رواية اعشق نقاشه لا شافني اتحدى كلامه -11
نزل حمد وروان من فوق ..
روان قالت: ليه يا غبي اول يوم كان طويل احلى عليك ..
حسام : لا وععععع ,, تبيني مثل ذاك الأطمخ حمد ..
وسن : اننننتبه لا تغلط
حسام طالع بحمد ورجع يطالع بوسن ..
: ههههههههههههه
حمد نزل راسه ومسك الضحكة ..
حسام : المهم ما علينا بحقق بالموضوع بعدين ... فتون ولدت ...
رهف : يالله الأفراح تجينا من كل صوب ..
ام حمد : الف الف مبروك يا وليدي ...
كلنا بنزورها الحين ,,,
حسام : طيب.. انا رايح ..
ام حمد : طيب بأي مستشفى ؟
حسام : مستشفى ..........
===========================
بسمة وام حمد وروان راحوا مع السواق لحتى يروحون يشترون ذهب لفتون ووسن ورهف سبقوهم ...
ركبوا مع حمد السيارة ..
وقفوا عند محل الورود ..
رهف : حممممد .. ابي انزل ..
حمد : لا
رهف : لا تكون مليق ..
حمد نزل وطنش رهف ,. ..
رهف : هين والله لأوريه .. ونزلت وراه ..
وسن كانت تتفرج على السيارات اللي بجمبها ..
شوي جاء واحد ورمى رقمة.. وقال : عبرنا يا حلوو ..
حمد شافه يوم رمى الرقم على وسن ..
طلع من المحل ركض ..
مسكة مع الياقه قعد يصيح عليه بقمة راسه .. : انت وش تبي فيها ,.
نزلت وسن تبي تفرع ..
وسن : خلاص حمد خلااااااااص ..
حمد : لا عجبك اللي سواه الـ)****
: هييييي لا تغلط ..
حمد لكمة على وجهه وطاح على الأرض .. رهف دفت حمد .. وشرد اللي تحرش بوسن .,
حمد : انتي بخير .؟
وسن كانت تبكي من الخوف اللي جاها ..
حمد : وسن حبيبتي .. جلس على ركبته وكمل :
ايش فيكي ؟؟ اذاكي .. ؟ سووى فيكي شئ ؟
وسن : لالا ..
حمد :رهف روحي جيبي اللي تبينه .. اعطاها الفلوس وراحت ..
حـمد : فـيكي شـئ .؟ ردي .؟
وسن : لا ابد ..
===========================
بسمة : يمة شرايك بذا الطقم ؟
ام حمد : ايه حلوو بالمرة ..
روان كانت سارحة بالذهب ..
روان : امي انا رايحة لدورة المياة ..
ام حمد : طيب .. تلاقينا بمكاننا هنا.
روان : ان شاء الله ,.
راحت روان على الحمامات عـلى اسا انها تكلم ناصر ..
: الوو .. .؟
مين معاي ؟ .. الوووو ..؟ فـية احد ..
روان اندفعت وقالت :(ناصر) ..
ناصر : ايه اختي مين انتي .؟
روان : ........<<<<
=========================
وصل حمد على المستشفى نزل خواته ومشى ..
دخلت رهف وقالت : الف الف الف مبروووك .. .
هاا ايش جبتي .؟؟
فتون : بنـت ..
رهف : طيب وش راح تسمينها ؟
فتون : انا جاء على بالي اسميها لين او مايا ..
رهف : مايا مرة يجنن ..
فتون : تهقين بالمملكة يخلونا نسمي اسماء اجنبية .؟
رهف: ان شاء الله يسمحون ...
وينها متى بيجيبونها لكي ؟؟
فتون : ممكن شوي ..
========================
: انتي كذابة ..
: ناصر بس اسمعني ..
ناصر .. قفل السماعة بوجه روان ..
روان راحت بسرعة لأمها وتحاوول تخفي دمعتها ..
ام حمد : يمه روان فيكي شئ ؟
روان : لا يمه ..
ام حمد : يالله نروح شكلنا تأخرنا ..
روان : يالله ..
راحت ام حمد لفتون و وجوب عندهم ورجعوا على البيت ..
رهف : يالله بسمة لها وحشة ..
وسن : مرة ..
ام حمد : يالله انا رايحة ارتاح ..
رهف :يالله بنت حسام مررة تدنن ..
وسن : مرة مرة عقبال ما اجيب بنت مثلها ..
رهف : ههههههههه ان شاء الله ..
تـابع ..~
==============================
حمد : يمه خلاص انا كلمتك قبل . .
ام حمد : خلاص سوي اللي تبيه ..
حمد : طيب ابي اعجل ..
ام حمد : على راحتك ..
حمد : طيب بكرة الملكة .. والأسبوع لالي بعده الزواج ..
ام حمد : وي يا ولدي وش فيك مستعجل .. ؟
حمد : كل شوي واحنا نأجل .. خلاص يمديها تجيب اللي تبيه ..
وانا الفلة جاهزة ..
ام حمد : يووووه فلتك هذيك تشربت غبار .. من زمان ما فتحتها يبيلك تغير اثاث ويبيلها بويات
حمد : لا يمة انا جهزتها ,, والاثاث جديد زي منتي عارفة ..
وجبت العمال ونظفوها ,, ,
ام حمد : خلاص كلمت البنت والا من راسك هذا الكلام ..
حمد : لا اكيد وسن موافقه ..
ام حمد " طيب اسألها ..
==========================
: والله ما ادري ايش اقولك .. فاجئتني يعني ..
حمد : قولي ايه او لا..؟
وسن : ايه ,.
==========================
وسن راحت لغرفة ريماس تبي تعلمها بالخبر, ,
وسن : رموس عيوني وينك ؟
ريماس : هنا ..
وسن : ايش تسوين ؟
ريماس : العب ..
وسن : دريتي يا ريماس .. انا وبابا بنتزوج ونعيش كلنا ببيت واحد ..
ريماس : من جد ..! يعني نروح بيت لحالنا ما معنا جدتي ولا رهف ولا روان !
وسن : ايه . .
ريماس ضمت وسن بقوة .. وقالت : ماما وسن احبك كثيرر . .
وسن : انا اكثر ..
========================
ناصر يدور بغرفته متوتر ..
دق على ليان بسرعة ..
ناصر :الوو ..
ليان تنعم صوتها وقالت : هلا حبي ..؟ اامر ..
ناصر : ابي اشوفك الحين ..
ليان : نصور ليه معصب ؟
ناصر : ليان لا تستفزيني بسرعة ابي اشوفك والا كل اللي بيننا انتهى ..
ليان : طيب خلاص الحين اكلم السايق بس وين تبينا نروح .. ؟
اسمع تراا ما ابي مكان مغلق ابي مكان عام ..
ناصر : واللييييييل معاك .. نلتقي قدام الكورنيش ..
ليان : اوك .
ناصر : والحين ..
ليان : مثل ما تبي..
=========================
بسمة : اكيد اخدمك من عيوني ..
سالم : طيب اشتري اللي تبينه .. لأن الموعد بكرة ..
بسمة : كذاا بسرعة ..
سالم : والله وش اسوي ..
بسمة : طيب بكلم امي اول . .
==========================
: اكشفي وجهك ...
ليان : لا صدق تجننت ..
ناصر : اكشفي وجهك ..
ليان : ما راح اكشف ..
ناصر مد ايده وسحب النقاب عن ليان ..
ناصر : ايه كنتي تخدعيني .. انا اليوم اتصلت فيني وحده وقالت لي السالفة من الالف للياء ..
ليان : بس ناصر. .
ناصر : اسكتي ويالله امشي من هنا لا اسوي لك فضيحة ..
ليان مشت بسرعة من عند ناصر ..
ناصر فتح الجوال يدور على رقم " روان "
كان محتار بالمرة ما يعرف يتصل او لا ..
بالأخير قرر يتصل عليها ..
دق عليها .. روان يوم شافت الرقم فز قلبها ..
روان بينها وبين نفسها : ارد او لا ..؟ خليني ارد ممكن يبي شئ ضروري ..
روان ردت
: الو ..
ناصر : .................
: الو ناصر وش بغيت ؟
ناصر : ليان ..
روان : ليان !
ناصر : مو انتي اسمك ليان ؟ مو انتي اللي قابلتك بالمستشفى ؟
روان : لا انا هي بس مو اسمي ليان .. انا اسمي روان ..
ناصر : صدق صدق انا تسرعت يا روان بحكمي ..
اتمنى انك ما تقطعين عليه ... بس انا من اول ما شفتك حبيتك وكان ودي اقولك بس اللي منعني اخوكي اني اقولك هذا الكلام ,. اتمنى تسامحيني ونبدأ مع بعض صفحة جديده ..
روان : بس ,, ناصر .. اذا صدق حبيتي على قولتك من اول نظرة البيوت تدخلها مع ابوابها ..
ناصر : طيب ما تبينا نتعرف اكثر ..
روان : لا .. بغيت شئ ؟
ناصر : طيب اذا اتصلت عليكي مرة ثانيه ردي تكفين ..
روان : ان شاء الله ..
=========================
بسمة جات من عند سالم تبي تودع امها واخواتها ..
بسمة : صدق ! حمد بيتزوج !
بسمة ناظرت بسالم بنظرات استعطاف وقالت : ايش رايك تروح بعدين الحقك تكفى يا سالم ..
سالم : خلاص دام ذا يريحك .. اعطاها مبلغ وسلم على عمته وراح ..
============================
وسن اخذت ريماس معاها .. كانت تبي تدبش لنفسها مع ريماس .. .
رهف : شوفي هذا الفستان مرة مرة مرة جناااان ,, لا تفوتينه ..
روان : صدق يا وسن ..
وسن : لا والله خاطري افصل ثوب لنفسي .. تعالي نروح محلات الاطفال ..
راحوا لمحلات الأطفال .. وسن اشترت لريماس كل حادة كانت تبيها ..
بسمة : والله شكلك تدبشين لريماس مو لك ..
وسن : ههههههههههههههههه .. يالله .. عادي ..
طلعوا فوق للمطاعم وطلبوا اللي يبونه ..
بسمة : بعدها بنروح نسوي الكروت .. وبكرة نجهزها وبعده نعزم اللي نبيه .. ونسيت اقولك يا وسن .. بعد شوي بأخذ لك قماش ونروح للخياطه ما يمديها تخلصه لكي ..
رهف : الله يهديه حمد مرة مرة مرة عجلللل ..
رجعوا البيت .. بسمة راحت توري حمد الكروت ..
حمد : وااااو , دامه ذوق وسن اكيد حلوو ..
بسمة : لا مالت عليك ذا ذوقي ..
حمد : اجل وعع ..
بسمة : مالت ,,
==========================
باليوم الثاني جهزوا الكروت وكتبوا اسماء المدعوين ووزعوها ..
راحوا للسوق مرة ثانيه واشتروا البنات فستانين الزواج وكانت معاهم ام حمد ..
باليوم اللي بعده .. راحوا يكملون دبش وسن .. وسن كانت ناسية نفسها وتشتري لريماس وبس ..
روان : وي يا وسن لاحزي حالك ما اشتريتي لك شئ ..
وسن : لا يميدني ..
اخيراً اكتمل دبش وسن وما بقي الا الكماليات ..
حمد : خلاص انا بودي وسن للسوق ..
رهف : يكون احسن .. انا بحجز لها عند الكوفيرا كل شئ جهزناه الا اهم شئ ..
حمد : احجزي لها عند احسن كوفيرا . .
رهف : اكييييييد ..
=========================
وسن وحمد كان يتمشون بالسوق .. مرت وسن من عند محل الساعات وتذكرت المشكلة اللي صارت فيه ..
حمد قال : تتذكرين اللي صار هنا ؟؟
وسن : هههههههه .. ومين ينسى .. ؟
حمد : ندخل ؟
وسن : طيب ..
========================
راحوا البنات وام حمد ومعاهم الخدامات حتى يحطون دبش وسن بمكانه ..
ام حمد بكت يوم شافت فيلا حمد ..
رهف : يمه وش فيك ؟
ام حمد : يالله يا رهف ذا البيت له ذكريات ما راح انساهاا. .
رهف : يالله يمه . .انتي بتفرحين بحمد ولدك اللي تحبينه ..
ام حمد : والله اني احبكم كلكم يا عيالي...
بسمة : ملابس وسن وريماس مرة تجنن ...
روان : ايه مرة .. بس ما تلاحظين ان حمد نص الدبش حقة ملابس رسمية ..؟
بسمة : حمد يهبببببلني يوم يلبس رسمي شكله مرة جنان ..
روان : اذكري الله ..
==========================
تـواجدوا كلهم بالـقاعة الساعة 8 .. كانوا يرتبون الطاولات
ويوزعون عليها المعجنات .. الحلا .. القهوة والشاهي ..
وسن كانت بالبيت ما مشيت ..
كانت تسوي لريماس تسريحة بسيطة بشعرها ..
اشترت لها فستان ازرق بتصميم فرنسي .. وصلحت لها شعرها ..
رن جوالها
وسن : الوو ..
روان : وسن رحتي للكوفيرا ؟
وسن : لا استني ..
روان : والليل معاك .. طيب وين رهف ؟
وسن : تحط اللمسات الأخيرة ..
روان : طيب بسرعة لا تتأخرين..
وسن : خذي ..
رهف : وشوو . ؟
وسن : ملابس ريماس . .
رهف : نععععم .. فتحت رهف الشنظة وقالت : فستانين ليه ؟
وسن : شوفي هذا الفستان تغيره بنص الزواج واللي بعده بالزفة ابيها تمشي معاي .. واتوقع بسمة اخذت الشمعة معاها .. انتبهي تنسين ..
رهف : افف .. ان شاء الله ..يالله روحي ..
راحوا على السيارة .. وسن كانت تقراء المعوذات على ريماس ...
نزلوا وسن ومشيوا بعدها للقاعة ..
وسن كانت متوترة بقوة ..
يدها ترتجف .. وعيونها كلها دموع ..
الكوفيرا كل ما تحط لها الماكياج يخرب ..
الكوفيرا : شو بيك ؟
وسن : متوترة .. واخذت منديل ومسحت عينها ..
الكوفيرا : يلا لازم نخلص ..
وسن : طيب معليش ..
==============================
كان الحضور جداً كثير .. والقاعة كانت كبيرة للغاية ..
يوم جات الزفة ..
وسن مع حمد عند الباب .. وسن كانت خايفة ومكشرة بنفس الوقت ..
رهف : وااي وسن مرة كشرة ..
روان : وين ريماس .؟
رهف : اوووووووووووووووووه .. ما لبستها ..
راحت رهف ركض لريماس ولبستها .. وسن كانت موقفه هيه وحمد ينتظرون ريماس وام حمد ..
جات ريماس وكانت احلى من القمر ,,,
بدأت الزفة و وسن تحس بدوخة من الربكة اللي جاتها ..
حمد : وسن ايش فيك ..
وسن : ولا شئ ..
جابوا لهم عصير توت وكانت الكاسة على شكل قلب والمصاصات كمان ..
وسن شربت شوي وحمد ما قدر يشرب من الضحك اللي جاه ..
روان : حمد استخفين الظاهر ..
حمد : هههههه .. والله مدري وش فيني .. مالها داعي ذي الكاسة ..
روان : اقول امش .. يالله الحين روحوا تصوروا ..
حمد طالع بوسن وقال : يالله حبي. .
وسن قلبها مو متطمن كثير للي كانت واقفه بآخر القاعة كانت متنقبة وتطالع بوسن ..
وسن : حمد منو ذيك ؟
حمد : ممكن وحده من الحضور ..
وسن : طيب ليه تطالعني كذا ؟
حمد : يا شيخة ما عليك ..
بسمة نادت للعشاء وراحوا المعازيم الا المنقبة ...
بسمة حست ان الموضوع فيه انّ ..
وسن تصورت مرة وهيه حاضنة حمد .. ومرة ثانيه ماسك ايده .. حمد كان جد معجب بوسن ويطالعها بحب .. وسن كانت صدق مبسوطة ولا كانت تتوقع انها بيوم تحب حمد ..
لبست وسن العباية وجات بتمشي .. ريماس كانت نايمة واخذت وسن وحده من الخادمات حتى تشيلها ..
يوم كانوا ماشين يبون يطلعون من القاعة .. طلعت المنقبة قدام السيارة ..
وسن " شفت يا حمد .. ما قلت لك ..
حمد : يا بنت الناس البنت ما قالت شئ .. خلينا نشوف ..
جات البنت المتغطية وكشفت وجهها وضمت حمد ..
وسن بردة فعل لا ارادية دفت البنت على ورى بعدها ارتطم راسها بالسيارة و طاحت الغطوة ..
وسن : نوف
نوف : انتي اخذتي خطيب اختي .. والله ما اسمح لك يا وسن ..
حمد : نوف ابعدي من هنا احسن لك ..
سمعت رهف وروان الضجة اللي حاصلة براا وراحوا يستفسرون عن الموضوع ..
رهف :نــــوف !
نوف : ايه نوف وجاية انتقم .. انتوا طيعتوا حياة اختي اعميتوها قطعتوا نصيبها .. ليه ؟
حمد : استهدي بالله وامشي من هنا قبل ما ننادي الشرطة لكي ..
نوف : خلاص انا بايعة الدنيا ما ابي الا انتقم منكم ...
حمد جاء وصفع نوف على وجهها بقوة ..
نوف : قدها يا حمد .؟
حمد بإستهتار : وقدود ..
نوف : طيب انا اوريك .. طلعت من شنطتها سكينه وقالت : يا تطلق وسن يا اذبح نفسي ..
حمد : ههههههههههههههههههه وانا وش علي ..
رهف وروان ميتين ضحك ..
نوف حست نفسها بموقع مسخرة وانسحبت من نفسها ..
حمد : شفتي يا وسن الناس كيف حاسدتكي ؟
وسن : الله لا يحرمني منك .. وحبي لك اقوى من انه يسمح لأي احد انه ينهي العلاقة بيني وبينك ...
حمد شاله وسن وركبها السيارة ..
رهف : يا حليلة حمد ..
طلعت سيارة حمد من القاعة وكانت عيون روان ورهف ما فارقت السيارة ..
رهف : الله يستر عليهم .. بتكون لهم وحشة والله . .
روان : طبعاً الحين كالعادة امي بتجيها حالة اكتئاب زي يوم راح حسام ..
رهف : هههههههههههههههههه
يالله ندخل ..
روان : يالله ..
======================
دخلت وسن البيت وانبهرت من الأثاث اللي فيه ..
وسن : حمد الفيلا ليه كبيرة لذا الحد ؟
حمد : تستاهلين يا وسن ..
وسن : الله لا يحرمني منك ..
حمد : ولا منك ..
وسن طلعت فوق تبي تتفقد غرفتها .. لقت الاشياء منظمة بطريقة جد راائعة ..
وراحت بعدها تتطمن على ريماس .. لقت كل شئ مثل ما بغت .. جلست تتكلم مع حمد ..
وسن كانت حاطة راسها على كتف حمد ..
وسن : ما تتخيل كيف اهلي واحشيني ..
حمد : صدقيني راح اعوضك عن كل اللي صار ..
وسن : ان شاء الله ..
==========================
مـرت سنـة .. وكانت احلى سنه لوسن ..
ما كان فيه شئ ينغصها الا انها ما انجبت ..
حست ان حمد متضايق من الموضوع ..
حمد : وسن .. ممكن نتكلم. ؟
وسن : طيب ... وكان قلبها ناغزها حست انه يبي يكلمها بالموضوع ..
حمد : وسن اسمعيني حبيبتي .. انااحبك .. وودي بعيال ..
وسن : اعرف يا حمد .. تبي تتزوج ؟
حمد : وشووو ! اتزوج عليكي ؟ مستحيل ..
وسن رفعت راسها وقالت : اجل ؟
حمد : ابيكي تتعالجين ..
وسن : طيب على امرك ..
حمد : خلاص حبي لا تزعلين ..
وسن : ما فيه شئ يزعل ..
=============================
اثير تزوجت من راشد ...
وروان ما زالت المكالمات مستمرة مع ناصر ...
لما اخذ عنوانها وجاء على اساس انه يخطبها ..
حمد رحب فيه ووافق لأنه رجال والنعم فيه من قبيلة حلوة ووظيفة رايقة ..
رهف قلبها قرصها وحست بحزن غريب ..
كانت دايم تكلم نفسها وتقول : روان تتزوج قبلي ! .. روان تتزوج قبلي ..!
ام حمد كمان كانت جد حزينة عيالها يفارقونها واحد ورى الثاني ...
بسمة : يمه احنا كلنا يمك محد مات منا ..
ام حمد : لا تقولين هذا الكلام يا بنيتي ..
بسمة : لا يمه بس ماله داعي هذا الحزن كله ..
ام حمد : وش اسوي يا بسمة يعالي يفارقوني واحد ورى الثاني ..
بسمة : طالعي من جانب ثاني ...
=========================
مرت الأفراح واحد ورى الثاني .. ما بقي الا رهف هيه الوحيدة اللي ما تزوجت قام زواج روان وكان راقي جداً ..
حمد كان بين نار وسن ونار ريماس ونار رهف ..
رجع حمد ووسن يائسين من رحلة العلاج اللي استمرت 4 شهور ...
حمد حس بريماس سعادة غير طبيعية ..
ريماس حست ان وسن الأم اللي فقدتها من زمن ..
================================
: حـممممممممممممد ..
حمد صحي من النوم وقال : هاااااااه ..
وسن : قوم قوم قوم ..
حمد : شوي ... وغطى وجه بالبطانية ..
وسن راحت للحمام وجابت دلو موية وطشته على حمد ...
حمد : هاااااااااااااااااااااه هاااااااااااه هاه وش تبين ؟؟
وسن نقزت على حمد وقالت : انا حامل ..
حمد : ايش ..
وسن : ايه ايه يا حمد انا حامل .. .
حمد ضم وسن بقوووووة وقال : يالله لا لا مو مصدق ..
وسن : لا صدق يا حمد .. حمد انا حامل بتؤام كمان ..
حمد : الله يا وسن احلى خبر قد جاني ..
وسن بلغت ام حمد على طول بالخبر الحلو ...
ام حمد : الف الف مبروووك .. ونزلت دموع الفرح من عيونها ..
رهف كانت تشد حيلها تب يتكون مرأة فعالة بمجتمعها .. لأن حست وجودها وعدمه واحد ..
تشوف اخوانها كلهم سعيدين ببيوت ازواجهم ما عاد هيه ..
.. سالم رجع من الخارج و حط بسمة بفيلا كبيرة ..
رهف : يالله .. المفروض افرح لخواتي ليه الغيره ماكله قلبي ؟
===============================
وسن ولدت بأحسن المستشفيات ...
ام حمد كانت خايفة على وسن وطالسه براا تنتظرها ..
حمد كان قلق مثل امه ..
اخيراً طلعت الممرضة وكانت تغطرف وتقول : مبروك عليكو جابت بنتين متل الأمر ..
حمد سجد سجود الشكر وام حمد كانت طايرة من الفرحة ..
طلعت وسن من المسشتفى وسوت سابع وعزمت فيه احبابها ..
كانت لحظات ما راح تنساها وسن لما تودع الدنيا ...
==========================
مـرت سنـة تجـرها سنـة تـجرها سنـة ...
وسـن دخـلت للمحاماه وجـاب توؤم بنات سمت وحدة
لين والـثانيه لينا ..
حـمد .. زاد حبه لوسن .. وغير معـاملته مـع اهله ..
ريماس .. كبـرت وصـارت بالصف الرابع .. ما حست بالنقص بالمرة مع وسن .. تناديها ماما .. ووسن بنفس الوقت معتبرتها بنتها ..
بسمة .. جابت ولد وسمته ريان وانتقلت هيه وسالم للعيش في بريطانيا ..
رهف .. صـارت سيدة مـجتمع .. والتقت بـشريك حياتها بالعمل ..
روان .. كمـلت مشوارها بالطـب ونـاصر كان خير معين لها ..
ام حمد .. كـان سـعيده بإنجازات اولادها .. وكل يوم كان واحد يزورها .. وصـارت تحب وسن وتعتبرها بنتها اللي ما جابتها ..
اثير .. عايشة بخير وسلام بعد زواجها من راشد وانجبت ولد وسمته ريان مثل بسمة للعلاقة القوية اللي بينهم ..
فتون .. جابت الولد الثاني .. وبدأت بالتـجارة ..
ماجد .. بقي علـى نفس حالـة .. مكـتئب وحـزين ..
مـراد .. سـافر للـخارج ولا عـاد فيه اخــبار عنه الا انه تزوج من وحده اجنـبيه ,,
وسن : هـذي قـصتي مـن الأول للأخير .. شرايكم ..؟
لين : وااااو ماما هذا كله صار .. مرة غريب .. خسارة ما لحقت شئ ..
وسن : هههههههه جعلك ما تشوفين الأحزان ...
لينا : ماما .. متى بتجيبين لي اخـو ؟
وسن : اممم ممكن اذا اراد الله بعد 4 اشهر ..
: مفاجئة ..
قاموا لينا ولين ركض لأبوهم ..
لين : بابا ايش جبت لنا ..
حمد يسوي انه زعلان وقال : تبين الهدايا ما تبيني انا ..
لينا : لين اسكتي .. بابا حبيبي وضمته بقوة ..
حمد : شوفوا الشنطة هناك كلها هدايا لكم ..
وسن : الف حمد لله على السلامة ..
حمد : مشكوره حبي .. حمد نادا وسن يبي يوريها الهدية اللي جابها لها .. لقت تذكرتين سفر لباريس و طقم الماس ..
وسن : الله لا يخليني منك ..
حمد : ولا منك يا احلى زوجة بالدنيا ..
================================
( انتهت )
اتمنى الرواية حازت على رضاكم .. مادام اني اشوفها مو بذا القد .. وشكراً على المتابعة .. وسامحوني على القصور .. ابي ارائكم فيها ونقدكم اهم شئ ... لأنها اول رواية ليه ..
تحياتي وحبي لكم * لأجلك *
تجميع اسطورة !
اللهم لك الحمد حتى ترضى وإذا رضيت وبعد الرضى ,,, اضف تعليقك