رواية ايه احبك قلتها والصدى غطى المكان -22
رآئد انسدح و تفكير يوديه وتفكير يجيبه لين قرر قرار من سابع المستحيلات يتراجع عنه ونام من التعب ]~
..
ع السسساعه 1 الظهر
ام اسيل : ونستج العافيه حبيبتي و الله استانسنا
ام سعد : خليكم شوي تغدوا معانا
ام اسيل : عليكم بالعافيه احسبي حسآب الطريج وآحنا حريم بروحنآ ودي نوصل قبل الليل
أم سعد : الله يحفظكم .. هآآ أسول عسى استانستي
أسيل : أي والله خالتي قعدتكم ما تنمل
..
مي ورهف كانوا قاعدين
رهف : قلت ادب شوفي شلابسه
مي : ههههههههههههههه رهف خلاص بتروح البنت هدي ماما
رهف : روحه بلا رده
وبعد ما مشوآآ
جتهم ندى ام رهف ووقفت قدامهم .. اسلوبهم كله طنازه و دلع مع اسيل : رهف ومي شالحركه البايخه اللي سويتوها
مي تتغيشم : شنو خالتي
ندى : شنووو خالتي لا ابد ما سويتوا شي .. مره ثانيه اما انكم تتكلمون باسلوب سنع و بادب ولا تنجعمون
رهف : يمااا عاد واحنآ شقلنا
طبعا التهزيئئئ كان قدام البنات والشباب اللي بالصاله كلهم
مها : يما حبيبتي مو قدام الكل عاد
مي : خلاص خالتي معترفين اللي سويناه غلط .. وقامت وباست راسها .. واوعدج ما تنعاد
رهف عصبت .. عندها تهزئها وتذبحها ذبح بروحهم بس قدام احد لا ]~
رهف : عن نفسي ما غلطت بشي
ندى : مصره
مي : رهف خلاص
رهف : مي انا مجامله ما اعرف اجامل هالبنت ما ابلعها مسحيل اجاملها واضحك معاها و انا كارهتها
جت حصه ام سعد : وليه كارهتها ان شاء الله
رهف : اسباب احب احتفظ فيها لنفسي .. وماني مجبوره اقعد معاها غصب لاهي اختي ولاهي رفيجتي ولا تقرب لي
ندى : ما تبينها لا تقربين صوبها خلاص مو تتكلمين معاها بهالطريقه
رهف : يوهووو عاد جت بشرها ومشت بشرها < تقصد اسيل
سليمان : رهف
رهف سكتت و صعدت فوق وورآها مي
الشباب مو فاهمين ولاشي سوى ان اسيل بالموضوع
حزة الغدى
تركي : حبيباتي وينهم
ندى : رهف ومي ولا .؟
تركي : ايه
حصه : ينزلون شوي
مريم : رهف تقول مو مشتهين
ندى : علها ما كلت
تركي طلع تليفونه واتصل برهف : حبيبة خالها وينها
رهف : هلا خالي فوق تبي شي
تركي : انزلي انتي ومي تغذوآآ
رهف : والله مو مشتهيه
تركي : ما ني متغدي لين تنزلون يلا انتظركم .. وسكر
رهف : خلينا ننزل
مي : هههههههههههههه خالي
رهف : ايه .. فديته محد عبرنا غيره
..
طلعوآ برآ و شآفوا الكل موجود
رهف راحت باست راس امها و خالتها وهم مي نفس الشي قعدوا وما تكلموا
تركي : شمزعلكم يبآآ
رهف : آآه يا خلي خلنا ساكتين
تركي ضحك بداخله : فيها آه بعد .. شفيج
رهف : ابد صار اللي ما يجامل ما عنده اسلوب
تركي : يبآ منتي ملزومه تجاملين .. بس نبتعد عشآن ما نجرح
رهف تطالع بامها : ان شاء الله
جاهم رائد : أفااا تتغدون وتخلوني ما قلتوا نقعده هالمسكين نكسب اجر فيه
فاطمه : شفتك نايم و كسرت خاطري وما قعدتك
رآئد راح وقعد يم ابوه مقابل مي و رهف التفت على امواج : حجيه امواج كيف الحال
امواج : تمام حجي
تركي : ههههههههههه كانت خالتك صارت حجيه
رائد : مع مرور الزمن تكبر وتكبر معاها المسميات
أمواج : حرآم عليك شنو حجيه
رائد : حجيه
أمواج : ما تضحك
رائد : هههههههههههه عصبت
..
بعد الغدى اجتمعوآ بالصاله .. نآصر & سلطان & مريم & الهام .. يلعبوون اونوآآ بس على فريقين
نآصر : يلا دوركم اللون الاحمر
سلطان : وهذا الاحمر يا جعلي فدى اللي بالي
الهام خلاص تعودت عليه وعلى احراجاته
مريم ما تحب هاللعبه بس لعبت غصب عنها
ناصر : انا اللي عندي مو متحمسه للعبه
مريم : مو عن بس هاللعبه ما احبها
ناصر حذف الورق بوجه سلطان : لا تحبينها يبآ حتى انا كرهتها
الكل ضحك على حركة ناصر
..
عند رآئد : يبآ
تركي : هلا يبآآ
رائد و دخل بالموضوع على طول : أبي أخطب
تركي : شالسسالفه موضة زواج هالسنه .. ومنو سعيده الحظ
رآئد بألم : أسيل
تركي : بس انت ما تعرفها
رآئد : ولا يهمك اسال عنها عمتي حصه هي تعرفهم اكثر واذا امدحتلي البنت تقدمنا رسمي .. شرايك
تركي : على كيفك .. اسال امك اول
رائد : قلت لها وما عندها مانع
تركي : على خير
..
دخل رآئد دآخل وابوه رآح عند الرجآجيل مبسطين برآآ
رآئد قعد يم سامي وهمس له : لا تستغرب من اللي بقوله تكفآآ لا تخرب علي شي
سامي خاف : بخصوص شنو
رآئد سند ظهره لي ورى و قآل : عمتي حصه
الكل هدوووء
حصه : هلا يمآآ
رائد : أنا بخطب و هالبنت انتي اكثر وحده تعرفينها
مي سكتت لان ممكن تكون هي ورهف انصدمت
حصه : السسساعه المباركه .. بس منو
رائد ابتسم : أسيييل .. شرايج فيها
حصه : يا زين ما اخترت .. جمال ودلع و ما شاء الله تبارك الله
رآئد : يعني اتقدم لها
حصه : الله يوفقك
..
مي وقف قلبها و كل شي فيها .. لو أي احد بيكلمها الحين بتدمع عينها شعورها ما ينوصف طعنه توجهت لها باحتراف من اطهر ايد واحب ايد عندها اكتفت بالصمت من هول الصدمه ]~
رهف .. كرهت رائد و زاد كره اسيل بقلبها ودها تقوم وتعطيه كف تخليه يصحى ويشوف مي شبيصير فيها التفتت لمي وقالت : اطلعي من هني
مي : ما ابي
رهف : مي قومي معاي فوق
مي : قلت لج ما ابي
سامي سكر على ضروسه بقوه وقال : حمااار طول عمرك غبــــــــــــي غبــــــــــــي
رآئد : سامي اجل كلامك لبعدين
عبير كان احد صاكها كف مو مستوعبه اللي يصير تدري ان رائد يمووت بمي ويحبها بجنون ليه سوى جذي ]~
رآئد شاف مي قامت بتعب للمطبخ .. قلبه تقطع عليها يدري انها تحبه و تموت فيه بعد و متاكد ان الكلام اللي قالته ما تقصدفيه فهد .. بس مستحيل يكون لها ]~
عبير كانت توجه نظرات عتب لرائد
رهف بعد فتره قامت وراها
رهف : ميوو حبي فيج شي
مي : سلامتج حبيبتي بس ودي اصعد انام
رهف : ما في نووم ولا راح تقدرين تنامين اعرفج
مي ساكته
رهف : مي يا قلبي انتي اللي ما يبينا ما نبيه كلب بداله عشششر
مي بعصبيه : رهف
رهف : وانا صاجه قومي تكفين وكأن ما صار شي .. خليج مثل المطر لي طاح هالدنيا تعيش
دخلت عليهم عبير وقعدت يم مي وحطت ايدها على ايد مي وامسحت عليها : صدمتي من صدمتج ويمكن اكثر
صج انه اخوي بس خليه يولي لا تضيقين خلقج على شي
رهف : هو الخسران
مي : صدقوني ما همني
عبير : اجل يلا تعالي وسعي صدرج
رآحوا ولقوا الشباب والبنات مسوين دائره
رآئد : بناات تعالو معانا < يقصد عبير ومي ورهف
رهف بحقد : اكيد جايين وين بنطير يعني
رآئد : هدي هدي
رهف : اللهم طولج ياروح
قعدوآ .. وهذا يعلق على هذا وهذا يقط نكته بايخه مثل وجهه و الثاني ينكت على هذآك و اعتلت اصوات الضحك .. ما عدى مي هاااااااااديه ولا كان احد حولها
ماني على فرقاك ضايق وندمان
ولاهو مصيبه ! تدري وين المصيبه ؟
لاصرت كل العمر أطرد ورى إنسان
ماهو بمن حقي .. ولاني نصيبه .!
..
دخل تركي .. هآآ نآ قصكم شي بروح الجمعيه احد بيروح معاي
مي علت صوتها : خالي لحظه انا بروح
رآئد : انا بروح ناقصتني كم شغله
وكل و احد بدى يقول طلبه لمي وهي مالها خلق احد
مي : لحظه لحظه زين ما انسى نفسي انا .. جابت ورقه وقعدت تكتب شيبوون
وليد ضحك : ههههههههههههه مي عطيني اكتب نص الكلام بدليات
رهف طالعتها بحزن
وبعد ما كتب وليد عطاها الورقه ومشت بهدوئها اللي لفت انتباه الكل
طلعت ولقت رآئد و خالها ينتظرونها
تركي : ترى المكان بعيد شوي تبينا نمشي ولا نروح بالسياره احسن
مي : لا نمشي احسن
تركي شاف وجهها متغير مد ايده وضمها ناحيته وهم يمشون : مي شفيج
رائد ماشي يم ابوه وهو ساكت كسرتها يبا ذبحتها
مي : ما فيني شي
تركي : وجهج اصفر
مي : هههههه يتهيأ لك
مي ودها تضمه و تبجي ودها تشتكيله من الصخر اللي واقف يمه انسسان يمشي بدون مشاعر قط الخبر مثل القنبله ما اهتم شبيصير فيها ]~
تركي : زين ابي احد يسولف علي
مي : ههههههههه انا لا جديد
تركي : وانت رائد
رائد متعمد : انا افكر اسوي الملجه والعرس بيوم واحد
تركي : ليه مستعجل
مي مستعجل على موتي يا خالي ]~
تركي : مي سمعينا صوتج من زمان ما سمعتج تغنين
مي : بعدين لي ردينا
تركي : على ما نوصل يلا غني
مي ما ترددت غنت لليآزيه :
خلاص ببعد ودرب الـود سديتـه
واليوم رّوح و قلبي راح بسكاتـه
روّح وهذاطريقـك لـي تمنيتـه
ما عاد باقي لقلبـي غيـر ونّاتـه
قطعت حبل المودهوانـت خليتـه
للهم وظنون بالـه تتبـع آهاتـه
صنت المحبه وقلبك صدقداريتـه
وانته خفوقي تركته فـي معاناتـه
شيّدت صرح الغلا لك ..كيفهدّيته
من بعد ذاك الوداد وطيـب نيّاتـه
ليتك تحس بعذابٍ منـكحسيتـه
والصدر ضايق وزادت فيه حرّاتـه
خسارة الدمع لي في حبكاصخيته
وخسارة الجفن لى هلّيت عبراتـه
لكنه اللي بتالـي الامـرعانيتـه
خلاني انسى هوى الغالي ومدراته
هذا كياني تخيّـل كيـفهزّيتـه
ياهي خساره وقلبي راح بسكاتـه
رآئد . يووه يا مي لو تدرين باللي فيني كان عذرتيني ]~
..
الســــاعه 2 الا ربع الشبآب والبنات بالصاله
امهاتهم و ابهاتهم رفضوا يروحون لان الوقت متاخر
وهم طالعين من باب الشاليه .. وليد شايل الاورق حقه : وقسسسسسم ما فيكم خير احد يساعدني
جآله سامي يضحك : كفايه لاب نصور اورق حق ليش
البنآت كل وحده شايله معاها شغله .. اجيآس عصير و حلويات ودنيآآ .. لزوم السهره ]~
قربوآ من اليخت ركبووآ و بقت مي جسمهآ ما يساعدها تصعد من التعب .. و الدرج كان يتحرك فـ خافت
رآئد مد ايده
مي : لو ما عليك امر ناد سعد
رآئد نآداه
بعد مآركبت
سعد : ميووو فيج شي
مي : ما فيني شي بس لاني قاعده مبجر اليوم وما نمت العصر
..
قعدوآ برآآ .. الهوآ كان حلوو .. كان اليخت كبير شوي .. البنآت قاعدين بصوب والشبآب قبآلهم .. الهام قعدت تحط العصآير والحلويات ع الطاولات و ترتبهم
سلطآن : فديت السسسسنع
علي أخوها : كـــــــح
سلطان يستهبل عليه : حلو حلو
علي : اعقل
سلطان : حلالي شتبي انت واقف بحلقي
..
ملاحظه : وليد .. يعرف يعزف ^^
وليد : هدوووء هدووء .. الحين تحركنآ و قآعد نبحر بالاعماق
سامي :هههههههه يالحبيب دخلت جوو
وليد : لا جد اسمعوو شرايكم اعزف بدايه مقطع اغنيه معينه .. و اللي يجاوب ياخذ نقطه .. اللي يحصل على اكثر عدد نقآط يطلب طلب من واحد فينآ وينفذه بدون اعذار هاا موافقين
الكل : موافقين
..
وليد بدى يعزف وطول وللحين ماحد عرف الا
مي : مجنوووونها
وليد : صح
عبير : بليز اغاني مألوفه وسهله
وليد : اوكي .. امممم .. كمل عزف
سآره قالت بسرعه : منت انسآن اكثر
وليد : صح
سعد : يا شباب شدو حيلكم البنات غلبوونا
كمل وليد
عآيشه : بلا وجع قلب بلا حب . لا لا بلا حب بلا وجع قلب
الكل مات ضحك على شكل عايشه وهي تجاوب
عاليه : هههههههههههههه هدي تراها لعبه والله لو انها مدرسه
كمل وليد
مي : البـــــــآدي أظلم
وليد : صح .. ووقف عزف يفكر بشي جديد
رائد : وليد كمل عزف هالاغنيه
وليد كمل و غنى .. وليد صوته حلو بس ما يغني قدام احد .. الشباب قاموا يرقصون رقص عبط وخبآل
بالأمسدورك تجرحواليومدوري
بأخذ بثأري منكوالبادي اظلم
لوتبكي عمركما تغير شعوري
ماالتفت صوبك لوعينك تهل دم
اصبح وجودكعنديماهو ضروري
حرمانيمن عطفك ترا صارارحم
بفرض وجوديبكبريائيوغروري
لأنيبشعوركصدق ما عدتاهتم
امشيبرايك وانابأمشيبشوري
لكنيجيلكيوم تبكي وتندم
وان تكلمتبغيبتي او حضوري
ما همنيمنهوعلي تكلم
كملو كملو .. واعلى نقاط كانت مي
سالوها شتبي قالت .. مو الحين لما اقرر
..
شوي الا دخل سآيق اليخت بصينية نصها عصير ونصها شي آخر خخخ
خذآها رائد < مسوين مقلب محترم بالبنات =)
وزع ع الشباب اول شي و تالي عطى البنآت العصير
فصلوآ ضحك وونآسه و آخر شي الشبآب فصلو ع البنآت
مثلوآ دور السكآآآرى وتسدحوا فوق بعض
مريم خافت : بنات شسسسالفه
رهف : ههههههههههه يممآآآ شصار
عايشه قعدت تبجي : خلونا نرجع
الشبآب ميتين ضحك من داخل
مي الموقف اللي قدامها عادي ولا هز شي منها ]~
عبير : امبيه من صجهم هذيلي طلعوا راعين سوالف بطاليه من ورانا
الهام : يمآآآآآآ اخوي علاوي خرب
عاليه قامت لسايق اليخت : لو سمحت رد المينآآآ
السايق طبق اللي قالوه له الشباب : نعم يختي مش حرقع الا الاستاز وليد يبلغني
عاليه عصبت : قاعد اقولك ارجع تفهم عربي ولا لا
السايق : لا ما بفهمش تقي تفهميني
مي جت وسحبت عاليه : شفيج انتي اقعدي ووسعي صدرج وهذيلي خليهم بالطقاق يطقهم واحد ورى الثاني
لمآ يخلص وقتنآ ردينآ بس
سآره : والله يا حلالات من يحذفهم
رآئد تالم مي ما قام يهمها شي ابد ]~
سعد ما قدر يمسك ضحكتها وخصوصا لما شاف مها خايفه وقاعد بالزاويه
سعد : ههههههههههههههههههههههههه
والشبآب ورآه بطوها ضحك
مها : حيـــــــــــــــوانات كلااااااااااااب
سليمان : آآآه يا بطني وربي اشكالكم نكته ولا عايشه تبجين هههههههههههههههههه
عايشه : جب جب خرعتونا
مي بملامح جامده : وليد قررت شنو ابي
وليد : امري
مي : نرجع الحين
وليد : بس
مي : قلت اللي تبينه وهذا اللي ابيه تعبانه وابي ارجع
الكل قعد يحاول فيها مني مني بس هي معنده
رائد انقهر : مي شهالنحاسه خلينا نستانس شوي بعدين نرجع
مي : طول عمري نحيسه و ما بتخلى عن نحاستي .. التفتت لوليد وقالت : قد وعدك
وليد قام وقال لسايق اليخت يرجعهم ..
دخيلك ..
منهو فينا خان؟!
وجرَحصوتيبكثرالقول!
وخيّبظنّهاشفاتي..
وشمّتفينيونّاتي،
وهدّالليبنيتهسنين!
: مثلمنهوظلمأحباب..
وتركهموالظنون،
ظنون!
ولاطيّبخواطرهم!
: مثلمنهوسقىحزنه
بـهمّهوإنكساراته..
وعمرهمارجعرويان!!
وجد رجعوآ لــ رغبة مي .. أول وحده نامت من التعب النفسي والجسسسدي مي .. ورهف ما عندها شي تقوله لــي جابت سيرة رائد قدامها صرخة بوجهها ]~
اترك التعليق لكم : )
انتظروني الخميس الجاي
مع السلامه ^_^
42 ]~
رائد نام وهو شايل همها عارف ان السالفه ما راح تعدي على خير ]~
..
الصبآح
صعب التأم جرح يصعب ايقاف نزيفه ]~
مي قاعده من اذان الفجر صلت ونزلت تحت ع التلفزيون .. سامي طالع من المطبخ شآفها وراح صوبها
سامي : شنو ما نمتي ؟
مي : الا بس قعدت على الصلاة و ماجاني نوم قلت انزل
سامي باستغراب : اذا احنا رادين ع الثلاث ونص امداج نمتي
مي : ايه هذا نومي عادي
سامي : اهاا .. اخليج اناا .. وراح ينام
الشباب كلهم لما ردوا ما ناموو لما صلو الفجر .. بس رائد نآم وقعدوه ع الصلاة ورد انسدح بفراشه ومو قادر ينام
..
طلع وشافها نايمه .. نومتها مو مريحه سانده راسسها لي ورى و ايدينها طايحه يمهابتعب .. منظرها يحزن .. طلع تليفونه واتصل على عبير اللي كانت نايمه ]~
ردت بدون ما تشوف منو : امممممممم
رائد : عبير قومي اسمعيني
عبير عتبانه على رائد حيل وماكلمته من امس واول ماسمعت صوته قالت : خير عندك شي
رائد : انزليتحت وخلي مي تصعد تنام فوق رقبتها
بتنكسسر على هالنومه
عبير بهمس : لا لا احلف خايف عليها
رائد بثقه : لا .. بس شكلها غلط وهي نايمه بالصاله
عبير : زين اقلب وجهك
رائد : حمآآره .. وسكر بوجهها
راح وقعد قبآلها .. مو كل مره يقدر يشوفها على راحته.. سرح بوجهها اللي مبين عليه التعبوهو حاط ايده على خده ومو منتبه لوضعه
نزلت عبير واتجهت لرائد : استح على وجهك البنت نايمه
رائد قام وسحب الريموت من ايد مي وهذا اللي خلاها تقوم .. عبير ودها تذبحه
رائد راح تمدد ع الغنفه : اللي بينام ينام فوق
مي عصبت منه : والله لي صارت صالتك تكلم على كيفك
عبير ما حبت حركة رائد : ميوو قومي كملي نومتج فوق بيعد عن الناس المزعجه
رائد وجه نظره لعبيير
مي عنادها واسلوبها الجاف معاه ماراح يفيدها قامت وغسلت وجهها وردت اقعدت وخلت الوضع عادي : لو سمحت الريموت متابعه مسلسل ومن صبحي انطره
عبير انسحبت بهدوء .. فيها نوم ومالها خلقهم
رائد : عادي شوفي الاعاده
مي تنرفزت : رائد ليه جذي
رائد : ليه تكبرين الموضوع بكل بساطه ترى كلها مسلسل
مي من القهر خذت تليفونها وقعدت تتعبث فيه
رائد : أي قناة تبين
مي ماردت
رائد : اتكلم انا
مي مسويه نفسها لاهيه بالفون : عادي اشوف الاعاده
رائد اصلا ما عنده سالفه بس بيكلمها : كيفج .. أي صج بغيت اسالج بما ان ذوقج روعه .. البنات شيحبون هدايا
مي تدري انه قاصد ينرفزها : ساعات عظورات أي شي جديد
رائد توقع تنفجر بوجهه بس بين العكسسس صارت بقمة الهدووء
..
رهف قامت صلت وخذت شور سريع وبدلت ونزلت وقالت للخدامه تحط لها ريوق وراحت تشوف مي وين .. دخلت وانصدمت
آخر شخص توقعته موجود مع مي رائد .. له وجه بعد : صبآحو
مي بابتسامه : صباح الورد
رائد : صباح النور
قعدت يم مي : من متى قاعده
مي : الفجر
رهف : اها .. بدا المسلسل ليه مو حاطين عليه
مي : بشوف الاعاده
رهف حست ان السالفه فيها رائد وتاطدت لما شافت الريموت بايده وقالت : رائد حط ع الوطن
رائد : ما ابي
رهف بضحكه تنرفز : هههههههه حركات ابتدائيه ما نبي حط الله يصلحك ويهديك ويرزقك بالحرمه اللي تنتف ريشك
رائد تنح !
مي ماتت ضحك بداخلها
رهف : مبروك عليك اسيل مقدما يقولون وافقت تصدق عاد لا يقين على بعض
< كان اسلوبها طنازه
مي بعبط : جان قايلتلي اتصل ابارك لها .. مبروك رائد
رهف : لا لا هالحزه ست الحسن والدلال نايمه
رائد : كلامج طنازه . عدلي اسلوبج يا حلوه
رهف : وي عصب ماما معدله اسلوبي قبل اشوف شكلك
مي تدري ان رائد مايسكت ولا رهف : رهف خلاص
رائد : والله لو انج مو بنت جان سنعتج
رهف : هههههههههههههه عندي ابو واخو وام يسنعوني لو اني ما تسنعت اوكي .. بعدين حيلك باسيل يمه حجبها وطول نفنوفها
رائد فار دمه : فكيني من شرج يا بنت الناس واحترمي نفسج
رهف شافت ريوقها وصل : يرحم لي والديك اسكت خلني اتهنى باكلي
< مافيها حيله سكتته
رائد خلى لهم الصاله وطلع
مي : رهف مهما يكون ترى بتصير زوجته وعيب اللي قلتيه
رهف : باللي ما يحفظهم
مي هزت راسها وسكتت
رهف : تعالي تريقي
مي : شربت عصير بارد ع الصبح بعد ما خذيت شور والحين بلاعيم ونشله
رهف : سلامتج غلاتي .. قومي ريحيي
مي : الله يسلمج "" أي والله فيني نوووم
مي قامت وردها صوت رهف : مي متضايقه
مي : تضايقت بالبدايه لكن الحين عادي كل شي قسمه
ونصيب الله يوفقه ويهنيه .. صعدت تنام
سلامة خاطرك يا قلبي ولا باس
دام الحظوظ معنده لا تجزعي
هي كذا الدنيا وهي كذا الناس
وبما قسم الله ارضي واقنعي
..
اليوم اخر يوم لوجودالهام واهلها بالشاليه لان ما خلصت تجهيز للعرس ]~
..
بمكان ثاني ع الظهر الهام وسلطان برا الشاليه
سلطان : خليها باجر ما شبعنا منج
الهام : اقول ما تلاحظ انك مخربها معاي قدام اهلي ومفشلني ترى وقسم انقص وجهي
سلطان ببرائه : افااا افااا اناا سوين كل هذا
الهام : لا سايقنا
سلطان يدور شي حلوه وحذفها بعلبة الكلينكس اللي ع الطاوله : وبكل قواة عين
الهام : ههههههههههههه عادي تراه رجال كبير يا حليله ادريس
سلطان : يا حليله بعد ؟
الهام ركضت لي داخل قبل تنذبح
دخل سلطان وشاف سامي بوجهه : وين الحب
سامي ميت ضحك عليه بس ما بين : اقول استح على وجهك ماخذ راحتك العرس بعد اسبوعين وسو اللي تبيه .. وغمز له
..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك