رواية هدمت حياتي بيديك وجاي تقول ندمت -104
البارات التاسع والعشررووون
انزفت للمجلس وهي تحس بخوف ودخلت بتردد
وتمشي بشويش وتحاول تطول بمشيتها
سعود رفع راسه لها من دخلت وهو يناظرها بفستانها التركوز وبطفولتها بالفستان وجسمها وشكلها
لين جلست بعيد عنه بدون ماتتكلم
سعود يتبسم ع خوفها الواضح:مبرووك
لين:...
سعود:امم كيفك لين
لين بصوت واطي:الحمدلله
سعود:وانا بخير
لين ابتسمت ع خفيف
سعود:تعالي جنبي
لين:كذا مرتاحه
سعود:طيب ممكن ترفعين راسك مايصير بعيده وكمان ماشوف وجهك زين
لين:...
سعود حس انها ماراح تتكلم وقف ومشي بخطواته لها
لين حست بخوف وقفت على طول وهي تناظره بخوف
سعود ناظر عيونها وهو مستغرب هالخوف ومسك يدينها وهو يناظرها:ليه خايفه
لين حست بدفى يدينه وصارت تشتت نظرها:مافي شي
سعود ابتسم ومسكها من دقنها وورفع راسها:انتي سحرتيني من يوم شفتك احس انك قدري انك شي لي من يوم انخلقت
لين استحت وحمرت خدودها
سعود:اوعدك اني اكون لك السعاده بالحياه
لين بخجل:بس انا سبق تزوجت وعندي ولد وانت توك ماتزوجت ماتحس انك ظلمت نفسك بوحده مطلقه
سعود قرب لها وبيدينه مسكها من كتوفها بشكل انها بين يدينه وهو يناظرها ويفصلها:بالعكس احس اني اسعدت نفسي ماظلمتها
لين تحس بتوتر وابعدت يدينه وجلست
سعود ابتسم ع توترها وخوفها وجلس جنبها ومسك يدينها:عندك خبر اني ابي الزواج عقب ثلاث شهور
لين بصوت واطي:توني دريت
سعود يقرب لاذنها ويهمس:ويليتهم ثلاث ايام ماقدر اصبر عن هالجمال كله
لين حمر وجهها وابعدت شوي
وسعود يقرب لها اكثر وهي تبعد لين مافي مفر وطوقها بيدينه
بــــبـــريطـــانـــيـــا
بالبر
مها ناظرت غرور اللي راحت تركض وهي تبكي وعقب ناظرت راشد:من جدك جاي تطلبني لزواج وتحسبني بوافق
راشد:اي مافيها شي انتي زوجه المرحوم الغالي وانا بحافظ عليك وع اللي ببطنك
مها بعبره:انا مستحيل اتزوج احد عقب احمد لعلمك وانا مابكسر قلب صاحبتي اللي تموت بارضك
راشد ضحك بتريقه وكمل وملامحه تتغير الى قهر:تموت بارضي
مها ترفع حاجبها:ايه انت مو ملاحظها بس تبكي ونحفانه ونفسيتها زفت عشانك
راشد كتف يدينه:مو هذا موضوعي شوفي يامها ماراح اخذ قرارك الحين باخذه عقب اسبوع
مها:لا.... ماكملت لان راشد مشي وخلاها
جود:سفهك وراح
مها:واحد حقير مصدق نفسه واحد تافهه يحسبني بطعن غرور
مشاعل:خلي قانونك بالحياه هو مصلحه نفسك لايهمك احد
مها تخزها:تبيني اكون زيك
مشاعل ارتبكت:وش قصدك
مها تاشر لها باصبعها بتهديد:انتي عارفه قصدي زين فا ياليت تخليني دوبك دوب نفسك لا افضحك
مشاعل تنرفزت:اذا عندك شي قوليه ماهميتيني ولا انا خايفه منك اساسا
مها ضحكت وسحبت يد جود وتمشي وهي تعلي صوتها:ماودي اخلي الكل هنا يقلبون عليك
مشاعل ناظرتها بقهر وهي ودها تبكي ومشت بسرعه
والكل استقرو بمكان وثبتو الخيام والاغراض ضبطوها
وكل واحد راح مع الحبيبه وكل شله راحت مع بعضها
مشاعل مشت لحالها وجلست بمكان لحالها
وهي متضايقه من مها وماحست الا باللي حظنها من وراء بقوه
لفت وابتسمت
باس خشمها وناظرها:من مزعل حبيبي
مشاعل نزلت راسها:مها تهددني كل شوي
عدل جلسته ومسك يدينها:طيب حبيبي خليهم يدرون ليه خايفه من حبنا
مشاعل:لاني بخسر ليان
استغرب:ليه تخسرينها
مشاعل:لاني خنتها ياماجد حبيتك وانت كنت تتكلم عليها وتتوعدها هي وبندر
ماجد سكت شوي بعدها قال:لايهمك احد اهم شي انا
مشاعل ببتسامه:اكيد بس
ماجد حط يده ع فمها:لابس ولاشي وسعي صدرك واكيد بتتيسر
مشاعل ميلت راسها:طيب
ماجد حضنها وتنهد:اموووت فيك يامشاعل اموت فيك
مشاعل بهمس خافت:وانا اعشقك ياروح مشاعل
بالـ،ـــريــ،،،،،ـاض
ببيت هديل ووليد
هديل رمت الشنطه بالصاله
ودخلت الغرفه وجلست ع السرير وهي معصبه
وليد دخل وهو مستغرب هالعصبيه:وش فيك
هديل ناظرته بعصبيه:ماظن لك دخل باللي فيني
وليد يرفع حاجبه:هي انتي عدلي اسلوبك تراني زوجك مو بزر عندك
هديل:اوه حل عني يازوجي بس بالاسم
وليد بعصبيه:انتي تماديتي كثير ياهديل وماتدرين ان انا ماحد يتطاول علي
هديل قامت وهي تبي تنهي الجدال معاه:انا اروح الصاله احسن لي ومشت وليدسحب يدها بقوه
ودفاها ع السرير وصرخ بوجهها:لمااااااااا اكلمكككك ماتتركيني وتروحين ساااااااااامعه
هديل عورتها يدها من الدفه وصرخت عليه:لا مو سااااااامعه ماتخوفني انت مايهمني صراخك
وليد يهز راسه بطريقه تهديد:مايهمك هاه
هديل :اي مايهمني ولايخوفني اصلا انت كلك ع بعضك ماتهمني
وليد يقرب لها وهو قافله معاه:تحسبين انك انتي عاد اللي تهميني انا لو ماحترام لابوك الطيب كان من اول ليله مطلقه بس خوفي ع ابوك
من كلام الناس عليك مايصير له شي
هديل ناظرته وهي تحاول تمسك دموعها:اي انت اصلا مايهمك الامنار
ووليد حب يقهرها ويجرحها زي ماهي مجننته:هذا انتي قلتيها مايهمني الا منار انتي ولاشي عندي
هديل طارت عيونها ماتوقعته يجرحها اكثر وقامت وهي تدفه:برااااا مابي اشوووووووووفك براااااااا وسكرت الباب
وطاحت بالارض وحطت يدينها ع وجهها وتبكي من اللي فيها
وليد جلس بالصاله وهو متضايق من وضعهم واللي هم فيه
ببيت عادل واماني
عادل بعصبيه:ليييييييييييييش خبيتي عني ليييييييييييييش
اماني بصياح:كنت خايفه اقولك ماقدرت
عادل:خايفه من ايش انا كان لازم اعرف ولك ثلاث اسابيع ولاقلتي لي
اماني بكاء:اسفه عادل والله اسفه
عادل ناظرها بعتب:اسفه عقب ماخبيتي عني كل هالمده
اماني حطت يدينها ع وجهها وتبكي
عادل بقهر:للأسف يااماني ماخليتيني اشاركك هالشي ولاالتعب اللي تعبتيه
اماني:...
عادل مشي للباب:من جد مصدوم منك كيف قدرتي تخبين
وطلع واماني ظلت تبكي
ببيت ابو ضاري
بالمجلس
سعود باس خدها وهم واقفين:بيكون بيننا الو بكرا
لين:طيب
سعود يبتسم:تصدقين ماودي اروح
لين ابتسمت بخجل ونزلت راسها وعقب رفعت راسها وناظرته بحيره:ممكن أسألك سؤال مخوفني قبل تروح
سعود:امري ياقلبي
لين:سعود ابيك صريح معاي تكفى انت متزوج بالسر والا تفكر تتزوج علي
سعود متعجب من كلامها اللي حسه ملخبط:كيف مافهمت عليك
لين تفرك اصابعها بتوتر:انا زوجي الاول كان متزوج قبلي بالسر وعقب ماتزوجته وحملت اكتشفت هالشي
سعود ابتسم عقب مافهم قصدها ومسك يدينها سوا وباسهم:والله انتي أول انسانه تدخل حياتي وأول انسانه بكون ملك لها بكل شي فيني ومابفكر يوم اكون لغيرك
لين حمر وجهها وسحبت يدينها منه
سعود:تاخرت ع اهلي برا توصيني بشي
لين:سلامتك
سعود باس راسها بوسه طويله :يالله فمان الله
لين:فمان الكريم
طلع ولين طلعت وهي ترفع فستانها ومبتسمه
مرام طلعت بوجهها:هاه علميني شصار
لين وهي مبتسمه:فهودي وينه
مرام:حركات شكلكم انحرفتو
لين حمرت خدودها:انطمي وركضت ع الدرج لغرفتها عشان تشوف فهود
ومرام لحقتها ودخلت وراها
مرام تجلس:يالله قوليلي عاد
لين تجلس وتشيل ولدها النايم وتبوسه:ولاشي بس تكلمنا
مرام:وكيف لقيتيه
لين:حبوب وطيب
مرام:جد ايش قالك
لين جلست تتذكر كلامه:ولاشي بس يبي الزواج عقب ثلاث شهور
مرام تحمست:اي وكمان
لين انسدحت ع ظهرها ومرام جنبها
وجلست تسولف لها لين نااااااااااااااااامو بدون مايحسون عقب تعب اليوم وكل وحده ماصدقت ان الكل يروحون عشان تنام
نــرجع لبـــريطــ،،،،ــانــيــا
عند مها وجود جالسين يهدون غرور اللي من قال راشد بيتزوج مها وهي تبكي
مها:ياربي منك اقولك ماراح اتزوجه ليه البكاء
غرور بكاء:اذا ماتزوجك بيتزوج غيرك هو مايبي يسامحني خلاص
جود:والله هو الخسران لايهمك
غرور تبكي:....
مها:انا بكلمه يمكن يقتنع
غرور ناظرتها:لا مابي يرجع عشان احد ابيه يرجع لانه سامحني انا جرحته اني لعبت عليه بس والله احبه انا تسرعت ماكنت عارفه وش هي مشاعر حب او رد كرامه
جود:والله مايستاهلك شايف حاله ياساتر انتي غلطتي وندمتي ماراح يضره شي لو سامحك
مها:اي والله كلنا نغلط
غرور بكاء:بس هو مجروح انا حاسه فيه
جود:اقول مسحي دموعك وقومي خلينا نتمشى ترا هالطلعه مانبيها بكاء
غرور تمسح دموعها وتحاول تمسك نفسها وتهز راسها:طيب
مها:يالله قومي
وقامو كلهم وجلسو يتمشون
وقضو النهار بهالطريقه ووساعه صدر وبعدها الكل استقر بخيمته ونامووو
يـــ،،،،،،،،و،،،و،،،و،،م جــــ،،،،ديــــ،،،د
بفــــله رامــي
احساس تحط الصينيه وتجلس وهي مبتسمه:هذاا كوفي عشان تصحصح وتروق
رامي ابتسم لها:انا من دونك ولاشي
احساس مبتسمه ولفت:يالله ماشغلك
رامي:احساس
وقفت ولفت له:لبيه
رامي بصدق وبكل احساس:احبك
احساس رجفت وتوترت ورامي يبتسم ولفت ومشت
رامي نزل الاوراق وقام لحقها وهو يقرب لها:وين رايحه
احساس:بشوف رموسه
رامي:تجين نطلع الحديقه
احساس بفرح انها بتشم هواء وتشوف السماء والنور اللي فقدتهم:ايه
رامي مسك يدها:تعالي
احساس:بجيب حجابي
رامي:طيب
احساس صعدت فوق وشافت ريماس نايمه ابتسمت واخذت حجابها ونزلت وحست بوجع خفيف ببطنها مسكتها وهي بنص الدرج:آه
رامي رفع راسه لها وبسرعه صعد لها ومسكها:شفيك
احساس حسيت ان الالم راح:لابس توجعت شوي
رامي:يمكن انك نزلتي بسرعه
احساس تناظره وهو خايف:ايه يالله نطلع
رامي ابتسم وهو قلقان من داخله ومقرر يجيب لها الدكتور:يالله ونزلو وطلعو للحديقه واحساس تتلفت حولها تناظر الشجر والورود
والسماء وتستنشق الهواء بقوه كانها اول مره تطلع لدنيا من بعد حبسه سنين
رامي يبتسم ع شكلها:شفيك كانك اول مره تشوفين الدنيا
احساس ببتسامه وفرح:من زمان ماطلعت لنور ولاشفت الطيور ولاشميت الهواء وتفتح يدينها وتلف له:احس اني طايره
رامي جلس وهو يبتسم:ياحياتي انتي دوم بخليك طايره
احساس اكتفت بالابتسامه وهي تناظر حولها
بشـــقه رائد واسيل
اسيل لفت يدها اللي من المسامير كلها جروح ودم وهي تحس بالسم بيدها
وقامت من السرير وهي تمشي وتبكي تتمنى تموت ولاتتعذب هالعذاب
انفتح باب الشقه رفعت راسها وهي تستند ع الكنب وتناظره بنكسار
رائد ابتسم بكره:ياما وياما حلمت اشوف انكسارك ولسه راح اشوفك جسد مرمي بالارض
اسيل طاحت ع الكنبه وتصيح بكل الم:رائد ايدي تالمني تكفى وديني المستشفى
رائد يقرب لها:احد قالك اني انجنيت عشان اوديك المستشفى واجيب لنفسي مشكله وتبلغين عني
اسيل بصدق:مستحيل ابلغ عنك بقولهم طحت ع شبكه حديد تكفي وديني وتمسك يدها وتضمها لها:احس بموت من وجعها
رائد رحمها وقرب منها وجلس قدامها ومسك يدها وفك الشاشه وشاف كيف المسامير واماكنها بيدها فتحات ومزرقه وناظرها:مني هذا
اسيل جلست تشاهق
رائد عوره قلبه مهما كان هو ماهو كذا وقف ووقفها معاه:تعالي
اسيل وقفت وماقدرت جسمها منتهي من الضرب من قل الاكل من الشغل من كل شي
رائد مسكها ولمها لصدره ومشي فيها للغرفه وجلسها ع السرير وطلع شنطه اسعافات وجلس يعقم يدها وهو من داخل يتألم عليها
ماهو متوقع انه يوصل لهالمرحله من القسوه بس كرهه لها كبير
وحط كريم ع يدها ولفاها لها وناظرها:كيف حاسه
اسيل تناظره ودموعها ع خدها :رائد احبك
رائد سكر ع عيونه بقوه وقال:وانا اكرهك
اسيل نزلت راسها وهي تحس انها هانت نفسها:اسفه
رائد وقف وهو ضايق منها ومن كل شي:تدرين ان كل شي فيني من ناحيتك كره ارحمك شوي بس الكره اللي لك كبير ياأسيل انا لناظرت رجلي احس اني نفسي اسوي فيك
نفس الشي نفسي تحسين بهالعجز ولما اشوف هديل مع واحد ثاني يحترق قلبي الف مره ونفسي احرقك نفس ماحرقتيني
اسيل تشاهق وهي تضم نفسها من كلامه اللي يجرحها
رائد طلع وتركها وطلع من الشقه كلها
ببيت ابو متعب
متعب متضايق بسبب موافقه لين وملكتها امس
ماكان بيده شي يسويه
ام متعب تجلس جنبه:يايمه ترى مالكم نصيب مع بعض
متعب بحزن:بس انا احبها يايمه صح انشغلت بموضوع احساس بس كنت افكر فيها ماتوقعتها تتخلى عني وتتزوج غيري ليه يمه هي ماعادت تحبني
ام متعب:بنات ابو ضاري مايرضون انهم ينجرحون ويرجعون للي جرحهم
متعب:بس يايمه انا قلبي ملك لها واحساس مجرد وصيه
ام متعب:كان لازم تخبرها مو تخدعها مو تنصدم فيك يامتعب
متعب نزل راسه:لو الزمن يرجع لورى يايمه والله لااقولها وماخبي عنها
ام متعب حطت يدها ع كتفه:انساها ياحبيبي وان لقيت احساس عطها كل حبك
متعب وقف:انا بطلع
ام متعب:الله يحفظ حبيبي
متعب طلع وهو مخنوق وركب سياره وحرك وهو يدور بالشوارع بضياع
ببـــريـــطانـــيا
بالــــبـــر
بندر بصوت عالي:اسمعوني كلكم واعرفو وش االلي ابيكم تستكشفونه وتصورونه عشان تحطونه ببحوثكم
طالب بريطاني بالانقلش:انا لاافهم مالذي تقوله
بندر انجرح انه نسي البريطانين وتكلم بالعربي ورجع تكلم بالانقلش وعاد نفس الكلام
ماجد يوقف جنب بندر:وياليت البنات لحال والشباب لحال مو القى الحبيب مع حبيبته
مها وقفت وهي تناظر مشاعل وعقب ماجد:صدق ماتلاقي الحبيب مع حبيبته علم حالك يابابا وعقب تعال علم غيرك
ماجد يرفع حاجبه:وش تقصدين انسه مها
مها:قصدي واضح ومفهوم لاتسوي غبي
ماجد:ياليت تلتزمين الادب لااعمل لك حرمان
مها:ماتهمني سوي حرمان ايش يعني
بندر يبي ينهي الجدال:تفضلي يامها وياليت كل واحد يلتزم حده مانبي نتطاول ع الاساتذه
لين تهمس لمها:وش السالفه انتي
مها:بعدين تعرفين
ماجد:يالله الكل معاه كاميرته وياخذ له جوله تمشي ويصور اي شي يشوفه غريب بالبر
البنات قامو جميع والشباب نفس الشي
وكل واحد راح بجهه ويستكشفون ويصورون
بالـريـــاض
بشــقه هديل ووليد
هديل طلعت من الحمام وهي مره نفسيتها عقب امس تعبانه
ولاحتى نامت
لبست بنطلون ابيض وبلوزه بدون اكمام رصاصيه وشعرها خلته مفتوح ولاحطت اي شي بوجهها بس تعطرت
وفتحت الباب وهي تدعي ربها مايكون وليد موجود
طلعت وشافته جالس يتفرج ع التلفزيون مشت ولاكانها شافته
دخلت المطبخ ووهي تصلح لها كوفي لانها مصدعه وجلست ع الطاوله تشرب
وهي مره متضايقه قامت وطلعت الصاله مشت للغرفه وقفها وليد
وليد:تعالي ابي اتكلم معاك
هديل وهي معطته ظهرها:ماظن له داعي نتكلم لان الصوره واضحه بيننا والطريق بيننا مسدود
وليد:طيب تعالي نقرر ايش نسوي
هديل لفت ومشت وجلست بعيد عنه وهي تنتظره يتكلم
وليد:شوفي ياهديل لا انتي متقبلتني ولا انا متقبلك مع اني انا ابي اتقبلك بحياتي بس الباين انك انتي مو متقبلتني ولاراغبه فيني
هديل ناظرته وبستهزاء:تبي تتقبلني بحياتك
وليد ركز نظره عليها وكانه بيكسر نظرة الاستهزاء اللي ناظرته فيها:اي ابي اتقبلك والدليل اني جيتك ايام الملكه ولكن كنتي تصديني وحتى طلعت معاك لسوق ابيك تتقبليني
بس كنتي تصديني هاه تذكرتي والا لسه
هديل انحرجت وبنفس الوقت هي كمان منجرحه منه:انت يوم الملكه جرحتني ناسي ايش سويت ياوليد ناسي كيف ماقدرت تجلس من شفت منار تركتني وطلعت
وليد حس باحراج:انا اعترف بهالغلطه لكن هي ماضي لكن انا الحين متاكد ياهديل انك مستحيل تدخلين قلبي لان القلب هو بس لمنار لانك ماتشبهينها ولابشي بسيط
ممكن يحببني فيك
هديل ترد له كلامه:وحتى انا مو ممكن تدخل قلبي تعرف ليه لان قلبي مايملكه الا رائد سمعتني رائد هو بس يملكه وانت ماتشبهه بشي
وليد انصدم وبعدين فسر كلامها بعقله انها تبي ترد له الكلام وان اللي تقوله كذب:بعتبر نفسي ماسمعت هالكلام منك وياليت ماأسمعه مره ثانيه
هديل:احنا نمزح مع بعض او ايش السالفه انت كنت بالسابق تحب منار وللحينك وانا كنت خطيبه رائد واحبه وللحيني
وليد عصب ووقف:يعني كنتي تحبين قبلي انا مو اول شخص بحياتك
هديل وقفت ومستغربه عصبيته:ايوا وليه معصب نفسك يعني ايش الفرق بيننا
وليد بصراخ:الفرق اني انا رجال واسوي اللي ابي بس انتي لا
هديل ترفع حاجبها:احلف بس
وليد سحب يدها وهو معصب:مستحيل عقب اليوم تجتمعين فيهم شكل زعلك امس عشانك شايفه الحبيب
هديل تدف يده:وخر لاتلمسني ولاتغلط واتوقع اشوفه ماشوفه هالشي مايخصك بشي خلي همك بمنار وبس
وليد بدون مايحس عطاها كف وهو معصب:انا اعلمك كيف مايخصني وسحبها للغرفه ودخلها فيها وقفل الباب عليها
وطلع من الشقه وهو منقهر منها وحاس بالغيره
وهديل جلست ع السرير مصدومه من الكف من حركته من تقفيله للباب عليها
ودموعها تنزل ع خدها
ببيت ابو تركي
منال دخلت الصاله عند تركي اللي يفكر
وجلست جنبه
منال:تروك
تركي يعدل جلسته:هلا قلبي
منال:بشرني قررت
تركي:اي قررت
منال:من تبي تختار
تركي:....
منال:بسرعه من اخترت
تركي:هند
منال تفاجات:كيف
تركي يناظرها:اخترت هند يامنال
منال:حرام عليك وبشاير وين مكانها
تركي بضياع:اقولك لما رجعت هند رجعت لها كل الاحاسيس يامنال وبشاير طعنتني برجولتي وش انتظر منها اكثر وكانت للمره الثانيه تطعني فيها مو اول مره
منال:يعني مالها مكان بقلبك
تركي"الا احبها
منال:تحبها هي او هند
تركي ابتسم:هند اعشقها اموت فيها اول حب عشته وكنت مجنون فيها بس حبي لبشاير كان حب بارد من طرف واحد حبيتها لانها صاحبتك اعجبت فيها
وكنت ابي اعلق نفسي فيها وانسى هند وانها تركتني وحتى من تزوجتها ظل حبي من طرف واحد وعقب بادلتني نفس الشعور بس كانت تطعن برجولتي ومره سامحتها بس
مستحيل اسامحها مره ثانيه وهند ماعمرها طعنتني برجولتي طول فترة حبنا كنت طاير بهواها ومن رجعت رجع كل شي لها احس برغبه كبيره
اني ارجع لها اني اتزوجها اني اعيش معاها حبي من جديد اني ارجع تركي هند مو تركي بشاير
منال بحزن:بشاير بتنجرح لعرفت
تركي تنهد:ماحنا نصيب بعض وانا بكرا بطلقها بالمحكمه رسمي وبكذا ينتهي اللي بيننا
منال:تركي بتجرحها
تركي وقف:جرحتني هي قبل احنا لنا مده عن بعض اتوقع نستني وضحك بتريقه:هي ماحبتني زي ماحبيتها فعادي عندها لاتحاتينها يامنال ومشى
منال:تركي اتمنى بعدين ماتندم
تركي:اكثر من كذا ندم ماتوقع اندم اكثر من ندمي اني تزوجت بشاير ماتوقع اندم اكثر منه ياخوك وطلع من الصاله
منال تعاطفت مع اخوها ورحمته وبنفس الوقت هي مع صاحبتها هي متاكده ان بشاير تموت بتركي وهو بهالشي بيجرحها جرح مابتنساه منه
ببيت ام منااار
منار تجلس جنب امها:يمه ابي اقولك شي
ام منار:قولي حبيبتي
منار:يمه انت فاكره عمي ابو وليد الله يرحمه كان يجينا كان يحبني مره
ام منار ارتبكت:اي لانك خطيبه ولده
منار بضيقه:بس يايمه هو موصي وليد بوصيته انه مايتزوجني عشان كذا وليد تركني
ام منار:من قالك هالكلام
منار:وليد يمه وماظنتي بيكذب ع ابوه وهو تحت التراب
ام منار:حبيبتي ليه تساالين وتدورين عن الاسباب وليد تزوج خلاص
منار خنقتها عبرتها:انا عارفه بس ابي اعرف السبب عشان ارتاح عشان ماكون شايله عليه
ام منار:يامنار ليه تشيلين عليه مافي بينكم نصيب خلاص
منار:بس يايمه انا
ام منار ضغط ع يدها:انسيه يامنار وخلاص عيشي لنفسك
منار نزلت راسها تداري دموعها اللي على وشك النزول
ام منار حضنتها وهي تبوس راسها:يمكن لعرفتي السبب تقولين ياليتني ماعرفت
منار سكتت ودموعها نزلت
ببيت ام وليد
عنود:شخبارها هديل معاك
وليد سرحان:...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك