رواية الله يسامح اثنين جابوني للدنيا و راحو و خلوني -23
راكان:قومي إنقلعي لأي مكان مابيك جنبي
دانا:ممممممممابي بعدين ترانا بالطياره موتحسبنا فبيتنا
راكان:أجل لاتكلميني ولا أسمع لك همس حتى أنفاسك مابي أسمعها
دانا طالعته وعضت شفتها التحتيه بقهر
هو سند راسه على الكرسي وغمض عيونه يبي ينام
عشان يتحاشاها جننته هالبنت
عساف راح لنادي عشان يلعب كرة التنس
دخل النادي وهو ميت من البرد بس لأنه بيلعب فأكيد راح يحس بالحر
وكان فيه طاولات جلس على وحده منهم
ومعاه علبة مويا
نزل أغراضه
وشرب مويا
وراح للملعب حق التنس
وكان فيه
شباب كثار يلعبون
كل إثنين مع بعض
وفيه ناس جالسين على المدرجات
وإحتار يبي أحد يلعب معاه
لأنه مجنون بـ هالرياضه
يموت على شيء إسمه كرة تنس
جلس على المدرجات وقعد يطالع اللي يلعبون
آخر شيء مل
حس نفسه غريب بينهم
ومن هالموقف اللي صار له حس بالغربه
وقام أخذ أغراضه وطلع من النادي
ومر على مطعم بطريقه
وأخذ له طبقين بيتزا وكولا
ووقف له تاكسي
ورجع للفندق
دخل جناحه
وهو ميت من البرد
سكر الشبابيك والبلكونه
ولبس له بجامه شتويه
وشغل التلفزيون
وقعد يتفرج
وياكل
لأنه ميت جوووووووع
عبدالعزيز آخذ شاور سريع وطلع
لبس على السريع
وباس بشاير على خدها:يله سلام
بشاير وهي تجعد شعرها:باي حوبي
بعد ماخلصت
حطت قلوس
وكحل خفيف
وكانت لابسه
فستان تفاحي ماسك على جسمهاوقصير تحت الركبه بالظبط بأكمام قصيره
وتحت الصدر فيه شريطه بيج
وصندل تفاحي
لبست عبايتها وأخذت شنطتها
ونزلت تحت لغرفة البراء
وأخذته وهي تبوسه
كانت الشغاله محممته وملبسته
أخذت شنطة أغراضه
وقالت لـ السواق يوديها لبيت أهلها
عساف بعد ماأكل وخلص
فتح لاب توبه
ودخل الماسنجر
وقعد يسولف مع واحد من إخوياه ويقوله
يرسل له برنامج تحديد القبله
نزل اللاب توب على جنب بما إنه البرنامج باقي له وقت على مايتحمل
وأخذ النوتا الصغير والقلم اللي بشنطة الاب توب حقه
وكتب ::"عشق بدوي لاحب ماهو بكذاب يوفي ولوجرحه تجدد صوابه
وحط حرف الـ D
وطوى الورقه وحطها هي والقلم
على الطاوله!!!!!!!!!!!!!!!!!!!!
وقعد ينتظر البرنامج يكتمل تحميله
بشاير بعد ماتغدت هي وإمها
كانت إمها قاعده تلعب البراء
وبشاير جابت لإمهاكاسة شاهي
وهي معاهاكاس حمضياات
جلست وهي تقول لإمها:يمه عساف وينه مااشوفه؟؟
إمها:ماهو فيه مسافر لتركياا
بشايرإستغربت:مسافر لتركياا؟؟متى؟
إمها:بعد زواج دانا سافر الفجر
بشاير هزت راسها بأسى وهي تتنهد:الله يعينه
إمها:آمين
بشاير:والله ماالومه اخوي غرقان بالحب لشوشته يمه
إمها:ياحسرت قلبي عليه بس
بشاير:سلامتك من الحسره يمه
إمها:الظاهر مافيه إلا إني أزوجه
بشايربتأكيد:لاتتعبين نفسك يمه ماراح يوافق مستحيل
إمها:وليه مايوافق؟لاجاء إن شاءالله من السفر على خير بكلمه ودانا اللي جابها يجيب غيرها البنت تزوجت وشافت نصيبها وهو بعد لازم يشوف نصيبه
مع غيرهاا
بشاير طالعت إمها وسكتت لأنها عارفه عساف مستحيل يوافق
هو ماسافر إلا لأنه تعبان من حب دانا
ومتضايق لأنها تزوجت غيره
عساف طلع من الفندق
الساعه11:00 م بتوقيت إسطنبول
طلب تاكسي
وراح لمحل خاص بالتاتوه(الوشم)
دخل
وهو متورط خايف إن اللي يزيين الوشم مايعرف إنجليزي
لأن قليل من الأتراك اللي يتكلمون باللغه الإنجليزيه
عساف تكلم معاه بالإنجليزي
الترجمه
عساف:مرحبا هل تجيد اللغه الإنجليزيه
صاحب المحل:نعم قليلا
عساف:حسنا أريدك أن تضع لي وشم هنا(وأشر على كتفه اليساربس مو عـ الكتف بالظبط لا تحته بشوي)
صاحب المحل :حسنا لاكن ماذا تريدني أن أوشم ؟
عساف:أريدك أن تضع لي حرف دي وترسم قلب بجانبه
وتكتب تحته هذه العباره(ومد له ورقة النوتا )
صاحب المحل:حسنا ولاكني لم أفهم هذه العباره
هل أنت عربي؟
عساف:نعم
أريدك أن تكتب هذه العباره بخط صغيرولاكن يجب أن يكون واضح
لن تفهم معنى هذه العباره
ولاكن سأخبرك معناها بطريقتي الخاصه
أناعاشق وحبيـبتي تزوجت شخصا غيري
وأنا مجروح ومتعب جدا
وأريد أن أوشم حرفها وأضع هذه العباره تحت حرفهاعلى جلدي لكي أشعر بألم الوشم
وأشعر كأني وقدأخرجت حبها من قلبي ودمي
إبتسم صاحب المحل:ياإلهي لماذا كل هذا العذاب
فهي لاتستحق أن تضع حرفها على جسدك
عساف:لن تفهمني أبدا فقصتي طويله هيا أريدك أن تضع لي الوشم مثل ماأخبرتك تماما
صاحب المحل:حسنا
ولاكن لم تخبرني ماإسمك؟
عساف:عساف
وأنت!
صاحب المحل:جينكيز
عساف:أهلا بك
صاحب المحل إبتسم له:شكرا
هل أنت جاهز؟
عساف:نعم
وبدا يسوي التاتوه لعساف
عساف غمض عيونه من الألم لما غرز آلة الوشم بجلده
وبدا يسوي له التاتوه أول شيء بدأ بالعباره
كتبها بصعوبه لأنه مو فاهمها بس قعد يكتب مثل المكتوب بالورقه
وقعد يتهجاها ويقرا ها بصعوبه وهو موفاهم شيء
عساف ضحك عليه
شكله يضحك
متحمس ياحليله
الله يهديه عساف الظاهر حبه لدانا نساه
إن الوشم حراااااااااااااااااااااااااااااااااااااام :(
،،،،،،،،،
،،،،،،،،،
،،،،،،،،،
لحديرد بعد شوي بنزل البارت السادس والعشرون
brb
bak
البارت السادس والعشرون
عساف بعد ماخلص له صاحب المحل التاتوه
إنتظر شوي لين جف
ومد الفلوس لصاحب المحل وقاله
الترجمه
عساف:شكرا
صاحب المحل أخذ الفلوس :عفوا
وإبتسم
طلع عساف من المحل
وإستنشق هوااااااااااااء نقي
ومشى على رجوله
لحد ماوصل للبحر لأنه كان قريب موبعيد مره
قعد على الكرسي
وهو يطالع البحر
والسماء صافيه والقمر ساطع
تنهد حس إن الجو رومانسي
طالع التاتوه اللي سواه
بعدين طالع القمر
وهو يحس إنه يشوف صورة دانا بالقمر
قال بهمس وكأنه يكلم القمر :ياترى وش تسوين الحين يادانا آه منك آه
(كان التاتوه حق عساف
عباره عن حرفDوجنبه قلب كأنه مكسور بالوسط
وتحته عباره بخط صغير بس وآضحه
وكآنت مزخرفه
عشق بدوي لاحب ماهوبكذاب يوفي ولوجرحه تجدد صوابه)>>يآلبيــــه بس^^
راكان ودانا بعد كم ساعه قضوها بالطياره
وصلو لـ الشام
وكان بإستقبالهم
بودي قارد
وسيارتين
فتحوا لراكان ودانا باب السياره اللي ورى
وحطو الشناط بالسياره
ودانا كانت بحالة ذهوووووول تطالع وفاتحه فمها
سكرو الباب وركب واحد من البودي قارد عند السواق قدام
والباقين ركبو بالسياره الثانيه
وكانوا يمشون ورى السياره اللي فيها راكان ودانا
وصلو لأوتيل راقي وفخم
حيل
وكان فيه حديقه ومسبح
وكل سبل الترفيه والراحه فيه
دانا كانت ساكته ومافتحت فمها بكلمه بس تمشي على عماها
فتح لهم واحد من البودي قارد الباب ونزل راكان ونزلت وراه
ولفت وراها تطالع البودي قارد وهم يمشون وراهم ومعاهم الشناط
خافت من اشكالهم
معضلين وأجسامهم تخوف
دخلوا الأوتيل
وركبوا دانا وراكان الأصنصير
وصعدوا لـ الطابق السابع
ودانا ودها تعرف البودي قارد وين راحوا !
طلعوا من الأصنصير
ووصلوا لشقتهم
وشهقت يوم شافت البودي قارد عند الشقه
وواحد منهم فتح لراكان الباب
قالت ببراءه:بسم الله هذول متى وصلو قبلنا؟
راكان:قصري حسك فضحتينا يعني شلون وصلوا بطياره مثلا!ركبوا أصنصير ثاني
دخلوا الشقه
وسكر راكان الباب
دانا :وين راحو؟؟
راكان:من تقصدين؟؟
دانا:البودي قارد
راكان:أنتي شسالفتك بالظبط؟؟ليش مهتمه بأمرهم الظاهر بحياتك ماقد شفتي زيهم !إلاماتبيني أناديهم يقعدون معانا بعد؟
دانابوزت بدلع:بسم الله شفيك كليتني بقشوري ماقلت شي أنا بس سئلت
راكان إرتبك من دلعهاوعصب خلاص ماعادفيه يصبرأكثر:لاتسئلين أبد
يله خذي الشناط هاذي وروحي رتبيها بسرعه
داناتخصرت:ياسلام كل هذول بعدين مااقدر أشيلهم ثقال
راكان يتطنز عليها تخصر يقلدها:إيه كل هذول أجل إن شاءالله تبيني أجيب لك شغاله بعديآعيوني!
دانا:إيه تطنز شعليك موأنت اللي بتكرف وترتبهم وبعدين خل عيونك لك مابيهم
وراحت عند الشناط وبدت تسحبهم وحده وحده
لين سحبتهم كلهم
وراكان متكي على الكنب
ويطالع التلفزيون
وكل شوي يسرق النظرات لها
جات عنده وهي منهد حيلها:أوف الله يهد حيلك
راكان طالعها: الله يهد حيلك أنتي زودعلى ماهو مهدود خلقه انا شدخلني!
دانا:والله بجد الشنط ثقيله مره قسم بالله
راكان:أوكي صدقتك
دانا:يوه راكان خلاص لاتنرفزني
راكان يبي يجننها:أقول تلايطي بس رتبي الأغراض اللي بالشناط وطلعي لي بجامه أباخذ شاور
دانا طالتعه بقهروحطت يدها على خصرها:ياسلاااااااااااااام!
راكان:أقول قومي بسرعه إخلصي
قامت دانا وهي تتحلطم :إن شاءالله يارب تموت وأفتك منك
راكان إبتسم وهو يقول بصوت شبه مسموع:إن شاءالله أموت بحبك
عند البحر
بـ إسطنبول
عساف حب يقوم يتمشى شوي على رجلينه قبل يرجع للفندق
وهو يمشي على الرصيف
وحاط إيدينه بجيوب جاكيته
والجو راييييييييق وبارد
مــر على محل للأدوات الموسيقى
وشرى له عود
دفع الفلوس وطلع من المحل
ووقف تاكسي ورجع للبيت
وهو يفكر(أنا شفيني إنجنيت؟وشم!وعود!وش خليت !دانا ماخلت فيني عقل حسبي الله عليها)
طلع باكيت السجاير وسحب له سيجاره
وولعها وحطها بين شفايفه وسحب منها هواء بقوه
وفتح شباك السياره
ونفذ الهواء من فمه لبرى
وصله التاكسي للفندق
نزل وحاسب راعي التاكسي وراح لجناحه
دخل الجناح وسكر الباب برجله وهو حاط السيجاره بفمه
جلس على الكنب ونزل العود جنبه
رمى السيجاره بطفاية السجاير
شغل التلفزيون وحطه على فيلم
وحس إنه ميت من الجوع
صاير أكله قليل
رفع سماعة التلفون
وطلب له وجبه
من نفس مطعم الفندق اللي هو فيه
أخذ العود وقعد يدندن فيه
ويغني بصوت حزين
شكثرمشتاق ياعمري شكثر مشتاق لوتدري
أضم صدرك على صدري و
وقف عن العزف على العود وتنهد
وهو يشوف لقطه رومانسيه من الفيلم
آه يادانا آه ليه كل ماأروح لمكان أشوفك
واناصاحي افكر فيك
وانانايم احلم فيك
إذا طالعت بالقمر اشوف صورتك فيه
وإذا شفت أي لقطه رومانسيه بأي فيلم
تخيلت إني انا وياك مكانهم
وين مااروح ألقاك
حتى حرفك وشمته على جلدي
ضرب بيده على قلبه آه من هالقلب آه
تعبت
تعبت
أخذ له سيجاره ورمى الباكيت على الطاوله
قعد يدخن بعنف
وهو يغمض عيونه بقوه
مايبي دموعه تنزل مايبي يشوف نفسه بـ الضعف هذا
حسبي الله عليهاا
الله يلعن الحب اللي هي تعرفه
مابي أتعذب وهي يمكن إنها مستانسه وناسيـتني
سمع صوت طق على باب الجناح
وقام يفتح أكيد هذا راعي المطعم جاب لي الوجبه
دانا بعد مارتبت الأغراض أخذت لها قميص نوم هو الوحيد اللي ساتر
طويل وماسك عـ الخصر
والصدر نصه طالع
وبدون أكمام
دخلت الحمام والجميع بكرامه تاخذ لها شاور وسحبت على راكان
راكان دخل الغرفه
وماشافها طلعت له بجامه
سمع صوت الماء
أيا بنت الـ
راحت تتسبح وماطلعت أغراضي
هين أناأوريك
طلع له جينزكحلي
وتي شيرت سماوي
وأخذ شاور سريع بالحمام الثاني
وطلع
جفف شعره بالمنشفه وتركه مبعثر على طبيعته
ولماخلص
طلع من الفندق
دانا طلعت
وهي مستحيه تطلع عند راكان باللبس هذا وش بيقول عني الحين
جففت شعرها
وجابته على جنب وسوته جديله
وحطت كريم على وجهها وإيدينها
ورشت عطر على خفيف
ولاحطت لاميك أب ولاحتى قلوس وكحل عشان راكان مايفهمها غلط
طلعت بالصاله
ومالقته
وإستغربت وقعدت
تقلب القنوات
وحطته على قناةغنوه
وكان فيه أغنية سيبه لوليد الشامي
على طول جاء على بالهاعساف
وليدالشامي كان فنانه المفضل
حتى آخرإتصال كان بينها وبينه ليلة زواجها
سمعها أغنيه حزينه لوليد
آه يآعساف ياترى وينك؟
ووين سافرت؟
رجعت وإلا لا؟؟
خلصت الأغنيه وهي للحين تفكر
وجات أغنيةقلبي طق من الجيزه لـ ساريه السواس
وتحمست يوم شافت البنات اللي يرقصون
علت على الصوت وفكت جديلتها وظبطت شعرها وحطت ربطتها فوق المكتبه حقت التلفزيون
وقعدت ترقص>>>فيها عرق خوال>>الإخت ههههههههههه ولاهانوا الخوال كلهم~_^
وتهز بخصرها
وصدرها
وكان رقصها روعه
دخل راكان
وهو جايب معاه أغراض
نزل الأغراض بالمطبخ
وجاء لـ الصاله وكان يبي يتكلم
بس سكت وتبنج
وقعد يطالع الإخت اللي متحمسه وترقص
وترددمع الأغنيه
قعد ثواني وهو يطالعهاوهي معطيته ظهرها ومقربه عند التلفزيون وترقص ولادرت إنه هنا أصلا
راكان بكل إحتقار:لا إرقصي دقني بعد
دانا شهقت ولفت عليه :بسم الله انت من متى هنا
راكان ضحك بسخريه وهو يقلدصوتها وهي تغني:من يوم قلبك طق من الجيزه من يوم خذتي الشايب
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك