رواية اذا انتثر دمع عينك -35

رواية اذا انتثر دمع عينك -35

فارس وقف وفي باله شي .. سحب سامي من يده وهو يمشي لجهة الدرج : هه تعال تعال ههه ..

وصغد فارس فوق ومعاه سامي ..

ريان : الله يستر من فويرس ..

تركي : ماتلاحظون أنه صار برود مافيه مقالب وأكشن وكذا ؟ ..

روان ناظرت بملاك : صحيح .. أحس أنه من زمان ماسوينا مغامرات ..

ملاك : إنشالله أدرس الاوضاع والأحوال الداخلية وأرد لكم ..

ياسر : تراك شايفة نفسك ..

طلال يقهر ياسر : ويحق لها ..

ملاك بثقة قامت باست خد عمها طلال بسرعة .. وتأشر بصبعينها على خدها : حبــتين .. (لفت على ياسر) وشهد شاهد من أهلي أحم ..

ريان بحسن نية : أقول دنو متى نسمع بالموافقة ؟؟؟ ..

هنا بهت وجهة دانيا .. أما مشعل كانت نظراته ولأول مرة تعبر عن اللامبالاة وكأن الموضوع مايخصه أبداً ..

دانيا ناظرت مشعل اللي وكأنه ماسمع كلام ريان ويسولف مع فيصل .. بلعت ريقها وتوها بتحرك شفايفها .. إلا سمر فجأة تكلمت بصوت عالي : رياان ..

الكل لف عليها بدون استثناء ..

ريان : هلا ؟ ..

سمر وكأنها جمدت من نظرات الكل لها واستحت شوي .. وتوهقت شنو تقول .. فقامت تتكلم ببطئ : أأ .. أممم .. أأ .. كيـــف صرت أنت أخو دانيا بالرضاعة ؟؟ ..

&&&&&&&&&&&&&&&&&

نروح فوق عند فارس وسامي ..

أول ماصعدوا للدور الثاني ..

سامي لفارس : شنو نسوي هنا ؟؟ ..

فارس ببتسامة مسك يد سامي : تعال داخل وأفهمك ..

دخل فارس غرفة سارة وسحب سامي وراه ..

سامي باستغراب يناظر الغرفة : ليه دخلنا هالغرفة ؟؟ .. وأصلا من غرفته ذي ؟؟ ..

فارس يحوس بجهة العبايات : ذي غرفة سارة .. أما ليش دخلناها .. عشان نلبس العبايات حقينها ونقلد على البنات عدل .. شرايك ( ولف على سامي و حرك حوجبه) ..

سامي فكر سوي بعدها ابتسم : هههه حلوووة .. طيب انت متأكد أنه عندها عباية ثانية ؟؟ ..

فارس طلع شيلة وعباية ورماهم على سامي : إيـه عندها فوق الثلاث عبايات كتف وشيلات .. إمم دقيقة بروح غرفة مسك أجيب كم شي وأجي .. (وطلع) ..

سامي ناظر بالعباية والشيلة اللي لقفهم من فارس .. ونرفع نظره للمراية اللي قباله .. تخيل نفسه يلبس العباية والشيلة كيف بيصير شكله ؟؟ .. ضحك على تفكيره ..

لف يمين وشمال .. وفي نفسه "" هذي غرفة سارة ؟؟ .. غريبة غرفتها مرتبه ! .. هههه والله أني أضحك على تفكيري .."" ..

ناظر الصورة الكبيرة المعلقة على الجدار .. ابتسم يتأملها بانبهار .. كانت الصورة لسارة يوم عمرها ثمان سنوات تقريبا .. وكانت لابسة فستان أبيض كأنه حق باربي .. ومسوين لها مكياج وتسريحة بسيطة وصايرة مرة كيوت .. وكأنها تبع الدعايات ..

دخل فارس وفي يده شنتطتين كبار على الكتف حقين مسك .. انتبه لسامي .. ابتسم عليه وهو يحط الشنط على التسريحة : تجذب صح ؟؟ ..

سامي لف على فارس وابتسم على الخفيف : إيه .. و حلوة ..

فارس : ما ألومك أصلا هالصورة موجودة في استيديو الـ . للأطفال معروضة هناك .. اللي صورها طلب من ابوي أنه يعرضها ..

سامي : أهآآ .. أصلا معروفة دامها أختك ..

فارس ابتسم على جنب : أحم .. أعقل لاتخلي راسي يكبر أكثر ..

سامي ناظر الشنط : الحين أنت من جدك بتلبس عباية ..

فارس : ومن جدتي بعد ..

سامي يلبس العباية وصايرة قصيرة عليه : ههههههه شف شف ..

فارس لبس العباية الثانية : ههههههههه .. لو أني أخذت عبايات مسك أحسن .. ولا لالا خلنا كذا يطلع الشكل توحفة هههههه ..

سامي رفع الشيلة يناظرها : فوييرس شلون يلبسونها ذي ..

فارس مندمج يحاول يلبسها : عادي كأنك لابس شماغ وبتتلثم فيه ..

سامي يحاول يلبسها : أما شماغ .. الحمدلله أني ولد ولا كان صارت علوم ..

فارس ناظر سامي اللي كان منزل الشيلة لمن نص شعره ومتلثم فيها وشوي وتطيح : ههه ليه منزلها ؟؟ ..

سامي : ههه مالك ذخل .. حركات بنات اللي بالأسواق لازم هالشعر يبـان ..

فارس ضبط الشيلة على كيفه : ههههه صح صح .. إمم لو عادي نحط لنا من علبة الألوان اللي يحطونها بوجههم ..

سامي مسك الشنطة اللي قباله وكأنه بيضرب فارس فيها : هههه فويرس حدودك عاد .. بلاها من حركات الخكاره ..

فارس يسبل بعيونه الرمادية وبصوت ناعم : خكري بعينك .. خذ لك وحدة من هالشنط عشان ننزل ..

سامي ناظر الشنطتين : إمم مافيه وحدة لونها بينك ؟؟ ..

فارس بنص عين : الحين من الخكري أنا ولا أنت ؟ ..

سامي : لايكثر ..

فارس فتح دولاب سارة ومن حسن حظه لقى شنطة كبيرة لونها بينك .. مدها لسامي وصوته منعمه : خذ يالبيـنك ..

سامي أخذ الشنطة وقلبها بين يدينه : يلا ماعليه تنفع .. (وحطها على كتفه) .. يلا ..

فارس : ستوووب ستووب ..

سامي يرمش بعيونه ببطئ مصدق حاله ومنعم صوته : وشو ؟؟ ..

فارس أخذ له من العطور اللي على التسريحة وقام يرش له ويرش على سامي : كذا نقدر نقول يلا ..

سامي حط يده على خشمه فوق اللثمة : لالا .. الله يقطعك ما استحمل العطور المركزة .. وش اسوي أنا الحين ..

فارس : أأ .. ماعليه تراه مو مركز كثير .. وأحنا بنفصخ العبايات بعد عشر دقايق ما راح نطول ..

سامي يفكر وبتهوره المعتاد لمرضه : أوك ..

&&&&&&&&&&&&&&&&&&&&&

نرجع لرامي ودانة ..

دانة بعدم استيعاب : إييييش ؟؟ ..

رامي ابتسم على جنب : قالوا عني ولد الأمغيكية (الأمريكية) .. ولا لأ .. شكله وخلقته تقول عنه مو سعودي يمكن ولد سوغية (سورية) أو لبنانية .. اللي تبغين .. أنا مثل اللي يقولون أصيغ (أصير) .. مو غاضين (راضين) يصدقون أني ولد الجازي (أم مشعل) ..

دانة انقهرت منه : وأنا وش دخلني فيـك .. أفتح البااااب أحسن لك .. أنت ماترضاها على سمر اختك ..

رامي بعد عنها بهدوء وصد عنها ببرود وهو مكتف يدينه : إلا لك دخل ..

دانة باستنكار : أنا ؟؟ ..

رامي لف جهتها وهو بمكانه : إيه أنتي .. أولا أنتي لازم تقنعين أختك المصون توافق على مشعل ..

دانة باندفاع : هي أنت .. أحترم نفسك .. والزواج مو غصب فاهم ..

رامي قرب منها خطوة وبهدوء مخيف : نعــم! ..

دانة انخرست ..

رامي : لو أن أخوي فيه عيب كان ماقلت شي .. أما كذا من مزاجها .. مهوب على كيفها .. ثانيا أنا ماودي أنتظغ (أنتظر) أختك دانيا توافق على أخوي عشان أخطب ..

دانة فتحت عيونها : وليه هالكلام ماتقوله لدانيا .. أصلا مو لازم دانيا في غيرها مليون ..

رامي : وأخوي بالموت وافق لأمي تخطب له دانيا من بين هالمليون .. وأختك بكل سهولة تغفض (ترفض) .. (وقرب منها أكثر ومسك يدها) ..

