رواية عندما تضئ الشموع بيد الحزن -11
الجزء الثاني و العشرون
تنفسة بعمق و هي تطالع منظر الحديقه من شباك الفندق و حاضنه الفستان الأحمر لمسة سلطان لسى تحسها بيدها و رائحة عطره تخترق خيوط الفستان و تهيمن عليه ( ياربي ليش صار يسيطر على تفكيري كذا كيف أرجع له الفستان أكيد الأن قاعد يتخيله علي كيف ؟ لا أنا ما وصلت هـ المرحلة من الإنحطاط بس كيف اوصله له وهو بالمانيا يالله أكيد قاعد يتألم بس مشعل معه هو صديقه أنا شو دخلني طيب معقول بيتم كذا طول عمره و إلا له علاج منظره كان يخوف و معصب ويده متشنجه ياربي ما أشوفه يتألم ثاني )
حاولت تطرد الأفكار من راسها نحو سلطان و دخلت تأخذ لها شاور يريحها.....
****************
بالمطبخ كانت تجهز لها سلطة فواكه و تفكيرها كله عند أريج أمس حسة فيها أنها مخبيه شئ و ممكن شئ كبير بعد معقول ما تكون مرتاحه بحياتها و تمثل عليهم الإبتسامه شرودها و هي تقصص جرح أصبعها و صرخة متألمه منه
أم أريج فجر يمه وشفيك ؟
فجر وهي تغسل يدها عن الدم لا يمه جرح بسيط
أم أريج وش تفكرين فيه تجرحين أصبعك ؟
فجر و لا شئ
أم أريج تخبين على أمك ؟
فجر لا بس أفكر بأريج يمه وش رأيك أروح أنام عندها لين مشعل يرجع
أم أريج والله تريحيني يمه طول ليلي أفكر فيها نائمه لوحدها
فجر و معنده ما تنام عندنا كأنه مو بيتها الأول هذا
أم أريج خلاص يمه البنت من تتزوج ما ترتاح إلا في بيتها تحس حتى بيت أبوها الي تربة فيه غريب عليها
فجر بخوف و تردد يمه خالي بيبقى طول عمره بالكويت ؟
أم أريج والله مدري يمه
فجر أنا ما أبي أبعد عنكم
أم أريج الله يكتب الي لك فيه الخير يمه ماجد رجال و أنا ما أني خايفه عليك معه وين ما كنتم.......
****************
فتح عيونه بعد ما أنام فوق العشر ساعات عوض فيها كل التعب الي فيه صحى بنشاط و هو يبتسم على ذكرى أريج أمس لإول مره يبقى معها ساعة يسولفون و ما كان يبي يقفل لو لا التعب الي سيطر عليه يتذكر توصياتها له أخر المكالمة و دلعه عليها
أريج لا تنسى أكل زين و بطل تدخين عاد حنا أتفقنى تتركه مره مو يومين و ترجع له
مشعل وإذا ما سويت كذا ؟
أريج ما راح أكلمك
مشعل افى زوجك أنا
أريج الي ما يسمع الكلام شو له ؟
مشعل ههههههه زين أسمع الكلام خلاص كم أريج عندي
أريج وحده
مشعل صح برافوا عليك تبين هديه ؟
أريج لا يا زوجي العزيز بس نفذ الكلام
مشعل أبشري يا زوجتي العزيزه
ضحك على نفسه و ظرب بيده على قلبه ( مالك حق تحب لا تعبني معك )
*************
بإحد المطاعم في مدريد كانوا جالسين يستمتعون بالجو و بوقتهم من يومين ما طلعت من الفندق و هذا مخليها تشتاق أكثر لنور و الناس
أبو مشعل هاااه يا مرام اليوم الطلعه على حسابك وين تبينا نروح ؟
مرام أي مكان يبه براحتكم
أم مشعل نبي نروح السوق ناقصني أشياء بشتريها
ريم نفس المركز الي رحنا له من قبل فيه شغلات حلوه
مرام صرخة بدون وعي لااااا
أم مشعل بسم الله وشفيك ؟
مرام تلعثمة أقصد نروح مركز ثاني يعني
أبو مشعل زين ماله داعي تصرخين كذا نروح مكان ثاني بس خلك هادئه
مرام طيب
أم مشعل أنتِ من طحتي ذيك الطيحة و أنتِ ما أنتي عاجبتني عين ما صلت على النبي أكيد واحد شايفكن مع أخوكن
ريم كل الناس يطلعون مع أخوانهم و إحنا أول مره نطلع
أم مشعل وش عرف الناس أنكن أول مره تطلعن لو قلتن لي ما خليتكن تروحن مشعل ما يجي من وراه خيره هذي أختك من أولها صارت يغمئ عليها
ريم وش دخل مشعل الحين هذا جزاته يومه فكر يهتم لنا و يطلعنا
مرام كانت تحس بالصداع و رغبه في الغثيان بدت تكره كل شئ حولها حتى نفسها صراخ أمها و مشاعر الكره الي كبرت معها نحو أخوها و السبب الأول هو أمها مع الأسف أنا راجعه الفندق
و مشت في طريقها بدون ما ترد على أحد.....
***************
طلعت الصاله و هي تضحك على صوت فجر الي تصرخ من نص الدرج بإسمها
أريج سلامات وين داخله أنتي تصارخين كذا .؟
فجر داخله بيت تسكنه وحده عندها إنطواء مدري إعتكاف
أريج بسم الله علي منك
فجر شوفي أنا جأيتك بشنطتي عندك لي غرفه و إلا أرجع لأني مستحيل أنام مكان مشعل
أريج عاد أنا الي بخليك تنامين مكانه عندي بدل الغرفه ثنتين
فجر تمام أجل وينها بحط ملابسي ؟
أريج من هنا تعالي معي إلا وش المناسبه ؟
فجر أبد تغيير جو لين يرجع مشعل
أريج و هي تفتح باب الغرفه من وصلك ؟
فجر علاء الدين على بساط الريح أبوي من يعني ؟
أريج و هو تحت
فجر لا راح مشوار
أريج الله يهديك ليش ما خليتيه ينزل معك
فجر ما يبى مواعد شلة الأنس حقينه
أريج طيب حطي أغراضك و تعالي تحت بسوي قهوة.....
بإحدى الحدائق العامة ببرلين كان جالس و يتأمل الناس و الأشجار كل شئ حوله يذكره بمرام صوتها ملامحها نظرة الإنكسار الأخيرة بعيونها قبل يغمئ عليها كل هـ الصور بمخيلته صارت تعذبه و تعذبه أكثر كل ما يشوف مشعل الي كان يمشي ناحيته و هو مبتسم
مشعل سلام
سلطان و عليكم السلام
مشعل بشر طلعت النتيجة ؟
سلطان مد عليه الظرف الي كان على الطاولة إيه شوفها
مشعل أخذ الظرف و فتحه شفتها أنت ؟
سلطان بدون نفس أيه
مشعل أبتسم بعد ما قرأها طيب الحمدلله فيه أمل بالعلاج الطبيعي
سلطان بس لازم أجلس هنا شهرين عارف يعني ايش شهرين
مشعل وش فيها يعني قبل جلسنا أنا و أنت ثلاث شهور في النمسا
سلطان تغيير جو يا مشعل و لا تنسى أن أهلنا كانوا هناك معنى أكثر من شهر ماهو علاج و مستشفيات أنا ما أتخيلت يوم بغيب عن أهلي كذا بشئ غصب عني تخيل شهرين ما أشوف أمي تخيل حتى رمضان أصومه هنا
مشعل ماتت كل حواسه ( شهرين ما أشوف أريج مستحيل ما أقدر )
هز راسه بقلة إستيعاب مشعل معك حق أنه صعب بس أنت جالس تتعالج و أهلك ماراح يتركونك أكيد بيزورونك كل فتره و الأيام تمشي أحمد ربك أن فيه أمل بالشفى و لا تقعد طول عمرك تتألم
سلطان الحمد لله ما قلنا شئ بس ما أبى أثقل على أحد يجيني حتى أنت تقدر ترجع توك متزوج و أكيد زوجتك تستناك
مشعل شوف أنا لازم أرجع بعد ما عمي رجع الخبر أبي أخذ منه تقارير لزوجتي و أرجع أعرضها على الأطباء هنا
سلطان تمام يعني فيه أمل تتعالج ؟
مشعل والله مدري بنشوف ربك كريم....
********************
دخلت المرسم و هي تكتشف رسوماتها الي من فتره ما شافتها أريج كانت تحمد ربها أنها أخذة اللوحة الي رسمة مشعل فيها لغرفة النوم و إلا وش يفكها من لسان فجر و طنازاتها
فجر و هي تطالع وحده من الرسومات خيال رسمتك هذي
أريج تفداك خذيها
فجر من غير ما تقولين
أريج ترى ما تنعطين وجه
فجر أختي أريج ههههههه
أريج ما قلتي لي وش أخبار القلب ؟
فجر رمة نفسها على الكنبه بشاعريه وااااااو لا تذكريني شفته
أريج في بيتهم شئ أكيد بتشوفينه
فجر لا أقصد شفته و شافني
أريج صدق ما تستحين لا تكونين دخلتي عليه غرفته ترى أعرفك تسوينها
فجر لا هو دخل علي المطبخ خخخخ
أريج و أنتي تصنمتي له
فجر غصب عني ماتت حواسي والله
أريج بنظره والله ماتت
فجر ههههههههههه طيب نظرة شرعيه و صارت خلاص
أريج زين أن ما طحتي من عينه و غض نظره عنك
فجر لا حبيبتي أنا فجر مو حي الله بعدها بوقت أعطاني الهدية يعني مكاني بالقلب مؤكد.......
*****************
طالعت الرقم بجوالها و تأففت ( هذا لين متى بيدق صرت أمل من صوته ) فتحة الخط بدون نفس
ريم هلا
عادل هلا بالناس القاطعه
ريم والله الوقت هنا مره مزحوم و دائم مع أهلي
عادل طيب ريوم دقيقه بس أتطمئن عليك ما بيأثر
ريم ما أكون فاضيه إلا أخر الليل و هو الصبح عندكم ما تكون صاحي أنت
عادل أصحى لك و لا يهمك كم ريوم عندي
ريم أخاف تصحى و ما أقدر أكلمك
عادل اللهم طولك يا روح زي متى بترجعون ترى طولتي علي ؟
ريم مدري يمكن كمان أسبوعين
عادل الله يصبرني
ريم حسة بالقرف منه فكذبة كذبه لجل تتخلص منه أمي تناديني يالله باي
عادل زين بس لا تطولين علي ترى مشتاق لك...
***************
بالمرسم جالسه تكلم مشعل من عشر دقائق و تاركه فجر الي تجهز العشاء بالمطبخ لوحدها لكن فجر ما عندها أي صبر مع أريج لازم كل شئ حركة و حماس
وقفت بنص الدرج و هي تصرخ عليها فجر أريج يالله تعالي جهز العشاء
أريج بصوت عالي لحظة بكلم مشعل و أجيك
مشعل حس بغصه في حلقه أنتي عند أهلك ؟
أريج لا في البيت بس فجر عندي بتنام معي لين ترجع
مشعل إسترخاء يكفيه بس أنها في بيته حلو لجل ماتحسين بالوحده
أريج طمني شو قال الأطباء لسلطان ؟
مشعل قرروا عليه شهرين علاج طبيعي و إن شاء الله بعدها يصير زين
أريج صعقت شهرين يعني مشعل بيبقى بعيد عنها شهرين و أنت بتبقى معه ؟
مشعل لا راح أرجع
أريج تنفسة براحه و طلعت معها تنهيده سمعها مشعل
مشعل شو وراء هـ التنهيده ؟
أريج بصراحه كنت متوقعه بتقول بتجلس معه
مشعل ههههه لا برجع بس يكون بعلمك أني بجلس عندك وقت و أرجعله
أريج مو مشكله أهم شئ أنك بترجع الأن بس متى ؟
مشعل بكره بروح أحجز و أخبرك متى
أريج تمام
مشعل يالله طيب روحي أتعشي أكيد فجر ملت
أريج طيب
مشعل يالله أنتبهي لنفسك زين
أريج و أنت بعد فمأن الله.....
وجودك بهـ الكون عن الناس
يغنيني ملكة عالمي وصرت سيد أحاسيسي ...
*********************
في مكان ما من العالم وقفت قدام المرايا تتأمل بطنها الي بدت تكبر و تصير واضحه للعين إحساس الأمومه له طعم مختلف صلة و ترابط بين روحين في جسد واحد مدت يدها تتحس بطنها ( كيف قدرت أقتل هـ الشعور فيني مره كيف .؟ معقول كنت بهـ الوحشيه أحرم روح من الحياه كله من فيصل هـ الشخص قاعد يستخدمني في مخططاته و أنا مثل المغفله أمشي وراه لازم أنهيه من حياتي و ألتفت لها من جديد ما في شئ ناقصني زوج أروع ما يكون و قريب بكون أم بس باقي مشعل كيف يسامحني كيف؟؟ لازم أختفي من حياته لجل ما يخربها علي )
****************
الجزء الثالث و العشرون
طعم اللقاء غير بين قلوب بدت تنبض بالمشاعر حتى لو كان البعد أيام معدوده أسبوع واحد قضاه مشعل بعيد عنها و حست بمعنى وجوده بحياتها .. أسبوع واحد بس أبتعد عنها و عرف الفرق بين حياته قبلها و بعدها ( خلاص يا مشعل لازم ترضى بالواقع أريج صارت جزء له كل الأهميه بحياتك )
مشعل و هو يلعب بخدودها و هي فوق رجوله عارفه أن هذي أقصر سفره في حياتي
أريج لا
مشعل أجل سجليها بالتاريخ أول مره تصير معي
أريج بدلع تاريخك حافل بالأسفار بس ماراح أفرح كثير كلها أسبوعين و بترجع
مشعل امممم وش رأيك ترجعين معي طيب ؟
أريج نزلت رأسها بحزن لا أنا ما أحب المانيا ما أبي أزورها ثاني
كيف لو تعرفين أني برجع لها عشانك مو لجل سلطان بس يالله خلك الأن براحتك لكن لو طلع فيه أمل بأخذك لو بالغصب يالله معليه تفتكين من وجهي كم يوم
أريج حطة يدها على فمه لا تقول كذا مره ثانيه أنا ما أبي تبعد عني
رحمتك بقلبي يارب مشعل و لا أنا ما أبي أبتعد عنك بس تعرفين سلطان مثل أخوي و هو محتاجني الأن
أريج الله يشفيه يأرب
مشعل و هو يتأملها أمين قولي لي ليش ناحفه كذا ما تأكلين ؟
أريج إلا أكل بس مدري ليش نحفة حتى أمي تقول
مشعل بإبتسامه ممكن من الشوق يعني ؟
أريج حست بالإحراج و دفنت وجهها بحضنه لا تصير مغرور عاد.....
*****************
بالفندق دخلت عليها و هي مقرره تعيد حسابتها نحو كل شئ في حياتها و تبنيها صح
مرام شو جالسه تسوي ,؟
ريم وهي تفتح الصندوق شوفي شو رأيك بهذي الهديه ؟
مرام حلوه لمين ؟
ريم مشعل و أريج
مرام حست بغصه بقلبها مشعل ما قصر معها لما تعبت و هي حتى ما أفتكرته بهديه أنا لسى ما أشتريت لهم
ريم تعالي نروح السوق و أختاري شئ لهم
مرام خلاص نروح الليل
ريم ماشي
مرام بتردد هو لسى بالمانيا ؟
ريم لا رجع أظن اليوم
مرام كانت تبى تسأل عن سلطان بس كيف اهااا
ريم بس شكله بيرجع بعد فتره لإن سلطان بيجلس هناك شهرين
مرام ليش ؟
ريم يسوي علاج طبيعي ليده
مرام حست شعور بالراحه يتعالج يعني في أمل بالشفاء كانت تتمنى تبوس راس ريم على هـ الخبر.....
*****************
دخل الغرفه يبي يمدد و يرتاح شوي من تعب الرحله و تفاجاء بلوحه مقلوبه على طرف السرير ( حتى بغرفة النوم الرسم يشارك يا أريج ) مد يده يأخذها بيحطها على الكنبه و أنتبه أن مكتوب عليها ( مشعل 22 7 ) أستغرب و قلبها و أندهش أنها راسمه ملامحه و بإتقان كمان أبتسم و طلع يركض لها و أول ما نزل درجتين بالسلم سمع صوت اللفت [ المصعد ] ينفتح فرجع لها شالها و جلس يدور بها و هو يضحك
أريج كانت مستغربه منه و ماهي فاهمه شئ لإنها ناسيه موضوع اللوحة تمسكة فيه بخوف بسم الله مشعل وش فيك أدوخ أنا كذا ؟
مشعل كيف قدرتي ترسميني كذا بإتقان
أريج حافظه ملامحك
مشعل بكل التفاصيل ؟
أريج طبعا
مشعل متى رسمتيها ؟
أريج أول لليلة لك في المانيا
مشعل و هو يتذكر قبل المكالمة و إلا بعد ؟
أريج امممم نص قبل و نص بعد
مشعل زين اللوحة ذي خلاص ملكي الخاص
أريج بكم ؟
مشعل ههههههه بخيله قولي تفداك
أريج طيب تفداك بس لازم تدفع فيها بدل تعب
مشعل صار يحب لون الخجل بخدودها و يحس أنه أشتاق له بدفع بؤسه
و لثم شفايفها قبل تنطق....
على قارعة آنثى أصبح قلبي صريعاَ
سجين حب لم يستدل القلب له طريقا
أصبحت كـ أعمى يتخبط في هواها
يصارع نزف الجروح نبضا سعيدا
********************
طلعت من غرفتها و هي متضايقه بدت تحس بالملل صديقتها الوحيده و الأغلى على قلبها خلاص راحة الرياض و ما بينهم إلا أتصالات و ما تطول و مشعل رجع يعني حتى أريج ما راح تشوفها كل يوم كانت مستمتعه بالنوم معها لكن زوجها رجع خلاص جلسة وين ما أمها جالسه بالصالة لوحدها
أم أريج فجر وشفيه وجهك كذا ؟
فجر بديت أحس بالملل
أم أريج الله يكفينا الشر من شو ؟
فجر شوفي لا تأخذيني طنازة بس أنا ما أحب الروتين يعني كم يوم بالكويت و بعدين نمت عند أريج حسيت بتغيير و الأن شو أسوي ما أحب أبقى كذا
أم أريج خلاص أجل ندق على ماجد و نقوله مره البنت ما تبى تكمل دراسه كان تباها اليوم تعال خذها
فجر كانت شوي و بتدمع عيونها أصلا أنا ما أبي أروح الكويت قولي له يتوظف هنا
أم أريج بضحكة أبشري طال عمرك أي شروط ثانيه ؟
فجر تصدقين أحسك تتطنزين علي
أم أريج و الله بناتي صار ينطبق عليهن المثل ربيت و لغيري صفيت وحده من يدخل رجلها البيت حتى الجوال تقفله و الثانيه بدت تشكى من الملل في بيتي بعد ما شافة الخطيب كم يوم
فجر قامت من مكانها و لفة يدينها على أمها الجميل كأن الغيرة بدت بقلبه
أم أريج لا بداء الملل زي بعض ناس
فجر ههههههه أنا عارفه أنك زعلانه من أريج و تحطين حرتك فيني بالله وش ذنبي
أم أريج و ليش أزعل من أريج هذي هيا عندي لو بغيتها عشر دقائق و أنا عندها لكن بعض الناس بكره لقفلوا جوالهم وش يوديني الكويت
فجر أصلا من قال أني لو رحت الكويت بتجلسين أنتِ هنا لا حبيبتي بتعيشين هناك معي
أم أريج و أختك من لها ؟
فجر خلي مشعل الي تقفل عشانه الجوال ينفعها.......
****************
طعم الإبتسامة الأخويه غير و إحساسها يكون أصدق و أدوم و هذا الي بدوا يحسونه مرام و ريم اليوم بالذات و في طلعتهم هذي عرفوا معنى الأخوة
ريم و هي تشوف الساعة مو كاننا تأخرنا
مرام عادي ما ورانا شئ و بابي قال خذوا راحتكم
ريم بس أنا بديت أجوع صراحه
مرام نروح نأكل طيب
ريم بس على حسابك
مرام أجل إذا شفتي محل سندوتشات وقفي
ريم يا البخيله أقول أختي بتأكلني ماكولات بحريه بيتزا شئ يسوى
مرام اممم فكره شو رأيك ندق على بابي و مامي نعزمهم في مطعم محترم كذا
ريم كانت تلاحظ تغير مرام بس ما توقعت إنه بيكون لهـ الدرجة تمام عشان لو نقصة الفلوس بابي يكملها و ما ننحرج
مرام طيب أتصلي في بابي
ريم و ليش مو أنتِ منك بيحسونها أفضل
مرام مستغربه وش معنى ؟
ريم لإنك الكبيره يالله أتصلي بسرعه
مرام و هي رافعه الجوال لإذنها اوكيه......
***************
صحى و طالع الساعة 03:15 صباحا لسى بدري لكنه نأم بما فيه الكفايه لف جهتها و أتاملها نائمه بسلام حتى و هي نائمه تضل بقايا الإبتسامه و الرضاء على وجهها أنسحب من الفراش بهدوء و طلع برى الغرفه كان يبي يدق على سلطان فدخل المرسم عشان ما يزعجها و أنتبه لدفتر من فترة ما قراء فيه أخذه و جلس على الأريكه ( خليني أشوف شو كتبت و أنا ما أني موجود ) كان يقلب الصفحات و يقراء و يبتسم صارت مكشوفه له
(( طعم الليل هذا المساء مختلف بدونه لا يوجد ما يملئ المكان فهو فارغ و سـ يضل إلى حين عودته ))
(( هل أسمح لقلبي أن يحلق في سماء ذلك الرجل ؟ يا ترى ماذا سـ يجلب لي غيمه أم جناح مكسور ))
(( الليله عشت حلم رائع بصحبته لن يتكرر ذلك الشوق و ربي ))
[ اااه يا قلبي الظاهر قصدها أول ليله لي بالمانيا صدق كنت مشتاق لها ]
كان يقلب و يقراء لين وصل أخر صفحة و تمنى لو كانت الأن جمبه يبادلها الحب بدون تحفظ او خوف
(( ماذا سـ أكتب هذا الصباح فـ حتى شروق الشمس على الكون و الطيور المحلقه في السماء أصبحت تحسدني بإن شمس القلب سـ تشرق بعودته هذا المساء ))
الدنيا بعيون مشعل بلحظة تحولت لربيع مزهر بضحكة أريج سرعان ما مر قدام عيونه طيف ذكرى يكرها و صوت لازال يهدم كل أحلامه....
****************
سكرة المنبه لصلاة الفجر بسرعه ما تبيه يصحيه و يزعج نومته لكنها أنتبهت لعدم وجوده بالفراش ( ياربي هذا وين راح الأن ) تحاملة على نفسها و راحة المغاسل غسلة و طلعت تدور عليه برى الغرفه بين الممرات و الغرف كانت تنأدي عليه بدون أي رد لين وصلت للمطبخ التحضيري و شافته هناك
أريج مشعل
مشعل التفت لها مستغرب وش مصحيها الأن هلا وش مصحيك ؟
أريج أنت وش مصحيك في المطبخ تبى شئ ؟
مشعل بحضر لي شئ أكله
أريج و ليش ما صحيتني أجهز لك ؟
مشعل سكر الفرن بسرعه ما يسوى خلاص سويت فطيرة في الفرن بس.....وسكت
أريج فتحت الفرن و ضحكة من منظرها لا طباخ الصراحه
مشعل لا تتطنزين أنا وش عرفني كم تبقى حطيتها و كلمة سلطان و رجعت إلا هي متفحمه
أريج زين خلاص خل عنك أنا أجهز لك
مشعل قرب منها و هو يتذكر كلام الدفتر الي قرأه مد يده يبي يلمس شعرها الي كان منسدل على جبينها و عيونها و يعترف لها بكل الأحاسيس الي بقلبه الأن لكن كان فيه صوت أكبر منه أرتفع في الكون
الله أكبر ,, الله أكبر
رجع يده و مشى ناحية الباب مشعل بروح أصلي و أرجع أحصلك جاهزة بنطلع
أريج وين ؟
مشعل بنفطر برى
أريج بكسل أجهز لك هنا أحسن
مشعل بطلي دلع في السيارة بنأخذ سندوتشات و نرجع......
****************
تحت جسر الملك فهد الي يربط بين السعوديه و البحرين وقف سيارته و نزل لجهة باب أريج فتحه و مد يدينه يبي يشيلها
أريج أنت قلت ماحنا نازلين ؟
مشعل هنا قريب السيارة بس
أريج بتردد بس أنا ما جبت الكرسي حقي
مشعل ما يحتاج كرسي و أنا معك بعدين بنجلس هنا على الرمله و أسندي ظهرك على السيارة
أريج أستسلمت للأمر و تمسكة فيه طيب
مشعل لازم تعلمين ما تقولين لي لا أتفقنا
أريج أتفقنا
مشعل نزلها على الرمله ورجع يجيب الأكل من السيارة و مده لها بعد ما فتح لها السندوتش و العصير خذي قولي بسم الله
أريج بسم الله
مشعل حلو الجو صح ؟
أريج إيه ما توقعته كذا
مشعل أنتِ حابسه عمرك مدري ليش و إلا الجو دوم الفجر كذا و بالشتاء يصير خيال
أريج بس يكون برد
مشعل بس ضباب كذا و شئ جنان والله
أريج متعود تجي هنا ؟
مشعل إيه لما أكون بالخبر على طول أجي
أريج اهااا
مشعل و بتعودين أنتي كمان تجين
أريج معك !!
مشعل أكيد معي أجل مع منو يا ذكيه ؟
أريج بضحكة زين خلاص هو سؤال عفوي لا تمسكه عليه
مشعل مدلخه شكلك
أريج هههههه ما نمت زين والله
مشعل أجل لرجعنا نامي زين لإن الليله بعزم عمي على العشاء
أريج أبوي ؟
مشعل هههههههههههه صدق مسطله كم عم عندي إيه أبوك و أمك و جدتي و أختك كمان أستوعبتي الحين ؟
أريج ضربته بخفه على فخذه و هي تضحك لا زين.....
***************
بمدريد كانت تشوف أنها تمشي بمكان مظلم و موحش و فيه صوت لشخص يتألم و يتأوه و ينأدي عليها بإسمها كانت تلتفت يمين و شمال تدور على مصدر الصوت لكن بدون فائدة الصوت يزيد و مال الشخص أي وجود الرؤى ضبابيه و أطياف قدام عيونها ما هي قادرة تميز ملامحها لين حست بشخص يمسك يدها و التفتت له الملامح الصوت إلتواء اليد نفس المنظر شافته قبل سـ...سلـ..سلطان
و صحت من نومها مفزوعه و قلبها يرجف ( يارب يكون بخير يارب مجرد حلم و ما يكون صاير له شئ و لا جالس يتألم )
**************
الجزء الرابع و العشرون
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك