع معي يعني الحين......
خالد- يا خال ...قل لا الاه الا الله.
بندر- امل تكفين لا تروحين...تكفين....هذا بيتك....عشاني اجلسي...
ابو وليد- لا ما شاء الله ....ودقة حنك بعد....قدامي امل على السيارة...
بندر- لا يا خال..هذا بيـــتـــ....
امل- طيب ...انا طالعه..
ابو وليد- تغطي .....مو تقولين عيال الجيران اخواني.....
امل دنقت ودموعها تجتمع بعيونها وهي تقول- طيب.
بندر يطالع امل ...وده يمسك خاله ويذبحه..
بندر- وش الظلم هذا يا خال....امل تربت هنا......
خالها- انت ما لك كلمة ....كانت الكلمة لابوك ....والحين ...لي انا
بندر عصب .......
طلع من البيت وسكر الباب بقوة ...الباب كان بينكسر..
امل كانت تشوف بندر...كبرت معه ...وهو رباها مع ابوها وامها ...((ام خالد وابو خالد))
ابو وليد- روحي اركبي السيارة ...
نزلت ام خالد وشافت اخوها وامل لابسة عبايتها...
ام خالد- ابو وليد ...تكفى خلها عندي...هي اللي بقالي من ريحة الغاليه....
انزلت دموع ام خالد...
امل ضمت ام خالد وقالت- والله بشتاق لكم يمه ...
ابو وليد- اجيبها لك الصبح ....اذا كانوا عيالك مو موجدين..يلله امل قدامي.
امل وهي تحب راس امها وتقول- مع السلامة ...الله يحفظك يالغاليه...
ام خالد- الله يستر عليك يابنتي...الله يستر عليك..
ابو وليد معصب- انا اللي استر عليها من عيالك....تشوفيني مو ساتر عليها...انا عيالي صغار ...مو اكبر منها بتسع سنوات او ب14 سنه.
خالد- وش شايفنا ....حنا محافظين عليها مثل ما حافظنا على سارة....
ابو وليد- لا ترفع صوتك.
خالد بصوت اعلا- لا تتهمنا ......
ابو وليد - ترفع صوتك على خالك يا قليل الاصل
خالد- اطلع......اطلع ...
انصدمت امل وامها !!!!!!
انصدمت امل وامها !!!!!!
خالد- حنا قليلين اصل ...وانت كامل والكامل وجه الله....اذا كنا قليلين اصل ....لا تجي لبيت القليلين الاصل.
ابو وليد- زين ...زين زين.....وانتي وش تنتظرين.......انقلعي على السيارة...
امل- طيب..مع السلامة خالد..
ابو وليد- ما سلمت منك ولا عظمة ...انقلعي ....
بندر كان منسدح بالحديقة وهو يفكر....
التفت على البيت....شاف خاله وامل يمشون بالسيارة..
جلس وهو يطالع السيارة ....شريط الذكريات باله يمشيء.....كان عمرها ثلاث سنوات وهو ماسكها ويلعبها....من عمرها كذا وهو يحبها
وللحين يحبها.....وكل شوي تكبر وهي قدام عيونه ...ليش الحين خلاص مو شايفها ...بيطول وهو ما يشوفها...لان خاله مو جايبها لهم ..
تذكر يوم الحادث اللي صار لها...كان جنبها 24 ساعة ما تركها.....والحين راحت ...
يوم الحديقة ...كان بس ماسك يدها ...تذكر يوم قالت (((بس انا تقول لي حبيبتي ...لاني احبك ))
هنا وقف ذكرياته وقال- تحبيني على اني اخوك...او تحبيني لاني دلعتك...بس الحين ما اظن انك تحبيني ...الحين تكرهيني ...ما بعد الكف اللي جاك مني شيء
انتي حتى مو مفكرة بي....
-سلااااام ....الله ياخذ بليسك ...ليش ما قلت انك بتغير جو كان طلعت معك
جلس بجنبه ..
عبد الرحمن- السلام يالاخو...
بندر رجع واتسطح وهو ياخذ نفس وقال- هلا ...وعليكم السلام...
عبد الرحمن- وش بك يا قلبي ضايق؟؟
بندر- والله خالي مضيق خلقي
عبد الرحمن - بيرجع يسوي اللي يبيه
بندر- سواه...وراح
عبد الرحمن- وامك...وش بتسوي وهي اللي ربتها...
بندر- ما ادري
عبد الرحمن- الله يصبر امك
بندر بقلبه- ويصبرني
عبد الرحمن- يمكن خيره لها...
بندر- خيره لها بإيش
عبد الرحمن- يمكن ابو وليد يعوظها عن ابوها وامها
بندر- واللي كنت اسويه لها ...ما كان يعوظها ...ززلو طلبت من القمر قلت سمي
عبد الرحمن- الله يهديك ماقلت شيء...بس انت غير وابو وليد غير..
بندر- بإيش غير؟؟
عبد الرحمن- انت عمرك صغير ...يعني مو حاسه انك ابوها..لكن ابو وليد راح تحس انه ابوها..
بندر- يعني وش كانت تحس وهي معي وادلعها...اخوها؟؟
عبد الرحمن- يمكن....ويمكن البنت تحبك من صغرها ...لانك تدلعها...
بندر- كان وقتي كله معها...وبعدين ابوي الله يرحمه ماله فترة متوفي ...يعني قد حست....
عبد الرحمن- ان لله وان وإليه راجعون ...بس بعمرها هذا...هي كم عمرها؟؟
بندر- 16 ...
بندر- ايووووه ...بالعمر هذا تحتاج لعطف وحنان...ممكن لو ماتحس بهالاشياء هذي ....ممكن تدمر حياتها...
بندر جلس وقال- يعني ممكن تكلم وتتعرف على عيال وغيرها...
عبد الرحمن- عليك نووور.....
بندر- بس عمي جاف...
عبد الرحمن - ما تدري كيف بيعاملها....
بندر- المشكلة ان اصغر ولد له عمره 8 سنوات...والا اعرف هو يعرف والا لا.....بس امل تربيت امي وابوي ...يعني ماتسوي كذا...مستحيل..
عبد الرحمن- الله يستر عليها...ويخليها لكم....
بندر- امين...طيب تامر شيء؟؟
عبد الرحمن - وين؟؟
بندر- بروح اتمشى...
عبد الرحمن - تبي معك ونيس؟؟
بندر- هااه..
عبد الرحمن- فهمنا هاه...رح الله يستر عليك
بندر- ههههه لا تفهم غلط.....ابي لحالي ...
عبد الرحمن - براحتك...
.............
ام خالد- ليش تطرده....ليش يا وليدي.....
خالد - يمه ...انا ما ارضى يقول كذا .....
ام خالد - بس ما تطرده....
فتح بندر الباب بيدخل ...سمع خالد يقول- تبيني اسكت وهو يتهمنا .....لا ...واللي خلقني ...لو كان خالي .....لا اوقفه عند حده ...
هذا ما يستاهل الطرد وبس ...هذا يستاهل اكثر...
امه- بس والله ما اشوف امل مرة ثانية....
خالد- ولا تشوفينها...بيهننا على شوفتها....
دخل بندر وقال- وش سويت.....بتحرمنا من شوفتها...
خالد- وانت وش دخلك ....بيطردك اذا كنت بتشوفها...بعدين انسى انك بتشوفها....هي بتغطى....
امه انزلت دموعها وقالت- الله يهديك بس...الحين متى اشوفها...
خالد- بزواجي ان شاء الله ....
امه - تبيني اصبر ست شهور....والله ما اصبر عن بنتي...
بندر ساكت وهو يفكر....
خالد- يمه تبيني اسكت وهو يسبنا عيني عينك...
بندر- وش قال؟؟
خالد- خلها على الله...
بندر- قل؟؟
خالد- حنا قليلين اصل....الا هو القليل..
بندر- يستاهل الطرد....هذا مو خال ...الا العدو احسن منه...وين سارة؟؟
امه- نايمه....يالله يا رب ....انك ترجعها لي....سالمة ...
بندر كان بيروح لغرفته...بعدين وقف وقال- وهو يقدر يسوي لها شيء....
امه- خالك ماله قلب...
بندر- عاد حده ....والله لو يلمسها لا اكسر يده....
امه- نتم وش فيكم على المشاكل......طرده اخوك...وانت تنوي تكسر يده....هذا خالكم عيب....
بندر- من الحين مو خالي ولا اعرفه.
امه- بس...
خالد- يمه اللي يرضالي عليك...لو هو اخو صدق...ما اخذ بنتك عنك.......
امه- طيب
خالد- طيب وشو ....مو معجبك كلامي يا يمه....هذا مو اخو..
امه- وش اسوي ...ابوك من قبل ...ما كان معجبه انها معكم كذا...
خالد- يمه.....
بندر- اصلا امل ما راحت الا عشان وصيت ابوي للها....هو وصاها....قال روحي مع خالك....
خالد- وانت وش دراك؟؟
بندر- دريت وبس....
صعد لغرفته...
خالد ساكت وهو يفكر وصيت ابوي ....مو عاجبه الوضع....
............
كانت بملحق برا البيت....خلها خالها فيها....المكان بعيد عن البيت الداخلي......كانت تحس بخوف.....يعني بابها على الحوش ...شيء يخوف...
اتسطحت على السرير وقالت- اووووف وش ذا العيشة...امسكت جوالها وشافت الساعة 1 ونص....
طفش مو صاحي....
اخذت لابتوبه ...كان اول فيه نت ..جاهز لها متى ما بغت فتحت النت...جلست تدور بالصور ...صور بندر ...بندر بندر ابوها ...خالد بندر بندر ..كان اكثر الصور بندر......
وهي طفشانه ميته طفش خلصن الصور وهي تدور...فجائة طلع لها ...شبكة قريبه منها...
قالت- الجيران الله يوفقهم...فتحت منتدياتها....وجلست تنزل مواضيع......
فتحت انشودة مهما الليالي ......
((مهما الليالي والزمان امتحني
لصد بي وقتي فانا ما اقدر انساك
وان صد بك وقتك عساك متهني
فانت البعيد اللي عيوني تمناااااااك))
كانت تفكر بندر .....وتقول- ياليتني ارجع لك...لو انك جرحتني...بنسى الجرح بس اشوفك...اسمعك..
نزلت دمعتها وقالت- ما راح اشوفه...
طاحت على مخدتها وهي تصيح....
دق جوالها ......
رفعته وانصدمت من الرقم....تأكدت من الوقت...مستحيل يكون داق عليها بالوقت هذا...
امل- بندر...معقولة......هههههههههههه هههههههههههه
مسحت دموعها وردت وهي تقول- هلا ....
بندر- هلا والله ......اخبارك يالغلا؟؟
نزلت دموعها وقالت- تمام دامني اسمعك...اخبار امي....
بندر- امي تمام...توقعت انك مانمتي...لك فقده ...
مسحت دموعها وهي تمسك شهقتها وساكته...
بندر- امول...اموووله..
طلعت الشهقة وجلست تصيح...
بندر- امل تكفين لا تصيحين...
امل- والله اشتقت لك...واشتقت لكم.....
بندر- والله حنا اكثر...بس انتي مرتاحه عندهم ...بس لا تصيحين..
امل - ما تعودت...
بندر- طيب انتي بغرفه لك لحالك؟؟
امل- ايه..
بندر- وين مكانه...
امل سكتت
بندر- امل...
امل- قريب منهم...
بندر- ايه ...طيب ...تا مرين شيء...بس ابي اتطمن عليك...
امل- مشكور...
بندر- لا اكون ازعجتك ونكدت عليك..؟؟
امل- دق دايم ...وابي اكلمهم كلهم...
بندر- من عيوني...يالله مع السلامة...
امل- في امان الكريم..
سكر ...
ضمت جوالها وقالت- آآآآآآآآآآه ياقلبي....انا الغلا ....طاحت على ورى وقالت- قال لي الغلا ....وااااااو....الله يحفظة يارب...
..............
كان متسطح وهو يطالع رقمها ....كان مسميها اموووله....مسح الاسم وكتب ((الغلا كله))
طق طق طق...الباب......
بندر- ادخل..
دخلت سارة وجلست على سريرة وقالت- اووووف ملل البيت من دونها...والله الغرفة تخوف وانا ما اسمعها تغني وتنشد..او تتهاوش معي....
بندر ابتسم وقال- والبيت بعد ماله داعي بدونها..
سارة- ايه صح...خالد اجل زواجه ...والله البنت كانت خايفه قبل...بس الحين ارتاحت ...
بندر- هههههه الله يوفقهم يا رب
سارة- بس والله خالد كبير ولا تزوج ...عاد مو تسوي اللي سواه وتأخر...ليش ما تصير انت وياه بيوم واحد....اخطب اختها...حلوة ما شاء الله..
بندر طالع فيها وقال- انا ما افكر الحين...بعدين انتي توك صغيرة على انك تكلمين كذا انتي وجهك..
سارة- اصلا انا اللي نصحت خلود بهدى والا هو ما فكر...
بندر- ايه هو طلب منك ...قال شوفي اللي تعجبك...بس انا اذا طلبت منك ...تقولين تزوج
سارة- متى بتطلب؟؟
بندر- ماني طالب..
سارة- لا ما علي منك....
بندر- بطلب من امي ...امي ذوقها احلى من ذوقك...
سارة بخبث-والا فيه بنت تفكر بها...
بندر مسك المخده وضربها مع ظهرها..
سارة- ههههههههههههه استحيت...
بندر- ترى جرائتك هذي مال امها داعي ....
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك