رواية فاقده غالي -2
راح لام ماجد بدارها يواسيها وهو محتاج من يواسيها ويصبرها لكن سبحان الله ايمانه قوي طول الوقت بس يدعي ان الله يزيد صبرهـ
اذن العصر
نزل للصلاة هو وعياله وماجد
طلعوا من الصلاة جهزوا الكراسي ومارسم العزا..
بيت بوماجد وصديقه بو راشد الله يرحمهم فلّتين لاصقين في بعض فصار عزا الرجال واحد
سبحان الله اصدقاء طول عمرهم ع الحلوهـ والمرهـ اذا سافروا يسافرون مع بعض اذا هوّن واحد فيهم هوّن الثاني ويّاهـ
ماتوا مع بعض وصار عزاهم مع بعض...
سارهـ صابتها صدمه لاتبكي ولاتضحك ولاتتكلم ولا تبكي بس تناظرهم لدرجة انهم شكوا ان صار بعقلها شي..
مها صحت من النوم وتناظر حولها وتقول بينها وبين روحها ياالله الحمدلله كان حلم اعوذ بالله من الشيطان الرجيم..
ناظرت الساعه 4 مدري العصر والفجر؟ خليني اقوم اناظر من الشباك اشوف ليل ولا نهار...
فتحت الستارهـ وتشوف رجال عن الباب ويرتبون الكراسي جدها وعمامها وماجد وخوالها كلهم بالشارع!!!
مها:ذول خوالي شنو جابهم من الرياض وليش كل هالكراسي والفرش
لااااهذا موحلم موحلم انا صحيت من النوم ولا بعد نايمه؟؟!!
طلعت من دارها على دار امها مالقتها نزلت الصاله لقت امها وجدتها وخالاتها وجدتها ام ابوها وعمّاتها
وقفت على بنص الدرج اللي وسط الصاله مصدومه
قامت عمتها هدى اللي هي اصغر عماتها اكبر من مها بسنتين تقريباً
مها:هدى شنو جابكم من مكه؟؟!! وخالاتي ليش جايين من الرياض ؟؟!!
شنو هالمنضر اللي شفته بالشارع
انا احلم ولا للحين نايمه
هدى:مها تعوذي من الشيطان تعالي نطلع دارك بدلي ملابسك وننزل مع بعض
مها: يعني اللي انا فيه موحلم؟؟!!
هدى:مها كلنا بنموت ومايدوم الا وجهه سبحانه وتعالى..
ام ماجد:مها اطلعي مع هدى واسمعي اللي تقولك عليه
طلعت مها وهدى ماسكتها بدون ماتنطق بدون ماتنطق بكلمه غير دموعها تجري
عدّت ايام العزا الثلاث وهدى مع مها ماتركتها لحظه.. ومها كل يوم تبكي...
وماجد ياخذ العزا في ابوهـ ويروح ويجي ولايقدرينزل ولادمعه محسوب انه رجال وعيب يبكي قدام الرجال
لاكن بمجرد يرحون الرجال ويطلع دارهـ يسكر الباب ويبكي ويطلع كل الي بقلبه...
مها تذكرت سارهـ :ياالله نسيت سارهـ مدري شلونها ولاهي ماسألت
هدى: طيب خلينا اليوم نروح لها منها نعزيهم ومنها نشوفها
طلعت مها وهدى على بيت اهل سارهـ عزوا امها وسألوها وين سارهـ؟؟!!
ام راشد:سارهـ شكلها صار فيها شي لاتكلم احد ولاترد على احد
هدى :وليش تاركينها
ام راشد:والله يابنتي انشغلنا انتي شايفه شلون الوضع
مها:خاله انا بطلع لها في احد بطريقي
ام راشد: لامافي احد كلهم طلعوا
مها وهدى طلعوا لسارهـ
مها : سارهـ شفيك مابتسلمين علي
سارهـ تناظر مها بدون ماترد عليها ولاكأنها سمعت كلمه
مها:سارهـ تكفين ردي علي اللي فيني يكفي جيتك محتاجتلك محتاجه اسولف وياك...
سارهـ ولاتنطق بكلمه نزلت مها وقالتلهم لازم احد يشوفلها طبيب البنت حالتها ماينسكت عنها
اخو سارهـ وزجته خذوها للطبيب وحولهم على طبيب نفسي والحمدلله استاجابت للعلاج بعد شهر من وفاة ابوها كل اللي كان
فيها تراكمات نفسيه, وصدمه ,من وفاة ابوها ومن حبيبها ..اللي عاشت من طفولتها تحلم فيه فارس احلامها اللي بتعيش وياهـ
ملكة بعرش قلب حبيبها ...فارق السن بينهم كبير, لاكن الحب مافيه فروقات سن ولاطبقات مستوى..
خمس سنوات وهو بعيد ,عنها ومايتقابلون الا في الاجازات كان يدرّس بالمنطقه الشماليّه
اقنعها انهم يتزوجون وتعيش معاهـ هناك...هي واقفت بدون تردد ماكنت تدري شنو اللي ينتظرها هناك تزوجت وسافرت وياهـ
وكانت الصدمه حبيبها يتعاطى مخدرات حشيش هيروين وكل شي قدام عينها.......
انواع العذاب شافته منه كرهت حياتها منه ,انقذها الجيران وخلوها تكلم اهلها يجون ياخذونها
لأنه مانع عنها اي وسيلة اتصال عشان ماتشكي لهم ويجون ياخذونها...
ياالله شكثر كانت تعاني ماتنلام تجيها هالصدمه من بعد كل العذاب اللي شافته وهي وقتها ماوصلت سن الـ17
ظلمت نفسها بموافقتها لاكن كان حبه عامي قلبها..
رفع ابوها قضية خلع بالمحكمه عشان تطلق سارهـ من نواف لانه رافض يطلقها
لكن القدر كان أسبق مات ابوها قبل اصدار حكم الطلاق....
وهذا اللي زود صدمة سارهـ....
مها وسارهـ كل يوم يزورون بعض كل وحدهـ تشكي للثانيه همّها يبكون يطلعون اللي بقلوبهم
واخر اليوم كل وحدهـ ترجع بيتهم
مها تعلقت باخوانها اكثر وخصوصاً مهند اصغر اخوانها لانه وقت وفاة ابوها كان عمرهـ اقل من السنه اوقات كثير تاخذهـ ينام ويّاها
لدرجة صارماعاد يفرق بينها وبين امه اوقات كثير يقول لـ مها ياماما دايم تحاول تعوظه حنان ابوها تفكر انه مايعرفه ولاحتى يذكر شكله
مرّت 4اشهر و10أيام خلصت ام راشد وام ماجد العدّهـ!!!!
ام راشد عيالها كبار.. وحياتها بتكون اهون بكثير من ام ماجد اللي كل عيالها قاصرين مالها احد في جدّهـ منو بيدير باله على عيالها
اكبرهم مها بنت وبعدها ماجد يمر بفترة مراهقه يعني التعامل بيكون معه وايد صعب....
صحيح ان الأب عامود البيت ان طاح طاح البيت كله
ياترى شنو راح يصير في ام ماجد ؟
شنو المصير اللي بيواجههم؟
وسارهـ من بيتابع قضيّتها ؟
بتطلق ولا ترد لـ جحيم لـ نواف؟
احداث ومواقف كثير انتظروها بالجزء الرابع
الجزء الرابع
انتهت السنه الدراسيّه كلهم نجحوا وماشاء الله مها وسارهـ معدلاتهم ممتازهـ رغم الضروف الصعبه اللي مروا فيها
مها: تصدقين ياسارهـ اول مره اتمنى ان الدراسه ماتخلص ولاابي الاجازهـ..
سارهـ: صدقتي يامها كل سنه ننتظرها عشان نسافر ونستانس محد ماطالع فينا هالسنه لانسافر ولانقعد..
مها:ياربي شكثر اعاني مدري شلون بتعدي هالصيفيه..الله يرحمك يبه ويصبرني على فراقك..
سارهـ :ع الاقل انتم بتغيرون جو وتروحون الرياض لخوالكم..
قاطعتها مها: وععع تدرين فيني شكثر اكرهـ الرياض بالذات عند خوالي معقدين بشكل ماتتخيلنه ..
كل شي عيب كل شي ممنوع الظاهر لواروح هناك مابتسمعين الا الخبر بالجرايد (انتحااااار فتاة في العقد الاول من عمرها ....
سارهـ تقاطعها :هييييييي مجنونه انتي لها الدرجه الحياة عندهم صعبه
مها:يمه يمه يمه وربي يضيّقون الخلق الساعه 9العشا 10 ماتسمعين صوت بالبيت لاكبير ولاصغير الكل نايم وياولهم تنحط السفرهـ
وواحد فيهم ناقص مومثلنا كل ماقام واحد من النوم ياكل على راسه..وياويلك تقولين مالي نفس تسمعين لك دش كلااام على كيف كيفك
سارهـ:اعوذ بالله فيه بشر هالايام بهالطريقه شلون عايشين!!!!!؟؟؟؟
مها:شفتي شلون وتقولين لي تغيرون جو..الانروح نندفن ونرد مرّهـ ثانيه
سارهـ:بس خالك عندهـ بس بنات بسننا يعني بستانسين ويّاهم..
مها:يووووهـ سارونه اي وناسه معقدين ويخاوفون من ابوهم تخيلي لاعندهم جوّالات ولاعندهم نت وممنوع يزورون صديقاتهم
سارهـ:اعوذ بالله ..الله لايطرحني عندهم ولايحدك عليهم ..
مها:اللهم آميييييين يارب ... اقول يادبا خذتنا السوالف بروح البيت
سارهـ:ويين؟؟؟ تو الناس الحين اجازهـ بعدين امك للحين مااتصلت..
مها:وانا بنتظرها لين تتصل؟؟مابيها تقعد بروحها فترهـ طويله المفروض اكون وياها على طول
سارهـ:انزين ومتى بشوفك؟؟
مها:اما عاد مافي بينا غير باب وتقولين متى ؟ تعالي انتي بأي وقت مو تنتظريني اني اللي اجيك..تراني عطيتك وجه مافيه الكفايه..
ساره:ههههه غصب عنك موبكيفك..
مها تضربها بالمخدهـ :اقول لاتكثرين بس يالله باااااااي
سارهـ :بااااااي
الحمدلله بدت ترتسم علامات الابتسامه على وجه سارهـ ومها رغم الحزن لفراق اغلى ماعندهم
راحت مها على بيتهم ولقت امها واخوانها بالصاله راحت تجري على مهند وشالته وجلسته بحضنها وقعدت يم امها
ام ماجد:غريبه ماطولتي عند سارونه العادهـ اذا رحتي لها تنسين روحك ولانشوفك الا الصبح
مها: والله القعدهـ وياها ماتنمل بس مابي اخليك بروحك ومهند وحشني مووووووووت فديته ياناس ماقدر ابعد عنه دقيقه
يناظرها مهند ويضحك ويضمها..
ام ماجد حست بتغيّر مها بعد ماكانت غير مباليه بشي ولا تفكر بأحد وبينها وبين روحها تقول الحمدلله يارب دووم للأحسن
مها: يمه كأنك مابغيتيني ارجع من عند سارونه احس وجودي غير مرغوب فيه
ام ماجد:لالالامن يقول خليك ماصدقت اشوفك كأنك حاسه فيني ودي اسولف مع احد
مها:يمه احس في شي مضيّق خلقك وودك تقولينه..
ام ماجد: ماكو شي بس خالكـ مباركـ بعد بكرهـ جاي جدهـ..
مها: الله يحييه عادي مو اول مرّهـ يجينا ...
ام ماجد: بس هالمرّهـ جيّته غير عن كل مرّهـ...
ام ماجد تدري ان مها ماتحب تروح الرياض وبالذات عند بيت خالها...
مها:يمه شلون غير... بليييز ياليت توضحين
ام ماجد:يبينا نترك البيت ونروح ويّاهـ ونعيش على طول عندهم ..
مها:نعم نعم هو بكيفه!!؟؟ اصلاً مله حكم علينا وبأي حق يبينا نروح ويّاهـ؟؟
ام ماجد:شلون ماله حكم امبلا له حكم ونص
يامها بالعقل مالنا احد هني اهل ابوك بمكه واهلي بالرياض وانا ماقدر اتحمل اتحمل مسؤوليتكم بروحي..
مها مامسكت روحها وبدت تبكي:يمه نترك بيت ابونا وذكرياتنا الحلوهـ ونروح!!!؟؟؟
طيب ان كان ولابد نطلع نروح نعيش بمكه يمه انتي تدرين شلون الحياة صعبه في بيت خالي
ام ماجد:والله يامها لو هو ودي ماترك البيت اللي عشت فيه احلى ايام عمري
مها: وماجد عندهـ خبر بهالشي ؟؟
ام ماجد: ايه قلتله وزعل وطلع يقول بينام
مها: يابخته بقلبه المفدغ كل مازعل نام
ام ماجد:حرام عليك اذكري الله وش بيده يسوي المسكين
مها : انا طالعتله
ام ماجد:مها الله يخليك فكينا من المشاكل بلاهواش الحين بتحطين حرتك فيه
طلعت مها طايرهـ على غرفة ماجد
مها: ماجد ماجد
ماجد:اعوذ بالله شتبين شعندك انتي
مها: انت تدري انا بنعيش في الرياض
ماجد:ايه ادري قالتلي امي قبل شوي
مها:شنو رايك؟
ماجد:تدرين فيني ماحب الرياض وبالذات هالعله خالك وعياله
مها: والحل؟؟؟؟؟؟؟
ماجد: والله مدري يامها يحلها ربي سبحانه
مها:يابرووودك ياشيخ
ماجد: شنو بيدي اسوي قومي بس طفي النّور واتركيني انخمد...
مها:ولك نفس تنام؟؟
ماجد: روحي حتى انتي نامي يقولك اذا كثرت همومك كبّر المخدّهـ
روحي بس روحي
قامت مها تبكي والدنيا كلها ضلمه قدامها راحت غرفتها
طلعت ورقه وقلم صارت تعشق الكتابه
كيف أرثيك يا أبي وأنت عمري وصديقي الحنون ....
ماذا أقول وفقدانك كاد أن يصيبني بالجنون
مــــــــــــاذا أقول لك والكلام يهرب مني ....
وضاعت حروفي ولم يبق مني إليك سوى الشجون
أبي حبيبي خطفك الموت وأنا بحـــاجة لصدرك ....
أرتمي عليه لأنسى مشــــاكل أيامي والسنون
أصبحت الدنيا برحيلك عنـــــا صحراء مقحلة ....
وأصبحت ليالي طويلة وغاب عنها نوم الجفون
ماذا أقول والحزن يعصرني وحزني ما هرب مني ....
يوماً حتى بفرحي كانت دمعتي ترقق بـالعيون
كيف لا وكل من عرفك قـــــــالوا رحمك الله ....
*********************
نامت مها وعيونها غارقه مخدتها ياكبرهمّها وياكبر ألمها....
ياترى شلون بتتصرف مها عشان مايتركون بيتهم وعيشون بالرياض؟
هل بيتدخلون جدها وعمامها؟
وشلون بيكون موقف سارهـ اذا عرفت ان اقرب انسانه لها بتتركها؟
مواقف واحداث كثيرهـ في الجزء الخامس
الجزء الخامس
مها:الوو يبه شلونك<<تقصد جدّها..
الجد:هلا مهاوي شلونك حبيتي وشلون اخوانك؟؟
مها والعبرهـ خانقتها:ماحنا بخير يبه..
الجد:افاا خير يمّه شنو فيكم صاير لأمك واخوانك شي؟؟
مها:لايبه بس خالي بكرهـ جاي جِدّهـ ويقول يبي ياخذنا نعيش ويّاهم بالرياض..
الجد:ايه اتصل علي من كم يوم وقالي ..
مها:يعني شلون انت راضي نبعد عنكم ونروح معاهـ راضي انّا نهجر بيت ابونا اللي تربينا فيه.....
الجد:لاوالله يمه ماني راضي لكن خالك بعد محد يلومه..
مها:شلون محد يلومه هو مو وكيل علينا عشان يتحكم فينا وين نعيش ..
الجد:خالك خايف عليكم وعلى مايقولون الخال والد ..
مها:من شنو بيخاف علينا حنا مو بالشارع جالسين في بيتنا وحولنا ناس والنعم فيهم وانت وعمامي ماتقصرون كل يوم واحد فيكم يجي يمّنا..
الجد:مها انتي تعرفين امك بعدها بعز شبابها وانتم كلكم قاصرين ومحد من محارمها قريب منها..
مها: ليش يعني مو واثقين في امي ؟؟امي اشرف من اي احد يتكلم عليها ومستحيل تفكر او تناظر لغير ابوي الله يرحمه
الجد: يامها شفيك انتي مافهمتيني امك مستحيل تغلط لاكن انا قصدي كلام الناس اللي مايرحم ..تدرين عاد انتي يبيلك قعدهـ عشان افهمك
بكرهـ ان شاء الله من قبل العصر بكون عندكم..
مها: طيب ننتظرك باي
الجد:في امان الله يابنتي
مها سكرت الجوال وهي كارهه روحها.....
يابوي ليتك حيّ وتشوف حالي
تشوف وش هو صار من بعد فرقاك
صار الوطن بعدك من الناس خالي
صار... ( الوطن غربه ) بعد مافقدناك
يابوي أنا بعدّك سهير الليالي
مقهور من دنيّاي منّا.... ومنّاك !
حدتني الدنيا وأنا راس مالي
إني ... عزيز النفس . مثلك وشرواك
مافيه شيٍ في حياتي صفالي
حتى . الورود . إن جيتها صارت أشواك
أطيح واحمولي عليّه إثقالي
وأتخيلك مديت لي كف , يمناك
بعدّك ولامره ترى إرتاح بالي
أصفّق على كفي ندم وآتحراك
من ضيقتي ياكّم أصّدق خيالي
وأقوم أدوّر عنّك وآقول ب القاك
أضيع بالعالم وهمي سؤالي ؟
هو أنت ؟ وينك ؟ ليه ماعاد شفناك ؟
أدري لو إنك حي ياعز غالي
يمديك.. تفزع قبل.. ماجيك وانخاك !!
ويلاه , ياحالي وماهو جرالي
ويلاه , ياقلبٍ تعذب في طرياك
ويلاه , يابويّه من اول وتالي
لا...... والله.. أول.. كان.. ينجيني إدعاك
واليوم من بعدك وش اللي بقالي
غير إني أدعي ربي يغفر خطاياك
يالله حطّه وسط منزال عالي
في جنة الفردوس يارب الافلاك
واغفر ذنوبه ياعزيز الجلالي
وشرح لي صدرٍ ضااااااق من جّور دنياك
اتصلت مها على سارهـ وقالتلها بالسالفه....سارهـ تفاجئت وكان الخبر عليها مثل الصاعقه
سارهـ جالسه بروحها بغرفتها:ياربي وش اللي قاعد يصير فيني
سافرت اختي اللي كانت ونيستي ..انصدمت في اللي عشت طول عمري احبه...مات ابوي ..والحين مها تؤام روحي بتتركني
ياربي شكثر بتحمل ليش قاعد يصير فيني كذا ليش .....استغفر الله العظيم اللهم جرني في مصيبتي واخلفلي خيراً منها
مراليوم كله ومها مابين امها وماجد واتصالات على على عمامها تدور على حل مايخليهم يتركون البيت!!!!!!!!!
مها ودها ان الوقت مايمشي عشان مايجي باكر اللي بيجي فيه خالها وينزعهم من ذكرياتهم اخذت مهند وجابته غرفتها وجلست تلعب ويّاهـ
لحد مانام ونامت ويّاهـ
صحت على نور الشمس بغرفتها نست تسكر الشباك قبل تنام تذكرت يوم تصحى ونور الشمس بغرفتها ويكون ابوها هو اللي يصحيها
ابتسمت على هالذكرى لكن سرعان ماختفت الابتسامه تذكرت بانه بتترك هالمكان بذكرياته الحلوهـ...
قامت وسكرت الشبّاك وغطّت مهند راحت تدور بالبيت وتتأمله ماتدري شنو تسوي مابيدها حيله ...
ام ماجد:مها غريبه قاعدهـ بدري اليوم ..
مها:من الهم اللي فيني مو عارفه انام..
ام ماجد: مها بيتنا ذا محد راح يبيعه ولا يتصرف فيه وبنجي فيه بين كل فترهـ والثانيه...
نزل ماجد من غرفته: ياحلاوهـ الحبايب قاعدين اليوم من بدري..
مها:غريبه انت بعد قاعد هالحزهـ ..
ماجد: مواعد واحد من خوياي بيمرني بنطلع أبحر...
ام ماجد: ماشاء الله رايح وبدون ماتسأذن ولاتعطيني خبر
ماجد:هذا انا قلتلك الحين ..
ام ماجد: لومالقيتني قدامك ماقلتلي...
ماجد:لو مالقيتك هني بطلعلك بغرفتك ولا بتركلك مسج...
مها :يابرود ك انت ووجهك واثق اني امي بتخليك تروح ؟
ماجد: انتي اسكتي ومالك شغل الدنيا اجازهـ الحين وش تبوني اقعد اسوي عندكم؟؟
مها :مومحسوب انك رجال البيت ولانسيت وصية ابوي الله يرحمه ؟
ماجد :ورجال البيت يقعد يقابل الحريم مايطلع ؟
ام ماجد: خلاااااااص انتي وياهـ خروج من البيت ياماجد مافي سمعت ولالا؟
ماجد: ليش يمّه وش اقول للشباب اللي واعدتهم؟؟ اقول امي حلفت علي اني ماطلع ويّاكم؟
ام ماجد: قول اللي تقوله لاكن خروج مافي يعني مافي عشان مرّهـ ثانيه تشاورني من بدري ..
ماجد:هو باقي في ثانيه وثالثه مو باخذنا اخوك وياهـ ويقبرنا عندهـ بالرياض ...
ام ماجد:تأدب ياقليل الأدب مابيربيك الا خالك شوف عياله ماشاء الله عليهم كلهم متفوقين بدراستكم..
ماجد جوّاله يرن :والحين شلون هذول الشباب وش اقولهم ؟
مها:طنشهم لاترد وقول راحت علي نومه..
ماجد:انا قلت انتي مالك شغل ولا ببيصيرلك شي ماشفتيه..
مها :تكفى تراك خوتني بالحيل ..
ماجد:يمّه سكتيها ولابيصير شي موزين اليوم..
ام ماجد:مها اطلعي غرفتك بسرعه ..
مها :حاضر يمّه بطلع ..
ام ماجد: وانت بعد اطلع غرفتك بسرعه وطلعه مافي يعني مافي ..
ماجد :يمّه انا ماني بزر..
ام ماجد:اللي يتصرف تصرفاتك بزر ونص اطلع اشوف قدامي..
مها في غرفتها جالسه تفكر ان بعد هالموقف اللي صار من ماجد بجد مايصلحون بدون رجال كبيرعليهم يضبط البيت ماجد مراهق
ويبيله من يتعامل ويّاهـ بحكمه...
آآآآهـ يبه لو تشوف الحال عقبك شلون صاير؟!!!!!!!!
ام ماجد دخلت على مها بغرفتها :مها قولي للشغاله تنزلك الشنطه الكبيرهـ وجهزي اغراضك فيها نبي يوم يجي خالك وكل اغراضنا جاهزهـ
مها:يمه اليوم بنسافر؟؟
ام ماجد: الليله بنشحن العفش وباكر رحلتنا الساعه 4الفجر
مها حاسه وعيونها مليانه دموع :ان شاء الله يمه الحين ابدا اجهزها..
طبع الليالي بالسعادة قصيرة الله يذكر من فقدناااااااااااااااااااهـ بالخير .....................
وصل خالهم مباركـ ووصل جدهم وعمامهم عشان يودعونهم
الجد: ياولدي يامباركـ الحمل عليك كبير وليتك توافق وانا اخذهم عندي بمكه عندي البيت كبير وبخليلهم شقه بروحهم....
مباركـ: والله ياعم بو يوسف اختي ماعاد لها احد هني ولااقدر اخليها واذا على عيالكم من حقكم تاخذونهم.....
الكل انصدم من كلمته..
الجد: عيالنا على روسنا ..
ام ماجد قاطعته: لامستحيل اترك عيالي واسافر لاياعمي الله يخليك تكفى لاتحرمني منهم..
الجد:ماعاش من يحرمك عيالك ياام ماجد شوفي المكان اللي يريحكم وانا سدّاد هني ولابمكه ولا بالرياض..
ام ماجد: عساك ع القوهـ ياعمي الله يطولنا بعمرك يارب..
مباركـ :وعندي ماعليهم قصور ووقت ماتبون تشوفون عيالكم حياكم الله اي وقت..
الجد:ماتقصر ماعليك زود يابومنصور..وان شاء الله بين كل فترهـ والثانيه بنجي نشوفهم ..
مها سااااكته طول ماهم يسولفون خايفه تنطق بكلمه وتنزل دمعتها
ودعهم الجد وعياله وعطوهم بطاقه صراف في مبلغ اذا احتاجوا شي يصرفون منه غير انهم كل شهر بيحولون لهم مصروف
ام ماجد: مها انا رايحه بيت ام راشد بسلم عليها قبل نسافر ماتبين تروحين وياي تسلمين عليها..
مها: لايمه ماقدر اكرهـ لحظات الوداع روحي وسلمي عليهم بس لايطرون لسارهـ سفرتنا الا بعد وصولنا الرياض..
ام ماجد: اخاف تزعل عليك سارهـ مايصير نسافر بدون ماتشوفينها..
مها: لايمه الله يخليك ماقدر ماقدر ماقدر..
ام ماجد: كيفك براحتك انا رايحه ..
ودعت ام ماجد جارتها ولاشافت سارهـ كانت في بيت خالتها بمكه عندهم حفل تخرج لبنتهم..
الكل في البيت نايم يستعدون للقومه من قبل الفجر للرحله الا مها مانامت ..
تدور وتصور البيت نسيت اقولكم ان مها عندها هواية التصوير وتحب دايم تشتري اي كاميرا نوع جديد..
ام ماجد: مها مانمتي ..
مها:لايمه ماجاني نوم ..
ام ماجد حاسه في مها وماحبت تكثر عليها الكلام:زين يالله قومي توضي والبسي ماني نتأخر تروح الرحله علينا..
مها تذكرت يوم كانت دايم بيسافرون سياحه ماتنام لانها مبسوووطه بالسفرهـ لكن هالمرهـ السفرهـ غييييييير شتّان كبير
قامت مها وبدلت ملابسها وتوضت للفجر ونزلت وهي تسحب رجولها وتناظر كل زاويه بالبيت وتودعها..
في السيارهـ في طريقهم للمطار مها تكتب مسج لسارهـ
بي ضيقة ودعت اليوم غالي
اسهر من افراقه ايام وليالي
ودعني ودموعه على الخد سالن
وقالي لي مانساك لو طال المطالي
بس كيف بصبر على اشواقي وبصبر
والحب في عروقي وروحي وحالي
كم قلت له يالظني لابد نصبر
محال نبعد ونتفارق محالي
********************************
شنو بيكون موقف سارهـ اذا قرت المسج ؟
وشنو بترد عليها اذا عرفت انها سافرت وما ودعتها؟
شلون بتكون حياة مها الجديدهـ في الرياض ؟
تابعوا الجزء السادس لمعرفة كل ذالك
الجزء السادس
فتحت سارهـ المسج قاعدهـ تقراهـ انتفاجئت ومافهمت قصد مها!!!!!
اتصلت على مها لقت جوالها مسكر ...وهو مو مسكر بس محولته موجود...
لانها كانت متأكدهـ ان سارهـ بتتصل عليها ومابتعرف شنو تقولها
خصوصاً انها مع خالها وخالها مايحب احد يكلم وهو موجود...
سارهـ كتبت مسج لمها :مها شنو السالفه وليش مسكرهـ تلفونك؟
جاها تقرير للرساله انه تم التسليم !!
تفاجأت سارهـ وعرفت ان جوال مها مومسكر محولته موجود
حست سارهـ ان في شي موطبيعي قاعد يصير خصوصاً انها مها مادقت عليها طول اليوم غير مرهـ وحدهـ
طلعت من غرفتها بتروح تسأل امها لو اتصلت مها ولا سألت عنها اليوم لقت امها تصلي الفجر انتظرتها لين ماخلصت
سارهـ:تقبّل الله يمّه..
امها :منّا ومنك صالح الأعمال يابنتي..
سارهـ:يمه مها ماتصلت عليك اليوم ولا سألت عنّي..
امها عرفت ان سارهـ ماتدري ان مها سافرت وان مها ماكلمتها..
سارهـ:يمه شفيك سألت ولالا
امها:يمه سارهـ مها سافرت الرياض..
سارهـ:سافرت من غير ماتسلم علي ولاحتى تعطيني خبر؟؟
ام سارهـ:خالهم جاهم فجأهـ وكل شي صار بسرعه ..
سارهـ :حتى ولو المفروض تتصل على الأقل وتقولي ..اوريها انا بس خلي ترجع وتشوف..
ام سارهـ:ياسارهـ هم سافروا على طول الله اعلم متى بنشوفهم مرّهـ ثانيه...
سارهـ: شنووووو؟؟؟؟سااافروا ....
سارهـ بدت دموعها تنزل ..
ام سارهـ :ام ماجد جاتني ودعتني وقالتلي ان مها ماتقدر تجي وتودعنا...
سارهـ:راحت غرفتها وهي تبكي فراق تؤام روحها ...
اتصلت على مها ونفس الشي محوله رقمها..
كتبتلها مسج:
يا محلي الأيام إلى قضيناها فيها الوفى دام واشلون ننساها...
يا الماضي عنا وين ايامنا الحلوة راحت بغمضت عين ولا لنا سلوى..
يادمعة في العين يا شوق في قلبي...
آهـ آهـ آهـ آهـ
ترى التصبر زين يكفي سلا ربي ...
مها حست بهزة الجوال بشنطتها وقتها توهم صاعدين الطائرهـ
اول ماجلست بمقعدها طلعت جوالها وقعدت تقرا مسج سارهـ نزلت دمعتها .....
الاعلى صوت خالها :يعني ماتدرين ان في الطيارهـ الجولات تتسكر ولامتستغنين عنه؟
مها ساكته ولاردت عليه اكتفت بنظرهـ لأمها بس سكرت جوالها ودخلته بالشنطه..
امّها حست بنظرة مها لها وكأنها تقولّها هذي اولها...
اعلنت الرحله باقلاع الطائرهـ وقتها مها حست بأن رحها هي اللي بتطلع تنهدت وهي تشوف منظر جدهـ لين حجبت السحب بينهم...
سارهـ في غرفتها طلعت البومات الصور واشرطة الفديو اللي فيها ذكرياتها مع مها في سفراتهم وحفلاتهم تبتسم اذا شافت لقطات للعبهم وهيصتهم
وتبكي اذا تذكرت انها مجرد ذكرىاااااااااااا لم يعد لها وجووووود...
وصلت مها واهلها مطار الرياض لقوا ولد خالهم يستقبلهم اخذهم على بيتهم اللي كان قصركبير اضعاف البيت اللي كانوا فيه..
عند دخولهم كانت الساعه داخله على 9الصبح مها دايخه سهرانه وجايه من سفر ونفسيتها تعبانه محتاجه ترتاح بمكان بروحها..
مها :يمه انا تعبانه ابي ارتاح وين بنقعد؟؟
ماجد:وانا برتاح كرفنا اخوك وانا اشيل واحط بالشنط ماكنه بالعز ذا كلّه مدري ليش مايجيبله سواقين وخدم..
مها :هههااي حبيبي ذا اللي القصر اللي انت تشوفه بس عشان يجمع فيه اكبر عدد من الأرواح اخوانه المتزوجين وامه وابوهـ واخواته المطلقات والأرامل..
ماجد: ومن قرادتنا صرنا من الارواح اللي مجمعهم عندهـ..
ام ماجد:خلاص انتي وياهـ تعالوا كلكم داري فوق لين مانشوف خالكم شنو بيقرر وحسابكم بعدين على سوالفكم..
مها وماجد ناظروا بعض يبستمون..
مها: الظاهر تجاوزنا الخط الأحمر...
ماجد: الا اكيد وانتي اللي بديتي..
طلعوا كلهم دار امهم اللي عبارهـ عن جناح غرفة نوم كبيرهـ بصالتها وصالون جلوس..
راحت مها على السرير واسترخت عليه وشغلت جوالها وقعدت تعيد وتقرا برسالة سارهـ وكل ماقرتها بكت...
تشتد الريح في يومي العاصف .......... تتلاطم أمواج البحر و العواطف
تاهت الآهات اختفت الشطئان ..... فما من واصف
اختفى صوتي في زمجرة ..... للرعد القاصف
تلاشت ملامحي .......... في وميض البرق الخاطف
اختلطت دموعي بالمطر الهادر ..... لا اعلم من منا الخائف
سقطت على الأرض مهشمة .....كأني جذع شجرة هالك
تبعثرت أوراقي تناثرت............... خصل شعري في طرقاتك
كانت تسمعني ..... تراقبني ...... تسير ورائي
تناديني من وسط الحطام ........ أراها تحبوا بجواري
سقطت علية تلمم جراحي ..... تجمع أوراقي .........تجدل ضفائري
ألقيت راسي على صدرها ..... مت للحظات...... وثواني
أفقت على قبلة الحياة ...... عن كف تمسح الألم ..... ومما أعاني
رفيقتي يا توأم روحي ………… يامن تشاركني الهموم والأماني
اقبلي كلماتي إنها نبض أعماقي……. سعادتي تكتمل برئياكي
يا وجه القمر المشرق ….. أضئت لي دروب حياتي
لن توفي حقك كلماتي …… في وصف قلبك الصافي
إنها صديقتي .... إن أقبلت ..... هدأت الرياح وراحت نسيم وأماني
تنادينا..... تباكينا ..... تناجينا .......كأن السنين ....ثواني
اليكي أبوح يا من ............ تقاسمني نفسي ..... وتداوي بيدها جراحي
من غيرك يمسح دمعي .....؟؟؟؟
اهرب إليك من أيامي ...... سهرنا الليالي .....أجدك أمامي
يا بهجة العمر والليالي ...... يا زهرة المودة والوفاء....لن أنساكي
يا دفئ الأيام والليالي .....يا تغريدة الطير ....وغناء الجواري
يا ريح المسك ....وعطر الليمون .... يا ....
رفيقتي يا توأم روحي ………… يامن تشاركني الهموم والأماني
اقبلي كلماتي إنها نبض أعماقي ……. أنتي سر حياتي
نامت بعد مارسلت لسارهـ هالكلمات والجوال بيدها ووجها غرقان دموع...
ماجد نايم على الكنبه اللي بصالون الجناح
مجد ومازن ومهند بعد ناموا ...
ام ماجد والشغّاله يطلعون الاغراض اللي بالشنط ويرتوبنها
الخال مباركـ:وين مها وماجد مايساعدونكم
ام ماجد: ياقلبي عليهم ناموا تعبانين من السفر
مباركـ: ليش هم جاو يمشون من جدهـ للرياض جايين بطيارهـ كلها ساعتين الاربع وهم هني
ام ماجد: لاكن هم ماناموا تعبانين..
مباركـ : وشنو يقعدون يسوون طول الليل ترا هني نظام سهر مافي انا ماجبت عيالك عشان يخربون عيالنا ويسهرونهم..
ام ماجد:الله يسامحك الحين صاروا عيالي بيخربون عيالكم..
مباركـ: روحي قعديهم الحين وقت فطور يجون يقابلون جدانهم وخوالهم ويسلمون عليهم..
وفهميهم ان هني نظام سهر وكلام فاضي ماعندي عجبهم كان بها ماعجبهم يرجعون لاهلهم بمكه...
ام ماجد ماردت عليه وماسكه دمعتها بالقوّهـ.......
طلعت لعيالها تبي تقعدهم مثل ماأمر اخوها تفاجأت ان مها كانت واقفه وسمعت كل كلام خالها..
مها :مايحتاج يمّه تقولين شي انا سمعت كل شي بروح اقعد اخواني مااقول الا الله يصبرنا ويعوّض علينا يآآآرب
مها من النوع اللي نومها خفيف واذا تغيّر عليها المكان ماتنام زين لحد ماتتعود عليه..
راحت مها وقعدت ولاكملوا ساعتين من النوم نزلوا وسلموا على العائله ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك