رواية الله يسامح اثنين جابوني للدنيا و راحو و خلوني -25
وسند عساف عليه وطلعوا من الديسكو وكانت بيرناودها تلحقهم مره رحمت عساف
عساف إلتفت وقعد يدورها بعيونه :وينها
تامر:هيا مين دي؟
عساف:دانا
تامر:دانا مين ياعم
عساف:حبيبتي
تامر:تعالا معايا خلينا نركب تكسي انتا سكران وموش عارف انتا بتئؤل ايه
ووقف تامر تاكسي
وركب هو قدام وعساف إنسدح ورى
وكان سكران مرررررره
وخصوصا إنه أول مره يشرب وكان مكثر بالشرب
تامر ماكان عارف الفندق اللي عساف فيه وينه
أخذه على الفندق اللي هو فيه
نزل تامر من التاكسي وحاسبه
وفتح الباب اللي ورى واخذ عساف وسنده عليه
ودخل الفندق
ولما وصل جناحه
سند عساف على الجدار وفتح جناحه
ودخل وهو ساند عساف عليه
سدحه على أقرب كنب
وهو ياخذ نفس بقوه
تعب وهو ساند عساف عليه
عساف بسرعه
نااااااااااااام
وهو تعبان وسكران حده وكان يهذري بكلمات مومسموعه
تامر دخل لغرفته طلع له بجامه
ودخل الحمام والجميع بكرامه
عشان بياخذ شاور
دانا كانت مقهوره من راكان
أوف
مخليني مثل الشغاله
أطبخ له
وأغسل ملابسه
وهوطول يومه مشغول برى مايجي إلآ لـ النوم
بس أحسن عشان ينسى سالفة الحقوق هاذي
كانت طفشانه وقاعده تقلب بالقنوات
وكانت تسمع أصوات بالشقه اللي جنبها
نفسها تروح وتتعرف عليهم
على الأقل تفتك من الطفش اللي هي فيه هذا
راكان كان بالغرفه بيلبس عشان يطلع
جاء لدانا وهو ماسك ثوبه:وش هذا يامدام ورماه بوجهها
دانا وخرت الثوب عن وجهها وضمته على صدرها بحركه عفويه:ليش؟؟
راكان:ياليتني مكان الثوب ترى صاحب الثوب ينفع أكثر من الثوب
وضحك
دانا رفعت حاجب وهي مقهوره منه وتحاول تخفي توترهاورمت الثوب بجنبها على الكنب:مالت على الثوب وصاحبه
راكان طالعها بنظره دانا ماقدرت تفسرها:قد هالكلمه؟
دانا طالعته وطنشته
راكان:المهم ماعلينا شفيك غاسله الثوب كذا نصه صابون مانظفتيه
دانا:والله محد قالك إني شغاله
راكان:أقول لايكثر وروحي إغسليه زين
دانا:إلبس لك ثوب ثاني لاتحاول لو تموتني ماني غاسلته
راكان قرب منها واخذ الثوب وهو يتوعد فيها:طيب يادانا تشوفين
وراح للغرفه
بسرعه لبس تي شيرت أي كلام وبنطلون جينز وطلع
دانا إرتاحت يوم طلع
وقررت تروح
تتعرف على الشقه اللي قدام شقتها
كانت لابسه جينزسكيني سماوي
وبدي رصاصي
وشعرها مجعد ووفالته كله
طلعت من باب شقتها وهي متردده دقت الجرس
كلها شويات
وإنفتح باب الشقه وطلعت لها بنوته مثل القمر عمرها يمكن 4 سنوات تقريباا
داناإبتسمت:السلام عليكم
الطفله:وعليكم السلام
جت دانا بتتكلم بس جات وحده الظاهر إنها إمها وكانت تقول:لوجي ماما منو اللي عند الباب
شافت دانا وإبتسمت بوجهها :أهلين
دانا طالعتها وإبتسمت وتوترت من شكل الإنسانه اللي واقفه عند الباب ورى بنتهاوقعدت تلعب بدبلتها:هلابك أنا جارتك بالشقه هاذي وأشرت دانا بيدها على شقتهاوكملت وكنت طفشانه وحبيت أتعرف عليك
أم لجين:هلابيج حبيبتي تفضلي تفضلي حياج
دخلت دانا مع لجين وإمها
لـ الصاله
ام لجين:شنو تحبين تشربين؟؟
دانا:عادي أي شي
ام لجين :إنزين آني أريد أجيب لي مته تريدين وياي؟؟
دانا:وش المته هآذي؟!
ام لجين:المته مثل القهوه بس تختلف طبعا ومشهوره عند أهل الشام
داناإبتسمت :أوكي عادي
أم لجين طالعت ساعتها:عاد آني لازم أتدرب على الرقصه وأسوي لي بروفا قبل اروح المرقص
وراحت ام لجين
وقعدت دانا تطالعهاوهي فاتحه فمها
يعني ام لجين رقاصه!!!!!!!!!!!!!!!!!
حرام تضيع جمالها بالوحل اللي هي عايشه فيه
كانت ماشاءالله قمه بالجمال عيونها واسعه
وخشمها طويل وحاد
وشفايفهاصغار ومنفوخه شوي
وشعرها اسود مثل لون الكحل
وطوووووووووويل لحد خصرها
وجسمها متناسق وحلو
وكانت لابسه فستان كأنه قميص نوم
ماسك على خصرها
وصدرها طالع نصه
قعدت دانا تطالع بنتها
وهي تفكر
معقوله عندها بنت ومتزوجه وتخون زوجها
أو هو راضي إنها تروح للمرقص وكل الناس تتفرج عليهاا
باست لجين وقعدت تمسح على شعرها
ولجين إبتسمت لدانا
جات أم لجين وقدمت لدانا المته
دانا :شكرا
أم لجين:العفو حبيبتي
دانا شربت شوي من المته وماأعجبها طعمها بس قعدت تجامل أم لجين
أم لجين وهي تشرب المته:إي ماقلتي لي شنو جابج هنانه>(هنا)
دانا:جايه انا وزوجي نقضي شهر العسل هنا
ام لجين ضحكت ضحكه مااعجبت دانا:ياعيني عليج انتي عروسه يعني وغمزت لها
دانا:إيه
ام لجين:انتي باين عليج من لهجتج سعوديه مو؟
دانا:إيه
ام لجين:والنعم والله
دانا:ماعليك زود فديتك أنتي عراقيه صح؟!
ام لجين: إيه
دانا:إي فديتك باين من لهجتك لبى انتم يالعراقيين
ام لجين :فديتج عيوني
دانا:انتي من زمان هنا بالشام؟
ام لجين:لا لي سنتين تقريبا من بعد مامات المرحوم زوجي بالحرب بالعراق
دانا:ياقلبي الله يصبرك
ام لجين:آه بس آه جيت هنانه وضاعت حياتي بالمراقص عشان اكسب لقمة العيش آني وبنتي ودمعت عيونها الكلاب اللي مايخافون الله يتمتعون بجسمي وينبسطون على رقصي مقابل الفلوس
دانا:ياقلبي عليك بس ولو المفروض ماتضيعين نفسك دوري لك وظيفه غيرها
ام لجين:ماكو وظائف تكفي دخلي اليومي آني وبنتي
دانا:الله يعينك
أم لجين :آمييين
إلآ ماقلتي لي شنو إسمج أخذتنا السوالف ونسيت اسئلج
دانا:دانا
ام لجين:دانا الله إسمج حلو هوايه(يعني كثير أو وايد~_^)
دانا:تسلمين وأنتي وش إسمك؟!
أم لجين ضحكت بألم:شنو تريدين تعرفين إسمي الحقيقي لو>>(أو)إسمي الفني
دانا:عادي اللي يريحك
ام لجين:إسمي الحقيقي هدى والفني مارياًً
دانا :عاشت الأسامي
ام لجين:عاشت أيامج
بـ إسطنبول
عساف صحى من النوم وماقدر يفتح عيونه من قوة الألم والصداع
فتح عيونه شوي شوي
وشاف تامر قاعد يفطر
عساف قام وجلس وقعد يمسح وجهه
ويوخر شعره على ورى بيده:أنا وين؟
تامر:انتا في القناح(الجناح)بتاعي(حقي)
عساف وكأنه بدى يتذكر:ليش أنا وش جابني لجناحك؟
تامر:أسكت ياعم دنتا عملت عمايل ليلة إمبارح
عساف:ليش وش هببت تراني ماأتذكر شيء أبد!
تامر:أكيد موش حتتزكر حاقه دنتا كترت في الشرب أوي
عساف:إي والله مره أحس راسي بينفجر من الألم وأحس إني بستفرغ
بس ماقلت لي أنا شسويت؟
تامر:بص حئولك دنتا
وقاله السالفه كلها
عساف إنهبل وضرب جبهته بيده:الله يلعن الشيطان كل هذا سويته بس لأني كنت سكران
تامر ضحك:ليه هوا انتا عايزأوقح من اللي انتا عملتو
عساف سفهه وحط يده على مكان الوشم وقعد يلمسه ويتحسس حرف دانا وهو منقهر من اللي سواه يحس إنه خانها
تامر:مالك؟موش عى بعضك!
عساف:لا بس إذا ممكن أبي حبة مسكن وكاس مويا بسرعه بروح عشآن آخذ شاوروأكمل سياحتي بتركيا لأني إحتمال بكره أرجع لـ السعوديه
تامر:حاضر بس انتا لازم تفطر معايا الأول بعدين تروح
عساف:لا موب مشتهي
تامر:أوكي براحتك ياسيدي
بـ السعوديه
بشاير كانت تبكي وخايفه
إن البراء يموت
لأن حرارته حيل مرتفعه وموب راضيه تنزل
كانت قاعده تحط له كمادات
عبدالعزيز دخل عليها
باسها على خدها:هاه حياتي طمنيني كيفه الحين؟
بشاير وهي تداري دموعها:للحين حرارته موب راضيه تنزل
عبدالعزيز قعد على ركبه عندها ومسح دموعها بطرف إصبعه:لاتخافين عليه حبيبتي إن شاءالله راح يتحسن
بشاير ضمت عبدالعزيز وبكت:خايفه إنه يموت
عبدالعزيز ضمها له حيييل:لاتخافين ياقلبي بعيد الشر عنه
بشاير:وربي عزوز الولد موب طبيعي من أمس وهو نايم وحرارته مانزلت أبد
عبدالعزيزيحاول يهديها وإلا هو بجد خايف عليه:إن شاءالله ماعليه إلا العافيه
بشاير:إن شاءالله
عبدالعزيز:يله ياقلبي أنا بروح ابدل ملابسي وبقول لجولي تحط العشاء لأن نايف على وصول وخالد بيتعشى عند حبايبه وإبتسم ^_^
بشايرمسحت خشمها بالكلينس وإبتسمت غصب عنها:طيب
عبدالعزيزباسها على الطاير مع شفايفها:خلاص يكفي بكاا
وقام وراح
بشاير طالعته بعيونها وهو معطيها ظهره تنهدت وهي تقول بهمس:الله لايحرمني منك فديت طيبة قلبك
ريم خلاص خلصت من تجهيز أغراض زواجها اللي مابقى عليه شيء
وكانت محتاسه تسوي حلى عشاء
وتزين العشاء زييين
لأن خالد بيجي يتعشى عندهم
بـ سورياا
دانا باست لجين
وبعدها سلمت على هدى وطلعت
وهي ناويه تغيرحياة هدى للأحسن
لأن حرام الوحل اللي هي معيشه نفسها فيه بس عشان لقمة العيش
ياكثر لقمة العيش اللي بالحلال
وقفت على الرقص يعني!
طلعت المفتاح من شنطتهاوفتحت شقتها ودخلت
راكان كان توه طالع من المطبخ:وين كنتي يامدام
دانا حطت يدها على قلبهاوشهقت:بسم الله من وين طلعت انت
راكان:ليش خوفتك
دانا:شرايك يعني!
راكان:وين كنتي إخلصي!
دانا :كنت عند جارتي اللي شقتها قدام شقتنا
راكان:ومن سمح لك تروحين لها
دانا وهي تنزل عبايتها وتتوجه للغرفه:أنا اللي سمحت لنفسي انت حابسني بين اربع جدران لامشيتني ولاشيء وحسيت نفسي بموت من الطفش فرحت لجارتي وتعرفت عليها ودخلت الغرفه
راكان كان وراها قال بهمس:أها
دانا توترت بسرعه حطت عبايتها بالدولاب وأخذت لها شورت أزرق غامق وبدي نفس اللون ماسك من عند الصدر وبدون أكمام
وتوجهت للحمام والجميع بكرامه
راكان تنهد وراح لـ الصاله
عساف بعد ماأخذ حبة مسكن وشرب ماء
طلع من عند تامر
وووقف تاكسي وراح للفندق
دخل جناحه وهو يلعن ويسب بنفسه
أنا كلب وستين كلب بعد شلون سويت كذا شلون
رمى نفسه على الكنب وهو مغطي وجهه بيدينه
ويتنفس بقوه
معقوله كل هذا سويته
معقوله
انا موب كذا
واخلاقي موب كذا
شلون كل هذا سويته شلون وصلت للمستوى هذا من الحقاره
شلون
شلون
الله ياخذك يادانا كانك دمرتيني
قام وأخذ له ملابس ودخل الحمام(والجميع بكرامه)عشان ياخذ له شاور
فهد وإمه وحنان
مستأجرين بفندق
حنان كانت نايمه
وفهد قاعد يسولف مع إمه:يمه وش السواةالحين
حسنا:سواة الله أبرك ياإبني
فهد:طيب انتي ليش كنسلتي سفرتك كان رحتي انا وحنان بأمان لاتخافين
حسنا:لامستحيل اروح وانتم بـ هالحال حسبي الله على إبوكم أشوف فيه يوم يارب
فهد تنهد وسكت
حسنا:يلا انارايحه انام تبي شي؟
فهد:أبي سلامتك يمه
حسنا:تصبح عـ خير
فهد:وانتي من اهله يالغاليه
طالع إمه لين راحت وإنسدح على الكنب وهو يفكر
أنا لازم ادور لي وظيفه أعيش إمي واختي منها
ابوي طردنا وخلاص ماراح يعطيني انا وحنان مصروفنا لأنا فضلنا إمي عليه
والفلوس اللي معاي انا وحنان ماراح تكفينا طول العمر
كلها كم شهر وتخلص
,,,,,,,,,,,
راح أترك فهد سرحان بأفكاره
وأروح لراكان ودانا
دانا بعد ماطلعت من الحمام
جففت شعرها وحطت كريم على يديها وسيقانها
شافت ظل راكان وهو جاي
لأن الأضواء خافته
حست برعشه تسري بخفوقها
سحبت الشورت شوي
لأنه كان بنص فخوذها
دخل راكان
ومر من جنبها وطالعها من فوق لتحت ودخل الحمام
"ياربي الحين وش بيقول عني يحسبني متعمده إني اغريه بس شسوي هذا لبسي أستر شي عندي هو البناطيل ومابي ألبس فساتين وتنانيرإلا بالطلعات بس"
سكرت علبة الكريم وبسرعه إنسدحت على السرير
وتغطت باللحاف
سمعت صوت باب الحمام ينفتح بسرعه لفت للجهه الثانيه وعطت راكان ظهرها
وغمضت عيونها وهي ميته من الخوف
وحابسه انفاسها
راكان "وبعدين معاها هاذي"جاء عند السرير وإسندح وقرب من دانا
دانا خلاص تبي تموت تحس نفسها مخنوقه
حضنها راكان مع ورى وهو متررد
حس برجفة دانا قرب من رقبتها وباسها
دانا أطلقت العنان لأنفاسها اللي شوي ويطلع قلبها من قوة أنفاسها
واطلعت العنان لدموعها بعد
خلاص تحس إن مافيه مهرب من راكان
همس راكان بإذنها:تراني ادري إنك موب نايمه قومي خلينا نسولف شوي
دانا سافهته >(مطنشته)
راكان باسها مع رقبتها مره ثانيه وطول وهو يبوسها:لاتخافين ماراح اسوي أي شي إلا برضاك يلا عاد قومي
دانا شهقت غصبن عنها
راكان قام وجلس وقعد يطالع وجه دانا اللي مليان دموع وحزت بخاطره هالدموع اللي شافها:معقوله لـ هالدرجه تكرهين قربي بس ماالومك انا مره جرحتك بالكلام من بداية زواجناواناماعرفت السالفه معليش سامحيني
دانا قامت وبسرعه ضمت راكان وهي تبكي:راكان تكفى خلاص والله حنيتك علي تعذبني انت اللي سامحني انا مااقدر أكون لك وحتى لو اكون لك راح اكون لك جسد بس لاكن قلب لا
راكان صدقني انا من تزوجتك وانا أحس إني نسيت كل الحزن وكل العذاب اللي عشته بحياتي
حنيتك علي وطيبة قلبك
خلتني اكون مبسوطه وانا معاك
حتى لما اعاندك او اقسى عليك
كنت تخليني على راحتي
شقهت وزاد بكاهاوكملت حتى حسيت بقيمة نفسي وحسيت إن لي شخصيه
لأني لما كنت اهاوشك كنت تاركني على راحتي ماكنت تهاوشني ولاتضربني
بس انا مشكلتي ماني قادره انسى عساف
لأني
وسكتت
راكان وخرها عن حضنه ومسح دموعها :تحبينه! لأنك تحبينه صح
دانا طالعته وهي تبكي
راكان ضمها مره ثانيه:خلاص لاتبكين ترى دموعك ماتهون علي
حتى أنا مثلك أنا كنت أحب ساره موت موت بس أهلها أحرموني منها
زوجوها ولد عمها
ساره يادانا كانت بالنسبه لي هواي اللي اتنفسه
وأعترف لك حتى أنا لو انتي إستسلمتي لي قبل شوي ومارفضتيني ولابكيتي كان بكون معاك بالجسد بس لاكن قلبي مع ساره
حتى يمكن راح اتخيلك ساره
دانا وخرت عنه وطالعته:ماراح الومك ولااعاتبك لانه مومن حقي لأني عارفه هالشعور والإحساس هذا زييين الحب موبيديناالحب بالقلب وبكت
راكان مسك كل ايدينها الثنتين وباسهم:خلاص قلت لك لاتبكين
داناتنهدت:طيب بس ممكن تقولي سالفتك مع ساره
راكان وحس إن الجرح اللي إلتأم بقلبه رجع ينزف :أوكي
دانا طالعته بعيون مليانه دموع وهي تنتظره يتكلم
حضنها راكان لصدره وهي ماعارضته:مثل ماقلت لك يادانا ساره كانت بالنسبه لي هي الهوى اللي اتنفسه انا زمان كنت مفحط بس صارلي حادث ومن بعد هالحادث تبت عن التفحيط وكنت ادخن بعد وأسوي جلسات غنائيه
بس تركت كل هالأشياء
ولما صار لي الحادث
دخلت بغيبوبه
وبعد ماصحيت
كنت يبغالي فتره عشان امشي
لأني طولت بالغيبوبه
وكانت وحده من رجليني مكسوره
وكانت ساره تخصصها تمريض
وكان بس باقي لها سنه وتتخرج من الجامعه
وكانت تجي تطبق بالمستشفى
وهي الممرضه المشرفه علي
كانت تجي تتطمن علي
وتشوفني وش محتاج
وكنا بس نتبادل النظرات
يوم ورى يوم
لين صرت أعشقها بجنون
وماني عارف كيف اعترف لها
لين مره من المرات
صحيت ولقيتها
كاتبه على الجبس حق رجلي(راكان أحبك واللي خلقني
ساره)
ولين الحين وانا محتفظ بالجبس مارميته
انا مااقدر أوصف لك فرحتي وسكت
دانا طالعته وشافته يبكي
إنصدمت منه
أول مره تشوف دموعه
مدت يدها ومسحت دموعه
وقالت له بحنيه:كمل أناأسمعك وحاسه فيك وربي
وحضنته على صدرها
راكان ماعلق على حركتها وكمل:والله العظيم العشق اللي عشقته لساره عشق مجنون محد عشق كثري
من إعترفت لي هي بحبها جلست يومين ماشفتها ابد
ولاجتني تتطمن علي مثل كل مره
انا حسيت إني بموت من شوقي لها
ساره كانت رمز العفه الشرف
والله ماكنت اشوف منها شي حتى كانت تلبس نقاب
وتنوره سوداء طويله مع البالطوالأبيض حق المستشفى
بس شوفة عيونها كانت تكفيني عن النظر لباقي شكلها
المهم وبعد إسبوع تقريبا شفتها
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك