رواية الله يسامح اثنين جابوني للدنيا و راحو و خلوني -18
دانا:تمام الحمدالله وأنتي اخبارك وفاتن شخبارها؟
حنان:انا تمام وفاتن سوت العمليه وصارت الحين فهد يوه لايفوتك شكلهاقصدي شكله ههههههههه
دانا:ههههههههههههههه بجد والله توني أدري بس يلا الحمدالله على سلامتهـ هههههه سلامته
حنان:كنتي بتقولين سلامتها صح هههههههههه
دانا:هههههههههههه
فهد كان يأشر على حنان يعني عطيني بكلمها
حنان طالعت فهد بعدين قالت لدانا:دانا فهد يبي يكلمك عادي؟
دانا إرتبكت شوي:إيوا عادي عطيني إياه
مدت حنان الجوال لفهد :خذ وطالعته بنص عين!
فهد:الو
داناخقت على صوته مومصدقه انو هاذي فاتن صح فاتن من قبل وصوتهاتفخمه شوي وفيه خشونه بس الحين صاير خشن أكثر وفيه بحه وحاد:اهلين
فهد:اخبارك!
دانا:تمام وأنت؟
فهد:بخير
دانا:دوم يارب
فهد:مشكوره لأنك ساعديني لولا الله ثم أنتي كان انا للحين ماعرفت وش جنسي
دانا:العفو بس انا ماسويت شيء غير الواجب بس انت خلاص إنتهت فترة معالجتك كلها
فهد:لا باقي لي جلسات بعد العمليه وأول جلسه بعد يومين
دانا إنقبض قلبها ونست نفسها:يعني يوم زواجي
فهد:إنصدم إيش؟
دانا تحسفت ماتدري كيف قالت كذا
فهد:انتي بتتزوجين؟وماعزمتينا على زواجك؟
دانا:إي بتزوج بس زواجي عائلي وإلا كان عزمتك أنت وإختك أأأء>>(نست إسمها)
فهد:حنان
داناضحكت وهي متفشله:إيه حنان
فهد:يالبى قلبك بس
دانا إستحت وإنقهرت من وقاحته هو الحين فهد مو فاتن يعني المفروض ماتاخذ وتعطي معاه بالكلام:يلا فهد إذا ماتبي شيء انا مضطره أقفل
فهد:افا تقفلينه بوجهي
دانا:لا موقصدي
فهد:المهم قصدك او موقصدك انا بس حبيت اتطمن عليك وآخذ آخبارك
دانا:مشكو وماتقصر بس معليش تعطيني رقم إختك حنان حابه أتعرف عليها أكثر وآخذ أخبارك منهاوإن شاءالله يارب تتعالج نهائيا ونزوجك بعد
فهدتضايق من فكرة الزواج:ههههههههههه أقول خذي رقم اختي ولايكثر
دانا تفشلت حست ان مالها داعي الحين هو فهد يعني ولد مو فاتن عشان تقعد تستهبل عليه وتاخذ اخباره وش بيقول عنها يمكن يفكر انها تحبه او شيء
ندمت انها قالت له كذا
اخذت رقم حنان وسكرت الخط
يوم زوآج (داناورآكآن)
عبدالعزيز كان حده متضايق
طلع من الشركه وتوجه للبيت
لأنه لما كان بالشركه
جاه راكان
وأخذ منه السيوله اللي تساعده وتسدد الديون اللي عليه
وتخليه مايبيع الشركه اللي ابوه أمنه عليها
دخل البيت وشاف الشغاله قاعده تكنس الصاله:وين ماما بشاير!
جولي:مدام فيه روح كوافير
عبدالعزيز تنهد: اها وبتردد ااء طيب روحي جيبي لي البراء
جولي طفت المكنسه:حازر بابا
نزل شماغه وعقاله على الكنب وجلس وسند راسه وغمض عيونه
آآآآآآآآآآآآآآآآآآآآه مني ليش سويت فيها كذاانا وش فيني متضايق معقوله ندمان
وإلا لانها بتتزوج وبياخذها غيري وهالمره جد مومثل زواجها من عساف اللي تفركش
لا لا انا مااحبها
بشاير وولدي يسوون دنيتي ومافيها
صحى من تفكيره على صوت جولي اللي تمد له ولده
توتر وهو يشوف شكل ولده وسعابيله اللي تتقاطر من فمه
وباين انه مغولي
ماكان عارف شلون يشيله بس أخذه من جولي وحطه بين إيديه
وضمه لصدره
وشم ريحته
وباسه على خده
وقال بصوت مخنوق:سامحني يابابا
البراء كان يطالعه وكأنه فاهم إبوه وش يقول
ضمه عبدالعزيز على صدره مره ثانيه ويحس إنه نسى همه
جولي كملت كنس
وهي مستغربه من حنية عبدالعزيز
دانا كانت تبكي بالجاكوزي ودموعها مختلطه مع المويا
شلون واقفت عليه شلون
انا كنت ابيه منقذ عشاني كنت حامل بس الحين انا موحامل ولاشيء
وعساف مستعد يرجع لي
انا مقدر اعيش مع شخص تحت سقف واحد غير عساف
اكيد عساف الحين ميت من القهر
آآآآآآآآآآه بس ياقلبي
انا حتى ماأعرفه ولاشفته
ولاحتى كلمته
مااعرف إلاإن إسمه راكان وهو صديق عبدالعزيز
انا شلون غامرت وقلت لعبدالعزيز اني موافقه على هاللي خطبني شلون
توني احس إن الموضوع صار جدي
كلها ساعات واكون انا وهو مع بعض
طلعت من الجاكوزي
ولبست الروب
وطلعت من الحمام(والجميع بكرامه)
وشافت موبايلها يدق
ردت وهي تبكي:الو
ريم:بسم الله شفيك
دانا ساكته وتبكي بصمت وتحس بوجع بعيونها تحس دموعها بالموت تطلع
ريم بشك:أنتي تبكين!
داناكاتمه شهقاتها:لا
ريم:اكيد
دانا:ايه
ريم:اجل ليش صوتك كذا!
دانا:ريم قلت لك مافيني شيء بسرعه إخلصي علي
ريم تضايقت من عصبية دانا:كنت بقولك زواجك وين بيحطونه؟
داناخلاص ماعاد تقدر بكت:ريم ياريم تكفين سامحيني إني عصبت عليك بس كنت مابيك تدرين اني أبكي
مابيه ياريييييييييييييييييم مابيه أبي عسااااااااااااااااااااااااااااف آه والله أبيييييييييييييه مااقدر أتحمل وإنهارت وطاحت عند الكومدينا
وشهقت يارب خذ روحي قبل أكون مع غيره
ريم خلاص بتبكي مره رحمت حال دانا:دنو حبيبتي أنتي إستهدي بالله وخلاص اليوم زواجك ولازم ترضين بالأمر الواقع وانتي اللي وافقتي برغبتك وتعوذي من إبليس
داناتبكي
ريم:عشاني تعوذي من إبليس
دانا تنهدت:اعوذبالله من إبليس
ريم:يلا إمسحي دموعك وقولي لي وين بيحطونه فيه زواجك؟
دانا بألم:عبدالعزيز قالي بقصر إبوراكان يعني الظاهر إنه فبيتهم
ريم:الله يخلف زواجك وماتدرين وين بيحطونه
اجل بخلي إبوي يدق على عبدالعزيز يوصف لنا بيتهم وينه فيه
دانا أخذت كلينكس من فوق الكومديناومسحت دموعهاوخشمها:طيب
ريم:أنتم من عازمين
دانا:بس أهل راكان وأهلي وأنتي ووأفكر أعزم حنان
ريم:حنان مين؟؟
دانا:إخت فهد
ريم :فهد مين؟وش ذا الألغاز؟؟؟؟
دانا:فهد اللي هو فاتن
ريم بدت تشك إن دانا إنهبلت وفقدت عقلهاسكتت
دانا:شفيك فهيتي
ريم:أناادري عنك انتي وكلامك اللي مدري وش يحس فيه !
دانا:تذكرين فاتن صديقتك
ريم:إيه شفيها؟؟
دانا:قالت لها كل السالفه
ريم:من جدك؟ ياحليلها أصلا تبين الصراحه انا من زمان شاكه انها موطبيعيه وكنت اشك انها بنت
المهم ماعلينا انتي إستعدي
وإعزمي حنان إذا تبين
يلا مااطول عليك باي
دانا:باي
ودقت على حنان تعزمها هي واهلها
وقالت لحنان تخلي فهد يدق على عبدالعزيز يوصف له مكان الزواج
وعطت حنان رقم عبدالعزيز عشان تعطيه فهد
وقامت تلبس لأن بشاير إذآ جات من المشغل
بتاخذ دانا وتروح هي وإياها لبيت راكان
دخلت بشاير على دانا:سلام ياعروسه
دانا بحزن:هلا
بشاير:أوف أوف وش ذا!
دانا تطالع فيها وكأنها تقولها وش فيك!
بشاير:شكلك من أمس وأنتي تبكين نعنبو إبليسك وجهك كله متنفخ من البكاا
بروح أجيب عباتي وإغسلي وجهك بمويا بارد
خلي الإنتفاخ يروح شوي
دانا:طيب وراحت للمغسله وغسلت وجهها وكان وجهها حاااااااااار
وإنتعشت لما غسلت بالمويا البارد
وطلعت عبايتها ولبستها
وبشاير راحت لغرفتها تجيب عبايتها
دخلت غرفتها وإنصدمت ودمعت عيونها
وهي تشوف زوجها حاضن ولده ونايمين بسلام
قربت منهم بشويش وإبتسمت وقالت بهمس:الله لايحرمني منكم
وباست عبدالعزيز على شفايفه
وباست البراء مع خده
وأخذت عبايتها وطلعت بسكات
عبدالعزيز كان حاس فيهالما باسته وذوبته ريحة عطرها
بس كان مسوي نفسه نايم
يبي يشوف ردة فعلها
حضن البراء أكثر وحاول يكمل نومه
بشاير راحت هي ودانا لبيت إبو راكان
فتحت لهم البواب بوابة القصر الكبيره
دخل السواف بالسياره داخل وقفها بالكراج حق السيارات
ونزلو بشاير ودانا
وقالت بشايرلـ السواق ينزل الشناط واغراض دانا وفستانها
وراحوا للحديقه
وكانت مزينه بالبالونات
والشموع اللي محوطه كل أرجاء الحديقه
والورد الأحمر المنثور وسط المسبح
وحاطين شموع بكاسات وسط المسبح
والطاولات والكراسي اللي عليهم شيفون أحمر بأبيض وشموع وعلب كلينكس ومويا بكل مكان
وعند المطبخ الخارجي فيه بوفيه مفتوح
والكوشه كانت عباره
عن طاوله حمرا وعليها شموع فواحه بريحة الفراوله
وكرسي واحد كبير لونه خشبي عليه شيفون أحمر ومنثور عليه ورد
والكوشه محوطه بشموع ومنثور عليهاورد أحمر
كانت دانا تتأمل المكان ودموعها على وشك تنزل تمنت إنها ماخذه عساف مو راكان
دخلت هي وبشاير داخل مع بوابة القصر الداخليه بعد مافتحت لهم الشغاله
وجلسوا بالصاله
بعرفكم على عائلة إبو راكان(إبو راكان يشتغل بتجارةالحديد وله عدة شركات
ووحده من شركاته معطيها ولده راكان يديرها
وإم راكان دكتوره بالجامعه بس متقاعده من زمان
وطيبه مره
طبعا أكيد بستغربون كيف راكان طلب من عبدالعزيز سيوله لـ الشركه
وإبوه مليونير
هو ماأخذ من ابوه لأنه مايبي يصغر بعين ابوه
ومايبي ابوه يزعل منه إنه خسر بالأسهم وخسارته كانت كبيره
فحب إنو محد يتدخل بمشاكله وحل مشكلته بنفسه
طبعا عيال إبو راكان
راكان عمره 31سنه يشتغل بوحده من الشركات اللي ابوه خلاه يديرها وامنه عليها
وحاتم عمره 23 سنه بـ آخر سنه بكلية المعرفه للعلوم والتقنيه بالرياض>>تذكرونه ؟؟؟
وريتان 19 سنه مخلصه ثانوي ووقفت دراسه
وبس
نرجع لبشاير ودانا
جاتهم ريتان سلمت عليهم وقالت بـ إبتسآمه:من فيكم عروستنا؟؟
دانا :أنآ
ريتان:هلا والله وغلا تفضلي معاي لجناحك عشان الكوفيرا تسوي لك شعرك والميك أب
دانا طالعت بشاير يعني تعالي معاي:طيب يلا
وراحت هي وبشاير مع ريتان دخلتهم ريتان وراحت
دانا كانت تتأمل جناحها
كان عباره عن حمام والجميع بكرامه
وصاله جانبيه صغيره
وغرفة نوم
الصاله كان الكنب اللي فيها مدموج لونين موف فاتح وبنفسجي غامق
والستاره لونها موف فاتح>>لون دانا المفضل
والطاولات بنفسجي غامق
والسيراميك موف فاتح
ولون صبغة الجدران بنفسجي
وغرفة النوم كان السيراميك بني محروق (غامق نفس لون جذع الأشجار)
وصبغة الجدران أصفرغامق مدبوج معاه بني خفيف
والسرير والكومدينا والدولاب وباقي الأشياء بني محروق
والستاره والمفرش حق السرير أصفر غامق
وفيه شموع كبيره لونها أصفر فاتح
على أطراف زوايا السرير
وعند الأبجورات فيه شموع
وكلها فواحه وريحتها خيال ومشعلينها
وطالع شكل الغرفه روعه وجوها رومانسي حيل
والحمام وأنتم بكرامه
كان لون الجدران بني
ولون الجاكوزي والمغسله والإفرنجي أبيض محدد بذهبي غامق
وعلى المغسله فيه فواحات عطريه بريحة الفانيلا
دانا ستايل جناحها أعجبهاحيل
نزلت عبايتهاوجلست على الكرسي إللي عندالكومديناوقعدت الكوفيرا تزينها وهي تحس كأنها بغيبوبه
شافت الشغاله جايبه اغراضها
وبدا قلبها يدق بقوه
بشاير قعدت ترتب الأغراض دانا وتحطهم بالدولاب
وهي تهوي على نفسها تحس مكياجها بيخرب
نظرات دانا الحزينه لها وترتها
الكوفيرا بدت تسوي لدانا شعرها
دانا طلعت جوالها من جيب بنطلونها وقعدت تطالع بمقاطع الفديو والرسايل وتسلي نفسها بس المهم إنها ماتفكر بشي عشان ماتبكي
,,,,,,,,,,,,,
إلى هنــآ وبس أكمل باقي الأحداث في البارت القادم بإذن الله
البارت الثاني والعشرون
بارت طويل وأحداثه قويه وحزينه
على أبطالي(دانا-وعساف-وراكان)
وبآقي الأبطال
يعيشون مشاعر مختلفه
عساف كان قاعد يتقهوى هو وإمه ويتابع فيلم على mbcأكشن
أم عساف بتردد:عساف ياوليدي أبيك توديني بعد صلاة العشاء لعرس دا وسكتت
عساف قعد يطالع بإمه:عرس مين؟؟
امه نزلت راسها بأسى:عرسها
عساف وقف حس إن الدنيا بكبرها ضاقت عليه حس إنه مخنوق بقوه ويبي هوا :عرس دانا اليوم أنتي وش قاعده تقولين يمه؟؟
وراح متوجه للباب وهو يتمتم بهمس بكلام إمه ماسمعته
وطلع
إم عساف عورها قلبها على ولدها حست إنه بيستخف
عساف بعد ماطلع من عند إمه
راح يحجز له تذكره لأقرب طياره لتركيا
خلاص ماعاد يقدر يقعد بالسعوديه لحظه وحده
ولقى حجز الساعه 7الفجر لإسطنبول
ركب سيارته وأخذ نفس
ودق على إمه
وقالها إنه بيوديها للعرس
وإنه راح يسافر الفجر
ماعارضته لانها عارفه انه متضايق وحاسه فيه
بعد ماقفل الخط من إمه
قعد يقلب بالأرقام وشاف رقمها تردد يدق عليها وإلا لا
فتش بالسيديات اللي عنده وطلع سي دي لوليد الشامي
وشغله
وهو يقول بصوت حزين ومخنوق وتعبان
حسبي الله عليك يادانا
حبك أتعبني
صرت مدمن اغاني بسبايبك
أحبك الله ياخذك عشان أرتاح إنك مو لغيري وتنهدبتعب
الله يلعنـ
إستغفرالله العظيم إستغفرالله
أعوذبالله منك ياإبليس
كانت الكوفيرا على وشك تخلص من شعرها
دخلت إم راكان وسلمت على دانا وبشاير
وقعدت تسمي على داناومنبهره بجمالها وترحب فيها
ودانا إرتاحت لها حستها طيوبه مره
وبشايرقالت لداناإنها بتروح مع إم راكان وترتب معاها تجهيزات الزواج
ودانا هزت راسها بمعنى أوكي
وهي مو في الدنيا
فجأه دق جوالها
بنغمه تعرفها زين
زادت نبضات قلبها وتوترت
ردت وهي ساكته تحتريه يتكلم
بس كان مشغل أغنيه
قعدت دانا تسمعها وكانت واصله حدها بتبكي
وأول ماسمعت بداية الأغنيه
بكت
عساف الله يخليك سكرها
أو ترى بسكر الخط
تكفى
بس عساف كان مطنشهاو ساكت
وكانت ماتسمع إلا الأغنيه وزاد بكاها
كلها ساعات وأسافر
وأحمل هموم وعنايا
وأبتعد مكسور خاطر
لأن حبيبي مو معايا
ماطرا يوم ببالي
عنك انا ابعد ياغالي
حطمت قلبي الليالي
فرقتنا في النهايه
كلها ساعات واسافر
وأحمل هموم وعنايا
كيف راح اصبر بدونك
وعيني تبعد عن عيونك
وانا كلما ينظرونك
تزيد ناري في حشايا
انحرم ليه من حنانك ؟
وعمري ضيعته عشانك ؟
يافرح ولـىً زمانك
وإنطوت احلى روايه
كلها ساعات واسافر
وأحمل هموم وعنايا
ياحبيبي في بعادي
روحي لك تصرخ تنادي
صوتي ضايع وسط وادي
وأدري ماينفع رجايا
منهو اللي يطفي لي ناري
يشعر بهمي ومراري
ليلي يبعد عن نهاري
شمسي غابت عن سمايا
كلها ساعات واسافر
وأحمل هموم وعنايا
دانا شهقت وقالت بهمس:عساف بس الله يخليك
عساف سمعها وقالها وأنفاسه تسابق صوته:دموع التماسيح موعلي أمرضتيني الله ياخذك
أحبك
أحبك
وبكى
شلون شلون ترضين بغيري شلون
اليوم أنتي بتنزفين لغيري
وبتكونين له مولي
انا بسافر وبترك السعوديه بكبرها عشانك
مالي حل غير الهروب
مافي شيء بيديني أسويه
ترجيتك وحاولت أخليك تسامحيني بس أنتي رفضتيني وصديتي عني
مااقدر اتحمل مااقدر
التعب اللي فيني أكبر من الحكي
وطاقتي وقوتي كلهاتلاشت
ليش سويتي فيني كذا ليش
دانا كانت مغمضه عيونها وتبكي
:عساف ياقلبي قسم بالله حتى انا أحبك وعمري ماراح أحب غيرك
بس اللي صار كله غصبن عني
وبعدين انت وين بتسافر
عساف:كذابه كذابه ماتحبيني واللي صار برضاك موغصبن عنك حرمتيني منك ومن الطفل اللي مني بحشاك خسرتيني وخسرتي طفلك والحين بتعيشين حياتك وانا اتعذب وانتي ماهمك لاتقولين إنك تتعذبين مثلي ماراح أصدقك
وموشغلك وين بسافر
وقفل الخط بوجهها
ومسح دموعه
حس إنه طفل وهو قاعد يبكي وحالته حاله عشانها
وهي ماتستاهل على قولته
دانا رجعت تدق عليه وعطاها مشغول
وقفل جواله نهائيا
رمت دانا الجوال على الكومدينا
وقعدت تبكي
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك