رواية عندما تضئ الشموع بيد الحزن -31
الجزء الستون
شد على الأوراق بيده بكل قهر الي يشوفه ما هو محصل له تفسير يريح باله مبلغ مثل كذا وين بيروح و لمنو تنفس بتعب [ وش نأوي تسوي فيني يا مشعل ] نزل نظارته و طوى الورقه بجيبه و هو يسمع الباب
أبو مشعل أدخل
ياسر طالع عمرك الأجتماع جاهز
أبو مشعل زين خذ أوراق حسابات البنك تأكد منها
ياسر أبشر
أبو مشعل و بعد الأجتماع أتصل في مدير البنك و حوله لي
ياسر صار طال عمرك.......
*******************
فتحت عيونها ببطء و هي تتذكر كل كلمه مرت عليها في مكالمة الأمس
سلطان بعد ما أنفتح الخط أسمعيني للأخير مرام و لو حبيتي تقفلين الخط بعدها و تقولين سلطان كذاب ما ألومك صحيح أنا أكثر وأحد قريب لمشعل و يمكن أعرف السبب الي خلاه يسوي كذا بس الله يشهد في سماه أني مدري عنه ألحين شئ و من وقت أختفى ما دق عليه
مرام بتردد طيب وين يكون ماحن قلبه على أمي والله قاعده تموت
سلطان قولي لا أله إلا الله وش هالكلام مشعل ما هو جاهل بيرجع لكم يوم و تعرفون منه
مرام لا شعورياَ بكت و بأن بصوتها بس يرجع و نشوفه ما نبي نعرف منه شئ
سلطان حس بصيحتها و عوره قلبه افى تصيحين يا مرام هذا و أنا أقول الكبيره العاقله....سلطان لما ما ردت كمل قومي غسلي و صلي لك ركعتين و أدعيله ربي يهديه و يرجعه بالسلامة مشعل بخير أقدر أحلف لك أنه بخير بس هو محتاج يجلس مع نفسه يراجع حياته أخوك بيرجع بس بعد ما يملك جرأة يخبر أريج بفعلته و يبررها ....
حطة يدها على قلبها و تتمتم [ تجرأتي يا مرام بس يا ترى شو الي يبرره لأريج ليش رفض يقول لي ]......
****************
كان باين فيها التعب لدرجة أنها ما طلعت لهم الصاله ظلت بسريرها وهم الي دخلوا عندها
فجر بضحكه من بدري تدلعت عليك البنت
أريج ضأمنه أنها بنت الأخت
فجر يس أحساس فجر ما يخيب
أريج الله يهنيئك يا أم الأحساس
ريم بغمزه لاه وبعد مكالمات أخر الليل صاير الأحساس مفرط
أريج ضحكة من قبلها أي أشوف أنا بعد الرقه و الهدوء
فجر صدق قليلات خاتمه الي يسمعكم يقول مره كانت دفشه
أريج بنظره لاه صدق منتي فجر الأولى متغيرة ياأختي أرفعي رأسك أشوف أنتِ فجر و إلا لا ؟
ريم هههههههههههه قويه
فجر بتهديد بس خلك تولدين أنتِ و هـ البطن الي تقول بكرة بتولدين
أريج طالعت فيها و عضة شفايفها صدق أحسها أكبر من المعقول
ريم لا يكون حامل بأثنين .؟
أريج فضلت تبتسم و هي ساكته حست بنغزه و غصة بدمعه ممكن تنزل في أي لحظة..........
*******************
تنفس بعمق و هو يدخل عليه المكتب أكيد بيظن أن معه خبر عن ولده لكن بعد ما كلم مرام أمس حس بالتقصير معه مهما يكون هو رجال كبير بالعمر على الأقل يحس أن فيه حد جنبه
أبو مشعل أول ما شافه وقف مبتسم هلا والله بولدي
سلطان حياك عمي طمني وش أخبارك عساك بخير ؟
أبو مشعل بزفرة الحمد لله على كل شئ
سلطان أي والله الحمد لله على كل حال أعذرني يا عمي لي فتره مقصر معك لكن الدوام صاير ملخبط علي وقتي مره ما عندي وقت فاضي
أبو مشعل مسموح يا يبه
سلطان بشرني عسى مشعل دق عليكم شئ ؟
أبو مشعل لا و الله ما دق لو يبي دق من زمان لكنه هايت ما يندرى وين
سلطان الله يعين بس لو نعرف هو وين ؟
أبو مشعل طلع من جيبه ورقة البنك و مدها لسلطان و لو أعرف وش قصة هـ المبلغ و ليش فاتح له حساب لوحده ؟
سلطان فتح عيونه على الأخير و هو يقراء و ما عرف وش يقول ما سألت زوجته ؟
أبو مشعل اليوم الصبح الي عرفت عنه و كلمت مدير البنك يقول هذا الحساب مفتوح من ثلاث شهور و طالب مشعل عليه تحويل خارج المملكه
سلطان تحويل وين ؟
أبو مشعل ألمانيا
سلطان تنفس براحه لاه الظاهر فاتحه مصاريف لعلاج زوجته
أبو مشعل طالع فيه بغرابه أي علاج ؟.......
جلسة معهم على الغداء تتأمل بصمت و يدها على خدها
أبو آريج بعد ما أنتبه لشرودها هدى
أم أريج أيه هلا
أبو أريج وش تفكرين فيه الأكل برد
أم أريج أريج من أمس و أنا أفكر فيها البنت وجهها تعبان مره أنا قلبي ما هو مرتاح البنت فيها شئ
أم عبد الله بس هي حامل و هذا أول حمل يعني أكيد بتتعب
أم أريج يا خالتي أول حمل ما قلت شئ بس أنتِ لو تشوفينها معاد تتحرك من السرير ماهي أول مره أنا أشوف بكر تحمل
أبو أريج بس هي وضعها غير يا هدى لا تنسين أكيد بيتعبها الحمل أكثر من غيرها
أم أريج بخوف مدري البنت ما هي عاجبتني
أبو أريج ما تروح الدكتوره هي ؟
أم أريج إلا تروح
أبو أريج زين ليش ما تروحين معها
أم أريج و هي تخليني كل ما قلت لها قالت هو موعد عادي
أم عبد الله و أنتِ مخليتها على راحتها
أم أريج غصب عني يا خالتي ما أقدر أزعلها
أم عبد الله لا حول و لا قوة إلا بالله هـ البنت بتروح من يدينا بعنادها....
****************
بتعب غصبة نفسها تجلس على الكرسي و تطلع له الصاله برغم أنه حاول فيها تبقى مكانها و هو الي يجيها لكنها أصرت على رأيها
أبو مشعل الله يهديك يا أريج لو جلستي بمكانك و جيت عندك أنا مثل أبوك تستحين مني ؟
أريج بخجل لا عمي و الله أنا أبي أطلع من جو الغرفه خلاص من الصبح و أنا ممدده فيها و اسأل البنات
ريم بضحكه صح يبه خلها تتحرك ترحم السرير شوي
أبو مشعل و أنتِ من متى هنا ؟
ريم من الصبح بس
أريج من زمان ما جأتني أصلا
أبو مشعل بزفرة و الله مقصرين يا يبه بس أعذرينى خالتك خلتني أمشي و أنا أكلم نفسي
أريج تنهدت و طالعت الأرض الله يعين و يريح قلبها
أبو مشعل و هو يطالع لريم و فجر تخلونا بناتي شوي
فجر و هي توقف أكيد عمي خذوا راحتكم
أبو مشعل بعد ما تأكد أنهم بعدوا و ما عاد يسمعوه تكلم بمكر يحاول يسحب شئ من أريج أريج يبه اليوم طلبت من البنك كشوفات حساب لمشعل
أريج بأندفاع و قدرت تعرف هو وين ؟
أبو مشعل لا يا يبه بس لقيت له حساب مقفل و المبلغ الي فيه مره كبير أريج يمكن هو محتفظ فيه
أبو مشعل عليه تحويل لـ ألمانيا أنا شكيت فيه يومه راح بالعيد أكيد عنده شئ هناك أنا بكره بشوف لي حجز لـ ألمانيا أكيد مسوي له مصيبه هناك
أريج أبتسمت بحب لاه يا عمي لا تظلمه مشعل لما سافر بالعيد كان عشاني هو حجز لي عند دكتور هناك بس أنا حملت و ما قدرنا نروح.......
*********************
دخلت الغرفه و هي وراها أبتسمت لها و هي ماسكه الباب
مرام تفضلي خالتي حياك
أم مها تسلمين يمه....وبهمس أمك نائمه ؟
مرام بزفره لا يا خالتي بس هي معاد تقوم من الفراش
أم مها تمتمت بلا حول و لا قوة إلا بالله ومشت ناحية الشباك فتحت عنه الستائر قومي يا حصه شوفي الشمس خلي النور يدخل عيونك
أم مشعل و هي على وضعها ما تغير نور عيني مشعل جيبوه لي أشوفه قبل أموت
أم مها أذكري الله يا أختي الله يطول لنا بعمرك و تشوفينه
أم مشعل وينه بس وينه يريح قلبي
أم مها قومي معي أطلعي برى هـ الغرفه خلي الشغالات يرتبونها
أم مشعل خليني ما فيه أتحرك
لكن آم مها قربت منها و سندتها تقوم معها بالغصب مرام
مرام هلا خالتي
أم مها خلي الشغاله تجي ترتب الغرفه و تفتح الشبابيك و أنتِ هاتي لأمك شئ تأكله في البلكونه
مرام تقدمتها بأنصياع أن شاء الله خالتي.......
****************
على حدود الفراغ واقف يتأمل الموج تحته يبلل أطراف أصابعه و يرجع بخوف يبتعد عنه يهاب لمسته تنفس بعمق يحاول يدخل أكبر كمية من الهواء لصدره الي بداء يحس أنه يضيق عليه رغم وساعة الدنيا من حوله و سيل من الأسئلة تخترق كيانه محتاجها هي و بس فكر بأبتعاده بينساها لكنه زاد تعلق فيها محتاج يحط رأسه على صدرها و يحكي يفرغ يشكي محتاج لجلها هي و بس تنزل دموعه بدون ما يحبسها مجرد أنه يغمض عيونه لحظة بدون طيف أريج معه يحسسه بالوحده بالأختناق بسواد الدنيا في وجهه [ أقسم أني أموت بسبب حبك يا أريج ].....
********************
بخطى متردده دخلت عليه الغرفه و نزلت عيونها للأرض بسبب أحساس أخترق قلبها أمس خانته خانت تربيته و ثقته فيها ما تدري ليش خطواتها قادتها له
أبو مشعل أبتسم أول ما شافها هلا يبه راحت خالتك ؟
مرام لا جالسه مع أمي
أبو مشعل و كيف عساها قدرت أمك تأكل شئ
مرام أي يبه أكلت شوي
أبو مشعل الحمد لله
مرام يبه أمي ما بترتاح لين يرجع مشعل
أبو مشعل أخوك سود وجهي يا مرام و إلا هذي سوات عاقل بس أنا الغلطان ما عرفت أربيه
مرام حست بلؤم لا يبه أنت ما قصرت معنى ربيتنا أحسن تربيه و مشعل بيرجع يوم بأذن الله
أبو مشعل ربيتكم على الفلوس و الدلع و نسيت أحملكم مسئولية أنفسكم و تصرفاتكم
مرام الله يهديه لو بس يتصل يريحنا أنه بخير
أبو مشعل زفر بضيق من اليوم أنا بتغير معكم و مشعل بس خليه يرجع لي تصرف ثاني معه
مرام زين ما عرفت عنه أي شئ
أبو مشعل لا يا يبه ماله أثر أبد.......
*********************
ساعتين مرت عليها و هي على حالها حاضنه المخده و تبكي شعور الفقد متعب و اليوم بالذات تحس أن فيه شئ كبير جاثم على صدرها و مضايقها فيها رغبه لصياح لصراخ المهم تتخلص منه مدت يدها لبطنها و هي تعض شفايفها يا ترى بيرجع مشعل قبل تولد و إلا لا ؟ تتمنى تملك جرأه تتصل في سلطان تريح بالها لسؤال واحد من البنت الي في حياة مشعل و علاقته فيها ؟ معقول يحبها و عمي رفض يزوجه منها ؟ و إلا له فيها علاقه أكبر...تنهدت بزفره حارقه [ يارب ريح قلبي على مشعل يارب ].....
*********************
الجزء الحادي و الستون
على طرف السرير ضام رجوله لصدره و بيده كأس يبدو أنه فارغ من وقت طويل و شريط حياته موقف على زاويه من الذاكره تعاد بكل دقة تفصيل [ على حدود الذاكرة ]
مشعل بغضب شو معنى هـ الكلام ؟
ساره ببرود أنا أبي عيال
مشعل و هو يرص على أسنانه قلت لك مليون مره لا تفكرين تنجبين و هذا شرطي عليك
ساره بكل وقاحه و فكرت يعني أني بسمع كلامك طول المده الي راحت و أنا أوهمك أني أخذ موانع
مشعل قرب منها بغضب و أنفاسه ثأيره تمأديتي تراك كثير أحذرك
ساره ليش عشان أبي وأحد من حقوقي أني أصير أم
مشعل كتف يدينه و زفر حقوق الي مثلك و لا تفكر أصلا بكلمت حقوق تبين عيال و مني هاااه ؟
ساره كنت غبيه لما وافقت على شرطك و إلا فيه وحده يحصل لها تجيب حفيد لعبد الله مشاري الـ......و ترفض بكون مجنونه لو ما أنجبت
مشعل بصراخ عشان الفلوس هاااه بس بقولك نقطه ناسيتها حضرتك أنا ما يشرفني تكونين أم عيالي
ساره بدون أي مبالأه ما هو لما تقدر تنجب عيال أنت أول
بلحظة غضب مد يده بكف زلزل كيانها و مشى بطريقه يهز رأسه مصدوم و كلامها و صراخها يتسلل لأذنه [ أنا ما خليت مستشفى إلا و فحصة يقولوا سليمه يعني تتوقع شو السبب إلا أنك وأحد عقيم و شرطك يأكد لي ما تقدر تتزوج في النور عشان محد يحرجك و يسألك ليش ما عندك عيال ]
و أعتلى صمت المكان صوت تحطم الكأس و صرخة ألم تنزف جرحين بوقت وأحد......
*********************
دقت رقمها و رفعت الخط تنتظرها ترد و بخاطرها تتمنى تكون بأفضل حالاتها العقليه لجل ما تتعبها
أريج بمزحه قلت لو عندك أنتظار بدق على أبوي
فجر بأنفعال أعوذ بالله منك يأختي خلك في صفي لو لمره وحده بحياتك
أريج كم تدفعين ؟
فجر الي تبين ؟
أريج تروحي السوق
فجر بس من عيوني
أريج يا حبك لسوق
فجر وش تبين يا أختي و عمري و كم تدفعين ؟
أريج هههههه كم أدفع و المهر وين ؟
فجر نوفر طلبات البيت
أريج زين أنا ما عندي وقت لرومنسيتكم هذي برسلك السواق و تعالي معه خذي فلوس و أشتري لي أغراض للبيبي
فجر بصراخ وااااااااااااو عرفتي شو جنسه
أريج بسم الله لا بتشترين لبنت و ولد و الي يجي حياه الله
فجر زين بكلم ريم تروح معي
أريج زين مريها بس لا تتأخرون.....
*****************
بالصاله كانت جالسه مع أبوها و أمها الي بالغصب طلعت من غرفتها لما سمعت صوت الرساله بجوالها فتحتها و بلعت ريقها بالغصب [ السلام عليكم شخباركم مرام ؟ طمنيني عن صحة الوالده عساها بخير ] و كأن القدر كان يكملها الصوره هذيك اللحظة لما سمعت أبوها
أبو مشعل أمس جأني سلطان المكتب
أم مشعل بأندفاع عرف شئ عن مشعل ؟
أبو مشعل لاه جأي يسأل عنه و يتطمئن لو عرفنا شئ
أم مشعل و من وين بنعرف يا حسرتي
أبو مشعل الرجال و نعم فيه ما قصر ما خلى مكان إلا و سأل فيه عنه و أمس خبرني بكل شئ يعرفه و الله أنه لخبط مخي و أشغل تفكيري بأفعال ولدك
مرام ليش يبه وشفيه ؟
أبو مشعل أخوك كأن حاجز لأريج عند دكتور في ألمانيا و مخلصين كل شئ حتى حجز الفندق
مرام بذهول و ليش ما راحوا ؟
أبومشعل بتفكير تقول أريج عشان حملت بطلوا
أم مشعل و أنت سألت أريج ؟
أبو مشعل أي أمس كنت عندها
أم مشعل البنت أكيد تعرف عن مشعل أشياء ما تبي تقولها لنا و إلا ليش ما تكلمت إلا بعد سلطان
أبو مشعل و الله لا تسأليني
مرام بخاطرها [ محد يعرف أصلا إلا هم الأثنين ]...........
*********************
بعد لف و دوران بالسوق يمين شمال رجعوا لها البيت و هم متأكدين أن و لا شئ بيدخل مزاجها
أريج بنظره قسم بربي لو مرسله السواق جأب لي أغراض أحلى
فجر بطنازه طيب أرسليه
أريج أجل بلبس عيالي هذي
ريم شو نسوي دام السوق فاضي و هذي بضاعته
أريج وين رحتوا أي سوق ؟
فجر الراشد بس
أريج أن ما خبرت عاليه تقول لماجد
فجر بدون إهتمام فدية الطاري بس وش تقوله
ريم بضحكه تأركه أسواق الخبر كلها و رايحه لسوق الشباب
فجر أعوذ بالله ما هو أنتِ معي شفتيني سويت شئ
أريج يعني لو ما كانت معك سويتي ؟
فجر بضحكه و الله لو يستاهل ليش لا
ريم ضربتها بخفه أن ما سرقة رقم ماجد من جوالك و غازلته
فجر حفرتي قبرك بيدك
أريج ههههههههههه قوموا بس بلا حركات مراهقات دخلوا الأغراض الغرفه و رتبوها كمان...........
**********************
شافته جالس لوحده و يطالع الفرغ قربت منه و حطت يدها على كتفه
أم أريج وين وصلت يا عبد الرحمن ؟
أبو أريج بتنهيده أنا ظلمت أريج بهـ الزواج يا هدى
أم أريج لا تقول هـ الكلام هذا نصيبها مكتوب لها
أبو أريج بس هي كانت رافضته وأنا الي أقنعتها
أم أريج حنا نبي مصلحتها وش عرفنا أن هذا بيصير لها
أبو أريج لا حول و لا قوة إلا بالله و الله أني أحس نفسي مربط ما أني قادر أسوي لها شئ
أم أريج بزفره سوات الله أحسن
أبو أريج بس لو تجي قدام عيني تريح بالي عليها
أم أريج ياليت ما بقى لها شئ كثير على الولاده و الله أني أنام و أنا حاطه يدي على قلبي
أبو أريج الله يلين رأسها
أم أريج عنيده بنتك
أبو أريج بمزحه طالعه على أمها
أم أريج أي بصدق أنا من عاشرت سنين.....
**********************
دخلت عنهم غرفتها و تمددت بالسرير بخاطرها كانت تضحك عليهم لأن الأغراض عجبتها لكنها أخذتهم طنازه غمضت عيونها تتخيل طيف البيبي و هو لأبس هـ الأغراض و قطع عليها صوت الجوال شافت الرقم و أبتسمت بلؤم
أريج هلا و الله
أم مشعل هلا بك يمه
أريج عورها قلبها على الكلمة فبلعت غصتها بالغصب بشريني يمه عسأك بخير
أم مشعل الحمد لله أنتِ طمنيئني عنك و عن الي في بطنك ؟
أريج كلنا بخير يمه و مشتاقين نشوفك
أم مشعل بحسره عسى عيني ما تنحرم شوفتكم و تفرحها بشوفة أبوه
أريج أن شاء الله و لا يحرمنا منك
أم مشعل بنبرة فرح رجعن ريم و فجر عسى جابن لك الأغراض الي تبينها ؟
أريج أيه ما قصروا
أم مشعل لبس العافيه أن شاء الله و كان بغيتي شئ دقي أي وقت لا تستحين
أريج ما تقصرون الله يطول لي بعمركم يا يمه و يريح قلبك على ضنأك
أم مشعل أمين يا رب يريحنا كلنا..........
********************
في المستشفى طلع و هو ضأم يده لصدره بعد ما خيطوها له و لفوها بالشاش مشى ناحية الحديقه و جلس على كرسي خشبي يطالع البحيرة و يفكر بحياته بصمت لما ضربة رجله كوره و ألتفت ناحيتها و أبتسم للملاك الي كانت تطالعه من مسافة قصيره أخذ الكوره و مدها لها [ الحوار مترجم ]
مشعل خذيها
أقتربت منه ببرأه و مدت يدها للكوره لكن مشعل رفعها و جلسها فوق رجوله شو أسمك يا بابا ؟
البنت لورين
مشعل الله أسمك حلو من سمأك به ؟
لورين ماما
مشعل طيب أنتِ ليش بالمستشفى
لورين تكلمت بفرح عشان ماما جأبت لنا بيبي صغير راح نسميه أرثر و اليوم أنا و بابا جينا نأخذهم البيت عنده غرفه حلوه مره
مشعل الله أسم حلو كمان
لورين و أنت ليش هنا كمان تأخذ بيبي ؟
مشعل ضحك من قلبه على برأتها لا عشان يدي فيها دم شوفي
لورين يعني ما عندك بيبي
مشعل بحب عندي بس لسى ما شفته
لورين ليش ما تحبه ؟
مشعل حس بطعنه بقلبه أريج ما بقى لها شئ و تولد و أنا وين لسى ما لقيت نفسي عشان أثبت لها حبي لا أحبه هو الماما حقته بس هو لسى ما طلع من بطن ماما عشان أشوفه..........
********************
في الغرفه تمددت على سريرها و صوته يملئ كيانها بحب و مشاعر فرح ما تنوصف
ماجد أيواه و وين رحتي فجورتي اليوم ؟
فجر بفرح رحة أشتريت أغراض لبيبي أروجه
ماجد ولد و إلا بنت
فجر لا الدبى خلتنى نشتري للجنسين تقول ما تبي تعرف خلوها مفاجئه
ماجد هو بيني و بينك كذا أحسن
فجر بأندفاع غير مدروس النتائج لاه لو أنا ما أستحمل كذا لأزم أعرف
ماجد ضحك من قلبه بس أنا ما أبيك تعرفين كيفي عيالي
فجر عضة شفايفها بحرج و هي تسب نفسها بسرها
ماجد بضحكه يا عيني على الي يستحون
فجر كانت تبي تهرب و بس أمي تبأني
ماجد بطلي كذب ما سمعتها
فجر لا هذا هي تأشر لي
ماجد ببرود هاتيها بسلم عليها فديتها من فتره عنها
فجر لا رد......
ماجد هههههههه بكره كمان قولي أمي تبأني
فجر بضحكه ما أحبك
ماجد أنفجر ضحك هذي حركتها معه ما تتركها كل لما يحرجها حتى أنا ما أحبك..........
****************
في المكتب رجع ظهره على الكرسي و أسترخاء و هو يفكر بعمق في الي سواه صح و إلا خطاء مهما كان قاسي لكنه مضطر يسوي كذا يمكن قدامه صار هذا هو الحل الوحيد ماراح يفكر بعواقبه الأن لأنه مستعد يتحمل كل التبعات بس تكون النتيجه مجديه معه و يرجع تنهد بتعب و جمع أوراقه الي راح يعطيها لها بكره و طلع من المكتب و ألتفت ناحيته متفاجئي
أبو مشعل أنت لسى ما رحة البيت يا ياسر
ياسر لا طال عمرك قلت يمكن تحتاج مني شئ
أبو مشعل لا يا يبه أنت خلصت شغلك خلاص روح بيتك
ياسر أن شاء الله طالع عمرك.......
**********************
في البلكونه كانت جالسه و جوال مشعل في يدها تتأمل المكان الي كان واقف فيه من فتره و يكلم سلطان كل الي فهمته من كلامهم هذاك الوقت أن فيه وحده في حياة مشعل غيرها [ أكيد سلطان يعرف من هي و وين ] بدون تردد فتحة الجوال و أنهالت عليها الرسائل الي كانت تتخطاها بدون تفكير لأن أغلبها خدمة موجود من جوالها لين شد أنتباهها رساله من رقم دولي بدون أسم [ بسببك خسرت كل شئ الحب الفلوس حتى الجنين أنت شبح ما راح تفارق حياتي أكرهك....ساره ] كل شئ كان محتاج يتنفس في أريج هذيك اللحظة و بأصابع منفعله طلعت رقم سلطان و ضغطة عليه
سلطان أول ما شاف الرقم بهت و قام من مكانه ركض لسيارة فتح الخط و بأندفاع أنت وينك هذي سوات عاقل بربك طيب على الأقل خبرني أنا وين بتروح و شو بتسوي لا يكون رحة لهذيك النذله قولي بسرعه وش سويت ؟
أريج ببرود أنا زوجة مشعل
سلطان عض لسانه بندم لأنه تسرع و بعد تنهيده أمريني بغيتي مني شئ
أريج أبي أعرف من تكون ساره ؟
سلطان تجمدت أطرافه و بصدمه من ساره ؟
أريج الي بحياة مشعل من تكون له و هي وين ؟
سلطان أنتِ تعرفين السالفه ؟
أريج بحده أنا ما دقيت عليك عشان تسألني أنت تعرف من هي ساره و أنا سمعت مشعل كم مره يكلمك و تتكلمون فيها في حياته وحده و الحين مرسله أنها تكرهه عشان الجنين يعني عشان حملي و كلام مدري شو
سلطان لاه هي مالها دخل فيك و أقسم لك بربي مشعل يقتلها لو بس فكرت تأذيك
أريج بأنفعال زين مشعل وين بفهم أنا و هذي من ؟
سلطان بتفكير قلتي أرسلت شئ صح كم الرقم أعطيني هو
أريج رقم دولي
سلطان وين ؟
أريج مفتاح فرنسا
سلطان شغل السياره و بدون تفكير بس مشعل هناك أنا رايح للمطار أحجز أم مشاري بعد أذنك لا تقولين لأحد شئ و أوعدك ما أرجع إلا و مشعل معي..........
***********************
الجزء الثاني و الستون
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك