رواية هدمت حياتي بيديك وجاي تقول ندمت -60
اماني لبست مشعل بجامه وحاولت تنومه بس مانام
تركته يلعب وراحت اخذت دش وطلعت ولبست قميص ازرق
وخلت شعرها مفتوح وراحت لصاله
عادل من شافها وقف وقرب لها
اماني:عادل اعقل ولدك صاحي
عادل قرب لها لين لصقت بالجدار:انا شذنبي اذا كل شي فيك يثير الرجوله
اماني نزلت راسها وهي مستحيه
عادل بخفه باس رقبتها وقرب بيبوس شفايفها
اماني ابعدت وهي تناظر مشعل:ولدك وراك
عادل عض شفته وهو منقهر:نوميه والاصرفيه انا مالي دخل ابيك
اماني بخجل:ان شاء الله وراحت فيه الغرفه وحجرته لين نام وطلعت لعادل
عادل:نام
اماني:اي
عادل ابتسم وهو يقوم لها:جاء دوري تنوميني
اماني بدلع:انت نوم نفسك وراحت الغرفه
عادل:اخ بس تبي تذبحني ذي ولحقها الغرفه
:::
:::
في السجن
تركي منسدح على سريره وحاط إيد على راسه وجالس يفكر كالعاده وطلال مسوي نفسه نايم وهوو بداخله أهااات من الحزن والقهر والألم وهو يحاول يغطيها بضحكه ومزحه بس كل ما جاء ينام تمر برأسه الف فكره وفكره ويضغط على نفسه لايضعف قدام تركي اللي همه مكفيه
العسكري:طلال ال ....
طلال:نعم
العسكري :عندك زياره
طلال:أنت متأكد انه أناا أكيد فيه غلط
العسكري:إلا أنت تعال اخلص علي
تركي وهو مبتسم لطلال :رووح يارب تكون زياره خير
طلال رد الإبتسامه:يارب لي ولك
راااح طلال وظل تركي بأفكاره اللي لاتودي ولاتجيب
:::
:::
ببببريطانياا
جوود:ياااربيه هالبحث زهقني لي أسبوع وأنا أكتب فيه
غروور:اووف حتى أنا بس هانت باقي لي شوي وأخلصه
هدى :أناخلصته أمس الحمدلله
مها:وأنا
لياان:أنا خلصته من قبل أمس
غروور وهي مطيره عيونها ع لياان:جوود جود
جوود وهي تكتب :هاااه
غرور:طقيني ع راسي علشان أصدق
جود ماصدقت خبر وتضربها ع راسها
غرور وهي تحك راسها: اححح وجع ماصدقت
ليان :أحسن علشان تصدقين من أول اني مخلصته
غرور:لالا أكيد صاير بالدنيا شي
ليان:أقول لايكثر يالكسلانه وكملي بحثك أنا بروح المطبخ أشوف وش نسوي عشاء
مهاا :تكفين ليوونه مشتهيه مكرونه بالبشاميل
جود:لالا بيتزا
غروور:وأنا مشتهيه كبسه
هدى :الله والله من زمان عن كبسه مامي
ليان :لابالله أنتي وياها لاأكون منال العالم وأنا مادري ساندودشات وأحمدوا ربكم
البنااات :ههههههههههههههه
غرور:لامن جد بنات خلوناا نقوم نسوي لنا عشاء سنع
ليان :أحلفي بس انك تعرفين تطبخين وأصدق
هدى :أنا أعرف أطبخ بس ساعدوني
مها :يلا أجل تراني جوعاااانه
غرور :يلاا
جود :وبحثك
غرور:أصلا ماباقي فيه شي بأخلصه بعد العشاء
جود :أوك أجل روحوا وأنا بأكمل بحثي
ليان وهي ترفع كموم بجامتهاا :يلاا تراا تحمست
واتجهوا البنات للمطبخ وظلت جود تكمل بحثهاا
بعد دقايق رن تليفون الشقه
جود:الووو
..... : ..............
جوود:الوووو الوو نعم
ولا من مجيب
لياان بصووت عالي :جوودووه من اللي دق
جوود :ماا ....
وقبل تكمل كلمتها طووط طوط
لياان:هااه منهوو
جوود برضو بصوت عالي علشان تسمعها ليان اللي بالمطبخ :مادري مايرد يوم صرختي سكره بوجهي شكله خاف من سمع صوتك وجلست تكمل بحثهاا ومتحمسه ووجهها بالورقه وماتدري إلا بالملعقه الخشب ع راسهاا
جود :احح
ليان:خاف هااه اصلا خاف من سمع صوتك أنتي مارد مسكين شكله انصقه
البنات :هههههههه
:::
:::
بشقه لين ومتعب
لين:متعووبي
متعب:ياروح متعوبك أنتي
لين بخجل:تسلملي امم وش رايك نروح نسوي سونار علشان نعرف جنس الجنين
متعب وهو يحوس بجواله:ليه مو لازم اللي يجي من الله حياه الله
لين عصبت من برود متعب:أنا داريه بس علشان أعرف وش أشتري للمولود
متعب:أهاا أوك خلاص براحتك
لين :يعني مو رايح معي
متعب :مادري يمكن يكون عندي شغل
لين بعصبيه:اوووف بس من الشغل
متعب :ليونتي وش فيك أنتي كل ماقلت لك عن شغلي عصبتي
لين:لامافيني شي بس خلاص بشوف مرام اذا تقدر تروح معاي
متعب:اوكي
:::
:::
نرجع للسجن
بعد دقايق من خروج طلال للزائر رجع وملامح وجهه متغيره وانسدح ع سريره
تركي استغرب وضعه بس ماحب يسأله خاف يحرجه أو شي
طلال وهو يناظر السقف :تدري من زارني
تركي بإهتمام :مين؟؟؟
طلال:أخوو اللي أناا قاتله
تركي تفاجأ ونزل من سريره وهو يطالع طلال بإستغراب اللي كان بالسرير الأعلى وهو يقول بنفسه "معقوله طلول قاتل"
تركي بعد فتره :وش تقوول أنت
طلال نزلت منه دمعه بإبتسامه:إيه أكيد تفاجأت علشان كذا ماكان ودي أقول لك قضيتي ماكان ودي أقول لك إني قاااتل إيه أناا قااتل وقام يصرخ طلال ودمعته توالت بعدهاا الدمعاات
تركي وهو مو عارف وش يقول ولا وش يسوي:خلاص ياخوك لاتقول لي شي بس تكفى لاتسوي بنفسك كذاا خلاص وكل أزمه ربك يحلهاا
طلال نزل من سريره بعد مامسح دموعه وهدأ شوي :أنا اسف بس دموعي خانتني والله غصب عني
تركي وهو يحط ايده ع كتف طلال :لاوش دعوى طلول أنا ياما نزلت دموعي قدامك وأنت تواسيني
طلال بإبتسامه:الظاهر جاء دوري
تركي رد الإبتسامه وجلس ع الأرض وسند راسه ع الجدار وجاء طلال وجلس جنبه
بعد صمت
طلال :تدري إني متزوج
تركي ناظر بطلال بتفاجأ
طلال بخفه دمه المعهوده :هههه شكله يوم المفاجأت العالمي لتروك
تركي:من جدك طلول
طلال :ولا عندي ولد بعد
تركي :ترا مو فاضي لمقالبك طلال
طلال:لاوالله أتكلم جد تركي أنا متزوج من ثلاث سنين قبل ما أدخل السجن بسنه يعني يوم انسجن ولدي عمره سبعه شهور والحين عمره سنتين وسبعه شهور
ونزلت دمعته بالغصب
تركي :يعني من جد قضيتك قتل
طلاال بعبرره :والله ظلم والله
تركي:يعني مسجون بالظلم
طلال:إيه
تركي :طيب ليه ماحطوا أهلك لك محامي يمكن ينكشف ظلمك
طلال وينزل عيونه بالأرض :أنا مالي أهل
تركي وعلامات التعجب والشفقه ع حال صديقه :كييف
طلال :أنا وحيد امي وأبوي وهم متوفين وعماني وخوالي يوم اعرفوا اني بالسجن وبقضيه قتل كلهم تبروا مني وقالوا مانعرفه علشان ماتخرب سمعتهم
تركي:طيب وزوجتك
طلال بغصه:تووفت من سنه ونص
تركي :وولدك وين
طلال:عند خواله
تركي:طيب هم ليه مايحطون لك محامي دامك ابو ولد بنتهم
طلال:لأنهم يبونها من الله اصلا
تركي :شلووون
طلال :تركي تكفى راسي عورني فيني نوم معليش أكمل لك سالفتي بعدين
تركي:عادي طلول روح ارتاح
طلع طلال لسريره وهو يحاول يمسك دموعه لاتطلع اكثر قدام تركي
تركي بنفسه"مسكين ياطلال كل هذا فيك ومتحمل صدق من شاف مصيبه غيره تهون مصيبته يارب فرج عليناا وارحمنا ياارب "
:::
:::
بيت ابو ضاري
عند ضاري بالصاله يناظر Tv على مباراه ريال مدريد وبرشلونه وتذكر رائد وهم كانوا يناظرون المباراه
رائد بتيشيرت برشلونه:أقول مناك بس مناك برشلونه وبس
ضاري بتيشيرت ريال مدريد:وإذا فاز ريال مدريد ترا بتعشيني
رائد:هذا إذا فاز أصلا مافيه أمل
وطبعا فاز ريال مدريد وسحب رائد على ضاري ولا عشاه وصار يوم كئيب على رائد المنهزم فريقه
رجع ضاري لواقعه على قوول لبرشلونه ابتسم ضاري وقال بنفسه :أكيد فرحان الحين يارائد تعال وخلنا نناظر مع بعض والله لأعشيك بس ارجع من سفرتك هاذي اللي تحسبني صدقتهاا أنا سامعك وأنت تتألم ومكلم الزفته أسيل بس راح أخليها تندم على فعلتهاا والله لا أخليهاا تخاف من اسمك بس يارائد بس صبرك ياخوك صبرك
نزلت مرام من فوق وراحت تفتح البااب لعبد المجيد اللي لابس برشلوني وجاي يقهر ضاري وقامت القيامه عاد عندهم
ضاري:ياشيخ روح بس والله الحكم غشاش
مجود:لامو غشاش ولاشي بس عشانك منهزم
ضاري:ومن قالك منهزم باقي شوط تراا
مجود :لالا برشلونه فايز فايز
مرام اللي جايه بصينيه العصير والفيشار :صح فايز فايز
مجود:تعيش مرومتي
ضاري :شف الخاينه وأنا من اليوم جالس ما أكلت إلا أظافري من القهر والحين يوم جاء وجه الشؤم جابت الفيشار صدق بنات أخر زمن
مجود وهو يرمي الخداديه ع ضاري:أنا وجه الشؤم ياوجه العنز
مررام :ههههههههههه
ضاري بقهر:إيه اضحكي أنتي وزوجك لي الله أنا ويعلي صوته ووينك بس ياا زوجتي وتدافعين عني
الكل:ههههههههههه
:::
:::
بببيت ابو عبدالمجيد
بشاير حاطه صور تركي قدامها وتناظرهم وتبكي ماتهنت معاه ودخل السجن"يارب افرج عنه يارب تعبت من بعده والله تعبت يارب رحمتك يارب"
قامت وطلعت راحت لغرفه هديل ودقت الباب
هديل:دش
بشاير دخلت
هديل بخوف:شفيك
بشاير جلست جنبها:ابي انام عندك مابي انام بغرفتي لانها تذكرني فيه
هديل:انا وغرفتي تحت امرك
بشاير ابتسمت وانسدحت:تتوقعين بيطلع
هديل انسدحت جنبها:اكيد مافي شي بعيد عن الله
بشاير:ان شاء الله انا املي بربي كبير
هديل:اقرب مثال عندك انا انجنيت عشان رائد وفقدت الامل وكلمنا اليوم وقال مسافر
بشاير:صح كلامك
:::
:::
نرجع لبيت ابو ضاري
بعد ما خلصت المباراه
ضاري وهو يضرب عبد المجيد على راسه : هاه وش قلت لك انا مو ريال مدريد هو اللي بيفوز
عبد المجيد: اااااااااه طيب خلاص حنا اسفين بس المره الجايه هو اللي راح يفوز
بعد هذا الكلمه اختفت لابتسامه من وجه ضاري لانها كانت كلمة رائد اذا انهزم برشلونه
عبد المجيد: شفيك ضاري
ضاري ببتسامه باهته: هاه ما فيني شي
عبد المجيد: شدعوه تخبي عني ولا مالي معزه
ضاري التفت وراه يشوف مرام بعيده ولالا ورجع سند راسه على الكنبه: تدري اني انا مو مصدق رائد بسالفه السفره ذي
عبد المجيد: ولا انا بس ليه
ضاري: لانه لو كان جد مسافر كان قال لي عشان اروح معه وبعدين كل اصحابي انا ورائد هنا في الرياض
شلون يقول مسافر معهم
عبد المجيد: يمكن ناس ما تعرفهم
ضاري: لا مستحيل انا ورائد نفس الاصحاب وبعدين انت ناسي ان اسيل دقت علي وعليك عشان تسمعنا صوته
وهو يتعذب الحقيره يعني رائد ما عرف يضبط الكذبه وكذبته مكشوفه
عبد المجيد: تصدق احسن بعد ولا تقول لاحد
ضاري بستغراب مع عصبيه: ليه وش تقول انت فرحان ان رائد مختفي
عبد المجيد: لا والله مو هذا قصدي قصدي انه هديل وفي خلاص كذا صاروا متطمنين عليه فهمتني
ضاري : ايه صح
وشوي وجت مرام
مرام: وش عندكم تسولفون بصوت واطي
ضاري: زوجتك ذي ملقوفه متى تسون العرس وتفكنا منها
عبد المجيد: انا لو علي الحين مو مشكله بس تعرف ظروف رائد ما اقدر
مرام: تدرون انا بطلع فوق احسن شكلي خربت حواركم اللي متحمسين له والله لو انه قضيه فلسطين
عبد المجيد وضاري: هههههههههههههههههههه
ضاري: وش جاب طاري فلسطين الحين
عبد المجيد: لا الاخت فاصله هههههههههههههههههه
مرام عصبت ولاردت عليهم وطلعت فوق
ضاري: عصبت ياحليلها بس
عبد المجيد: هههههههههه يلا ضاروي انا بروح
ضاري:بدري خلك معي شوي احس اني مخنوق والله
عبد المجيد: برجع بس بشوف فروحه واجي انا وياك بنروح مشوارنا
ضاري بستغراب : اي مشوار
عبد المجيد: اذا جيت قتلك يلا مع السلامه
ضاري: مع السلامه
وراح ضاري يوصل عبد المجيد لعند الباب
ودخل ضاري وطلع غرفته واخذ شآور وجلس يتقلب على السرير يفكر برائد
:::
:::
بببيت ابو تركي
ام تركي ساعدت ابو تركي عشان ينسدح ع السرير وطلعت تشوف منال حصلتها نايمه بالصاله وصوره بنتها فرح بحضنها قربت لبنتها
ام تركي:منال
منال قامت:هاه هلا يمه
ام تركي:قومي يمه لغرفتك
منال قامت وراحت لغرفتها
وام تركي راحت لغرفتها
ومنال طلعت صور عبدالمجيد كلها وصور بنتها جلست تناظرهم واخذت المقص وتقصص صور مجود ورمت بالارض وحطت راسها بمخدتها وهي تبكي:الله لايسامحكم
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك