رواية اعشقه وصعب أنساه لاني نسيت أنساه -16
البارت السادس عشـر..
رفعت جسمها ببرود من سرير الفحص و مشت بتملل ورا الطبيب الغاضب و جلست على الكرسي المقابل له وعلى وجهها نظره غير مباليه..
الدكتور الاجنبي الغاضب: الفصح اكد نتيجه التحاليل التي ارسلها لي الدكتور جمال من يومين!!
ام بدر وهي تحرك عيونها بتملل: و المعنى؟
الدكتور: انهياران خلال عام و تتصرفين بعدم مبالاه؟
ام بدر: الانهيار الاول كان عندما قرر زوجي ان يخطب لابني الصغير امرأه اكرهها، و الثاني بسبب العمل..
الدكتور: هل هو فعلا العمل؟
ام بدر: هل تقصد اني اكذب؟
الدكتور: لاحظت ان نسبة الدواء منخفضه جدا في دمك؟ وان تصرفاتك لم تعد متزنه..
ام بدر: تصرفاتي متزنه مثل اي سيده راقيه.. ولكني ارهقت نفسي كثيرا بالعمل..
الدكتور: هذا اكبر دليل انك لم تعودي تتناولين الدواء..
ام بدر: ربما دواءكم هو الذي لم يعد يؤثر فيني...
الدكتور وهو يكتب على ورقه: سأزيد عدد مرات اخذه الى ثلاث يوميا بدل من مرتين.. و الدكتور جمال سيفحصك كل شهر حتى نتاكد من التزامك به..
ام بدر: الى هذه الدرجه لا تثق بي يا دكتور جيمس؟
الدكتور جيمس: انا اثق بك كثيرا ولكن الحذر واجب، ان اصابك انهيار اخر خلال الست شهور المقبله فسوف يكون قاتل..
ام بدر حركت عيونها للارضو بحزن: اعرف اني ساموت قريبا فلا داعي ابداآآ .....
الدكتور: لا تقولي هذاا الكلاام ...... واجبي منذ سنوات هو ان اهتم بك و لا اسمح للمرض بتدميرك...
ام بدر قامت من مكانها وعلى وجهااا ابتسامه و اخذ الورقه: وانا اثق بك .... مع السلامه يا دكتور...
الدكتور حدد نظرته عليها و بسرعه نادها: برينسس..
ام بدر التفتت له بسرعه: يس!!!!
الدكتور ووجهه غاضب: انتي تقومين بعمل سيء اليس كذلك؟
ام بدر وهي تضحك: ههههههههههه هذا صحيح!..
-
-
-
في نفس الوقت اللي كانت ام بدر في المستشفى كان خالد و خوله و يوسف في كافيه جلسوا فيه ينتظرونها خالد كان المتحدث دايما لان خوله و يوسف كانوا ساكتين طول الوقت..
خالد بتأفف من الملل اللي كان الوضع السايد : تأخرت ماما صح..
خوله ويوسف في نفس الوقت: صح..
خوله انحرجت ونزلت راسها يوسف كان يتظاهر بالعكس، خالد ساعتها تأكد ان خوله و يوسف بينهم شيء فقرر يعطيهم شوي مجال و الظاهر ان هذا اللي كانت امها ناويته لما نزلت و تركتهم قام من مكانه و اخذ موبايله: عن اذنكم بروح اتكلم، اخذ راحتكم و خوله اطلبي لي موكـا حاااااااااااااااااااااااااااره... حاااره حيل
ضحك خالد و مشى وهو متاكد ان خوله ما فهمت شيء و يوسف فهم ، يوسف قام من مكانه جنب خالد و جلس مقابل لخوله: سبحان الله... رجعنا للندن مره ثانيه يا خوله...
خوله و عيونها بالارض: صح..
يوسف بصوت هادي: بس طبعا وضعنا الحين مختلف عن المره الماضيه, صح..
خوله استغربت كلمته و من غير تفكير سـالت: ايش قصدك؟
يوسف مد يده و مسك يدها بخفه : مشاعرنا مختلفه عن اول...
خوله حست بان وجهها تغير لونه من الحراره في خدها سحبت يدها بس يوسف مسك بقوه: يـ....ـــــوسـ.....ـــف... اتـــ...ــركــني...
يوسف عطاها نظره جاده و قويه: مسـتـحيـــل .........خصـوصــا انك دايما تهربـــبين .. وتنسين انا متزوجين!!!!!1
خوله رجفت و جمعت كل قوه عندها حتى ترد عليه: انت اللي نســــــــــيت الاتفااااااااااااااق .......
يوسف: ايش؟؟؟؟؟
خوله وهي تكلم: ان احنا اصدقااااااااااااء،، و محنا متزوجين .. حتى وان تقربنا من بعض... وحتى لو فكرت اني ممكن اهتم فيك بدافع الحب..المستحيل مستحيل... وانا لا يمكن اكووووون زوجه لك... ولا يهمني المشاعر اللي تكنها لي..
يوسف رفع يده و هي بسرعه سحبت يدها بعيد: لهذي الدرجه رافضه اي مشاعر ممكن اكنها لك!! و كارها قربي؟
خـوله حاولت كثر ما تقدر انها ما تبكي او ترد عليه لانها ماهي فاهمه ليش قالت له هذا الكلام رغم انه ما سوى شيء غلط هم متزوجين سواء كانوا متفقين يكونون مجرد اصدقاء :.........................
يوسف رجع ظهره للكرسي و بعد عنها: اذا كان هذا اللي تبينه فانا مستعد اوعدك اني ما راح اتقرب منك بعد اليوم...و لا راح المسك الا اذا اضطريت له..... لكن ممكن افهم ليش...تتقربين مني و تحاولين تغريني اذا كنتي رافضه هذا الشيء..
خوله انفجرت خجل وفهمت هو قصده ايش، عطته نظره جاده وهي تبرر بكذبه ظنتها ممكن تبعده عنها: انا ما حاولت اغريك... انا كنت اجرب قميص من ايام زواجي بفيصل... اشتقت له و قررت البس مثل قبل حتى اتذكر شيء من الماضي
يوسف انقهر من كلمتها خصوصا و انه يعرف حقيقه فيصل اللي لحد الحين متمسكه فيه و هو في نفس الوقت يحاول يشيل فكره انها كانت مع فيصل الحقير بهذا الشكل :و تقولينها بكل هذي الجرأه..؟؟؟؟
خوله حست انها غلطت لما بررت بهذا الشيء وانها لو قالت الحقيقه كان اهون: فيصل كان زوجي و اللي قلته حقيقه المفروض تكون فاهمها ومتقبلها من زمان..
يوسف وهو في قمه القهر منها قام من مكانه سحبها من مكانها ووقفها: حقيقه هااااااااااااااااا....؟؟؟
خوله ماتت من الخوف منه وهي حاسه انه راح يضربها خصوصا انه ماسك كتفها بقوه: يوووووووسف اهدا!!! احنا في مكاااااااان عاام...
يوسف التفتت ولاحظ كل اللي في الكافيه يراقبونهم: خاااااااااايفه؟؟
خوله تجمعت الدموع في عيونها وهي ترجف: انت وعدتني ما تضربني مره ثااااااااااااانيه...
يوسف وعلى وجهه ابتسامه خبيثه: ومن اللي قال لك اني بضربك..
خوله كانت مصدومه: هاااااااااااا.........
خوله ما كلمت كلامها لان يوسف سحبها لحضنه و باسهااااااا بقوه وهو محوطها بيده..... خوله كانت مصدومه وخايفه حاولت تدفعه و تضربه لكن ما كانت قادره عليه خصوصا انها اضعف و اصغر منه في النهايه استلسمت لما حست بشعور غريب و خدر في جسمها ما عمرها حست فيه... يوسف بعد ثواني كانت مثل السنين بعد عنها وسط تهتيف و تصفيق الاجانب في الكافيه..
يوسف ابتسم بخبث وهو يتامل شفايفها المتورمه: وهذي حقيقه تتقبلينها انتي..... من اليوم ورايح ما راح التزم باي قوانين ولا اتفاقات ولا راح يكون بينا اي حواجر راح اسوي اللي ابيه وانتي مجبوره تنفذينه يااااااا زوجتي العزيزه..
خوله وهي تنزل منها دمعه يتميه تبين ضعفها: بس ياا يوسف....اناآآ؟
يوسف سحبها وبدأ يمشي معها لبعيد: راح امهد لك .. ولا راح اطلب كل حقوقي من الحين.... لكن بعد مدة التمهيد... ما راح يمنعني عنك شيء........
خوله وقفت لكن يوسف سحبها لحضنه و حوط يده على خصرها: يوسف بليزززز
يوسف مسك اطراف شعرها الغامق: من غير بليييييييز..... اول شي هذااااا لازم يتغير....
خوله: مستحيل..
يوسف بنبره قهرتها: كلمه مستحيل غير موجوده في قاموسي...
خوله انقهرت وهو يسحبها للكوافير
-
-
في نفس الوقـت خالد كان متصل على ابوه يسال عنه و عن الجـود...
خالد وهو مبتسم: عاد تعرف ماما و تصرفاتها، تموت في مدينه اسمها لندن..
بو بدر وهو مبتسم انه حاله زوجته تحسنت: الحمد لله.. تدري تستعيد ذكريات مراهقتنا و حبنا.....هههههههههههه
خالد حس بحزن من كلام ابوه كان دايما يحلم يكون مثله و هو سبب طيبته اللي ادت ان ناس كثار استغلوه، و يكون عنده زوجه مثل امـه حنونه و قويه ومهما تقدم الوقت و طال تظل تحبه و تعامله كانهم توهم متزوجين: ايش اخبارها؟
بو بدر حس بتوتر كان خايف خالد المحقق الماهر يكتشف انه طلعها و هو منبه عليه انها ما تطلع: في غرفتها...
خالد و هو يطلع نفس طويل: بتقنعني انك ما طلعتها...
بوبدر : افااا ياا خالد.. انا تكذبني..
خالد: اسف يا يا الغالي.. وربي ما كان قصدي... بس انت عارف انها قااهرتني و فوق هذا تطلعهاااااااااااآآ
بو بدر: تحمل يا خالد.... وارحم ..
خالد وهو مقهور ان ابوه قاعد يدافع عنها وهي ما تستاهل: يبه ... انا و الجود انتهينا و السبب في اني ما طلقتها لحد الحين هو اني خايف على صحه ماما وبس...
بوبدر: خالد البنت لما شفتها كانت انسانه ثانيه وجهها و شكلها كله مبهذل و تعبان.. ارحمها تراها تحبك...
خالد: واللي يحب يا يبه يخدع و يجرح؟؟
بوبدر: لاتنسى ان امك كانت السبب في الحاله اللي وصلت لها..
خالد: ماما مالها اي دخل في الموضوع..
بوبدر: اذا قارنت معامله امك للجود بمعاملتها لوفاء بتلاحظ الفرق.... وفاء لما تسوي اشياء غلط كانت امك تنبها و تعاقبها صح لكن ابدا ماهي بالطريقه اللي تعاملت مع الجود..
خالد: الجود مدلله اكثر من وفاء و هو شيء انا اكتشفته من خلال الحياه معاها...
بوبدر: بس امك تكره ام فهد وهو سبب كرهها للجود..
خالد استغرب و تفاجأ في نفس الوقت من كلام ابوه: امي تكره ام فهد! ليش؟
بوبدر: قصه قديمه من اول ايام زواجنا وهو سبب في رفضها زواجك منها في البدايه...
خالد حس بصدمه اكثـر: لحــــــــــظه!! امي كانت رافضه زواجي من الجود..
بوبدر حس انه غلط وقال السر من غير وعي: هاا..........الحقيقه نعم.. بعد ما راحت تشوفها و تتعرف عليها رجعت وهي رافضه كليا لهــا... ظنيت ساعتها اني تسرعت في القرار لكن في نفس الوقت الكل كان يمدح فيهم وانت تعلقت في البنت حاولت اقنعها بس يومها انهارت و اضطرينا ننومها في المستشفى.... بعد ما صحت و ارتاحت واقفت وكان شيء ما صار...
خالد: ليش ما كنت عارف بهذا الاشياء؟؟؟
بوبدر: كنت خايف تتاثـر وتكره البنت .. وهي مالها ذنب..
خالد: لو انك قلت لي من البدايه كان.......
بوبدر : استغفر الله.. لا تقووول لووو ... اللي صار صار... واذا انت رافض البنت وناوي تطلقها انت حر... بس لا تنسى انها اخت زوج اختك....
خالد فهم قصد ابوه و تذكر خوله و شلون تغيرت من تزوجت يوسف... خاف انه ان طلق الجود راح تتطلق اخته و ترجع للحاله اللي كانت فيها: فهمت قصدك.... وراح اصـبر..... علشان خوله كل شيء يهون...
بوبدر: وهذا عشمي فيك يا خالد....
خالد: مع السلامه
بوبدر: مع السلامه
بـوبدر على طـول بعد ما سكـر الخط اشر لجاسمين و طلب منها تروح تصحي الجود، من بالليل وهي نايمه ولا طلبت فطور او غدا وهم الحين العصـر، صعدت جاسمين و بدت تصحي الجـود، طبعا اخذت وقت طويل لحد ماصحت الجـود..
جاسمين وهي تهزها: مدااآآآآم الوقــت تأخـر اصحـي..
الجود وهي تفتح عيونها بصعوبه: كم الساعه؟
جاسمين: 4 ونص العـصــر
الجـود: اوووووووووف... كل هذااآآ الوقت نمته..
جاسمين طلعت و عطت الجود المجال تاخذ راحتها، سحبت علبة الحبوب وبدت تراقبها: لهذي الدرجه مفعول هذي الجبوب قوي؟
رجعتها لمكانها و راحت الحمام تغير و تغسل وجهها وهي تفكر ايش اللي يخلي حبوب مثل هذي عند خالتها؟ هي عارفه انها ترهق دايما ودايما مريضه... وتاخذ دوا بابنتظام....
بعد ما بدل وجمعت صلواتها من امس كلها ( استغفر الله يا ربي) قررت تنزل وتكتشف الحقيقه من عمها من غير لا يعرف...
بوبدر وهو يشرب الشاي و يقرا الجريده: السلام عليكم..
بوبدر ابتسم لها: وعليكم السلام اشلونك يا بنتي...
الجود وهي تصطنع الابتسامه: الحمد لله احسـن المسكن اللي اخذته ريحني كثــير...
بوبدر: الحمد لله... تبين تاكلين شيء؟
الجود: لا مشـكور بس كنت ابي ارجعه اخاف خالتي تفقده و وتدري اني اخذته و ............
بوبدر وهو يمد لها المفتاح: اخذي راحتك يا بنتي...انا بروح الشغل و لما ارجع رجعيه لي....
الجود: مشـكور يا عمي....
بوبدر طلـع و هو كله ثقه في الجـود... الجود طبعا صـعدت لغرفه بو بدر و رجعت الدوا طبعا لقت الصديليه مليانه ادويه غريبه : يستحيل تكون كل هذي الادويه لانسانه تعاني من صداع نصفي او ارهاق........... خالتي مدمنه؟؟؟؟؟
الجـود حسـت ان وجودها في هذي الغرفه و لحالها فرصتها تكتشف شيء من اسرار ام بدر و تتاكد من الفكره اللي تكونت عندها.. فتشت في الادراج و مالقت شيء غريب فتشت في الخزانه و هما ما في شيء مهم ، كانت مثل اي انسانه طبيعيه، بس ليش كل هذي الادويه، لقت علبه مكياج كبيره ما تدري ليش فكرت تفتحها استغربت لما لقت مقفوله فتشت في الادراج ولقت المفتاح، فتحتها و انصدمت: مســدس بكاتم؟؟؟؟؟؟ ليش عندها مسدس؟ لا وحطاطته في علبه مكياج كانها تخفيه عن الكل ؟
بعدته وفتحت مجموعه اوراق كانوا ملفوفين تحته، كانت اوراق باللغه الانجليزيه ما فهمت منها شيء، وبينهم صـوره...
شافت الصـوره وانصدمت: ايش هذاااااااااااااااا.......................مستحييييي يييييييل؟؟؟
-
-
-
الرياض:
كان مثل كل عصـر جالس مع زوجته و بناته المتواجدات دوماآ الجوهره و الهنوف ، كان بوفهد يتكلم بمواضيع الشـغل وانه بدا يتعب منه وانه راح يوظف احد يساعده في الشغل لما فكره رنت في بال الهنوف: داااادي...
بوفهد: ايش يا حياة دادي...؟؟
الهنوف: قابلت الجود و يوسف لما رحت لجده..؟
بو فهد: للاسف مسافرين للندن...
الهنوف: الجوووود مسافره؟
بوفهد : ليش السؤال؟ اكيد مسافره معهم....
الهنوف كانت سامعه جزء من مشاجره خالد و الجود و متأكده ان اختها الوضع بينها و بنت خالد ما يسمح لها تسافر و للندن تحديدا: لا بس ظنيتهم مسافرين يعالجون يوسف...
بوفهد: لاا.. يوسف الحمد لله تشافى بس رايح يسوي فحوصات...
ام فهد على ذكر اسم يوسف دخلت الموضوع: يوسف تشافى؟؟؟؟؟؟؟؟؟؟؟؟
بوفهد: اي قال بوبدر لما زرته!!
ام فهد وبسرعه: اذا كااااااااان فعلااااا رجع له البصر ليش ما يحترم نفسه و يرجع يساعدك وهو يعرف انك تعباااااااان في الشغل...
الهنوف فهمت كلام امها وقررت تستغل الوضع: دااادي مااامي كلامها صحيح... انت تتعب وماعادت تقدر تشتغل لحالك وهو حضرته جالس ياخذ شهر عسل ثاني مع زوجته!!!!!!!
بوفهد: سبب موافقتي انه يجلس عند اهل زوجته هو فاتن لاني حبيت تاخذ راحتها...
الجوهره: فاتن طلعت من مرحله الحزن و الوحام خصوصا انها دخلت الشـهر الخامس و تقدر تجلس في غرفتها لما يكون في البيت ثانيا هو اغلب وقته في الشغل واذا رجع يقدر يتصل على زوجته تشوف له طريق....
بوفهد وهو حاس بالاقناع من كلامه: كلامكم صح... انا بتصل عليه و بعرف اللي صار ووبلغه يرجع بسرعه..
الهنوف: قوله يرجع اليـــوم!!
ام فهد: الهنوف!!! مافي داعي للاستعجال اليوم او بكرا كله واحد هههه...
بوفهد سحب موبايله و اتصل على بوبدر ياخذ رقم يوسف في لندن....
بوبدر: الووو.!!
بوفهد: هلا بصااحبي ونسيبي اخبارك...
بوبدر : هلا فيك اكثر ..الحمد لله انت اخبارك واخبار الاهل..
بوفهد : الاهل كلهم بخيـــر.. و يسلمون عليك.. وودهم يكلمون اخوهم....
بوبدر ارتاح انهم سـالوا عن يوسف مو عن الجود: الله يسلمهم.. بس اخوهم مثل ما تعرف مسافر...
بوفهد: وهذا سبب اتصالي.... ابي رقمه... لو سمحت...
بوبدر وهو مبتسم: للاسف يوسف ما اعرف رقمه لانه وخالد ناوين يشترون من هناك بس عندي رقم ام بدر تقدر تتصل فيها و تاكلمه لان خطها دولي...
بوفـهد: اي اوكي مو مشـكله .. اذا ما عندك مانع اسمعها صوتها اللي مدوخك ..
بو بدر: هههههههههههههههه لا عادي... اخذه #####################
بوفهد: مشـكور ويعطيك الله الف عافيه.. مع السلامه..
بوبدر: مع السلامه..
ام فهد : من هذي اللي تتكلم عنها؟؟
بوفهد: تغااااااااارين؟؟؟
الهنوف تدخلت مثل عادتها في شيء ما يخصها: اكيد زوجة بو بدر الساحره ... اكرها...
بوفهد: وليش هذا الكـره..
الجـوهره: بصراحه يا بابا مزعجه اختنا الجود و مدلله يـوسف ما ادري على ايش... مع ان الجود ما سوت لها اي شيء غلط..
ام فهد : وليش ما قلتوا لي من البدااااااااايه؟؟؟؟
الهنوف: ما حبينا نكبـر الموضوع بس الجود فعلا متضايقه منها...
بو فهد: انا بكلم يوسف و بطلب منه يرجع وبعدها بتفاهم مع بو بدر بهذا الخصوص...
ام فهد: مافي داعي يالغالي.... المشاكل بين الخاله و زوجة ولدها شيء طبيعي.. اترك الموضوع مثل ماهو... و كل شيء بيتغير..
بوفهد: رايك كذا...
ام فهد وهي تراقب عيون بناتها المصدومه : اي...
طلع بو فهد واتصل على ام بدر ، الهنوف التفتت على امها: ايش اللي قلتيه ماما؟؟؟
ام فهد: تطمني يا الهنوف ، ام بدر قويه الحين لان بنتنا عندها بس لما تصير بنتها عندنا راح يتغير الوضع، و بتكون بنتها اليد اللي نلويها فيه...
في لندن ام بدر اللي وصلت متاخر للكافيه لقت خالد جالس لحاله و فهمت منه ان يوسف و خوله مشوا وهو يتكلم قررت تتركهم على راحتهم و باخذون هم راحتهم بما انهم من مده طويله ما جلسوا مع بعض لحالهم ....بدت تتمشى معه و يتسوقون لما رن موبايلها... سحبته ام بدر و استغربت الرقم
خالد: من المتصل؟
ام بدر: رقم غريب...!!
خالد ساتغرب لانه ناردا ما يتصل احد غريب على امه : تبين ارد؟
ام بدر: مافي داعي ..... انا برد ......... الو؟؟؟
بوفهد بصوت هادي : الوو... السيده ام بدر؟
ام بدر دققت عيونها وهي تحاول تتعرف الصـوت: من معي؟؟؟
بوفـهد: اسف على الازعاج معك بوفهـد الـ............
ام بدر توسعت عيونها ولا ايرادياا ضغطت على الموبايل: انا ماني في البيت ولا في الديره اتصل على بوبدر ..........
خالد كان يأشر لها بشفايفه : من؟
بوفهد: اسف بس انا عارف انك مسافره مع ولدي يوسف ممكن اكلمه...
ام بدر من غير نفس ردت: للاسف بس يوسف سافر لباريس مع زوجته، و كان ودي اعطيك رقمه بس ما اعرفه...
بوفهد حس بالاحباط و حب ينهي الموضوع..: اهآآ خلاص.. اجل اتمنى تبلغينه اني اتصلت لما يرجع..
ام بدر من غير نفس: باااااااي
وسكـرت الخط على طول ... خالد تفاجأ من كلامها مع بو فهد: هذا عمي بوفهد صح؟
ام بدر وهي تلوي وجهها: اي..
خالد كان مستغرب طريقه كلامها: ليش تكلميني بهذي الطريقه وليش قلتي له ان ولده يوسف مسافر باريس، يمكن يبي يتطمن عليه....
ام بدر: طيب وعلى نيته يا خالد....بوفهد ما اتصل على ولده من انتقل عندنا بس واضح انه سمع ان يوسف رجع له البصر و قرر يرجعه عنده حتى يشيل الشغل من جديد..
خالد: ولده و من حقه يعتمد عليه خصوصا انه وحيده الحين بعد موت اخوه...
ام بدر وهي معصبه: بو فهد ماله اي حق بيوسف اللي انتزعه بالقوه من امه .. واجبره يعيش معه مثل الخادم...
خالد تنهد على كلامها و رد عليها: انتي بعد مصدقه هذي القصه.... لا يااا ماما الجود قالت لي الحقيقه..كامله..
ام بدر: الحقيقه؟ اي حقيقه؟
خالد: الجود قالت لي ان موظفه ان بوفهد اغرته في لحظه ضعف استسلم لها و بعد سنه رجعت وباعت عليه يوسف و سمعته بملغ خيالي و تخلت عنه... وحقيقه انه انزعته من امه مجرد اشاعه طلعها اعداء بوفهد...
ام بدر ضغطت طرف قميصها بقوه: ايش هذا اللي تقووووووووووووله يااا خالد!!!!! هذا الكلاااام كذببببب!!!!!!!!!!
خالد: بس يا ماما هذا اللي قالته الجود...
ام بدر: الجووووووووووووود تكذب!!!!!!1
الناس بدوا يتجمعون حول ام بدر اللي بدت تصـرخ.... خالد انحرج و بدأ يهديها يـوسف اللي ترك خوله في الكوافير النسائي و بدأ يتسوق انتبه لهم بعد ما سمع صوت ام بدر و قرب مع الحشـود...
خالد: ماما ارجوك!! احنا في الشارع...
ام بدر: قلت لك الجود تكذب انا اعرف ام يوسف و اعرف حقيقه اللي صار لها!!!!!
خالد هدا امه و بدأ يسحبها معه.. : اوكي اهدي و تعالي معي ، نجلس وتقولين اللي تبينه
ام بدر مشـت بصعوبه مع خالد لاول مطعم جلسوا فيه يوسف كان يراقب اللي صار و هو مصدوم : امي؟؟؟ حقيقة امي؟
من غيـر تفكـير مشـى وراهم و دخل المطعم يجلس في مكان قريب بحيث يسمع اللي يقولونه...
خـالد عطا امه عصـير بارد هداها و عطاها المجال ترتاح...: اترحتي..
ام بدر وهي تاكل من المسكن الخاص فيها: اي احسن..
خالد: تقدرين الحين تفهميني سبب هذا الصـراخ؟
ام بدر بحزن: بو فهد ناوي يدمر يوسف مثل ما دمر امه و ذبحهااااااا..
خالد: ذبحها و دمرها شلون؟؟
ام بدر: ام يـوسف...... جوري جوزيــف.... اللي فقدت عقلها بعد ما انتزع منها ولدها الوحيد...( ملاحظه: اسم يوسف بالانجليزي جوزيف يعني ام يوسف سمته نسبه لابوها )
يوسف توسعت عيونه.. اسم امه جـوري ... و اخيـرا عرفه ، استمر في السمع ، خالد: جوري جوزيف شلون عرفتيها و شلون عرفتي ان بوفهد دمرها..
ام بدر كانت تحرك الثلجه في العصـير وهي تروي له : جوري ، البنت الوحيده للملياردير .. جوزيف، صاحب شركات العطور و المجوهرات المعروف عالميا .. من اغنى اغنياء العالم .. ... واللي تدللت لدرجه عاليه و كبيره، عاشت طول عمرها مثل الاميـرات ... و في النهايه فقدت عقلها بسبب عبدالله الـ... اللي سرق منها اي حلم تحلم فيه بنت في السادسه عشـر من عمرها... الحب ...
خالد: قصدك انه ضحك عليها...
ام بدر: الحقيقه اللي ما يعرفها احد ان بو فهد هو انه اشتغل في شركه جوزيف و بعد فتره تقرب من بنته الوحيد. .. بما انه كان وسيم و كلامه عذب و في لحظه اهمال من البنت المسكينه اللي وثقت فيه خدرها و اخذ اغلى ما تملك.....
خالد كان مصدوم بس ما كان بحجم صدمه يوسف اللي حس بان دموعه تتجمع في عيونه..في نفسه: ابووووي!! ابوي بهذي القذااره...
ام بدر كملت و الحزن على وجهها.: صور بو فهد جوري وهي في ذاك الوضع و ساوم ابوها صاحب المركز العالي بالتصوير و اخذ ثروه كبيره... رجع فيها لبلاده و بدأ تجارته من غير لا يعرفون عنه شيء......
خالد: ويوسف؟؟؟
ام بدر: بعد مده اكتشفت جوري انها حملت.. ابوها اصر انها تنزله لانها كانت صغيره و الطفل راح يكون غير شرعي.. لكنها تمسكت فيها و بعد ما انجبت رغم كل الظروف.... و تعلقت فيه ظهر بو فهد في وجهها بالصدفه، من لحظتها اكتشف انه ولده... و انتزعه منها بالقوه.. ام يوسف انهارت و حاولت تستعيده لكن للاسف ما كانت او ابوها يعروفون اي شيء عن بو فهد و لا وين كان وقتها... و بسبب انفصالها عن ولدها فقدت عقلها و انتهت بمستشفى للامراض العقليه...
خالد: اشلون تعرفين هذي الاشياء كلها؟؟؟
ام بدر: لاني قابلتها خلال علاجك انت و اختك لما كنتوا مرضى...
خالد: انا وخوله كنى مرضى؟؟؟
ام بدر: اي لما كنتوا صغار صابكم مرض و كانت نسبه شفاءكم قليله و ظليتوا في نفس المشتشفى مع جوري اللي تعلقت بخوله و فيك وكانها كانت تتخيلها ولدها اللي فقدته كانت تزوركم طول الوقت و تجلس بالساعات حتى لما ياخذونكم للغرفه كانت تجلس قدام الشباك تتاملكم و كانكم اطفالها ، كان الطبيب يظن انها بهذا الشكل راح تتحسن و صار اللي صار خفت و قالت لي الحقيقه... وقتها ما كنت عارفه انه بوفهد.. لان اسمه اللي كانت تناديه فيه مختلف لكن من صوره كانت تتفرج عليها لابوك عرفته و امنتني ما ابلغ ابوك بالحقيقه حتى ما يبعدها عني....
يوسف كان يبي يسال وينها امه و ايش اللي صار لها لما سـال خالد سؤاله: وايش اللي صار لجوري يا امي...
ام بدر و هي حزينه: ماتت...
يوسف نزلت دمعه من عيونه بعد ما سمع كلمتها بعد ما تعلق بامل يقابل امه اخيرا يكتشف انها ماتت: بو فهد ذبحها..؟؟
ام بدر هزت راسها بالنفي: لا.... صابها مرض في راسها ذبحها بعد سنتين من لقاءنا...
خالد نزل راسـه : ابدا ما توقعت عمي بهذي الحقاره و الوضاعه..........هل هذا السبب في انك رفضي الجود يا ماما... وحبك ليـوسف يا ماما
ام بدر: صح... اكرهه لانه سرق من انسانه برئيه كل شيء جميل في حياتها براءتها سعادتها و طفلها و حياتها السعيده و اكره زوجته اللي عذبت الولد اليتيم اللي كان من المفروض يكون في اسعد حياه و يعيش مثل الملوك.. اكره عياله اللي عذوبه و احبه و راح اظل احبه لانه يتيم يا خالد يتيم..!!!!!!!!!!1
يوسف قام من مكانه و عطاهم نظره خالد اللي كان مقابله انتبه عليه وناداه: يوووووسف!!!!!!!!
ام بدر التفتت و شافته و شافت الدموع في عيـونه : يووسف ولدي .... انت من متى هنا!!!!!11
يوسف هز راسـه وطلع من المطعم يركض ام بدر و خالد لحقوه بس ما مسكوه... يوسف ظل يمشي و يمشي من غير تفكـير استمر يمشي وهو شارد الذهن.. تجمعت الغيوم و قربت الدنيا تظلم... نزل المطر و غرق جسمها المتعب.. ظل يمشي و يمشى رمى نفسه في ذاك المكان اللي قابلها فيه لاول مره...
كان حاس ان شيء جديد انسـرق منه، عرف حقيقه ابوه و صار لازم يكرهه، اي لازم يكرهه الانسان اللي دمره امه و سرقه منها ، الانسان اللي حقره و نزل مقامه، كان دايما يسميه الطفل اللي جاء لهذا العالم بالغلط.. وكان صادق، انه فعلا كان جاي لهذا العالم بالحرام، الحرام اللي ارتكبه ابوه في البنت المسكينه و في حاله الاوعي اللي كانت فيها ، وفوق هذا ظل يناديه بابن الـسـ#### اللي اغرته وهي كانت اشرف من الشرف....
حوله انسانه برئيه الى مجنونه تبحث عن مشاعر الامومه في اطفال الغيـر، انتزع من الاميره المدلله الى متشرده يهينها الكل لانها ام عازبه بس لانها رفضت تقتل طفلها .. ليش يااا يبه ليـــــــش؟؟؟؟؟
يوسف رمى نفسه بوضعيه الجلوس على الارض، كان حاس ان حزنه هذي المره ابدا ما يقارن بحزنه لما بلغوه ان حب حياته فاتن تزوجة اخوه اللي ما كان يطيقها ... جسمه تخدر و ما عاد حاس باي شيء سكر عيونه و استسلم للحزن...
أمي يا أول حب عشته بدنياي
يا أول اسم تنطق شفاي طاريه
انتي هوى روحي وبعروقي الماي
وعمري بدونك عمر ما عشت أنا فيه
يا ما لقيتك في شتا وقتي دفاي
حضنك يدفيني بحنانه وأدفيه
وياما مسكتي في أعنى الوقت يمناي
خوف علي من الزمان وبلاويه
انتي نظر عيني وبسمة شفاياي
وانتي هوى قلبي وحبه وغاليه
وانتي الجميل اللي تعدى عطاياي
لو عشت كل العمر ما اقدر اوفيه
تدعين ربك لي يسدد لي خطاي
وارفع انا كفي لله وادعيه
يا ربي تمنحني رضاها بدنياي
وان ما رضت عني ترى العمر مابيه
المطر البارد ظل يلامس وجهه البارد و بعد فتره طويله لامس وجهه شيء دافي، فتح عيونه و لاقاها، كان متاكد انها راح تجي: خوله...
خوله مثل شكلها الاول مثل ما كانت اول مره قابلها فيه واقف قدامه وبيدها المظله والدموع تنزل من عيونها: يــ....ـــوسف!! ليش...جالس لحالك يا حبيبي!!!!
يوسف مد يده و من غير تفكير سحبه له وبدأ يبكي: خووووووووووووووووووووووووووله...
خوله سمحت لجسمه البارد يغرق في حضنها الدافي، بعد ما طلعت من الكوافير بعد ما صبغت شعرها و تزينت له بحسب الشروط اللي فرضها: يوسف امش البـــيت اذا ظلينا هنا راح تمرض.. من جديد ....ارجوك يا حبيبي
يوسف المكـسور مشـى مع خوله بكل استسلام كان حاس بالدفء و الحنان معها، كان حاس بانها خلاصه من الم المعتاد ... وحده هي اللي تقدر تطلعه من الحال اللي هو فيها ......... خوله منقذته...حبيبته اللي لا يمكن تتخلى عنه
-
ام بدر كانت متوتره و هي تدور من غير توقف في صاله بيتها الكـبير التوتر و الخوف كانت المشاعر السايده عندها كانت تاكل اظافرها، خالد دخل و شافها وهي في هذا الحال: ماما ارجوك اهدي شوي...
ام بدر التفتت له وهي خايفه: ليش ما اخااااااف!! يوسف اختفى من زمان.... واحنا ما سمعنا شيء حتى موبايله ما يرد عليه...
خالد: خوله قالت انها تعرف وين بتحصله مافي داعي للخوف..!!!
ام بدر انهارت على الكنبه وهي تغطي وجهها بيدها..: خاااااايفه!!!!!1 خايفه عليه !! يوسف حساس و مسكين و اكتشف في اقل من عشر دقايق حقائق قويه و مؤلمه.....
خالد تنهد و استغفر ربه: الله يكون في عونه....
بعد نص ساعه رجـع يوسف متسند على خوله اللي محوطه يدها حول خصـره اول ما لمحته ام بدر ركضـت له بس يوسف مد يده قدامـها: لا تقربين........
ام بدر بصدمه: يوسف! انـاآآآآآ.....
يوسف هز راسـه بالنفي: للاسف يا خاله... كنت اظنك تعتبريني ولد بحق وحقيقه لكن للاسف مشاعرك كانت مجرد شفقه...كنتي عارفه حقيقه امي و سمحتي له يتكلم عنها..... سمحتي للناس تهينها و تسميها بالفاظ استغفر الله .........انتي لهذي الدرجه تكرهيني !!!!!!!!!!!
ام هزت راسها بالنفي: لاآآآ لا ياااا يوسف احبك و ربي احبك........ انت ولدي يا يوسف... وربي احبك...
يوسف بعد عنها وعن خوله ومشى لغرفته بتمايـل، ام بدر كانت بتركض وراه بس خوله وقفتها: انا بكلمه ارجوك ماما ارتاحي....
ركضـت خوله وراه لغرفتهم و ام بدر جلست على الكنبه تمسح دموعها خالد كان مصدوم من حاله بس في نفس الوقت عاذرها، لانها الوحيده اللي كانت حاس بيوسف و ساكته و شايله هموم على كتفها من وراهم....
-
خوله دخلت و لقته رامي نفسه على الـسرير منهار بكامل ملابسه، مشت لعنده و خلعت جزمته و رغم خجلها بدت تفتح ازاير قميصه المبلول حتى تخلعه عن جسمه البارد: يوسف ساعدني علشان اخـ....ــــلع قمــ....ــيصـكـ..
يوسف وعيونه كلها حزن: مـآآآآتت.... امي مـآآآتت وهي مقـهوره علي و تنتظر تــشوفنــي..
خوله وهي مسكور خاطره من منظره اللي يقطع القلب: الله يـرحمها..
يـوسف تحولت عيون للقهر و الغضب وسط الدموع: ذبحــهااااااااآآآ .. ابوي هو اللي ذبحـهآآآآ..... اكـرهه اكـرهههههههههههههههههه
خوله من غير تفكير مدت يدها وسكرت فمه: لا ياااا يوسف لا... لا تقول كذا.... امكـ الله يرحمها و ابوك اطلب له المغفره و الهدايا!! كان شاب و طايش... وكلنا نرتكب اخطاء كثيره ونندم عليها.
يوسف رفع نفسه وقرب منها بسرعه غاضبه: ابوووووووووووي ما ندم... استمر في الخطا وهو عارف انه ماله حق في اي شيء.. حرمني منها،، وحرمها مني،، حرمها من السمعه و من الذكر الحسن حرمني ادعي لها و افكر فيها 26 سنه... اجبرني اظن السوء فيها و ما اشعر بغير الكره و القهر اتجاها.... اخذ فلوسها و دلل عيال زوجته الاولى واهاني رغم انها فلوس امي......
خوله كانت تراقب وهو يذم ابوه وهي مو مصدقه يوسف كان كابت كل هذا داخل صدره: يوسف.....
يوسف نزلت دموعه مثل طفل صغير ضايع: عذبوني و استحقروني .. وانا ما كنت استحق هذا الشيء... اكره ابوي اكرهم كلهم...
خوله من غير تفكير سحبت راس يوسف لصدره و ضمته وهي تحاول تمتص كل حزن داخله: لا حول ولا قوه الا بالله... اللهم إنى عبدك وأبن عبدك وأبن أمتك ناصيتى بيدك ، ماضاً فى حكمك ، عدل فى قضاؤك أسألك بكل أسم هو لك سميت به نفسك ، أو أنزلته فى كتابك ، أو علمته أحداً من خلقك ، أو أستأثرت به فى علم الغيب عندك أن تجعل القرآن العظيم ربيع قلبى ونور صدرى وجلاء حزنى وذهاب همى..
يوسف حس براحه في جسمه وهو يسمعها و حس انه احسن: يوســف.... ايا كان اللي صار او اللي سواه ابوك.... يظل ابوك... وبما ان امك ماتت... فهو سبيلك للجنه و حرااااااااام تقطعه حتى وان كان ظالم ... من يدري يمكن يصطلح حاله و تكون سبب في توبته..
يوسف : خوله ارجوك .... هذا شيء مستحيل...
خوله وهي مبتسمه: يووووووووسف مافي شيء اسمه مستحيل.... انسـى و اعفــو.....
يوسف: ايش؟
خوله: تذكر يا يوسف لما سـالتني افضل اقتباس عندي ايش و قلت لك انه ((كلمه مستحيل غير موجوده في قاموسي)) لكن هذا الشيء تغير من مده...
يوسف: لا تقولين انها انسى و اعفو هذي...
خوله: اي نعم..
يوسف وهو مبتسم : وتعتقدين ان هذا شيء ممكن...
خوله: اكيد... انا نسيت و سامحت انسـى كان ظالمني و يكرهني...
يوسف باستغراب شخص يكره خوله:من؟
خوله: فيـــصل....
يوسف رفع راسه بسرعه و تامل وجهها بصدمه اكثـر: ايش؟؟؟
خوله وعلى وجهها ابتسامه: اذا كنت تظن اني ما اعرف ان فيصل كان يكرهني و يتمنى لي الشر فانت غلطان ......-
-
- وين الحقيقه في هالزمان في هالزمــــــــان
الكل ماشي في طريقه في دنيا مافيها امــان
ماادري اختلفنا ماادري الزمن فينا اختـلــف
لو ما اعترفنا .. منهو فينا بيعتـــــــــــــرف
الحقيقه مالها وجه وملامـــــــــــح
لا تصالح لا تسامــــــــــــــــــــــح
الحقيقه عن عيون الناس غابــــت
لا رحمه في قلوب البشــــــــــــــــر
والكل عايش في حـــــــــــــــــــــذر
الثقه ضاعت في احضان السـراب
والسؤال ماله في هالدنيا جــــواب
لا تصالح لا تسامــــــــــــــــــــــح
الحقيقه عن عيون الناس غابـــت
يتــبع :
-
-
-
بااااااكــ
ان شاء الله البارت يكون عجبكم ...
وكشـف لكم اسرار ... مع انه ما زال هناك الكثــير ههه لوول
المهم انتظر صدمااااتكم و توقعاااتكم ع البارت و ان شاء الله ما اكون قصرت
التووقعات:
هل اللي صار راح يكون بدايه جديده و قويه ليوسف وخوله؟ ام العكس؟
خوله ايش قصدت بانها سامحت فيصل ومن متى تعرف حقيقته؟
ايش اللي لقته الجود في غرفه ام بدر ؟ و المسدس من وين؟
بوفهد و الخطه اللي ناوي يستعيد فيها يوسف ايش هي؟
هل ام بدر خسـرت يوسف باعترافها لخالد بحقيقه ماضيه وامه؟
هل يوسف راح يسامح ان بدر على اخفاءها الحقيقه عنه و شفقتها عليه؟
هل يوسف راح يسامح ابوه؟
1
2
3
4
اي توقعاااااااااااااتكم الخااااااصه بليييييزز
في انتظاااركم لوول
من قال ما احبك من قال ما ابيك
انته امل عمري وشمعة حياتي
جرح يغني بك وجرح يناديك
وجرح يدور فرحت المقبلاتي
انت الذييا غايت الروح شاريك
يا فرحتي يا بهجتي يا غناتي
ان مر ليل ما قدرت التقي فيك
كني وحيد ومن على الكون ماتي
ما قلت احبك لجل اجمال وسيلك
كلام قلبي وانطقت بع شفاتي
ما شفت قلبي يا هوى البال بيديك
ما خذ منك إلا بوقت الصلاتي
البارت السابع عشـر:
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك