رواية توأمي لكن انا غير ومالي مثيل وراسي عنيده -14

رواية توأمي لكن انا غير ومالي مثيل وراسي عنيده -14

الطرف الثاني:الو معاذ

معاذ باستغراب:نعم من معي

الطرف الثاني:ما تعرفني بس انا أعرفك أكثر من نفسك

معاذ:نعم من أنتي

الطرف الثاني:مو مهم المهم انك تعرف ان في احد يحبك أكثر من نفسه ولو قلت له اذبح نفسك يذبح نفسه فدوه لك

معاذ اللي مستغرب من هالوقاحه:لو ما قلتي من أنتي بصك الخط

الطرف الثاني بدلع:ههههههههه انا القلب اللي يدق والهواء والحياة بألوانها وآنا اللي روحي فداك

معاذ اللي تضايق صك الخط:صدق قلة أدب وناس ما تستحي وفاضيه بس هي وشلون عرفت اسمي صدق ناس ما تربت ابد

رجع لأوراقه بس بعد هالمكالمه ما عاد مركز باللي مكتوب

&

في بيت الجد

وهي تحضنه:يمه انتبه على نفسك يا حبيبي

مقعد وهو يبوس يد أمه ورأسها:تأمرين أمر يالغلا

أسير وهي تحضنه:قعودتي لا تتأخر علينا

مقعد بمرح:ادري ما تقدرون على غياب أوسم شباب العايله

أسير وهي بتبكي:ايه والله بتوحشنا

مقعد بحنيه:أسورتي خلاص يا قلبي كلها يومين وراجع ان شاء الله

أسير:اتصل يا ويلك لو ما تتصل

مقعد :هههه من عيوني ..ويقبص خدودها:كم عندي من أسوره وحده بس

هبه:انتبه على نفسك يا اخوي

مقعد وهو يأشر على عيونه:من العين هذي قبل هذي يا حبيبتي

ورجع باس رأس أمه:دعواتك لي يالغاليه

الأم:روح عسى ربي يوفقك وين ما حطيت وجهك يا وليدي ويحفظك ربي من كل شر

مقعد وهو يحضنها:مع السلامه

أمه:بحفظ اللي ما تنام عينه

وبعدها سلم على الكل واللي حزنوا حتى لو كان راح يغيب يومين هو يعني عند كل واحد فيهم الشي الكثير وهو اخو الكل المرح الحبوب واللي الضحكه ما تفارق وجهه

طلع للافي اللي ينتظره وركب معاه يوصله لأنه أصر يوصل اعز صديق له وأخوه بنفسه المطار

في أميركا في الشقه

ثلاث أشخاص جافت عيونهم النوم

خلونا نروح الغرفه الأولى

بلون الموفي ملونه ومشغله الابجوره وفارشه سجادتها وقاعده تدعي:يارب يا رحمان يا رحيم يا غفور يا كريم أكرمنا برحمتك ومغفرتك

يالله انك تغفر لها وتوسع عليها قبرها وتجعلها من أهل الفردوس الأعلى

ونزلت دموعها دمعه ورى الثانيه:يارب

وصارت تشاهق وغطت وجهها بيدها وهي تكرر:يارب يارب يارب..وحست بان لسانها انشل وعجز يعبر وينطق باي كلمه

وبعدها فتره هدت وقامت وصفطت السجاده وراحت انسدحت والدموع تتجمع في عيونها:ااااه يا جدتي اشتقت لك ولحظنك ولنصايحك لي ااااه ودي أبيع عمري كله بس ارجع وأتنعم بحضنك ثانيه وحده وترجعين تمسحين على شعري

وغمضت عيونها بقوه:استغفر الله والحمد لله على كل حال والله يخلي لي أمجاد

غمضت سجيه عيونها في محاوله للنوم وطرد الأرق والذكريات منها

نروح للغرفه الثانيه اللي كانت ملونه باللون الأزرق وهي منسدحه وحاطه يديها وراء راسها

والقهر والضيق مبين على وجهها:هذا كل اللي همه إني شفته والله قهر كل الناس غير وآنا غير ما حسيت باللي حسوه محرومه طول عمري محرومه ومقهوره

تنهدت بضيق حست مثل الجبل على قلبها والدموع تجمعت بعيونها وقامت وجلست على السرير:ليش جابوني ما دام انهم مو قد تربيتي اكرهم اكرهم

قامت ووقفت قدام المرايه وصارت تلمس شعرها وتطالع ملابسها اللي كانت بجامه شبابيه وابتسمت بأسى على حالها وغمضت عيونها تضغط عليهم و

حست انها مخنوقه وطلعت من غرفتها بخطوات ثقيله ووقفت قدام غرفتها

غرفت الوحيده اللي تفهمها وطقت الباب بخفيف ووصلها صوتها

:ادخلي يا أمجاد

دخلت وهي تطالع سجيه المنسدحه:وشلون عرفتي انه انا

سجيه بابتسامه خفيفه:كنت عارفه انك راح تجين وتتكلمين وتقولين اللي بخاطرك

أمجاد وهي تجلس وساكته وسجيه سكتت تعطيها وقتها

أمجاد وتهرب بنظراتها عن سجيه:بنام عندك اليوم ما لي خلق أنام لحالي

سجيه وهي توخر لأمجاد وتضرب على المكان جنبها:حياك

أمجاد وهي تنسدح وتعطيها ظهرها:مشكوره سجو

سجيه:على ايش

أمجاد تلتفت عليها تطالعها بنص عيون:أنتي عارفه

سجيه وملامحها تتغير لابتسامه شاقه حلقها وتغمز لها بعيونها:افا عليك يا ابو المجد تحت أمرك باي وقت

أمجاد وهي تلف وجهها وماسكه ضحكتها:أنطمي خليني أنام وعن الهذره

سجيه وهي تلوي بوزها:طيب مالت عليك ولا مره جاملتيني

و انسدحت وعطت أمجاد ظهرها هي الثانيه وبهمس:تدرين إني جاهزه في أي وقت تحبين علشان أسمعك

أمجاد ترد بنفس الهمس:ادري والحين خليني أنام يا عله

كل وحده غمضت عيونها تحاول تنام وعلى وجهها ابتسامه رضى رغم كل اللي هم فيه لان الله عوضهم ببعض

في غرفه ثالثه باللون الوردي كانت قاعده والأفكار توديها وتجيبها

بانه:ياترى هم يبالغون ولا فعلا يقدر يسوي لي شي بس طريقته لم تكلم كان واثق والله شكلي بتعب معاه بس هو ليه قال برجعك وبرضاك لو برضاي ما راح ارجع لو تنطبق السماء على الأرض بس ليه حاسه بخوف ورجفه

وصارت تطالع السقف وبصوت مسموع: يارب انصرني عليهم ان ما ابغى شي غير إني ادرس وأحقق حلمي بس يارب

وغمضت عيونها وتغطت وبدا النوم يتسلل لعيونها

&&

في بيت الجد

قاعده مع جدتها

الجده:والله ما ادري وآنا أمك وش فيه هالاجتماع

مدى:والله يا أم الجدد حاسه فيه شي والله يستر

الجده باستغراب:شي مثل وشو

مدى وهي تحط يدها وتسند على كتف جدتها وقاطه الميانه بقوه:والله يا خزوره حاسه بكارثة طبيعيه فسولوجيه

الجده اللي مافهمت:وشو وش تقولين أنتي ما فهمت شي

مدى وهي تضرب الجده على كتفها:وش بلاك يا خزخز صاير استيعابك بطيء ذا الأيام

الجده اللي عصبت من مدى:وجع يوجعك

ورفعت عصاها بتضربها:استحي على وجهك يا قليلة الحياء هجل تقولين لي خزخز يا للي ما في عينك لا حيا ولا مستحى

مدى وهي توخر بسرعه:افا يا خزخز هذا جزاتي ادلع اسمك وأخليه يواكب العصر

الجد وهي ترفع العصا تبغى تطول مدى:تعالي كانك بنت أبوك تعالي والله لأكسر عظامك

مدى:افا جدوده وش في الأخلاق صاكه

آلاء اللي داخله عليهم:السلام عليكم

الجده ومدى:وعليكم السلام

آلاء وهي تجلس جنب جدتها وتبوس راسها:وش بلاك يالغاليه

الجده:وش بلاني إلا قولي وش اللي ما فيني

آلاء:عسى ما شر

الجده:الشر كله جاي من اللي ما تستحي ولا تقدر احد

مدى:ما عليك منها تبغى تتدلع عليك وتراهق على كبر

آلاء اللي ماسكه ضحكتها:مدو استحي على وجهك عيب عليك كله ولا الغاليه

مدى وهي تلوي بوزها:وش دعوه وش عاد انا مسويه

الجده وهي تهز راسها:أنتي ميؤس منك ما في أمل من وراك

يوسف وهو يدخل يصوت:يا ولــــــــد

ودخل:السلام عليكم

الكل:وعليكم السلام

الجده تطالع مدى وفي نظرتها وعيد ومدى خافت لا جدتها تشتكي

يوسف اللي لاحظ وجود آلاء اللي مطنشته وجاء باس رأس جدته:وش أخبارك يالغاليه

الجده:الحمد لله بس ضغطي مرتفع شوي

يوسف:بسم الله عليك من ايش

الجده وهي تطالع مدى:من شي كل ما جاني رفع ضغطي

يوسف باستغراب:وشو ذا اللي يجيك

الجده توها بتتكلم إلا مدو تقاطعها وهي تجلس جنب جدتها:ا..لا..هـ..هي تقصد الأكل ..ايه الأكل

يوسف وهو عاقد حواجبه:أي أكل

مدى:الأكل المالح..ايه..كله من الخدامه

وبصوت عالي:فارما فارما يا عله

الجده :وش تبين في هالمسكينه ال...

قاطعتها مدى:يا جدتي يا حبيبتي خليها هالغبيه علي اعلمها كيف تزود الملح بالأكل واربيها لك ....وتجي فارما:نام

مدى:شوفي يا غبيه لو اشوفك مزوده الملح والله لأطحنك وأملحك بأكلكم الحار اللي فيه لون اخضر...وبصراخ وهي تطالع جدتها: فاهمه

فارما:انا ما في...

قاطعتها مدى وهي تمثل العصبيه:يله انقلعي..وتلتفت على جدتها وهي تبوس خدها وبابتسامه بريئه:خلاص يالغاليه علمتها الشغل

الجده تطالع مدى بنص عين

آلاء اللي طول اللي يصير ماسكه ضحكتها:ههههههههههههههههههههههههه

الكل طالعها ومدى:الحمد لله والشكر وش له تضحكين

آلاء زاد ضحكها كل ما تذكرت تصريفة مدى:ههههههه الله يقطعك يا نصابه

الجده:انا اشهد اكبر نصابه

يوسف:وش عنه تتكلمون والله ما فهمت شي

مدى بتصريفه وبخوف:هههه ايه انا أقول لك يقصدون لما كنا نلعب نصبت عليهم صح

آلاء زاد ضحكها:ههههههههههه كح كح كح كح

يوسف انرسمت ابتسامه خفيفه على شفايفه لما سمعها تضحك وهذي أول مره يسمعها فيها تضحك وبسرعه اختفت ابتسامته وبان الضيق على

وجهه لما سمع سؤال مدى:أنتي ما عندك مناوبه ولا مطوله هنا

آلاء وهي تمسك يد جدتها وتمسح دموعها:انا مو قاعده على قلبك انا عند حبيبتي وعمري جدتي

الجده وهي تضرب مدى:كلش إلا آلاء شيخة البنات

مدى تطالعها بنص عين:عشتوا وآنا بنت البطه السوداء

دخلت أسير وهي تسال ولا انتبهت ليوسف:مدو غيرتي فستانك ولا بتلبسينه وهو سير

يوسف طالع مدى ومدى تاشر لأسير انها بتذبحها

يوسف:أنتي وش شاريه لملكة دانه

مدى اللي فزت من الخوف:ها لا مو انا قصدي هم لا انا ...وسكتت

يوسف:انطقي

مدى:فستان ما صلح لي وابغى أغيره أو اشتري غيره

يوسف:ليه

مدى بخوف:لا..لأنه سير بس والله معاه شال و..

يوسف يقاطعها وهو معصب:وليه من الأساس تشترينه ها..

مدى بخوف:مو انا والله اللي شريته مو انا

يوسف باستغراب:هجل من

مدى ما تبغى تقول اسم لولوه علشان لولوه طلبتها ما تقول فسكتت

يوسف:من

آلاء اللي تدري ان لولوه هي اللي شرته وقفت:انا

الكل طالع آلاء

يوسف:وأنتي ليه تشترين لها ان شاء الله

آلاء بهدوء يقهر:رحت السوق وشفت فستان عجبني ورحت شريته لها وش فيها مدى مثل أختي

يوسف:لا تطبعين أختي على طبايعك فاهمه

ألاء اللي عصبت وضربت الأرض برجلها من العصبيه:نعم ليه شايفني مو متربيه ولا فاسخه الحياء ولا ما اشرف علشان تخاف على أختك مني ومن طبايعي

يوسف:كلمه وقلتها والفستان اللي شريتيه أخذيه وأنتي طالعه

آلاء بعناد:لا مو ما خذته وآنا ما شريته علشان ارجع أخذه

يوسف:انت تعاندين ولا وش سالفتك

آلاء توها بترد بس صوت الجده وقفهم:بس وش بلاكم تتهاوشون مثل البزارين ولا تحطون تقدير لأحد ولا كأني موجوده

يوسف وهو يطالع آلاء بغضب ويبوس رأس جدته:السموحه

آلاء وهي الثانيه تبوس رأس جدتها:أسفه

الجده وهي تطالع يوسف:كأنك تبغى إني ارضي خل مدى في حالها وش بيضرها من لبس فستان لا تخنقهم يا وليدي ترى كثر الطق يفك اللحام

يوسف:بس يا..

الجده قاطعته بحزم :يوسف

يوسف باستسلام كله ولا زعل جدته:ان شاء الله

الجده:وما له داعي تطول صوتك على البنيه هذا جزاتها انها راحت وشرت لها والله ما هقيت يا يوسف تطول لسانك على بنت عمك صافي وأنت تعرف ان غلاة عياله من غلاته وتعرف وش كثر صافي غالي علي من بين الكل

يوسف وهو يبوس يدها:كله ولا زعلك وهذا راسك وأبوسه مره ثانيه

الجده:لا اشوفك ابد مزعل عيال صافي بالذات ابد

يوسف بغضب مكتوم:تأمرين

آلاء وهي تبوس رأس جدتها:الله يخليك لنا يا غلاي

الجده هزت راسها ويوسف وقف بيطلع ويطالع آلاء بكره وغضب وآلاء حست بخوف من نظراته ولفت وجهها وكأنها ما شافته ولف بيطلع وطالع بنضرة غضب مدى وأسير وطلع

أسير بهمس:يمه الله يعينك على هالاخو

مدى:ما بعد شفتي منه شي يخوف الله يعين اللي بتاخذه

أسير:ايه والله اخوك رعب بس والله آلاء قويه

مدى:وآنا اشهد

مدى في نفسها:الله يعينك يا آلاء إذا اللي سمعته صحيح انك مسماه له وهو زوج المستقبل عز الله مستقبلك اسود من الحين

وسكتوا ثنتينهم وهم يطالعون آلاء اللي بدت تسولف مع جدتها ولا كان شي صار

&

في أميركا

سجيه قامت وشافت أمجاد لحد الحين نايمه راحت دخلت الحمام(أكرمكم الله) وطلعت وأمجاد لحد الحين نايمه طلعت برأسها فكره وصارت تمش على أطراف أصابعها قربت من أمجاد ولما قربت عند إذنها بصراخ:حريقققققه يممممممممممممممممه حريقققققققققه

أمجاد فزت من مكانها وراحت تركض للباب وسجيه طاحت على السرير وهي ميته ضحك وأمجاد لما شافت سجيه وهي تضحك عصبت وبصراخ:يا كلبه يا حيوانه بغيت أموت بغت تجيني سكته قلبيه يا ثوره عمى يعميك

سجيه اللي ميته ضحك وتمسح دموعها:ايه يا بطني والله شكلك ههههههههههه ولا قلتي أنقذ سجيه على طول نحشه من عند الباب

أمجاد المعصبه جات لها:انا أعلمك وش معنى أنقذك

ومسكتها وهي تحوسها وتضربها بالمخده وسجيه ميته ضحك

بعدت أمجاد على صوت بانه اللي واقفه عند الباب:يالله صباح خير وش تسوون وش هالحرب

وصارت تطالع شكل سجيه المعفوس وأمجاد اللي طاير شعرها لأنها توها صاحيه من النوم:ههههههههه وش تسوون

أمجاد طالعت سجيه بغضب:الشرهه على اللي نايمه عندك يا بقره

وطلعت من الغرفه

بانه تهز راسها وهي تضحك على هالثنتين

&&&&

في المطار

عبر بوابة الواصلين وصار يطالع ويدور أخوه شافه يأشر له راح له والابتسامة على وجهه وحضنه

سلطان:الحمد لله على السلامه

مقعد وهو يوخر عنه:الله يسلمك يا اخوي

سلطان:تو ما نورت أميركا

مقعد:هههه على قولت جدي بلاد الكفار

سلطان :ههههههه يله نروح نجيب شنطك

مقعد:يله

راحوا يجيبون الشنط وبعدها طلعوا من المطار وراحوا الفندق اللي حجز فيه سلطان

قاعد وراء مكتبه ودخل عليه الضابط زميله:السلام عليكم

يوسف:وعليكم السلام حياك

الضابط:انا ما جيت اجلس انا الصراحه جاي أسالك عن اسمين إذا تعرفهم أو لا

يوسف باستغراب:أي اسمين

الضابط وهو يفتح الملفين:يزن صالح الزايد ومازن صالح الزايد

يوسف وهو يوقف:هذول عيال عمي وش صاير

الضابط:ابد مضاربه وآنا ما حبيت اتخذ أي إجراء لحد ما اتاكد لاني شبهت على اسم عائلتك

يوسف:مشكور طيب انا ابغى أشوفهم وابغى اعرف وش السالفه

الضابط:حياك معاي

راح يوسف مع الضابط لحد ما وصلوا لمكتبه ودخل وشاف يزن ومازن أشكالهم مضروبين وفي غيرهم ثلاث شباب

دخل يوسف:خير وش صاير

مازن ويزن:يوسف

الضابط: متهاوشين عند مجمع ومسوين مشاكل

يوسف وهو يطالع مازن ويزن:مسوين مشاكل

مازن:لا مو صحيح هم متحرشين في وحده وبنتها وطلبت فزعتنا وإحنا فزعنا وصارت الهوشه

واحد من الشباب بوقاحه:وأنت وش دخلك

يزن وهو بيتهجم على الولد:يا حيوان لو وحده من خواتك ترضى احد يتحرش فيها

مازن وهو الثاني بيهجم عليه:قليل أصل

يوسف بصراخ:بس...والتفت للضابط:ممكن أتولى هالسالفه

الضابط:أكيد..وطلع من الكتب

يوسف راح لثلاث الشباب وبصراخ:تتحرشون ببنات الناس يا كلاب

وعط كل واحد فيهم كف وبصراخ:يا عسكري

دخل العسكري ودق التحيه:نعم طال عمرك

يوسف:حط هالحوش في السجن وخلهم يعفنون فاهم

العسكري:تأمر طال عمرك

خذاهم وطلع ورجع يوسف يطالع مازن ويزن:اسمع انت وياه ابعدوا عن المشاكل

يزن:أي مشاكل الله يهديك هذا جزائنا لاننا مساعدين الحرمه وبنتها

يوسف بحزم:قلت ابعدوا عن المشاكل وخلصنا وخلوكم بحالكم

مازن بعصبيه:ليه شايفنا بدون أصل ولا فينا نخوه

يوسف توه بيتكلم إلا دخل العسكري:طال عمرك

يوسف:نعم

العسكري:في برا رجال اسمه صالح الزايد جاي علشان الاثنين(يقصد مازن ويزن)

يوسف باستغراب:انتم متصلين فيه

مازن:لا شكله صديقك هو المتصل

يوسف هز رأسه ورد على العسكري:خله يدخل

دخل صالح وشاف أشكال يزن ومازن:وش صاير

يوسف بهدوء:مو صاير إلا كل خير

صالح بعصبيه:أي خير وهالاثنين مجرجرينا لمراكز الشرطه

مازن بهدوء:السالفه يا......

سكته ابوه بكف على وجهه:شب يا مسود الوجه كل البلاوي من تحت راسك

يزن ويوسف انصدموا

يوسف يمسك عمه:يا عم مو كذا السالفه انت فاهم غلط

صالح:أي غلط انا داري ان هالاثنين بيخلون الناس يتكلمون علي ويفشلوني بين الناس

يوسف :يا عم مازن ويزن ما سوو شي

صالح بعصبيه:اللي بيقص وجهي ما يطب بيتي فاهمين

مازن طالع ابوه بغضب وفتح الباب وطلع ويزن جاء بيلحقه بس وقفه صوت ابوه:يزن لو لحقت اخوك راعي المشاكل ما راح تدخل البيت فاهم

يزن وهو يطالع ابوه:بيت ما فيه اخوي ما ابغاه

وطلع بسرعه يلحق على أخوه

يوسف ترك عمه وهز رأسه بأسف:وش سويت يا عمي انت تسرعت وحكمت عليهم وظلمتهم

صالح:خلهم يولون طول عمرهم عاصين لي عمرهم ما سمعوا كلامي

يوسف وهو يجلس عمه:ارتاح يا عم عندي شغله بسويها وراجع

صالح هز رأسه وهو يزفر بغضب ويوسف طلع ورفع جواله واتصل في جده علشان يحل المشكله لان ما في حد يقدر على عمه غير جده (بابا نويل)

تــــــــــــابـــعـ

قاعدين وضحك ومستانسين

رن جرس الشقه قامت بانه:انا بشوف من عند الباب

راحت ومن وراء الباب:من

صوت من وراء الباب:أمجاد وينها

بانه وهي تفتح الباب وشافت نفس الرجال اللي شافته أمس بالمطعم

ولفت وجهها وبصوت عالي:أمجاد تعالي في احد يبغاك

جات أمجاد وهي مستغربه:من

قربت من الباب وطلعت عيونها وصارت تطالع بانه اللي تركتهم عند الباب لحالهم وراحت للصاله

سجيه:من

بانه بهمس:الرجال اللي أمس أنتي اشرتي عليه اللي يعرف أمجاد

سجيه وهي رافعه حواجبه ومستغربه:اللي شفناه أمس

بانه:ايه

سجيه سكتت وهي تفكر وبانه ما حبت تسال لأنها حست انهم ما يبغون يقولون لأحد شي

وبعد دقايق دخلت أمجاد وهي معصبه وراحت على غرفتها وخذت مفتاحها وطلعت وصكت الباب وراها بقوه

بانه وهي توقف:ما راح تروحين وراها راح تخلينها تروح وهي بها الحاله

سجيه وبعدم اهتمام:عادي بتفرفر شوي بالسياره وراجعه

بانه:بس شكلها معصبه

سجيه:عادي

بانه:ما تخافين تسوي شي بنفسها

سجيه:لا

بانه بعصبيه :أنتي وشلون ما تحسين المفروض صديقتك من عمر ما تخلينها تطلع وهي بها الحاله

سجيه وهي تمسك ريموت التلفزيون:لاني اعرفها من زمان اقولك خليها

بانه سكتت وهي مو فاهمه هالثنتين مهما حاولت تفهم عليهم يفاجئونها بشغله جديده

&

بعد ما طمن أهله عليه وعلى أخوه

وقعد مع أخوه و سولف معاه قام من مكانه وراح بدل ملابسه وطلع لآخوه

سلطان:وين ان شاء الله

مقعد:لازم أروح الشركه وأشوف وش سالفة المشاكل اللي صايره

سلطان:يا أخي ارتاح لاحق على الشغل

مقعد:لا حقين على الراحه

سلطان:طيب على راحتك انا بتصل في مكتب السيارات المستأجره يرسلون لنا سايق علشان يوديك أي مكان انت تبغاه

مقعد :خلاص وآنا بنزل استناه تحت

سلطان:اوكي إذا بغيت شي اتصل

مقعد:طيب سلام

سلطان وهو يقوم علشان يدخل ينام:سلام

في بيت الجد

أم حصين (وهي أم يزن ومازن) تبكي:اهئ اهئ ااااه يا عيالي جيبوا لي عيالي

أم سلطان وهي تحضنها:خلاص يا وخيتي ان شاء الله كل شي بيصير تمام

أم حصين بعصبيه:كله منه يا ما قلت له خف عليهم يا ما قلت له العيال إذا كبرو خاوهم لا تضغط عليهم وهو يطردهم اهئ اهئ اهئ

الجده:لا حول ولا قوة إلا بالله يا بنيتي خليفه بيتصرف ما راح يخليهم يطلعون ولا يبعدون عنك

أم حصين:ااااه يا عيالي جيبوا لي عيالي ابغاهم حشاشة جوفي اهئ اهئ

أم يوسف وهي تمسح دموعها وتكلم يوسف: وليدي روح دورهم شوف هم وين

يوسف:يا يمه هم ما يردون على جوالاتهم وما راح يردون إلا إذا اتصل فيهم جدي

شوي دخل صافي وعائلته وجات لمياء وحضنت أم حصين:اذكري الله يا وخيتي عيالك بيرجعون بس زعلانين شوي

صافي يكلم يوسف:قلت لأبوي

يوسف:ايه يا عمي قلت له

أم حصين وهي تحط يدها على راسها:ااااه راسي

لمياء :لولوه نادي أختك تشوف خالتك

لولوه وهي تحس بزعل:ان شاء الله

وتوها بتطلع إلا دخلت آلاء:السلام عليكم وش صاير

شافت أم يوسف تاشر لها بمعنى بعدين نقول لك وهزت آلاء راسها بتفهم

الجده:يا بنيتي شوف ضغط خالتك شكله ارتفع

آلاء:ان شاء الله

وصارت تقوس الضغط وتحاول تهدي خالتها

أما عند البنات

لولوه وهي و رؤيه ودانه ومدى وأسير وهبه وروابي ورواء

لولوه بزعل:والله حرام ليه عمي يسوي كذا في مازن ويزن

رؤيه وهي تطالعها بنص عين:خايفه عليهم اثنينهم ولا على واحد منهم

لولوه:انا قلت اثنينهم ما قلت مازن بس

دانه فيها الضحكه

رؤيه:أصلا انا ما جبت طاري مازن

لولوه وجها حمر وعصبت من رؤيه وسكتت

و رؤيه بهمس:لا تخافين عليه

لولوه لفت وجهها عن رؤيه ورجعت رؤيه تهمس:يا لبي اللي يحبون

لولوه :وبعدين

دانه:ههههه تر الحب مو عيب

لولوه:اسكتوا لاطلع حرتي عليكم انتم الثنتين

سكتوا وهم فيهم الضحكه

عند مدى وأسير وروابي وهبه ورواء

مدى:يا ربي عمي صالح هذا أحس أحيانا بيجلطني

أسير:إلا يجيب لك سكته قلبيه من تصرفاته

روابي:الله يصلحه دائما يتسرع في تصرفاته

هبه:الله يعينهم عليه الحمد لله انه مو أبوي

رواء:النظرية العلميه تقول التسرع بسبب ارتفاع ضغط الدم واللي تترتب عليه العصبيه

مدى:ما ألوم أم دانه يوم ترفضه

دانه اللي انتبهت على الكلمه حزت في خاطرها ذكرى أمها اللي رمتها ولا سالت عنها وباعتها وسرحت في هالموضوع

أما عند غصون:ها لقيتوهم

معاذ :لا بس جدي بيتصل فيهم وهو بيجيبهم

غصون وهي بتبكي:الله يهدي أبوي شلون يسوي فيهم كذا ويطردهم على شي ما يسوى

معاذ اللي حضنها:خلاص حياتي خلاص ما عليهم شر الحين جدي بيتصل فيهم وهم بيردون على اتصاله وبيرجعون تعرفينهم ما يردون كلمه لجدي

غصون:الله يسمع منك يزن يمكن بس مازن عنيد

معاذ:لا تخافين يا روحي بس أنتي هدي

يتبع ,,,,

👇👇👇

تعديل المقال