رواية كنت احسبك مني قريب لكن طلعت قريب بشكل ثاني -12
ببيت ابوخالد
خالد:جيب الولد اخلي امي تسوي لهـ شي تأكلهـ
عبدالمجيد:مالهـ داعي اللحين ينام
خالد قاطعه وقال:تبي تنومهـ وهو جوعان جيبهـ
عبدالمجيد مد الولد لخالد عشان يوديهـ لـ ام خالد تأكلهـ!!
بـ ع ـد مدة
طلعت ام صالح من المستشفى وكان سبب الاغماء نقص السكر في الدم
ونامت اول ماوصلت ونامت معها مها
وصالح رجع من المستشفى وناام لكن بعد بكاء صامت وطويــــــــــــــــــــــــــــل
بكـرـا
ببيت ابوحـ م ـد
غاده وغدير ودلال جالسين بالمجلس
غــاـاده:هاه غدير جبتي اللي وصيتكـ عليهـ.!
غدير وهي تتصنع المرح:اييهـ لاتخافين؟؟
دلال:وتخبين علي ياغاده قولي وش جابت يالمجرمهـ
غاده بـ احراج:لابس جابت صندوق غالي علي.!!
دلال بعفويهـ:وليهـ غالي؟
غدير تتداركـ الوضع:الا ماقلت لي يادلال انتي كم عمركـ؟!
ببيت ابوخالـ~ـد
ام خالد وهي لابسهـ العبايهـ وتكلم هيفاء بصوت عالي:هيفاء بتروحين معنا لمشاعل
هيفاء:لايمهـ
ام خالد:طيب يايمهـ انتبهي على نفسكـ.!
(تنتبهـ على نفسها؟ّ
شلون تنتبهـ على نفسها
وهي بتسلم نفسها)
هيفاء:ان شاء الله يمهـ
راحـو ابوخالـ~ـد وام خالد بسياره وخالد وعبدالمجيد وولده بسياره للمستفشى
وبقت هيفاء بالبيت وياليتها مابقت.!
بعد دقائق
جوال هيفاء يرن ردت وهي متوتره وخايفهـ
هيفاء:الـ الـووو
ناصر(فيصل):تراني عند باب البيت يالله اطلعي.!
هيفاء بخوف وتوتر اكثر:مجنون انت اللحين يشوفني احد من الجيران.!
ناصر(فيصل):يالله بسرعهـ اطلعي عشان محد يشوفني
هيفاء بقمة توترها وخوفها:طيب (والدموع تتجمع بعيونها)بس وش بتسوي؟!
ناصر(فيصل):نلف لفهـ بسياره وارجعك
هيفاء والدموع تطيح من عيونها:طيب
لبست هيفاء عباتها ومسحت دموعها واخذت مفتاح البيت وطلعت
لقت جيب اسود وركبت الجيب
بقرية****
دفنو الجده وصلوعليها
دخل عبدالعزيز البيت اللي توه جاي من الدفان
تنحنح(بمعنى هل فيه احد)
ام عبدالعزيز:تعال ياوليدي
جاء عبدالعزيز بعد ماغطت نوره وجهها
ام عبدالعزيز:يعني كل مره اذا جيت بتدخل تنحنح
نوره بتصير زوجتكـ اليوم او بكرا فـ ليش ما تملكون(وهي تلتف على نوره)
وانتي وش رايكـ يانوره
نوره نزلت راسها لانها ماتقدر تقول لا وبنفس الوقت ماتقدر ايهـ.!
عبدالعزيز:طيب يايمهـ بس انا
قاطعتهـ ام عبدالعزيز:لابس ولاهم يحزنون بقرب وقت جيب الشيخ والشهودعشان تملكون
ببيت ابـوحـ م ـد
جلسو غدير ودلال بالمجلس
وغادة اخذت الصندوق وصعدت فوق
دخلت غرفتها وحطت الصندوق فوق سريرها وافتحهـ وقعدت تناظر اللي داخل الصندوق
تناظر الاشياء اللي يذكرنها بمشعل
اخذت القلب الحب اللي مكتوب فيه مشعل بالانجليزي
وحظنته وتجمعت دموعها وهي تتذكر ايام حبها مع مشعل
وفجأة انسحب القلب الحب من حظنها
حمد بغضب وهو يناظر المكتوب بالقلب الحب:من هالمشعل اللي تحظنين اسمهـ يالبنت الـ!!
عند هيفاء
بعد ماابعد ناصر(فيصل)بمسافهـ عن بيت ابوخالد
هيفاء قالت وهي بقمة خوفها بنبره حزينهـ:يالله رجعني البيت
ناصر(فيصل):ارجعك البيت بدون مااشوف وجهكـ ولا شي.!
مد ناصر(فيصل)يده وابعد الشيلهـ وانصدم وتعجب واستغرب.!!
من اللي شافهـ
شاف بنت ماعمره شاف بنت بجمالها
كان متوقع تكون جميلهـ لكن مو لـ هالدرجهـ مولـ هالدرجهـ
قال بنفسه وهو منصدم من اللي شافه:وش هالجمال.!
مرو بفكره كل البنات اللي شافهم
مافيهـ ولا بنت من اللي شافهم تساوي نص جمال اللي يشوفهـ
قال وهو ماشال نظره عن هيفاء:كل هالزين عندكـ وانا متعب روحي مع ياسمين.!
هيفاء تجمعت الدموع بعيونها وغطت وجهها بشيلهـ وقالت بنبرة صوت حزينه :رجعني البيت اللحين
ناصر(فيصل):ارجعكـ.!برجعكـ بس مو اللحين.!
عدل ناصر وضعية جلوسهـ وقرب من هيفاء.!
هيفاء حاولت تبعد لكنها ماقدرت
حاولت تبعده لكنها ماقدرت
لكن اللي قدريبعد ناصر صوت رنين جوال ناصر
رد بعد ماتأفأف
رامي:هاه وينكم
ناصر:جايين جايين.!
بالمستشفى
ولد عبدالمجيد من اول ماوصلو المستشفى وهو ماوقف بكي
فـ قررو خالد وعبدالمجيد يروحون لبيت ابوخالد
عشان يعطون الولد هيفاء تتنبهـ لهـ لانهـ ازعجهم ببكاه
وياترى وش بيصير اذا راحو للبيت ومالقو هيفاء بالبيت.!
ببيت ام صالح
بغرفة ام صالح جالسهـ لوحدها تناظر صور زوجها وحبيبها ابو صالح والدموع متجمعهـ بعيونها
تقول بنفسهـا:خاين خاين.!
اخذت الصور ورمتهن بالارض
وكررت كلمتها لكن بصوت مسموع:خاين خاين.!
جلست تبكي بصوت عالي وترمي صور ابو صالح بشكل جنوني.!
سمعوها مها ومرام وراحو ركض لغرفتها
مها بخوف:يمهـ وش فيكـ
ام صالح وهي تبكي:مابي شي يذكرني فيهـ حتى الغرفه بغيرها كل مكان فيها يذكرني فيهـ
مرام:طيب يايمهـ بس انتي اهدئي
مرام بصوت واطي لكن مسموع لمها:روحي نادي اخوي صالح عشان يهديهاويواسيها
مها:طيب
راحت مها تنادي صالح عشان يواسي ام صالح
ومادرت ان صالح هو اللي يبي لهـ احد يواسيهـ؟!
عند هيفاء
وقف ناصر عند بيت عباره عن دور واحد
وكانو بـ انتظاره رامي ووليد
هيفاء وهي تبكي وخايفهـ:وش بتسوي
ناصر مارد على هيفاء ونزل من الجيب
وراح فتح الباب لهيفاء وهويقول:يالله انزلي
هيفاء بخوف وهي تبكي:ماني نازلهـ
ناصر مسكـ يدها ونزلها بالقوه
حاولت تبعده وتصارخ لكنهـ حط يده بفمها وسحبها بقوه اكبر ودخلها البيت وهويقول لوليد:سكر الجيب وتعال
ــــــــــــــــــــــــــــــــــــــــــــــــــ ــــــــــــــ
انتهى القسم
لقسم الثاني من البارت الثامن عشر
ــــــــــــــــــــــــــــــــــــ
ببيت ابـوح ـمد
حمد بغضب وهو يناظر المكتوب بالقلب الحب:من هالمشعل اللي تحظنين اسمهـ يالبنت الـ!
غاده قاطعته وقالت بتفاجئ:وانت وش دخلكـ فيني ومن سمح لكـ تدخل غرفتي
حـ م ـد بغضب اكثر:ردي علي لاتضيعين السالفهـ
غاده بقهر وعناد:ماني راده ويلـا اطلع برـا.!!
حـ م ـد:واذا ماطلعت وش بتسوين يعني؟!
غادهـ:بتصل على ابوكـ و...
قاطعهـ حمد وقال بسخريهـ:اتصلي عليهـ عشان اوريه فعايل زوجتهـ
طنشتهـ غاده واخذت الجوال تبي تتصل على ابوحـ م ـد
لكن حمد سحب الجوال من ايدينهـ
غاده بغضب وهي متفاجئهـ من حركتهـ :جيب الجوال
حمد:مانب جايبهـ وسوي اللي تسوينهـ.!!
غاده بغضب اكثر:جيبهـ ياحقي ـر
حمد طنشهـ وطلع من الغرفهـ
غاده ماتحركت من مكانها
لانها مصدومهـ من حركة حمد الوقحهـ.!
تجمعت الدموع بعيونها وقالت بقهر:حقير
بسيارة خالد
رن تلـفـون خالـ~ـد ورد بتخوف
ريما بتهرب وبكلام سريع.!:خالد عطني عبدالمجـيـد بكلمهـ.؟!
خالد اعطى عبدالمجيد الجوال بدون مايرد لانهـ يدري ان ريما تتحاشي التكلم معهـ
ففضل انهـ مايغصبها على شي ماتبيهـ
ريما:عبدالمجيد تعال للبيت راض ابوي لاننا حاولنا به انا وامي وهدأ
عبدالمجيد:طيب اللحين جايين وانتي جيسي نبض الوالد وكلميهـ عني وعن ولدي سلطان.؟!
ريما ببتسامهـ:يعني مسمي الولد على اسم ابوي
عبدالمجيد:اكيد اجل بسميهـ على مين.!
ريما:طيب يالله مع السلامهـ
عبدالمجيد:مع السلامهـ
عبدالمجيد الـ خالد:روح لبيتنا؟!
(عند هيفاء)
حاولت تبعده وتصارخ لكنهـ حط يده بفمها وسحبها بقوه اكبر ودخلها البيت وهويقول لوليد:سكر الجيب وتعال
بعد مادخل ناصر هيفاء البيت
هيفاء تحاول تتكلم لكنها حاط يدها بفهمها:اممممم
ناصر ابعد يدهـ عن فمها لكنه ما ابعد يده الثانيهـ اللي ملتويهـ حول بطنها وظهرها
هيفاء وهي تحاول تفلت من قضبة يدينهـ القويهـ :خلني يالحقير
حاولت هيفاء تقاوم لكن ماقدرت.!
ضربت رجلهـ واقدرت تفلت من ايدينهـ وركضت متجهـ لباب لكنها اصددمت بوليد اللي توه يدخل البيت.!
وليد:تعالي
ركضت هيفاء وهي بقمة خوفها
تحس انها تعيش بفلم رعب
لكن للأسف فلم هالرعب حقيقي
ماتدري وين تروح
ثلاث شباب حولها.!
ثلاث ذئاب بشريهـ حولها
ثلاث شباب كل واحد منهم حقير اكثر من الثاني
كل واحد منهم همه تلبية ملاذتهـ
كل واحد منهم يتلاعب بشرف بنات الناس
كل واحد منهم مايخاف ربهـ..!!
وقفت هيفاء بمكانهـا وهي تبكي بشده.!
وترتجف من شده الخوف
قربو لها ناصر ورامي ووليد.!
ناصر كان قبالها
ووليد خلفها
ورامي مع جنبها.!
قرب ناصر من هيفاء وكان ردة فعل هيفاء انها تعطيهـ كف
هيفاء بقهر والدموع متجمعهـ بعيونها :ياكلب ياحقير
ناصر بنبره مخوفهـ لهيفاء:اضربيني اكثر اضربي.!
جت هيفاء بتضربه مره ثانيهـ لكنه مسكـ يدها
ومسكها مع خصرها وقربها لهـ
حاولت تفلت منهـ لكن ماقدرت
وقربها اكثر واكثر؟!
حاولت تقاوم وتبعد عنهـ لكنهـ حملها وظل حاملها لين دخل غرفهـ فيها سرير
رماها بالسرير وراح قفل باب الغرفهـ.........................!!
ببيت ام صاـاـالح
صالح بحزن على حال امهـ:يمهـ خلاص يكفي.!
ام صالح والدموع متجمعه بعيونها قالت بنبره حزينهـ: صدمني ابوكـ يايمهـ ياصالح صدمني
تذكر صالح ياسمين وقال بنفسهـ(اجل انا وش اقول يمهـ.!
اقول ان حبيبتي هي اختي واختي هي حبيبتي.!
اذا كنتي مصدومهـ فأنا مافي أي كلمة تعبر عن اللي انصدمت منهـ)
تجمعت الدموع بعيون صالح وقال:يمهـ ترا مب بس انتي مصدومهـ....!!
ببيت ام مشـ ع ـل
ام مشعل بحنان:يمهـ ياياسمين وراكـ ماتأكلين.!
ياسمين بحزن وبصوت عالي :يمهـ قلت لك مالي نفس
مب غصب اكل
مشعل بغضب:ياسمين لاترفعين صوتكـ على امي
ياسمين قامت من مكانها بعد ماتجمعت الدموع بعيونها
وقالت والدموع تطيح من عيونها:يمهـ اعذريني
وراحت لغرفتها وهي تركض وتبكي
مشعل بخوف على ياسمين:يمه لازم نوديها لدكتور نفسي مايصلح تبقى على هالحال
ام مشعل وهي توهم نفسها ان ياسمين حالها طبيعي :لامالهـ داعي ياوليدي بنتي مافيها شي
مشعل:ماتأكل ولاتشرب وماتكلم احد ودايما تبكي وخايفهـ ومتوتره
وتفكر كثير ومعاملتها سيئه معنا كل ذا وتقولين مافيها شي
ام مشعل والدموع تتجمع بعيونها :بس بنتي مب مجنونهـ
مشعل:يمهـ من قال ان اللي يروح لدكتور نفسي مجنون
ام مشعل:ان وديناها لدكتور نفسي مب سالمين من كلام الناس
مشعل:يمهـ وش اهم كلام الناس ولابنتك ياسمين.؟!و انا بوديها لعمر ولد خالتي ولانسيتي انه دكتور نفسي وهو يبي يتستر على الموضوع
ام مشعل:اكييييييييييييد بنتي
مشعل:يعني اكلمها
ام مشعل:ايهـ كلمها
مشعل قام يبي يروح الـ ياسمين وهو متجهـ لغرفة ياسمين رن جواله ولما شاف الرقم
انصدم.....تفاجئ....تعجب....
شاف رقم حبيبه غاده
اللي تزوجة غيره
اللي عجز يحب يغيرها وبقى على ذكراها ؟!
ضعف لما تذكرها ورد على المكالمهـ
لكن انصدم لما سمع صوت رجولي خشن
حمد:اهلين بحبيب القلب
مشعل بتوتر:مـ من معي
حمد:انا ولد اللي انت وحبيبتكـ بتكوشون على فلوسهـ
لكن تحلمون والولد اللي ببطنها لاتفرح فيهـ
تراه بيموت قبل يعيش.!
سكر حمد المكالمهـ وهو يبتسم ومليون فكره شيطانيه تدور براسهـ
ومشعل قال وهو خايف على غاده:الووو الووو رد
وش بيسوي ذا بغاده
خوفي يأذيها
والله ان اذاها لاانسيهـ الحليب اللي ارضعهـ من امهـ.!!
ببيت ابوعـ ب ـد المجيد
ابوعبدالمجيد جالس على الكرسي
وجالسهـ جنبهـ ام عبدالمجيد
وريما واقفهـ جنبهم
دخل عبدالمجيد ومعهـ ولده وخالد بقى بالسياره لانه فضل مايتدخل.!
تفاجئ ابوعبدالمجيد لما شاف ولده متجهـ لهـ
ريما ركضت وحملت سلطان الصغير
ام عبدالمجيد قامت بتروح لـ عبدالمجيد تحظنه...... تلمهـ
اهم شي تعبر عن شوقها له
لكن اوقفها صوت ابوعبدالمجيد:وقفي لاتروحين لهـ...!!
ام عبدالمجيد:سامحهـ ياابوعبدالمجيد سامحهـ عشاني.!
ريما:يبهـ ترا عبدالمجيد طلق مرتهـ عشانكـ..!!
ومسمي ولدهـ على اسمكـ
يبيكـ تسامحه يايبهـ
عبدالمجيد قرب من ابوه وباس راسهـ وايديهـ وقال
:سامحني يايبهـ
ابوعبدالمجيد بكبر :ترا اللي سويتهـ مب شين سهل
عبدالمجيد:غلطنا وطالبين من السماح
ريما:يبهـ سامحهـ..!!
ابوعبدالمجيد :مسموح ياولدي
الكل فرح خصوصا ام عبدالمجيد
اللي ركضت الـ ولدها
واحظنتهـ وقالت بحنان:ولهت عليكـ ياوليدي
عبدالمجيد:وانا اكثر
وبعد ما انتهت ام عبدالمجيد من حظن ولدها
وعبرت عن شوقها ابتدعت عن عبدالمجيد
ورجع عبدالمجيد وباس راس ابوه
عبدالمجيد قام ومشى متجه لباب الخارجي
ام عبدالمجيد بخوف :وين رايح يايمهـ
عبدالمجيد:لابس خالد ينتظرني برا وبقولهـ يتوكل
ابوعبدالمجيد:خلهـ يدخل تراه مب غريب لاتنسى انه خطيب اختكـ وولد عمك
عبدالمجيد وهي يلتفت الـ ريما قال ببتسامهـ:الا متى ملكتهم.ّ!
ابوعبدالمجيد:ان شاء الله الاسبوع الجاي.!!
ريما توترت وقامت وركضت لغرفتها
والكل ابتسم لانهم يحسبونها مستحيهـ
مادرو انها خايفهـ تكون ضحية لعبهـ لعبتها مع خالد
بعد مرور دقائق
امام بيت ابوخالد
ناصر:يالله انزلي وترا ان طلبتكـ مره ثانيهـ وماجيتي بنشر صوركـ فاهمهـ؟!
نزلت هيفاء بدون ماترد عليهـ
افتحت باب البيت ودخلت
صعدت لدور العلوي ودخلت غرفتها وقفلت على نفسها والقت بنفسها على سريرها وجلست تبكيـ.!
على اهم شي تملكهـ البنت شرفها اللي ضاع
على الشي اللي راح يخليها تبقى ببيت اهلها طول عمرها^_*
وبعد مرور ساعهـ من البكي.!
قالت هيفاء وهي مقهوره وتتذكر جملتهـ الاخيره(وترا ان طلبتكـ مره ثانيهـ وماجيتي بنشر صوركـ فاهمهـ؟!)
وبصوت مبحوح من كثرة البكي:نشوف بتبقى عايش المره الثانيهـ!!
ـــــــــــــــــــــــــــــــــــــــــــــــ
انتهى البارت
واعذروني اذا كان القسم جرئ
وان شاء الله القى ردود تبرد القلب
القسم الاول البارت التاسـع عشر
ــــــــــــــــــــــــــــــــــــــــــــــــــ ـــــــــــــــــــــــــــــــــ
عند هيفاء
وبعد مرور ساعهـ من البكي.!
قالت هيفاء وهي مقهوره وتتذكر جملتهـ الاخيره(وترا ان طلبتكـ مره ثانيهـ وماجيتي بنشر صوركـ فاهمهـ؟!)
وبصوت مبحوح من كثرة البكي:نشوف بتبقى عايش المره الثانيهـ
قامت من سريرها وهي تتألم وتون
مشت شوي بششكل بطئ بسبب الاوجاع اللي بجسمهـ
وقفت عند المرايهـ
شافت شكلها بـ المرايهـ(المرآة او المنظره)
ملابسها المتشققهـ المظهره لعدة اجزاء من جسمها
المخش اللي بفخذها
خدودها اللي ماخذه اللون الاحمر
سيلان الدم من عدة امكنهـ بجسمها
توجهت لحمام وهي تتألم
من منظرها المؤلم والمحزن
عشان تسبح وتوخر وساخهـ من تسلو بها.!!
لكن ما اظن انهـ هالوساخهـ بتروح؟!
بكـرا
ببيت ام مشعل
بغرفة ياسمين وشوق
ياسمين جالسهـ بسريرها
سواد تحت عيونها
جسمها ضاعف
شكلها متغير
جالسهـ تبكي وحاظنتها امها
ام مشعل والدموع متجمعه بعيونها قالت بنبره حزينهـ وهي خايفه على بننتها:قولي لي وش فيكـ يايمهـ
ياسمين بنبره باكيهـ وتناظر امها نظرات خوف:وش تبون فيني خلوني خلوني
ام مشعل والدموع تطيح من عيونها والخوف يزداد:ماني مخليتكـ الا اذا قلت لي وش فيكـ
لكـ ساعه تبكين قطعتي قلبي.!
ياسمين صرخت بنبره حزينهـ وهي تبعد عن حظن امها وتبكي بشده:خلوني لوحدي ما ابيكم
ماابيكم
ام مشعل وهي تحط يدها على رأس ياسمين وتقربها من حظنها:ماتبيني ياياسمين؟
ياسمين بصراخ جنوني :لاتلمسيني ماابي احد يلمنسي
وبعد تنهيده
يارب خذني ودي ارتاح وافتكـ
ام مشعل وهي تبعد يدها عن ياسمين قالت وهي بقمة خوفها على بنتها:استغفري ياياسمين وش هالكلام؟!
رجعت ام مشعل وحطت يدها على رأس ياسمين بحنان امومي
ياسمين بذات الصراخ الجنوني:قلت لاتلمسني لالالالالا تلمسيني.!!
ام مشعل ماقدرت تتحمل حال بنتها بدأت دموعها بـ السيلان
وللي ماقدرت تحملهـ اكثر صراخ ياسمين ومعاملتها السيئهـ معهـا
قامت من سرير ياسمين وهي تبكي.!!!
لاول مره ياسمين تعاملها بـ هالمعاملهـ
لاول مره ياسمين تصارخ عليها
لاول مرهـ ياسمين ترفض قرب امها
لاول مره ياسمين تبكي امها.!!!
طلعت ام مشعل من الغرفهـ وهي تبكي
صادفت مشعل
مشعل شاف دموعها وقال بحنان وبخوف على امهـ:يمهـ وش فيكـ تبكين ترا دموعكـ غاليهـ
ام مشعل بنبره حزينه وخوف:ابكي على اختكـ اللي كل يوم حالها يسوء عن اليوم اللي قبلهـ
مشعل:لاتخافين يايمهـ توي مسكر التلفون من عمر وكملتهـ عن حالها
وبيبدأ علاجها النفسي اليوم
ام مشعل بذات الخوف:ما قالكـ وش فيها
مشعل:مايقدر يعرف وش فيها اللحين لازم يجلس مع ياسمين عشان يعرف وش فيها
بالمطبخ(ببيت ام مشعل)
شوق جالسهـ على كرسي وتحط مكونات الحلا اللي تبي تسويهـ وماتدري من بياكلهـ بالخلاط
تسوي الحلا عشان تلهي نفسها عن التفكير
بـ ياسمين وبــ..............عبدالله!!
ملت تفكير
ملت بكي
ملت شوق؟!
ببيت ام صاـالح
بالامس راحت عن غرفتها
عشان ماودها تتذكرهـ.!
واللحين قاعده تبكي بـ احدى الغرف
حاولو مها ومرام يهدونها لكن بدون فايده
هذا حالها بعد الصدمهـ كل يومها بكى
باب الغرفهـ اللي فيها ام صالح يطنق
ماردت ام صاـالح
انفتح الباب دخلت ساره اللي باين عليها آثار البكي
نزلت راسها للأرض وهي تبكي بصمت
ساره بنبره حزينهـ:يمهـ سامحيني.!
ماردت ام صالـح
وزاد حزن ساره وبدأت تبكي بشده
رجعت تبي تطلع من الغرفهـ
لكن وقفها صوت ام صالح
ام صالح بحنان امومي:تعالي يايمهـ ياساره تعالي
جت ساره وهي مسرعهـ
وطاحت بحظن ام صالح وهي تبكي بشده وتقول:يمه سامحيني
ام صالح بنبره حزينهـ:ليه اسامحكـ يمهـ انتي وش ذنبكـ
ساره وهي مستمره بالبكااء قالت بنبره حزينهـ:انا اللي خليت حالكـ كذا
من ذاك اليوم وانتي ما وقفتي بكي انا السبب انا السبب
ام صالح:لايمهـ انتي مالك ذنب مصيري اعرف اليوم او بكرا وان ماعرفت منكـ بعرف من غيركـ
وفجـأه دخلت مهـا
مها لما شافت ساره ناظرتها بـ استحقار وقالت بغضب:وش جايبكـ عند امي
ساره ماردت لكن اللي ردت ام صالح
ام صالح:بنت جايهـ عند امها وش فيها.!
مها بذات الغضب:يمهـ بس ساره اللي خلت حالكـ كذاو...
قاطعتها ام صالح وقالت بحده:اعرف منها احسن من اني اعرف من غيرهـا
ببيت ابوحـ م ـد
بالامس
حمد طلع بعد مارجع الجوال وخوف مشعل بـ اتصالهـ
وكملو دلال وغدير وغاده سهرتهمـ
واليوم
دلال راحت مع اخوها حـ م ـد
واللحين مافيه بالبيت الا غاده
غاده جوالها يرن.!!
ردت وهي مالهـ نفس
غاده:هلا
ابوحمد بصوت مخنوق:غاده تعالي انا بصالهـ
تـ ـعـ ـ ـالــ ـ ـي وديـ ـ ـ ـني للـ ـمسـ ـ ـتـ ـشـ ـفى
بعد كلمة المستشفى المتقطعهـ
ماسمعت غاده صوت ابوحمد
ركضت لدور الارضي وهي خايفهـ ان ابوحمد صارلهـ شي.!
ببيت ابومشاعل
مشاعل جالسهـ بسريرها ورجلها مجبسهـ وراسها ملفوف بشاش.!!
من اول ماخرجت من المستشفى وهي على هالقعده
تفكر بـ حالها.!!
وبحبها.!
وبـ........خالد؟!!
فكرت كم عدد الخطاب اللي رفضتهم على امل ان خالد يحبها.!
كم مره بكت بسبب خالد..!!
كم سنهـ وهي متعذبهـ بسبب حب خالد
كم وكم وكم..!!!
حست انها معلقهـ نفسها بوهم.!!
وهم ان خالد يحبها.!!
ملت من حبهـ.!!
ملت من عذابهـ
قررت تحرر نفسها.!!!
تحرر نفسها من سجن حبهـ
سجن حبهـ اللي حاكم عليها بالحب المؤبد
قطعت حبل افكارها صوت امها وهي تقول
ام مشاعل:هاه يمهـ تحسين بأوجاع؟
مشاعل:هاه(وبعد مااستوعبت)لا الحمد لله مافيهـ شي؟!
رجعت مشاعل تفكر
وفجأه قالت جملهـ جت بوقت ممكن يكون مو وقتها
جملهـ استغربت منها ام مشاعل؟!!
جملة ياما تمنت ام مشاعل تسمعها
مشاعل:يمهـ انا موافقهـ على راشد!!
ببيت ابوعبدالمجيد
ولد عبدالمجيد يبكيـ بكاء مزعج وهو بِحِجِر ريما
ملت من بكاه وقالت
ريما:يمهـ تراني مليت من هالولد كل شوي يبكي
ام عبدالمجيد بعفويهـ:احسن لكـ تعودي على البزران(الاطفال) من اللحين!!
ريما تذكرت خـالد وقالت وهي تتصنع انها طبيعيهـ:ماودي اتعود بدري على هم البزران
ام عبدالمجيد: وش بدري نبيكـ تجيبين لنا درزن عيال يملون علينا عيشتنا
ريما:لاحقين يايمه لاحقين(وبعد سكوت)المهم خوذي هالولد مليت من بكاه
ام عبدالمجيد:والله مابي شده اقابل بزران عطيهـ الخدامهـ
ريما:بس يايمهـ مايصلح يتعود على الخدامهـ من صغرهـ
ام عبدالمجيد:كنكـ ماودكـ يتعود على الخدامهـ انتبهي له انتي
ريما بقهر:طيب
ببيت عباره عن دور واحد
ناصر وهوماسكـ صورويوريها وليد ورامي :هاه وش رايكـم
وليد وهو ماابعد نظره عن الصور:صااااااااااااروخ(بمعنى جمليه جداً)
رامي: قطـعـــــــه(جملية) بس مو كأنها صغيره!!
ناصر:وانت وش عليكـ صغيره كبيره اهم شي انهـ بنت وتقوم بالواجب!!
ببيت ابـوخ ـالد
خالد:يمهـ خلاص انا ماني منزوج ريمـ~ـا؟!
ام خالد بصدمهـ وهوتوهم نفسها انها ما اسمعت زين:وش تقول انت؟!!
خالد:اللي قلتهـ يايمهـ انا وريما ماـانصلح لبـ ع ـض
ام خالد وهي للحين منصدمه:انت صاحي وش تقول.!
وش عقبهـ تقول هالكلام عقب ما قربت الملكهـ والكل عرف تجي وتقول مانصلح لبعض.!
خالد:بس ريما مومتقبلتي وماراح تحبني!!!
ام خالد:يايمهـ ياخالد الحب يجي بـ ع ـد الزواج و....
قاطعها خالد:بس
قاطعتهـ ام خالد وهي تقول:لابس ولاهم يحزنون ولاتقول لاحد هالكـلام
ترا ان سمعو منكـ هالكلام بتطيح من عيونهم
ببيت ام مششعل
بغرفـة ياسمين
دخل مشعل على ياسمين وهو مبتسم
جلس جنبها وحط يده على ظهرها وهو يقول بحنان اخوي:شلونكـ ياسمين.!
ياسمين بصوت واطي ومبحوح:بخير
مشعل:ماهظنيتكـ انكـ انتي تخلين امي تبكي
ياسمين بتعجب:انا!!!!!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك