رواية مشهور وش يعني مشهور تلعب بمشاعري لا منت معذور -22
تذكرت حميد
طلعت البوم الصور حقه
وقعدت اقلبه وآصيح من خاطر
دخلت علي مهره
وجلست على طرف السرير
مهره : ها ميورتي ماما وش فيك
ما رديت عليها وحضنت صور حميد وبكيت من خاطر وآحس روحي بتطلع من الضيقه
آندق الباب مسحت دموعي وفتحته وشفته قبالي : آمر
جسار بحماس معاه كيس : تذكرين يوم اقول لك يعجبني ذوقك فقلت بما انك ما انتي فاضيه تطلعين معاي آجيب الأغراض واوريك
قلت : وريني
طلع الساعه : شوفي ذي الساعه آحسها ضخمه بزياده خذتها من ماجد امم يقول حلوه ما دخلت مزاجي " حطها بالكيس وطلع غيرها " هذي اللي اعجبتني
قلت له بدون ما اشوفها : حلوه
طلع الشبكه : شوفي محد شافها غيرك بس لأنك سبشل عندي
قلت وانا امسك اعصابي لا انفجر فيه : اوكييه مره حلوه
وبالأخير طلع علبة مخمل : آمــــــــــــآ ذي جد جد تهمني وآحس آن طلعت روحي وانا آدور شي ترتوب اجيبه وبـآخذ رايك فيه اوك
فتح العلبه
وصدمني كانت طقم الماس
فقدت اعصابي هي ما تحبه وهذا كله لها
فقدت اعصابي بقوه رميت العلبه وانا معصبه : شاطر حلوه مبرووك عليك وعليها الله يسعدكم ببعض انت اصلا لو عندك احساس كان حسيت اني احبك بس انت اصلا مجرد من الأحاسيس انا تغيرت عشانك
وانت مو حوولي طـآلع فيني من متى كنت البس كيذا بجايم هـآ من متى ولا من متى آتكششخ وآلبس فسـآتين بالبيت ولا من متى آششيل النظارات ومن متى اخلي شعري بهالطوول من متى
غيرت كل شششششي وانت ما عندك احساس انت كـآئن حي بدون اي شعور بدون اي مشـآعر " صرخت فيه " لا عاد تقربني ولا تقرب لمييرا خلالالالالالالالاص انا مت وماتت كل مشاعري يوم تركني حميد
صفقت الباب بوجهه
وما شفت الا حضنها يستقبلني
حضنتني مهره آو آمي
وبكت معاي ومسحت على شعري
وقال لي بحنان : معليه يا حبيبتي بتلقين خيباة آمل كثيره بحياتك وتنجرحين كثيير الين تلقين اللي يستاهل حبك انا انجرحت بموت آبو حميد وماتت كل مشاعري بس انتي حبيبتي الدنيا قدامك
تمسكت فيها وانا اشاهق : آوعديني ما تتركيني من جديد
حضنتيني بقوه : آوعدك
نمت بحضنها اليوم
وعوضت كل سنين الحرمان اللي عشتها
اما جسـآر
كـآن منصدم وهالكلمه قليله علييييييه
وترددت ببـآله " لو عندك احساس كان حسيت اني احبك "
ميرآآ تحبني تحبني انا
تــــــــآبع
______________________________________________
يـآ كلمه ردي مكانك
ما صدقتها يوم تقول انها كانت منفعله
بس سسسكت وماحبيت اضايقها
آمم تصدقون انه بـآقي خمس ايام ع الملكه
آووف احس الوقت بطيئ حيل
بس تدرون حسيت اني صدقتها خـآآصه انها شـآده معاي ايام الملكه
آمم حلو مبـآدره حلوه حيل من ميرا
يمكن تبي تنسيني اللي قـآلته
يمكن انسى ييمكن مو اكيد
جسار جلس على الكرسي : انا تعبت
ميرا : غرييييييبه يالمتحمس
اندق جوال ميرا وابتسمت : هلا ماما
مهره : هلا حبيبتي ها متى بترجعون
ميرا : امم يعني ساعه وشوي ليه
مهره : البنات اجتمعو في بيت جدهم انتي تعبانه
ميرا : لالا عادي
مهره : قلت لك مو لازم تجبرين نفسك
ميرا : مو مهم عادي
مهره : اوك لا تطولين
ميرا : بحـآول
مهره : سلام
سكرت منها ولفيت عليه : حبيبتك في بيت جدي
جسار : ميروه معليه طلب
ميرا : همم ها وشو
جسار : آمم ابيك تسسحبين منها الكلام من يمين شمال المهم سحبيه منها
ميرا : ولا يهمك
جسار : يالبيه الناس اللي تساعد
سألتهم وينها قالو بجنـآحي تكلم فون
غثيثه هالإنسانه
سكت وجيت ابدخل بس وقفت من هول الصدمه : شوفي حبيبتي انا كله مو ببالي .. ههههههههههههههههههههههههههههه .. لالالالا ولا يهمك انا بس آبي آنتقم منه بطريقتي
.. آنتي تعرفين افنان .. ياشيخه مو خاسره ششي .. عـــــآدي خليني ابين له من هو وآيش قدره لا يلعب مع من هم مو قده .. ههههههههههههه آدري .. اوك حيـآتو تشـآو
بعدت عن الباب
صدمه مو طبيعيه
آحس كل شي فيني وقف
حتى قلبي وقفت دقاته
آفنــــــآن يعني ماتبيه
تبي تنتقم منه
وانا اللي بمووت على ما يحس فيني
لالا انا مستحيل اسكت
لو تكلمت بيقول اني غيرانه وبيعرف اني امثل
بس مستحيل اسكت واضر جسار
آمم نشوف يا افنان انا وانتي والزمن طويل
دقيت عليه ع السريع وقلت له اشوفك بالمجلس
ونزلت وانا اركض
جسار : ها وشو وش الخبر الفظيع اللي ما يتحمل التأخيير
غمضت عيوني وفتحها اخذت نفس ابدي خطتي : عطتني الرقم وقالت لي آعطيك اياه
جسار تحمس : كذابه
ميرا : من متى اكذب عليك
جسار : اوكيه نشوف
ميرا : يلا عطني فونك اسجله
صدق يا ميرا اللي يقول " عشـآن الحب الوآحد يسوي المستحيل "
ميرا بحماس : دق عليها نــــــآو
جسار ابتسم : اوك
جلس وجلست على نفس الكنب بس بعيد شوي
دق الرقم وقلبه طبول
نفس حالة ميرا
حطه سبيكر
دقته ميرا يعني تكلم
كان ساكت
افنان : آلووو
...
افنان : يــــــــــــآلوو آني ون
...
افنان عصبت : شششوف حبيبي او حبيبتي ما بتردين لا تدقين آوك لا آمحيك من وجه الكره الأرضيه
جسار بهدوء : واللي يقول انه يبي يسمع صوتك
هدووء
افنان ميزت الصصوت وبصدمه : جسـآر
جسار ابتسم : عيونه
افنان ببرود : ششوف عبط وخباله تقول لي آحبك ومدري ايش سسسسسسسقها وتدل الباب آمم لا تفكر ابادلك الين اقتنع وبإرادتي
سكرت افنان
جسار ناظر ميرا بصدمه
ميرا بهدوء وقفت : جسار اتوقع افنان وضحت لك كل شي هي ما تبيك لأنها تحبك هي تبيك عشان تنتقم منك
جسار عصب ووقف وناظرها بنظرات احتقار : آوك يا ميرا قلتي تحبيني وسكت قلت ممكن تنسى بس آنك توصلين لهطريقه المنحطه آبد ما هقيقتها منك اصلا تدرين الغلط علي انا اللي القيتك وجه
جد ما تطلعين غريبه عن امك
طلع وتركها مصدومه
آييييييش
انا ابي انصحه يقول لي كيذا
دقيت على هنادي وانا اصيح
هنادي : هلا ميمو
....
هنادي : ميرا حبيبتي وش فيك
شهقت من قلب وقلت لها السالفه
هنادي بعصبيه : الله يـآخذه ويوديه الى مالا نهايه
قلت بسرعه : لا تدعين عليه
هنادي : مالت عليه قلبك الدلوع ميمو قوي نفسك وتجاهليه وخذي اي فرصه سانحه وردي له الصاع صاعين
__________________________________________________ __________
ناظرت بوتي الرياضه
آخذت نفس ورميت اغراضي بالكيس
وجلست على الكنب
وانا اناظر الأغراض
بتبرع بهم مابيهم
وبرجع مثل اول واللي فيها فيها
ما عاد عندي احد اهتم له
اليوم ملكته
معليه يا ميرا
طنششششي
اليوم وخلاص
اليوم انا بوريك يا جسـآر
آوريك
ناظرت فستاني
اليوم بودع حيـآة البنات
اوكيه طيب
تحملي يا ميرا
بيجي اليوم اللي بيترجى فيه رضـآك
آبتسمت بهدوء
وناظرت علبة المكياج اللي ع الطاوله
ناظرت الساعه الساعه الحين 7 7 ونص بتجي الكوافيرا
يعججبني ذوق هنادي
فظيعه هالإنسانه
لبست فستاني
وحطيت اغراضي دآخل الشنطه الصغيره
لبست الحلق
دخلت ميار ووراها الكوافيرا
ميار : يلا بسسسسسرعه لا تتأخرين ورانا حنان
ميرا جلست : اوك يلا
__________________________________________________ ____________
حضنت الياس بقوه وانا اصصيح من قلب
الياس حضني وابتسم وهو يمسح على شعري : هو كله آسبوع
لميس : آسبوع مو هين
الياس : حبيبتي انا كلمت طلال وآتفقت معاه يوم الخميس تجين خلاص
لميس : اليــآس مو سهله علي آبد
الياس : ولا يهمك اسبوع يمر بسرعه امم وش رايك تروحين بيت اهلك
لميس : اوك
__________________________________________________ _____
القيت نظره اخيره على نفسي
آمم كامل والكامل وجه الله
هههههههههههههههههههههههه سمعتها من امي اليوم
حلو والله شعور حلو
مر طيفها ببالي
آطلعي يا ميرا آآآآآآطلعي من بــــــــــــــــآلي آطلعي
اوف لا آخرب على نفسي بس
خذيت الكيس وطلعت
اتجهت للمجلس
_____________________________________________
آلبــــــــــــــــآرت آلســـــــــــآبع عشر ..,
__________________________________________
ما كان مهم عندي
كنت لابسه آسود عناد فيه
آمم تقدرون تقولون خذت كل شي يحبه وما يحبه من ميرا
آفكر اليوم افجر فيه القنبله بما انه ماحد قال له
ههههههههههههههههههههههههههههههه
ونـآسه بس لالا خليني أجلها لبعدين
بوقت آستمتع فيه
تدرون
ما رضيت آخلي الكوآفيرا تجيني
قلت انا بتفنن واحط اللي آبيه
وما حطيت شي
الا القلووس بس
ما يهمني معتمده على ملامحي
انا احلا من ميرا
اذا هي تمتاز بملامحها الأجنبيه وعيونها الزرق وشعرها الأشقر
انا امتاز بشعري الأسود الكثيف وعيوني السود الوسيعه المكحله وملامحي الحآده
__________________________________________________
وقت آلزفه ..~
بعد التوقيع
نزلنـآ قبلها
كنت وآقفه بعيد عنهم
اناظرها بقمة البرود
وماسكه معاي كـآس العصير
وآشربه بقمة البرود
مشيت بشموخ
كنت بطلع بس استوقفني صوت آمي
لفيت : هلا مامز
مهره : تعـآلي حبيبتي بعرفك على وحده من صاحباتي
قلت بنفسي : عسى ما تكون من مثل شاكلتك قبل لا تتغيرين
رحت معها آنصدمت يوم شفتها وسلمت عليها وانا مبتسمه : هلا والله خالتي ام ناصر
ام ناصر : هلا والله ميرا وش هالجمـآل وش هالزين غطيتي ع الكل
قلت وانا منحرجه : تسلمين خـآلتي عيونك الحلوه
ام ناصر تنغزني بالكلام : وش رايك يا مهره بنتك ما شاء الله كبرت وحلوت وش رايك نزوجها
مهره ابتسمت وكأنها فهمت : آمم اي ميرا ما شاء الله اللهم صلي على محمد كبرت وصـآرت كبيره
قلت بداخلي : الله يعين ع التنغيزات
ام ناصر : وش رآيك يا مهره بوليد
مهره : لا ما شاء الله ما يعيبه شي ولد رجـآل وفزعه الله يحميه
ميرا : يمه انا بمششي
ام ناصر : وين يمه بدري
ميرا : لا خالتي شوي كيذا دايخه
مهره بخوف : ميرا يمه فيه شي
ميرا : لا يمه مافيني شي بس ما نمت زين
ناظرتني مهره بتدقيق وكأنها فاهمتني
تنهدت وابتسمت وسلمت على ام ناصر وطلعت
__________________________________________________ ___________________
عند جسـآر وآفنـآن
" صدمـآت عمري زودتني قنـآعه كل شي آحبه ..{ آتوقع ضيـآعه
كـآنو الطرفين سـآكتين ..~
الين جسار قرر يقطع الصمت
جسـآر بهدوء : مبروك
افنان ببرود : الله يبارك فيك
تنرفز من جواله اللي دق بنغمة الرسايل => من ميرا
" ليت الزمن يقدر يرد اعتباري
ويبري لهايب قلبي اللي كويته
روّح ما راح الليل والليل ساري
لو كان مهما كان حبك نسيته
والله ما كان الفراق اختياري
بس أنت مختار الفراق ولقيته
آلف مبروك الله يهنيها ويوفقها
مـآ بجمعك معها لأنك صدقني بترجع لي
ورآآح تندم على كل كلمه قلتها لي
لأن آفنـآن ما تحبك ومـآ تبيك
بس بنشوف وانا وانت والزمن طويل
عسى ما غثيتك وانت قبـآل حبيبتك
معليه بتشكرني على الوقت اللي آرسلت لك الرساله فيه
آغظ نظرك فيه عن الشيفه اللي قبـآلك "
مصدوم من كلام ميرا
هالإنسانه ما تتوب
آوك يا ميرا نشوف
رفعت راسي من الجوال وشفتها تناظرني
افنان بإستهزاء : عسى ميرا ضايقتك لا يكون مشتـآق لهـآ تشوف الباب تقدر تروح منه محد مـــــآسكك
جسـآر فهمهـآ غلط : لا مو كيذا بس ميرا قالت لي
وسكت
افنان : وش قالت لك
جسار ناظرها وقـآل لهـآ كلام ميرا من اول شي لآخر وحتى كلامها بالرساله
توقع آنفعـآل عصبيه قهر
بس اقل شي كان آبتسسسسـآمه استهزاء : هي فهمتها وانت تنح ما فهمتها سبحـآن الله عقولنا اكبر منكم
وقف وناظر افنان بصدمه
افنان وقفت : آمم وش فيك لا يكووووون محسب اني احبك هههههههههههههههههههههه لالالا لا يجي ببـآلك منت ببـآلي اصلا ما اسمح لنفسي انزل مستواي لك
جسار عصب بقوه ومسكها من يدها بقوه : وليه يا بعدي لا تنسين انك بنت عمي وما تقلين ولا تزيدين عني بشي
افنان دفته بقوه عنها : لالالا تفرق آنت اصلا منت ولد عمي " فجرت القنبله بوجهه " آنت مدري وش تصير لي المهم انت " بحده " يتيــــــم وعمي تبنـآك رحمة وشفقه فيك
صصصصصصصصدمه
هدوء آنفـآس تتسـآرع
دقـآت قلب تزيد
آنعـآد عليه كلام ميرا
رماها بصدمه على الأريكه وصرخ : كذابه
افنان رفعت شعرها عن وجهها : دق على عمي واسأله اذا منت مصدق
ناظرها بصدمه
يعني انا مو ولدهم اجل ولد مين
طلع وتركها بروحها
متجه للمجلس اللي مجتمعين فيه الرجال
دخل جسـآر وهو معصب مرتبك مصدوم وكل شي فيه ينفي الكلام
وقف قبـآل عبدالعزيز " ابوه " وصرخ : انا ولد مين
وقف عبدالعزيز بصدمه وقال يهديه : ولدي
جسار : لا مو ولدك من وين جبتني وليه من اهلي ليه تركوني لا تقول ماتـ..
قاطعه عبدالعزيز بهدوء : شلون عرفت
جسار بصدمه : يعني الكلام صدق
عبدالعزيز : جسـآر
قاطعه جسار : دقيقه اذا انا مو ولدك ووانت متبنيني يعني انـآ مو جسـآر آسمي مو جسـآر
عبدالعزيز : جسـآر اسمعني
جسار فقد اعصابه وصرخ : مابي اسمع شي سمعت كثير اليوم وكفاني اللي سمعته مابي اسمع حقيقه ثـآنيه تصدمنـ..
سكته كف من عبدالعزيز : مهما يصير يا جسار تذكر اني انا اللي ربيتك وانا ما ربيتك انك ترفع صوتك علي
الكل سـآكت
هدووء ..
ومن يقدر يتكلم بوسط هالإجوآء المرتبكه
آلقى نظره على الكل
على الشبـآب اللي كانو كلهم وآقفين
على الشيـآب كانو منزلين روسهم بضيق
طلع جسار من المجلس
والشباب لحقوه
بس الشياب وقفوهم
___________________________________________
جسار ..~
خنقتني القعده هناك
كل شي خنقني
نظرات الكل ذبحتني
الشياب كلهم يعرفون
ليتني سمعت كلامك يا ميرا ولا تسرعت
بس لا فات الفوت ما ينفع الصوت
تنهدت بقوه
ليه الأمور تغيرت واحلامي قدامي صغرت
آبي آصـآرخ
آطلع حرتي اقول اي شي
آعبر عن اللي فيني
رفع جواله وآرسل رسـآله لميرآ
وطلع وآتجه للمكـآن الوحيد اللي ممكن يوسعه
.. البحر ..
__________________________________________________ __
عند ميرا
توني طـآلعه من الحمام بعد ما خذت لي بـآث نعنشني
مـآ آنكر آو آكذب بكيت وانا تحت المـآي
مو بيدي والله
يا ليتني لا بغيت اكره قدرت اكره
ما كان قلبي ليـآ جـيت آكرهك عيـآ
آوف بس
آنسدحت ع السرير بتعب
غمضت عيوني
توني بغفـآ وآندق جوالي بنغمة الرسايل
عصبت قمت اشوف هالمفترغ اللي يرسل
تغيرت كل معـآليم وجهي للضيق
وآلصدمه
" ما عندي شي آقوله
عشـآن مابيك تقولين انك قلتي لي
ما بعتذر لأنه ما بيفيد شي
بس حبيت آقول لك
آني طلعت يتيم
يعني مـآني ولد عبدالعزيز
من امي من ابوي ما ادري
ميرآ احس اني عـآيش بمتـآهه
لا كـآن ودك تعرفين اخباري
دقي الزر الأخضر ولا يردك الا صبعك "
رمت الجوال وهي تتنافض
يتيم
يعني يعني
لالا شلون ناظرت جوالها اللي ع السرير
كانت بتقوم وتدق
بس تراجعت
وتذكرت كلام هنادي : مالت عليه قلبك الدلوع
آصبري يا ميرا آصصصصبري
__________________________________________________ _____
تأخرت السـآعه
كل المعازيم طلعو
ما بقى احد
خالوه خوله تبكي من قلب
وعمي عبدالعزيز ضايع ما يدري وين ربي حاطه فيه
الشيـآب مستنفرين
واحنا نحوس عليه
آخ بس خليني امسكها آفنــآنوه والله لأقطعها بأسناني
لا والقهر بكل عين قويه تجي تقول انها اللي قايله له
الله يسامحك يا عمي مروان
وقفت على الإشاره وانا معصب وآخلاقي صصصصصفر
دقيت هرن للي قداامي
الإشاره فاتحه والأخ وآقف وخرو عني خلوني اصفقه
دقيقه شوي
دققت بملامح اللي بالسياره
مو ولد
لالا بنت
وتصيح
نزلت واتجهت لسيارتها ودقيت على الشباك
ما فتحته
هذا وقته رجعت دقيت
فتحت وصرخت فيني : نعم وش تبي
ماجد بهدوء : مسـآك الله بالخير احد يوقف بالنص الطريق على الساعه 1 ونص بالليل وين قاعدين
رنا : تقدر تتوكل بسير الحين
ماجد : سسسبحان الله اخلاق يمدحونها
مشى وركب سيارته
وآنتبه انها ما تحركت
تأفف ماجد وقال بنفسه : اللهم طولك يا روح
نزلت لها من جديد : ها وشو وش فيك حركككككي ياختي
رنا عصبت : الطريق كل ابوه مفتوح ما همك الا المكان اللي انا واقفه فيه
استندت على الباب : تقدرين تقولين حب استطلاع وش عندك
رنا اتكت على الكرسي : سسير ماني متحركه ولا متكلمه
ماجد جلس على الرصيف : وانا مو متحرك
رنا تنرفزت : وانت شكو
ماجد : انتي قولي وش فيك وانتي تقضين شغلك وانا اقضي اشغالي
رنا : السياره وقفت فيني
ماجد : لازم لها صيـآح طيب دقي على احد من اهلك
رنا بسرحان : آهلي مو حولي مسافرين
ماجد : آمم ما عندك اهل بالمره
رنا : لا
ماجد : صاحبات
رنا : احد يدق بهالوقت مهما كانت حدود الصداقه بينا بس مو لهدرجه
ماجد : تبين اوصلك
رنا نقزت : لا
ماجد : بسم الله عليك تبين اهلا وسهلا ترآ سيـآرتي فيها كرسي خلفي العرض جـآري بعد من الوآحد للثلاث
رنا نزلت : بدق على صاحبتي
رنا بعدت شوي ثوآني ورجعت وقالت بإحراج : ممكن شوي جوالك
ناظرها بإستغراب ومد لها الجوال
وآتجهت للسياره
وشكلها تدق على احد
ثواني واندقت نغمة جوالها وملت السياره
مدت له الجوال : دقيقه بس
قعدت تحوس الين لقته على الأرض تحت الكرسي
قعدت على كرسي السياره ودقت على وحده من صاحباتها
ناظرته بهدوء : يعطيك العافيه
ماجد : الله يعافيك
ركبت السياره
وكأن شي ما صار
آآآتمنى يا ماجد كأن شي ما صار ^^
___________________________________________________________
ناظرت الفراغ
آلبحر
آلنـآس
ودي آصرخ
ليه ما دقت
لهدرجه ما عاد يهمها الموضوع
طلع جواله وفتح رسالتها اللي آرسلتها قبل السالفه
" لو كان مهما كان حبك نسيته
والله ما كان الفراق اختياري
بس أنت مختار الفراق ولقيته "
تسمحون اقول عني آني مجنون
وخبل
ومستخف
ميرا من متى كانت تكذب على شي فيه مصلحتي
لهدرجه غروري اعماني
غلطتي ادري كبيره يا ميرا بس الجفـآ منك عذآب => يـآلبيه سلوم وخوآطرها
تمشيت على التراب
تذكرت افنان وكلامها تصرفاتها
جلست بضيق على الأرض
كان يفصل بيني وبين البحر احجار قليله او حصـآ
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك