رواية هدمت حياتي بيديك وجاي تقول ندمت -28

رواية هدمت حياتي بيديك وجاي تقول ندمت -28

متعب كان يناظر بلين

ولين مستحيه حدها

في انتبهت لهم وابتسمت بخبث

واشرت لرائد

وانتبه لهم

رائد دق متعب من كتفه:اموت يالعاشق

في تكمل:ماقدر على هالنظرات يالعاشقه

لين نزلت راسها بحياء وسكتت

متعب باحراج:بنطول بالوقفه احنا يالله امشو ومشي

الكل ضحكو

لانهم عرفو انه يصرف

وطلعوا من المطار وراحوا بيوتهم

..

..

..

ببيت ابو عبدالمجيد

هديل دخلت حصلت ابوه وبشاير جالسين

ابو عبدالمجيد:هاه يابنتي طمنينا شخبار بنت عمك

هديل:بخير بابا

بشاير:هديل ابيك شوي

هديل ناظرته من فوق لتحت:مو فاضيه

بشاير:هديل زواجي عقب شهر وانتي مو مهتمه

هديل:هذاك قلتيها زواجك مو زواجي اوف

وطلعت غرفتها

بشاير ناظرت ابوه وباين انها متضايقه

ابو عبدالمجيد بتنهيده:هديل مثل امها لزعلت صعب ترضي

بشاير حست انها بتبكي قامت طلعت غرفتها بسرعه

..

..

..

..

ببيت ابو ضاري

ضاري

راح لغرفته وانسدح وتفكيره بفي شهر ماشافها وحده مشتاق لها كان نفسه يضمها بقوه يضمها ويقولها انا مشتاق لك بس ماقدر

قرر انه لازم بيكلم ابوه عشان يخطبها

..

..

..

..

..

بغرفه مرام

اخذت دش

وطلعت فتحت دولابها طلعت لها بجامه

وطاح شريط فديو

شالته

وشغلته جلست على سريرها

ودموعها تنزل

كان شريط تصوير ملكتها هي وعبدالمجيد

كانت تناظره وتبكي بحرقه طفته وانسدحت على سريره وتلحفت بلحافها تحاول تكتم صوت شهقاتها لا احد يسمعها

..

..

..

..

..

..

بغرفه لين وليان

لين انسدحت وسرحت بمتعب

ليان انسدحت جنبها:ليونه

لين بسرحان:هاه

ليان:سرحتي بمتعبوه

لين:متعبوه بعينك اصغر عيالك هو

ليان:سم الله كليتيني هذا وانتي لسه مابعد تزوجتيه لو تزوجتيه وش بتسوين

لين بدلع:مابسمح لك حتى تقولين اسمه

ليان:من حلات اسمه عاد

لين صفقتها بالمخده:وجع

ليان:بس ترا متعب مو رومانسي مثلك تراه جدي

لين بهيام:يكفي حنانه

ليان:بجد الله يعينه على مياعتك الزايده

لين ضحكت وماردت

..

..

..

..

..

..

ابو ضاري

كان مار من غرفه مرام

وسمع صوت بكائها اللي كل يوم يسمعه

قرب للباب

سند راسه ويسمع صوت بنته تبكي

تنهد بضيق

وراح لغرفته

..

..

..

..

ببيت عبدالمجيد

كان نايم فز من النوم وهو يقول:مراااااااام

منال فزت على صرخته:شفيك

عبدالمجيد قام بسرعه

وعرقه يتصبب فتح الشباك وطلع

طلع من جيبه بكيت دخان وجلس يدخن طلع جواله

واتصل بمرام

ماردت رجع اتصل مره ثانيه

عبدالمجيد بلهفه:مرام

مرام:..........

عبدالمجيد سمع صوت شهقاتها:لاتبكين مرام تكفين لاتبكين انا مو قادر اتحمل مرام انا احبك وانتي تحبيني ليه نعذب بعض

مرام ببكاء:انا اكرهك

وقفلت

زفر عبدالمجيد وجلس يدخن

منال قربت له:عبدالمجيد

عبدالمجيد:........

منال:عبدالمجيد انا وانت لازم نتفاهم

عبدالمجيد بتعب:منال اتركيني لحالي

منال:اوف كلمت الست مرام وانقلب حالك

التفت عبدالمجيد وعيونه تقدح شرار

منال خافت ودخلت بسرعه

انسدحت بالسرير

..

..

..

..

..

ببيت ابو متعب

في طبعا من دخلت البيت

راحت لغرفتها على طول

لسريرها اللي اشتقت لها ونامت

..

..

ورائد نفسها

..

متعب نام وهو يفكر بالين

..

..

ابو متعب وام متعب دخلو غرفتهم ونامو على طول

..

..

..

اماني

دخلت غرفتها

اخذت دش

لبست بجامه برمودا سماويه

انسدحت بسريرها

ضمت جسمها

وتتذكر شكل عادل وهو يبكي

وتبكي"توك ندمت ياعادل توك

عقب ماهدمت حياتي عقب ما وجلست تشاهق اكرهك ياعادل اكره قلبي اللي حبك حب انسان حقير ماعنده احساس

ولا مشاعر بنساك ياعادل وبتكون من الماضي بعيش حياتي بكمل دراستي وبتزوج غيرك بحرق قلبك مثل ماكسرت قلبي"

سكرت عيونها ودموعها تنزل ونامت

..

..

..

انتهى البارت

توقعاتكم

عبدالمجيد ومنال وعلاقتهم الى كل مالها وتسوء الى متي هل بيظلون كذا على طول؟

مرام والعذاب اللي تتعذبه كل يوم؟

بشاير الى متي بتتحمل جفي هديل معاها ؟وزواجها اللي عقب شهر ولاجهزت شي هل بتغير رايها؟

اماني وعادل هل خلاص اماني بتكون على كلمتها وبيكون عادل من الماضي؟

عادل بيرضي ويسكت والا بيضل وراها ومابيتركها؟

رائد وفكره خطوبته لهديل بيخطبها والا امه بترفض مثل كل مره؟

متعب ولين؟

...

انتظرونا الاربعاء

دن دن..

البارت السابع عشر

اليوم الثاني

بكندا

قام عادل من النوم واخذر شور ونزل عشان يروح لاماني

وراح عند الشقه اللي كانوا مستاجرينها وسأل عنهم وقاله واحد انهم

سافرو امس شكره عادل وراح للبيت ودخل غرفته وجلس يفكر

ويفكر الين ما جت في باله فكره انه يرجع السعوديه وقام وحجز بنفس اليوم اللي بيسافر فيه وجلس بالمطار ساعتين

وسمع نداء للمسافرين الى الرياض قام وتوجه للبوابه وركب الطياره لتقلع به الى الرياض الحبيبه

...

...

...

...

...

...

بيت ابو ضاري

لين:ليان والله انك احلى واحسن واطيب اخت شفتها بحياتي

ليان وهي تتصفح المجله: خير وش عندك

لين:خلي بابا يخلينا نروح نتطمن على اماني تكفين

ليان بخبث:تتطمنين على اماني ولا متعب اعترفي ولا ماراح اقول

لين وهي منحرجه: هم لاثنين خلاص

ليان:ههههههههههه ايه خلاص احس كذا اني ارتاحت

وراحت ليان لعند ابوها وقالت له ووافق وطلعوا عند مرام

وقالو لها تجي معهم وقاموا لبسوا وتجهزو

مرام كانت لابسه بنطلون ابيض وبلوزه كات موف وشعرها جعدته وخلته مفتوح وحطت روج موفي على خفيف وحطت عليه مرطب وكحلت عيونها وطلعت مثل ماهي دوم ساحره

لين لبست فستان نعوم تفاحي

وخلت شعرها مفتوح وسوت باف وحطت روج وردي خفيف وايشارب على رقبتها

وطالعه طفوليه وناعمه

ليان العربجيه خربتها ولبست بنطول وسيع عليها وبلوزه ولاديه

ورفعت شعرها

وحطت ربطه من قدام

ولبست سلسال طويل بيدها يوصل لحزام بنطلونها

مثل العيال

وجلست تمشي بعربجيه وتضحك على نفسها

دخلت عليها لين وانصدمت:ليان وش هاللبس

ليان:حلو صح

لين:انطمي بس وغيره

ليان تسحب عباتها وتلبسها:امشي بس

هزت راسها لين وطلعو

حصلو ضاري ومرام جالسين ينتظرونهم تحت

طلعو وركبو السياره

لين:كلمي هديل يمكن بتروح عشان نمر عليها

ليان:طيب وطلعت جوالها

ودقت على هديل

ليان:الوووووووو هدول

هديل : هلاليان

ليان:هدول احنا بنروح عند في تجين معنا

هديل:اشوف بابا واقولك دقيقه بس خلك معي

ونزلت بسرعه من الدرج وهي نازله شافت بشاير وناظرتها

بطرف عينها وكملت

هديل:بابا معليش اروح عند في اليوم البنات كلهم هناك

ابو عبد المجيد:ايه روحي بس لاتتاخرين

هديل باست راس ابوها :مشكوربابا

بشاير: بجي معك هديل

هديل ناظرتها :الوووو ليان ايه بجي معكم

ليان:اجل يلا اجهزي بسرعه احنا بالطريق

هديل:طيب يلا بااااااي

ليان :بااااااي

وهديل طارت لغرفتها

ولبست بنطلون جنز وبلوزه بيضاء وعليها جكيت جنز

خلت شعرها مفتوح وكحلت عيونها وحطت روج احمر

وتعطرت ودق جوالها شافت ليان تدق عطتها مشغول واخذت شنطتها ولبست عباتها

وطلعت وركبت معاهم

وحركو وصلو لبيت ابو متعب

رائد كان واقف عند الباب

نزلو

ضاري قرب لرائد

رائد وهو رافع حاجبه:من سمح لك تجيب زوجتي

هديل سمعته وضحكت ودخلت مع البنات

ضاري:ياخي احمد ربك جايبها لك

رائد:مشكور مانبيك تجيبها ماحنا بعازتك

ضاري:مالت عليك بس ودخل

ضحك رائد ودخل وراه

...

عند البنات

بعد ماجتمعو وجلسو ضحك ووناسه

اماني دخلت عندهم

وبيدها صينه فيها حلا

مرام:هالحلا انتي مسويته امون

اماني:ايه

هديل:ايش هالذرابه

في:اختي من يومها ذربه

اماني:احم احم تعلمو مني

ليان وهي تذوق حلا اماني:بصراحه يجنن علميني عليه امون

في:لورج انطم بس

الكل:هههههههههههههههههههههه

ليان بعربجيه:وجع وش لورج

في:مو انتي مسويه نفسك ولد خلاص اجل بنسميك لورج

هديل:خطير اسم لورج

لين بدلع:حدكم عن لورجي

ليان بزعل:وجع جد انكم سخيفات

وقامت طلعت برا

البنات فقعو ضحك

مرام:جد زعلتوها

في:نمزح بس شكل لين اعدتها بالحساسيه

لين:وجع يعني انا الحين حساسه

هديل وفي:ايه

لين برطمت

وضحكو على شكلها

اماني:جد بنات وحده فيكم تقوم تشوف ليان

مرام وقفت:انا بشوفها

وطلعت برا

ماحصلتها نادتها بصوت عالي:ليان

انفتح الباب التفتت مرام

شافت بشاير دخلت ودخل بعدها عبدالمجيد

جمدت كل خليه بجسمها

بشاير سحبت نفسها ودخلت

عبدالمجيد كان يناظرها ونار ندم وحرقه اشتعلت بقلبه

مرام كانت تناظره بكره وبحتقار وندم

عبدالمجيد:وحشتيني

مرام ضحكت بسخريه:والله صج

عبدالمجيد ماعجبته طريقه مرام معاه:تغيرتي يامرام

مرام:مثل ما انت تغيرت

عبدالمجيد قرب لها:انا نفس ما انا احبك وبدونك تعبان

مرام:وانا ماعاد احبك وبدونك مرتاحه

عبدالمجيد:اشوف العكس بعيونك

مرام ارتجفت:شكلك ماعاد تشوف زين

عبدالمجيد:لا اشوف ومتاكد من اللي اشوفه

حست بنفسها مرام وانها واقفه معاه بدون غطاء وهي خلاص ماتحل له

وبسرعه ركضت داخل

عبدالمجيد تنهد وراح عند الرجال

مرام دخلت المطبخ وجلست تبكي"آه ياعبدالمجيد احبك بس خلاص كل شي بيننا انتهى"

............شفيك مرام

مسحت دموعها بسرعه ولفت:ليان

ليان:شفيك ليه تبكين

مرام:هاه لامابكيت انتي وين كنتي انا كنت ادورك

ليان وقلبها حاس باختها:انا كنت هنا حتى انتي دخلتي ومانتبهتي

مرام:ايه امشي نرجع عند البنات

ليان:يلا

ورجعو عند البنات

وطبعا كل البنات كانت اوضاعهم متغيره من شافو بشاير

بستثنى لين واماني

مرام جلست جنب في

في بهمس:جت وكتمت الجلسه

مرام:بجد تضايقت من شفتها

ليان:شين وقوات عين

هديل:طلعت وتركتها بالبيت ولحقتني

بشاير بصوت عالي:بنات انا زواجي عقب شهر

اماني بفرح:جد الف مبروك ياقلبي

لين:مبروك بيشو

بشاير:يبارك فيكم وناظرت بمرام:وانتي ماتبين تباركين لي يابنت خالي

ضحكت بسخريه مرام:لا بنت خالك توك عرفتي صح النوم

بشاير:مرام انا

ليان قاطعتها:انتي تنخرسين مانبي نسمع منك شي صديقتك تزوجت عبدالمجيد خلاص ومرام تطلقت خلاص من عبدالمجيد تحقق مرادك

بشاير خنقتها عبرتها:ليش كلكم كذا انا والله ماقلت له يتزوجها انا كنت رافضه

هديل:انتي عارفه ان عبدالمجيد طيب ويفضل سعاده غيره على سعادته لو مو قاصده كان ماقلتي له

يتبع ,,,,

👇👇👇

تعديل المقال