رواية توأمي لكن انا غير ومالي مثيل وراسي عنيده -15
معاذ :لا بس جدي بيتصل فيهم وهو بيجيبهم
غصون وهي بتبكي:الله يهدي أبوي شلون يسوي فيهم كذا ويطردهم على شي ما يسوى
معاذ اللي حضنها:خلاص حياتي خلاص ما عليهم شر الحين جدي بيتصل فيهم وهم بيردون على اتصاله وبيرجعون تعرفينهم ما يردون كلمه لجدي
غصون:الله يسمع منك يزن يمكن بس مازن عنيد
معاذ:لا تخافين يا روحي بس أنتي هدي
قاعدين في أميركا في الشقه ورن تلفون
سجيه اللي في المطبخ:بنبونه ردي
بانه وهي ترد وبعدها عقدت حواجبها وهي تتكلم انجليزي
وبعدها طلعت عيونها وشافت سجيه اللي ماسكه كاسة عصير وتشرب منها
سجيه اللي من شكل بانه خافت وبعد ما صكت بانه التلفون طالعت سجيه
سجيه اللي بدا قلبها يرجف من شكل بانه:وش صاير
بانه :أمجاد سوت حادث
سجيه طاح من يدها الكأس وتكسر قطعه قطعه وبصراخ: أمجاد ماتت
في الاستراحه
جالسين وهو لحد الحين معصب وأخوه ساكت وحاس فيه
حط يده على يد أخوه اللي طالعه وتنهد
يزن :خلاص عاد يا اخوي
مازن:كله ظالمنا وكله احنا الغلطانين
يزن:مهما صار هذا أبونا
مازن:ادري انه أبونا علشان كذا طلعت من المكان لاني اخاف أغلط وما امسك نفسي
يزن:الحين وش بنسوي
مازن:ما ادري بس مستحيل ارجع البيت بعد ما طردني منه
يزن سكت وما عرف وش يقول
رن جوال مازن وشاف المتصل وطالع يزن:جدي
يزن:رد ما يصير ما ترد عليه
مازن رد:الو
الجد:الو مازن وينك فيه انت واخوك
مازن بضيق:احنا في القهوه
الجد:تعال لبيتي
مازن:جدي انا رجعه لبيتنا ماراح ارجع
الجد:قلت لبيتي ما هوب بيتكم
مازن:انا كذا مرتاح يا جدي
الجد بمسايسه:ترد كلمتي وآنا جدك
مازن:لا طول الله بعمرك بس أبوي ..
قاطعه الجد:انا قلت تجيني للبيت وإذا على أبوك ما لك دخل فيه وإذا على السكن أنت بتسكن عندي
مازن:بس يا جدي البيت فيه بنات ما يصير
الجد:ترد كلامي
مازن:لا بس...
الجد قاطعه:لا تبسبس البيت كبير وفيه ملحق تنامون هناك إلا إذا بغيت تكسر كلامي هذا شي ثاني
مازن باستسلام:ما عاش من يكسر كلامك
الجد:خلصنا يله تعالوا
مازن:ان شاء الله ربع ساعه وإحنا عندكم
الجد:زين مع السلامه
مازن:مع السلامه
صك الخط وصار يطالع توأمه
يزن:ها وش صار
مازن وهو يوقف:بنروح بيت جدي وبنام هناك
يزن:طيب
قاموا وطلعوا من القهوه بعد ما دفعوا الحساب و ركبوا سيارتهم متوجهين لبيت جدهم
نروح لأميركا للي انفجعوا
دخلو المستشفى وهم خايفين وراحوا الاستقبال بسرعه
بانه :عفوا أتت لديكم حاله حادث اليوم لفتاه
الموظفه:ما اسمها
بانه:أمجاد الماجد
الموظفه وهي تطقطق في الكمبيوتر
سجيه اللي ترجف من الخوف:ها وش قالوا
بانه:لحظه تطلع لي رقم الغرفه
الموظفه:اجل وهي بغرفه 223بالطابق الثالث
بانه:شكرا
ولفت على سجيه:الطابق الثالث غرفة 223
سجيه وهي تمسك يد بانه:يله بسرعه الله يخليك
أتوجهوا للاصنصير وركبوا وصعدوا للطابق الثالث وبدت سجيه تدور رقم الغرفه
رن جوال بانه ووقفت تطلعه وتشوف من وسجيه راحت وخلتها
بانه وهي تشوف جوالها :غريبه وش عند أماني متصله....وردت:الو
أماني:هاااي بانه أخبارك
بانه اللي مو رايقه:هلا وش تبين
أماني:وش دعوه تكلمين بها الطريقه
بانه:أماني مو فاضيه كلمي وقت ثاني
أماني:طيب اوكي
بانه صكت الخط وما كلفت نفسها تقول مع السلامه لأنها مو رايقه لها
مشت ووصلت ووقفت في الوسط وهي محتاره كان على يمينها غرفة رقم223 وعلى يسارها يقابلها غرفه رقم232
بانه:الحين كم قالت الرقم يا ربي 223 ولا 232 الظاهر قالت232 ايه
فتحت الباب ودخلت وشافت غرفه كبيره وفيها سلات ورود
وفي ملابس مرميه على الكنب وريحة عطر رجالي منتشره بالمكان
بانه:اوووه شكلي غلطت بالغرفه
توها بتطلع إلا تشوف في وجهها رجال أول ما شافها صد على الجنب وبعصبيه:شلون تدخلين هنا من سمح لك
بانه:انا..
الرجال قاطعها بعصبيه:أنتي ايش كيف تدخلين غرف الناس بدون استئذان ومن أنتي
بانه اللي توها بتتكلم قاطعتها...
خلونا نتركها ونروح لسجيه
دخلت الغرفه وأول ما شافت أمجاد ركضت لها وحضنتها:انت حيه يا عمري يا قلبي يا روحي يا حبيبتي
أمجاد اللي يدها مكسوره وفي وجهها شوية جروح:ايي ذبحتيني
سجيه وخرت وهي متغيره:مالت عليك يا معفنه يا زفته طيحتي قلبي وفي الأخير بس اللي فيك كسر وشوية خرابيط في وجهك
أمجاد:امحق احد يقول كذا لوحده توها مسوي حادث.. وباستغراب كملت:أنتي جايه لحالك
سجيه وهي تجلس على السرير:لا معاي بانه
ولفت على وراء:بس ما ادري وينها
أمجاد:ناديها خليها تكلم الدكتور يكتب لي على خروج
سجيه:بس...
قاطعتها أمجاد:ما فيني شي بس كسر
سجيه:اوكي على كيفك بس لو صار لك شي لا تعتمدي إني أعيلك طول العمر مو فاضيه لك
أمجاد بعصبيه:انقلعي اخلصي ناديها
سجيه :زيين لا تعصبين والله
وطلعت والتفتت يمين ويسار تدور بانه وشافت الغرفه اللي مقابلهم مفتوحه ولمحت بانه داخل وبهمس:هذا وش تسوي في هالغرفه
دخلت عليهم:بنبون وش تسوين هنا
بانه بعصبيه:منك يا لزفته ضيعت الغرفه
الرجال بعصبيه:كملت فاتح سوق المقاصيص هنا يله برا
سجيه لبانه:من هذا
بانه:صاحب الغرفه يله نطلع...وتلتفت للرجال:أسفه
سجيه قبل ما تطلع:زين لا تنافخ ويطق فيك عرق وتموت علينا بس
الرجال وهو لحد الحين لاف وجهه للجهه الثانيه بصراخ:برا
بانه تسحب سجيه:يله...وطلعو وسجيه بعصبيه:خليني عليه افرك له خشته قليل الأدب ما عنده ذوق يكلم آنستين بها الطريقه
بانه وهي فيها الضحكه:مدام أنتي تنكتين هجل أمجاد بخير
سجيه:ايه هالعله ما فيها شي إلا صدق شفتي الرجال وش فيه لاف وجهه
بانه وهي تمشي:ما ادري ولا أبي ادري
سجيه وهي تحرك حواجبها:بس الملعون مزيون والله والسكسوكه مسويه شغل
بانه:هههه الزين مو كل شي أهم شي زين القلب ومن برا الجمال يروح وكل شي يروح إلا الأخلاق مثل النقش على الصخر يدوم على مر الزمن
سجيه تصفر:أحلى يا كايدهم
بانه:ههههههه خلني أروح لأمجاد ابرك
ومشت وخلت سجيه اللي بدت تلحقها
&
دخلت بعد ما كانت تكلم ولما دخلت لقت عمتها أم يوسف ويوسف واقفين
آلاء:ها وش صار
أم يوسف:مازن ويزن في المجلس وجدك أقنعهم ينامون في البيت هنا
آلاء:زين أهم شي انهم رجعوا
أم يوسف:معاك حق
راح وخلتهم ورن جوال آلاء ورفعته تشوف المتصل وتعطي مشغول
يوسف باهتمام:احد يزعجك
آلاء:لا هذولا المستشفى ما لي خلق عارفه موعد مناوبتي ما له دعي يزعجوني كل مره ويذكروني
يوسف:أنتي ليش متمسكه فيه هالكثر
آلاء وهي تطالعه وباستغراب:وشو
يوسف بغضب مكبوت:شغلك
آلاء:لأنه انا لأنه يمثلني ولأني أحب أساعد الناس وأعاونهم ولو كان شغلي بدون راتب كان بعد اشتغلته كافي إني اقدر اخلي الناس مرتاحه من الألم
يوسف طالع البريق اللي في عيونها لما تتكلم عن شغلها وصد وراح للمجلس عند الجد والباقين وتركها واقفه
وهي طنشت وما اهتمت
&&&
كتبت لها خروج وهم طالعين سجيه وفي يده العنب وتأكل
أمجاد:الله يفشلك ليه مأخذه عنبهم
سجيه وهي تاكل:أصلا هم حاطين في كل الغرف سلة فواكه حركه يعني آخذو والله كنت بأخذ السله كلها بس قلت فشيله وخذيت بس العنب
أمجاد:لا تكفين يعني أنتي الحين ما تفشلين
سجيه: أكيد لا
بانه باستهزاء:هي رمز لإعلان فيتامينات واكلات صحيه
أمجاد:ههههه أي أي
سجيه:تستأهلين محد قالك اطلعي كان قعدتي كان كل يوم بأكل عنب
بانه:ههههههههه
لمحت واحد واقف مع الشرطه
أمجاد:هذا اللي صدمني مع سواقه الغبي
بانه وهي تدقق النظر :مقعد
سجيه:من اللي قعد كلنا واقفين
بانه طالعتها وتجاهلت تعليقها وراحت:مقعد
مقعد طالعت اللي واقفه قدامه:من أنتي
بانه:ما أمداك تنسى صوتي ولا صوت توأمي
مقعد بشك:بانه
بانه:ايه بانه هجل أنت اللي صدمت أمجاد
مقعد:أمجاد هي اسمها أمجاد
بانه وهي تلتفت على سجيه وأمجاد اللي يستنون الاصنصير يفتح:ايه انا لازم أروح لازم اشوفك مره ثانيه
مقعد:ان شاء الله
بانه وهي تشوف الاصنصير يفتح:سلام
فتح الاصنصير وطلع منه سلطان اللي خايف على أخوه وكانت سجيه معطيه الاصنصير ظهرها فما شافت سلطان ودخلوا
سلطان وهو يلهث :مقعد صار شي لك
مقعد:لا ما صار شي الحمد لله
سلطان وهو يزفر:اووووف خوفتني
كلموا الضابط شوي وبعدها قال ان أمجاد هي الغلطانه وحلو الموضوع ودي وطلعوا ولما وصلو عند الاصنصير
فتح مقعد بوكه وهو يدخل بطاقته وطاحت من يده نزل يجيبها ولقى بطاقه رفعها وكان مكتوب وراها.........
عند الجد اللي قاعد في المجلس
طلب من الكل يجي
الجد وهو يطالع الكل مجتمعين في المجلس الكبير أحفاده وعياله
والنظرات اللي بينهم
النظرات بين آلاء ويوسف
النظرات بين يزن ومازن اللي جالسين جنب امهم ويناظرون أبوهم
دانه المتوتره بسبب وجود نادر اللي ما صدر عنه أي ردة فعل ولا يدري عن احد
نظرات لولوه لمازن
نظرات يزن لرواء
كان ملاحظ كل شي بس ساكت لحد ما يجي الوقت المناسب لكل واحد فيهم
قال بصوت عالي:بما ان الكل هنا فما له داعي اخلي الاجتماع لبكره انا راح أقول لكم ليه سويت اجتماع الحين
طالع عياله وأحفاده بنظره ثاقبه وبعد صمت ثواني
الكل حس ان فيه شي قال بصوت عالي:دانه ملكتك بعد أسبوع ونص صح
دانه اللي ماسكه يد جدتها وبخوف وبهمس:ايه
الجد: بعدها بأسبوع عرسك
الكل أنبهت وصاروا يطالعون بعض
وهي نزلت عيونها اللي تجمع فيها الدموع وتضغط على يد جدتها أما نادر ما صدر منه أي ردة فعل
الجده:بس..
قاطعها الجد وبعصبيه:ما ابغى أي كلام في هالموضوع خلصنا
والتفت على بنته سلماء وبصوت عالي:سلماء بناتك جاء لهم خطاب وآنا وافقت
الكل هنا طارت عيونه
سلماء وقفت وهي مصدومه: أي بنات...... والتفتت على بناتها اللي منصدمين حتى دانه انتبهت وانصدمت مثلهم ونست سالفتها
الجد:بناتك هبه وأسير
أسير وهي تحضن أمها وهي تبكي:يمه ما ابغى
الجده وقفت وبعصبيه:انت وش بلاك صاير تخربط كثير تزوج وتعرس على كيفك هم مو لعبه
الجد وقف وهو يضرب العصا بالأرض:وش قلتي يا مره انا الخبط واخربط
والتفت على الكل وبعصبيه:اسمعوني زين كلكم اللي ما يعجبه اللي أقوله بيتي يتعذره وبيصير فيه مثل ما صار في عبد العزيز رحمة الله عليه
والتفت على بنته: وأنتي يا سلماء بناتك جالهم خطاب رجال رجااااال وآنا لو شاك لحظه في رجولتهم كان ما وافقت وخلص الكلام
سلماء وهي بتبكي حسره على بناتها اللي جاهم الدور:بس إخوانها
الجد:إخوانها ما لهم كلمه بعد كلمتي
أسير تركت أمها وطلعت بسرعه من المجلس ولحقتها هبه ومدى وكل البنت
والجد رجع جلس
الجده قبل ما تطلع:ان كنت تظن انك كذا تحافظ عليهم فانت تسوي العكس
قام صافي ولمياء لان كل اللي صار ما عجبه وطلع ومعاه زوجته وآلاء وراهم
&
لهنا أوقف واترك لكم حرية التعليق
وغياب حصين لا ينفيه
ودي وحبي لكم
سلام حبايبي اسفه على التاخير وهذا البارت
&&&&
توأم لكن انا غير ومالي مثيل وراسي عنيده
&
البارت الثالث عشر
قراءه ممتعه وان شاء الله ينال إعجابكم
جالس معاه وما شاف منه ردة فعل ابد أحيانا يحس انه ينقهر منه كثير
يوسف وهو يطالع نادر الهادي:نادر
نادر طالعه بدون ما يتكلم
يوسف:وش رايك في اللي قاله جدي
نادر وهو يرفع حواجبه:بخصوص
يوسف وهو يمسك أعصابه لا يذبح نادر على هالبرود:بخصوص و كل شي بخصوصك انت ودانه بخصوص هبه وأسير
نادر:انا عادي عندي العرس بعد أسبوع ولا بعد شهر وش يفرق
أما عن أسير وهبه هم لهم إخوان احنا مالنا دخل
يوسف وقف وهو معصب:انت تبغى تجلطني ها..كله عادي وما يفرق والله أحيانا ودي أذبحك
نادر وهو يوقف ويواجه يوسف:من قال إني حي أصلا
مشي وخلى يوسف يزفر بضيق ويردد:متى ننتهي من هالسالفه متى يا نادر
متى تطلع من هالحزن والجمود متى حياتك تشوف النور متى بس متى
&
قاعده في غرفتها والصمت يخيم على الكل ما ينسمع إلا صوت بكائها وشهقات اللي حولها
أسير وهي في حضن أمها و تشاهق ودموعها تنزل:اهئ اهئ يـ...مـ....ـه...مـ..ـا.أ.بـ..ـغـ..ى اهئ اهئ
وتحرك راسها يمين ويسار وهي تشاهق وتكرر:لا يمه الله يخليك اهئ اهئ الله يخليك اهئ يمه
أم أسير وهي تمسح على رأس بنتها وهي الثانيه تبكي:بس يا روح أمك بس
وتلتفت على أمها:يمه وش السواة
الجده بدون حيله تهز راسها:والله سواة الله ابرك وآنا أمك
أسير وهي تشد على ملابس أمها:اهئ اهئ يـ...ـمـ..ـه ااااه اهئ اهئ
الكل كان متأثر و زعلان على أسير اللي ما في احد توقع ان جدهم راح يزوجها لأنها الأصغر بينهم
مدى وهي تمسح دموعها وبقهر:خالتي سوي شي الله يخليك اتصلي في سلطان ولا مقعد ..وتلتفت على أمها وتجلس جنبها وبرجاء:يمه كلمي يوسف سوو شي لا تقعدون كذا
أم مدى بقلة حيله:وش نسوي يا بنتي ما نقدر نسوي شي
مدى وهي تمسح دموعها بكفها وترجع توقف قدامهم وبصراخ:أي شي تصرفوا
أم أسير وهي تكلم أختها:أخذيها
وتخلي أسير في حضن أختها وتقوم وتمسح وجهها من الدموع:رؤيه روحي جيبي عبايتي
رؤيه :ان شاء الله
الجده:وش ناويه تسوين وآنا أمك
أم أسير وهي مشتته:أي شي بس ما اخلي بنتي تروح مني مع واحد ما اعرفه
جات رؤيه بالعبايه ولبستها أم أسير ولفت شيلتها وطالعت البنات:خلوكم معها يا بنات لحد ما ارجع
البنات:ان شاء الله
دانه وهي جنب جدتها تبكي بصمت
طالعتها جدتها ومدت يدها ومسحت دموعها:لا تبكين وآنا أمك لا تبكين ترى دموعك غالية علي والله لو بيدي شي ما اقصر
دانه وهي تبتسم بحزن:انا ما ابكي لاني زعلانه لان الزواج بعد أسبوع ولا شهر لا لاني مصيري راح أتزوج بس اللي حاز في قلبي ....وصار دموعها تنزل و تشاهق: نفسي صعبانه علي وزعلانه على أمي وعلى إحساس ان يكون عندي أم وتأخذني بحضنها تحميني وتدافع عني
انا زعلانه على إحساس إني مرفوضه أصعب شي لما تكون مرفوض ومن الشخص الوحيد اللي المفروض تكون أغلى الناس على قلبه بس انا مرفوضه ومرميه وكأني نكره و...
وسكتت وهي تنزل عيونها وتحاول تمسح دموعها وتحاول تأخذ نفس بس حاسه ان في غصه في حلقها وألم في قلبها وتحس بضيق وحرمان
الجده وهي متاثره مدت يدها ومسحت دموعها مره ثانيه وبهمس:افا وآنا اللي ظنيت انك تعتبريني أمك
دانه وهي تطالعها:والله وربي يشهد علي يا يمه انك أغلى من روحي لو تقولي موتي والله أموت فدوه لتراب رجولك
وتمسح دموعها وتبتسم بحزن:أنتي القلب اللي احتواني وأنتي الحنان اللي عوضني عن كل شي أنتي مو أمي وجدتي أنتي دنيتي كلها
الجد وهي تمسح دموعها بطرف شيلتها متاثره من كلام دانه وتأخذها
بحضنها :يا بعد عمري إذا كنتي تغليني ما ابغى أشوف دميعاتك ابد
وإذا بصدرك شي تعالي وقوليه لي ولا تخلينه بجوفك وتنقهرين
دانه وهي بحضن جدتها وتحاول تبتسم:الله لا يحرمني منك وجعل يومي قبل يومك يا روحي ويا دنيتي ويا كل ما املك
الجده باست راسها وهي تمسح دموع دانه بشيلتها وتطبطب عليها
&
في شركته
وبالتحديد
(في مكتبه)
جالس وراء طاولته بثوبه الأبيض وشماغه الأحمر ويكلم:يعني كل شي تمام – امممم – زين زين – خلاص
صك السماعه وهو يولع سيجاره ويسحب نفس وينفخه في الهواء وبعد برهه:ههههههههه هههه تعانديني يا بنت العم بنشوف كيف تعانديني وتتحديني
قام من مكانه ووقف عند النافذه وصار يتأمل المنظر:راح تجيني وبنفسك يا..وابتسم:يا بانه
&&&&
منسدح على سريره ويفكر ويتذكر يوم أمس والحادث وكان اللي صار شريط ينعاد قدام عيونه
اتصل فيه سلطان وقاله ان السواق ينتظره برا
طلع له وركب وعطاه العنوان وقفوا عند الاشاره ومقعد يفكر في الشركه واللي بيلقاه من مشاكل ووشلون ينسق مع حصين ولما ولعت خضراء مشى السايق ومقعد شار بأفكاره وما صحى إلا على صوت الفرامل وضربت جبهة مقعد في اللي قدامه وبعدها حس بثقل في رأسه غمض عيونه وبعدها فتحها وهو يحاول يطالع السواق ارمش بعيونه كم مره وبصوت متألم:ااااه انت بخير
السواق يأشر بأيه والدم يصب من خشمه وفمه
التفت مقعد على جنب يطالع من صدم فيهم شاف واحد رأسه على
الدركسون(الطاره اللي يسوقون بها)
خاف مقعد يكون صار للرجال شي نزل بثقل ومشى وهو حاط يده على رأسه ويتمايل في مشيته من الدوخه اللي حاس بها
وصل لجهته السياره اللي صادمه فيهم وقرب من الدريشه المفتوحه والناس تجمعت
مقعد بصراخ:فليتصل أحدكم بالإسعاف
ورجع يطالع النافذه ومسك كتف اللي صادم فيه وهزه:هل انت بخير
سمع صراخ وطار عيونه لما رفعت راسها وطالعته ورجعت تطالع يدها:ااااه
قرب مقعد يبغى يتأكد اللي يشوفه لأنه حاس انه مو مركز اللي صدمت فيهم بنت مو ولد
وبعد فتره استوعب وفتح الباب وبهمس:هل أنتي بخير
طالعته أمجاد اللي في وجهها جروح وأشرت له برأسها بأيه
مقعد يبغى يطالعها من السياره مد يده:سوف أساعدك أعطني يدك
طالعته ونزلت عيونها تطالع يده وبعدها طالعته مره ثانيه وحطت يدها في يده وهو يحاول يطلعها سمعها تصرخ بألم:اااااااه يدي
مقعد:أنتي عربيه
أمجاد بعصبيه:وش شايف
مقعد وهو يخليها مكانها:خليك مكانك شكل فيك كسر وإذا حركناك راح تنضرين أكثر
أمجاد طالعته ولا علقت
وانتظروا لحد ما جاء الإسعاف اللي خذا أمجاد والسواق والشرطه اللي راح معاهم مقعد
رجع للواقع وهو يبتسم ويطالع يده اللي مسكت يدها ورفع يده لجبهته اللي ورمت على خفيف
فتح الدرج اللي جنبه وطلع البطاقه وقرا بصوت مسموع:أمجاد الماجد طالبه
الظاهر طاحت منها بطاقتها الجامعيه وهي ما تدري
ابتسم مره ثانيه وهو يفكر ويطالع الساعه:مو الحين بس تصير الساعه عشر راح اتصل عليها
دخل عليه سلطان:صباح الخير
مقعد وهو يجلس بعد ما دخل البطاقه في جيبه:هلا صباح النور
سلطان وهو يلمس جبهة مقعد:ها وش أخبارك الحين
مقعد:الحمد لله
سلطان:يله ننزل نفطر تراني ميت جوع
مقعد:اوكي بس دقايق أغير ملابسي وطالع لك
سلطان وهو يقوم:لا تتأخر انتظرك بالصاله
مقعد:ان شاء الله
طلع سلطان وقام مقعد يأخذ له شور ويغير علشان يطلع لسلطان
&&&
في مكالمة بين ثنتين في ارض الوطن ارض ابو متعب
جالسه تكلم صديقتها في التلفون:الو
الطرف الثاني:آهلين غدير أخبارك
غدير بدون نفس:تمام وأنتي
الطرف الثاني:الحمد لله غريبه وش عندك متصله
غدير بغرور:احمدي ربك إني متصله عليك ولا يصح لك غدوره تتصل عليك يا أمل
امل وهي تميل فمها وبنفسها(استريحي بس مصدقه عمرك والله):المهم وش عندك أحسك منتي خاليه
غدير:إحساسك بمحله انا ابغى منك خدمه
أمل باستغراب:خدمه بخصوص
غدير:بخصوص عووذتي
أمل بملل:وأنتي لحد الحين حاطه الرجال وزوجته في راسك
غدير بعصبيه:ليه يا غبيه متى قلت لك إني شلتهم من راسي أصلا
أمل في نفسها(حسبي الله عليك):طيب وش تبغين مني
غدير اللي تغير مزاجها بخبث:اسمعي
أمل صارت تسمع وعيونها طالعه من محلها ومو مصدقه اللي تقوله غدير لها واللي تبغاه منها........
&&&
جالسه عند أخوها وتحس انها بتنفجر ومو عارفه وش تسوي
أم أسير:وش أسوي يا اخوي دلني علمني وجهني
صافي اللي جالس جنبها ويهديها:اهدي أنتي الحين
أم أسير بانفعال:وشلون اهدي وأبوي بيزوج بناتي لناس ما ادري من وين جايبهم ولا اعرف عنهم شي
صافي لف وجهه
أم أسير تطالعه وتطالع لمياء ولافي وآلاء:انتم تعرفونهم
صافي:مو بالضبط
أم أسير:من هم تكلم يا صافي
صافي:انا ما اعرفهم بس أبوي وصالح سمعتهم يتكلمون عن اللي بياخذون بناتك
أم أسير بخوف:وش سمعت
صافي تنهد ومو عارف وش يقول
أم أسير وهي تمسك يده وتهزها:وش سمعت قول لا تسكت
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك