رواية على عتبات الماضي -2
عادت بعد جمعت ام راشد بروح مشعه حيويه رغم ان الحديث احيانا يكون فيه نبرات من الحزن لكن لايخلو مجلس ام راشد من الفكاهه والمتعه
:عمه انا صاعده لشقتي فوق ماابي غدا
ام مشاري:ماانتي برايحه لغدا بيت عمتس؟
حسنا:لا انا حاكيت عمتي واعتذرت منها
ام مشاري:الا هو صحيح جويبر طلق عليا؟
حسنا:اي والله طلقها قبل اسبوع ولا دريت الا البارحه
ام مشاري:يادافع البلا وش قومه يطلق مطرق الخيزران عليا اللي زينها ماشفت له شبيه؟
حسنا:يايمه تبين الصراحه ابرك لهم البنت مزيونه والولد مزيون لا تحاكوا قالوا وش بيجيبون صور موب اوادم من زينهم بعدين عمتي حاره شوي واختي دلوعه بصراحه انا ماكنت مأيده من البدايه والحمدلله على كل حال
ام مشاري:الا هي كم عمرها؟
حسنا:19سنه خلود اصغر منها بسنه وهن دلوعات هدوي
ام مشاري:الا على طاري هدوي متى هو بيعرس يابنتي قده بالثلاثين وش يتنا؟
حسنا:والله تعبنا معاه ياعمه عيا يقول بعرس اذا زوجت خلود وكان العرسان صافين على الباب
ام مشاري :الله يوفقه خليكم فوق راسه وهو يعرس
حسنا:امين تامرين بشي عمه؟
ام مشاري:ابد سلامتس
ودعة زوجة ابنها وهي تردد موال في راسها بابتسامه لتفاجئ بقبله صامته على راسها لترفع عيناها الى تلك العينان الغامضه* رائد* رغم انها والدته اللتي ربته الى ان شخصيته غامضه لم تفهمها
لاتعرف ماذا يريد الا اذا نطق,,,
ولا بماذا يشعر الا اذا اراد,,,
ام مشاري:ياالله سكنهم مساكنهم يالله ,,تراكم تسلمون على اخوانكم الانس
رائد:السلام عليكم اخبارج يمه
ام مشاري:يويلي متى خلفت انا جني انا انسيه ورجلي انسي بعد
رائد بابتسامه هادئه:وانا انسي بعد ولا به سكون الا اذا عود حميدان ومرته هم السكون
ام مشاري بحنين:يافديت ذاالطاري حمود والله انه ملح وحس ذاالبيت اشتقت له ياامك
رائد بحنين مشابه لوالدته فمحمد رغم اختلاف شخصيته عن رائدالا انه من يفهمه:اي والله وانا اشتقت له ولخباله
ام مشاري:اقول يمك دريت ان جويبر خويك طلق بنت خاله؟
رائد:عندي خبر امس علمني فهد بالشاليه بس الرخمه جويبر انا مااحاكيه صارلي اسبوعين ولا هان عليه يشوف اللي بخاطري من سواد وجهه
ام مشاري:اني خابرتا جويبر ولد امه اقشر وكلا يعرف وانشد مرة مشاري ليش طلق عليا تقول مادريت الا امس تلعب علي والله انها تدري من يوم طلقها بس عشانها ماقالت
رائد باستنكار من افكار والدته:يمه اصلا فهد يقول محد درى الا هادي اخوهن وجويبر حتى اختها مادرت الا امس
ام مشاري بندم:استغفر الله بغيت اظلم بنيتي قومي الشين يمك ولا كن اختها مطلقه عادي عندها
رائد:ابرك لهم من سنع جويبر زين على الفاضي والا مراجل مابه زود والمشكله ان فهد بيزوجه اخته الصغيره
ام مشاري بصدمه:يويلي طلقها عشان ياخذ بنت عمها وش قومه ما اختصر الدرب وخذا سويره
صعق رائد وكان مس كهربائي اصابه سارا؟
الصغيره هي سارا ؟؟
000بياخذ جويبر سارا ايا الكلب وانا اللي امنته على سري يبي يردها لي قسم بالله مااخليك تتهنى بها يالخمام ليفز بغضب على مراى من والدته
&&&& &&&& &&&& &&&&
دخلت شقتها المكونه من صاله يتوسطها كنب بالون البترولي بين الزيتي والرمادي من المخمل الفاخر ومعلق على احدى الجدران تلفاز بلازما كبير رغم انها وزوجها ليسا من محبي هذا الجهاز,,,
يمين الصاله مدخل لغرفتها النوم قبل الغرفه ممر به دواليب يمين ويسار الممر بها المناشف وادوات الاستحمام وباخر الممر باب يدخل على حمام كبير يحتل مساحه كبيره منه بانيو جاكوزي تتدرج الوان الحمام بين الكحلي والسماوي والسكري ومزين بالذهبي
ثم غرفة النوم بها سرير كبير وكومودينتان فقط وبعد الغرفه من الداخل غرفة تبديل تحمل ملابسهما وتسريحه مخصصه لعطوراتهما واكسسواراتها وايضا بالداخل حمام ليس بكبير
ويسار الصاله مدخل لغرفة مكتبه مخصصه له بها كتبه مرتبه بشكل سلس لمن يريد البحث عن كتاب معين ويتوسطها مكتب كبير لونه بني مايل للعنابي وبالغرفه المجاوره للمكتب توجد غرفه شبه فارغه ومن ثم مطبخ صغير تحظيري
بعد ان انهت تبديل ثيابها ببجامه قطنيه تفصل جسدها الغض لونها وردي يدل على نعومة صاحبتها راته ينام بوضع مائل بشكل مضحك لكن ماشل ضحكتها هو ذاكرتها القويه نعم ذاكرتها اللتي تستحظر ماتتمنى ان تنساه
قبل عدة اعوام ينام جسده الكبير بشكل مائل اتت ونامت فوق جسده مباشره ليفتح عينيه بدهشه يتبعها ابتسامة محب
-------:لا عورتيني يادبه
--------:انا حرام عليك انا عصلا عندك
مشعل بعدماطبع قبله سريعه وهو يسمع صوت لمتطفل قطع عليهما انسجامهما ليقلبها محله ويفتح الباب سريعا ليرى ناصر بوضع مائل على الباب بانتظار مشعل وبالرغم من ان ناصر الاكبر وبخمس سنوات من مشعل الا انه ولبنيته الضعيفه وكانه اخيه الصغير بل وكانه اصغر من فهد ايضا
مشعل:خيييييييييييير؟
ناصر:الخير بوجهك ابي شريحة النت اللي عندي انقطعت
مشعل:انت ماتمل بعدين ماعندي الا حقت حسنا انا مااستخدم النت
ناصر:اخذها منها يالعشاق مهي براده لك طلب
مشعل:لحظه ترك اخيه عند الباب ليحظر شريحة زوجته رغم انها تعترض من ان يسلب حقها بالاحتفاظ بما يخصها
لكن مشعل لايعير لذلك اعتبار
فك الشريحه من المودم لتقف امامه:وش عندك مشعل انا ابيه ابي00000000000000
لم يتركها تكمل اعطاه لناصر ليعود لها يحملها ويضعها على السرير وقفت بصدمه
حسنا:مشعل انا ابي الشريحه عندي بحث ضروري وش لون تعطيه شريحتي من غير ماتاخذ رايي؟
مشعل بابتسامه استهزاء:وخير ياطير وعطيته الشريحه شوي ويردها واذا على البحث المكاتب كثر التراب بالكويت روحي لاي مكتبه وسوي لج بحث وانتهينا
حسنا بغضب:اولا مااحب اسوي بحثي برا اسويه في بيتي وبنفسي000ثانيا اخوك هالمدمن النت اللي مااحترم سنه هذي ثالث شريحه اشتريها بسبته ياخذ شريحتي ولا يرجعها
مشعل بغضب:اص ولا كلمه ناصر ياالفالحه ماينقال عنه مدمن نت والله لو تعيدينها لاتسنعين
تركها وخرج مع قلت حيلتها تعلم انه يعشقها وسيحظر لها بدل الشريحه الف لكن لماذا لا يهتم برايي ؟
ليش يشوف خطاغيري صواب---وصوابي خطا؟
لتعود من دوامة الماضي المرهقه تريد المغامره سأرى ماهي ردة فعله لو كررتها معه هل سينتهي يومي بضيق ام ساستكين فوقه
رفعت الملحف بهدوء ونامت على جسده المستكين بالنوم بخفه لتفاجأ بيده اليسار تغطيهما بالملحف واليمنى تتهاوى على ظهرها ليمسحه برفق مع ابتسامه رسمت على شفتيه نامت براحه وهي تشكر الرب على هذه النعمه نعم فزواجها من مشاري هو ماسينسيها عشقها لابن عمها مشعل
احيانا يتجرد الانسان من افكاره وطباعه لظروف استدعت انقلاب جذري بشخصه
او بسبب اشخاص اما ان يؤثروا سلبا او ايجابا عليك
بمعنى اننا نمر بظروف تتطلب منا القوه واحيانا الضعف
لكن اعتبر ان التنازل ضعف بكلتا الحالتين
فمن يجابه حياته وظروفه بقناعه لابارتداء قناع اخر هذه حتما هي القوه
اعزائي انا حابه يكون التواصل وردات الفعل كتابيه اشوف مشاهدات لكن ردود محدوده لقارئات معينات!!
صدقوني راح يدفعني هالشي للمزيد......
البارت الثالث:
&&&& &&&& &&&& &&&& &&&&
رجعوني عينيك لايامي اللي راحوا.........
.........علموني اندم على الماضي وجراحو
يجلس في الشرفه ممسكا سيجارته بيده وهو ينفث الدخان من جوفه مستمتعا بهذه الاغنيه يرى الناس والحركه في الشارع
------------:بس بس
--------------:الحمدلله والشكر قطوه انتي؟
مها:تعال ماابي اتغطى
محمد يقوم بعد ان اطفا السيجاره وهو يبتسم فهاهي اليوم تعود لها عافيتها بعد المرض الذي ارهقه اكثر منها,,,
ليقف مصعوق من المنظر اللذي امامه ترتدي شورت جينز وقميص فتحت جيوبه الاماميه مسرحه شعرها كالاطفال
وتحمل حلاوه بيدها تقف بابتسامه شيطانيه كالاطفال
محمد:مجنونه هبله انتي؟
مها بمرح:في ذمتك في شي احلى من الخبال والجنون؟!
محمد بنزره:انتي بعد كم شهر بتصيرين ام الحمدلله بس .....ليعود الى شرفته وتقف هي مندهشه!
ليش مع الكل يمزح ويضحك وانا عندي تخلص طاقة المزح ويبدى الجد ؟
-تتساءل وهي لم تدرك بأن صوتها وصل لمسامعه-
لينهض ويتبعها لكن لااثر لها
--:وين راحت الخبل
يسمع صوت باب الحمام الذي اغلقته بقوه ليدخل بعدها الغرفه ليفاجأ بثيابها مرميه في كل مكان دليل ضيقها منه
--:ياوالله الليل الطويل وش لون بترضى علي الحين
سمع صوت الماء بالداخل فجلس على السرير منتظرا خروجها لم يقصد جرحها اراد انتقادها فقط لكنه قسى عليها
خرجت كالاعصار والماء يقطر من شعرها ليهم على عجل ويغلق التكييف فهي تلتف فقط بروب يغطي نصف جسدها اما يداها وساقها عاريه وشعرها لم تكلف نفسها عناء تجفيفه
محمد:اخوك ياصبي اسرع شور خذيتيه بحياتج صح؟
لارد
محمد مقتربا منها يشتم رائحة شعرها وجسدها :بعد لوشن معطر وبلسم متى امداج؟
لارد
حملها بخفه لتحتضنه وتبكي
جلس على السرير وانزلها ليجلسها على حجره مقبلا كتفها العاري:بس يامهاوي والله العظيم اني مااقصد اجرحج
وبالعكس انتي لو تلبسين خيشه تجننين بس انا ابيج اركد مني واعقل لاني انا عجزت لااعقل او اتسنع في ذمتج انا وياج على طول ماخذين الدنيا خبال وضحك ومزح مافينا الجدي وش لون بنربي وليدنا ماتعلميني,,ودي والله يطلع لرائد احسه احسن واحد فينا انا ومشاري مانعرف الجد عمر مشاري مانزرني او نبهني على خطا وانا نفس الشي بالنسبه لرائد ولعلمج رائد هو اللي ينبهنا ان اخطينا ابيه يغدي لعمه والا لخاله مشعل..
مها المندهشه من راي محمد الظالم لشخصه:محمد انت تقول عن نفسك كذا بالعكس انت وقت الشده اقواهم ووقت المزح والرخا ارخى واحد فيهم لاتقول كذا عن نفسك بعدين عمر الضحك والغشمره ماكانت عيب انا اشوفها احلى صفه فينا
محمد:المهم لاتزعلين وقومي بسرعه البسي اللي كنتي لابسته ابي اشوفه عليج قبل شوي كنت مغمض مااشوف والحين فتحت
مها:مع انك دابل كبدي تعبانه ويالله لبست الجينز الا اني ماني رادتك خل احلل فلوس الجينز والقميص
محمد:تحللين فلوسه ليه انتي اللي شاريته؟ماكني انا اللي كاع افلوسه
مها:ليش انا شاريته البس لي والا لخلق الله شاريته البسه قدامك والا تحسب اني لاسيرت على ام راشد والا امي والا حتى بيت عمي البس ذا اللبس الا ان كانه ودك قالتها وهي ترفع الجينز وتهرب الى الحمام
ليمثل الغضب ثم ترنو ضحكته بصوت عالي في غرفتهما
----------:السوري السووووووووووورييييييييييييي تعالي ياامتس
سارا:هلا يمه امري؟
ام ناصر:قومي النوري وخليها تبدل امها بتجي مع خوالها اليوم بيمر خالها ياخذها
سارا:ابشري بس امها ليش ماتجي ماشبعت من اهلها
ام ناصر:لاتنشديني من خلق الله انشدي اخوتس ذااللي ليله ونهاره طايح على الماخوذ
سارا:يمه انتي وش رايج بجابر راضيه اني اخذه
ام ناصر:والله يابنتي انا مااشوف فيه شي هو والا مبارك كلهم واحد انا مابي قرب عمتس قشرا وبتضايقتس
سارا:وانا ماابي جويبر قولي لابوي هو مهوب ولد عمي ماني بمجبوره اخذه
ام ناصر:والله مااقدر اوعدتس انه بيطيعني مهو زوج دلول تريكي الضفعه عشان مايزعل اخته والا هادي ميت كان يبيها
سارا:بس ابوي مايرد لي طلب وش بيصير لو خالف راي ام السعف والليف وعيا من ولدها
----------:اعقبييييييييي ياقليلة الحيا اختي ام السعف والله مابه ساحره غيرتس
سارا:يبه ماابي جويبر غصب هو
ابوناصر:فارقيني لا الشطتس بالعقال وتعرفين وش لون تتراددين
ام ناصر:ياعايد العرس مهوب جبريه احنا كنا نبي بنتها وسوم وعيت ماياخذها ناصر والا بنتها لها راي وبناتنا لا؟
ابوناصريجلس :انا اصلا ماني بموافق على جويبر مبارك اخير منه بس فهيدان اللي جنني يقول زوجه وش فيه وانا ناوي اشاورها بس ضايقتني يومها تعاير عمتها لاحشيمه ولا تقدير لي
ام ناصر بهدوء:فهيدان خله علي انا اعرف وش هو يرسم عليه والسوري لاتشاورها ولا شي هي ماتبيه
ابوناصر:برد عليه اليوم وباقول مامن نصيب وفهيدان وش قومه ؟
ام ناصر:قومه سواد وجهه......!
&&&& &&&& &&&& &&&&
صحت من النوم بوضع غريب فهي مازالت تاخذ من جسده فراش وهو مازال على وضعه دون ادنى حراك
هزته ليجيبها وصوته واضح منه انه قد فاق من نومه منذ وقت ليس بقصير
مشاري:يافديت اللي عطتني دفا اليوم ماقد حسيته عمري كله
حسنا:الا يافديت اللي قام من وقت ولا غير علي مخليني اكمل احلى نومه على راحتي
مشاري:الا يافديت اللي مثل النسمه واخف بعد على قليبي
حسنا:الا يافديت اللي صايرلي مثل الفراش واريح من اسفنج البغلي
ليرميها بجانبه وهي في نوبه من الضحك وينام بدوره فوقها والله ان تجربين اسفنج البغلي المريح على اصوله
ههههههههههههههه بااااااااس الله يخليك مشاري ذبحتني فتتعالى طرقات الباب نهض مشاري:بروح اشوف من
حسنا:انا بدخل اتوضى راحت علينا صلاة الظهر
مشاري:والعصر يالكسول بعد
فتح الباب ليجداخته الكبرى ريمه مع بناتها لينا وليان
مشاري:هلا والله اني صادق بالحامل والمحمول وهو يحمل ليان من يدي ريمه
ريمه:افا وانا مافي ولو بوسه على الطاير
مشاري:منحنيا ليقبل راسها :وش اسوي اموووووووووووت بذاالبزير تتبرون منها واتبناها انا وحسون
ريمه:كم تدفعون ؟انت وضميرك شف كم تستاهل واعطيكم اياها وفوقها لينا
مشاري يحذف ليان ام الستة شهور على امها ليحمل لينا ذات السنتان:لا نبي لينا وبس, لاتقوم وتبكي بالليل وسوالفها توسع الصدر
ريمه:وين حسون الخايسه ماقالت لي ان معالي بترد بكره؟
مشاري:هذا انتي دريتي
ريمه:من امي والا اختك الشويه ماتعطيني علوم احد ومرتك من شمالي اختك
مشاري:حسون حسوووووووون تسمعين الردح والسب
حسنا من خلفه:اسمع ماتشوفني اتضرع للخالق عز وجل انه ينصرني على القوم الظالمين
ريمه:جعلج تظلمين ويدعى عليج قولي امييييين
حسنا تقترب منها لتقبلها قبله سريعه وتحمل ليان وتبدا بتقبيلها من كل جانب حتى ظهرت تلك الضحكات الصغيره من فاه الطفله
مشاري:اه ياحظها بس
ريمه:الا اعوذ بالله كلت بنيتي ,بعدين استح انت ووجهك انا مره حياويه موب تقول ذاالكلام قدامي
حسنا:لاااااااا اموت انا بالحيا اللي طلع فجاه
----------:بووووووووووووووووووووووووه
مشاري:وجدري عن الرجه يالمرجوجه
ريمه:ايييي تكفى عطها من عندك خل تتسنع المطفوقه اجل اقولها حاطه على السبيكر تكلمي بادب وتدري ان رجلي عندي تغنيلي يوم جيت اسكر--- مع السلامه اسعد القلب فرقاك --- والله اني انحرجت وهي ولا كنها سوت شي تقول مهوب اجنبي استحي منه هذا بتال ولد ام بتال
مشاري:يضع لينا على الارض ليلحقها لغرفتها بعد هروبها منهم
حسنا:الحمدلله من صجج انتي كله واحد تراها تو ماتغطت من بتال انتي اللي جريتيها عليه
ريمه:احسن دابله كبدي اجل بتالوه يقول يازين صوت اختش وهي تغني شركوها بستار اكاديمي
حسنا:هههههههههههههههه بصراحه غلاوي تهبل وكل شي فيها حلو
مشاري يعود وهو يلهث:الخايسه ماتبي تفتح تقول بتذبحني اجل تبيني اصفق لها الماسخه الفاصخه
ريمه:خلها ذاالحين اذا طلعت علمتك
حسنا:انا اللي باعلمها عليكم جعل امحق اخوان تتفقون عليها
ريمه :مشاري ممكن تخلينا انا وحسون شويات
مشاري:بالبس لاني طالع للدوام تاخرت عليهم انا حتى صلاة ربي ماخليت اصليها وهو ينظر لحسنا بخبث
لتصد بعينها عنه بخجل
ريمه:لا اليوم مالي مقعاد عندكم جعل غلا بالجنه انتم فاصخين الحيا مرة وحده
دخلت حسنا شقتها تتبعها ريمه لتجلسان بصمت بانتظار مشاري حتى يخرج لتلفتت ريمه الى حسنا
: حسون دريت ان عليا تطلقت الله يعوضها يارب علمتني امي
حسنا:يارب ماتدرين وش الخيره فيه
ريمه:طيب فجاه مايبيها؟! انا اللي عرفته انها كانت باغيته رغم انكم معارضين وهو بعد يبيها من كلام رائد
حسنا:صح تبين اصدمج بعدمادرت الا امس وعادي عندها كنه العيد
ريمه:لاتقولي طيب ليش وش اللي جد . .هي تحاكيه؟
حسنا:لا وين قاعدين تكلمه تبين هادي يذبحها ......مابه جديد كذا قال بطلقها وتطلقوا
ريمه:ليه هو شرب ما العرس والطلاق والا لعبه بلعبون بها؟؟
حسنا:انا اختها ماعصبت مثلج كيفهم حياتهم وهم احرار انا من البدايه مومايده هالزواج جات على كذا احسن
ريمه:انزين تدرين ان امي تبي عليا لرائد
حسنا:ابرك الساعات واسعدها بس الشور شورها موب عندي
ريمه:شلون رائد ياخذ عليا وهي كانت تبي جابر
((حسنا والضيق بدا جليا على ملامحها فلم يعجبها ماتلمح له ريمه هل تعلم ان عليا كانت تعشق جابر وماوقع الطلاق الا منه ومن دون ادنى ذنب لها ولوكانت طبيعيه لصرخت باعلى صوتها لماذا يقتل قلبي النابض بحبه فجاه دون سابق انذار لي لاتمكن من تجهيز حواسي لردع الصدمه))
حسنا:ليش ياريمه يعني انتي شايفه عليا ترسل له مكاتيب غرام والا مسويه اعلانات عن مغامراتهم الغراميه ؟
اللي بينهم ماهو الا اعجاب لحظي وانتهى ولا تتوقعين انه طلقها منه واليه دون دخل لها اكيد لها يد بالانفصال
ريمه:لاحشاعلي والله العظيم اني مااقصد لتقف مقبلة راس حسنا تعبيرا عن اسفها لما نقله لسانها دون قصد منها لمسامع حسنا
حسنا: خلاص ياريمه ماحصل الا الخير
ريمه:تدرين اني اتمنى عليا لرائد وبالعكس باموت عليها وامي بعد بس رائد يبي سارا بنت عمج عايد.........
&&&& &&&& &&&& &&&&
-----------:لا والله هذا اللي ناقص؟
------------:تخيلي عقب كل ذاالسنين فجاه يقول ماابي بنتكم
----------:طز ماباعنا بعناه لو كان غالي وانا اختج
------------:انا ماذبحني الا هالسلبيه اللي في هادي شلون يسكت له وهو سنتين مملك على اخته
-------------:وعشر سنين خير يامال الخير وتركها والله انه ابرك لها ماتشوفين دلول بنت عمج بتموت من عمتج القشرا حاشرتا عمرها في كل شي وتروك معطيها الخيط والمخيط تفصل حياتهم على كيفها
-----------:هيفا متى بتروحين لاهلي اليوم بتجي علوي بعد المغرب يعني على العشا واصله البيت؟
هيفا:والله يامنور ماادري عن طلال متى ما ترفق وتلطف فيني جابني
منيره:خلاص وانا بشوف مترك هذا اذا ماعياعلي وقالي --مقلده صوته--وشيباني من بيباريهم للبر---كني مكلفه بشيبانه امه وابوه وانا وش علي
هيفا:يابنت الحلال اجر وش بتخسرين شيبان الطباخين موجودين والشغالات وفيه كرافان مكيف وتلفزيون يعني لانفعه ولا شي روحي يستانسون فيج وونسي هالجهال اللي طايحين على البليستيشن يغيرون جو
منيره:هيوفه تبادلين اخذ انا طلال وانتي مترك ياالنفيعه
هيفا:والله راضيه ماعندي خلاف خصوصا ان مترك ولد السوريه طخمته تجيب العافيه مهوب اللي عندي كنه ابو 70 سنه
منيره:يااختي على ان امه سوريه الا انها تموووووت بالبر
هيفا:علمي روحج مومصدعه الرجال وع ماابي اروح البر وهي المتمدنه جاتنا ماتدري بكوعها من بوعها وهذي هي ماتفارق شيبتها دايم معه بالبر توسع صدرها وصدره
منيره :اقول ليتج طريتي مليون هذا الاطخم جا بايو
هيفا:بايو هههههههههههه
&&&& &&&& &&&& &&&&
ببيت ام بتال
ام بتال اخت زوج ام راشد وجاره لهاوام زوج ابنت جمله:يافديت حسنا ببيت ام راشد نفعتها نفعه بردت كبدها
ام مشاري بصدق:تقولينه واقوله ذي بنتي اللي ماجبتها ومهوي جعل ربي يردها مع وليدي سالمه اجوديه
ام بتال :اي اختها معالي متى ها بتجي؟
ام مشاري: اليوم راحت لاهلها حسنا مجتمعات خواتها هناك يستقبلونها
اكملوا احاديثهم الجميله حتى السياسه لم تسلم منهن فاطعمنها بذوق خاص من اسلوبهن المرح وكان السياسه بيت مجاور والسياسيون افراد هذا البيت
ام بتال:يادافع البلا بيموتون يعني لو طيحوا القروض من عويلنا ذبحتهم الفوايد اللي مامنها فايده الا كسر الظهور
ام راشد:صادقه وانا اختش احنا يوم غير ابو راشد البيت خذاله قرض شي وشويات والله ان قد مايبقى من معاشه الا اللي يسد يومنا
ام مشاري:وانتوا ماقصرتوا وشو له تهدون البيت وتبنونه من جديد؟
ام راشد:يااختش وش اسوي به يقول باخلي ولد اخي راشد يوسف يسكن عندي وسوا له الدور الثاني كلبيبه
ام بتال:والله وفيه الخير يوسف ولده ولا عنده بيت مغير على ذاالاجارات خله يرتاح ويجي عند ابوه اللي في عازته
ام راشد:مابه خلاف بس انتي تعرفين مرة يوسف شرانيه لاشافت بناتي قالت ياشر اشتر
ام بتال:اذا الدور الثاني لها مالها عازه بدوركم وبناتش البيت بيت ابوهن مالحد حكي
ام مشاري:ودتس ان يوسف الله يصلحه خذا من بنات عمه الا ياخذ ذاالحظريه
ريما اللتي حظرت بصحن الفاكهه:بس يايمه هذي مرة عم حسون حظريه وتهبللللل
ام راشد:صدقتي بعدين هو مايعدهن الا مثل خواته حتى ابوه الله يحله ويبيحه قاله اخذ من بنات عمك عيا
ام بتال :اييييييييه ايام الله يحله ويبيحه راشد باع بيته وحله وحلاله وخلا يوسف لابيت ولا سبيت
ام راشد:اذكري الله بيت عمه بيته والحكومه ماتقصر كم سنه الا ويطلع له بيت حكومه يغنيه من البعيد والقريب
ام مشاري تغير مجرى الحديث:ام راشد اخبار اخوتس بشريني عنه هو وامريته
ام راشد:رضا فدييييت قلبه وقلب عواله اشتقت لهم
ام مشاري:الله يردهم من ديار الغربه لديارهم
ام راشد:يارب
&&&& &&&& &&&& &&&&
ملتفات حولها كباقه من الزهور بالوان مختلفه رائعه كروعتهن يتهامسن تاره وتاره اخرى تتعالى اصواتهن
--------:اسمعن يابناتي موب لاجات اختكن تفزن تناطحنها مثل الثيران
ههههههههههههههههههههههههههههه
تعالت اصواتهن بالضحك
منيره:يمه العن ام التشبيهات الملافظ سعد ياام هدوي
ام هادي:سعد والا حمد لاتقومن لها ياويلكن اذا جات سابنها احسن
هيفا:خير يمه اختي غايبه تسع شهور نسابيها انا من الحين باقولكم النطحه الاولى اختصاصي حسب لون ثوبها بعد اذا احمر ولدتها عليكم اليوم
حسنا:هههههااااايييي شوفي اجل اذا ماولدت لي انا النطحه الثانيه
منيره:هها خبل انتي وياها هذي عيره والله مايولدها كود ربها
لتفاجا بكاس الماء على وجهها وملابسها
منيره بشهقه:اه يمه ليش
ام هادي:تنضلين بنيتي واسكت قومي لابارك الله فيتس ولا في مترك اللي جابتس اليوم
منيره:بالعكس اذا ماجابني كان مارشيتيني بالما وطفيتي عويناتي لا تتنضلكم
عليا سارحه بافكارها ولم يفت ذلك هيفا اللتي ارسلت لها رساله على جهازها لتتبعها الى المطبخ
هيفا:اخيرا شرفتي ساعه انطرج؟
عليا:وش اسوي بامي الا تخليني اقهوي خواتج الدلوعات محد اعرس الا انتن حتى ماتصب الوحده لعمرها الفنجال
هيفا:تعالي ابيج اقعدي هني مشيره لها بالكرسي المجاور لها على طاولة الطعام المتوسطه المطبخ
عليا:امري يابنت وهبي
هيفا:مايامر عليج عدو قوليلي وش سبب طلاقج
*مفاجاه من العيار الثقيل لم تستعد لمواجهة هيفا لانها الوحيده اللتي تكشف اوراقها بسهوله وتعرف مايجول بنفسها
عليا:رجال طلقني اساله ليش طلقت؟
هيفا:معاج حق سؤالي غبي بصيغه بطريقه ثانيه
ليش تتصرفين وكان الامر عادي ولا يعنيج موانتي تبينه وعارضتي الكل حتى امج واخوي هادي اللي محد يثني كلمته وقلتي بنفسج وبكل جراه ابيه ولد عمتي وابيه
*عليا صعقت من السؤال تريد ان ترد ماء وجهها الذي سلبها اياه بوقاحته
ماذا اقول انني اعلم بالمكيده المحبكه من قبل الخائن الذي اراد ان يثبت للجميع انني اعشقه وبالاخير يستولي على من احتلت قلب اخيه لانانيته الغبيه
عليا:ولا شي بكيت اول ماسمعت الخبر وخلاص
هيفا:اسمعيني عدل انا ماني حسنا اللي تصدقج بل كلمه كانج ملاك منزل---ولا منيره اللي لاهيه بمتركها واهله---ولا معالي اللي مسافره ولا يهمها الا حمالها ونفسها ولاني خلود اللي كانها جاهل مع انها مخلصه الثانويه وقدها عجوز
ردي علي على قد سؤالي انتي تدرين من قبل لا يقولج هادي؟
*كيف علمتي هل تضربين الودع ام هي حاستك السادسه اللتي اكرهها ام هو ذكاؤك الخارق الذي ميزك عنا كلنا
عليا:اي عندي خبر وقبل ماتعطيني احكامج الغبيه انا دريت من دلول رجلها قايل لها
هيفا:لااااااا وانا بصدق ومن متى تركي يبلغ دلال والا يشركها بقراراتهم
والا من متى علاقتج بدلال زينه لاتنسين ان سارا اللي هي كبرج انتي وياها علاقتكم اقل اقل من عاديه
عليا:هذا اللي صار مومصدقه اسالي دلال
هيفا :وهذا اللي بيصير باقوم ادق عليها
*ايتها الخبيثه عرفتي كيف تستدرجيني بالحديث لتصلي لمبتغاكي لكن لم هذه الصفه اللتي تتميزين بها لا تنفع مع طلال لم لاتكتفين باظهار مواهبك الفذه امامه ام هو اشد حنكه وذكاء منكي
عليا:لاتتصلين باقولج اللي صار ياعبقرينو
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك