رواية تعال اشمك واضمك ذبحني حيل بعادك -9
عمار وهو يتأمل أخته ونفس الشي كان في حالة سكر شديده والشيطان عايش فيهم
أثنينهم قرب منها بيعتدي عليها فحاول بالضرب من جهه وهي تضرب من جهه ماقدر فيها
فسحبها لغرفة بنتها وربطها جنب منال وآنهال عليها بالضرب وخنقها حتى لفظت آخر آنفاسها
وأسأل الله حسن الخاتمه لنا أجمعين
وبعد مرور فتره من الوقت بداء يرجع له وعيه وعرف آنه وقع في مصيبه كبيره فكان ماله
غير خيار واحد ولازم ينفذه بأسرع وقت
عبدالعزيز كان مداوم بالمستشفى وطفشان فجاء له المراسل وبلغه
آن هناك ظرف لماجد ولازم يستلمه إستغرب عبدالعزيز وهو يناظر الظرف
اخذه ووقع على استلامه وفي راسه فضول يفتحه ويقرى وش فيه خصوصا
انه مكتوب اسم المرسل عالظرف لكنه في الآخر ماحب يدخل وقرر انه اول مايجي
ماجد من شهر العسل بيسلم له الظرف
ماهر يومه ماكلمتك نجود
ام ماهر لايومه ماكلمتني باقي مالها يومين
ماهر مدري احس اني فاقدها
متعب سبحان الله تفقد أختك وماتفقد زوجتك واللي في بطنها
ماهر بعصبيه لاحظو عليه الكل شي مايخصك وهالادميه لوتكلمتو فيها مره ثانيه
بطلقها وأريحكم
فزت الأم من مكانها بخوف لاأعوذبالله ياأمك وش هالكلام وأشرت لعيالها يسكتون
ومتعب أخذ مفاتيح سيارته وخرج ومؤيد يلعب بالبلاستيشن
نرجع لمنال وآمها بداء خالها بتنفيذ الخطه{الغير مدروسه}عشان مااحد يحس لبس جونتياته
وسحب منال وأمها جابهم المطبخ وحط منال بجانب اسطوانة البوتاجاز وامها
بداية باب المطبخ وفتح الغاز وأشعل النار ولكن للأسف هنا لم ولن يستطيع الفرار
من رب العباد فقد كان أول من أحرق بهذه النار وهنا كانت النهايه لمنال ووالدتها وعمار
تجمعت الناس على البيت وهو يحترق والصراخ والمطافيء وأخرجت3 جثث من المنزل
ومانقول غي الله يرحمهم ويغفر لهم
نجود ماجد أبوس يدك ماأبغا أسافر
ماجد كيف يعني وشهر العسل
نجود حبيبي أن شاءالله ايامنا كلها عسل بس أجلها عشان خاطري
ماجد بعدم إقتناع مدري بس اللي يريحك انا حبيت أبسطك
قربت نجود منه وباسته طالما آنت معاي والله انا مبسوطه
فوض ماجد امره لله وكنسل السفريه واخذها راحوا على مكه للعمره
وعلى جده والمدينه3اسابيع ولا أحلى منها كانو بجد {كناري الحب}
اما سهى وأحمد طارو عالنمساء وكملو شهر وعليها من قوة الوناسه
اللي هم فيها
رجعوآ الكناري الثنائي لبيوتهم وكل وحده راحت لأهلها مشتاقين لهم حيل حيل
خاصة نجود كانت مشتاقه لأمها وآبوها وآخوانها وخواتها كانوآ عند أهلها وسوو لها عشاء كبير
وفي اليوم الثاني كان أبوماجد بعد مسوي حفله كبيره لأولآده وعازم عليها ناس كثير من أصحاب
وأقارب وكانوآ نجود وسهى كل وحده حايسه في نفسها ودها تطلع بطله حلووووه
نجود بعد ماجات من المشغل دورت ماجد ماحصلته وشافت اللاب توب مفتوح فجاء في بالها
تفتح آيميلها وأول مافتحته وماجد يدخل ويصفر بإعجاب على جوووده وهي راخيه راسها من الخجل
وخافت أنه يتهور ويخرب الكشخه هذي كلها فقررت تقوم بسرعه وتقفل ايميلها هنا دخل ماجد الشك
ماجد وش فيك قفلتيه
نجود عشانك جيت ياروحي
ماجد نجوووووووووووووووووووووووود
نجود ترمش عيونها من قوة صرخته وهو يناديها لبيه
ماجد آفتحي ايميلك
نجود بعناد عشان شك فيها ماني فاتحته
ماجد يلوي ذراعها وهي تتألم موبكيفك آفتحيه
نجود ليش تشك فيني مابفتحه
ماجد نجود حد ربي ساتر عليك إفتحيه لأخلي الليله عزاك مو عشاك
نجود بفتحه بس بشرط لو طلع شكك مو في محله ترى مستحيل اسامحك
ماجد وماعاد يشوف شي قدامه عطاها نظره خلتها تفتح الإيميل بدون حرف زياده
سهى حموووددي بالله كيف
احمد وووربي قمر بتغطين على كل البنات ياعووومري كفايا أنك حرم أحمد بن .............
سهى بقهر من غروره أقول كش عليك
ضحك أحمد على حركتها يلا ياقلبي بروح أشوف ماجدبندخل الديوانيه مع بعض انتبهي لنفسك
وتحصني ياقلبي
سهى باابتسامه كلها حب طيب حبيبي الله يحفظك وباسته بخفه بتوحشني
أحمد خق عالحركه ياحبي لك وآنتي أكثر يلا باي ياعمري وخرج
وسهى كانت سرحانه فيه وهو خارج وتدعي ربي مايحرمها منه
طبعا زي ماقلنا احمد مع أهله ساكن وماجد في فيلا صغيره ملاصقه بالضبط
اول مافتحت نجود الإيميل جلس ماجد يفر إيميلها وهو حاس بالندم في داخله
وكل مااتصل احمد عطاه بزي لين طفش احمد طنشه وراح
نجود كانت تناظر الرساله اللي من منال تبي تقراها وسبقها ماجد وفتحها وهم الآثنين يقرونها
طبعــآ صدمة نجود كان لا مثيل لها في صديقة عمرها منال وهي تعترف آنها اللي آذتها في كل شي
صار معاها هنا نجود جلست على ركبها ومنهاره
وماجد ماكان مصدوم لأنه كان حاسس ان منال ورى هالأشياء فأول ماقرب من نجود بيواسيها
دفته لبعيد عنها وهي كارهه تشوف وجهه قدامها كانت آنثى مجروحه من زوجها اللي موقادر يثق
فيها ومن صاحبتها ورفيقة دربها اللي خانت العشره وباعتها كانت محتاجه أحد غير ماجد بس تبي
ترمي نفسها في حضن أي شخص تبي الأمان في هاللحظه تبي أحد يحس بالنار اللي فيها
ماجد كان مقدر اللي هي فيه ومو عارف وش يسوي حس بغلطته وعارف انها مستحيل انها تسمعه
الحين وتندم انه فتح ايميلها لأنه مو وقته ابد
ماجد نجود حبيبتي
نجود ناظرته بحقد آنت بالذات انت ومنال ماتعرفو شي اسمه حب وتقدير ماابي
اسمع منك شي آطلع من قدامي
ماجد اسمعيني
نجود حطت يدها على أذونها وسارت تصارررخ مــآآآآآآآآآآآآآبي اسمعك انت آخر آنسان
ممكن اسمعك وتصييح من قلبها اطلع من عندي الله لايسامحك لا انت ولامنال الله لايسامحكم
سهى تحاول تكلم نجود وجوالها مغلق فخافت تتأخر على المعازيم خصوصـآ نوف
كانت مسوية لهم زفه خطييييره وآضطرت تتصل على نوف وتقولها تروح تشوف نجود
نوف هلا سهى وينكم الناس كلهم جو
سهى نوفا نجود مغلق جوالها ماكلمتيها
نوف لآوالله بس الحين بروح بنفسي وأشوف
غلا آآآه يايومه تجيني كوابيس موطبيعيه
جدتها انتي بس تعوذي من الشيطان ياأمك وتوضي وصلي ركعتين قبل تنامين
غلا بخوف انا أسوي كذا دايم بس فيه حلم كابوس يخنقني له أسبووع
جدتها ماحاولت تجاري غلا عشان ماتوسوس أقول انتي مو ناويه تغديني
غلا آفا آلآ ناويه دقايق ويكون غداك عندك يادنيتي وحبت راسها وقامت
الجد ه في خاطرها الله يهدي سرك ويصلح زوجك ويهديه لك
نوف دخلت فلة ماجد بسرعه طبعاكان بينهم باب يوصلهم في بعض بدون
الخروج للشارع ودخلت نوف وجلست تنادي بصجه ورجه
ماجد نزل لنوف وغترته على كتفه وحالته حاله بس حاول يكابر عشان مااحد
يحس بشي هلا هلا بالمزعجه خيييييييييييير
نوف قبضها قلبها ماجد وش فيكم
ماجد وش فينا مافينا شي
نوف مدري ليش مالبست
ماجد يضحك مجامله والله الست نجود طردتني من الغرفه تقول تبي
تلبس بتاخذ راحتها وانا حايس هنا أبي احد يساعدني
نوف بشك اها زين تعال ياروح أختك أنا أزبطك وأكشخك
ماجد لو طلع شكلي حلو بقول لوآئل نوف زبطتني عشان يعجل بالزواج
البــآرت الثالث والثلاثون
ـــــــــــــــــــــــــــــــــــــــ
نوف خافت وآلتفتت لماجد وكانت بتطلع لها ومسكها ماجد
نوف ماجد نجود تصارخ وش فيها
ماجد موشغلك خليها الحين ترتاح شوي
نوف وش السالفه فكني بطلع لها
ماجد أسمعيني ابيك تروحين الحين العزيمه عادي وتمشون أموركم
ولو أحد سألك عنها قولي رآحت لأبوها تعبان فهمتي آعتذري سوي أي شي
نوف م...
ماجد قاطعها الله يخليك يانوف سوي اللي قلت لك عليه
نوف وماجد كاسر خاطرها وباين آن فيه شي كبير طيب ومشيت
وطلع ماجد عند نجود وهي تبكي بطريقه هيستريه مصدومه برفيقة دربها ومجروحه من ماجد
اللي مو رآضي يثق فيها رغم حبه لها
دخل عليها وجلس عند رجولها نجود وناظرها وهي مو راضيه تناظره أبد
خافت تكتشف مصيبه جديده وكان بيبوس يدها ودفته بعيد عنها
آنت ماتفهم قلت لك ماأبغا اشوفك وسارت تاخذ كل شي قدامها وتكسره
ومسك ماجد وحده من التحف وجرحته في يده ونجود ماإهتمت بهالشي طلعته
برآ الغرفه وقفلت على نفسها تشكي الامها لله سبحانه وتعالى
وماجد آضطر آنه يلف يده عالسريع ويروح للرجال عشان مااحد يحس بشي
نجود حست نفسها مخنوقه ماعاد هي قادره تركز وش صاير معاها وخافت تاخذ نفسها
وتروح بيت أهلها وهي توها عروسه وفي نفس الوقت ماتقدر على فراق ماجد مهما يسوي فيها
وفتحت الباب بتشوف اذا ماجد راح أو لا وبمجرد مافتحته حست نفسها مو قادره فراحت بسرعه
عالسرير ونامت بدون ماتحس
نوف رجعت البيت بسرعه وباين انها مخبوووصه وحاولت ماتبين شي
أم ماجد وينها نجود
نوف يومه رحت لها لقيت درجة حرارتها مرتفعه بالمره وابوها بعد تعبان يقولون
فاطمه يوووه ياقلبي عليها وليه ماقعدتي معها
نوف ماجد رفض وعطاها مسكن وبيرجع عندها شوي
أم ماجد الله يهداها من هاللبس اللي تلبسه شكلها خذت لها برد لكن خلو العزيمه تمشي
عادي سامعين
نوف وآن أحد سألني
فاطمه & أم ماجد عادي بنقول تعبانه والله يعينا
ماجد كان مو على بعضه أبد قلقان على نجود وندمان موقادر يتخلص من الشك اللي فيه
احمد وينك كم مره ادق وتقفل الخط بوجهي
ماجد كنت مشغول
احمد ترى كلنا عرسان ويغمز له
ماجد ماكان فاضي لاحمد خير شر قام وجلس جنب عمه عزوز
عبدالعزيز ماجد وش فيك مو على بعضك
ماجد بضيقه ولآ شي ياعمي
عزوز حس ماوده يضغط عليه سكت
عند آلحريم نزلت سهى على زفه والكل كان يناظرها وكان لها طلعه حلووه مررآ
نزلت سلمت عالحريم الموجودين وجلست عند أمها والكل كان منتظر نزول نجود
تفــآجأو ان ام ماجد تعتذر وتقول انها في المستشفى من المغرب تعبت وشابكين
لها محاليل عاد الناس استغربوآ وكل واحد فسرها على كيفه وآنتهت العزيمه
بعد رقص وهيصه وانبساط وكلن سرى بيته
لميا ولمى غريبه معقوله تكون تعبانه
نوف ايه انا رحت بنفسي شوفتها
لمى ولميا بنمرها اجل بكره العصر
يلا بنروح ازواجنا برآ تصبحون على خير وسلمو على اهلهم وكل وحده راحت
مع زوجها
نوره نوف بجلس عندكم الليله مره مشتاقة لك
نوف وهي مستحيه تقولها لا الله يحييك
وجلست نوره وفي بالها بتسوي شي يسبب مشكله بينهم خصوصا بعد ماعرفت
بوفاة منال قررت بنفسها حتخرب حياة ماجد ونجود وماتحتاج مساعده لأحد
رجع أحمد وسهى
سهى هلا قلبي نورت
أحمد وهويبوسها وحشتيني يادووبى ها انبسطتي
سهى آكيد ولو اني نزلت لوحدي بموت من الخوف
أحمد بااستغراب لوحدك ليه وين حرمة ماجد
سهى ماجات يقولون تعبانه مسكينه
آحمد وهو يفكر بوضع ماجد ومستغرب أها ماعلينا خليني فيك دحين وقرب منها
وقضوآ ليله حلوه مع بعض كلها رومــآنسيه وآنهوها ب.............. ونــآمو وهم حاضنين بعض
مـــــــــــــــــــــــــــــــــــــــــــــــــ ــــــــــآجد
رجع بيته وهو متضايق حيل بس قرر بينه وبين نفسه انه مابيتكلم معاها لين تهدى
وتكلمه هي بنفسها وآول مادخل الغرفه لقيها نايمه بوضع متعب جدآ وتأمل وجهها اللي فيه
آثار الماكياج والدموع والكحل سايل على خدودها من كثر الدموع كان وده يضمممها ويقولها آسف
سـآمحيني أوعدك ماعاد بزعلك بس ماقدر مرره ماقدر لأنه حس نجود كشت لما حست بقربه
وهو فعلا في الحقيقه نجود حست فيه من ريحة عطره اللي تعشقها بس ماتبغى تفتح عيونها
وتشوفه وكانت تدعي ربي آنه يروح ينام لانها حاسه برقبتها تألمها وبتعدل نومتها
ماجد قرر آنه يشيلها حتى لو صارخت عليه لما شالها ورفعها
نجود خافت انه بيسوي فيها شي بسر قررت ماتسبق الأحداث
أول ماعدل نومتها وشال الشعر عن وجهها ونومها زين ولبسها اللحاف وباسها على
جبينها بهدوء ونطق آسف ياحبي وتنهد تنهيده حس روحه بتطلع منه وراح يبدل ملابسه
هنا نجود ماقدرت تمسك دمعتها ليش طالما تحبني هالكثر تشك فيني ليش تعذبني كذا
أخاف نخسر بعض بسبب هالشك بس هالمره مااقدر أسامحك لين تتأدب أعذرني
بدل ماجد ملابسه وراح تمدد جنبها وهو يتأمل ظهرها قرب منها كان وده يبوس هالظهر ويحضنها
من ورى بس شال الفكره من راسه وتعوذ من الشيطان ونام من التعب
نوآل آهى آهى حسبي الله عليه ونعم الوكيل
آمهـآ يابنتي مافيها شي الرجاجيل يتزوجون على حريمهم
نوال لآيومه أنا مومقصره معاه في شي ليش يسوي فيني كذا
الأم خلاص هذا نصيبك ومصيرك لبيت زوجك
نوآل مستحيل أرجع له مستحيل ووتين وحاتم بيجلسون عندي مايقدر ياخذهم
آلا وأبو ماهر خلاص ياابوك تعوذي من أبليس وارتاحي وبعدين نتفاهم
نوال وهي مكسوره وتمسح دموعها كيف نجود مع الزواج ماكلمتها غير مرتين
آمها الله يوفقها ماعليها مبسوطه
نوال وآلأبو الله يسعدها دووم يارب ولآيغير عليها آلآ وش صار في موضوع ماهر وغلا
الأب والله مدري مااعرف وش فيه وش سبب المشكله بس انا كلمت غلا وقالت
هو تغير فجاءه عليها واناخايف لايكون رايح في دروب الحرام
نوال والأم لا لا ماهر اكبر من كذا بس امره غريب
مؤيد دخل وبرجه السلام عليكم وباس يد ابوه وامه كيف الحال
الكل بخير وانت كيفك
مؤيد الحمدلله ماعلي خلاف بس ودي ازور نجود
نوال هييييييييييي وين تزورها توها عروس
مؤيد والدمعه في عينه وحشتني ومررره فقدتها
الاب اصبر هي اكيد بتجينا يلا قومو حطو القهووه
وقامت نوال تجهز القهوه
صحيت نجود على صلاة الفجر وناظرت بماجد وكان باين عليه التعب وعشان ماتضعف
صدت عنه بسرعه وراحت اخذت لها دووش وبكيت كثير تحت الدووش وخرجت عشان ماتفوتها
الصلاه صلت الفجر ودعت ربها وكانت متردده كيف تصحيه للصلاه عشان ماتفوته بس صحي هو على
صوت المنبه أول ماانتبهت نجود انه فتح عيونه سوت نفسها مومنتبهه ونزلت شرشفها وشالته هو والسجاده
وحطتها بالدولاب وخرجت من الغرفه
أما ماجد حس انها تتجاهله وهالشي عووره في قلبه فقام بسرعه توضى ونزل المسجد وهو جاي
جاب فطوره معاه ودخل ينادي على نجود وحصلها عند التلفزيون وضاق خاطره انه حس البرود منها
ماجد جبت لك فطورماتعشيتي البارح
نجود شكرآ فطرت
ماجد وش فطرتي مافي غير توست
نجود خلاص قلت لك فطرت
ماجد ماحب يصر عليها براحتك انا بدخل انام واليوم الغدى عند اهلي لويسألونك وينك البارح
قولي كنت تعبانه وابوك تعب كمان
نجود نطت من مكانها وي الله أكبر عليك بسم الله على ابويه فيك ولافيه
حززز في خاطر ماجد هالدعوه هو ماكان قاصد يتفاول على ابوها مشكوره عمومآ انا صرفت
هالتصريفه
نجود وليه ماتقولهم الصدق
ماجد مارد عليها خرج من الغرفه
شالت نجود التووحفه اللي قدامها ورمتها عالسيراميك ورجع ماجد بسرعه
وكانت تبكي وجالسه على الارض وخاف انها تتعور
وووووووووووووو خلاص
تتوقعون وش سر تغير ماهر على غلا ؟؟
ونوره وكيف راح تأذي ماجد ونجود ؟؟
ولاتستبقو الأحداث هناك حدث مهم جدآ لم يكن في الحسبان
ترقبوني وكونو بالقرب مني............
البارت الرآبع والثلاثون
ـــــــــــــــــــــــــــــــــــــ
نجود بسرعه رفعت رآسها قبل لايقرب منها ماجد الله يرحم والديك ياماجد ماتقرب خطوه مني
ماجد بكل ألم ليش ماتبغيني اقرب منك
نجود قربك مني ودخولك بحياتي عذبني وتعبني وجرحني كثير
ماجد وكلام نجود سهام في صدره يعني ماإنتي سعيده معاي ولا انتي مرتاحه بغض النظر
عن مشكلتنا هذي
نجود تأشر برآسها بمعنى لا أقولك من دخلت حياتي ماعمري ارتحت فااخرج من عندي ابي ارتاح
ماجد تأثر كثير وناظرها بنظره تحكي لها عن قوة كلامها اللي هزه من الداخل ومارد خرج وهو موعارف
وش يسوي كان محتاج احد يقوله انت في كابوس مالقى غير انه ياخذ نفسه ويركب سيارته ويروح
عالبحر ويجلس لوحده وكانت بطارية جواله ضعيفه ونام عند البحر بدون مايحس
ونجود حاسه بقلق على ماجد بس قالت يمكن نزل عند أهله خصوصـآبعد ماعرفت ان كلامه له
جارح بس قالت خليه أحسن يستاهل بس لازم انزل عندهم عشان مايشكون ومنها بشوفه وحشني
حتى لو أنا زعلانه منه ووبدلت ملابسها وتأنتكت ولبست جلالها وراحت لبيت اهله
أبوماجد هلا هلا والله بمرة الغالي ونجود تبوسه على راسه ويده
نجود هلافيك عمي كيفك
أبوماجد أنا بخير آنتي اللي كيفك
نجود الحمدلله عمي
أبوماجد يلامشينا ندخل داخل هنيا الشمس ودخلو
وسلمت نجود على عمتها وفاطمه وعلى نوف وكانت نظرات نوف تتفحص نجود
أم ماجد هلابنيتي سلامتك وسلامة أبوك كيف اليوم
نجود بغصه الحمدلله عمتي والله ماكنت تعبانه ذاك الشي بس ماجد الله يهديه يقول خايف عليك
أم ماجد وفاطمه ههههههههههههههه ياحليله ماجد فريتي عقله خلاص الا هو وينه غريبه مانزل معاك
نجود قبضها قلبها هـآه ايه ايه راح يجيب أغراض وجاي تو ماطلع
أبو ماجد وين صلى الظهر ماشفته بالمسجد اليوم
نجود الله يهداه بالقوه صحي لي وفاتته وصلى باليت
أم نجود زين كلميه شوفي وينه عشان الغدى
نجود حست انهم انقذوها زين بروح اتصل من جوالي وقامت
نوف لا اتصلي من هنا
نجود توهقت زين وإتصلت وجواله مغلق خافت من قلب عليه
نوف هاه رد
نجود مغلق جواله
نوف مسكت نجود على جنب فيه عرسان تسير بينهم مشكله من اول شهر
نجود من أخوك قولي له هالكلام وكانت متوتره حيل
نوف زين بعدين نتفاهم
أم ماجد ها وينه يانجود
نجود قالت في نفسها بختصر مقفل جواله ياعمه
أم ماجد يمكن خلصت بطاريته
فاطمه يمكن هودايم الله يهداه ممايهتم بشحن البطاريه
ماجد صحي من نومته وناظر الساعه وقفز من مكانه أوووووووووووه انا كيف نمت كذا
الله يسامحك يانجود وناظر جواله وهو مغلق لاحووول وشغل سيارته بسرعه وحرك للبيت
وشافته نوره بسرعه من الشباك ونزلت جري عمتي عمتي ماجد كلمني وناظر في نجود
ويقول خلاص انا قريب من البيت
نجود آنحرقت اعصابها جواله مغلق
نوره بتحدي من جواله الثاني ولما يدخل الحين بتشوفين صدق كلامي
وتو خلصت كلامها وماجد داخل بعد ماتأكد ان نجود عند اهله من الشغاله قابلته برآ في الحوش
ماجد السلام عليكم وعينه على نجود
الكل وعليكم السلام وينك تأخرت تقول لنجود مشوار صغير وطولت
ماجد عاد زحمه وطفت بطارية جوالي
نوف كانت شايفه الوضع متأزم بين ماجد ونجود فحبت تغير الموضوع يلا الغدى جاهز
طبعـآ نوره ماكانت تغدي عن ماجد وعجزو فيها كثير وابوها كان مايقدر يزعلها
وهم على طاولة الأكل نجود كانت ماسكه دمعتها والكل لاحظ عليها
أبوماجد وش فيك يابنتي ماتاكلين
نجود بغصه بالقوه تقاومها آكل ياعمي
أم ماجد لا ماانتي بقاعده تآكلين نجود وش فيك ياأمك
نجود بكذب وهي تتذكر أي شخص حاقده عليه وبتتفاول عليه مبرر لدمعتها اللي عارفه انها
مستحيل تمسكها أبد بس وحده من صاحباتي ماتت ومتأثره عليها شوي ونزلت دمعتها وماجد
بيموت على هالدموع اللي ينجن اذا شافها من عيون جوده حبيبته
طبعآ نوره توقعت ان نجود عرفت بوفاة منال ايوه الله يرحمها اعرفها والله يقولو طلعت رماد
من الحريق الله يلطف فينا هي وأمها وخالها بعد بس يقولون كانت صديقتك مرره
نجود مو فاهمه شي قصدك مين من صديقاتي اللي تعرفينها
نوره منال هي موسافرت مع امها قبل زواجكم ولها اسبوع من توفت الله يرحمها بحريق
نجود بصدددمه الله لايرحمها وغطت وجهها بيدينها وبكيت أستغفرالله ياربي ارحمها ياربي سامحها
ماجد مسك نجود بيطلعها فوق لبيتهم دفته لاشعوريآ قدام أهله قلت لك بعد عني
نوف بسرعه مسكت نجود وضمتها وغمزت لماجد يبعد عنها واخذتها لغرفتها
ابوماجد_ام ماجد _فاطمه لاحول ولاقوة الا بالله مسيكينه حيل متأثره
ماجد ومو في عالمهم ياربي ساعدني انا مااتحمل هالأسلوب منها مااتحمل بعدها
عني ولاهالجفا ياااااااااااااااارب
أبوماجد وش فيك ياابوك لاتاخذ على خاطرك منها هذي ردة فعل
ماجد بيطمنهم لا ادري يبه ادري ويناظر في نوره
ماجد كيفك يانوره
نوره فرحت من قلبها الحمدلله ماجد انت كيفك
ماجد الحمدلله ماشي الحال واذن العصر وراح توضى وصلى ورجع لبيت اهله
ونام في غرفته اللي قريبه من غرفة نوف عشان يكون في قريب من نجود
نــــــــــــــوف & نجــــــــــــــود
نوف جوودي تعوذي من الشيطان ومايسير هالبكا كله ترى
نجود بحزن كانت أعز صاحباتي واكتشفت انها اذتني كثير وهي اعترفت لي وكان نفسي
اشوفها واقولها خلاص مسامحتك آهى آهى
نوف خلاص صلي وادعي لها بالرحمه وسامحيها وذكرتها باآيات قرآنيه لين حست نجود
انها ارتاحت وقامت صلت لها ركعتين ودعت ربي فيها وارتاحت كثير التفتت لنوف
نجود الله لايحرمني منك
نوف ولامنك انتي ماتعرفين وش كثر دخلتي قلبي من شفتك
نجود وانتي بعد يانوفا
نوف نجود اعتبريني اختك هنا فض فضي لي واشكي لي كل اللي يضايقك حتى لوماجد اخوي
نجود وتذكرت ماجد آآآآآه ماجد الله يسامحه بس
نوف نجود ترى ماجد يحبك بجنووون وبطريقه ماتتخيلينها الله يخليك لاتحاولين بيوم تقسين عليه
حتى لوغلط والله مايستحمل زعلك وقسوتك عليه
نجود نوف الحب لوحده مايعيش لازم يكون فيه ثقه واحترام وتغاهم
نوف ماجد واثق فيك بس مشكلته يغار عليك بجنووون
نجود نوف ماعليك لاتشغلين بالك بس وش رآيك بحركته مع نوره
نوف نجود انتي عارفه نوره تحب ماجد من زمان ولوكان يحبها ماكان خلاها فهي
تسوي كذا عشان تخرب بينكم لكن لاتعطين لأحد مجال على علاقتكم اتفقنا
نجود اوكي اتفقنا يلا بروح اشوف ماجد
نوف ماجد هنا نايم في غرفته يقول بكون جنب جوودي وبعدين خليك خواتي بيجون
نجود بعدم اهتمام لماجد اوكي بروح ابدل واجي بسرعه
نوف ننتظرك لا تتأخرين
راحت نجود لبيتهم وعملت صحن حلى بسرعه وقهوه وتكشخت عالآخر ونزلت
وأول مادخلت كان ماجد الصغير ينط عليها الله انتي حلووه زي خالو ماجد
وضحكت وقرصته في خدوده وباسته ودخلت عالبنات وسلمت وماجد عينه مانزلت
من عليها بس كانت حاسه بغيره من بنت اخته مياسم طول الوقت وهي في حضنه
وهي من قوة القهر مسكت مجودي الصغير وجلست تلاعبه ومتجاهله ماجد
ماجد مجودي تعال هنا
نجود ضمته لحضنها أكثر عناد في ماجد
فهم ماجد آنها حركة عناد قرررب وشال ماجد من حضنها وهمس باإذنها
ريحته جنااااان وغمز لها وهي ماتت من الحيا
خلاص هنا بوقف وش رآيكم <<<نذله
آنتظروني بالبارت القادم وأحتمال آنزل بارتين ياحبايبي سيووو
البارت الخامس والثلاثون
ــــــــــــــــــــــــــــــــــــــــــــــــ
ترن تررررررررررن
نوف غريبه من عند الباب
ماجد بقوم أشوف اجلسو وراح يشوف من عند الباب
أم وآئل سلام عليكم
ماجد هلا هلا حياك الله وحب رآسها ودخلت داخل
الكل آستقبلها وسلمو عليها وجلسو تقهوو ونوف وجهها يتقلب مية لون
أم وآئل وش لونك يابنيتي
نوف احححح الحمد لله خالتي كيفك انتي
أم وائل بخير الله يسلمك بس بغيت اخذ ردك اليوم قبل ماأطلع
نوف بخوف تفضلي خالتي
أم وآئل أبيك تملكين على وائل بسرع وقت
نوف بصدمه بسسسسسسسسسس
أم وآئل لابس ولاشي يابنيتي خلاص ولدي صبر بمافيه الكفايه
ماجد خلاص خالتي متى مابغا الله يحييه بس يكلم الوالد قبل وقز نوف بنظره يعني انكتمي
نوف وهي متضايقه من حركة ماجد ونظرات اخواتها ونجود فيها شوي وبتصيح عليهم فقامت
ولحقتها نجود بتخفف عنها شوي
نجود نوف نوف
نوف والدموع في عيونها نجود شفتي ماجد وش سوى وحضنتها وجلست تصيح
نجود حبيبتي هو سوى الشي الصح هو من زمان متحملك فاللي اعرفه انه انسان كويس
ليش جالسه تأجلين الموضوع
نوف بحيره مدري
نجود خلاص توكلي على الله
نوف سكتت ماردت ونجود طبطبت عليها ونزلت تحت عندهم
ماجد كان يناظرها وهي نازله مع الدرج كان مشتااااااااااق لها حيل وهي تحاول
تتجاهل نظراته تبي تأدبه عالأشياء اللي سواها وماكملوآ شهرين من زواجهم فهي وهي
نازله حست بدوخه فحاولت تتوازن وتبان طبيعيه
ماجد تعالي هنا جودي حب يحرجها
نجود لابجلس هنا عند عمتي وصدعتي عنه ونفسها لايعه
أم وائل مافي شي بالطرييق يابنتي
نجود بغى يوقف قلبها ماتبي ترتبط في ماجد اكثر من كذا لين يتغير
نجود والله مدري واستحت
ماجد كان حاب هالخجل ويتأمل بطن نجود ويتمنى هالشي يسير بسرعه يبي يتمسك في
نجود اكثر يبي يخلف بنات يشبهونها وكان يقولها لاجاتنا بنت بنسميها{وعـــــــــــــــــد}عشان
يكون له معنى بحياتهم حس نفسه يقوم يضمها قدام الكل ويقولها سامحيني والله اشتقت لك
نوره فجأه وبخبث عاد تصدقون مره حلمت في ماجد زمان وفسرته وقالو مابيرزقه ربي بذريه
من الزوجه الأولى وتناظر في ماجد
ماجد انقهر من كلام نوره رد عليها عادي اهم شي نجود تكون معاي العمر كله واللي يربطنا
اقوى حتى من الأطفال
نجود بحقد هذا انتي قلتيه مجرد حلم عارفه يعني وش هو حلمممممممم؟
نوره سكتت وقامت وهي تتأفأف
قام ماجد من مكانه وجلس جنب جوده ومسك يدينها يضغط عليها وهي حتى ماجد كارهه يجلس
جنبها فتحملت عشان ماتبي احد يشك بشي
لمى ماجد بشويش على البنت ماهي بطايره
ماجد ولوتطير بطير معاها صح جودي
نجود ومستحيه من نظرات اللي جالسين خاصه ام وآئل صح بصوت يادوب ينسمع
لمياء خلاص عاد احرجتو البنت
أم وائل لا ماعاد فيه بنات يستحون
ماجد انقهر من خالته وش قصدك ياخاله
أم وائل قصدي لو انها تستحي مااخذتك من بنت عمك وهي اولى بك
ماجد خالتي لوسمحتي هذي زوجتك ولافكرت بيوم من الايام في غيرها فلو سمحتي
أم ماجد الله يهداك يااوخيتي كلامك ماله داعي
ام وأئل الله يالدنيا الحين كلامي صار ماعاد له داعي زين يلا بكلم وائل يجي ياخذني
لمياء حبت تغير الموضوع وحبت راس خالتها لاوالله انك ماتروحين وتجلسين تتقهوين عندنا
ونجود كانت سرحانه في عالم ثاني تحاول تستوعب هالشي اللي يصير معاها حاسه علاقتها بماجد
متزلزله وتخاف انها ماتستمر من اسلوب ماجد والعالم اللي حوله
فاطمه تفضلي ياقلبي القهوه
انتبهت نجود عليها وابتسمت مجامله تسلمين يالغلا مو مشتهيه مصدعه بروح انسدح شوي
ماجد نجووووووووود
نجود لبيه
ماجد على وين اجلسي
نجود معليش حبيبي بروح ارتاح شوي حاسه بصداع
وماجد حس انه هروب من نجود ويبغاها تكون قويه قلت لك اجلسي تقهوي اول
ماحبت تعاند نجود فجلست شربت فنجان قهوه بسرعه وطلعت بيتها بدون مااحد ينتبه غير ماجد
ماحب يضغط عليها اكثر من كذا
دخلت نجود بسرررررعه غرفتها وهي مهدود حيلها وخافت تكون حامل فقررت تروح تسوي تحليل
الصبح وتتأكد بس كيف ماتبغى ماجد يدري ولا مخلوق غيرها فقالت مالي غير اقوله بروح افطر عند اهلي
ويوديها وهو رايح الدوام
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك