رواية الله يسامح اثنين جابوني للدنيا و راحو و خلوني -13
وبعد ايام قالي ابوي انه واحد من عيال عماني اللي بالبحرين اخطبوني انا مت من الخوف احين اكيد بنكشف رفضت وبشده وابوي قالي اكيد عشان اللي مايتسمى
وهددني انه لوماتزوجت واحد من عيال عماني راح يقتل حبيبي
الله يهداه ابوي كان وايد قاسي وانا مااقدر اتزوج وانكشف
وطبعا دعيت الله انه يحفظ حبيبي بس ليومج هذا من بعد ماقالي ابوي انه راح يقتله وانا مدري عنه اي شي مدري وينه فيه ولا شصار عليه
وطبعا المصيبه الأكبر انه انا اكتشفت اني كنت حامل
ومااكتشفت الا متأخر وماقدرت اسقط الجنين
وابوي درى وطقني طق ورفسني على بطني بس هالجنين الله موكاتب انه ينزل
ويوم ولادتي ابوي كان خايف من الفضيحه ياب لي وحده تولد بالبيوت ينقال لها ام علي
وامي المسكينه كان مابيدها شي تسويه لي وكان يتقطع قلبها علي بس مابيدها شي وكانت مووايد تعرف عربي
وبعد ماولدتني ام علي قالت لي اني يبت بنت مثل القمر
عاد انا قعدت ابجي وكنت تعبانه وراح يغمى علي بس خذيت بنتي لحضني
وضميتهاورضعتها واناابجي لاني كنت حاسه انه ابوي راح يحرمني منها
دش علي ابوي وخذا بنتي من حضني بالغصب وانااصارخ وابجي وامي تبجي وياي وموب عارفه تسوي لي شي
وقال لإم علي توديها عند باب مسيد
تعبت نفسيا وانفطر قللللللللللبي على بنتي
اللي مالها ذني وكانت ضحية عشق اندفن بسبة عادات وتقاليد ليش انه ابوها مو من مواخيذنا ابوي مازوجني اللي احبه وشوفي تاليتها شصار
بعد فتره حلفت ام علي وسئلتها وين ودت بنتي اللي انا سميتها مها
وقالت لي انها ودتها عند باب مسيد وانه اللي خذاها رجل اعمال اسمه ناصر آلـ
وانه كان وايد فرحان فيها لانه اهو ماله إلا3عيال
وقالت لي وين بيتهم بس تقول انهم هدوا الرياض وماتدري وين راحو
بس سبحان الله ربج مايسنى احد هذا ربي سخرلج هالبينيه اللي تتعالج عندج وقالت لج اللي قالته
وجاسم اللي اهو ابوج كان يشتغل بشركة ابوي وابوي عرض عليه انه يتزوجني ويستر علي مقابل مبلغ مالي
وجاسم ماصدق على الله عاد تزوجته غصب عني وكان وايد ملعوزني ومعذبني
بس يوم مات فقدته بس الحمدالله ربي عوضني فيج
كا انتي احين دكتوره ومومقصره علينا بشي وحالتنا ميسوره ولله الحمد
بس انا ماراح يرتاح بالي لين اجوف بنتي كنت فاقده الأمل بشوفتها
بس انتي رديتي لي هالأمل
انايابنتي تعذبت وايد حتى ابوي لما مات ماقدرت اني اجوفه ولااسامحه على اللي سواه
وامي سافرت فرنسا وماادري عنها اي شي
((((مسكينه ام وفاء حياتها عذاب مثل حياة دانا تتوقعون دانا إهي مها اللي قالت عنها ام وفاء؟؟؟))))
تآبعونــي إن شآءالله بكـرآ بآلليل بآلجزء السآبـع عشــر
البــــآرت الســـآبع عشــــر
وفاء مسحت دموعها وهي تبكي وتشاهق ضمت امها:طيب يمه لو رحنا لبيت ناصرآلـ
شلون بتواجهين مهاوشلون بتعرفينها
امهاوهي تمسح على شعرها:انامومستعده اني اواجهها احين بس لا واجهتها راح اعرفها من الشامه اللي فبطنها
بس خايفه انها ماتسامحني وقعدت تصيح
وفاء ضمت امها وهي تهديها ومتقطع قلبها على امها اللي ماكان بيدها حيله
بشايرطلعت من المستشفى هي وولدها اللي قررت تسميه(البراء)
لأن عبدالعزيز مافكر فيها وعساف هو اللي خلص اوراق البراء
لاهي ولاولدها من سمعها الحكي اللي مثل السم وهي ماشافت رقعة وجهه
وعساف هو اللي خلص اوراق البراء
وامها كانت تبيها تجي عندها بس هي رفضت ورجعت لبيتها وطمنت امها انها إذا احتاجت شي بتقول لدانا اولـ الشغاله
امها تركتها على راحتها ونزلت هي وعساف بشاير للبيت وراحو
وكانت الشغاله ودانا واقفين برى بالحديقه الشغاله اخذت من بشاير ولدها
ودانا اخذت بشاير داخل وكانت الشغاله مجهزه لها غرفه بالدور التحتي
انسدحت بشاير على السرير
ومسكت يد دانا:دانا وبدت تدمع عيونها
دانا مستغربه:بشاير؟؟شفيك؟
بشاير بصدق ودموعها على خدها:تكفين يادانا تكفين سامحيني وحلليني
داناإبتسمت بألم تداري دموعها صايره حساسه بقوه هالأيام وضربتها على خفيف مع خدها::يلا عاد بلا سامحيني بلاحكي فاضي
اصلا انتي ماسويتي شي عن اذنك بروح اجيب لك عصير
بشاير إبتسمت من بين دموعها وقالت بقلبها"""ياطيبة قلبك يادانا والله حرام اللي يصير فيك اناعمري ماشفت وحده بصبرك حياتك كلها عذاب ومع ذلك للحين صابره ومحتسبه وانا ضايقه فيني الوسيعه لأن ولدي مغولي وخايفه اتعلق فيه ثم يموت وإلا انا مومثل ابوه اللي تبرى منه وخايف من كلام الناس عادي ماني لااول وحده ولاآخر وحده تجيب ولدمغولي ياويلك من ربي ياعزوزياويلك "
مسحت دموعها لأن دانا جتها ومعاها العصيرمدته لبشاير:تفضلي
بشاير أخذته:مشكوره
دانا جلست على طرف السرير :العفو حبيبتي
بشايرنزلت العصير على الدرج الصغير اللي جنب السرير
داناوهي تطقطق اصابعها:ايه صح
ترى إمك بتجي بعد صلاة العشاء وبتجيب لك عشاك
بشاير:اها
ونزلت راسها
دانا حست ان بشاير حزييينه
وحبت تنسحب وتتركها لحالها قامت وهي تدخل ايديها بجيوب بنطلونها:يلا انا بروح لغرفتي تبين شي؟
بشاير :سلامتك
خلوووووووونا نروح لمكان بعيد عن السعوديه وعن الخليج العربي كلللللله
بعيد حيييييييييييييييييل
وتحديدآ بـ(موسكو)عاصمة روسياا
في احد الكنائس كان فيه رجل اعمال مشهووووووووور
للأسف زوجته وبناته نساهم وباع حتى دينه وتزوج من كافره
كان القس بالكنيسه يعقد زواج رجل الأعمال المشهور على عارضة ازياء مسيحيه حسناء من حسناوات روسيا
لما عقد عليهم القس وصارو زوجين حسب شروط وعادات الكنسيه
قبل رجل الأعمال المشهور هذه الحسناء الروسيه اللتي كانت تدعى (جوليانا)صفقوا كل الحضور اللي بالكنسيه
وطلعوا من الكنسيه وركبوا العربه رمت العروس باقة الورد اللي كانت ماسكتها على الحظوروإبتسمت لهم وقبلها زوجها امام اعينهم مرة اخرى وتوجهوا للفندق
حنان كانت تقلب القنوات وحطته على روسيا اليوم وبعدها على قناة روسيه ثانيه حقت عرض الأزياء الروسيه وشافت شكل ابوها وهو يقبل جولياناوإنصدمت
ولفت نظرها الكلام اللي كان مكتوب
طبعا كان مكتوب بالإنجليزي::بترجمه عربي
زواج رجل الأعمال المشهور
(اعتذرعن ذكرإسمه)
من عارضة الأزياء المشهوره جوليانا اللتي هي من أصل مكسيكي
وتم هذا الزواج في كنيسة
حنان إنصدمت وقعدت تصارخ وتنادي إمها وفاتن
يمه فاتن تعالوا إلحقوا بسرعه تكفون بسرعه ورمت التلفزيون وقعدت تصيييح
امها جت مخترعه::بسم الله الرحمن الرحيم حنو ماما شفيكي؟
حنان تأشر على التلفزيون:يمه ابوي يمه
فاتن:ابوي شفيه تكلمي الله ياخذ ذا الوجه بسرعه
حنان:ابوووي ابوي تخيلوا متزوج جوليانا عاضة الأزياء الروسيه
قبل شوي جابوه على قناة عرض الأزياء الروسيه هذي
فاتن:على اي قناة
حنان:على القناة هذي
فاتن تكش عليها:كش على هالوجه على بالي عندك سالفه
يعني ماتعرفين ابوي من يومه عينه زايغه بس هالمره بالحلا
حنان عطت فاتن نظررره ودها تقوم وتتوطى فبطنها كأنها ماتتكلم عن ابوها
حسنا(إمهم)::حسبي الله ونعم الوكيل عاد مالقى إلا هالكافره هذي!
انا مالي قعده بهالبيت الحين بسافر على اقرب طياره للمغرب
وراحت تركض على الدرج وبدت دموعها تعلن النزول
حنان وفاتن لحقوها
حنان مسكت يدها تترجاها:يمه تكفييين يمه لاتروحين وتتركيني انا وفاتن وقعدت تبكي
انا وفاتن تونا ماتهنينا بحنانك ماعليك من ابوي تبيعينا عشانه انتي عارفته من يومه وهو بس يسافر وعمره مافكر فينا وترى ان سافرتي بنروح معاكي
فاتن بكت هي الثانيه بعد::يمه والله حنان صادقه تكفين لاتتركيناتكفين حتى انامحتاجه انك تكونين معاي لما اسوي العمليه
امهم ضمتهم وقعدت تصيح معاهم:ياحبيباتي انتم ماراح اترككم ماراح اترككم وابوكم الله حسيبه ماكنت احبه بس بعد ماكنت اكرهه وكنت احترمه بس بتصرفه الصبياني هذا كرهته ووفقدت احترامي له
دانا نزلت على صرااااااااخ عبدالعزيز وإنهبلت من اللي سمعته
وقفت عند الجدار تسمع وهي راحمه بشاير
عبدالعزيز كان يضرب بشايرويصارخ عليها:ماتفهمين انتي انا قايل لك مابي اشوفه هنا مابي
بس انتي ماتفهمين
بشايروهي تبكي:عزوز حرام عليك وين تبيني اوديه هذا ولدي حرام عليك والله حرام اللي انت تسويه مايجوز
عبدالعزيز:انا مالي شغل حرام ماهو حرام المهم مابي اشوف هالورع ذا بالبيت فاهمه هذا اللي ناقصني بعد اكد على معوق لا ومن زينه بعد مسميته البراء
بشاير حطت ايديها على فمها تكتم شهقاتها:عزوز استغفر ربك حرم عليك
قرب منها ومشك شعرها وانفاسه تلفح وجهها
هي غمضت عيونها من الألم
عبدالعزيز:شوفي يابنت الناس ياانا ياهالولد بذا البيت
وإن كانه ماهوب عاجبك ضفي عفشك وتقلعي انتي وياه لإمك
ترك شعرها وطلع
دانا لصقت بالجدار وهي كاتمه انفاسها السريعه
فزت يوم عبدالعزيز طلع برى وصقع الباب بأقوى ماعنده
راكت تركض ودخلت على بشاير اللي ذابحه عمرها من البكي وضمتها:بس حبيبتي لاتسوين بعمرك كذا موب زين لك انتي توك والده
بشايربصراخ:آه يادانا آه إنجن هالرجال اكيد اكيد انه انجن وإلا فيه واحد عاقل يسوي سواته متبري من ولده
بس انا باخذ ولدي وبروح لإمي انا تحملته بما فيه الكفايه
عاد هو وضميره يايتعدل يايرسل لي ورقة طلاقي
دانا:تعوذي من ابليس واقصري الشر وش تروحين لبيت امك ومدري ايش
بشاير:اجل وش تبيني اسوي؟قوليلي عندك حل؟
دانا بخوف::أ،أ
انا بكلمه
بشاير:لا لاتكلمينه انتي تعرفين عزوز وتصرفاته البايخه اخاف يسوي لك شي
دانابدت تتوتر :لاماعليك لاتخافين
بعد يومين
:::::::::::::::
عبدالعزيز من بعد قالت له دانا
انه مايصير اللي يسويه
وانه يخاف ربه
ووووهو ماكان يسمع وش تقول لانه ضايع بعيونهاومعجبه توترها الواضح منه
وحس انه لوقعد شوي راح يرتكب فيها جريمه
قام واخذ شماغه وسحب عليها وهي استغربت من سكوته
وله يومين نايم بالإستراحه عند اخوياه
بشاير نفسيتها تعبانه وكل ماشافت ولدها تقطع قلبها عليه
فاتن عمليتها بكرا
حنان غيرت رقمها لأن حاتم ازعجها وغثها إتصالات
خالد قرر إن ملكته تكون يوم الخميس فبيت أهل ريم
نايف طلع من المستشفى والحمدالله تعالج وصار بأحسسسن حال
بس مازال ملازم فراشه لانه يحس بصداع خفيف
والشغاله جولي كانت طالعه روحها ماتدري هي تهتم بـ البراء وإلا فـ بشاير وإلا بـ نايف اللي هلكها طلبات قهوه رايحه وقهوه جايه وهذا كاس مويا وهاذي حبة فيفادول
داناقرت في النت إنه الحامل مآتنتهي عدتها إلآلين تولد
وتورطت يعني عساف لودرى بأي لحظه انهاحامل راح يرجعها لذمته بحجةانهاحامل
بالإستراحه,,,
عبدالعزيز كان يفطر هو وخويه راكان
عبدالعزيز وهو يشرب شاهي:شفيك هم الدنيا على راسك
راكان::خسرت بالأسهم وخسارتي كبيره وماعندي سيوله لـ الشركه ابد الظاهر اني ببيعها
عبدالعزيز خطرت على باله فكره شيطانيه::ياخوي وبس هذا اللي مكدر خاطرك اناشفني فالها ومبصوط وانا هالعله اللي عندي جايبه لي طفل معاق مدري مغولي مدري وش قصة امه المهم انه ماهو سليم(إستغفرالله كأنه موب ولده)
راكان ناظره نظرة سخريه
عبدالعزيز ولاعلى باله كمل حكيه:المهم ابشر باللي يعطيك سيوله وان كان عليك ديون بسددها لك
بس إبتسم بخبث بشرط!
راكان طالع فيه بإهتمام :وشو؟؟؟
عبدالعزيز:تتزوج دانا!!!!!!!!!!!!!!!!!!!!!!!
راكان إنصدم:أنت وش قاعد تخربط؟؟؟؟؟مستحيل مستحيل
عبدالعزيز:ليه مستحيل
راكان مازال مصدوم:بعدين تعال انت قصدك دانا اللي متربيه عندكم وانت موب قلت لي انها تزوجت مدري مملكت!
عبدالعزيز:ياخوي اصبر خلني افهمك
هي ماصار بينها وبين زوجها نصيب وتطلقوا هي فجأه مدري وش جاها كارهته مدري وش قصتهم بس المهم انه طلقهابفترةالملكه وباقي لها يمكن تقريبا شهربس وتطلع من العده واعرس عليها انت وابشر باللي يطلعك من ازمتك
راكان شك بموضوع دانا اكيد ماتطلقت بفترةالملكه إلا عشان شي كايد:انا كنت ادري انك نذل بس ماتوقعت لـ هالدرجه
عبدالعزيز بكل برود:ليه؟؟
راكان انقهر منه هذا اللي بيجنني:وش اللي ليه ياخوي انا ماابي اتزوج بتساعدني كذا ولا بكيفك ماني معرس عليها ولاابيها
واناشايل فكرة الزواج من راسي نهائيا
عبدالعزيز:اجل بكيفك خلك تغرق بالديون ودور اللي يساعدك
راكان ناظره بنص عين:طيب وش معنى تبيني اعرس على هالبنت وتفكني من ازمتي وتساعدني!
عبدالعزيز:لاني مابيها عندنا بالبيت ابفتك منها انا وسكت(ماكان يبي يقول لراكان انه يميل لها بشكل جنوني )
راكان:انت ايش!
عبدالعزيزتلعثم بالحكي:اااء انا مابيها مابيها في البيت ياخوي ماني طايقها
راكان:طيب خلني افكر
بس ترانيـ
قاطعه عبدالعزيز:ولاتراك ولاشي فكر على راحتك معك مهله إسبوع
يله سلام واخذ شماغه وطلع وهو مبتسم ابتسامة نصر
في المستشفى
فاتن في غرفة العمليات وكان فيه كادر طبي كثير بغرفة العمليات
وهالشي خلا ام فاتن مررره تتوتر
كانت قاعده على الكراسي هي وحنان اللي كان توترها مايقل عن توتر امها
إنتظروا ساعه
ساعتين
ثلاث ساعات
الوقت مررره طويل عليهم
الثواني والدقايق كنها سنين
والساعات خلتهم يفقدون صبرهم
ام فاتن قاعده تدعي ربها انه هالعمليه تعدي على خير
حنان كانت تطقطق بجوالها
ماتدري ليه سوت كذا
بس كانت حابه تقهره مثل ماقهرهم مع انها متأكده انه ماهمه ولاراح يحس بس يمكن لعل وعسى!!!
طبعا كانت مرسله مسج كله سخريه لإبوها
سلام دادي مبروك زواجك من المحروسه الشريفه اللي كلها عفه
اهنيك سراحه
وحبيت اقولك ترى فاتن سوت عملية تصحيح جنس لأنها ولد موب بنت
ماهي إلا ثواني ودق جوالها
حنان إرتبكت ::يمه هذا ابوي وش أقوله؟؟
امهاإستغربت:وش عنده داق؟وش يبي؟أنتي قلتي له؟؟
حنان بهمس:إيه
امها:طيب ردي عليه
حنان وكنها إرتاحت لأن جوالها سكت عن الدق:لاخلاص
ماأمداها تكمل جملتها إلا ابوها داق
!
ردت بكل برود:الو
ابوهابعصبيه:انتي وش هالخرابيط اللي مرسلتها لي!
حنان:دادي ترى الناس يسلمون اول
ابوها:الله لايسلم فيك مغز ابره انتي وامك واختك معاكم كانكم فضحتوني
حنان بسخريه:هه لا ماشاءالله دادي اجل انت اللي مافضحت نفسك متزوج عارضة ازياءو
ابوها قاطعها وهومعصب عليها مره:والله لو كنت عندك عطيتك كف يربيك مابقى إلا انتي يالمفعوصه تعلميني الصح من الغلط
عطيني امك اشوف
حنان دمعت عيونها:أكرهك والله العظيم اكرهك من طلعت على الدنيا وانت دايم مشغول عنا
وعطت الجوال امها
امها كانت تأشرها يعني وش يبي!
حنان بقهر:مدري عنه خذي كلميه وراحت لدورة المياه تغسل وجهها
امها اخذت الجوال وبعصبيه خفيفه:نعم!
ابوالبنات كان ساكت وسرحان شوي كلمة حنان لما قالت اكرهك اثرت فيه
قالت مره ثانيه وبعصبيه اكثر:قلنا نعم!
ابوالبنات توه انتبه ورجع لعصبيته:وش هالخرابيط ياحسنا صحيح اللي قالته حنان!
حسناوكل برود الدنيافيها:ايه
ابوالبنات:من جدك انتي شلون ومتى صار هالكلام!
حسنا قالت له كل السالفه
هو إنقهر وقعد يتحلطم وسكر الموبايل
حسنا تنهدت بألم
وتعلقت عيونها على غرفة العمليات تنتظر احد يطلع يطمنها
حنان كانت تغسل وجهها وتبكي وترجع تغسله
وتناظر نفسها بالمرايه وتتأمل شكلها
مقهوره من ابوها
تتمنى انه يقعد معاهم يطلعهم يمشيهم
بس هو طول وقته لاهي ومسافر
صح امها صارت قريبه منها حيل
بس ولو ينقصها حنان ابوها
بعدين يكفي ان فيه بنات معاها بالسكول(المدرسه) لما دروا ان امها مغربيه
قعدوا يتمسخرون عليها
يقولون ان المغربيات وسخات وحقات شقق ومدري إيش
وهي حاولت تفهمهم
انه بكل بلد فيه الشين والزين
مومثل ماهم مفكرين
ودافعت عن امها
لان هي ماترضى احد يهين امها
هي تحب امها حيل
لانها طلعتها من مشكلتها مع حاتم
وبدون ضرب ولاشي
تفاهمت معاها بكل هدوء
وهي تعرف انه امها مصليه مسميه وتعرف اخلاقها
حتى لوابوها دايم بعيد عن امها مستحيل امها تسوي شي غلط
وموكل المغربيات وسخات
مثل ماقالوا البنات
ويالبى المغرب واهلها وكل مافيها عشان امها
طلعت من شنطتها كلينكس ومسحت وجهها
عدلت طرحتها وطلعت من دورة المياه
وكانت مازالت سرحانه وتفكر
وبدون ماتحس صقعت بصدر عريض
طالعت فوق
وقالت بقلبها يالبيه
شافت واحد خقه يجنن يموت يخقق كل شي زين فيه
قالت بسرعه:آسفه اخوي وكملت طريقها
هوقالها:لاعادي وكمل طريقه
ودها تلف تطالعه بس تخاف يفهمها غلط
يمه فديته يجنن
لماوصلت عند امها امها كانت تبكي وبسرعه ضمتها
حنان كانت متبنجه موب مستوعبه شي
وخرت عن صدرامها:يمه شفيك؟
امها:فاتن وعجزت تكمل شهقت من البكي
حنان خافت:شفيها يمه؟
امها:مافيها إلا العافيه تطمني الحمدالله العمليه عدت على خير
حنان إبتسمت بفرح:الحمدالله يمه الحمدالله
وضمت إمها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك