رواية توأمي لكن انا غير ومالي مثيل وراسي عنيده -28
معاذ بصراخ:ما بعتك انا ما بعتك ليش ما تفهمين
عطاها نظره وطلع من المكان
غصون وهي تمشى وتجلس على الكرسي وتحط رأسها بين يديها وبهمس:بس انا شفتك شفتك
قاعده تسولف مع أسير وتضحك
روابي:يمه وين رايحين هذا مو طريق البيت
أم يوسف:إيه صح نسيت أقولكم إحنا ما راح نروح البيت الحين
رواء باستغراب:هجل وين رايحين
أم يوسف:بيت أم راكان
ثنتين طالعوا بعض وعيونهم طالعه
أسير:سمعتي
مدى وهي تطالع أسير وتبلع ريقها:إيه سمعت
أسير وهي تضرب خدها:هالمره بتعرفنا أكيد
مدى وهي تحك دقنها:لا يمكن نستنا الحرمه عجوز ومرضانه
أسير بخوف:وش نستنا تلعبين على نفسك رحنا فيها
مدى:اووه اسكتي بس أنتي وهي ما تعرفنا
أسير:هالمره ما راح نتكلم بعد
مدى:إيه ما راح نتكلم
أسير:العبي على غيري لو سألتنا وش أحوالنا نرد عليها بالاشاره مثلا
مدى بحيره:والله ما ادري
أسير بصراخ:نعم وش قلتي شلون ما تدرين
أم يوسف التفتت لهم:وش بلاكم
مدى وهي تضرب رجل أسير بقوه:لا يمه ولا شي
أسير:أي كسر في رجلك
مدى:غبيه بتفضحينا
أسير وهي تضحك بسخريه:لا والله الفضيحه تنتظرنا وإحنا رايحين فيها بالعربي
مدى سكتت وهي تفكر كيف ما تخلي أم راكان تعرفها وشردت أفكارها وأسير سكتت وهي تهز رجلها من الخوف وتطالع مدى وتتمنى إن يكون عند مدى حلول زي العاده تطلعهم من هالورطه
&
جالسه في غرفتها ورن جوالها
ردت:الو
الطرف الثاني:أخبارك آلاء
آلاء بابتسامه:آهلين ندى انا الحمد لله أخبارك أنتي
ندى:الحمد لله ما دريتي ايش صار
آلاء باستغراب:ايش صار
ندى:تعرفين المريضه اللي كنتي تشرفين عليها اللي بالملاحظه
آلاء:إيه وش فيها
ندى:توفت
آلاء شهقت وقال بهمس:من جدك
ندى:إيه والله توها متوفيه اليوم
آلاء وهي حاطه يدها على قلبها:لا حول ولا قوة إلا بالله الله يرحمها
ندى:بس.....وسكتت
آلاء اللي حست إن في شي:بس ايش
ندى:هي ماتت نتيجة خطا طبي
آلاء وهي تحاول تستوعب:كيف يعني
ندى:هو الصراحه يعني
آلاء اللي أعصابها توترت:ندى كملي ايش صاير
ندى:الصراحه الشرطه جات المستشفى وبدت تسوي تحقيق يعني السالفه كبيره والكل قال إن أخر وحده طلعت منها هي....وسكتت وهي مو عارفه ايش تقول
آلاء بشك:انا صح
ندى:إيه
آلاء:وإذا وش يقصدون بها الكلام يعني انا سبب موتها
ندى:لا مو أنتي بس..والله ما ادري ايش أقول
آلاء المصدومه لأنهم يتهمونها بقتل المريضه:ندى أكلمك بعدين....صكت الخط بدون ما تسمع رد ندى وعيونها حايره وعقلها متوقف عن التفكير وشفايفها تردد بهمس:مو انا مو انا
&&&
نزل من سيارته وناظر البيت اللي قدامه ونزل النظارة الشمسيه وبهمس:هذا هو
مشى ناحية البيت وطق الباب وصار يضغط الجرس وبعد ثواني انفتح الباب:نام
حصين وهو يطالع الشغاله:وين بانه
الشغاله:ماما بانه روه سفر
حصين:يعني ما جات
الشغاله:لا ما في أجي
حصين:وماما كبير
الشغاله:سفر بعد
حصين:زين
لبس نظارته الشمسيه ومشى جهة سيارته وبهمس:هذي مو في بيتهم هجل وين ساكنه معقوله بفندق ولا في .....سكت وهو يحط يده على دقنه
وبعدها فتح باب السياره وركب وحرك السياره من المكان
&&&
طلع من بيته وفتح له السواق الباب له وركب وبعدها صك له الباب وركب السواق :وين بابا أبغى روح
الجد وهو يمد الورقه:هذا العنوان
السواق وهو يطالع الورقه:جين بابا
حرك السياره وبعد 10 دقايق وصلوا
السواق:بابا هذا بيت
طالع البيت من النافذه وبعدها فتح له السواق الباب ونزل وتقدم للبيت ورن جرس وهو يتسند على عصاه وينتظر
جات له الشغاله:نعم مين أبغى
الجد:سجيه هنا
الشغاله:ماما سجيه ايوه هنا
الجد:ناديها
الشغاله:مين قول
الشغاله:ناديها وهي تعرفني
الشغاله:طيب
راحت وفتحت الباب الداخلي ودخلت وقابلتها أمجاد:من عند الباب
الشغاله:ما في اعرف هذا رجال أبغى ماما سجيه
أمجاد باستغراب:يبغى سجيه غريبه من يكون معقوله يكون احد من أهل أبوها يمكن
طالعت الشغاله:روحي نادي سجيه
الشغاله:طيب ماما
راحت وصعدت لفوق لسجيه اللي كانت منسدحه على سريرها وشارد ذهنها
طقت الباب ووصلها صوتها:ادخلي
دخلت الشغاله:ماما سجيه
سجيه:هذي أنتي وش تبغين
الشغاله:هزا في رجال أبغى أنتي
سجيه باستغراب وخوف:يبغاني انا من
الشغاله:ما في معلوم
سجيه:طيب نازله
قامت وغيرت لبسها ولفت الحجاب على رأسها ونزلت وهي نازله قابلتها أمجاد:ما عرفتي من هذا اللي يبغاني
أمجاد وهي تحط يديها بجيب بنطلونها:وأنا وش دراني
سجيه وهي تمسك يد أمجاد:ما ادري ليه انا خايفه تتوقعين من
أمجاد وهي توخر يدها:يعني بيكون من فرعون مثلا اطلعي وشوفي وبعدين ليه تخافين أنتي ينخاف منك ما ينخاف عليك
صعدت الدرج وسجيه لفت اللثمه وطلعت ولما قربت من الباب شافت رجال معطيها ظهره وبصوت عالي:نعم من أنت
لف عليها وشهقت وقالت بهمس:أنت
طالعها وعيونه كلها غضب :إيه انا
&&
&&&&
توأم لكن انا غير ومالي مثيل وراسي عنيده
البارت الثامن عشر
أتمنى ينال إعجابكم وقراءه ممتعه
جالس في مكتبه ما عرف وين يروح من بعد ما سمع كلامها وإنها كارهته لدرجه إن الطفل اللي حلموا إنهم يجيبونه ويكون أخت أو اخو لمي ما تبغاه
اثر كلامها فيه كثير حس انه متضايق ومو عارف ايش يسوي ولا حتى عارف لمين يتكلم ويشتكي تنهد بضيق :ما توقعت إن غصون اللي تحبني واللي أحبها تقول لي ما ابغاك توقعت إنها مقهوره لأنها فاهمه غلط بس توصل الأمور إنها تكره حتى الولد لأنه مني ااااه وش أسوي كيف أقنعها إني ما لي دخل في كل هذا إن انا ما خنتها ولا يمكن أسويها كيف كيف مو عارف
حط رأسه بين يده وتنهد ورجع نفسه وتسند على وراء وهو مغمض عيونه والأفكار تدور في باله ولا وحده من هالافكار هي حل لمشكلته
&&
وقفت وهي متفاجاه من اللي قدامها
كانت خايفه تواجهه بس توقعت إنها بتقدر تسافر بدون ما تشوفه
طالعها بعيون تنذر بالغضب وبصوت مكتوم:أشوفك هنا
سجيه اللي تمسكت بباب بيت أمجاد سكتت وظلت تطالعه
الجد بعصبيه:اعتقد إننا اتفقنا انك ما عاد تجين لهنا مره ثانيه
سجيه اللي تغيرت 180 درجه وما عجبها نبرة كلامه قالت بصوت واطي:اعتقد ما ينفع إننا نتكلم وإحنا واقفين عند الباب تفضل ادخل
مشت وتركت الباب مفتوح والجد دخل وسجيه راحت للمجلس وفتحته والجد دخل بعدها
الجد بعصبيه:انا جاي افهم وش جابك مو اتفقنا قبل سنه على كل شي
سجيه طالعته بنظرة خبث وكان سجيه المرحه الفرفوشه اللي ما همها غير الضحك والوناسه اختفت وكأنها استبدلت بسجيه ثانيه وقالت وهي تطالعه ببرود:إيه اتفقنا
الجد وهو يطالعها بحقد:هجل ليه أشوفك جايه للسعوديه لا ولملكة حفيدتي بعد
سجيه وهي تبتسم بخبث:أنت أكيد ما كنت تظن إني راح أهاجر ولا راح ارجع أنت من عقلك تظن إني ما راح ارجع لبلادي ابد
الجد وهو يطالعها بعصبيه:بس إحنا اتفقنا
سجيه:لو تذكر الاتفاق عدل انا وعدتك محد يعرف السر بس ما وعدتك إني أهاجر برا بلاد أمي وأبوي وجدي
الجد:وش افهم
سجيه وهي تعطيه ظهرها:اللي قلته انا لا يمكن أهاجر برا بلادي للأبد صحيح أغيب فتره إيه بس أهاجر للأبد لا
الجد وهو يضغط على عصاته:وملكة حفيدتي ليه حضرتيها
سجيه وهي تطالعه بخبث:بكل بساطه لان حفيدتك صديقتي وهي اللي عزمتني
الجد وهو متفاجا:دانه
سجيه وهي تراقب ملامحه:لا بانه
الجد ضغط على ضروسه بقوه وبشك:أنتي ناويه على وشو يا بنت عليان
سجيه:ولا شي بس صداقتي لحفيدتك صدفه سبحان الله الدنيا صغيره من يصدق إني ما اعرف ولا أصادق غير حفيدتك يا زوج جدتي
الجد وهو يرفع عصاته بتهديد:لو احد عرف باللي بينا يا سجيه ...
سجيه وهي تقاطعه بسخريه:لا تهدد ومحد عارف انك زوج جدتي وان جدتي الحب الوحيد والعشق والغرام اللي ظل طول السنين معاك
الجد:مو مستعد اهدم كل شي بنيته وأضيع عائلتي
سجيه اللي عصبت منه:أنت تتكلم عن العائله أي عائله اللي تعرفها أنت مسوي روحك تبغى تحافظ عليها وأنت قاعد تدمرهم أي عائله تتكلم عنها اللي أحفادك فيها يكرهونك واللي عيالك فيها ما يؤيدونك أنت لو تعرف معنى عائله كان ما طردت ولدك قبل 22سنه
الجد وهو معصب من كلام سجيه:أنتي ما لك دخل في عائلتي وهذاني أقولها يا سجيه يا بنت عليان واعتبريه تهديد لو تفكرين تهدمين عائلتي انا راح أهدمك والفلوس اللي أنتي تدرسين بها راح اقطعها وراح اسبب لك مشاكل وأنتي عارفه خليفه الزايد وش يقدر يسوي
سجيه اللي طالعته بكره:عارفه ما يحتاج وعلى كل حال انا مسافره بكره يعني ما راح اقرب لا لك ولا لعائلتك
الجد:أحسن لك يكون كلامك صحيح
وقبل ما يطلع من المكان :ولا كل اللي سويته لك بيصير لك عكسه
طلع من المكان وسجيه صارت تكلم نفسها بعصبيه:اوريك يا شيبه انا تهددني اوريك
طلعت من المجلس ولقت أمجاد واقفه وعلى وجهها ابتسامه
سجيه بعصبيه:على وشو تضحكين
أمجاد:عجبتيني
سجيه باستغراب:نعم
أمجاد:هذي سجيه اللي اعرفها
قربت من سجيه وبهمس:سجيه الخبيثه اللي ما يعرفها احد غيري رجعت وطلعت ههههههههه
سجيه طالعتها:أنتي مجنونه
أمجاد وهي تطالعها وهي رافعه حاجب:يعني أنتي العاقله اللي لك شخصيتين وكأن فيك انفصام في الشخصيه
سجيه بحقد:انفصام في عينك
راحت وخلت أمجاد اللي تضحك واللي حست كأنها حضرت مسرحيه هي كانت تتمنى تحضرها من زمان
توها داخله البيت إلا تقابل الجد وهو طالع وبهمس:معقوله في بيتنا وش جابه مو هذا جد...إلا هو جدها بس وش جابه لبيتنا معقوله يعرف اللي سويته لا ما أظن يعرف ولا كان هي بنفسها جاتني
دخلت بسرعه وقابلت سجيه اللي طالعتها بكره وصعدت الدرج وصعدت هي بعدها ودخلت غرفتها:هذا جاي لمن أكيد مو لي بس جاء لمن معقوله لأمجاد معقوله
قال لها انا وش سويت لا ما أظن بس يا ترى وش جابه ووش عرفه في أمجاد وصديقاتها والله أحس راسي بدا يعورني اوووف
جلست على سريرها وبابتسامة خبث:الخبر اليوم بفلوس بكره ببلاش ومدام انه ما جاء علشاني ما يهم أهم شي ما احد يعرف انا وش سويت لبنتهم والباقي في حريقه إن شاء الله ههههههههههه
قامت مكانها وهي تضحك ودخلت الحمام(أكرمكم الله)تأخذ شور
وصل للعنوان اللي عطاه لجده ووقف قدام البيت وشاف سيارة سواق جده
حصين وهو ينزل نظارته الشمسيه وعلى وجهه ابتسامه:مثل ما توقعت هي هنا من يصدق إن بانه تجتمع مع عائلة الماجد وكأن الماضي يرجع
هجل بانه تعرف عائلة الماجد اللي ساعدت أبوها الظاهر مالنا نصيب نلتقي يا بنت العم هنا بس أكيد راح يكون لنا موعد في الخارج وقريب هالموعد قريب
ابتسم ولبس نظارته الشمسيه وحرك من المكان
&&&&
واقفين عند بيت أم راكان
:ااااه بطني يعورني يمه ااااه
أم سلطان:وش بلاك يا بنتي
مدى:ما اقدر أروح معاكم بطني يعورني اااه
سلطان:ها يمه نوديها البيت
الجده اللي نزلت وجايه ناحية سيارة سلطان:لا الحرمه كم مره تعزمنا تنزل وبقول لام راكان تسويلها نعناع ولا زنجبيل وبتصير زينه
الكل نزل ومدى بصراخ:انتم هيه وين نازلين أقولكم بطني يعورني يعني بالعربي ودوني البيت
أسير بهمس:أقول انزلي بس ما احد عطاك وجه
مدى بهمس:تشوفين كذا
أسير وهي تطالعها :إيه يله
مدى وهي تبلع ريقها:الظاهر لا مفر وما لنا إلا نتأمل إن هالعجوز تفقد الذاكره
أسير:الله يرحمنا
نزلوا وفتحت لهم الشغاله الباب
كان بيت أم راكان كبير وحوشه وسيع
مدى:ولوليته والله حركات هالعحوز كل هذا لها
أسير:اشششش قصري صوتك ما لنا خلق مشاكل كافي المصيبه اللي إحنا فيها
مدى وهي تميل فمها:ما قلنا شي
دخلوا البيت واستقبلتهم أم راكان:حيا الله اللي جاني يا الله تحييهم نور البيت
الجده وهي تسلم:النور نورك والله
سلموا عليها الكل ومدى تسلم وهي ساحبه الغطا على عيونها هي وأسير وبدون صوت
أم راكان وهي تأشر لهم :من هنا حياكم
دخلوا الصاله وكانت كبيره
أم راكان:أفتشوا يا بناتي ما في احد في البيت
الجد:هجل وين وليدي راكان خليني اسلم عليه
أم راكان:والله يا وخيتي في الشغل
أسير:يا ويلي اسمه راكان ولا جدتي تبغى بعد تسلم عليه
مدى:جدتي أحيانا ودك تفلعينها لينه مغمى عليها لان عليها حركات تقهر
أسير وهي فيها الضحكه:مالي خلق اضحك
فتشوا البنات غطاويهم وأم راكان تطالعهم بتقييم
عند مدى سدحت روحها في الكنب علشان ما تبين وبهمس:أسوره غطي علي
أسير:انقلعي تبغينها تعرفني وأنتي لا يا ملعونه
مدى:انطمي
الجده وهي تشوف مدى شبه منسدحه:هو وش فيك يا مدو لحد الحين بطنك يعورك
أسير وهي تطالعها :رحتي فيها ردي عليهم
مدى:ردي بدالي
أسير:بتعرفني
مدى:ردي يا عله هي ذاك اليوم ما سمعت صوتك
أسير:ها....وتذكرت انه يوم راحوا لها الجناح إن أسير ما تكلمت قدام أم راكان ابد وحست انه ارتاحت وإنها طلعت من الورطه وقالت لجدتها:إيه يا جده شكلها تعبانه
أم راكان:وش بلاها
الجده:بطنها يعورها شكلها هواء ولا برد داخلها
أم راكان:ما تشوفين ش وانأ أمك الحين أوصي الشغاله تسوي لك نعناع يدفيك ولا زعتر
قامت أم راكان :يله قومي معاي المطبخ
مدى بهمس لأسير:لا ما أبغى
أسير:ما لي دخل
مدى وهي تطالعها بنظرات وعيد:اوريك
قامت معاها وهي تطالع أسير اللي تطالعها بنظرات خوف
راحت مع أم راكان وهي تطالع الأرض وتدعي:يا رب العجوز خرفت ولا فقدت الذاكره يا رب يارب
دخلت المطبخ وأم راكان تكلم الشغاله:شوفي سوى واحد نعناع حق هذا بنت فهمتي
الشغاله:يس مدام
الجده وهي تطالع مدى:الحين الشالغه بتسوي لك نعناع وبتصير أحسن إن شاء الله
مدى ابتسمت لها وما قالت شي
أم راكان وهي تأشر على كرسي:ارتاحي يا بنيتي هنا لحد ما تسوي لك الشغاله النعناع
مدى ابتسمت وجلست
أم راكان قبل ما تطلع:يا بنيتي لا تكثرين من الكاكاو تراه يعور البطن
وطلعت ومدى عيونها طلعت من هنا
وصارت تتلف :من تقصد تقصدني يا ويلي هالعجوز عرفتني إلا عرفتني ولا وش تقصد بالكاكاو لا يمكن تقصد الشغاله لا إن شاء الله مو انا
قعدت في المطبخ وشافت الباب حق المطبخ يطل على حديقه
طالعت الشغاله وعرق اللقافه اشتغل فيها:أقول أنتي هيه
الشغاله وهي تطالع مدى:يس
مدى وهي تأشر على الباب:هذا على وين يودي
الشغاله:يودي على باب دخول على صاله وعلى حديقه
مدى: اها قلتي حديقه طيب خلاص
الشغاله رجعت تسوي النعناع ومدى تطالع الباب وفي بالها أفكار ودها تسويها
&
رفع جواله واتصل ووصله الصوت
:الو
حصين:علي اسمع ابغاك تركز على الطياره حقت عائلة الماجد إذا طارت بأي رحله هاليومين فاهم
علي:تأمر أمر
حصين:مع السلامه
علي:مع السلامه
صك من علي وأفكاره تروح وتجي والابتسامه تنرسم على وجهه وبهمس:قريب يا بنت العم بتشوفين شي ما شفتيه راح أكسرك وبقوه هههههههههههههههههه
&&&&
جالسه في غرفتها من يوم ما قلت لها ندى اللي صار وهي ما طلعت وقاعده تفكر وشارده أفكارها لبعيد وعيونها تذرف الدموع
ألاء وهي تمسح دموعها:والله ما لي دخل الله يرحمها ربي شاهد إن انا ما سويت لها شي ليه يتهموني ليه
سمعوا رن جرس الباب
وبعد لحظات طقت الشغاله الباب
ألاء وهي تمسح دموعها:ادخل
الشغاله:ماما ألاء هذا في رجال أبغى أنتي
ألاء باستغراب:من احد من أهلي
الشغاله:ما في معلوم
ألاء:معقوله احد من عيال عمي ولا عمتي لا يكون جدي ولا جدتي صاير فيهم شي
قامت من مكانها ولفت الحجاب على رأسها وحطت النقاب ولبست عبايتها الكتف ونزلت وشافت رجالين واقفين عند الباب
ألاء باستغراب:نعم
الرجال الأول:أنتي ألاء صافي الزايد
ألاء:إيه
الرجال:معاك الشرطه للتحقيق في الجنايات
ألاء اللي طلعت عيونها وقلبها صار طلبول:نعم
الرجال:اللي سمعتيه
ألاء حست إن لسانها أنربط ولا قادره تنطق ولا حرف وحست إن ركبها يضربون في بعض
الرجال:أنتي مطلوبه في تحقيق في قضية وفاة احد المرضي ممكن تتفضلين
ألاء وهي ترجع على وراء:وين
الرجال:مركز الشرطه
ألاء:نعم ..بس انا ما سويت شي
الرجال اللي حس انه مل منها:لو سمحتي تفضلي وأي كلام قولي للمحقق
ألاء:بس ما اقدر أروح وما في احد في البيت
الرجال:وأنا ما اقدر ارجع المركز إلا وأنتي معاي
ألاء اللي تحس إن عقلها انشل عن التفكير وإنها ضعيفه وبتبكي وخايفه ومو عارفه وش تسوي سمعت صوته ورفعت نظره لها وحست وكأنه حس بورطتها وجاء لان ما في احد يقدر يساعدها غيره
رجع من شغله وهو حاس إن رأسه يعوره من كثرة الشغل وهالقضيه اللي مشغلته كثير هاليومين لمح سياره شرطه عند بيت خاله صافي مشى بسرعه لجهة البيت وسمع صوتها ولما قرب سمع الرجال يقول لها: وأنا ما اقدر ارجع المركز إلا وأنتي معاي
قرب وهو مستغرب من اللي يصير:خير وش صاير
ألاء وهي تطالعه وبصوت باكي:يوسف
يوسف وهو يقرب من ألاء وبهمس:وش فيك
ألاء اللي بدت تبكي:بياخذوني
يوسف التفت للرجال وبحده:ممكن اعرف وش صاير
الرجال:عفوا من معاي
يوسف وهو يرد عليه بحده ويطلع بطاقته:معاك ولد عمتها النقيب يوسف
الرجال وهو يشوف البطاقه ويشوف بدلة يوسف: هلا طال عمرك الانسه ألاء مطلوبه للتحقيق في جريمه وفاة مريضه
يوسف التفت على ألاء وهو متفاجا:وفاه
ألاء:والله مو انا ما سويت شي
الرجال:والانسه ألاء لازم تشرفنا علشان التحقيق
ألاء:يوسف والله ما سويت لها شي مستحيل اذبح احد مستحيل
يوسف وهو يلتفت لرجال:طيب ممكن افهم السالفه
الرجال:أسف ما اقدر أعطيك أي معلومات إلا في المركز والضابط هو اللي يقول لك
يوسف:طيب انا بروح معاكم وانتم خلوها بس لحد ما افهم السالفه
الرجال:أسف ما يصير انت تعرف الاجراءات
يوسف اللي عصب:يعني يصير تأخذ بنت محترمه من بيت أهلها وتركبها سيارة شرطه وتدخلها أقسام
الرجال:لو سمحت انا أتلقى أوامر وأنفذها وأنت اعرف واحد بها الشي
ألاء:ما أبغى أروح انا مو راعية مراكز
يوسف بهمس:هدي انا بتصرف
التفت على الرجال:عطني دقيقه بس
رفع جواله واتصل بواحد من معارفه وألاء تطالعه وهي خايفه وتدعي من كل قلبها إن يوسف يقدر يسوي شي ولا تروح مركز الشرطه
وبعدها صك جواله وراح جهة ألاء وبهمس:كل شي له حل
رن جوال الرجال ورفعه:نعم طال عمرك – إيه – بس هذي أوامر الضابط – عارف طال عمرك – إن شاء الله....صك جواله
وطالع يوسف وألاء:إحنا راح نروح الحين وراح نرسل لكم واحد يحقق مع الانسه في البيت
يوسف:في انتظاره
راح الرجال وألاء مشت لحد الكرسي الموجود بالحديقه وجلست وهي مغطيه وجهها بيدها وتبكي
يوسف اللي راح لها:ألاء قولي لي وش السالفه
ألاء وهي تطالع:فـ...ـي مر..يضه توفت ..وكان أخر من شافها انا وقالوا ماتت نتيجة خطا طبي ويقولون انا اللي ذبحتها اهئ اهئ والله مو انا يوسف والله ما سويت لها شي
يوسف وهو يجلس على الكرسي:ألاء هدي وطالعيني
ألاء وهي تمسح دموعها:نعم
يوسف تنهد:قولي لي يوم دخلتي عندها وش سويتي
ألاء:ولا شي بس قست لها الضغط وعدلت لها المغذي بس
يوسف:طيب لمحتي احد دخل بعدك
ألاء:لا أو ما ادري لأني طلعت ورحت البيت لان مناوبتي انتهت
يوسف اللي تنهد:طيب خلينا نقول لخالي صافي والباقين
ألاء بخوف :انا بنسجن
يوسف باستغراب:ليش
ألاء:لأني ذبحتها بيسجنوني صح
يوسف وهو يطالعها:أنتي ما ذبحتيها وأنا راح اطلب يحولون لي القضيه وأتولى التحقيق فيها
ألاء:يعني بتساعدني
يوسف بابتسامه تطمنها:أكيد لا تخافين راح أتولى هالموضوع بس خلي المحقق يجي وقولي له اللي تعرفينه وأنا راح أحاول اخذ القضيه وأتابع موضوعها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك