رواية ايام عبيد -17
هيا : شو بتحب تتعشى حبيبي
عبيد : أي شي ........
هيا بدلع حلو : على دوئي (ذوقي )
ابتسمت : هيه
مها : أققووووول
قطعت الجو الرومنسي شو هالدفااشه : نعم
مها : وإنت ياي ييب لي شامبوا وصابون
عبيد : خير إن شاء الله شي بعد
مها : لا
عبيد : وإنتي هيا
هيا : سلامتك حبيبي
ابتسمت لها
طلعت وسكرت الباب وسندت ظهري عليه يتني ضحكة وما رمت أكبحها ونقعت من الضحك وإبتعدت عن الباب ونزلت
لشقة ظافر وأنا مييييت ضحك
دقيت الجرس وبعد ما نقعني خمس دقايق بطل لي الباب سلمت عليه ودخلت
الشقة كانت عفيييييسة مجلوبة فوق تحت
عبيد : شحالك
ظافر وهو ينسدح على الكنبة : تعبان أبي أنام .......... شعندك ياي ( وغطى ويهه بذراعه )
عبيد : ههههههههه الله يعينك ...... شردت من البيت
ظافر رفع إيده وطالعني : شو تضاربت مع الثانية
عبيد : لا بسم الله علينا ...... بس يبت بنت عمي بتسكن هني معانا
ظافر يلس بسرعة : إنت مينون
عبيد : لا ليش
ظافر : حد يحط النار يم البنزين
عبيد : المثل العكس ..... هذا طلب بنت عمي
ظافر : أنا أشهد إنك موب صاحي ... الله يعينك على إللي بييك
عبيد : ههههههههههههههههههه صخ إنته بس كل وحدة تبي تقطع الثانية بضروسها ..هههه يسد النظرات إلي
جنهن ليزر
ظافر : ههههههههههههههههههههههه الله يعينك الصراحة ...... أذكر إبوي يوم خذى على إمي والضرايب إلي كانت
تستوي حتى أذكر مرة إبوي طلع حرمتة يحوطها آخر الليل وإمي من قهرها راحت سكرت كل أبواب الفيلا و إبوي وحرمته ناموا بالسيارة
عبيد : هههههههههههههههههههههههههههه والله خالو ريم موه ينه
ظافر : هههههههـ أقولك والفترة إلي إبوي خذها كان في تحدي بينها وبين إمي في الأناقة وكل يوم وحدة طالعة لنا بشكل .......
تمينا نسولف ونفرفش
عبيد : أنا يوعان بروح أتعشى
ظافر : هيه هااااااا تدلع يا خي عندك بدل الحرمة ثنتين .......... لنا الله نحن العزابية إلي تعبنا من اكل المطاعم
عبيد : هههههههه تعال عندي معزوم
ظافر فز : يالله يدامي
عبيد : ههههههههههه إندوكم ما صدق الاخ ......... أقول إستريح وأنا بييب لك العشى
ظافر بوز بس عقب قال : مو مهم أهم شي العشا يوصلني
عبيد : في الحقيقة ....... أنا ما أظمن لك إني بييب لك العشى ....... أخافهم سوو شوي وأنا ريال يوعان
ظافر بوز : مالت عليك .......... بس إبوي ما نبي منك شي ........ طباخ الهنود أشرف لنا من طباخ حريمك
عبيد : خلاص إبوي من باجر بقولهم يحسبون حسابك في الغدى والعشى
ظافر وهو يطالعني بنص عين : كلمة ريايل
عبيد : اكيد كلااااااااام ريايل
ظافر : كلام عرب وإلا كلام هنود
عبيد : خو حتى العرب قامو ما يوفون بكلامهم
ظافر : هيه صدقك .... من الآخر جيه كلام الليل يمحوه النهار
عبيد : لا ..... أفا عليك إنته بس ..... كلامي كلام ريايل سواء في النهار أو في الليل
ظافر وهو يطالعني بإستهزاء : واضح ... مو جنك تو قلت لي تعال تعشى معاي عقب غيرت رايك
عبيد : لا في هذي صدقني ما بغير رايي
ظافر : بنشوف
طلعت من عنده ورحت السوبر ماركت إلي تحت وشريت إلي كانت تبيه مها ورديت الشقة دخلت لقيت الشقة هادية
تنهدت براحة خفت ألاقي كل وحدة ماسكة شعر الثانية
يلست بالصالة شوي ومحد طلع من حجرته رحت عند هيا لقيتها يالسة تعض اصابعها وشكلها مقهورة أو متوترة ما
عرفت بشو كانت تفكر
هيا : منيح إنك جيت ....... ممكن تفهمني شو إلي عم يصير هون
رحت ويلست عدالها : روئي تؤبريني إنتي حامل
هيا : ما بدي روئ بدي أفهم شو إلي عم بيصير
عبيد : نفس ما إنتي زوجتي هي بعد زوجتي
هيا : وليه جايبها لهون من شان تحرق ألبي
لا حول
عبيد : هي إلي طلبت إنها تكون هني ....... وهي فترة وعقب بترجع عيمان
هيا : ولا يكون بدك ياني إخدمها ...........من هلأ بؤلك ( بقولك ) مادامها هيه هون راح نتقاسم الشغل
عبيد : خلاص يوم إنتي ويوم هيه
هيا : وكمان قول لها ما تتحرش فيني ...... لأحسن خرب لها وشها
يتني ضحكة حشى قطاوة مو حريم : إن شاء الله شو تبين بعد
هيا ابتسمت : تؤبرني بس ما بدي شي
عبيد : أنا يوعان سويتي العشا وإلا
هيا : إيه سويت لكـ أحلى عشا لأحلى رجال بالكون
عبيد : لا تقردينيني عقب أصدق نفسي
هيا : إنت بعيوني أحلى
عبيد : فديتج والله يالله إغرفي العشا وأنا بروح عند مها
هيا بوزت
عبيد : بقولها عن مطالبج وشروط الأمن والسلامة
هيا ضحكت بخفة وبينت غميزتها الوحيدة في خدها الأيمن ..... وزادتها جمال
عبيد : يا لبيه على هالضحكة ...... شوي شوي علي يا بنت
هيا استحت وقامت وأنا رحت عند مها بالحجرة الثانية لقيت الحجرة معفوسة وثياب في كل مكان كانت رافعه شعرها
القصير ورابطتنه على صوب وحاطة تاج على شعرها
عبيد : إحم إحم
مها صدت علي : إنت ييت
عبيد : هيه تعالي عند العشى
مها : ما أبي عشى
عقدت حياتي : ليش
مها : رجيم
عبيد : كيفج
طلعت من الحجرة ورحت الصالة وتعشيت
هيا : وينها الست ديانا ما بدها تتعشى
عبيد : ما تبي عشى
هيا : وليه لا يكون مو عاجبنها أكلي
عبيد : رجيم
هيا ضحكت بإستهزاء : ههه رجيم
عبيد : مو لازم يعيبها العشى أهم شي أنا عايبني
هيا وهي تلقني : إكل إكل إبن عمي ........ تؤبرني
استغربت حركتها وكليت من يدها ويوم رفعت عيني عليها شفتها تتطالع صوب حجرة مها ويوم لفيت لقيت مها واقفة
وهي تطبخ بعمرها من الغيض ويوم شافتني دخلت سكرت الباب بقوة
اعتلت ابتسامة نصر على محيا هيا
ما أدري ليش حسيت بالخوف من الياي
والله هالثنتين شكلهم بييبون لي المشاكل
قمت وغسلت إيدي عقب رحت عند مها بعد ما خذيت الجيس إلي فيه الشامبو والصابون
لقيتها مشغلة أغاني من لابها وكان صوت ميحد طاغي
كفى التجريح عجزت انطر شمس باجر
مع الحيره مع الغيره مع اوهام الزمن ماشي
بلا مرسى و لا ديره و ربان الهوى ناسي
ما أدري هي قصدتني بالإغنية وإلا مجرد مصادفة
مديت لها الجيس : هذا الشامبو والصابون
مها ببرود : تسلم
عبيد : أقول مها بما إنج هني وحالج من حال هيا .... تقاسموا إنتو الثنتين شغل البيت
رفعت عينها مها علي : أنا ما أشتغل عند حد
عبيد : ما قلت لج إشتغلي عندها بس مثلاً يوم إنتي ويوم هي
مها : هيه قالت لك صح .... قصورها ما اشتغلت لها أنا إمي وأبوي ما خدمتهم بخدم شريكتي
عبيد : لا حول ولا قوة إلا بالله ...... مها هيا حامل ومالها إستطاعه تخدمني وتخدمج
مها : يعني تباني أشتغل بدالها
تنهدت أمسك نفسي وأعصابي : ما قلت جيه بس يوم إنتي تطبخين ويوم هي
مها : إذا ع الطباخ أوكي ..... بس كل وحدة تطبخ في دورها
عبيد : أوكي مو مشكلة
مها : اليوم عندي وإلا عندها
عبيد : اليوم هيا
مها : اها أحسن لأني تعبانه شوي
طاع هاي جني انا إلي ميت عليج
طلعت ورحت عند هيا ونمت
الصبح نشيت من وقت وقامت معاي هيا تسوي لي ريوق لبست دريسي ويوم طلعت شفت مها منسدحة على الكنبة
بالصالة والتلفزيون شغال شكلها كانت سهرانه ونامت قربت أبي أطالع ويها لقيتها نايمة
هزيتها : مها مها صليتي الفجر
مها بتمتمة : امممم هيه صليت
عبيد : قومي نامي داخل
يلست مها وهي فاجة عين ومسكرة عين وتمشي جنها سكرانه كانت بطيح فربعت وسندتها وعقب وصلتها الحجرة
وشغلت المكيف وظهرت شفت هيا واقفة وتهز ريولها وشكلها مفولة ع الأخر
تريقت وطلعت
رحت الدوام وعاد اليوم كان موعد زيارة الإستاذ خليفة الشهرية
خليفة : أوووووه الوكيل عبيد هني (( ضرب لي سلام )) مرحبا سيدي
عبيد : بسك فضحتنا شو عندك اليوم بعد
خليفة : ما شي ما سويت شي ياي أسلم عليكم وأروح
عبيد : إحلف إنت بس
خليفة : صدق تراني ما سويت شي ...... حتى إسأل الشرطي إلي يابني أنا شفته بالشارع وقلت له يوصلني
الشرطي : نعم سيدي ما سوى شي وقال لي ودني المركز ...... أتحرى عنده بلاغ أو شي بيقدمه سيدي
طالعت خليفة بشر وقلت له : وإنت تتحرى ما عندنا شغلة غيرك
خليفة : بيني وبينك أنا ياي أشتكي
طالعته بملل : وتشتكي على منو إن شاء الله
خليفة : راعي الدكان
عبيد شو سوى بك
خليفة : شريت منه حليب وبعد يومين لقيته منتهي
عبيد : إنته سكران
خليفة : لا لا إستغفر الله أنا ما أشرب
عبيد : تحشش
خليفة : بس أشرب زقاير عادية
عبيد : شرطي
الشرطي : نعم سيدي
عبيد : عقه برع المركز ماعندنا شغل نحن
الشرطي : حاضر سيدي
ومر اليوم عادي رديت ع الساعة 3 وكنت راد مع ظافر
ظافر : لا تنسى تراك قلت إن غداي عندك
عبيد : ما نسيت ....... إنت إييلس بالشقة وأنا بييب لك الغدى لين عندك
ظافر : أترياك لا تبطي ترى حدي يوعان
عبيد : زين زين
ركبنا اللفت وهو نزل قبلي وأنا كملت فوق ورحت الشقة لقيت مها وهيا ثنيناتهم يالسين في الصالة ويشوفون
مسلسل سوري
حمدت ربي ع الهدوء
الشي المشترك إمبينهم إنهم إثنيناتهم يحبون المسلسلات السورية
عبيد : السلام عليكم
لفو علي شوي يستوعبون عقب قاموا يترابعون وكل وحدة مسكتني من ذراع
مها : اليوم أنا أللي طبخت تعال نتغدى
هيا : شو أخبارك حبيبي تعبت بالشغل وإلا لأا
مها : اليوم دوري روحي إنتي
هيا : لأه حبيبتي هو زوجي متل ما هو زوجك
مها : أقول إرمسي عدل ولا تحسين بثمج وتفجينه ع آخره لا تدخل ذبانه داخل
هيا :بحكي أحسن عنك
بعدت إيدي عنهم : بس خلاااااااااص مشاكل في الدوام ومشاكل في البيت
هيا : تعبان حبيبي بدك إجيب لك شي
عبيد : لا
مها : أغرف الغدى
عبيد : إغرفي وحطيه منه في صحن عشان أوديه لظافر ببدل ثيابي وألاقي الغدى جاهز
مها وتقهر هيا : من عيوني يا ولد عم
ما رديت عليه ورحت داخل بدلت ثيابي وعقب شليت الصحن إلي لفته مها بقصدير عشان ما يبرد وديته لظافر إلي
أول ما مسك الصحن غوز القصدير عنه وياه إكتئاب لما شاف إنه معكرونه
ظافر : ع بالي مجبوس ..... برياني ....... عيش وصالونه ... حد يسوي معكرونه غدى
عبيد : اقول إحمد ربك وكل وإنت ساكت
ظافر : اللهمـ لك الحمد والشكر تسلم ع الغدى وسكر الباب بويهي
وأنا رديت فوق لقيتهم يالسين مجابلين بعض ع السفرة ويلست إمبينهم عشان نتغدى
كنت أتغدى وأنا أشوف نظراتهم لبعض إلي لو كان بينهم حديد كان ذاب من نظراتهم الحارة لبعض
نهاية البارت الثالث والعشرون
إحمـ اليومـ إستوت لي سالفة كنت بحط البارت العصر بس إلي إستوى إني اليوم الفير كنت يالسة أرتب لابي و أمسح شغلات وأنقل شغلات وإلي صار إني مسحت الرواية باللي فيها والبارت إلي كتبته للعلم كان أطول عن هذا ...
ولإني ما أحب أرد بكلمتي رديت كتبته بس لإني تعبت ما رمت أكمل كامل البارت
إن شاء الله بكمله وبحطه فليل أو باجر ^^
البارت الرابع والعشرون
بعد الغدى نمت لإني ميت من التعب وقمت لصلاة العصر صليت ورديت رقدت لين المغرب
قمت ع صوت صياح نشيت مفزوع ورحت الصالة لقيتهن ثنتينهن ويصيحن
عبيد : شو إستوى
قامت هيا ودفنت ويهها بصدري تصيح
والثانية غارت من حركتها ويت تصيح وهي لاويه على إيدي ودفنت ويها في ذراعي
عبيد : شو صاير .... شو إستوى
مها بصوت متقطع : مـــ ــــــ ــا تـــ ـــــ
هيا إلي من نطقت مها هالثلاث أحرف زاد صياحها
خفت وقلبي رقع منو مات
عبيد : إنطقو منو إلي مات
هيا : فهد مات
عبيد : منو فهد .... منوووو
مها وهي تأشر على التلفزيون إلي كان فيه مسلسل قطري ويوم إستوعبت دزيتهم
عبيد : مالت عليكم رقعتو قلبي آخر شي مسلسل........ تمثييييييييييييييييييل تمثيييييييييييييييييييييل
كل وحدة راحت تمش دموعها ومن يذكرون يردون يصيحون أكثر ,,,,,, حشى لو واحد من أهلهم مات ماصاحو
هالكثر
رحت الحمام تغسلت وتوضيت ع السريع لأني أسمع الأذان وما يمديني ألحق ع الصلاة طلعت ورحت المسيد زين
إني لحقت ع الركوع الأول
بعد الصلاة رحت مع ظافر ورحنا للقهوة ويلسنا ظافر طلب له شيشة بس أنا لأني ما أدخن ما طلبت غير جاي
كرك ويلسنا مع الشباب نشوف المباراة دقيقة نسكت ونندمج ودقايق نتحرطم ونسولف
مع حشرة القهوة ما إنتبهت لتليفوني إلي إحترق من كثر الإتصلات وما إنتبهت عليه إلا لما ييت بشوف الساعة كم
خيييييبه 9 مكلمات من هيا و10 من مها
خير اللهمـ إجعله خير
إستئذنت ورحت البيت دخلت واستنكرت هدوءه رحت حجرة مها لقيتها منسدحة ع الشبرية ولابها يدامها وحاطه
السماعات وما إنتبهت لي وشكلها تشوف فلم
طلعت ورحت الحجرة الثانية لقيت هيا راقدة ما حبيت أزعجها طلعت ويلست بالصالة
شوي ألعب بتليفوني عقب حسيت بحد وراي يوم صديت إلا مها
مها : متى ييت
عبيد شفتها عقب رديت عيوني ع التليفون : من شوي ...... أنا يوعان حطي العشى
لفيت عليها لما تكلمت
مها : زين ترى التلفيزيون خربان عدله ....... ( قالت وهي عاقدة حواجبها )إتصلت بك بس ما رديت
أها عشان جيه إتصلت : ما سمعت القهوة كانت حشرة شوي
مها راحت المطبخ تغرف إتصلت ع ظافر بطالعه جانه يبي عشى وإلا تعشى
ظافر : نعم ..... شو تبى
عبيد : أعصابك يا أخي ......... سلامتك ما نبي منك شي بس إنت جانك تبي العشى
ظافر : لالا أنا معزوم
عبيد : يا حافظ ... منو عازمنك
ظافر : هههههههـ واحد حلف إذا فاز نادي ريال مدريد يعزمني ع العشا
عبيد : هههههههههههههههههههههههـ يا حيه
ظافر : يالله روح إنت جابل حريمك
عبيد : جب جب
ما أدري عنه جان سمع يوم قلت له جب وإلا لا لأنه ببساطة بند الخط بويهي
عبيد : صدق ما يستحي
شفت مها تحط السفرة قمت غسلت إيدي ورحت عند هيا عشان تقوم وتتعشى
هيا : امممممممـ .... شو بدك
عبيد : ما تبين عشى
هيا : لأ ما بدي
ماعيبني ويهها جان أسألها : هيونه فيج شي
هيا : ما فيني شي ......... بس دايخة شوي
قلت بإهتمام وأنا أمسح على راسها : تبين أوديج المستشفى
هيا : لا تؤبرني ما بدي ...... بدي نام
عبيد : خلاص نامي
طلعت من عندها ورحت صوب مها وإنتبهت إن العشى معكرونه ....... غدى وعشى معكرونه مصيبة هذي
ما علقت كليت وأنا صاخ عقب رحت مع مها عشان أنام
باجر نشيت متأخر ويا دوب لبست وطلعت ألحق ع الدوام
والشغل اليوم كان شوي زيادة
وأنا في ذروة التعب وقمة الشغل اتصلت بي هيا
عبيد : هلا
هيا : حبيبي شو بدك تتغدى لأعملك
قسم بالله متفيجة مسكت أعصابي وقلت : أي شي
هيا : اممم على ذوئي
ما تفيجت لها وسكرت التليفون وكملت الشغل
رديت البيت وأنا كارهه نفسي لقيت مها يالسة على لابها بالصالة وهيا مو موجودة
عبيد : السلام عليكم
مها : وعليكم السلام
عبيد : وين هيا عيل
مها : سوت الغدى وراحت داخل حجرتها ولا ظهرت
عقدت حياتي : لا يكون تعبانه
مها : ما أعرف
قمت رحت الحجرة لقيتها حاطة راسها ع الشبرية
عبيد : هيونه شو فيج
ما ردت علي
رحت عندها ويلست حذاها : هيونه شي يعورج تبين أوديج المستشفى
هيا : ما فيي شي
عبيد : أكييييد
هيا : ما فيي شييييييييي
عبيد : زين زين لاتصارخين ..........افففففف
قمت ورحت صوب الكبت طلعت لي ثياب ورحت الحمام أسبح ع السريع
عبيد : مها إغرفي الغدى وأنا بنادي هيا وحطي شوي حق ظافر أودي له
مها قامت بدون ما ترد علي ورحت عند هيا
عبيد : ما تبين تتغدين
هيا قالت بصوتها الراجف إلي بيين إنها تصيح : شو بدك مني
تنهدت ورحت عندها ويلست حذاها : شو فيج إنتي اليوم متغيرة
هيا : إنت إلي متغير
عبيد : أنا ....... ليش شسويت
هيا : لما إتصلت عليك قفلت الخط بوشي و صرت ما عم تطيق مني كلمة .......... ماانت عبيد إلي بعرفو
عبيد : أفا بس أفا أنا ما أطيق منج كلمة ....... إسمحي لي حبيبتي انا اليوم كنت مشغوول ومشاكل الشغل ما
تخلص
هيا : مهما كان المفروض تفصل بين الشغل والبيت
عبيد : خلاص حقج علي ..... قومي اللحين عشان نتغدى
هيا ابتسمت : ان شاء الله
طلعت وشليت من مها الحرارة إلي خلت فيها الغدى ونزلت عند ظافر اللي نقعني عند الباب لين ما تكرم وفتح لي
ظافر وشكله كان راقد : نعم إستاذ عبيد شو بغيت
عبيد : أبد طال عمرك بس يايب لك الغدى
ظافر : أها ( شل الحرارة مني عقب قال ) يالله لو سمحت توكل على الله ........ ومرة ثانية لا تتأخر
بالغدى .........
عبيد : إن شاء الله طال عمرك شي بخاطرك بعد
ظافر : هيه يا خي يوم تتدق الجرس دق مرة مرتين بالكثير ثلاث ....... حشرتنا تراك ......... ترى إن كررتها بفرع
عليك قضية إزعاج سلطات
عبيد : أقول وايد عطيتك ويه تراني ......... إقلب ويههك ونام يالله
رديت شقتي وتغديت وبعد الغدى أذن العصر صليت ورحت أنام لأني ميت من التعب
بعد صلاة المغرب بشوي قومتني هيا عسب أصلي صليت المغرب وطلعت الصالة شفت مها يالسة على لابها وهيا
تلعب بالتليفون شوي وتتلفت شوي من الملل ............ صح نسيت أن التلفزيون خربان
هيا : منيح إنك قمت ......... بدي ياك توصلني ع بيت لمى
عبيد : اليوم
هيا : إيه ....... ( رمشت بعيونها بدلع وقالت ) عاملة لي كبة وبدي ياها
عبيد : اها خلاص إلبسي وأوديج
مها رفعت عيونها علينا : وأنا أتم هني بروحي
هيا : إيه شو فيها لو ضليتي هون كم ساعة
مها : لا عيوني إذا إنتي متعودة ع اليلسة بروحج ....... أنا وحدة أخااااااف وما أداني الشقق والمرتفعات
يتناقشون في الموضوع ولا جني واقف امبينهم ولا سوو لي سالفة وأنا صاخ بشوف أخرتها
هيا : والمطلوب يعني ......... تروحين معاي مثلاُ
مها : قصورج أروح معاج
هيا : إزا مو عاجبينك ضلي هون
مها ما ردت عليها وصدت علي : أقول عبيد ...عرس روية بعد إسبوعين تقريباً أبي أشتري فستان وهالشغلات
هيا صدت على عبيد : ومين رويه هاي
مها : ما يخصج
هيا : عبيد شوفها كيف عم تحكيني
مها : برمسج بالطريقة إلي تعيبني
عبيد : وبعدين يعني ......... حشمو إني واقف إمبينكم ........... هذا وأنا امبينكم وإنتو مو مقصرين في بعض
بالكلام كل وحدة تعق كلمة ع الثانية ......... يوم تكونون بروحكم شو تسوون ....؟؟
هيا : روووء حبيبي لا تعصب
مها ببرود : اللحين شنو بتوديني السوق وإلا
هيا : إزا بتوديها بدي روووح أنا كمان
مها : إنتي روحي عند لمى مالتج
هيا : ما خصك بروح وين ما بدي
مها : قولي إنج تبيين تيليسين فوق قلبي وخلاص
هيا شهقت : إهئئئئ ومتى إلت هالحكي ........ حبيبتي فرقاك عيد
مها ضحكت بسخرية : ههههه واضح والدليل تبين تروحين معانا السوق
هيا : إنتي إلي حشرتي نفسك بالأول وقلتي ما بدك تعئدي لحالك .......
مها : وإنتي ......
عبيد : بــــــــــــــــــــــــــــــــــــــــــــــــس بـــــــــــــــــــــــــــــــــــــــــــــــــ ــــس ........ولا وحدة بتروح مكان قرن
هني
هيا بملل : لا لا الله يوفئك زهئت من الئعدة هوووووون
عبيد : عيل مالها داعي هالمناقشات والضرايب إلي ما منها فايدة .......وإتفقن ع مكان واحد
مها : خلاص إبوي ودنا المول شو رايج
هيا : إيه إيه بدنا نروح ...... وأنا بحاكي لمى تخلي لي الكبة ولما نرجع بناخذون منها
مها : ترتوووب
هيه يوم السالفة فيها سوق ومول كل وحدة رضت عن الثانية
عبيد : تلبسن بسرعة عندكن خمس دقايق جان ما تجهزتن يا إني بظهر عند الشباب وإنتن دورن لكم إلي بيوديكن
ربعن كل وحدة حجرتها تلبس
ظهرن بعد فترة
طلعنا وركبنا الأصنيصر وكل وحدة قامت تعدل غشوتها بالمنظرة
هيا : إففففففففف ...... ما فييي شوف بهالغطا
مها : جان شريتي لج لثمة
هيا : شو هيدي ......
مها : مثلي ...
مها تلبس اللثمة وتحط طبقة وحدة من الغشوة لإن غشوتها خفيفة وهي نظرها خفيف وتلبس عدسات
أما هيا المتلعوزة تحط طبقتين من الغشوة عشان ما يبان شي
سويت نفسي ما أسمع كلامهم فجأة وقف المصعد رفعت عيني أشوف رقم الطابق شفته طابق ظافر
ويوم إنفتح المصعد شفت ظافر يعدل غترته ويغني ويوم شافني مع حريمي صد بويهه لإن الخوات أشكالهم تخوف
كل وحدة تعدل شكلها بمرايا الأصنصير دقيت على الزر إلي يغلق الأصنصير ونزلنا تحت ومشينا صوب السيارة و الثنتين هاديتين وماشيين عدال بعض بس فجأة حسيت كل وحدة تمشي بخطوات أسرع جنهن إلا يسوون سباق
حتى إنهن مشن جدامي إستغربت الحركة وأنا على بساطة نياتي قلت يبون ييلسون بسرعة بس حليلي وحليل
أفكاري الخوات يترابعن عشان أول وحدة توصل بتييلس يداااااااااام
قسم بالله يهااااااااااااال يهاااااااااااااااااااااااااااااااااااااااااال همهم منو تييلس يدام
مها : انا وصلت أول
هيا : ما بدي أنا جيت أبلك
مها : أقول زولي زولي أنتي يوم شفتيني ياية ربعتي تبين تغلبيني
هيا : ما بدي ما بدي أنا إجيت أبلك ... ( جنها تذكرت شي ) اليوم دوري مشا نهيك أنا بئعد قدام
مها : قصورج ...... أنا الزوجة الأولى
مشيت يدامهم وركبت وقلت ببرود : محد بيركب يدام ....... كلكن ورا بسرعة وإلا ردو الشقة
صخن وركبن ورا
مها تتحرطم : زين جيه ميلسني ورى جني راكبة مع بتاني مو مع ريلي
هيا : تؤبرني ما عليك منها .......... سمعنا شي
عبيد : شو تبون تسمعون
مها : ما يبيلها كلام ......... ميحد أو عيضة
هيا فتحت عينها ع أوسعهن : شو شو لا لا ما بدي أسمع ......... بدي أسمع لفضل وإلا أليسا
مها كااااااش بالويه عطت هيا : لا لا ما نبي نسمع سوالف زلمات
هيا شهقت : هيييييييييييه شو قلتي ..... زلمات شو هي زلمات بعد ......... لا تخليني أغلط عليكي
مها :هاللي ناقص
هيا : عبيد شوفها شو عم تحكي
مها : أقولك ما نبي نسمع شي زيييييين جيه
عبيد : مها مو إنتي في البيت ما تسمعين إلا للزلمات ليش إحتشرتي اللحين
هيا : شو زلمات إنته كمااااااااااااان
عبيد : سوري سوري ما نقصد الإهانه
مها : جانك بتحط حط لنا نانسي أو يارا
هيا : يارا تؤبرني يارا
مها : حشى وإنتي كل كلمة والثانية تؤبرني
هيا تقهرها زيادة : عبيد تؤبرني حط لنا يارا
يلست أنبش بالشرطان والسيديات أذكر عمور حط لي يارا مرة ويوم لقيته حطيته : إن تضاربتن بعد بردكن البيت
الله يغمرك بالهنا والسعاده .. ياللي جعلت ايامي افراح وياك
في نظرتك هيبه شموخ واراده .. وفي وقفتك تكثر بعيني مزاياك
واشوف ليلي بشعرك وسواده .. واشوف شمسي مشرقه في محياك
واشوف في رمشك جيوش الاباده .. واشوف في عينك مدارات وافلاك
وديتهم المارينا وتمن يتفررن من محل لمحل
هيا : حبيبي شو رأيك بهالفستان .........
رفعت عيني من تليفوني وشفتها ماخذة فستان صيفي حلو ورايق : حلو .....
مها شافت الفستان : اممم مب شي لونه ....
هيا : ما طلبت رايك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك