رواية طبع الحياة حزن وفرح وطبع الورود شوك وزهور -26
مشاعل وهي تمسح دموعها وتتصنع الابتسامه : جيبوا لي ألحين الكرسي حقي ياوناسه بارجع أبهذلك ياخالد نزلني وطلعني
خالد : أنتي روحي وأختي وعيوني ونور دنيتي وحلاها يالغاليه لو ماطلعتك ونزلتك مين أطلع وأنزل ..؟ أشيلك لو تبغين فوق ظهري
مشاعل وهي تبكي وتمد يدها لخالد يعني ضمني
ضمها خالد وجلست تبكي في حظنه
مشاعل من وهي في ثاني متوسط أنصكت بعين وكل سنتين لازم تنشل رجولها بس لمدة شهر تقريبا وبعدين ترجع طبيعية وتمشي
:
:
بعد مرور أسبوعين وكلن على حاله
يارا وطلال على حالهم
ناصر وأسيل على حالهم
لمياء وماجد على حالهم
غيداء وهيثم على حالهم
ندى وياسر على حالهم
:
مشاعل .. كانت تداوم ع الكرسي مع الجوري في نفس الكلاس وهي اللي توديها وتجيبها
الجوري : وين سواقكم سيارته مو موجوده
مشاعل : الا هذا هو أخوي خالد هو اللي بيوصلنا اليوم
الجوري تصفق وجهها : أجل أنا راح أخليك معاه وبأروح مه ماجد
مشاعل : لا ياشيخة معي معي وفي النهاية تتركيني
الجوري مستحية : لا يختي بس والله مستحيه من أخوك
مشاعل : يا شيخة ماعليك
وصلت الحوري للسيارة هي ومشاعل
نزل خالد وفتح لمشاعل الباب وشلها وركبها السيارة
ركبت الجوري بعد الحاح من مشاعل
خالد : السلام عليكم
مشاعل : ياهــلا
الجوري بصوت واطـــــــــي : وعليكم السلام
خالد بهمس : مين هذي ..؟
مشاعل : الجوري أخت ماجد
خالد : اهــا تتغداء معنا ولا أوصلها لبيتها ..؟
مشاعل بصوت عالي : أفـــا لا والله تتغداء معنا
الجوري منحرجة وبصوت يالله ينسمع : لا والله تسلمين بس لازم أروح البيت
خالد مايدري ليش لمن سمع صوتها حس بشي غريــــــب
مشاعل : موب على كيفك أنا بأكلم أمك
الجوري بنفس الصوت والاحراج : لا ياميشو ماله داعي تكفين
مشاعل : خلاص تتغدين يعني تتغدين
الجوري أستحت من كثر ماتكلمت قدام خالد : طيب
:
وصلوا للبيت نزلت الجوري وأخذت أغراض مشاعل وخالد شال مشاعل ودخلها
دخلت الجوري وجلست مع أم خالد تساعدها في الغداء وتسولف معها
وخالد كان مع مشاعل في غرفتها يكلمها في موضوع ..
مشاعل : لا ياخالد مستحيل لا
خالد : ليش يا ميشو وش ناقصك أنتي ..؟
مشاعل : مو ناقني شي بس خل يصبر لين مايتحسن خالد وأمشي
خالد : ياحياتي طيب هو عارف وضعك ويعرف كل شي عنك ويخصك وراضي باللي انتي فيه
مشاعل ودموعها في عيونها : بس ما أبغى أكون في حاجة أحد وما أبغى أحد يناظرني برحمة وعطف .. وكملت بصراخ : ما أبـغى
خالد وهو يضمها : مشاعل يحبــك وشاريك ويبغاك
مشاعل في نفسها : وأنا أموت فيه بس ما أبغى وأنا بحالي هذا
مشاعل : خلاص أوعدك أفكر
خالد وهو يبوس راسها : يالله أجل بانزلك ألحين عند الجوري عزمتيها وسفهتيها هههههههههههههه
مشاعل : اي والله نسيت منها ههههههههههههههههههههههه
:
طلعت الخدامة غداء خالد بغرفته وأم خالد وأسيل والجوري تحت
جلسوا ضحك وسوالف
بعد الغداء
أم خالد : يابنتي العني الشيطان وأستخيري ربك
مشاعل : يمه يرضيك بنتك تتزوج بهالحال ..؟
الجوري : هااو وش فيه حالك يادافع البلاء !! مافيك شي كلها كم أسبوع وتقومين وتمشين
أم خالد : وهي صادقه وبعدين الولد شاريك
مشاعل : خلاص يمه أتركوني أفكر
أم خالد : براحتك يابنتي
دق جوال الجوري
عزوتي .. يتصل بك
الجوري : أهلين
ماجد : هلا ياعيوني يالله أنا عند الباب
الجوري : يالله دقايق
وقفــلت
سلمت على مشاعل وأم خالد وطلعت
مشاعل بصراخ : أطلعي من مدخل الرجال
الجوري : هههههههههههه طيب
:
:
الآ يالله
ياعالم بحـآلي ..
تزيل الهم عن قلبي تزيله ..!
طلال بألم : خلاص حكموا عليه إعـــدام
يارا شهقت وبحزن : ليش يا طلال وربي حرام
طلال وهو يمسكها من كتوفها ويهزها ويصرخ : يارا هذي عرضي وشرفي هذي أختي قطعه مني
ضربها أغتصبها وضربها ورماها .. ليـــــــــــش مين يرضاها على أخته سمعتها من سمعتي
غيداء تعبت وتألمت ومرضت وبكت .. علشان واحد حثالة حقير مايستاهل
يارا تهدية : طيب روح وأعترف في المحكمة بس أتهمه بقضية شرف حـرام يموت ظلـم حرام
طلال وهو يحط راسه على حضن يارا وبتعب : يصير خير ان شاء الله
:
:
" بأطلبكـ يآ حظ مــرهـ .. خلنيـ أبقى معآهـ لحظهـ "
كانت تمشي مستعجلة تلف شعرها علشان تلبس الطرحة
صقعت فيه بقوه طاحت منها طرحتها وهي تعثرت من الخوف بس هو كان أسرع منها ومسكها من خصرها
صارت قريبة منه مـــــره
هي .. كانت خايفة ماتبغى ترفع راسها ولا قدرت تتكلم
هو .. ماكان مستوعب شي
رفعت راسها وطاحت عيونها في عيونه
بغى ينهبل من جمالها ونعومتها و برائتها
بعدها عنه بخفيف وبهدوء : أنا آسف أعذريني وأمسحيها في وجهي
الجوري كانت مره خايفه : ..................
خالد : ماجد ينتظرك برا .. وكمل بابتسامه وفرح : في أمان الله
ولا شاف الا غبرتها
:
:
من ق‘ـَـال: ح‘َـضّي على الدنياْ مع‘ـًاهدني . . !
مـا ينفع الـ " لـيـتْ " , لــًـَـَـو أقول:يـاليتكْ . . "
أكبر دليل أن هـالدنيــا تع‘ـًـَـَـَـاندني . . !
إني نويتْ أكرهكْ | واليوم ح‘ـًـَـَـَـبيتكْ
في لــــــــندن
ناصر وهو متكي ع المخدة بيده : أسيل
أسيل : هممممم
ناصر وهو يلعب بشعرها : أسيل
أسيل : ..........
ناصر وهو يحوس لها شعرها وبهبال : أسيل أسيـــل أسيــل
أسيل بصراخ : اطلع برا لا انادي لك أبويه
ناصر : ههههههههههههههههههههههههههه
أسيل تذكرت أنها مع ناصر مو مع عبدالرحمن وأولاده
قامت بهدوء وهي مره منحرجه رتبت شعرها
أسيل بخجل : صباح الخير
ناصر : ههههههههههههه ياهلا
أسيل بدلع عفوي : خلاااص عاد نسينا
ناصر : هههههههههههههههههههههههههههه
أسيل بنفس الدلع : نـــــــــاصـــر
ناصر وهو يسحبها لجهته : ياروح ناصر
أسيل بخجل : ولا شي
ناصر وهو يضمها : خليك شووي
أسيل وهي تحاول تفك نفسها : ناصر تأخرت
ناصر وهو يضمها بتملك : مافيه مافيــه
أسيل أستسلمت وبقت معاه
:
:
نهاية الجزء الـ 23
طلال وش راح يسوي مع فيصل .. وهل راح يسقط الحكم عنه ..؟
خالد والجوري وش مصيرهم ..؟
الجوهره ومساعد وش مصيرهم ..؟
ملاك وحسام وش مصيرهم ..؟
مشاعل مين اللي تقدم لها وهي رافضته بشدة ..؟
طبع الحياة حزن وفرح .. وطبع الورود شوك وزهور ..~
الجزء الـ 24 والأخيـــــر
:
:
رغد بلهجة تجنن : بابا ماره يحبني بث ماما لأ
الجوهره بحزن وهي تحطها في حضنها : لا يارغودة مافي ماما ماتحب بنتها
رغد وهي تحرك راسها بمعني ايوه : الا مامتي ماتحبني
الجوهره تضيع السالفة : وش رايك نقوم نلعب ..؟
رغد بفــرح : ايواه
:
كانت الجوهره ورغد يلعبون كوره في حديقة القصر
تحت أنظار أم مساعد وهي طالعة من باب القصر الداخلي
رغد وهي تنطط وبفرح وصراخ : هيييييييييي
الجوهره وهي تنسدح ع العشب : هههههههههههههههه
رغد وهي تروح تنطنط من فوقها : أنا بطـــله أنا بطـله
الجوهره باستهبال : لا مو بطله أنتي بطة
رغد وهي توقف : لالا انا بطله
الجوهره قامت وشلتها وجلست تدور فيها وتطيرها فوق وهي مره مبسوطة
رغد .. 3 سنوات بنت مساعد كانت قمة في الجمال والترتيب والأدب
أم مساعد طلعت بكل هيبة وتوجهت لهم وبفرح : يالله يا أمي يالله يارغوده
رغد وهي تروح لجدتها وتمسك عبايتها وبرجا : ماما خليني أجلث هينا ثووويه بث
أم مساعد : لا ياحبيبتي أبوك يبغى يمشيك
رغد بالحاح : ماما ابغى اجلث هنا ماماااااا
أم مساعد مستغربه أول مره ترفض أنها تطلع مع أبوها
الجوهره : اذا ماعندك مانع ياخاله أتركيها معي اونسها وتونسني
أم مساعد : والله ماعنده ذوق اللي مايشوفك ويحبك
الجوهره تقلب وجهها من الاحراج : كلك ذوق ياخاله تسلمين
أم مساعد وهي تروح وتجلس على واحد من كراسي جلسات الحديقة
وتلحقها الجوهره ورغد
أم مساعد باسلوب : رغد بأكلم بابا وأقول له اذا قال أجلسي خلاص اذا قال تروحين تمشين خلاص ..؟
رغد : طيب
أم مساعد وهي تدق وتشغل السبيكر علشان رغد تسمع وتقتنع
مساعد بصوت كله هيبة : هـلا يمه
أم مساعد : هلا فيك يا الغالي
مساعد : سمي !!
أم مساعد : سم الله عدوك .. أسمع حنا في بيت أم عبدالعزيز الـ .....
ورغد أنبسطت مع بنتهم وودها تجلس معها شوي وأنا باروح البيت .. عادي ..؟
مساعد بخوف : لا يمه اذا البنت صغيرة لا
أم مساعد باعجاب : وش صغيرته الله يهداك هذي بنتهم الجوهره الكبيرة
مساعد من سمع طاريها على طول وافق : ايه أجل خليها عادي
الجوهره مـره حست أنها مشتاقة له مع أن مابينها هي وهو أي شي
بس دائما طلعته في الصبح من طلعتها ورجعتها من رجعته وطريقها من طريقه
كانت في كل مكان تشوفه كان اذا ماداوم للشركة تفقده وبمعني أصح تشتاق له وهو كان نفس احساسها ويمكن أكثر
:
:
تـ ع ـآل تكــفىـآ
وطيح على ( كــتفي )
شمــاغ ــكـ
مشتـــآقه أتنفس أنفــآس ع ـطركـ
وأتدفىـآ بك
ملاك .. مره كانت بس تفكر في حســام ..~
حسام .. ما كانت تفارق باله ..~
الجوري .. دائما تتذكر موقفها مع خالد وتبتسم بخجل ..~
خالد .. كان حاطها في باله وانها له ومو لغيرة ..~
مشاعل .. شللها لأول مره يدهور نفسيتها بسبب خطبتها ..~
...... .. كان ينتظر موافقتها على نار وبينجن لو ترفضه ..~
:
:
بعد العشاء .. أنفــتح باب القصر
والجوهره ورغـد ماحسوا فيه
لـو آلمطـر ’ يغسل " حنيني وَ شوقي’ ~ !
وقفت --------[تحتـہ
من ضحىآ آلآمـسّ " لـ آليومْ *. . . . . . .
كانت الجوهره لابسه برمودا جينز تيشيرت سكري مرسوم فيه بنت بالبني
ولابسه شحاطه سكري وبني و شعرها مربوط ذيل حصان ومسيوة بوف وسط
كانت تلعب مطاردة مع رغد ورغد تطاردها وهي تركض وصراخهم واصل لأخر الدنيا
ماوقفها الا صراخ رغـد : بـــــــــــابــا
الجوهره : ....................
مساعد مره أنحرج ماكان متوقع ان فيه في الحديقة أحد : ..............
الجوهره وقفت تبغى تمشي بس مافي مكان الا من ممر السيارات يعني من عند سيارته
استحت ومشت بسرعة علشان تدخل القصر وهي قدام السيارة مسكتها رغد
رغد وهي تسحبها لتحت : تعالي
الجوهره وهي مستحيه : رغد بعدين
رغد بالحاح : لالا تعاااااااالي
الجوهره وهي تنزل لمستواها وباحراج غير طبيعي : نـعم
رغد ضمتها بقوه
الجوهره مره رحمتها وضمتها مسحت على شعرها وبعدتها عنها
رغد هي تمسك الجوهره وتبوسها : ممكن أجيك بكرة ..؟
الجوهره بحنان : ممكن تجيني كل يوم
رغد : شكرا
قامت الجوهره بسرعة وحطت رجلها للقصر وهي تلوم رغد ع اللي سوته بس كانت تقول صغيرة ماتدري عن شي
:
:
يـــــَـَـَـَـَـَـَـَـَـَـَـــــآ إ آ إ رب مآ طلبتْگ اللآ [ هـــَـَـَـَـَــــــوٍ وٍ وٍ وٍ وٍ !
مشاعل بعد ما أستخارت : يمه
أم خالد : ياعيوني
مشاعل بتردد : أنا موافقة
أم خالد بفرح : الله يوفقك يابنتي ويكتب لك اللي فيه الخير .. طيب حنا أتفقنا مع الولد لاوافقتي يجي بكرة يشوفك
مشاعل : بــس
خالد دخل وهو يقاطعها : لا بس ولا شي أنا عطيته موعد لبكرة وبعدين ياميشو هو داري بحالك وراضي فيك
مشاعل : ..............
خالد : خلاص يالغاليه ..؟
مشاعل بهدوء : خــلاص
:
:
اليـــوم الثــــاني
خالد : يالله ..؟
مشاعل وهي تتمسك فيه : لا لا
خالد : مشاعل وش فيك ترا من عرفته وهو ماقد أكل أحد وتراك بتجلسين معاه اقل شي نص ساعة
مشاعل : نـــص ساعة آسفه و بعدين خلود عن الطنازة عاد بس ما ابغى أدخل .. كملت بحزن : هو يدخل
خالد : مافهمت قصدك
مشاعل يحزن : يعني تشيلني وتحطني في مجلس الحريم بدون عربيه
وهو اللي يدخل .. كملت برجا : الله يخليك ياخالد
خالد وهو مره راحمها : ماطلبتي شي يالله
وشلها ووداها لمجلس الحريم
كانت لابسة تنورة جينز وبلوزه أبيض كانت فاكه شعرها ومو حاطه الا كحل خفيف وقلوس وردي
دخل وهو فــرحان والدنيا مو سايعتة
عبدالعزيز : الســلام عليكم
مشاعل بصوت يالله ينسمع : وعليكم السلام
عبدالعزيز وهو يجلس ع الكنب اللي مقابلها : كيفك يامشاعل
مشاعل وهي منزلة راسها : بخير
عبدالعزيز ومشاعل : ...................
رفعت مشاعل راسها تبغى تشوف خالد ماحصلته
مشاعل تناظر عبدالعزيز والدموع في عيونها ومنحرجة : ويــنه ..؟
عبدالعزيز وهو راحمها : طلع
مشاعل وهي شوي وتبكي : ليـــــش ..؟
قام عبدالعزيز وجلس جنبها : مشاعل لا تخافين
مشاعل رجعت تنزل راسها وهي منحرجة : ...............
عبدالعزيز : مشاعل أنا فهمت من خالد أنك كنتي رافضتيني على بالك اني راح أخذك
علشان أتفضل عليك وعلشان ماتشوفين مني نظرات رحمة وعطف
مشاعل .. كم مره جمعتنا الصدف مع بعض
وفي كل مرة تجمعنا أحبــك أكثر .. وصدقيني ماتقدمت لك ألحين
الا نفسي أكون واقف معك وأساعدك
رفع راس مشاعل وبحنان وهو يمسح دموعها : وعلشان امحي هالحزن والدموع من حياتك
مشاعل : ...........
عبدالعزيز بحنان : ممكن تتكلمين ..؟
مشاعل بابتسامه خجل : وش أقول
عبدالعزيز : أقرب شي على لسانك
مشاعل والدموع ترجع لعيونها وبخجل : الله لا يحرمني منك .. وغطت وجهها من الاحراج ومن نظراته
بعد حوالي ربع ساعة من السوالف والتعارف
عبدالعزيز وهو يقوم : أنا استأذن الحين
مشاعل : الله معك
عبدالعزيز باسها على راسها : فمان الله
مشاعل بخجل : يا هـلا
:
بعد أسبوع من هالأحداث
صارت ملكة مشاعل مــرة كبيرة علشان مافي زواج الملكة وتروح على طول مع عبدالعزيز
وهي اللي كانت طالبة هالشي وما أحد عارضها
:
كانت لابسه فستان أبيض قصير لين تحت الركبة بشوي
كان من الصدر مفتوح على شكل 7 ومن وراء نفس الشي
ومن تحت الصدر شرايط شوي عريضة تنربط لوراء
كان مرة ماسك على بطنها وخصرها ومن تحت نفشه بسيييطه
كانت مسوية شعرها ويفي ومسوية بوف
حاطه ماكياج أحمر خفيف وروح أحمر كانت طالعة قمة في الروعة
بعد العشاء
جابوا لها الدفتر ووقعت وسط تصفيق البنات وتصفيرهم
:
:
عبدالعزيز بصراخ على أبرار : قلت يعني تنزف يعني تنزف وش ناقصها يعني ..؟
أبرار : عبدالعزيز لا تحرجها ماتقدر تمشي
عبدالعزيز بصراخ : مالكم شغل اطلعوا وانا راح أكلمها
طلع الكل من غرفة مشاعل وهي ماكانت تدري
ودخل عليها عبدالعزيز
عبدالعزيز : احم احم
مشاعل : خـالـــ .........
عبدالعزيز بابتسامه : سـلام
مشاعل بخجل : عبدالعزيز
عبدالعزيز وهو يجلس على ركبة عند الكرسي حقها : ايه ياعيون عبدالعزيز
مشاعل : .............
عبدالعزيز : تدرين ليش جاي ..؟
مشاعل : لا
عبدالعزيز : لأن الحين راح أنزف أنا وأنتي
مشاعل : لا ياعبدالعزيز أنا ما أقدر
عبدالعزيز : اقول ومين ضاحك عليك وقال اني جاي أخذ رأيك ..؟
مشاعل : بس ....
شلها عبدالعزيز ووقفها ع الأرض بهدوء
ودخل يدها في يده وبهدوء : حاولي تتركين علي وتمشي
مشاعل حاولت مره مرتين ماقدرت
وبعد تشجيع من عبدالعزيز قدرت تتركى عليه وبمساعده منه انها تمشي
دق على أبرار دقه وقفل
شلها وسط معارضتها بس سكتها
سووا أنوار المجلس خافته ومن الدرج كان مره منور
الكل أستغرب كيف تنزف ..؟!!
أشتغلت أغنيه
قالوا أقبلت بدر الليالي وشمسها
قلنا من أقبل الله علينا من بعيد
قالوا أقبلت أخت القمر بنفسها
تختال بالطرحة كما الطلع النضيـد
قلت هي من جن الأرض أو انسها
قالوا ملاك بس نورها يزيد
قلت اذكروا لي أسمها أو شخصها
قالوا لي كم نزيد فيها وكم نعيد ..؟
خذ في الحكي يزدان بس من حسها
من صوتها تسمع مع الحرف النشيد
فاقت على كل البنات من جنسها
عرسها ذا اليوم ما أحلى عرسها
والله صبرت ونلت الليلة يا عــريس
نزل عبدالعزيز من الدرج وهو شايلها وأول ماشافوه البنات شايلها
قاموا يصفقون ويصفرون ومشاعل كانت مره منحرجة
وصلوا للمجلس نزلها بهدوء وتركت عليه مثل ماعلمها في الغرفة
وهو مساعدها ولاف يده على ظهرها
أول ماشافتها أمها جلست تبكي وهي فرحانه لها أن ربي رزقها بواحد مثل عبدالعزيز
وصلوا للكوشة وجلست هي وعبدالعزيز وهو ماسك يدها بتملك
والمصورة جالسة تاخذ لهم صور
وبعد نص ساعة
سلمت على أمها وسلمت على يارا وجلست تبكي هي ويارا
مشاعل : تذكرين لمن كنتي تقولين راح تكرهين زوجي
يارا : هههههههههههه
مشاعل وهي تبكي : الله لا يحرمني منك ياعيوني
يارا وهي تضمها : ولا منك يا حياتي
سلمت ع الكل وراحت مع خالد وعبدالعزيز للفندق
:
:
راحوا البنات بعد ماراحوا الناس مابقى الا الأقارب
دخلوا مجلس الرجال وجلسوا رقـــص واستهبال
يارا: باروح واجي والله يخلف على أهاليكم باعقل منكم
ملاك بصراخ : باروح أجيب حلى
ندى : وأنا باجي معك
غيداء : باروح اكلم هيثم وأجي
الجوهره : أشغلك هيثم الله لا يشغلنا الا فطاعته
لمياء : ههههههههههههه
:
أم خالد : خل يدخل مجلس الرجال لين يجي خالد
أم مساعد : مابيتأخر خالد ..؟
أم خالد : لا شوي ويجي
أم مساعد : خلاص
:
دخل مساعد المجلس
ورغد جالسه ع الأرض والجوهره قدامها وجالسين يسولفون
ولمياء جالسة ع الكنبة تقلب في جوالها
مساعد : أحم أحم
لمياء أنتبهت ان فيه أحد وحطـــت رجلها
والجوهره جالسة مع رغد
كانت لابسة فستان أسود توب قصير لين تحت الركبة
وتحت الصدر ربطة بيضاء على شكل وردة
وفاكة شعرها باهمال وفاصخة جزمتها " الله يكرمكم " وحاطتها جنبها
كانت حاطة كحل عربي مطلع عيونها خيال
وروج فوشي بدأ يروح
مساعد : أحم أحم
الجوهره : .................
مساعد : قالوا لي انتظر خالد هنا
الجوهره : .................
مساعد : ألــف مبروك ، وعقبآلك
الجوهره قامت بتطلع وهي بتموت خجل من الكلمة
قبل لا تطلع تذكرت جزمتها رجعت بسرعة أخذتها وطلعت
:
وصلهم خالد للفندق وسلم على مشاعل ومشى وتركها مع عبدالعزيز
والله أحس أن لي جناحات وأطيـــر ~ ~
لامن ذكرت .. أنك ذخرت الغلآ .. لي !
خلــــــــك .. وسط قلبي
لو يصير مايصير
كل الخلآيق في وجودك .. ولآ شي ..~
دخلوا الجناح
عبدالعزيز وصل مشاعل للغرفة بالكرسي شلها وحطها ع السرير
عبدالعزيز وهو يسمك يدينها : أولا لا تخافين وربي ماراح أجيك
ثانيا ودك أنا اجيب ملابسك من الشنطة ولا أجيب لك الشنطة هنا ..؟
مشاعل والدموع في عيونها : أبغى أمــي
عبدالعزيز وهو يبوس يدينها : بدينا قلت لك والله ماراح أجيك .. خلا ص ؟؟
مشاعل : ............
عبدالعزيز بحنان : يالله ياميشو
مشاعل بخجل : ممكن تجيب الشنطة ..؟
عبدالعزيز : ممكن ليش لا
قام وجاب لها شنطتها وحطها لها ع السرير
فتحتها طلعت لها بجامه رمادي فاتح حرير
بدي سيور وبنطلون
عبدالعزيز : خلاص ..؟
مشاعل بخجل : ابغى الحمام
عبدالعزيز وهو يشيلها : يالله
دخلها الحمام
مشاعل بخجل : ابغى أغسل
عبدالعزيز مسكها ووقفها عند الغسالة
غسلت وجهها وخلصت شلها تركها في الغرفة تبدل ربع ساعة
بعدين دخل الغرفة
لبست البجامه وتعطرت حطت قلوس
عبدالعزيز بهدوء : خلصتي ..؟
مشاعل حركت راسها بمعنى ايوه
عبدالعزيز : حياتي تتعشين ..؟
مشاعل : لا الحمدلله
عبدالعزيز : براحتك .. تبغين تنامين ..؟
مشاعل بصوت واطي : ايوه
شلها وحطها ع السرير وغطاها
راح مكانه ودخل تحت الغطا باس مشاعل في خدها
وسحبها لين قربها منه ضمها ونام وهو ضامها
:
:
بعد أسبوعين من هالأحداث
في المحكمة
الشيخ : لقد سقط عن المتهم " فيصل ابراهيم عبدالله الـ ..... " موجب القصاص
بقرار رقم 26841 .. بتاريخ 10 11 1429 هـ
وذلك بسبب إظهار تبرئته من قبل الشاهدان " طلال عبدالله سعود الـ ..... " والشاهد " سعد محمد خالد الـ ....... "
وقد تم إدانته والحكم عليه بالسجن لمدة 3 أشهر
والجلد 80 جلدة .. ومن ثم الرجم حتى الموت بسبب انتهاكه لحرمات وأعرض الآخرين واستغلاله لفتيات المسلمين
قام فيصل وهو مو مستوعب كلام الشيخ
ناظر وراه شاف سعد وطلال
فيصل كان يشوف نظرات الحسرة والعتب على وجه سعد
وكان يشوف نظرات الحقد والقهر على وجه طلال
سحبوه العسكر ورجعوه لمكانه اللي حضنه واحتواه
4 شهور وأبوه في هالفترة ماتشرف يسأل عنه لا هو ولا أخوانه
:
:
مشاعل بصراخ : عبدالعزيـــــز
عبدالعزيز وهو يروح لها وهو خايف ومسرع وش فيه ..؟
شافها وأقفه في وسط الغرفة وتبتسم وأول ماشافته ركضت لعنده وضمته
عبدالعزيز بفرح : مشاعل أنتي مشيتي
مشاعل وهي تضحك : ايه مشيت
عبدالعزيز وهو يبوسها : فديت قلبك ماتشوفين شر ان شاء الله
يالله تجهزي علشان نروح نسلم على أهلك وتتجهزين عندهم وأوديكم لزواج مساعد مره وحده
مشاعل : طيب
:
:
الكل فرح لمشاعل وفرح لشفى أم محمد من السرطان
بعد ماقرأو عليها شيوخ وعرفوا أنها مسحورة
ومع استمرار القراءة بدأت حالتها تتحسن
:
فيصل مــات بعد ماحكم عليه بالرجم حتى الموت
أرتاح طلال وحس أنه ريح أخته
:
في قصر طويق في حي السفارات
كان زواج
الــجوهرة & مســــاعـد
أنزفت الجوهره ومساعد مع بعض
وزفتهم رغد
الكل أنبسط لهم
:
طبع الحياة حزن وفرح .. وطبع الورود شوك وزهور ..~
بعد مرور سنتين من هالأحداث
:
يارا : طلال تعال شيل سعود شوي
طلال بشوق : وين عبير ..؟
يارا : أنت شيل سعود وأنا باجيب لك عبير
:
مساعد : رغودة
رغد بفرح : بابا
مساعد : وين ماما ..؟
رغد : مع ديم في الغرفة
مساعد : يالله نروح لهم
:
هيثم : يالله عبوود قول بابا
عبدالله : .........
هيثم : عبيد قول بابا
عبدالله : .........
غيداء : هههههههههههههههه حرام عليك وش اللي بابا
هيثم : هههههههههههههههههه
:
ياسر وهو يدلع بنته اللي توها والده : ياقلبووووش
ندى بفرح : وش راح نسميها ..؟
ياسر : يارا راح أسميها يارا
:
حسام وملاك توهم تزوجوا وكانوا يقضون شهر عسلهم في فرنــسا
:
خالد والجوري
كانوا متهنين بحياتهم لأبعد درجة
وكانت الجوري حامل في شهرها الرابع
بعد ماسقطت المرة اأولى
:
لمياء : روح جيب سلطان من عند أمك علشان ألبسه ونطلع
ماجد : طيب بس دقايق
لمياء : حياتي يالله قووم
ماجد : لازم الرسوم أول شي 3 بوسات
لمياء وهي تبوسه : ههههههه يالله قوم
ماجد : ههههههههههههه طيب
:
أبرار : سعود
سعود : ياحياتة
أبرار : خل نطلع اليوم نتمشى ونمشي عبدالرحمن
سعود : ماطلبتي شي ياقلبي بس بعد المغرب كونوا جاهزين
:
أسيل : ليش سدومتي زعلانه ..؟
ناصر باستهبال : تغار من اللي في بطنك
أسيل : هههههههههههههه لا ياشيخ
ناصر : اسأليها
أسيل : سدومتي ليش زعلانة ..؟
سديم بزعل وهي تأشر على ناصر : بابا
أسيل وهي تضربه على كتفه : وش سويت لها ..؟
ناصر : هههههههههههههه تعالي تعالي أوديك تشترين حلاوى
سديم وهي تفك الكشرة : هيييييييييييي
ناصر : شفتي باراضيها بحلاوى مصاص بس انت ان زعلتي مايرضيك شي
أسيل : ههههههههههههههههههه
:
لؤي تزوج صِـبـا أخت سلطان
:
مشاعل : عزوز
عبدالعزيز : ياعيون عزوز
مشاعل : اليوم موعدي في المستشفى علشان أتطمن ع الولد ونشوف جنسه
عبدالعزيز وهو يبوسها : يارب يكون بنت
طبع الحياة حزن وفرح .. وطبع الورود شوك وزهور ..~
هذي كانت نهاية روايتي البسيطة المتواضعه
اللي أنهيتها بفضل الله ثم فضلكم وتشجيعكم ووقفتكم معي
أتمنى أنها نالت على اعجابكم
وآسفة على أي تأخير حصل مني
أو أي اساءة حصلت مني
وأتمنى الكل يسامحني اذا أخطيت بحقة
:
ولا أنسى أختي وكل دنيتي الله لا يحرمني منها
اللي شجعتني على اني أكتبها وشجعتني أكثر اني أنهيها
تحياتي يالغاليات
دمتم بحفظ الرحمن
أختكم ومحبتكم krkr G!rl
تجميع اسطورة !
اللهم لك الحمد حتى ترضى وإذا رضيت وبعد الرضى ,,, اضف تعليقك