رواية الله يسامح اثنين جابوني للدنيا و راحو و خلوني -11
حاتم :سوي اللي قلت لك عليه وتعرفين ليه؟
حنان سوت نفس ماقالها
حاتم باسها مع شفايفهابقوه وطول وهو يبوسها
حنان وخرته عنها وبسرعه لفت طرحتها واخذت شنطتها وراحت
هو استغرب منها اخذ شماغه وعقاله وراح وراها لحد ماوصلو مواقف السيارات
حنان تدق على السواق وانفاسها عاليه وقلبها يدق بسرعه
وتهز رجلها بتوتروهي واقفه
حاتم وهو يزين شماغه:حنو حبي شفيك ليه رحتي كنا منسجمين وخربتي الجو؟
حنان بطفوله:بس حاتم خلاص انا ماابغى اسوي كذا!
حاتم فوق راسه الف علامة استفهام قرب منها
حنان بصوت عالي وفيها الصيحه:لاتقرب مني اتركني ابي اروح لبيتنا
حاتم :طيب طيب براحتك ركب سيارته الكشف لونها سماوي فاتح وماراح جلس بالسياره ويطالع فيهايبي يتطمن عليها
دقايق ووصل السواق ركبت حنان ومشى السواق
وحاتم راح
اول ماوصلت للبيت راحت لغرفتها نزلت عباتها ولبسها ورمت شنطتها ودخلت تاخذ شاور وهي خايفه وماتدري وش هالإحساس اللي جاها
وقعدت تتذكر لما باسها حاتم وطالعت الخاتم اللي بإصبعها وباسته
قعدت تبكي تحت المويا
بس ماتدري ليش افكارها مشوشه
بعد ماتروشت طلعت ولبست لها بجامه
نادت الشغاله تاخذ ملابسها لسلة الغسيل وتجيب لها عصير طازج
وسرحت بأفكارها
ونزلت الخاتم من إصبعها ورمته بالزباله وتتمنى لوانها تتخلص من حب حاتم وتشيله من قلبها مثل ماشالت الخاتم من إصبعها وبكل سهوله رمته بالزباله
الجلسه الأخيره عند الدكتوره وفاء
كانت كالعاده تسئل فاتن وكذا
فاتن بدون مقدمات:وفاء بذمتك بسئلك اتي تعرفين دانا ناصرالـ
وفاء إسم عائلة ناصر الـ
هزكيانها هز
طيرت عيونها وطاح منها القلم
فاتن مدرعمه:يعني من جد مومعقوله الشبه اللي بينك وبينها!
وفاء مازلت مصدووووووووووووووووووومه
فاتن:هيييييه دكتوره وفاء وين وصلتي له؟اكلمك أنآ؟
د\وفاء بفهاوه:هاه
لا لا ولاشيء
وكملت الجلسه وعطتها أوراق فيها تشخيص عن حالتها النفسيه وكل شي يخص الحالات اللي هي تعاني منها وعن بلوغها وعن كل شي يخص حالتهااللي هي ماهي عارفه لين الحين هي وش جنسها؟
وبعد إسبوعين موعدها بمستشفى الـ
عشان الفحوصات والعمليه
فاتن وامها ودعو دكتوره وفاء وطبعا وفاء اخذت رقم فاتن عشان بتتواصل معاهاوتشوف وش يصير معاها
ترقبوني قريبا بالبارت الخامس عشر
وقفــــه ’’’روايتي مااقولكم إنها واقعيه ميه بالميه لاكن كل اللي فيها اغلبه من الواقع
يعني زي اللقطاء,التحول الجنسي
,والناس اللي عايشين بالوحل,والمخدرات,ومشاكل المراهقات,وعدم إهتمام الأهل بالأبناء
,ووووووووووو
المزيد و احب اذكركم انو الغريب بروايتي انو بكل بارت اتعمق بالأحداث اكثر واكثروابطالي يزيدون
طبعا فيه ابطال جدد واحداث مشوقه ورائعه وحزينه بالبارتات القادمه
اتمنى تنال إعجابكم ردودكم وآرآكم وإنتقاداتكم تهمني
(((((البارت الخامس عشر))))
ريم مرسله لدانا مسج
"اهلين حبيبتي والله زعلت عشانك فديتك بس خلاص إرضي بقدرك موب هذا اللي تبينه وإن شاءالله راح تنسينه ياعمري والله يعينك ماراح انساك من دعائي ياعيون ريم انتي"
دانا تقول بنفسها(الله لايحرمني منك ياريمو)
أرسلت لهادانا"مدري شقولك بس مااوعدك اني اقدر انساه بس جعلني ماخلا منك بجد لولاك كان مدري شسوي احس اني بموت"
جاها مسج من ريم"وجع حتى وجع جعل يومي قبل يومك وإلا بتنسينه غصب عنك موب برضاك لااجيك وادوس فبطنك"
دانا ضحكت على هبال ريم ارسلت لها"اقول تقلعي بس ههههههههههه"
وفجأه رمت الجوال وراحت تركض لدورة المياه وإستفرغت وانتم بكرامه
طالعت وجهها بمراية المغسله وتحسست خدودهاوقالت بنفسها"ياربي انا شفيني لي كم يوم وجههي اصفر ولايعه كبدي وموب مشتهيه شي لا لا يارب تكفى يارب مابي يصير اللي فبالي والله ماعاد فيني اتحمل اكثر يارب ساعدني يارب لازم أتأكد لازم"
جت بتطلع وحست انها بتستفرغ ورجعت لدورة المياه وانتم بكرامه وحست انها تعبت من كثر مااستفرغت وبطنها خلقه فاضي
طلعت بتعب كانت لابسه قميص بيت ولافه شعرها بشباصه وباين عليها التعب لبست عباتهاواخذت بوكهاوجوالها
ونزلت تحت طلعت جوالهاودقت على السواق وخلته يجهز السياره وراحت لـ الصيدليه
وجابت جهاز كشف الحمل
ورجعت للبيت""""
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘ ‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘ ‘‘
فاتن كانت بحديقة بيتهم تشيش والشغاله تزين لها الجمر>>>حشى ابو الشباب
جت لمها حنان وقعدت عندها:غريبه فتو وين صديقاتك شمس ومدري مين
فاتن:بقريح
مدري عنهم بعدين بيني وبينك مابي اتواصل معاهم بقطع علاقتي فيهم
حنان مستغربه:ليش؟؟
فاتن:بس كذا وبنفسهاتقول"كلها كم يوم واكون فهدالرجل اللي مدفون بداخلي من سنين بدال فاتن !!!!!!!!!!!!"""
حنان:اها
فاتن تطالع بحنان:حنانوه؟
حنان خافت وبلعت ريقها:شفيك؟
فاتن:منتي على بععضك يله يله بسرعه اعترفي وعلت صوتها وش مهببه؟
حنان خافت وبسرعه صاحت:يمه شفيك انتي؟
فاتن طيرت عيونها:بسم الله الرحمن الرحيم مجنونه انتي شفيك؟
حنان:ياكلبه خوفتيني وراحت وهي تصيح
فاتن سحبت من راس الشيشه ونفذت الهوا برى فمها:الحمدالله والشكر لا بس اختي استخفت وقعدت
دانا مسكره غطى الفرنجي وقاعده عليه وهي تبكي وتقول بصوت شبه مسموع"وش هالمصيبه ياربي معقوله انا حامل معقوله؟؟؟ياربي الحمدالله على كل حال انت اكيد ماإبتليتني إلا لأنك تحبني والله إذا احب عبد ابتلاه
كل مااطلع من مصيبه ادخل بمصيبه اكبر
قامت وفتحت الفرنجي ورمت جهاز كشف الحمل فيه وسحبت السيفون
غسلت وجهها وطلعت ماتبي احد يعرف بحملها ابد
وقالت بنفسها"يارب محد يدري يارب وش السواة انا لازم اتصرف لازم إن شاءالله لو اسقطه بس المهم هالجنين مايجي لهالدنيا يارب ساعدني يارب "
الساعه1 بالليل
"حسناا" إم فاتن وحنان كانت تتطمن على بناتها ولأول مره تتطمن عليهم دخلت غرفة فاتن شافتهانايمه وكل رجل بمكان رفعت اللحاف ولحفتها وخففت من برودة المكيف
وولعت الأبجورات وطفت النوروطلعت وسكرت الباب
وجت بتدخل غرفة حنان بس وقفها صوت حنان وإنصمت من اللي سمعته بس مسكت اعصابها
حنان:حاتم خلاص يكفي اللي صار اليوم ياليتني ماطلعت ولاافطرت معك والله افكاري مشوشه وقعدت تصيح
هذا آخر شي سمعته حسنا وراحت لغرفتها دخلت ونزلت دمعتها وهي تفكر وجلست على السرير"معقوله حنان بـ هالسن وتكلم معقوله لا وطالعه تفطر معه؟يعني لماقالت لي بطلع افطر مع صديقتي وانامثل الهبلا صدقتها كانت طالعه تفطر معه الله يستر لايكون سوا لها شي انا لهيت عن بناتي كثير كنت مقهوره من ابوهم وعاقبتهم وهم مالهم ذنب بس مستحيل اخليهم يضيعون مني ضيعت ابوهم مابي اضيعهم هم ماراح اعاقب حنان بخليها هي تتعلم وتفهم من كيفهابس خلاص ماراح اخليها تطلع من البيت من اليوم ورايح مدري شلون اتصرف معاها"
راحت توضت وصلت لها ركعتين تعلن توبتها وتترك عنها الهياته لم عرس فلانه وعلانه وراح تهتم فبناتها وعاهدت ربها انها تحافظ على صلواتهاوكل فروضها الدينيه لأنها قبل كانت ماتحافظ على صلاتها واحيانا إستغفرالله حتى ماتصلي"
كانت منسدحه والنوم مجافيها ورايحه جايه على الحمام وتستفرغ
ودمتعها على خدها وضامه بطنها بيدينهاوهي تبكي بصوت مسموع"آه منك ياعساف شلون انساك وبحشاي طفل يخلق منك انت ياحبيبي اللي عمري ماحبيت ولاحسيت بالأمان الا معاك آه ياليتك تسمعني يارب صبرني يارب ودي اسقطه بس خايفه من عذابك ياربي مابيه يجي لهالدنيا ويعيش اللي عشته وقعدت تشاهق"
دق جوالها فزت وطالعت بالرقم وإستغربت منه انه داق هالحزه
:الو
خالد:اهلين دندون
دانابصوت باكي:هلا ياعيون دندون
خالد:سلامات دندون شفيك
دانا:مافيني شي ياقلبي
عاش من سمع صوتك
خالد:عاشت ايامك ياالغاليه
شلونك؟
دانا بألم:بخير
خالد:بس صوتك يقول غير
داناتغير السالفه:واخيرا دقيت علي مابغيت اسمع صوتك
خالد:ايه
وابشرك انا بالطريق ان شاءالله الساعه 8 بالكثير وانا عندكم
دانا:يابعد روحي والله توصل بالسلامه يارب
خالد:وتراني مانسيت ابيك تخطبين لي
داناابتسمت:من عيوني يالغالي
خالد:تسلم عيونك وابيك بعد تسوين حلى اذا ماعليك امر
دانا:أبشر
خالد:تبشرين بالجنه
دانا:ياحبني لك ياخلودي والله اني احبك من بد اخواني كلهم واحس كأنك اخوي صدق
خالد:شدعوه وانتي شاكه اني موب اخوك صدق
دانا تجامله:لا ونعم الإخو ياقلبي
خالد:يله توصين شي
دانا:سلامتك
خالد:يله سلام
دانا:الله معك
رغم انها تعبانه نزلت للمطبخ وقعدت تحوس تدور اغراض الحلى اللي هي تحبه دوم وقعدت تزينه لعيون حبيب قلبها اخوها الغالي خالد
بشاير كانت نازله تشرب مويا
الدور التحتي كله انواره خافته ماعدا نور المطبخ شغال
استغربت دخلت
دانا خافت طاح منها الكاس اللي بيدهاوانسكر
بشاير:طفى الشر طفى
دانا:وش مصحيك هالحزه؟
بشاير:ابد نازله اشرب مويا صايره اعطش هالأيام كثير تعبني الحمل والله وانتي شتسوين؟؟؟؟
دانا قلبها صار يددق من جابت بشاير طاري الحمل:اها
ابد خالد بيجي من الشرقيه وطلب مني اسوي له حلى
فتحت بشاير الثلاجه صبت لها مويا وشربت وقالت:ياحليله اجل بيجي وطلعت من المطبخ
دانا كملت شغلها تحس العلاقه بينها وبين بشاير متوتره مره
بعد ماخلصت ودخلت الحلى بالثلاجه وسوت القهوه
وراحت تتوضا وتصلي الفجر
وتدعي ربها يساعدها
الصباح على طاولة الفطور
حنان توترت من نظرات امها المعاتبه لهاتحس إن إمها تعرف بشي وساكته عنها
قامت فاتن:يله انا بروح اكمل نومي
إمها:طيب على راحتك
حنان كانت تفطر وعينها على امها
امها طالعت فيها
حنان وقفت اللقمه بحلقها
امها:حنان ياماما تراني عارفه وفاهمه كل شي لاتفكرين اني غبيه بس انا ساكته عنك اقول بكره تعرف وتفهم
حنان مسويه بريئه:يمه انتي وش قصدك؟
امها:انتي عارفه وفاهمه انا وش اقصد
حنان نزلت راسها:
امه فتحت حضنها:تعالي ياماما تعالي
حنان إستغربت من اهتمام امها المفاجىء لها هي واختها فاتن
راحت لإمها وجلست على ركبها وحطت راسها على صدر امها وقعدت تبكي وإعترفت لإمها بكل شي ماعدا الطلعه ماقالت لهاعنهاعلى بالها إن امها مادرت وامها سامعتها لماكانت تحكي مع حاتم
امها كانت ودها تلعن جدفها بس مسكت اعصابهاوقعدت تمسح على شعرها:شوفي ياماما انا ماراح استخدم معاك الأساليب التقليديه يعني ماراح آخذ لابك ولا جوالك
بس ابيك انتي الحين وقدامي تجيبين جوالك وتمسحين رقمه وتمسحين ايميله وتنسينه انتي توك صغيره ياقلبي ومافهمتي الحياة يعني لاسمح الله لو صار بينك وبينه شي راح تكون فضيحتنا بجلاجل
حنان بلعت ريقها وهي خايفه وتدعي ربها انه يسامحها على اللي سوته مع حاتم
امها :ها حنو يلا بسرعه روحي جيبي جوالك ولابك
حنان مسحت دموعها طيب وراحت
امهاتتنهد:الله يصلحك يابنتي وقامت تغسل إيديها ونادت الشغاله تشيل الفطور
حنان دخلت غرفتها وطاحت على سريرها وقعدت تصيييييييييح بقوه وكاتمه شهقاتها هي تحب حاتم وماتقدر تستغني عنه
بس لازم تسمع كلام امها وهي فرحانه إن امها مهتمه فيهاوماعاقبتهاونصحتها لانها اكيدتحبها
اخذت جوالها ولاب توبها
وراحت عند امها
ومسحت رقم حاتم وحذفت ايميله وحذفته من البي بي
وقعدت امها تنصحها وتوعيها
وحنان تسمع لإمها ومتحمسه
وتقول بنفسها خلاص عمري ماراح اعيدهالان اللي سويته غلط وزي ماقالت امي حرام
تصرف حسناا مع بنتها حنان هو التصرف السليم هذا الحل المناسب اللي انا متأكده انه بيجيب نتيجه
لان الضرب والأساليب القاسيه ماتنفع بالعكس كل شي بالتفاهم حلو
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,
دانا وعبدالعزيز وخالد اللي توه واصل من الشرقيه وبشاير لابسه حجابها
كلهم مجتمعين يتقهوون ويفطرون
خالد:تسلم يدينك دندون على هالحلا
دانا مبتسمه:الله يسلمك
خالد يتلفت:إلا وين نايف؟
عبدالعزيز ببرود:بمستشفى الأمل
خالد عصب وهو مصدوم:كيف؟ومن متى؟
دانا بعدكانت مثل خالد مصدومه
بشاير موب مهتمه ابد
عبدالعزيز:تقريبا له شهر وزود
خالد:وليه ماقلت لي
عبدالعزيز:واذا قلت لك وش بتسوي له يعني؟
خالديتطنز:ابد سلامتك ابصور معه
عبدالعزيز:هذا وقتك تنكت انت وخشتك
خالد:اناادري عنك تقول وش ابسوي له
عبدالعزيز:المهم إنشغلت ونسيت ادق عليك بس إسمع هو عاد قريب بيطلع لانه اشوا بدا يتقبل العلاج
دانا ساكته ودها تتكلم بس تخاف تسبب مشكله
خالد:طيب هو وشلون دخل؟
قاله عبدالعزيز السالفه
خالد:لاحول ولا قوة الا بالله
عبدالعزيز:خلنا نروح نزوره العصر
خالد:خلاص بعد الصلاة ان شاءالله على طول ندز له
دانا دخلت عرض:وانا بعد بروح معاكم
بشاير ناظرت عبدالعزيز بتشوف ردة فعله
عبدالعزيز ناظرهابكل برود:طيب
بشاير ابتسمت!
دانا مستغربه من تغير عزوز وبنفس الوقت فرحانه ان الله فكها من شره
وكملو سواليف عن الشغل وخلافاتهم اللي ماتقضي
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,
خلوني أعرفكم على عائله جديده بروايتي
عائلة الدكتوره وفاء
امها بحرينيه وطبعا اهي من صغرها عايشه هي واهلها بالسعوديه فيه حزن غريب بعيونهاوهم اللي يشوفها يقول عمرها 70 سنه وهي توها بالأربعينات وابووفاء سعودي متوفي بحادث ابوهم وهم عايشين من راتب وفاءومثل ماتعرفون وفاءاخصائيه نفسيه وتشتغل دكتوره بمستشفى الـ
لها اختين توأم رنيم وتسنيم
ولها اخو معاق اسمه ضاري صغير بالعمر ومن يوم ماإنخلق وهو معاق وجايبه له شغاله حبشيه تعتني فيه
ساكنين بفيلا وفاء شاريتها وللحين تسدد قيمتها من راتبها
وجايبه سواق يوديها ويجيبها لـ الدوام
وفاء كانت تتقهوا هي وامها وكانت متردده بس قررت تقول لإمها
وفاء بتردد:اء يمه
امها:سمي
وفاء:سم الله عدوك يمه
سكتت شوي بعدين قالت:يمه اناعندي مريضه صارلي تقريبا كم إسبوع اعالجها وكذا بسـ
امها تحمست:بس وشو يابنيتي تكلمي؟
وفاء:هالبنت تقولي اني كثير اشبه صديقتها دانا ودانا هاذي بنت ناصر آلـ
امها ناظرت فيها وطاح الفنجان من يدهاودقات قلبها بدت تعلى اكثر واكثر:ووش وش تقولين انتي؟
وفاء:يمه هدي اعصابك الله يرضالي عليك لايرتفع ضغطك
امهابصوت باكي:يعني يعني معقوله الأمل رجع لي من جديد معقوله يكون فيه أمل إني أشوف بنتي وحشاشة يوفي اللي انحرمت منها وإهي بمهادها
وفاءبكت وضمت امها:إن شاءالله يمه فيه امل
امها:بس اللي تشبهج هذي قلتي لي شنو إسمها؟
وفاء:دانا
قالت لي المريضه اللي عندي إسمها دانايمه دانا
امها:بس انابنتي إسمها مها مودانا
وفاء:ميخالف يمه اهم شي إنو عائلة ناصر آلـ
مازالو موجودين بالرياض ويمكن يكونون حتى بيتهم ماغيروه يعني إم علي تكذب عليك واكيد راح تلقين عندهم إختي مها
امهاوهي تبكي ضمت وفاء اكثر لحضنها:الله ينتقم من ام علي ومن جاسم ابوج اللي عذبني بحياتي ومن كل اللي احرموني من بنتي
أكيد إنكم تحمستو تعرفون السالفه؟
إن شاءالله راح تعرفون كملو الروايه وبتعرفون
بس طبعآإن شآءالله الإثنين القآدم لأني أنآبنزل البآرتآت كل يوم إثنين وجمعه وإذآ تبونهآيوميآ مآعدآ يوم الخميس والجمعه عآدي ترى~_^
لآتنسووون تقيموني وتفرحوني بردودكم الحلوه
البـــــــــــآرت الســـــــآدس عــــــشــــر::
(((فــي كــل يـوم تنولــد قصه جديدهـ
!)))
ريم قاعده على سرير اختها بيادر وتلعب بشعرهاوتكلم دانا بصوت واطي وبيادر نايمه وآثار البكى باينه عليها لأن ولد عمتها سلمان اللي رايح لبعثه 3 سنين وله سنه مايدرون عنه وآخر شي اتصلو السفاره على اهله وخبروهم انه متوفي له سنه ومدفون بنفس المدينه اللي كان يدرس فيها بس مايدرون وش سبب وفاته ولايدرون عنه اي شي
سوو له عزا هنا بالسعوديه وحزنو حيل عليه وامه وابوه قلوبهم منفطره على ولدهم اللي صار له 3 سنين غايب وآخر شي يطلع متوفي له سنه وهم مادروا عنه
ريم:ايه واقولك كلنا خايفين عليها لان هي دايم لحالها وتحب العزله عرفتي حتى امي تقول الله يستر لاتسوي بنفسها شي
دانا:ياقلبي عليها والله ماالومها الله يعينها
ريم تتنهد:آمين يارب
دانا:طيب انتي فهميها ان هذا قضاء الله وقدره واللهم لاإعتراض
ريم:والله فهمتها حتى قلت لها يابيدو حبيبتي والله كلنا خايفين عليك انا وامي وابوي حتى عمتي وهو ولدها ماحزنت عليه كل هالحزن مثلك
دانا:طيب قولي لهاانكم حاسين بعذابها بس الشكوى لله ربي اخذ امانته خلاص لازم ترضى بالأمر الواقع
ريم:وربي يادنو فهمتها اكثر من مره وحتى امي قالت لها سلمان ولد عمتك خلاص توفى والله يرحمه والحياة ماراح توقف عنده واناادري انك تحبينه وانه من صغركم وانتم محيرين لبعض والعائله كلها تدري انكم محيرين لبعض بس خلاص ربي اخذ امانته ياقلبي لاتسوين بنفسك كذا وسلمان لودرا انك مسويه بنفسك كذا حتى مضربه عن الأكل والشرب ماراح يرضى بس بيادر ماتكلمت ولاقالت ولاحرف بس تصيح
دانا:الشكوى لله بس انتي انتبهي لها
ريم:اكيد لاتوصين حريص
دانا:وربي كنت داقه بقولك شي يفرح بس ضيقتي خلقي يوم قلتي كذا بس اسمعي
ريم:هلا
دانا:بكرا إن شاءالله عبدالعزيز وخالد بيجون لإبوك عشان يخطبونك استعدي
ريم مابعد استوعبت:ايش؟يخطبوني انا؟
دانا:ايه انتي اجل انا؟
ريم ساكته
دانا:شفيك
ريم:ولاشيء بس للحين مااستوعبت
دانا:لاياقلبي استوعبي انتي بتصيرين حرم خالد طبعا بعد موافقتك
ريم:طيب وش معنى اختارني انا؟
دانا:موب هو ؟
ريم فتحت فمها:اجل؟
دانا:هو من زمان قبل يسافر للشرقيه وهو قايل لي انه ناوي يتزوج وقالي اخطبي لي وانا وعدته اني اخطب له وحبيت اني اخطبك له إذا ماعندك مانع وتراه ونعم الرجال واعتبره بجد اخوي
ريم إستحت :اوكي الله يقدم اللي فيه الخير
دانا :يلا باي ياعروس
ريم تضحك:باي
سكرت من دانا وهي موب مصدقه انها بتنخطب جلست تمسح على شعر بيادر وتقرا عليها
مسكينه بيادر من صغرها وهي محيره لولد عمتها سلمان وكانوا يعشقون بعض صح انه كان اكبر منها بكم سنه بس تحبه وتموت فيه وكان واعدها انه يخطبها اول مايجي من البعثه بس ربي ماكتب وبيادر من سمعت بخبر وفاته انصدمت حتى لها كم يوم ماتتكلم ولاتاكل ولاتشرب ورافضه تجلس بالمستشفى والدكتور طمن اهلها ان الحاله اللي تمر فيها طبيعيه وماراح تأثر عليها بس كل هاللي هي فيه من قوة الصدمه اللي اثرت عليها حييييييييييييييل
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك