رواية عودتني كل يوم اسمع انا صوتك -37
همك والعذاب ....
سالم:لمن هذا كله ...
مبارك وهو يضحك:لك ...
سالم:لا والله وأنا شو سويت بك ...علشان تكلمني جذي ....
مبارك:بس ابا أقهرك ...
سالم وهو يطالعه بنص عين :الله يسامحك يالخام ..مسكين هاليومين ما تنعطى ويه ....فيك ربشة الخطبة والعرس...
مبارك:أنا ....
سالم ما رد على مبارك ....
مبارك:سالم تراني أمزح عندك ...ابا أحرك المشاعر اللي في قلبك ...
سالم:أي مشاعر وأي خرابيط ....
مبارك:أباك تعزم
سالم وهو مستغرب:على شو ....
مبارك:على العرس ....
سالم:لا تحاول ....
مبارك:عزم وأنا أخوك علشان نسوي عرس جماعي لا صار ولا أستوى في العين ....
سالم:يا ريال لا حق على عوار الرأس ...
مبارك:بتخبرك .....أتوقع أنك راح تعرس أنت وسيف أخوي مع بعض ...حشى عمرك الحين 26 ,,بالله عليك متى راح تعرس ...
سالم:أعرس بمنو....
مبارك بجدية :عرس بليلى (الخدامة)
سالم:شوووووووووأنت أكيد مو صاحي ....
مبارك وهو يضحك:عرس بالعنود ...اللي تحبك ...
سالم:ما تحبني ....
مبارك:قسم بالله أنها تحبك ....تبيني أثبت لك هالشيء ...
سالم:لا ما يحتاي ....
فهاللحظة صاح تلفون سالم ....
سالم:ألووووو...
محمد:أهليين بالنسيب ...
سالم:مرحبا ملالالالايين بالمعرس ...
محمد:المرحب باجي ...
سالم:علومك شو النفسية ...
محمد:والله عالية ...
سالم:الحين شو قرار توا ....
محمد:أن شاء راح يكون عرس جماعي ...
سالم:أن شاء الله ...
محمد:هاه أنت ما شيء في خاطرة ...
سالم:مثل شنو
محمد:يأخي سالم عرس ....تنتظر شنو ....
سالم:أفففففففففف والله حاله تراكم طفر توبي ....
محمد:افاااا كل هذا علشانك ....باجر الكل راح يتزوج ويكون منشغل بحرمته وعياله ...وأنت بطران حتى الحين يالس على أحلامك الوردية,,,,
سالم:ما حد له خص فيني ...
مبارك وهو يصارخ علشان يسمعه محمد:أقنعه ....يا محمد .....
محمد:شفت الكل يبي مصلحتك .....
سالم:برايك ....
محمد:وين رايح
سالم:الا في الدار ...
محمد وفيه ضحكه:منو عندك
سالم:محد و اذا تسأل عن اليازية ما هي موجودة في بيت عمي ..
محمد وهو معصب:أوكيه مع السلامة ..
بالباجر من عقب المغرب .. ياهم محمد الكعبي وأبوه وأحمد الخييلي وأبوه .. و اتفقوا على كل شي .. و حددو انه العرس بيكون بعد شهر .. خص ان مبارك وأحمد مستعيلين واااااااااااااايد و هم جاهزين لكل شيء .....
في حجرة العنود ....
اليازية:يالله الحين أنا مو مصدجه أني راح أبعد عنج يالعنود.....
العنود وهي بتموت من الحزن:أه والله أنا مو مصدجة ....
فهاللحظة صاح تلفون العنود ....
العنود وهي أطالع الرقم ومصدومة ....
اليازية:شو فيج ...منووووو
العنود:هذا سالم شو يبي ....
النهـــــــــــــــــــــــــــــاية
اليازية:هاتي أشوف ...وتمت اليازية أطالع الرقم وهي مستغربة .....
العنود:شو يبي
اليازية:ما أدري ...
العنود:أوكية..... أكيد يبيج ....ردي عليه ...
اليازية وهي ترد على سالم :ألووووووو ...
سالم وهو مستغرب ليش ردت عليه اليازية:أهليين ....
اليازية:أهليين سالم .....
سالم:وين عنود
اليازية:ليش .....
سالم:عطيني إياها ...
اليازية:لحظة....
راحت اليازية ومدت التلفون للعنود ....وما كلمتها .....
العنود تمت مترددة ترد أو لا .....
العنود (ماقدرت انها تمنع قلبها و لا ترد) فردت عليه ..:ألووووووو....
سالم:مرحبا ملالالالالالالالالايين باللي زعلان مني ....
العنود:مرحبا سالم ....
سالم:أشحالج يا شمسة يا قلبي .....
العنود غمضت عيونها تمت تبكي ......
سالم:العنود ....اشحالج ...
العنود:بخير ....
سالم:ليش تجذبين على أنتي مو بخير ....
العنود:أنت أدرى بالحال ...
سالم:مأخذه في خاطرج علي ....
العنود:شوي ...
سالم:العنود ...
العنود:هاه ....
سالم:سامحيني يا قلبي ......وأدري أني غلطان في حقج .....و أطلبج بالسموحة ....وأباج تنزلين أنتي واليازية تحت الحين..
العنود وهي تمسح دموعها:أوكية ....
سالم:أولا خبريني سامحتيني ولا لا ....
العنود:اذا قلبك صافي ....راح أسامح ...
سالم:قلبي صافي ....يا قلبي ...
العنود:..........................
سالم:نزلي الحين ...
العنود:أن شاء الله ...
سكرت عنه ....
العنود ما هي مصدقة اللي تسمعه ....مصدومة ....وتمت تقول في خاطرها :يالله شو اللي غير سالم في لحظة ....والله أني ذبت لما سمعت صوته ونسيت اللي صار لي بسبته ...أحبه شو أسوي ......
اليازية وهي تضرب العنود على كتفها:حووووووه شو قالج ....
العنود :هاه ....
اليازية:شو يبي سالم
العنود:يباني أنزل تحت .....
اليازية:ليش .....
العنود:ما أدري
اليازية:قالج تعالي بروحج ...
العنود:لا قال تعالي أنتي واليازية ....
اليازية :خلينا ننزل عيل ....
راحن العنود واليازية تحت .....
توهن طالعات حصلن راشد توه ياي من برع .......
اليازية وهي تتكلم بشوي شوي :هذا ما يطلع من البيت مره ....حشى صاير شرات الحريم .....
راشد وهو يتبسم :مرحبا ملالالالالالايين بالعروس .....
اليازية بلا نفس :مرحبا راشد .....
راشد:أشحالج ....
اليازية:عايشين .....
طلعن في الحوش .....وراحن صوب الدروازة وحصلن سالم موقف سيارته الرنج و يتريا هن ......
سالم وهو ينزل من السيارة ويروح صوبهن :مرحبا ملالالالالالالالالالايين .....
العنود:مرحبا سالم ...
سالم وهو أيطالع العنود و كأنه يشوفها أول مره :أشحالج العنود
العنود:بخير يسرك الحال .....
اليازية:سالم شو تبينا ....
سالم وهو يلتفت صوب اليازية :هااا أباكن ترحن وتلبسن عبايا الحين ....وأنا راح أترياكن ....لا تتأخرن ...
العنود وهي مستغربة :ليش ....
سالم:بعدين راح تعرفين
اليازية وهي تسحب العنود من أيدها :خلينا نروح بسرعة ............
راحن العنود واليازية فوق .....
العنود لبست عباه وشيلة وحطت كريم وتكحلت وسوت لمعة خفيفة ....واليازية لبست عباه من عند العنود وحطت كريم وتكحلت وتعطرن ونزلن تحت وحصلن سالم يالس في السيارة ينتظرهن .......
ركبت اليازية من قدام ....والعنود في السيت اللي وراء سالم ......
اليازية:تأخرنا ...
سالم وهو يطالع العنود من المنظرة:لا والله ......
العنود:سالم ...
سالم:عونه ...
العنود:وين رايحين .....
سالم:مفأجاة حقج ....
اليازية:وأنا ليش رايحه عيل ...
سالم:حرام عليج ...أنتي السبير مال العنود وما نقدر نخليج بروحج ....
العنود تمت تضحك من الخاطر على سالم .....
اليازية:أوكيه نزلني ...مبا أروح عندك ...
سالم ما التفت صوب اليازية ....وتم يطالع العنود وهي تضحك وتم يقول في خاطرة :عني أفداء هالضحكة عسى ....صدج أني معقد يوم كنت ما التفت صوبج يالعنود ....يالله عساك توفقني وأقدر أسعد هالانسانة اللي عذبتها سنين......
اليازية وهي أطالع سالم :حووووووه سالم أنا أرمسك الحين
سالم:شو ....
اليازية:أباك تنزلني البيت ....
سالم :افاااااا وين البيت ...تراني أنا مسوي لج بعد مفأجاة ..
اليازية:عيل راح نصبر ونشوف هالمفأجاة .....
العنود:سالم ....
سالم:عيون سالم لج ....
اليازية:يا ويل حالي أنا على الغزل اللي صار فجأة ....أشفيك سالم فيك حمى ...(وراحت وحطت أيدها على رأسها تلمسه مسخن أو لا )
سالم:وخري عني اليازية ....عنود شو تبين
العنود:أباك تشغل المسجل .....
سالم:تأمرين أمر كم العنود عندنا ...
اليازية أفترت صوب العنود وتمت تضحك ....
والعنود مو مصدقه أن سالم اللي يالسه قدامها هو نفسه سالم اللي من كم من أسبوع....سبحان اللي يغير وما تغير ...
شغل سالم المسجل وحط أغنية ميحد حمد (طير الحمامي ).....
راحوا صوب فندق روتانا .....
راح سالم وقف سيارته في الموقف ....
اليازية :يالله شو راح نسوي هني ...
سالم:نزلن ....
العنود:ليش رايحين الفندق ...
سالم:لا حول ولا قوة الا بالله ...الحين راح تعرفن .....
نزلن العنود واليازية وراحن وراء سالم ودخلن الفندق ........
وراحوا للمطعم صوب قسم العوايل اللي ما كان فيه حد ....كان المكان شبة فاضي ...
اليازية واللي حاطه أيدها على صدرها :بسم الله ليش مسكرين الليتات .....تراني أنا ما أشوف واااايد .....
سالم:اليازية شوي شوي ....تراج فضحتينا .....
اليازية:أنزين ....
العنود:سالم ...خلهم يشغلون الليتات يوم الحين مشغلين بس الشموع ...تراني أنا ما أحب الظلمة واااايد ....
سالم وهو يقول في خاطره:يالله ...هذيلا راح تخربن المفأجاة ..... حد يسوي لهن مفأجاة ...
راحوا و يلسوا في طاوله مرتبة بالورد الاحمر الطبيعي وفيها شموع أحمر ....
اليازية وهي تيلس عدال سالم:يا سلالالالالالالالالالالالالالالام جو رمانسي .....
العنود وهي فرحانة :الله هذا أحلى يوم في حياتي ....
سالم:صدج ..
العنود وفيها ضحكه :هيه .....
سالم:الله يجعل أيامج كلها سعيدة يا عمري
اليازية تم أطالع في العنود وتضحك ....وتقول في خاطرها :يالله يا سالم مستوي اليوم رومانسي ....الله يستر من اللي ياي...
وشوي حاطوا موسيقى رومانسيه .....
اليازية:عنود والله أني أتخيل عمري في باريس ...بسبت هالاجواء ........
العنود تمت تضحك على اليازية ...
وبعد فترة طلبوا كلهم عصير كوكتيل ....
سالم:العنود...
العنود:هاه ...
سالم:تدرين أني من هذيك السالفة وأنا ما أنام زين ....والله أني متلوم فيج ...وأدرى أني غلطان والحين أقول لج سامحيني على كل شيء سويته لج .....وأن شاء الله راح أعوضج عن كل اللي فات ...
العنود ما تكلمت .....
اليازية تمت عايشه في الجو ...ومن كثر ما هي عايشه في الجو تمت تبكي ,,,,,
سالم وهو يفتر صوب اليازية:اليازية شو فيج
اليازية وهي تمسح دموعها:هاه ....ما فيني شيء بس فرحانة للعنود ....
العنود من شافت اليازية تبكي تمت تصيح عندها ...
سالم:والعنود ....أنتي ليش تصيحين ....
العنود:ما أدري .....
سالم:أستغفر الله ....الحين أنا ماني يايبكن علشان تصحن أباكن تستأنسن ...
فهاللحظة اليازية تم أطالع الريال اللي مقبل عليهن ....وكان يسير صوب كرسي العنود ..العنود ما كانت تشوفه و أستحت أنها تلتفت وراها وتمت أطالع في اليازية اللي من ملامحها أنها مستغربة....
يا الريال وكان يسحب عربة كبيرة فيها كيكة كبيرة .....من ثلاث طوابق ....شكلها كان وااااايد حلو ويشهي ...
الطابق الثالث واللي تحت كان فيه شكل بنت بروحها وشكلها يكسر الخاطر... ومكتوب في الكيك ((الله لا يجيب الزعــــل بيني وبينك)) ... وكان يقصد شكل العنود يوم زعلانة على سالم ...واللي مكتوب كأنه سالم يرد عليها ب الله لا يجيب الزعــــل بيني وبينك..
والطابق الثاني بنت وولد ماسكين أيدين بعض ومكتوب فيها ...((تضحك الدنيا بعيني لا رضيت)) ........
البنت والولد هم سالم والعنود ...وكأن سالم يقول للعنود تضحك الدنيا بعيني لا رضيت....
في الطابق الاول
كان شكله وااااايد حلو وفيها ريال و حرمة ...ويلبسون خواتم ....ومكتوب فيها
(((((العنود أحبج ...تتزوجيني .....))))...
العنود من شافت الكيكة تخبلت ومن زود الفرحة تمت تبكي ....واليازية من مثل العنود تمت تصيح من الفرحة مو مصدقة أن سالم يبي يتزوج العنود .....
سالم كان بيطير من الفرحة وفي نفس الوقت خايف من رد العنود.......
سالم:هاه العنود حلوة المفأجاة ...
العنود واللي تمسح دموعها:فوووووق ما تتصور ....أحلى مفأجاة وهديه تلقيتها في حياتي ...مشكور يا سالم ...
سالم :العنود ...
العنود:شو
سالم بصوت كله دفئ :أحـــــــــــــــــــــــــبـــــــــــــــــــــ ـــج
العنود وهي منزله رأسها :حتى أنا أحبك ........
سالم:هاه شو قلتي ...اذا خطبتج راح تتزوجيني أو لا .....
العنود تمت تضحك ....
سالم:شو يعني هالضحكة
العنود:اللي في خاطرك ...أنت شو تفكر الحين ....
سالم:أنا ...أفكر ...أنج أن شاء الله راح توافقين ...
العنود:خلاص أنا موافقة .......
راح سالم وطلع من مخباه خاتم فيه قطع ألماس بلون الاحمر ....
سالم وهو بيطير من الفرحة :أندوج يالعنود ...هذي هدية بسيطة .....
العنود خذت الخاتم من عند سالم ولبسته .....
العنود:مشكور حبيبي ...
اليازية وهي مبوزة :وأنا مالي هدية ...
سالم:افاااااا ما يصير لازم تكون لج هديه ....وطلع من مخباه خاتم الماس وايد حلو وخفيف لليازية ....
اليازية:مشكور يا سالم والله يوفقك عسى ......
وتموا الكل مستانسين على هالسهرة ......
الساعة 9ونص وبعد ما تعشوا ...
سالم:هاه روحنا ..
اليازية وهي مبوزة:توى الناس ...خلنا نيلس بعد شوي
سالم:بعدها ما خلصت المفأجاة ...
العنود:صدج ....
سالم:ايوه...
العنود:عيل قومي ياليازية ....لا تفوتنا علينا المفأجاة الثانية....
اليازية وهي تقوم من الكرسي :بسم الله ....
راحوا صوب السيارة ....
اليازية:حووووه ....نسيت
سالم واللي يفتر صوبها:نسيتي شنو....
اليازية وفيها ضحكه:الكيكه ما راح نأخذها عندنا البيت ....
سالم وهو يضحك :الله بستر ....تحركي حبيبتي ....
اليازية:ليش ما نأخذها عندنا ...
سالم:فضيحة ...ما فينا عليها ....أكلتي قطعة بسج ....
العنود:خليها .....اليازية ...
راكبوا السيارة ....
وطول الطريق كان سالم مطول للمسجل على الاخر (ومو مصدق أن العنود خلاص رضت عليه ...واذا خطبها راح تتزوجه...)
فهاللحظة صاح تلفون اليازية ...
اليازية وهي أطالع الرقم :هذي السوسة ....قلبها مخبرها أن نحن مو في البيت ......طالعين ....
العنود:سبحان الله ...سلامة تحس بكل شيء .....
اليازية وهي ترد على التلفون:ألووووووو
سلامة وهي تتكلم بسرعة :أهليين اليازية ....وين أنتنراحن أنا وسارة صوبكن بس ما حصلنكن ....وينكن
اليازية وهي تضحك:بسم الله تكلمي شوي شوي ....علشان أفهم عليج
سلامة:لا والله ...وين أنتن الحين ...
اليازية:طالعين ...شو تبين
سلامة وهي مستغربة:وين في بيتنا ...
اليازية:لا ....طالعين برع معزومين .....
سلامة وهي تصارخ:شووووووووووو....من عازمكن يعله الموت عسى .....
اليازية:ايه لا تدعين على سالم أخوي ...
سلامة:رايحات عند سالم ....لا هذا الكلام مش طبيعي ....وتفتر صوب سارة .....سارة لمسي رأسي أحس أنه فيه حرارة يتني من الصدمة ...
اليازية تمت بتموووت من الضحك .....
وسكرت سلامة في ويه اليازية....
اليازية:مصدومة الحبيبة .....
وبعد 5 دقايق ...صاح تلفون سالم ....
سالم : أكيد هذي سلامة ......
سالم وهو يطالع الرقم :ما قالت لكن ....أعرفها راح تفتح لي محاضرة الحين ....
سالم وهو يرد:ألووووووو ...
سلامة:أهليين سالم وين أنت
سالم:الا في الدار ...
سلامة:صدج طلعت أنت واليازية والعنود ....
سالم:هيه .
سلامة:يا سلام ليش ما خبرتني .....حرام ابا أروح عندكم ...
سالم:أن شاء الله في المرة الياية ...
سلامة:ما عليه سالم ...ما راح تنفعك اليازية ...ولا لأنها راح تتزوج بخويك تغير لها الجو اليوم .....
سالم نقع من الضحك على أفكار سلامة ...
سلامة بغرور:أوكيه ...مع السلامة أنا الغلطانة اللي اتصلت عليك ....
وسكرت في ويه ....
سالم:لا اله الا الله والله.... ما أدري عنها ....
اليازية:أصلا عندها سارة ....
راحوا صوب المبزرة.....وتموا على سوالف وضحك .....حتى الساعة 11 فالليل ...وبعدين رجعوا البيت ....
((كأن سحابة الحزن والكآبة اللي كانت فوقهم راحت عنهم.... وأمطرت عليهم السحاب بأجمل الأمطار محملة بالغرام و الرضى والحب والوئام))
أول ما وصلوا البيت حصلوا مبارك وسلامة يالسين في الخيمة ....
سالم:السلام عليكم ...
سلامة ما ردت على السلام ...
مبارك:وعليكم السلام .....من وين ياين
سالم:الا نتحوط ....
اليازية: صراحة ...أحلى عزيمة شافتها في حياتي اليوم ...
قامت سلامة عنهم وهي مبوزة ......
سالم:سلامي .....تعالي ...
سلامة ما ردت على سالم وراحت صوب البيت يونها زعلانة .....
اليازية:أنا بروح أخذ شاور ....باي ...وراحت عنهم .....
مبارك:سالم ...وين راحتوا
سالم:راحن صوب فندق روتانا ....وبعدين المبزرة ...
مبارك وهو مستغرب:شو ....ليش رايحين فندق روتانا و المبزرة
سالم وهو بيموت من الفرحة :تدري اليوم أني أسعد انسان في الكون ...
مبارك:ليش
سالم:تراضيت أنا والعنود....
مبارك وهو فرحان:أحلف ....
سالم:والله العظيم ...
راح مبارك تم يحضن سالم ويبارك له .....
سالم:على شو تبارك لي ....
مبارك:بكل شيء ...الحمد لله يوم رد لك عقلك يا اخوي .....
سالم تم يضحك على مبارك ...
مبارك:نش
سالم:على وين
مبارك:بروح نخبر أمايه أنك راح تتزوج العنود....
سالم:مره وحدة أبي أتزوج .حرام عليك يا ريال ....
مبارك:عيل ليش ترضيتوا ...
سالم:تراها هي زعلانة مني ....
مبارك وهو مصدوم :اهااا يعني بس رضى ....
سالم وهو يضرب مبارك على كتفه :أمزح عندك أن شاء باجر بروح أخطبها ....
راح مبارك وحضن سالم مرة ثانية واللي يبي يشاركه فرحته ....
مبارك:نش اليوم السهرة عند الشباب صباحيه .....
سالم:حرام عليك باجر عليه دوام ...
مبارك: لا .... لك أجازة ....من عندي باجر ....
سالم:ظنك....
مبارك:هيه ...أنت اليوم إمبراطور الميلس .....
سالم تم يضحك على مبارك وأسلوبه الخطير....
وراحوا عند الشباب وتموا سهرانين حتى صلاة الصبح وبعدين كل واحد منهم راح يصلي ويرقد....
بالباجر العصر في حجرة سارة...
سلامة:أمس كنت راح أمووووت من القهر على اليازية والعنود اللي راحوا وما خبروني ...وتدرين بيني و بينج استحيت ألوم بسالم ..
سارة:أصلا حتى لو قالوا لج ...أنا كنت عندج ...يعني راح تروحين وتخليني بروحي .....
سلامة:شو... والله اذا قالوا لي..... بروح عندهم وأنت بألف داهية .....
سارة وهي أطالع سلامة بنص عين:وأهون عليج يالخامة
سلامة:أوكية .....غيري الموضوع ...
سارة:يا سلام على كيفج أنا أمشي ...مبا..... ما راح أغير الموضوع ....
سلامة ما ردت على سارة وتمت تعابل المسجل .....
سارة:تدرين ....
سلامة وهي تقلب في الشرايط :شو .....
سارة:العرس تحدد...
سلامة:شووووووووو متى
سارة : راح يكون أول الشهر الياي...
سلامة واللي حاطة أيدها على ثمها :الله بستر .....
سارة وهي مستغربة:شو فيج
سلامة واللي حاطه أيدها على صدرها :الناس بيقولون ما تقدر تصبر منهم... وعرسهم عقب شهر ....وهي حتى الحين تي صوبهم....يا ويل حالي ...أمايه ما تدرى عني بس لو تدري راح تذبحني ....نشي
سارة:على وين
سلامة: فضيحة .........بروح البيت
سارة وفيها ضحكه:على راحتج ....
نزلن تحت ويوم قدها سلامة بتفتح باب الصالة علشان تطلع ...سبقها أحمد وفتحه و اللي كان ياي من برع...أحمد من شاف سلامة أنصدم ...
أحمد وهو يطالع سلامة وفي عيونه فرحه :مرحبا مليار ...بحبيه هذا (وتم يأشر على قلبه) .....
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك