رواية طبع الحياة حزن وفرح وطبع الورود شوك وزهور -5
الجوهره : الله يسلمك ياقلبي
أسيل : لا تصدقين عااااااد
الجوهره رمت اسيل بالمخده : جعلك منيب قايله وانا متحمسه ومتدلعه
أسيل : هههههههههههههههههههههه
:
:
:
عند الرجـــــــــــال
أبو محمد : علمنا وسلامتك يا أبو حسين
أبو حسين : سلمت ويسلمون الحاضرين
الكل : الله يسلمكم
أبو محمد : عندي ولدي هيثم يدرس انجليزي اخر سنه في جامعة الملك خالد
وبعدها بيتوظف في شركة خالة أبو عبدالرحمن لمدة سنه وبعدها يكمل دراسته باذن الله برا
أبو حسين : والنعيم فيكم وفيه
أبو محمد : ماعليك زود .. وأنت رجال كفو ونسبكم يشرفنا ويشرفنا أكثر اننا نخطب بنتك لولدنا هيثم
:
:
:
وش راح يكون ردة فعل ماجد على باله لمياء ..؟
وش راح يكون راي أبو حسين وحسين وناصر وهم يدرون ياللي في غيداء ..؟
وش راح يكون رد فعل هيثم اذا رفضوا وكيف يقدر يقنعهم ..؟
توقعاتكم يالغاليات للجزء العاشر
الجزء العاشر
:
:
:
طلال : كم الساعه
يارا : الساعه 3 ونص الليل
طلال : ليش ماصحيتيني
يارا : ماحبيت ازعجك خليتك نايم
طلال : بس ماتعشيتي
يارا : عادي نطلب عشاء هنا
طلال اوكي
:
:
:
أم عبدالله : والله ياذا البني ماعاد ينفعننا
أم حسين : لا والله ان شاء الله فيهم الخير ياخاله
لمياء : شوفيني ياجده كلي سناعه
أم عبدالله : الا كلتس رفاله
الكل : ههههههههههههههههههههه
الجوهره : يمه قولي مين أسنعهم وأحسنهم
أم عبدالله : اممم بنت أبو عبدالرحمن الحليوه
ندى : أسيل ..؟
أم عبدالله : اللي هي بس انها سنعه وحلوه
أسيل : الله يسلمك ياجده
أم عبدالرحمن : عيونك الحلوه ياخاله
أم عبدالله : دوتس فنجالي يابنيتي صبي لي قهوه
أسيل : ابشري ماطلبتي شي
غيداء ماشاء الله يازينهم كاملات والكامل وجه ربي .. بس انا شرفي نــــــــاقص
ندى : غدوووو
غيداء وعيونها مدمعه : بالاذن شوي وجايه
:
:
:
أبو حسين : والله الشرف لنا ياابو محمد بس ماقلت لنا اي من البنات ..؟
أبو محمد توهق
هيثم : غيداء ياعم
أبو حسين , ناصر , حسين .. في حالة صدمة وذهول
ماجد .. في حالة فرح ان لمياء بأذن الله راح تكون له
هيثم .. كان أمله كبير انهم ماراح يردونه
أبو محمد ، عبدالرحمن , محمد , أبو عبدالرحمن ، ينتظرون الرد ..
أبو حسين : عن اذنكم شوي حسين يابوك تعال انت وناصر شوي
حسين : سم يبه
ناصر : سم
أبو حسين : وش رايكم في المصيبه اللي حنا فيها
ناصر : انا مااشوف فيها شي بالعكس
أبو حسين معصب : كيييييف مافيها شي
حسين : وهو صادق يبه
أبو حسين : ناويين تفضحونا اكيد
ناصر : لا فضيحه ولا شي نودي البنت المحكمه ونطلع لها ورقه بحالتها
حسين : وهيثم رجال مايتفوت خل يستر على غيداء
أبو حسين : وتخدعون الولد ..؟
حسين : موب نخدعه يبه .. راح نفهمه الموضوع قبل
أبو حسين : طيب والبنت ..؟
ناصر : شوف ياعبدالله صحيح ان اللي راح اقوله لك غلط بس انه الاحسن والافضل لنا ولها
أبو حسين : قول وش عندك
ناصر : زوجها بالغصب .. وانت مابتسوي كذا الا لمصلحتها
حسين : انا مخالف هذي الفكره بس في هذا الوقت هي الاحسن
أبو حسين : يصير خير ان شاء الله .. خل نرجع لرجاجيل
:
:
:
في شمال المملكه
أسماء : يمه متى نرووح لبيت خالتي
أم حسام : خلي طلال يرجع هو وزوجته من شهر العسل ونروح مره وحده
أسماء : ياربي ترا مااحبها ولا احب طاريها
أبرار : وش دعوه ياحافظ وش سوت لك البنت
أسماء بتكبر : اصلا مدري كيف اخذوا هذيك السخيفه البشعه .. حتى طلال مدري كيف رضى فيها
أم حسام : أسمــــاء الا هنا وبـس لا تغتابين البنت وتقولين عنها كذا وانتي ماتعرفينها
أبرار : يختي ريحي نفسك من ذنوب الناس شوي
:
:
:
طلال : يارا العشاء وصل
يارا : يالله جايه
طلال : يارا باقول لك شي بس لا تزعلين
يارا : ماراح زعل وش تبغى
طلال : مضطرين نرجع للرياض بعد 3 ايام
يارا مفجوعه : اهلي فيهم شي
طلال : لا مافيه شي
يارا : طيب اهلك ..؟
طلال : لا مافيه شي بس عندي شوي شغل
يارا : اووكي مافيه مشكله
طلال : عادي ..؟
يارا : عادي
طلال .. ليش مادخلتي قلبي ولا انفتح لك آآه ياربي .
يارا .. بعض الأحيان احس انك شخص غييييييير وبعض الأحيان أكرهك كره غير طبيــــعي .
طلال : احم الأكل برد
يارا : باكل ماعليك
جوال طلال يدق .. الوافي يتصل بك
طلال : هلا والله بحبيب قلبي
ماجد : الله يسلمك ياحبيبي
طلال : حشى زوجتك أنـــا ..؟
ماجد : ههههههههههههههههههههه انت اللي بدأت
طلال : لا يكثر وينك ..؟
ماجد : في بيتكم
طلال : ليش ..؟
ماجد : أبوك مسوي عزيمه لأنسابك وأخوال زوجتك
طلال : اهااااا
ماجد : كيف النفسيه ..؟ وكيف تأقلمت مع المدام ..؟
طلال طالع في يارا وقام
يارا بصوت واطي : خلاص اشيل الاكل
طلال يأشر لها بعنى أيوه
طلال : ايوه
ماجد : ها كيف ..؟
طلال : ياخي مادخلت قلبي ولا حبيتها .. صح انها محترمه وكل شي بس مادخلت قلبي
ماجد : الله يهداك ياخي انت ماخذ الأمور بجديه
طلال : ياخي شسووي مااحبها مااحبها
ماجد : اقول ترا ماعندك سالفه انا ساعه وارجع اتصل عليك
طلال يبغى يطلع من الغرفه ... أنصــــــــــــدم
:
:
لمياء : يالله انا راح ازوج كل وحده منكم
الكل : ههههههههههههههههههه
لمياء : ولا حرف
الكل : ساكت
لمياء : جوجو
الجوهره : سمي
لمياء : تتزوجين تتزوجين امممممم تذكرين راعي التاكسي اللي ركبنا معه في مكه
الجوهره بصراخ : لاااااااااا يازفت ياقليلة الادب انا عمتك
لمياء : انا قلت راح أزوجكم وانتوا رضيتوا
ندى : خليك منها وأنا مين تزوجيني ..؟
لمياء : انتي ماراح أزوجك راح أخليك تعنسين
ندى منصدمه : ليش ليش ليش الحقد والغيره
أسيل : ههههههههههههههههههه خلاص ارضوا بالقسمه والنصيب
هند ولمياء : ههههههههههههههههههههههههههههه
لمياء : أما انتي يا أسوله بما أنك مطيعه ومؤدبه راح أزوجك أزوجك حسيــــــن
ساره : لمياء بس ولا حرف لا تكملين خلاص مسموحه انتي خرابة بيوت
الكل : هههههههههههههههههه
لمياء : لالالا راح ازوجك عمي ناصر
الجوهره : كلولولولولولييييييييييييش
أسيل : ههههههههههههههههههههه الله يرجكم ياهالمهبل
:
:
:
حسين : ناصر تراني شايفك تغش
ناصر يستهبل : تراي شفتك تماديت علي وأنا عمك
حسين : عمت عيونك يالبزر
هيثم يتصنع الجديه : عيب عليك انت وهو
محمد : ارحمنا يا مهجدهـــــــــم
الكل : ههههههههههههههههههه
ناصر : هيثم ولا عليك أمر بغيناك شوي أنا وحسين
هيثم : أبشر الحين جاي
راح ناصر وحسين لبيت اشعر حق الشباب .. ولحقهم هيثم
هيثم : خير وش فيه ..؟
حسين : أسمع ياهيثم أنت رجال وماعليك كلام واذا عرفت بهالموضوع اولا مانبغاك تبقبق كلام
ثانيا لك الحق ترفض او تكون قد كلمتك
هيثم : اولا مهو رجال اللي يسمع كلام من جهه وينثره كذا وهذا الشي ماهو من سلوومنا
ثاني شي اذا الموضوع اللي في بالي انا قد كلمتي
ناصر : والنعم فيك
حسين : يا هيثم غيداء .. غيداء أختي مهيب بنت
هيثم : عــــــــــارف
:
:
:
ليش طلال أنصدم وهو طالع ..؟
وش راح يكون موقف ناصر وحسين ...؟
وش راح يكون دور أم حسام وحسام واسماء وأبرار في قصتنا ..؟
وش راح يكون شعور غيداء وموقفها ..؟
الجزء الحادي عشر
طلال مازال مصدووم
ويارا مصدومه أكثر بس قطت الصمت
يارا : طلال اولا انا مني في حاجة حبك ثانيا اظن انه مايحتاج تطلع اسرارك الخاصه لأحد
طلال : يارا اولا ولا انا في حاجة حبك ومستحيل اصلا احبك ثانيا هذا صديق عمري ومايخصك وش اطلع وش أخبي
يارا : لا يخصني لانه من الأساس شي يخصني
طلال : قلبي مو من خصوصياتك
يارا ســــاكته
طلال : تعرفين متى يكون من خصوصياتك اذا سكنتي فيه بس بتبطين ماتملكينه ولا تسكنينه
يارانزلت دموعها بس شلت نفسها وبقايا جرحها وراحت الغرفه
طلال : انا انسان غبي لا مو غبي يعني هي ماتحبني وش يلصقني فيها ..؟
:
:
:
حسين وناصر في حالة صدمه
حسين لعب في عقله الشيطان : هيثــــــم لا يكون انت اللي سويتها
هيثم منصدم : الله يهديك يابو عبدالله العن الشيطان وخلنا نتفاهم
حسين قام ومسك ثوب هيثم : اجل وش عرفك ان اختي ...
ناصر يفك حسين : حســــين خل نفهم من الولد اركد بلا مهايطه
هيثم يدف حسين : ياخي اهجد وأفهم كلامي
حسين هداء شوي : نعــــم خير وش عندك
هيثم قال لهم السالفه .. بس ماذكر اسم فيصل علشان لا يسوون في الولد شي
حسين : وربي لاشرب من دمه قووول لي مين هو ..؟
هيثم : ياحسين وش تبغى في الولد ..؟
حسين معصـــب : ابغى اطلع روح اللي خرب حياة أختي
ناصر كان ماسك على راسه وجالس الدنيا تقفلت في وجهه
هيثم : ياحسين انا قلت لك مو علشان تخرب حياتك حتى أنت انا قلت لك أبغى أستر على أختك وأعيشها بأذن الله أحسن عيشه .. يعني قفل عالموضوع وماله داعي تخرب حياتك
ناصر : معاه حق قفل عالموضوع لا تفضحنا وتخرب حياتنا
حسين : وربي انك رجال ولد رجال ياهيثم
هيثم : ماعليك زود بس وش قراركم ..؟
ناصر : موافقين يالنسيب
هيثم : اخذتوا رأي البنت ..؟
حسين : لا
هيثم : يعني بتزوجونها ...
ناصر يقاطعه : ايوه نزوجها مغصوبه ماراح يحصل لها وأحد مثلك يحبها ويستر عليها
هيثم : بــس ..
حسين بإنكسر : لا بس ولا شي البنت وبتتزوجك اذا ماتبغى تقدر ترفض من الحين
هيثم : لا ولو خلاص على بركة الله
حسين وناصر : الـــف مبروك
حسين : الله يوفقك ويستر عليك
هيثم : آمين .. بس مهما صار حنا أخوان وأنساب واللي يمسكم يمسنا
رجعوا الشباب وكملوا سمره .. وبعدها رجع كل واحد لبيته
لمياء بصوت كله نوم : هاااه
الجوري : ههههههههه هويتي في ...
لمياء نقزت : لا تكملييييين لا تدعين
الجوري : الا الا وربي لاكمل هويتي في
لمياء قفلت في وجهها
اتصلت الجوري كذا مره بس مافي رد من لمياء
سيتي : ميس لمياء في تلفون
لمياء : مين ..؟
سيتي : مااعرف
لمياء أكيد هذي الزفت جوري
لمياء معصبه : نعم خير ياقلة أدب اجل انا هويت في مدري وشو ..؟
....... : احم احم عمي أبو حسين موجود ..؟
لمياء منحرجه : هاااه
....... : آسف عالازعاج بس اتصل على جواله مايرد
لمياء ولي وجه كمان اكلم : لا مافي ازعاج بس مين اقوول له ..؟
...... : قولي له مــــاجـــــد
لمياء أنصدمت وأنحرجت : ايه طيب وعلى طول حولت المكالمه لمكتب أبوها
:
:
:
طلال : يارا
يارا : .........
طلال : يارا يالله قوومي صارت الساعه 9
يارا : .........
طلال : يـــــارا بلا عناد يالله قووومي
يارا : .........
طلال راح لعندها ولفها لجهته
طلال يضرب وجهها على خفيف بخوف : يارا يارا يـــاااارا
يارا بتعب : ام امممم
طلال : يارا وش فيك ..؟
يارا تحرك راسها بمعني مافي شي
طلال راح ودور مقياس الحراره وقاس حرارتها كانت 40.5
شلها طلا لولفها بشرشف ووداها المستشفى
:
:
:
في غرفه منعزله وبالتحديد في زاوية تملأها الدموع والهموم
غيداء كانت تشوف التلفزيون وولد أخوها عبدالله يلعب
غيداء : لولا الأطفال ماكان للبرأه وجود
عبدالله : ايس
غيداء مبتسمه : ولا شي
حطت راسها وجلست تبكي
راح لها عبدالله ورفع راسها
عبدالله مفتح عيونه : هههئ تبكين ..؟
غيداء : لا حبيبي
عبدالله جلس في حضنها ومسح دموعها : ماما تقول عيب الرجال يبكي
غيداء : بس انا مني رجال
عبدالله : هههههههههههههههه
غيداء : وش فيك ..؟
عبدالله : صيري رجال
غيداء دخلت عالم ثاني : آآآه ياليت لو أني رجال كان ماصار لي اللي صار ياعبدالله
عبدالله : غدو التلفون يدق
غيداء : الو
أم حسام : السلام عليكم ياعيوني
غيداء : هلا خالتي
أم حسام : كيفك وش أخبارك ..؟
غيداء أخباري تجيب الهم وبدأت تنزل دموعها : تمام تبغين أمي ..؟
أم حسام : ايه يابنيتي
غيداء تبكي : دقيقه
غيداء : عبودي روح ناد أمي بسرعه
:
:
:
في المستشفى طلع عند يارا نزلة برد حاده وحرارة داخليه وخارجيه
يارا وفي يدها مغذيات
يارا : وين أنا
طلال : أنتي معي
يارا : طيب وين حنا ..؟
طلال يمسح على راسها : ماعليك
يارا رفعت يدها وشافت المغذيات قامت تبكي
طلال : يارا وشو له تبكين ..؟
يارا تبكي وتأشر عالمغذيه : ماابغى هذا الشي
طلال يبتسم : شووي وأشيله لك
يارا : لالا ماابغى الحين الله يخليك
طلال بعناد : لا شوي يعني شوي
لفت يارا وعطت طلال ظهرها
طلال : ياربي تجنن خلقة ويزيد حلاها لا بكت
يارا : طلال
طلال في عالم ثاني
يارا : طلال
طلال : نعـــم
يارا : بردانه
قام طلال فتح الأدراج ماحصل شراشف ولا شي
طلال فصخ جاكيته ولفه على يارا
يارا أستحت : لا ماابغى
طلال : مو على كيفك
يارا : بــس ماابغى
طلال : منك بردانه ..؟
يارا : وأنت مو بردان ..؟
طلال : أهم شي أنتـ ... " سكت " خلاص اتركيه عليك
يارا : طيب
يارا : ليش أستخسر يكمل الكلمه ..؟ اصلا هو مايهمني
طلال : ليش طلعت مني الكلمه ..؟ ايه بس علشان أفتك من حنتها
الباب يدق .. وتدخل النيرس تبغى تفك المغذيات من يارا
يارا : طلال تعور ..؟
طلال : لا ماتحسين فيها
يارا كانت ترتجف والنيرس تبغى تطلع المغذيه مع رجفة يارا دخلت ثاني مره بقوه
يارا تصارخ : طلااااااااال
طلال : معليك خلاص خلاص طلعتها
النيرس : sory sory
طلال : ok pleas go
طلال : يارا خلاص
يارا تزيد بكاها : تعور ياطلال وربي تعور
طلال قرب منها وسحب يدها يشوف : لا بسيييطه
يارا مسكت يده وشدتها على صدرها وجلست تبكي
طلال : يارا خلاص علشان خاطري
يارا تبكي : تعوور وأنت السبب ليش تجيبني المستشفى لييييييييش
طلال سحبها وضمها لصدره ومسح على راسها
يارا بكت شوي وبدأت تهدأ لين نامت
طلال يبغى يرجعها للسرير بس تردد
طلال : خلاص خل اخليها .. وأنسدح على السرير وخلاها نايمه على صدره
:
:
:
أم حسين : اي والله رحلتهم بعد بكره
أم حسام : ان شاء اله نقدر نجيكم
أم حسين : الله يحييكم وتو مابتنور الرياض
أم حسام : منوره بأخلخا الله يسلمك
أم حسين : متى تجون ..؟
أم حسام : إن شاء الله على يوم الجمعه على حسب دوام حسام
أم حسين : توصلون بالسلامه
أم حسام : الله يسلمك أنا أستأذن اللحين
أم حسين : الله معك يالغاليه
أم حسام : في أمان الله
حسين : كيف حال غدو
غيداء بدون اهتمام : تمام
ناصر : ليش منتي رايقه ..؟
غيداء وفيه أحد في حالتي رآيق : مافيني شي
حسين : غيداء
ناصر : غيداء
حسين : غيداء
غيداء : وش فيكم اشتغلتوا كأنكم بالعين مسجل
حسين وناصر : هههههههههههههههههههه
حسين : لا بجد أبوي أرسلني أقول لك كلام
ناصر : ولا تزعلين .. بس لا تفهمين أن الموضوع استشاره لانه راح يصير غصب
غيداء خآيفه : وش فيه ..؟
حسين : الاحد الجاي ملكتك
غيداء : كيــــــــــف
حسين : مثل ماسمعتي
غيداء تبكي وتصارخ : حسين انهبلتوا تعرف وش صار فيني أنا مستحيل أتزوج مستحييييييل
ناصر : غيداء العني الشيطان لو صرختي لو بكيتي ماراح يصير الا اللي قلناه لك
غيداء : مين راح يقبل في وحده مثلي .. وبعدين أنا اكره الرجال
غيداء تجلس عالأرض وهي منهاره
غيداء بصوت كله بكى : أنا أنا أخــ ااف من الر جـ ااال
حسين يضمها : لا ياحياتي لا تخافين من أحد وهيثم يحبك ويبغى يستر عليك
غيداء : لو يحبني كان قدر ظروفي وماتزوجني
ناصر : انتي ارتاحي الحين واذا ارتحتي فكري وبتشوفين ان معنا حق
غيداء تركتهم وراحت لسريرها وغطت وجهها باللحاف
حسين : يالله
ناصر : يالله
طلعوا من الغرفه وتركوا غيداء بين همها وحزنها وألمها
غيداء تبكي بحرقه : ياربي ساعدني ياربي رجيتك ماخاب من يرجيك
:
:
:
حسام : خلاص أبشري يمه باحجز لنا اليوم ويوم الجمعه وكل شي جاهز
الكل : ان شاء الله
أسماء : بس وش المناسبه يمه ..؟
أم حسام : طلال وزوجته راح يرجعون من شهر العسل وبيسوون لهم مناسبه
أبرار : مااسرع ماكملوا اسبوع
أسماء : مو قلت لكم ماراح يرتاح مع هذيك الزفت
حسام معصب : أسماء وش هالكلام والمصاخه..؟
أم حسام : وبعدين وش حاشرك بينهم خل يعيشون حياتهم مثل مايبغون
أسماء : اصلا ماتزوجها الا علشان فلوس لا أكثر ولا أقل
حسام : اقصري الشر لا اقوم عليك
أسماء قامت من الصاله زعلانه
:
:
:
يارا قامت وأنصدمت
طلال حس فيها وقام
يارا شوي وتتقطع من الحيا : متى أطلع ..؟
طلال مبتسم : اليوم
يارا : طيب ابغى ارجع الفندق
طلال : ولا يهمك أروح بس الحين اسوي اوراق الخروج وأرجع
يارا : طيب
طلال راح وسوا كل شي ورجع ويارا جاهزه وجالسه تستناه
طلال : جاهزه ..؟
يارا : ايوه
طلال : يالله أجل
وصلوا الفندق
طلال : روحي ارتاحي وشوي وراح اجيب الغداء
يارا : مني مشتهيه
طلال : مو على كيفك لازم علشان تاخذين علاجك وعلى فكره ترا بكره رحلتنا
يارا : الساعه كم ..؟
طلال : 2 ونص الحضور والساعه 3 الاقلاع
يارا : يعني نوصل عالساعه 10 الصباح ..؟
طلال : تقريبا
:
:
:
أم محمد : عالبركة الله يوفقك ويوفقها
هيثم : الله يسلمك يا أمي
أم عبدالرحمن : ماشاء الله عاد البنت ماتنعاب
أسيل : مبرووك ياهيثم
هيثم : الله يبارك بعمرك وعقبالك
هند : مبروك الله يوفقكم يارب
هيثم : الله يبارك فيك ويتمم لك أنتب ومحمد على خير
محمد : آميـــــــن وبأسرع وقت
الكل : ههههههههههههههههههههههه
:
:
:
مر يومين والأحداث على ماهي بس راح تتجدد بـ
وصول طلال ويارا لمطار الرياض
وملكة هيثم وغيداء يوم الأحد
ووصول أم حسام وأولادها يوم الجمعه للرياض
وبداية أسماء للحرب مع يارا
:
:
أنتظروني في الجزء الــ 12
نزلت البارت في غير وقته لعيونك يانونه الأموره
الجزء الثاني عشر
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك