رواية عندما تضئ الشموع بيد الحزن -7
الجزء الخامس عشر
في الكويت أرض العز و الأصالة و حضارة الخليج صحت من نومها متكاسله بعد مشوار كان شبه طويل بالسياره بدلت و جلسة على طرف السرير متردده تطلع بنت خالها ما هي موجوده و صعب تطلع ممكن يكون حد من الشباب فيه و تتفشل
دخلت بهدوء و حذر على بالها أنها نائمه عاليه صحيتي ؟
فجر من شوي أمي صحيت ؟
عاليه من زمان صحت تحت
فجر و ليش ما صحيتوني ؟
عاليه بضحكه الحبيب قال لا أحد يصحيها يا بعد جبدي تعبانه خلوها ترتاح
فجر يا شينك تطنزين أقول خذي لي طريق بشوف أمي
عاليه خذي شيله و تعالي ما في أحد الشباب نائمين ما يصحون قبل أذان الظهر إلا القلب بالجامعه أخذ صيفي يجي العصر
فجر أقولك أنتي و هـ العيون إلي تقول عيون نانسي على غفله طايحه فيني الحبيب و القلب منو هذولا ؟
عاليه هههههههههههه ما تغيرتي يا الدبه المسكين أخوي منو غيره ؟
فجر مسكين و هو مقابلي بنات الجامعه أربع و عشرين ساعه
عاليه غيره يا هوو يدرس عشان يتخرج و يتزوج و أفتك من غثاه
فجر ضربتها على كتفها تفتكين من عدوك يا الشينه
عاليه هههههههه أموت أنا بالحب يا ناس
فجر أخذة شيلتها و فتحت الباب أروح أقابل أمي أبرك منك...
(( عاليه بنت خال فجر و أريج و هي أخت ماجد طبعا عمرها 18 سنه حبوبه و دمها خفيف و هي البنت الوحيد بين أربعه أولاد فـ دائما تطلع عليها حركات صبيانيه تعجب فجر ))
*************
بالفندق كانوا في نقاش وين بيطلعون اليوم و شو بيكون برنامجهم و كل وحده متحمسه لمكان سمعت عنه و تبي تزوره
مرام بابي في عندهم ساحة البلازا مايور مكان خيالي
أبو مشعل وشو فيه هذا ؟
مرام كل شئ تتوقعه مقاهي مطاعم تماثيل ميدان عروض
ريم لا نبي نروح المتاحف أول مو بس نطلع نروح نجلس
أبو مشعل و وين متاحفهم ذي إلي تبينها ؟
ريم بابي عندهم فوق ألف متحف نختار واحد نروح له
أبو مشعل يا يبه ترى صدعتوبي إختارن مكان نطلع له
أم مشعل إنت معطيهم الشور خلنى نطلع نفطر و بعدين نمشي أي مكان يا كثر الناس قدامك
مرام اوووف أجل نأخذ منشورات من الفندق للأماكن السياحيه عندهم
ريم أفضل حل
أبو مشعل توكلنا على الله...
***************
في أطهر بقعه على وجه الأرض جلسة قدام الشباك المطل على الحرم بجناحهم في الفندق تتأمل منظر المعتمرين يطوفون حول الكعبه منظرهم مترابطين في دوائر وحده رغم إختلاف جنسياتهم و ألوانهم و أعمارهم يحسسها بالراحة النفسيه و رغبه في إنها تكون معهم تلامس أقدامها أرضية الحرم تنفسة بحمد ( الحمدلله أنا أفضل من غيري أقدر أجي الحرم و أعتمر متى ما بغيت في ناس عايشة بالمستشفيات تتمنى هـ اللحظة ياربي أحمدك على فضلك )
طلع من الغرفه يدور عليها ليش صاحيه بدري أمس عشان الزحمه خلاها تأخذ عمرتها الفجر الناس قليله و ما بتتعب و الأن من إحدى عشر و نص ما هي بالفراش
قرب منها مشعل من متى صاحية ؟
أريج نص ساعة ممكن
مشعل جدتي صحيت ؟
أريج لا لسى شكلها تعبانه من الطريق و العمره خل ترتاح
مشعل أفطرتي ؟
أريج الحمدلله
مشعل قرب بدون كلام و شالها من الكرسي و جلس مكانها و جلسها فوق رجوله وشو جالسة تطالعين ؟
أريج الناس
مشعل و هو يطالع منظرهم حلو
أريج كثير
مشعل تبين تنزلين ؟
أريج بعد شوي بيأذن الظهر و ننزل سوى
مشعل بس خذي شئ عن الشمس مره حر الأن
أريج طيب .. ليش ما تطلب لك فطور ؟
مشعل أنتي أطلبي لي أنا بروح أخذ شاور مره متكسر
أريج تعبانك أنا و جدتي أمس
مشعل جدتي إيه أنتي لا
أريج مستغربه ليش ؟
مشعل جدتي أقولها الطريق يمين تقولي يسار يا شيخه مع ذا الباب قالت لا الثاني عبالها الحرم يوم تجي مع جدي ما تغير مدري السهر ظرب فيوزات مخها
أريج ههههههههههههه حرام عليك ما هي متعوده تسهر
الظاهر هالضحكة هي الي بتجيب قلبك يا مشعل مدري عنها أسمعي تهليلها صحيت
أريج بإحراج نزلني طيب
مشعل لا
أريج هالحين تطلع و تشوفنا
مشعل ههههههه عادي
أريج من الإحراج كانت شوي و تبكي مشعل
مشعل طيب طيب خلاص من تقولين مشعل بهـ النبره ما أعرف أقول لا بس بلا دموع.....
****************
في الصالة مجتمعين و ضحكهم شاق المكان على أمهاتهم و سوالفهم عن أيام الطفولة و كيف كانت تختلف عن اليوم
عاليه يمه و طلعتي على نياتك عاد عبالك الكويت حي ثاني بتروحين له
أم ماجد و أنا شو عرفني زمان ما كانوا أهلنا يقولون لنا شئ و يوم أتزوج أبوك عمري 16 سنه أصغر منكم هـ الحين
عاليه هههههههههههه نفسي أشوف حرمه ما تصغر عمرها
أم أريج لا صدق أمك تزوجة صغيرة بس ما أظن 16 يمكن في عمر فجر 17 سنه
فجر زودي عليها كمان
عاليه مزاد من يزيد
أم ماجد هـ الحين الوحده تصك الثلاثين و هي لسى تتحجج بالدراسة و الوظيفه
أم أريج و أنتي الصادقه و بعدين تندب حضها و تقول عنسة
عاليه أسمعي بس يا فجر يعني المستقبل هو زواج وبس
فجر ما فيه يمين شمال ( و تقصد أسمعي باليمين و طلعي بالشمال و هذا إختصارها بينهم )
عاليه هههههههه أكيد
أم ماجد على شو تضحكين أنتي ؟
عاليه أبد طال عمرك
أم أريج ماهم معتبرات الي نقوله شئ لين يعنسن و يعرفن
فجر الله يذكرها بالخير البنت الي كانت تفكر إنها أول وحده بتعنس طلع نصيبها أول وحده
عاليه من ؟
فجر أريج الدبا
عاليه والله لها وحشه
فجر خلاص إنسيها هذي من تزوجة قطعتنا مرة وحده
أم أريج وشفيك على أختك أنتي الصبح داقه ما تقصر إلا أنتي ما تسألين عنها
فجر و كيف الحرم معها أخذة عمره ؟
أم أريج إيه أخذوا الفجر
أم ماجد الله يتقبل منهم و يسعدها...
راجعين من صلاة الظهر مع بعض بعد ما أدوا فرضهم في سكينه و خشوع الشمس كانت حاره بشكل ماينوصف لكن إبتغاء الأجر كان واضح في كل المصلين .. لبس نظارته الشمسيه و مشى جهة ما كانت جدته و أريج و الشغاله ينتظرونه لجل يطلعون الفندق وصوله ناحيتهم كان متزامن مع رنة جواله إلي أربكة كيانه ذيك اللحظة ( اللهم طولك يا روح )
مشعل أريج أطلعوا الفندق و أنا ألحقكم
أريج طيب
بعد ما أبتعدوا عنه و أختفوا بالزحمه تنفس بعمق و فتح الخط مشعل ما قلت لا أشوف رقمك ثاني
.... مشعل أسمعني قبل
مشعل وش عندك أسمع ؟
.... أول شو صوت الإزعاج الي عندك ما أسمعك زين ؟
مشعل مالك شغل بصوت الإعاج الي عندي قولي إلي تبين لقفل في وجهك
.... مشعل أنا حامل
مشعل بضيق و المطلوب ؟
.... أنت عارف أني أتزوجته بس عشان..تلعثمت و كملت... ما أبي أربط حياتي فيه بالأطفال
مشعل عشان شو عشان حب الطفوله و ولد الجيران مفتشله من نفسك تقولينها
.... بس أنا أحبك أنت
مشعل و أنا ما أحبك و كل الي سويته معك لجل المسكينه أمك بعد ما عاشت نص عمرها تربي فيك ما بغيتها تكتشف بنتها من وراها شو تهبب
.... بس أمي ماتت
مشعل و أنتي حيه خلي الي في بطنك يفتخر بأمه ما هو ينكس رأسه مفتشل منها و لإخر مره أقولك لا عاد تدقين علي و إلا والله ورب الحرم الي قدامي أول طيارة و قدام باب بيتك و أظن زوجك ما يعرف حبيبة الطفوله شو هو ماضيها
.
.
.
.
في الفندق دخلت أريج ورا جدتها إلي كانت تهلل و تستغفر أم عبدالله لا إله إلا الله وشو ذا الحر
أريج هذا جو مكه الأن .. و كملت كلامها ناني هاتي مويه من ثلاجة
أم عبدالله وين راح رجلك ؟
أريج هـ الحين يرجع جدتي
مشعل في هـ اللحظة دخل و بدون ما يوقف مشى جهة غرفة النوم أريج تعالي شوي
في الغرفه دخلت و سكرت الباب وراها أريج هلا
مشعل أطلبي غداء لكم
أريج و أنت ما تبى ؟
مشعل لا بنام
أريج طيب
مشعل بضيق ترى راح أدخن هنا سكري الباب زين إذا ما تبين الريحه
أريج يعني لثاني مره يجيه إتصال كذا يقلب له كيانه و يعصب و يسرف بالدخان يارب صبرك طيب
مشعل و هو يدخل في الفراش لو ما صحيت لصلاة العصر من نفسي لا تصحيني
أريج اوكيه.....
**************
في متحف إل برادو أشهر متحف على مستوى أوربا
كانوا يمشون بين اللوحات منبهرين بإبداع رساميها و النحاتين المنترشين في كل مكان يعرضون فنهم
أبو مشعل هـ اللوحات فن
ريم أي والله بابي ذكرتني بـ أريج
مرام وهو رسمها زي كذا عاد يا ماما هذي لعظماء الرسم مثل فيلاز كويز و إل غريكو
ريم وش تقل عنهم بدوا بخطوة لين صاروا عظماء على قولتك
أبو مشعل أريج لها لوحة بمكتبي جأتني فيها ثلاث ملايين و لا بعتها
ريم وااااااو و هي تدري ؟
أبو مشعل أي تدري بس ما تبى تنشر رسمها
مرام و من الي يبي يشتريها بـ السعر ذاا ؟
أبو مشعل واحد ماليزي
أم مشعل كان بعتها عليه
أبو مشعل حتى لو بعتها الفلوس لأريج لإنها تعبها
أم مشعل لو ما تكلمت وش عرفها بإن اللوحة جابة كذا
مرام صدق مامي تجارة مربحه لو نستفيد منها
أبو مشعل خلوا البنت في حالها ما تبي تنشر رسمها....
***************
تقلب في الفراش و هو يحس رأسه بينفجر من الصداع نومه كان مقطع و ما هو مريح ( افف شو هـ الصداع و القرف الظاهر الليله يبي لي تغيير جو رفعة ضغطي هـ الإنسانه ) طالع ساعته و قام غسل و صلى العصر الي كان متأخر عليه و فتح الباب بيطلع أول شئ سمعه كان ضحك أريج مع جدتها ( ما هو وقت ضحكك يا أريج الحين )
مشعل سلام
أم عبدالله و عليكم السلام وش هـ النوم الي حتى عن فرضك ؟
مشعل مصدع جدتي
أم عبدالله حتى لو تقوم تصلي و ترجع تكمل نومتك
أريج جدتي ما عليه الدين يسر خلاص صحى قبل تغيب الشمس و صلاه
أم عبدالله إيه حطيله حجج أنتي عاد
مشعل وش فيها أم عبدالله معصبه ؟
أم عبدالله وهي تقوم من مكانها ما فيني شئ
أريج وين رايحه جدتي ؟
أم عبدالله بتؤضاء لصلاة المغرب و أنتي لا تطولين عشان نلقى لنا مكان ما هو زي صلاة العصر جلستي فوق رأسه تراقبينه و تغطينه لين راح علينا الوقت
الله يسامحك يا جدتي ليش تقولين له كذا أريج بهدوء طيب جدتي تأمرين
معقول أريج سوت معي كذا بدون ما أحس فيها مشعل وشفيها جدتي ؟
أريج معصبه لإن عمي من سافر ما دق عليها أصب لك قهوة ؟
مشعل خلي عنك و أنزلي معها لا تعصب أكثر
أريج طيب أنت تبى شئ ؟
مشعل حبوب صداع
أريج فيه في الشنطه حقتي بس لا تأخذها إلا بعد ما تأكل
مشعل طيب على فكره بنزل جده بعد ما أصلي المغرب لا تنتظروني يمكن أتاخر
أريج من أولها بيطلع و يتأخر بعد و بحركة سريعه و عفويه قربت منه و بأسته على خده اوكيه خذ راحتك و أنتبه لنفسك
مشعل تجمد في مكانه كان بينطق يقول شئ لكنه حس بلسانه ثقيل و كل الكلام ما يسعفه ذيك اللحظة .. سرعان ما طلعت مع جدتها قبل يقولها حتى كلمة وحده و تركته بالجناح لوحده تنفس بعمق و رجع الغرفه يدور على الحبوب في شنطتها ملابسها-عطرها-أغراضها كل شئ فيها يربكه و يميزها بريئه هـ البنت بشكل ما ينوصف شد إنتباهه دفتر مخملي لونه وردي أخذه و فتحه على الصفحة الأولى و كان مكتوب
( كتاب الذكريات السابع
,, شئ من الذهول و عدم التصديق
,,, هل أتاقلم معه ؟ )
( الظاهر قصدها سابع كتاب يوميات تكتبه معقول بس عنوانه فيه من الغرابه شئ )
قلب مشعل بين الأوراق إلي كان عددها قليل و كان يقراء بشكل عشواي بين السطور وشدته صفحه لحد الذهول
( أنا مُيقنه تماما بأنه يبحث عن الحرية لذلك سعى جاهدا في طلبي لست محتاجه منكِ إخباري و لست أحتاج منه مصارحتي فـ أنا قارئه جيده للعيون إن كنتم لا تعلمون !! لن أطالبك بشئ إيه الرجل فلا تقلق بسببي كثيرا و عش حياتك كما تريد......)
مشعل حس الفندق كله يدور في رأسه ( شو تقصد بكلامها معقول سامعه شي و من مّن ؟ )
كان يقاوم رغبه في الغثيان قفل الدفتر و رجعه مكانه و سحب شريط الحبوب و حطه في جيبه و طلع يأكل له شئ قبل يأذن المغرب.....
************
في المطبخ مندمجات بصنع كيكة الأم البيت فاضي عليهم فحبوا يغيرون جوهم و يعملون كيك عاليه كانت مبسوطه إنها حصلة حد تسولف و تقضي وقتها معه و فجر أم الأفكار الشيطانية متأكده إن عملها هذا بيحبب أم ماجد فيها أكثر
عاليه نسويها بالكاكاو ؟
فجر ليش مو قلنا أناناس
عاليه ما فيه أناناس
فجر يالله طيب شوفي فهد يجيب لنا
عاليه لو تحجين يلعب سوني مع صديقه ما راح يروح
فجر و أنا أقول أبي أخو بس من شفة أخوانك بطلت حشى ما يسوون شئ
عاليه و إذا أحتجتيهم تنذلين عاد لين يسوون لك الي تبين
فجر طيب نسويها كاكاو و لا يأكلون
عاليه أعجبتها الفكره كفك يا جميل
.
.
دخل البيت بحذر ما في صوت في الصالة فنأدى عليهم ماجد يمه .. عاليه
عاليه هذا ماجد
فجر طيب روحي له لا يجي المطبخ
عاليه البساط عندها مفتوح وقفت على باب المطبخ و نأدت عليه هلا في المطبخ أنا
ماجد أجي ؟
عاليه إيه
فجر دخلت ورا الباب و كانت تأشر لها إنه لو دخل بتذبحها
ماجد ما كان يدري بوجود فجر شو عندك بالمطبخ ؟
عاليه أسوي كيك
ماجد وش المناسبه ؟
عاليه مشتهيته
ماجد زين وين أمي و عمتي مالهم صوت ؟
عاليه راحوا يزورون جارتنا الي ربت من تسع سنين
ماجد من تسع سنين و اليوم يرحون لها ؟
عاليه هي ربت أمس بعد تسع سنين عقم ؟
ماجد والله أنك منسمه قولي ربت بعد تسع سنين مو من تسع سنين
عاليه الي هو كذا
ماجد بعفويه زين فجوره وين ؟
عاليه من فجوره ؟
ماجد أبى أطلع غرفتي وين فجر لي طريق فهمتي ؟
عاليه اهااا والله أني مفهيه فجر صارت فجوره لا فجر ما هي فوق بس بتطلع تبى عبأتها أدخل غرفتك قبل و لا تطلع
ماجد و وين تبى مع هـ المغرب .؟
عاليه مشتهيه كيكة بالأناناس و تقول إلا بتروح تشتري أقولها أصبري واحد من الشباب يجيب لنا أناناس معنده
ماجد و هذا إلي ناقص بعد قوليلها ما عندنا بنات يطلعون تبي أناناس بروح أجيب لها و هي في مكانها
عاليه موافقه و جيب معك كمان عصير فراوله
ماجد زين بس نص الكيك لي
عاليه حق الأناناس طبعا مو حقي بالكاكاو
ماجد طبعا أبي أذوق طبخها كيف
عاليه تأمين مستقبل
ماجد و هي يمشي جهة الباب ههههههههه متى تعقلين ؟
عاليه كانت بترد لكن فجر سحبتها و دخلتها المطبخ و سكرت الباب بروح أشتري هااا
عاليه ههههههههههههههه خلينا نستفيد
فجر على حسابي ؟
عاليه يس
فجر أخذة كوب مويه و كبته على رأس عاليه و بدت بينهم حرب بين ضحك و لعب......
( ماجد خطيب فجر مثل ما عرفنا عمره 23 سنه أخر سنه بالجامعه كلية الحقوق يحب عمته هدى بشكل ما يتصور و هو الي طلب من أبوه يخطب له فجر طيب و حبوب لكنه يكره البنت الرجه و أمنيته فجر تعقل من هبالها الي أحيان يضحك عليه )
*********************
طالعت الساعة للمره العاشرة 02:45 صباحا و هو لسى ما رجع و لا أتصل حتى يطمنها من أول و هي تقاوم رغبتها في الإتصال فيه هي و عدت نفسها ما تتدخل في حياته هو يبي بينهم حواجز و لازم تحترمها و ما تخترقها لكن الخوف عليه بداء يسيطر عليها مدت يدها و مسكت الجوال بتتصل عليه و إلي يصير يصير أول ما حطة رقمه في الشاشة سمعت صوت الباب و بحركة سريعه رجعت الجوال مكانه و مثلة النوم
دخل بهدوء و رمى شماغه على الأريكة و بدل و دخل في الفراش أريج صارت تنام بنص السرير لجل تعطيه الراحة ينطوي بالفراش بكيفه بدون ما تتأذى هي من هواء المكيف البارد و هذا صار يعطيه المجال إنه يكون قريب منها أكثر تأملها و هي نائمه على ظهرها و يدها اليسار على صدرها و اليمين تمدها تحت الفراش بسلام نومتها ما تتغير ( بحكم إنها ما تقدر تنام على جنبها ) قرب منها و هو حاط يده على خده مكان بوستها العصر و مسك يدها اليمين و ضمها بين يدينه و بأسها و سحب مخدته لنص السرير جمبها و نام و هو ماسك يدها...
.
.
ليش يعاملني كذا ؟؟
له معي وجهين ياربي شو إلي فيهم الحقيقه ؟؟
الجزء السادس عشر
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك