رواية افهم ترانا لايقين لبعضنا كنك نهائي الكأس وانا هلالي -12
قرت الرساله كذا مره لحد الحين الخوف في قلبها من بعد ماشافته اليوم عند الشباك خافت
كثيرر من تشتكي له غير ساره ماتبي تحمل احد همها اللي اتعبها من هاالشخص كل ساعه يرسل ويدق
تذكرت منار اشتاقت لها ولاتدري ايش صار لها من بعد حفله سامي جوالها متقفل واحيان يدق ولاترد
رجع سعود يدق على ريم رفعت عينها على الاسم ونزلت دموعها من الخوف
حاولت تتشجع رفعت السماعه وبجديه : طيبب والنهايه معك سعود :من عرفتك وانا صرت خبل ومجنون
ومتخلف عقليا
ريم : يعني والمطلوب
سعود بهدوء وبحب : قربك علاجي
ريم احمرت خدودها من صوته : اقسم بالله لو ماتبطل هاالحركات البايخه ان تشوف شي ماشفته بحياتك
سعود بضحك: ههه عاااااااادي كل شي منك اتقبله بحياتي
ريم تنرفزت من بروده: وسكتت
سعود :ريم توافقين علي لو خطبتك
ريم بصراخ :لو مايبقى احد بهاالدنيا الاانت ماراح اخذك ياحثاله تفهم ولا
سعود انقهربداخله: ريم صدقيني انا مااحب اتسلى بمشاعر اي بنت وانا هاالمره اتكلم معك بجديه اني ابخطبك
ريم : حلم ابليس باالجنه اوافق عليك لاتحسبني مثل البنات يلحقونك بكلمه حلوه وبعدها تصير مثل العلكه تاخذ
حلاها وترميها لاانا انا اشرف منك
ومنهم
سعود ببتسامه :انتي تبين ابطل حركاتي وانا ماراح ابطلها الا لما توافقين علي لاخطبتك
ريم حست انها طولتها معه ضغطت على زر التقفيل بسرعه:اففف وبعدين مع هاالشخص ياربي فكني من
هالبلوه رمت كتابها على الارض سحبت اللحاف تحاول تنوم وتتهرب من افكارها ....
التفت لؤي على مشعل اللي يسبح في بركه من دمه من 3 ساعات ولااحد مر هاالمكان ينقذهم
سند راسه على الارض حاس بثقل غريب ورجله زادت الم دعى بقلبه ان مشعل باقي حي مرت ربع ساعه وهو
على حاله لمح استراحه ابوجهاد تنفتح البوابه
وتطلع سياره كامري ابيض بداخلها زيد بعد مانظف الاستراحه من الاسلحه وفضى المخزن اجرى اتصال مع ابو
جهاد اللي امره انه يتبعه
غمض عينه بخوف انه يحس فيه زيد ويجي ينهي حياته
حس بغيض بداخله تمنى فيه قوه ويلحقه قطع تفكيره صوت عامل الاستراحه اللي بجنبه :ايش هذا باابا من
سوى كدا
لؤي يعرف العامل طلب منه جواله مد يده واخذه دق على مصعب يجي يسعف مشعل بسرعه
رفع الجوال للعامل وامره يجلس عند مشعل حتى يجي مصعب زحف على الارض والدم ينزف من رجله وصل
لسيارته الشاص وركبها اخذ شماغه ولفها على رجله دخل يده تحت المرتبه يتحسس المسدس لف المفتاح
واسرع يتبع زيد بتهور
تحمل الم رجله اللي زاد اكثر نزل يده يربط الشماغ اكثثررر رفع راسه يراقب زيد ويستنى الفرصه
زيد زاد من سرعته اكثر وهو ماانتبه للؤي اللي يتبعه
اخذ لؤي المسدس واطلق على الكفر الخلفي لسياره اللي انقلبت كذا مره
وقف على جنب الطريق وهو يشوف السياره تتقلب حس بخوف مايدري ايش نتيجه اللي سواه
بعد دقايق قرب باالسياره يتاكد اكثر فتح الشباك يدور زيد اللي ماله اثر شك انه تحت السياره تقدم بشجاعه لها
رفع المسدس وهو يراقب الوضع سمع صوت احد يأن حاول يحدد مكان الصوت فتح باب السياره نزل وهو
يعرج
زيد السياره فوق جسمه ماعدا راسه قرب اكثر له كان الدم ينزف من فمه بكثره بسبب نزيف داخلي
التفت لؤي يدور جوال زيد مسك قطعه قماش بيده حتى ماتبين البصمات
حاول يفتح الباب من داخل وقدر يفتحه حصل الجوال واسرع يكلم الشرطه حتى يمسكوه باالدليل القوي
حدد لهم المكان وانه من خليه ارهابيه رمى الجوال بسرعه واتجهه لسيارته وهرب لبعيد حتى مايطيح بيد
الشرطه
سعود نازل من الشقه
:هلااا سعوود
سعود يسلم على حاتم اللي توه داخل العماره
حاتم بعتاب: وينك ياشيخ ماترد على جوالك من ثلاث ايام
سعود وهو يسحب يد حاتم وينزله لتحت :والله مشغول مع الاهل شوي
حاتم وقف:شفيك نازل خل ندخل الشقه
سعود:مافيها احد
حاتم :وين خويلد
سعود:مهب هنا مسافر
حاتم:افا وانا اخر من يعلم
سعود :ان شاءالله مايطول امش خل نطلع نغير جو
في السياره
حاتم يسولف مع سعود حس انه مب معه :سعود وش فيك بالك مب معي ابد
سعود يحرك يده على شعره وعينه على الطريق:والله ياحاتم اشياء كثيره مشغلتني
حاتم :سعود مايهون علي اشوفك ضايق كذا انا خويك قلي ايش فيك ولك اللي يرضيك
سعود يحاول يغير الجو:حاتم اثاري الحب عذاب
حاتم بضحك:اما عاد سعود تحب
سعود :مشكله يوم حبيت اخيرا طحت في وحده قشرا ههه
حاتم :ههه باين ان عندك مشاكل عاطفيه فضفض لخويك وبعدين هذي سالفه جديده وقنبله الموسم ان واحد
مثلك يحب
من هي ..؟
سعود :ريم
حاتم :ريم ههه خبل تحب وحده زي هذي انا يوم شفت الفديو اللي مع خالد وهي تعطيك كف خفت منها .||.بينكم
الو..؟
سعود بضيق :مطنشتني
حاتم حس باالضيق على وجه سعود: هذا اللي مضيقك
سعود:هذا واشياء كثيره
حاتم :جب راسها غصب
سعود :ياليت اقدر
حاتم بجديه :تقدر ونص ايش اسمها هي ايش عايلتها
سعود :ليش
حاتم :يمكن اعرفها
سعود :سألت واحد بحارتهم قال اسم ابوها صالح العبدالله
حاتم :تدرس
سعود :اشوفك فالها وتسأل عنها
حاتم بأستعجال:اي جامعه تدرس
سعود مستغرب من اسئلته :جامعه الامام ها تعرفها
حاتم بضحكه خبيثه :لا يمكن نعرفها بعدين
سعود لف راسه على الشباك يغير الموضوع:تتوقع وين القى خالد لورحت لامريكا
حاتم :ليه بتروح
سعود:اسأل بس يمكن اروح له بعدين
عهد تمد يده تاخذ الحليب من هديل :..ماجاء عمـآد..؟
هديل: هاالايام صاير يجي متأخر مره اشربي الحليب علشان خاطر صحه هدول الصغنونه
عهد ببتسامه : ماشاءالله سميتيها
هديل بغرور: شي اكيد يعني في اسم احلى من كذا ههه
عهد: اي
هديل :ومين
عهد بحزن :ابسميه سامي
هديل تحاول تغير الموضوع صحه عهد تدهورت ولاتبي تزيد عليها: عهود كلميني عن ساره شكلها حبوبه
عهد سرحانه ولاانتبهت لكلام هديل
هديل :هييه نحن هنا
عهد :ها ايش تقولي
هديل :اقول اشربي حليبك ياقلبي علشان اطفي النور وننام لانسيتي ان بكره امتحاني
عهد تشرب الحليب :شدي حيلك قلبي
خلصت الكاس واتجهت للغساله تغسل فمها حطت يدها على بطنها حست بأحساس حلو تمنت سامي يشاركها
اتجهت للسرير تحاول تمثل النوم عند هديل وبالها عند سامي ابتسمت بحزن وهي تشوف طيفه يمر عليها
جلست تتقلب على فراشها حتى الساعه 6 الصباح
قامت هديل بسرعه تلبس مريولها وتاخذ كتابها تراجع قبل لايمرها الباص
عهد تفتح الباب وتتجه لامها
هديل : عهد وين رايحه
عهد: ابي اتطمن على امي واصلح لها فطور
هديل :لحظه اتأكد اذا عماد موجود طلعت تدور عليه لاكن ماحصلته نزلت مع عهد للمطبخ
فتحت الثلاجه تطلع زيتون وجبنه حطت ابريق على النار تسوي شاهي
وبعدها دخلوا على ام راشد ..
ام راشد:ليش تتعبين نفسك يابنيتي
عهد وهي تجلس على الارض وتقرب الفطور لامها :مافي تعب ياقلبي قربي افطري
هديل تسمع صوت الباص فزت بسرعه ولبست عبايتها وطلعت
مرت ربع ساعه وعهد بغرفتها مع امها سمعوا صوت مشي عند الباب قامت ام راشد عند الباب وقفلته بخوف
على عهد لاينتبه لها عماد
عهد:يمه من هذا عماد ..
ام راشد:اي يابنتي خايفه يدري عنك انك هنا وانتي حامل اخاف عليك
عهد بحزن حتى الامان ماتحسه في بيتهم : يمه ارتاحي وانا اتفاهم معه بعدين بس لاتشلين همي
ام راشد:يابنتي هذا سفيه وناقص عقل لاتتفاهمين معه ولاشي
عهد انقهرت من حالها من جت وهي تتقفل عليها الباب وامها وهديل يقلقون عليها اكثر من اول.......فكرت
انها ترجع عند ساره حتى ترتاح
امها ولايزيد تعبها ...
(في الجامعه)
طلعت ريم من الامتحان وركضت لصديقاتها اللي مجتمعين عند الكافتريا قابلتهم بأبتسامه رضى
ساميه تعلي صوتها:مالاداعي اسالك عن الامتحان وجهك كاشف الحقيقه
ريم وهي تجلس على الطاوله :هههه كل شي تمااااام ..شخباركم
البنات : ختامها مسك
هنادي بحزن:ماني مصدقه انا ماراح نشوف بعض
ريم :هنود شكلك مبيته النيه انك تقطعين فينا
ساميه:هههه اعترفي.؟
هنادي: لا بس لمه الجامعه غير بكثير
ريم :لاتضيقين صدري هنادي وبعدين انا بطب في بيوتكم بين فتره فتره
ساميه توقف :اكيد بينا زيارات وطلعات سواء حبيبتي
ريم:وين رايحه ساميه
ساميه :رايحه اجيب شنطتي واجيب لنا شي بارد هاالحر مايرحم
اتجهت ساميه لمكان شنطتها حست بأن احد يناديها لفت راسها على وراء
:لوسمحتي ؟
ساميه:اهلين
..ابسألك اللي كنتي معها هي ريم العبدالله
ساميه:ايوه ليش
..:لابس حبيت اتاكد مشكورا
جلست عند الطاولات القريبه من ريم تنتظرها تقوم مرت نص ساعه كلمت ريم ياسر يجي ياخذها
قامت تلبس عبايتها وتتجه للبوابه بعد ماودعت صديقاتها
قربت جمانه لريم :ريييم
ريم :اهلين
جمانه مدت يدها تصافحها : كيف حالك
ريم :الحمدالله بخير
جمانه ببتسامه:حبيت اعزمك على حفله تخرجي
ريم بأستغراب :تشرفت والله لاكن ماعرفتك
جمانه:انا جمانه
ريم: عاشت الاسامي
جمانه:كان ودي اتعرف عليك اكثر باالجامعه لاكن فرصه اعزمك باالحفل واتعرف عليك اكثر اتمنى ماتردين
جمانه:كان ودي اتعرف عليك اكثر باالجامعه لاكن فرصه اعزمك باالحفل واتعرف عليك اكثر اتمنى ماتردين
دعوتي
ريم ببتسامه: لي الشرف بس احاول ان شاءالله
جمانه :عطيني رقمك علشان نتواصل
ريم:اوكي بس متى
جمانه :اليوم الساعه 9
ريم: تفضلي رقمي
اخذت جمانه رقم ريم وودعتها ...
ركبت ريم مع ياسر
:هلاااااا بالغااااالي
ياسر : رايقه كثير
ريم : واخيرا ودعت الجامعه والمذاكره
ياسر يحرك السياره: اهم شي المعدل ولا مافي الوظيفه
ريم تطق على صدرها:افا مااتعدى الجيد جدا
ياسر :فرحانه انتي ووجهك باالجيد جدا
ريم بضحك :هذا تواضع مني
ياسر:ساره خلصت
ريم :احم احم اشوفك تسأل عنها
ياسر حس بأحراج: ريم ابقولك شي بس لاتنشرينه في نشره اخبارك في بيتنا
ريم تنط عند رجل ياسر : والله مااقول شي
ياسر :طيب قومي من عند رجلي لاتفشليني
ريم ترجع لمكانها من الحماس
ياسر :انا افكر بساره وافكر اخطبها
ريم بفرحه : والله اني كاشفتك من زماان
ياسر: بس ماادري متى الفرصه ياريم وظروفهم كذا نفسي اوقف معها في هاالشده ماابيها تحتاج لاحد
ريم حاطه عينها وسرحانه بوجه ياسر
ياسر التفت عليها: شفيك تطالعيني كذا
ريم برومانسيه:الله يا ياسر عشت جو حلو مع هاالكلام وه بس ياحظ ساره
ياسر بضحك:انا الغبي اجي اتكلم مع وحده مثلك
ريم :حرام عليك ليش مغبي كل هاالحب بقلبك بس صعبه تتقدم لها الحين ايش تقول فينا احنا مانحس فيهم
ياسر : خايف تروح مني
ريم : هاالشي خله علي بس اول مايطلع سامي باالسلامه يكون خير
نزلت للبيت ورمت عبايتها في الصاله ياسر فصخ شماغه وجلس على الكنب
ياسر :ريم شفيك طايره كذا
ريم تأشر على مفتاح الدباب :هذي فرصه المفروض مااضيعها
ياسر :اها شكل بدر ناسيه ولامستحيل يخليه على الطاوله كذا
اسرعت ريم للمفتاح وطلعت تشغل الدباب تغير جو بعد الامتحانات ........
بعد ربع ساعه ارتاعت على صرخه بدر
:ريييييييييييييييييمووووه
ريم يده على قلبها :بسم الله
بدر وهو يسحبها من الدباب:من اللي اعطاك الاذن
ريم بأستهبال:الله رب العالمين(تقصد الاذن)
بدر: تستهبلين بعد ها ..؟ انزلي يله
ريم : يااخي ليش انت كذا حرام الواحد يوسع صدره
بدر:ريوم انزلي ذاك اليوم خربتي الكفر وواليوم ايش تسوين
ريم تنزل بصمت وهي تضحك
بدر استغربت انها نزلت بسرعه قرب عند الدباب
ريم تمشي بهدوء وهي تستنى الصرخه من بدر ..
بدر شاف الدركسون خربان :رييييييييييييييييم
ريم حطت رجلها وركضت لداخل وهي تضحك
قفلت الغرفه بسرعه وبدر يهددها من وراء الباب
ابتسمت على تهديداته واتجهت لدولابها تبدل لبس الجامعه
ارتاحت على السرير بعد مانزلت المكيف على وجهها :احلى لحظه باالحياه لما يتحقق حلم مستقبلك الحمدالله
يارب
احتارت تروح لجمانه او لا ..؟؟بعدها قررت تروح للمول تشتري لها فستان ناعم وتغير جوها في الحفله
سعود دخل على المدير العام يستفسر عن العائله اللي خذت تركي
المدير :والله يااخ سعود هذي المعلومات اللي عندي بس راح اعطيك الرقم يمكن تلحق عليهم قبل لايسافروا
سعود يسجل الرقم وقام بعد ماشكر المدير
اتجه للسياره اللي فيها منار
منار عدلت جلستها وانتظرت سعود يطمن قلبها بأي شي
سعود يفتح الباب ويركب : منارخذت الرقم من المدير يمكن نقدر نوصل لهم قبل لايسافروا
فتح جواله وضغط على الارقام لاكن كان مغلق
صكر السماعه:الرقم مغلق
منار حست بااليأس :مافي عنوان لهم ووين سافروا
سعود:والله مايدري عنهم المدير لانهم عطوه خبر مسافرين وبس اعطيته رقمي يمكن يعرفهم المدير ويعطينا
خبر
(غمضت عينها عظت على شفاتها تمنع صراخها
ماعاد تقدر تتحمل رفعت يدها على باب السياره تحاول ترمي نفسها على الشارع
سعود بصراخ وهو يشوف باب االسياره ينفتح :منااااااااار
لف بالسياره على اليمين وهو يخفف السرعه
منار تطالع الطريق وتحاول ترمي نفسها
مد سعود يده ومسك يدها بسرعه حاول يوقف السياره حتى قدر يوقفها
رفع عينه على مناروالسياره يخيم عليها الهدوء وبعصبيه:ليش تسوين بنفسك كذا ؟؟؟؟؟
سمع صياحها وشاف دموعها على خدها وهي تنادي على تركي
سحبت الغطى على وجها وهي تتلفت بخوف: وين تركي ويننننه
ركزت عينها على سعود بنظره قويه وبصوت جهوري: انت خذيته انت اي انت( وبعدها نزلت عينها بحزن
وابتسمت بقووه): ابشتري له حلاوه
مدت يدها على الباب خاف سعود وقفل الباب بسرعه
منار تجر الباب بقوه وتحاول تفتحه
سعود ضاع عقله ماقدر يفكر ايش يسوي وهو يشوف منار زي المجنونه
مسكت شعرها تقطعه بقوه وهي تضحك
اسرع سعود بأرتباك يفتح الدرج يدور على شريط قران يهديها لاكن مالقى شي شغل الرادو على اذاعه القران
وهو يتلفت على منار
لازم يتصرف..
جلس عشر دقايق وهو يطالع منار بصمت وبداخله حزن على حالها مافي يده شي يسويه حس ان منار بدت
تهدى قرب من عندها وبهدوء:منار اذكري الله قولي لااله الاالله ان شاءالله اجيب لك تركي باقرب وقت ...
منار رافعه عينها للسقف ودموعها تنزل على خدها ابتسمت ابتسامه خفيفه كأنها تشوف احد في السقف
رجع سعود لمكانه وهو يذكر الله شغل السياره متجه للشقه والخوف مالي قلبه
زاد من صوت القران بصوت الشيخ الشريم
وصل للشقه ونزل يفتح الباب لمنار (كانت هاديه وتبتسم بين فتره وفتره وتبكي بنفس الوقت قرب من وجهها
يعدل الحجاب
:منار يله وصلنا الشقه
منار ماردت عليها ولاتحركت من مكانها
قرب سعود بتردد يمسك يدها كانت مستسلمه له نزلها من السياره تمشي بجنبه حتى وصلت لغرفتها
صكر الباب وهو يدعي ان ربي يرد تركي عاجلا غير اجل ماقدر يطلع من الشقه لازم يكون عندها حتى يطمن
انها هدت دخل المجلس وجلس
وهو يفكر بأي حل كره هااللحظه وهو يشوف منار بهاالشكل سمع صوت صياحها من وراء الباب وقف واسرع
تابع^
لها وفتح الباب
كانت على الارض تبكي بصوت متقطع وقف عند راسها ونزل لمستواها :منار تعوذي من الشيطان وااوعدك
ارد تركي لك
منار: ابي امي ليش راحت وخلتني جيب تركي لي اكره خاااالد اكرها ليش اخوي مايبيني ليش
كلمات متداخله في بعضها كانت متراكمه في قلبها وفجرتها بها اللحظه
سعود نفسيته تعبت وهو يسمع كلماتها اللي فهم بعضها وبعضها لا.. ماقدر يسوي لها شي الا انه سحب نفسه
من الغرفه وصكرها عليها
ورجع للمجلس حس باالمسؤليه خالد راح وخل وراه خطا وهم كبير يتحمله سعود اللي مايدري ايش نهايه الشي
.................................................. ............
الظهر عند المقبره بعد ماصلوا على مشعل مصعب متلثم بشماغه والحزن بعينه اللي فقد اعز اخوياه سلم على
المعزين وطلع لسيارته متجهه يتطمن على لؤي وبعدها يوقف مع ابو مشعل في العزا
لؤي بعد مااجروا له العمليه برجله ونجحوا فيها فتح عينه بثقل
ام لؤي عند راسه حست باالفرحه وهي تشوف ولدها حطت يدها على راسه:الحمدالله على السلامه حبيبي
لؤي بلسان ثقيل من البنج: يمه شخبار مشعل
ام لؤي تحاول تخفي الخبر عنه: بخير ياولدي اهم شي ارتاح انت
غمض عينه وهو يتذكر مشعل حمد ربه انه بخير ..
سمع صوت مصعب اللي يستأذن باالدخول
رجعت ام لؤي وراء ودخل مصعب يسلم على لؤي
:الحمدالله على السلامه ياالغالي
لؤي:الله يسلمك
مصعب:ها شخبارك الحين ان شاءالله احسن
لؤي : الحمدالله... زرت مشعل؟؟
مصعب يرفع عينه لبعيد :اي الحمدالله بخير الا وين كنت لما كلمتني
لؤي: بعيدين اقولك السالفه كبيره
مصعب تنهد : حسبي الله ونعم الوكيل على من كان السبب
وصل خالد لفله محمد ..نزل من سيارته واتجه يدق الجرس
كان فله صغيره محوطه بحديقه مساحتها كبيره
فتحت الخادمه الاستراليه الباب ورحبت به
دخل ينتظر محمد وسمر
دقايق ودخل محمد اللي يسلم عليه ببرود
خالد: والله اني مشتاق لكم وتغيرت كثير ماشاءالله عليك
محمد وهو يجلس: ماقلت لي ايش اللي جابك باامريكا
خالد:قررت اكمل حياتي هنا الا وين سمر ..؟
محمد:سمر في فلتها ..
خالد بأستغراب:ليه ماسكنت وياها
محمد :كل واحد عايش حياته
خالد:محمد من صدقك سمر صغيره تروح تسكن لحالها وهنا بأمريكا
محمد: هي اللي طلعت وانا ماقدرت امنعها انت تعرف اختك
خالد بقهر:ولايكون بعد ماتروح تتطمن عليها
محمد:اذا احتاجتني بشي تجي هنا عندي..
خالد وهو واقف:عطني عنوان سمر
محمد يحاول يتذكر :والله مااتذكر هذا رقمها كلمها ..
..اخذ رقمها وطلع لها ....
كرر الاتصال فيها لاكن ماترد ... استغل وقته وطلع يكمل اوراق نقل الشركه هنا ...وبعد ساعه طلع لسمر اللي
ردت عليه واعطته العنوان
فتحت الباب له وهي تضمه بشوووق
خالد مشتاق اكثر لها :سحب يدها ودخل داخل
سمر تجلس بجنبه :واو احسن مفاجأه بحياتي
خالد كان وده يعاتبها لاكن خلى هاالشي بعدين:كبرتي كثيرروصرتي مثل الورده
سمر ببتسامه: ياحبيبي انت .. متى جيت هنا
خالد : من كم يوم وخلاص بأظل معكم دايم
سمر :تعال هنا انا جالسه لوحدي..
خاالد استغل الفرصه:ليش ماسكنتي مع محمد
سمر انحرجت:دايم ينكد علي عيشتي ومايخليني بحالي
خالد : سمر حبيبتي انتبهي لنفسك انت توك صغيره
سمر : اوه خالد لاتصير مثل محمد
خالد :خلاص ابجلس عندك فتره قصيره لما تستقر الشركه هنا ...
سمر ضمته بفرح ......
خالد :ها كيف الدراسه
سمر : مره زينه ماشيه تمام
دخلت الخدامه وهي تتكلم باالانجليزي : انسه سمر مستر جون يريد مقابلتك
سمر :اوكييه
خالد : من هذا
سمر ببتساامه :اعز اصدقائي تعال اعرفك عليه
وقف خالد وطلع مع سمر ..........
حمد ينقاش مع المحامي :والله ياحمد لاحد الحين ابحث عن دليل ابحاول اجلس مع بعض المصابين من ضمن
هاالخليه
يمكن اقدر اطلع منهم دليل اتجهت لمريض اسمه طلال لاكن حالته خطيره وايضا مريض اخر كلهم باالعنايه
حمد : الله يعين ويظهر الحق قريب سامي قالي عن شخص من زمان هو اللي ساعده ياليت لو تسأله بخصوص
هاالشي
يمكن يفيدك
المحامي : ان شاءالله راح اجلس معه اليوم
حمد :متى يسمحون لنا نزوره
المحامي:ممنوع هاالايام على الاقل عن اذنك يااخوي اكمل شغلي ..ولنا لقاء بكره
طلع حمد للبيت وقابلته ساره
:ها يبه طمنا
حمد : ماافي شي جديد يابنتي
ساره : يبه جيب محامي ثاني غير هذا
حمد: المحامي اللي جبته شاطر لاكن مافي دليل ابد مافي يده شي يسويه
ساره : ابي ازوره انا وعهد
حمد:ممنوع زيارته
ساره: اووه الى متى يعني
حمد: ياحبيبتي قضيته ماهي بسيطه الا قولي لي شخبار عهد
ساره: راح ازورها قريب ان شاءالله
حمد : لا ماراح تزورينها في البيت سامعه
ساره: يبه الله يخليك يعني وين اشوفها غير في بيتهم
حمد وهو يوقف :خلاص خلي اخوك عند الباب واقف ولاتطولي كثير عندها
ساره : ان شاءالله واحاول اخذ ريم وياي .....
انتظرت ديم اتصال الدكتور جورج يطمنها على العمليه
لاكن تأخر خافت كثير وقررت تطلع للمستشفى تطمن بنفسها
جلست باالانتظار بعد ماسألت عن الدكتور وعطوها خبر انه مازال باالغرفه
حست بوجود احد بجنبها وارتبكت وهي تطالع سامر
نزلت عينها على الارض تخفي ارتباكها الملحوظ
سامر جلس على الكرسي ينتظر الدكتور حس بفضول كبير لازم يسألها : ممكن سؤال بس
ديم تهز راسها بنعم
سامر: انا اول مره اشوفك من وين يعرفك جاسم
ديم : شوفته كذا مره وتعرفت عليه عن ازنك حابه اسأل الدكتور
سامر يطالع ديم اللي راحت لبعيد :لايكون هذي اللي قالها جاسم بس غير مااكأنها فقيره ابد
ديم تركض بأتجاه جورج اللي طالع من الغرفه بعد ماانهى العمليه:طمني دكتور
جورج :اووه ديم هون لا كتير نجحت العمليه بس ساعتين وراح يفوق
دييم مسكت يده بفرحه:بشكرك كتير دكتووور
جورج :تعالي معاي باالمكتب بدي توقعي على اوراق ,وقعت على الاوراق وطلعت وهي محتاره كيف تقابل
جاسم بعد اللي سوته وقفت عند باب غرفته تطالعه مع الشباك الشفاف حست ان قلبها تعلق فيه كثير
طالعته بنظره اخيره وبعدها طلعت من المستشفى
ماحس بنفسه وهو نايم هاالساعات باالشقه رفع يده يشوف الساعه 8 الليل قام بكسل وهو يتثاوب اخذ جواله
عشر مكالمات من حاتم وابوه
اتصل على على ابوه
ابو يوسف:وينك فيه من صبح وانا ادق عليك
سعود:عند واحد من ربعي
ابو يوسف :تعال للبيت عندنا عزيمه عشاء وتراك تأخرت
سعود:طيب دقايق واجيك
قام وطلع للمجلس بأتجاه غرفه منار يتطمن عليها فتح الباب بخفيف وهو يتأملها كانت ملامحها جامده وهاديه
ارتاح وطلع يطلب لها شي تاكله
وبعدها طلع للبيت يبدل لبسه ويلحق يقهوي الرجال ..
ارسلت ريم لجمانه تعطيها العنوان بعد مارجعت من المول واخذت شاور
جففت شعرها وعدلته بتسريحه بسيطه لبست الفستان الازرق بين جمال جسمها حطت ميك اب خفيف ورسمت
عيونها الواسعه باالكحل استعدت تطلع
نزلت عند ندى ..
ندى:يااااااااهووو خفي علينا
ريم :كيف اللوك
ندى : الله يازين اللي احظرت غطت على كل الحظوور
ريم تجلس وهي تشوف الساعه : ياسر هنا ولا طالع
ندى :لاهنا ..ريم كلمتني امي عن موضوع وليد
ريم: اممم ها وافقتي
ندى : لا هذا زواج ياقلبي لازم الواحد يفكر الف مره
ريم: امي تقول انهم مستعجلين علشان ولدهم بيسافر بعثه
ندى تفكر:اول نسال عنه وبعدها استخير بس احس ماارتحت لامه كثير تتهرب من اي سؤال تسأله امي عن
ولدها ماادري ليش
ريم : خلي ياسر يسأل عنه علشان تطمني اكثر
ياسر اللي واقف:لريم جاهزه
ريم توقف :يله جايه الحين
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك