رواية عيني بعينه والقلوب بعاد -15
مدري ليش تذكرت هند يوم
قالت لي احلام عن الخطبة
يمكن عشان خالد كان بيخطبها مدري
ليش غير رأيه عن الزواج منها
معقولة كان يكذب علي
عشان ارجع له
منى: احلام كيف هند ما عاد جت
عندنا من زمان
احلام:ليه ما دريتي
خفت معقولة خالد تزوجها
منى:عن شو
احلام:ماسكينها قبل امس الشرطة
هي وواحد
منى مصدومة: جد ما سمعت
احلام:سمعت امي تقول لخالد عشان
ابوها طاح في المستشفى لما دري
الله يستر علينا وعليها
سكت ما تكلمت عشان كذا خالد
يقول ارجع له أنصدم من حبيبة القلب
قال يرجع لي اكيد ما بصدق على الله
وبوافق احسن خليه يعرف
ان الي يخون يجيه يوم ينخان
استغفر الله العظيم الله لا يبلانا
جلست اسولف مع احلام بعدين
استأذنت ورجعت غرفتي عشان أنام
لان بكره عندي دوام
لما انسدحت على الكنبه تذكرت كلام
خالد معقولة يكون كذاب
وليه مو معقولة ما هو من أول من تزوجنا
وهو يكذب علي بمشاعره يعني صعبه يكذب
الحين بعد
نمت بعد عناء طويل من التفكير وانا
ما ادري اش الأيام مخبيه لي اكثر
انتهى الجزاء التاسع عشر
الجزاء الثلاثون والأخير
مرت علي الأيام انا وخالد
نفس الشي بعد الكلام الي قلته له
ما عد كلمني فتره وصار يرجع على طول على
غرفته ولا يلتفت علي مدري شكله
زعل الأخ مدري من المفروض يزعل
جلس أيام على ها الحال بعدين رجع يترجاني
ارجع له بس انا ما كنت
خالد:منى ارجوك سامحيني وخلينا نرجع زي
زمان والله اني احبك وما ابي أخسرك
منى:تحبني ولا من بعد ما عرفت حقيقة
هند قلت ارجع الهبله الي عندي
اضحك عليها بكلمتين وبتصدق
خالد:منى صدقين والله هند طلعتها من حياتي
من زمان اصلا انا تركتها حتى قبل
ما يصير لها الي صار
منى:وانا اش يثبتلي كلامك
أصل انا ما عد أثق فيك ابد
خالد:وش الي بيخليني اكذب
منى:مدري عنك
بعدين خلاص ما عاد باقي على
عدتي الا ها الأسبوع واخلص
وتفتك مني خلقه
خالد:منى انا اقدر ارجع بالغصب
ومن دون شورك بس انا ما ابي أخسرك
انا احبك والله العظيم عشان كذا ما ابي ازعلك
عشان كذا ابي أرجعك برضاك
أصراحة خفت كثير من تهديده
خفت جد يسويها ويرجعني غصب
منى:طيب خلني افكر
خالد:لين متى يعني متى بتردين علي
منى:نهاية الأسبوع ان شاء الله
خالد:بس انتي بتخلص عدتك يوم
الخميس
منى:خلاص برد عليك يوم الأربعاء
خالد:طيب ليش مو الحين
منى: خلاص خالد قلت لك الأربعاء
لا تضغط علي اكثر
خالد:خلاص الي يريحك بس ترجعي لي
قمت من عنده ورحت الغرفه بسرعه
مرت الأيام وانا أتجنب خالد عشان
جد ما ابي ارجع له ما ابي أهين
نفسي اكثر انا حلفت ما ارجع له ابد
يوم الأربعاء الظهر
دقيت على عبدالله اخوي
وقلت عادي يجي يأخذني
بس قال انه ما يقدر الا العصر
فطرية انتظره الين العصر
رتبت كل أغراضي وحجاتي
وجلست في الغرفه حتى الغذاء اعتذرت
منهم وما نزلت اتغداء اليوم
ما رحت المدرسة عشان ارتب أغراضي كلها
كنت ابي ارجع البيت بسرعه خايفة
خالد يسألني عن رأيي واذا قلت
له اني رافضه يرجعني غصب
ما صدقت يأذن العصر صليت
ورحت لقت لسوني تنزل أغراضي تحت
لبست عبايتي
ونزلت لقيت خالتي واحلام في الصالة
يطالعون أغراضي ومستغربين
أول ما نزلت سألتني خالتي
ام خالد: اش فيك يا منى متزاعله
انتي وخالد
منى:لا يا خالتي انا وخالد تطلقنى
ام خالد بصدمه: تطلقتى ليش و متى
منى:من ثلاثة شهور وكنت هنا عشان
العدة والحين برجع لأهلي
احلام بصدمه:من ثلاثة شهور ومحد
يدري
منى:لا ابوي يدري قلت له
ام خالد بعصبيه: وانا ليش محد قالي
منى:احنا ما كنا نبي نقول لأحد
عشان احنا متفقين ما نرجع لبعض ابد
خالد بحده من ورأي :لا مو متفقين كذا
متفقين ان اليوم تقولي رايك لي
اثاريك تبين تسكتيني بس
منى:انا قلتلك رأيي ما أول ولأني مغيرته
خالد بصراخ:دامك ما تبين ترجعين
وما بتغيرين رايك ليش ما رحتي
من أول يوم طلقتك وجاء أبوك هنا
ليش ما رحتي معه وحركاتك طول الثلاثة شهور
ليش دامك بعدين ما بترجعين بس تبين تعلقيني فيك وتروحي
منى: لا كنت ابي أعلمك ان مو انت
ولا عشره من أشكالك يقول ما أبيك
انا الي اقولها وانا ما أبيك يا خالد
ام خالد:ليش تطلقتوا اش السبب
قولوا لي
سمعت صوت هرن سيارة عبدالله برى
توجهة لباب
لمى وصلت عنده لفيت على خالتي
منى:اسألي خالد عن اسبب لا تسأليني
خالتي انا أسفه ما كانت ابي يصير كذا
بس انا جد ما اقدر استحمل اكثر
طلعت بسرعه من الباب وانا اسحب
أغراضي الي قد طلعتها سوني ما باقي الا
الشنطة الي معي
طلعت لعبدالله الي من شافني نزل
بسرعه
عبدالله:منى اش فيك اش صار ليش
مطلعه أغراضك معك خالد سوى بك شي
كانت تنزل دموعي بصمت
منى: عبدالله الله يخليك أبعدني عن هنا
ارجوك ودني أي مكان بس بعيد عن هنا
وصرت ابكي بقوه
عبدالله:اش سوى فيك الكلب ذا
قولي لي
والله لخليه يبيت اليوم في قبره
منى وصياحها يزيد وتمسك في ثوب
عبدالله بقوه: عبدالله الله يخليك أبعدني
عن هذا المكان انا بعدين بقول لك كل شي
بس أبعدني
مسكني بيدي وركبني السيارة وراح يجيب
أغراضي من عند الباب ركبها كلها بعصبيه
دخل السيارة وسكر الباب بقوه ومش بسرعه
وهو يسب ويشتم في خالد
سند راسي على القزاز السيارة وانا ابكي
ما توقعت بتأثر كذا اذا تركتهم بس ما اقدر
ابوي رباني اني ما أذل نفسي لشخص اهاني
ابوي ربان ان حقي ما اسكت عنه
ابد
يمكن عشان امي كانت بعيده عني
عشان كذا رباني على كذا عشان
محد يقدر يستقوي علي بعدين
رجعت البيت الي خرجت منه قبل تسعه
شهور وشوي
مر علي اليوم كئيب دقت علي امي
وكثر من مره بس ما قدرت أرد عليها
ودقت احلام وخالتي
بس ما رديت على احد حتى خواتي
كانوا يبون يكلموني بس ما فتحت لهم
كنت ماسك الجوال بيدي
لما سمعت نغمة رسالة
شفت من مين
طلعت من خالد فتحتها
لقيته مقطع أغنيه
اذا ناوي تروح أبفهم وين اروح
تخليني أعيش بعدك بألم وجروح
واذا عني مشيت واذا غيري لقيت
منو غيرك انا بلقي يروح الروح
يعني ترضاها علي تترك أيدينك أيدي
تنسى من عايش عشانك ان كان ميت ولا حي
نويت تعشق تحب ثاني اما لا لا تنساني
لاني احبك موت
طمني عليك اذا حسيت بأي أذى
بتلقاني مع قلبك اذا بكى
منو يحس فيني انا اذا ذقت العناء
منو يدري بقلبي اذا فيوم شكا
يعني ما بشوفك بعد ولا بسمع صوتك ابد
واذا ضاقت علي دنياي مالي غيرك أي احد
أرسلت له
عيني بعينك والقلوب بعاد
وكتبت ارسال مكان عندي
عير هذا البيت عشان أخليه
ييأس اني برجع له
مرت الأيام فيوم كنت
رايحه اسلم على امي
لم دخلت كان خالد طالع
انا نزلت راسي وكنت متغطية
رجعت على جنب عشان يمر
مر من جنبي هو طلع برى البيت
وانا دخلت
في سيارة خالد كان يذكر منى وهو يسمع
ارحلي دامك نويتي ترحلي
وتركيني في معاناة السهر
وتركيني لليالي وسنين
الي مثلي كم تعود ينتظر
اسمعيني كان ودك تسمعين
كلمتين بخاطري قبل السفر
حبك بقلبي ترى لو تعرفين
باقي وياي لو غبتي دهر
وذكريني كان قصدك تبعدين
وذكري قلب لبعدك ما صبر
العيون تقول والقلب الحزين
ما نبي الا ذكرياتك والصور
تمت
بحمد الله
تقدروا تكملوا النهاية
من عندكم لاني ما حبيت
أطول اكثر في النهاية
وأتعمق فيها علشان ما تخرب
علي
أتمنى ان تكون نالت على إعجابكم
ولا تنسوني من دعواتكم
...
صديقة الكاتبه ..
تنبيه,,
حابه أشكر من نقل هذه الروايه بالمنتدى و ربي يعطيك العافيه ,,
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اللهم لك الحمد حتى ترضى وإذا رضيت وبعد الرضى ,,, اضف تعليقك