دانة خلاص ما استحملت ودموعها قامت تنزل على خدينها : طللللللعني ..

&&&&&&&&&&&&&&&&&&&&&&

نرجع لبيت بوفارس في الصالة ..

ريان ناظر سمر لفترة وكأنه يستوعب السؤال وابتسم : أمي ارضعت دانيا معاي عشان تبغى يصير لي أخت وكأنها حاسة أن ملاكوه مامنها فايدة ..

الكل : هههههههههه ..

ملاك : خييير خير ؟؟ ..

ريان : وأنا ماقلت شي غلط ..

دانيا لفت لسمر بنظرة شكر وامتنان على اللي سوته .. عشان ماتظطر و تقول رفضها .. وسمر ابتسمت لها مجاملة ..

رهف تناظر الدرج و فاتحة فمها : بناات شباب شوفوا شوفوا ..

الكل لف بدون استثناء وفطسوا ضحك على اللي شافوه ..

فارس يحاول يتمايل بالمشي وصاير شكله شي .. وبصوت ناعم وعالي : ساام شوفي المعجبين كثار ..

سامي مسوي فيها مستحي ويسوي نفسه يهمس لفارس بس بصوت مايع وعالي : وييي فووفوو أنا أستحي ..

رائد صفر : العن أبو الخكارة ياشيخ ..

فارس بصوته العادي : أقول عن الغلط (ونعم صوته) ما أحب التجريح أنا ..

رهف دقت سارة : سووويرة شوفي شنطتك ..

سارة شهقت : وعباياااتي .. هــي انتوا من سمح لكم .. (وقامت وسحبت شنطتها من سامي) .. هاتوو بس ..

سامي لحد الحين بصوت ناعم : اعصابك ترا كلها شنطة ..

سارة بغرور : هذي بألفين ريال هاللي مستهين فيها ..

سامي ارتاع وحط يده على قلبه : آآآهـ ألبـــي ألــبي ..

الكل : هههههههههههه ..

سارة ببراءة : بس بألفين ..

سامي يسايرها : بسس !!! ..

سارة : بس بالله تصدق ؟؟ ..

سامي مو مصدق أخذ الشنطة يقلب فيها فترة ..

فارس : هي أنت شفيك ؟؟ ..

سامي رفع نظره لفارس وهو يحك خده : ليكون مصنوعة من الذهب وانا ما انتبهت ..

الكل : ههههههههههه ..

فارس : ههههه صحيح الشنطة شكلها سنبل وحلو .. بس والله ما أدفع فيها اكثر من خمس مية ..

يوسف : هههه بس صدق البنات مهابيل ..

مسك : أصلا أنتوا ماتعرفون شي .. ذي ماركة ..

ريان : يابوك يالماركة ..

مشاري : عن الغلط .. حبيبتي ..

مسك : هلا ..

مشاري باستهبال : أحم .. أتمنى أنك مو مثل اختك .. ولا كان الراتب راح كله على الماركة ..

الكل : هههههههههههههه ..

مسك سكتت وهي مبتسمة ..

بوفارس لمح فارس وسامي .. وصرخ فيهم : فاااااارس سااامي ..

الكل : ههههههههههه ..

فيصل : ههه صادوكم هههه ..

فارس وسامي توهقوا ولا ردوا ..

يوسف : الحمدلله أني مو معاكم الحمــــدلله ..

الكل : هههههههههه ..

بوفارس رافع حاجبه : تعالووا تعالوا ..

فارس وسامي بسرعة فصخوا الشيلات وما أمادهم يفصخون العبايات .. إلا يصرخ فيهم بوفارس : تعالوا باللي لابسينه ..

وصل فارس وسامي قبال بوفارس وهم حد الدعسة مفتشلين من الرجاجيل اللي قاموا يناظرونهم باستغراب .. أما الحريم يناظرونهم وكاتمين ضحكتهم ..

بوفارس يناظرهم باستهزاء وبشوي تكبر : وش لابسين أنتوا ؟؟ ..

فارس وسامي ساكتين .. مالهم وجه يتكلمون ..

بويوسف يتريق عليهم : أقول محمد (بوفارس) ..

بوفارس : آمر ؟؟ ..

بويوسف : توني أدري ان عندك بنت أكبر من مسك ..

بومشاري : مابقى إلا تلبس فستان ونحط لك شباصة في شعرك ونسميك فارسة ..

فارس دوروه ماتلقونه ..

الشباب والبنات كانوا يسمعون : ههههههههه ..

بوأحمد : وأنت ياسامي ..

سامي بلع ريقه ..

بوفارس لأم مشعل : أم مشعل ..

أم مشعل : سـم ؟ ..

بوفارس يناظر سامي بنص عين : خبري يا ام مشعل أنكم ربيتو رجاجيل .. وينهم ؟؟ ..

ام مشعل ابتسمت : والله يابوفارس شوفت عينك ..

بوفارس : الحين أنت وياه تفصخون هاللي لابسينه .. ناقصين حنا اولاد يقلبون حريم .. يلا روحوا ..

فارس وسامي ماصدقوا على الله لفوا على جهة الشباب والبنات وتنهدوا بارتياح ..

الكل : ههههههههه ..

فارس فصخ العباية : أووه مايسوى علينا ..

سامي ابتسم : صدقت ..

سمر بهدوء : سامي ..

سامي لف لها ..

سمر : بدل ملابسك العطر واصل لهنا ..

سامي ابتسم لها : فديت اختي بس .. كل بسبب فويرس رشني رش ولا البف باف ..

الكل : هههههه ..

رهف : أووه نسيييت اقول لكم ..

الكل لف عليها : وشو ؟؟ ..

روان : إييه تقصدين ذاك الخبر ..

رهف هزت راسها : يــب يب ..

دانيا : لو سمحتوا تتكلمون عدل بدون ألغاز لا بالكريك ..

رهف : أحم .. بنحط لنا سواق

نوف : عادي عند أبوك ؟؟ ..

روان : أهو بالبداية كان رافض بس حنينا عليه لمن وافق ..

الكل : آهآآ ..

فيصل : بس مو عدلة تطلعون بروحكم مع السواق ..

رهف : والله لمن الشباب يرزون طولهم ويوصلونا مو تمننون علينا بالطلعة تصير مو عدلة ..

ريان : ومتى راح يجييبه ؟؟ ..

رهف : تقريبا على بكرة أو اللي بعده ..

&&&&&&&&&&&&&&&&&&&

نرجع لرامي ودانة في بيت بو مشعل ..

رامي بهدوء شديد قرب من عند الباب ويطلع المفتاح من جيبه بيده اليمنى وماسك يد دانة بيده اليسرى بالخفيف ويناظر الباب : معقولة يادانة تعتقدين اني ممكن اأذيك ؟؟ ..

دانة تبكي بصمت وترجف بالخفيف وتناظره .. وصوتها متقطع : أأ .. أججـلل .. ل.لـليه ججآآيببني هنناا ..

رامي دخل المفتاح في قفل الباب وفتح القفل وترك يدها وفتح الباب : لاني أبيـك .. أبيـك يادانة ..

دانة تصنمت .. ماتخيلت ان رامي يفكر فيها بالذات ..

رامي لف لداخل غرفته وأخذ منديل ومده لها : امسحي دموعك .. تغاها تجغح (تراها تجرح ) خدينك .. وإن ماجغحت (ماجرحت) خدينك .. تجغح(تجرح) قلب يغليك ..

دانة ناظرت فيه مو مستوعبة اللي قاله .. بعد دقيقة مدت يدها وأخذ المنديل ومسحت دموعها بهدوء ..

رامي ببتسامة وعيونه عليها يأشر برا غرفته بيده ومنحني شوي : الليديز فرست ..

دانة بحرج ناظرته بهالوضعية وكأنها تبغى تتأكد ..

رامي توسعت ابتسامته زود وبهدوء : أدغي (أدري) ماودك تفاغقيني (تفارقيني) .. بس وش أسوي بعمري العالم كلهم يبغوني ..

دانة ضغطت على المنديل بخجل ومرت من قدامه .. رامي على طول مشى وراها وسكر باب غرفته ..

رامي ابتسم وتوه بيكلم دانة شاف بعيونها علامات المفاجأة !! ومركزة نظرها على شي قدام ..

رامي رفع عينه يبغى يعرف وش تناظر .. ارتبك من داخله .. شاف أخوه سامي واقف عند عتبة الدرج ويناظرهم باستغراب وتعجب ..

سامي رفع صبعه السبابة يأشر على نفسه : أأ .. أنا جيت أغير ملابسي .. (وأشر عليهم) .. ووو وأأ وأنتووا وو ..

رامي قاطعه بهدوء : طيب .. من متى وانت هنا ..

سامي احتار من اللي شافه : أأ من أول ماطلعتوا من الغرفة ..

رامي : لو سمحت سامي .. لاتقول لأحد .. أنا أفهمك بعدين .. أوك ..

سامي تحرك لجهة غرفته ومليون سؤال في باله :أوك ..

رامي لف لدانة : يلا نروح عندهم ..

دانة هزت راسها ..

رامي : دقيقة دقيقة ..

دانة لفت عليه : وشو ؟؟ ..

رامي : أول شي غسلي وجهك .. وثاني شي .. تغا (ترا) اللي قلته جد .. اقنعي أختك توافق على مشعل عشان أنا اقدغ (أقدر) أخطبك ..

دانة استحت شوي : أحاول ..

رامي : حتى انا بحاول في مشعل .. أهو بالموت سمح لأمي تخطب له .. وينغد (وينرد) في أول مغة (مرة) ..

دانة حست بمشعل وأنه أختها صحيح مالها حق ترفضه كذا : أهآآ ..

رامي : يلا ننزل ..

دانة : يلا ..

&&&&&&&&&&&&&&&&&&&&

في بيت بوفارس ..

نوف : غريبة وين دانة ؟؟ ..

دانيا توها تنتبه : صحيح وينها ؟؟ ..

مشاري : ورامي وينه ؟؟ ..

إلا على دخلة رامي ودانة وسامي اللي بدل ملابسه عن العطر ..

سمر : هذا هم ..

ملاك انقزت لدانة : وين كنتي ..

دانة تناظرها وكأنها تستوعب السؤال ..

رامي سبقها بالإجابة بكذبة : أنا وصلتها لبيتهم تودي شي وجبتها ..

رائد اللي كان مبين عليه الطفش وقف وبوصت عالي : اسمعوا ..

الكل لف عليه ..

رائد : خلونا نروح مجمع ونتعشى هناك نغير جو .. ترا بجد مليت ..

البنات والشباب أتفقوا على المجمع .. أما أهلهم في بيت أبوفارس .. طلع الكل برا يركبون السيارات ..

طلال جا بيطلع لف على فيصل : ماراح تجي ؟؟ ..

فيصل اللي كان جالس جنب زوجته : لا بجلس مع ربى ..

طلال ابتسم : أوك ..

طلع طلال عند الحديقة وشاف البنات متجمعين : خير شصاير ؟؟ ..

ملاك : لا بس نقرر مع مين نروح ..

طلال فتح سيارته : أقول اركبو في أي سيارة مانبي نتأخر ..

وتوزعوا البنات على سيارات الشباب ..

مشعل طلع من البيت بعد مادخله مرة ثانية وفي يده أسيل ..

تركي من نافذة سيارة يوسف أخوه : وهالمفغوصة لازم تجيبها ؟؟ ..

مشعل ركب سيارته وفي حضنه أسيل وشغل سيارته : عن الغلط .. حبيبتي ما ارضى عليها ..

الكل : ههههههههه ..

سمر اللي كانت جالسة قدام جنب مشعل : عنك عشان تسوق ..

مشعل حرك سيارته : لا خليها كذا مرتاح انا ..

وراحوا كلهم المجمع ..

نزلوا كلهم من السيارات ..

يوسف : شباب .. بنااات ..

كلهم لفو عليه ..

يوسف يذكرهم : سلاحف النينجا ..

الكل ضحك : هههههههههه ..

يوسف يناظر مشعل اللي فقط اكتفى بالإبتسامة : أنت حالك متغير ياولد وش صاير ؟؟ ..

مشعل يأشر على نفسه بمعنى أنا ؟؟ ..

يوسف هز راسه : لا الجدار اللي وراك . إيه أنت ..

مشعل هز كتوفه ومشى : مافيني شي يتهيأ لك ..

ودخلوا كلهم المجمع مع بعض وكان شكلهم ملفت للإنتباه لأنهم كثار تقريبا 18 شخص داخلين مع بعض ..

وبعدها تفرق الكل يتسوقون ويتمشون .. عشان إذا خلصوا يتعشون ..

ملاك + روان + سارة + رهف .. مع بعض ..

ملاك دقت روان : روينووه شوفي شوفي ذاك سووودااحي ..

روان : آآهـ يهببل ..

سارة : مليكووه هذا اللي تحب يوسفوه ..

رهف : إيه صدق خوانة ..

ملاك : اقول اسكتي أنتي وياها ..

روان : ههههه ..

سارة : شفيك تضحكين ؟؟ ..

روان حطت يدها على فمها عشان ما تعلى ضحكتها : هههه شوفي اللي هناك ..

رهف شافته ماقدرت تمسك عمرها وضحكت بصوت عالي ملفت للإنتباه : ههههههههههههههه ..

سارة و روان وملاك يحاولون يسكتونها ..

ملاك دقتها وصاكة على اسنانها : وجع رهييفووه فضحتينا أنتي ..

روان حطت يدها على فم رهف : ياويلك إن سمعك واحد من الشباب ..

رهف وقفت ضحك تدريجيا : أووه .. أماا شكله شي ..

قرب منهم نفس الشاب اللي ضحكوا عليه .. كان لابس ثوب قماشه جلد لونه بني شكله غريب ومو حلو .. والشاب مرررة ضعيف وحنطي ومطول شعره لمن رقبته وفارقه نصين .. صاير شكله شي خخ .. >>>هالأشكال موجودين بالمجمعات جد (= ..

الشاب مصدق نفسه أنه ستايل : هلا وغـ ..

شاف عيون حارقة نحوه من ورا البنات شوي وتذبحه .. هج من مكانه عنهم ..

البنات استغربوا من تصرفه ولفوا وراهم .. وشافوا ريان ويوسف واقفين وراهم بالضبط ومبتسمين ..

رهف : أعوذ بالله من متى طلعتوا ؟؟ ..

ريان : أنتي لاتتكلمين لا أذبحك بمكانك ..

رهف استغربت : ليه ؟؟ ..

ريان : ضحكتك واصلة لأخر المجمع ..

رهف تفشلت منه ..

يوسف ابتسم بمكر : أقول ملاك ..

ملاك لفت له : هلا ..

يوسف : ممكن تجين معاي شوي أبغا أخذ رايك بشي .. طبعا من بعد أذنك ياريان ..

ريان : أوك ..

ملاك مشت : زين ..

عند مشعل + فارس + سامي + جهاد + سمر + دانيا + دانة + نوف .. وطبعا + أسيل اللي مع مشعل ^____^ ..

كانوا في محل ألعاب لان حضرة الست أسيل تبغى تشتري ..

فارس : اللي يشوفها يقول عنها ابد ماعندها غرفة ألعاب كاملة هناك .. وتشتري زيادة ..

مشعل كان ياخذ أي لعبة تأشر عليها أسيل أو تلفت انتباهها : ماعليك منها ..

سامي يتفرج في المحل .. وابتسم : تصدقون ودي أشتري لي لعبة ..

مشعل : هههه اشتر لاتخليها في نفسك ..

سامي أخذ له مسدس اللي يحطون فيه حلقات حمرا ويفرقع (= هع ..

فارس : وناسة أبي مثله .. جهادوه خذ لك واحد مثلنا ..

جهاد : مفروض انا أخذ المسدس وانتوا تشترون لكم لعبة أدوات الطبيب ..

الكل : ههههههههه ..

دانة اعجبتها السالفة : إمم باخذ لي باربي ..

سمر : ههههههه اما باربي غباار عليها والله ..

فارس : الباربي عندنا مو مغبرة أسيلوه مو مقصرة كل اسبوع وحدة ..

مشعل : سمور ماودك تشترين مثلهم ؟؟ ..

سمر ترددت شوي : أأ .. إمم .. ودي أشتري أغراض الحفر حق الرمل .. عشان لو إذا بنروح البحر ..

دانة ابتسمت : أتخيلك جالسة على البحر وتحفرين وتسوين جبل بالرمل اما تووحفة ..

سمر : بس يمكن مانروح البحر ؟؟ ..

دانيا : من زمان عن البحر .. نقول حق طلال نروح البحر أحسن من جدة ..

دانة : نوف أخذي لك شي ..

نوف ابتسمت : ما أدري شنو أخذ ..

مشعل مد لها لعبة مكعب الذكاء الملون : خذي ذي حلوة ..

نوف ناظرتها : لالا .. أبغى شي طفولي ..

مشعل ناظر اسيل : سوسو أبغى لعبة حلوة مثلك ..

أسيل فكرت شوي بعدين مدت له لعبة بيبي جوي بكرتونها : مثعل ذي حلوة مثلي صح ..

مشعل اخذها وابتسم : إيوا حلوة كثير .. (ومدها لنوف) .. لعبي في ذي تتدربين فيها مستقبلا للبزرانك ..

نوف ابتسمت وأخذتها ..

الكل شرا له لعبة حتى مشعل ..

مشعل بهدوء يحاسب على الألعاب : وانتي ماتبغين تشترين شي ؟؟ ..

دانيا ارتبكت : أنا ..

مشعل مارد عليها ..

دانيا بارتباك : لآ ..

المحاسب اللبناني : لك الله يحفز لك بنتك شو حلوة ..

مشعل ابتسم على جنب : تسلم ..

وحاسبو على الألعاب كلهم وطلعوا يتمشون ..

عند مشاري + مسك + رائد + طلال .. يتمشون في محل لإكسسوارات الجوال..

لأول مرة رائد مايجنن مشاري عن مسك ..

طلال يناظر الميداليات : أقول مشاري ..

مشاري : آمر ؟؟ ..

طلال شكله محتار في الميداليات : متى عرسك ؟؟ ..

مشاري ابتسم .. الحمدلله أنه في أحد سأل : والله على حسب المدام ..

رائد لف لهم : صحيح .. لازم تحددون متى ..

مشاري : رائد سين سوعال يا رائد ..

رائد ابتسم على كلمه سوعال : اسعل أقصد اسأل ..

مشاري : أنت من ماسح عليك ؟؟ .. اليوم هاجد ..

رائد ابتسم : ولا شي .. بس خلاص حسيت ان موعد زواجكم قرب فلازم نعطيكم فرصة تتعرفون على بعض أكثر ..

مسك اللي توها جات لهم لأنها بعدت عنهم تشوف الإكسسوارات الثانية : مشاري ..

مشاري لف لها : لبــيه ؟؟ ..

مسك رفعت له ميداليتين فيهم حرف الـ M وكل وحدة أحلى من الثانية : أي وحدة أحلى ؟؟ ..

طلال ابتسم : ما أقدر أنا على اللي تاخذ رايك بس ..

مسك انحرجت شوي منهم ..

رائد دقه : تعال انت معاي ماعليك منهم ..

مشاري ابتسم وفي قلبه "" سبحان مغير الأحوال "" .. وانتبه لمسك اللي قباله : إممم أخذيهم اثنينهم واحد لي واحد لك ..

مسك توها تنتبه أن أسمها وأسمه يبتدون بالحرف نفسه : صصصصح توني أنتبه ..

مشاري ابتسم : ها بعد وش شريتي ..

عند ياسر و تركي ..

كانوا يتمشون بالمجمع بغرور واللي يشوفهم يعرف انهم عيال عز من اشكالهم ومشيتهم ..

دخلوا أحد محلات الإلكترونيات ..

تركي : تعال بشتري لي مومري جديد ..

ياسر : خذ لي واحد معاك ..

بعد ما اخذو لهم اللي يبغونه .. جاو عند المحاسبة ..

شافوا بنت تجي تقريبا في العشرينيات واقفة قبالهم وشكلها مطولة ..

ياسر وقف جنبها وكلم المحاسب : لو سمحت ممكن تحاسب ..

المحاسب : لو سمحت أخوي انتظر لمن الأخت تحاسب ..

ياسر بطفش رمى المومريات على الطاولة وطلع بطاقته : كم حسابها ؟؟ ..

البنت : معليش مشكور .. شوي ويجي اخوي يجيب باقي الفلوس ..

تركي جا جنب ياسر ولا كأنه سمع كلامها : كم حسابها ؟؟ ..

المحاسب : 650 ريال ..

تركي طلع بطاقته : حاسب لها وحاسب لنا ..

البنت : لا أخوي لاتحاسب بدالي ..

تركي عطا المحاسب بطاقته يحاسبون أسرع : عادي اعتبريها هدية ..

المحاسب بعد ماحاسب : تفضل ..

ياسر : هالمرة أنا اللي ادفع مو أنت ..

تركي : اوك ..

البنت : مشكورين ..

ياسر وتركي : ماله داعي ( ومشوا ) ..

أما عند رامي بعد نص ساعة كان الوضع غير .. ماسكينه الهيئة وقاعدين يكلمونه .. لأن شعره طويل .. و رامي طول المدة ساكت ..

رامي أخيرا تكلم لكن بالأنجليزي : ماذا ؟؟ ..

الهيئة سكتوا .. وشكوا أنه أجنبي من شكله وخلقته وطريقة كلامة ..

و رامي يتبيله عليهم مسوي نفسه أجنبي مايعرف يتكلم عربي ..

والهيئة حاولوا يتفاهمون معاه .. أخر شي تأكدوا أنه أجنبي لأن رامي مسوي نفسه متوهق ويحاول يفهمهم بالأنجليزي ويتكلم إنجليزي فصيح وسريع .. واتركوه بحاله ..

رن جوال رامي .. ورد بالأنجليزي : Hi ..

سامي : شفيك قالب إنجليزي ..

رامي ابتسم : بلاك ماتدغي (ماتدري) وش صاغ (صار) لي ..

سامي : وش صار ؟؟ .. ولا اول شي تعال أحنا فوق بالمطعم .. وقول سالفتك هناك ..

رامي : أوك ..

واجتمع الكل في طاولة وحدة .. ماعدا مشاري ومسك بروحهم ^_* ..

طلال وقف يبغى ياخذ الطلبات منهم عشان يقول للويتر الي برا لأن البنات كاشفين وجههم : شنو تبغون ؟؟ ..

الكل جالس يناظر المنيو ويختارون ..

طلال : خدام أبوكم أنا عجلوا ..

مشعل ودانيا بنفس الوقت : توورتيلا دجاج ..

سكتوا اثنينهم .. دانيا تناظر مشعل بارتباك .. أما مشعل ناظرها أول ماتكلمت معاه بعدها لف عينه لعمه طلال : ولا جيب لي برجر لحم أحسن ..

طلال : اوك .. وأنتوا فكوني قرروا بسرعة ..

واختار الكل اللي يبغيه وجلسوا يسالفون ينتظرون الأكل يوصل ..

يوسف يناظر ملاك وملاك تناظر يوسف ..

ابتسم يوسف لها .. وملاك ردت له الإبتسامة ..

رهف دقتها وبهمس : هي أنتي بس أكلتي الولد بعيونك ..

ملاك : يوه ماعليك مني ..

رهف : بعد بعد قوية عين .. استحي غضي البصر ..

يوسف شافهم يتساسرون حس أنه في السالفة وضحك بصوت واطي ..

سامي : إيه رامي وش اللي صار لك مساعة يوم أكلمك ؟؟ ..

رامي تذكر : إيييه ماقلت لكم .. مسكوني الهيئة ..

الكل شهق ..

رامي ناظر دانة بأطرف عينه بدون ماحد يحس بعدها ناظر أسيل اللي في حضن أخوه : بسم الله عليكم >>> يقصد دانة هع ..

مشعل : وش مسوي انت ؟؟ ..

ريان : أكيد بلوة من بلاويك ..

يوسف : أكييد ..

فارس : أما الهيئة قوية ..

جهاد : شفيكم اكلتوا الرجال .. لاتظلمونه ..

رامي ابتسم وأشر لجهاد بصبعه الإبهام : أنت كذا تعجبني .. مو مثلهم ..

سامي : طيب ليه مسكوك ؟؟ ..

رامي مسك أطرف خصلة من خصلاته : مسكوني على شعغي (شعري) يقولون طويل .. و ( كمل لهم السالفة ) ..

الكل : ههههههههههه ..

بعد كم دقيقة وصل الأكل وبدا الكل ياكل ..

اللي ساكت واللي يسولف مع اللي جنبه ..

مشعل يوكل أسيل بطاطس من وجبتها اللي طلبها لها مع أنها تقدر تاكل بروحها ..

يوسف : أحسك مهتم فيها كثير ..

مشعل ابتسم ..

سمر : مشعل عطني إياها عشان تاكل ..

مشعل : لا عادي ..

أسيل ببراءة : مثعل ..

مشعل يناظر الطاولة بهدوء والبرجر حقته والكوكا كولا قباله مالمسهم : لبـيه ؟ ..

أسيل أشرت على البرجر : أذووق ..

مشعل ابتسم بحنيه : تذوقينها بس .. إلا تفداك ..

فتح البرجر حقه وقربها من فم أسيل .. وأسيل قرمت منها .. وطبع حولين فمها شوي كاتشب ..

مسح مشعل فمها بالمنديل ..

رهف : شحليلها اسيلوه بس شوي دلوعة وتبغى كل شي لها ..

نوف : على مين طالعة ؟ ..

الكل لف على سارة اللي جالسة تسولف مع روان ..

سارة حست هدوء رفعت راسها شافتهم كلهم يناظرونها : بسم الله شفيكم ؟؟ .. مضيعين في وجهي شي ؟؟ ..

يتبع ,,,,

👇👇👇

تعديل المقال