رواية كل ما جيت ابتدي فيك انتهيت -29
خلود تستهبل تمددت: لا عادي خذ راحتك أغمض عيــــ
وقبل ما تكمل شافت خالد يجي
ناحيتها وانحاشت
خالد قعد يضحك: هههههههههههه
أصيدج هــــين..
ـــــــــــــــــــــــــــــــــــــــــ
عند الواجهه البحريه..الساعه
4:30 العصر..
كانت وجدان قاعده جدام البحر
ونايف وسعود وعبدالله مسوين حولها دائره وجدامهم أربع موكا
..
سعود ابتسم:شرايكم نلعب لعبة الصراحه..فضايح بالكويتي..
وجدان ضحكت: ههههههههههه العب العب..
عبدالله حذف عليه بطل ماي: هاك ألعب..
سعود لف البطل: بسم الله..دورك نيوف اسأل أمي..
نايف ابتسم:يمه ليش ما رضيتي
أكمل دراسة طب بباريس
وجدان تنهدت: لأن أبوك مات بباريس
كلهم طالعوا بعض بتعجب...
نايف: انزين ليش أحنا ما درينا..وشلون أبوي مات
وجدان بصوت مبحوح: فتحت جروحي يانايف..بس بقولك..كانت أخر ليله لنا..كنت أنا أكلمه عالتلفون وكان اهو طالع من السفريات بعد ما حجز لنا تذاكر
بنرجع..كنت أجهز نفسي له..وقتها عرفت أني حامل وظليت احاجيه واهو يسوق..أخر كلمه قالها أنه مشتاق لي ووده يحضني ويبوسني..وبعدها سمعت صوت انفجار قوي وصوته انقطع واحترقت فيه السياره..
سعود بحقد: عشان جذي قالج الوليد أنه اهو دبر الحادث..
وجدان من بين أسنانه: وآآآآآه لو أقدر أمسكه واقطعه بأسناني واقطه للجلاب..
نايف يغير السالفه: آ آ يلا كملوا
اللعبه..
سعود لف البطل وجا على عبدالله يسأل أمه..
وجدان ضحكت: ههههههههههه شمعنى مركزين علي
عبدالله ضحك: هههههههههههه أنتي قاعده بالوسط..
سعود ابتسم: اسأل خلصنا
عبدالله بخبث: شلون تعرفتي على أبوي وحبيتوا بعض..
وجدان ضحكت: هههههههههههه والله أنتوا الثلاثه شكلكم متفقين
علي وبتعرفون قصة حياتي..
نايف وسعود وعبدالله: انكشفنا
ههههههههههههههههههههههههههه
وجدان قامت: قوموا قوموا لا أفلعكم بأكبر حجر جدامي..
عبدالله وقف بسرعه: هههههههه
لحظه يمه جاوبيني أول..
وجدان طنشته وركبت السياره..
ركب نايف مكان السواق وسعود وعبدالله ورى..
عبدالله يلح: يمه
وجدان زهقت: افف افف منك لا
تلح لوعت جبدي..طالع على أبوك بالضبط
عبدالله ضحك: هههههههههههههه
انزين يمه عاد جاوبي
وجدان ابتسمت: تعرفت عليه بعيادته..وقتها انجرحت لثتي بالجامعه وأنا أركض عالدرج ودعمت واحد..ووداني طلال له
وعالجني ووقتها حبيته..ارتحت..
عبدالله غمز: شدعوى اختصرتي الموقف..كملي التفاصيل..
نايف وسعود: ههههههههههههههه
وجدان تخصرت وكتمت ضحكتها: شرايك أقولك عن ليلة
العرس بعد..مو أحسن
عبدالله تشقق: أي والله يكون أحسن بعد..
نايف زهق ضحك:هههههههههه خلاص اسكت والله بدعم الحين..
ـــــــــــــــــــــــــــــــــــــــــ
بفيلا عامر محمد الـــ..أبونواف..
عامر:43سنه..طبعا صار اهو عمر نفس الشكل بالضبط حتى عيالهم مرات يخربطون..
صبا:40سنة..كبرت وزادت أنوثتها
وحبها لعامر اللي للحين تدلعه..
وتهتم بنفسها عشانه..
عيالهم:
نواف: 19سنه..هذا عاد 24ساعه مطيح عند محمد ولد عمه وربع ما يفترقون إلا بالنوم
..
رائد: 18سنه..وهذا طالع يشبه لجده أبومشاري بالضبط ودمه خفيف والكل يحبه..
روان: 16سنه..بيضا وحلووه وتشبه أمها حيل..ودلوعة أبوها..
مساعد: 14سنه..مراهق وعنده لاب توب وبلاي ستيشن مقابلهم طول الوقت..
بغرفة النووم..
الساعه 6 المغرب..
عامر كان يلبس ويتجهز عشان يروحون بيت أبوه..وصبا كانت تزرر دشداشته وكاشخه بدراعه
حمرا بذهبي فخمه..
صبا ابتسمت وهي تسكر أخر زر: الحين بس باجي البخور..
عامر ابتسم: يلا ياروحي ناطرج عشان ما نتأخر..
صبا بابتسامه واسعه: من عيوني..دقايق ويكون عندك..
انطق الباب بسرعه وطلت روان
براسها وابتسمت: يلا يابابا وماما الحلوين تأخرنا على يديده..
صبا ضحكت وهي تبخر عامر: ههههههههههه أنتي ياأم لسان روحي وأحنا لاحقينج
روان غمزت: ليش بتسوين حركه..عادي عادي بوسيه أنا ما
أعلم
عامر زهق ضحك: هههههههههه
كفو بنتي كفو
صبا فتحت عيونها بدهشه: لا والله تشجعها بعد..امشي اطلعي لا افلعج بهالصندل على راسج
روان ضحكت وطلعت: ههههههه
اوووووك..
ـــــــــــــــــــــــــــــــــــــــــ
بفيلا طلال محمد الــ..أبومشعل
طلال: 41سنه..للحين جريء ودمه خفيف حتى عياله طالعين
عليه..
صمود: 39سنه..تموت بطلال و
تدلعه دلع مو طبيعي..للحينها حلوه بس تغير اللوك كل فتره..
عيالهم:
مشعل: 19سنه..أسمر وحواجبه
حاده وشعره ناعم وعضلاته خطيره..طالع نسخه لأبوه..حتى
بدمه الخفيف..
فواز: 18سنه..أبيض على أمه..طويل وحواجبه مرسومه وجريء وايد..وثقته بنفسه كبيره
دلال: 17سنه..بشرتها بيضا وطويله وناعمه وشفايفها ورديه
وشعرها أسود شلالات..
عذبي: 15سنه..أسمر وحلو بس ملقوف حده..
مريم: 13سنه..طالعه لأبوها بس بنت..
بالصاله:
مشعل وفواز كان كاشخين وناطرين أبوهم..
مشعل يشوف ساعته 8: اففف تاخرنا أكيد الحين الكل صار هناك..
فواز: أنا بعد مواعد فرووس أروح له المخيم بس شكلي بخليها سهره..
نزل طلال ومعاه صمود كاشخه
بدراعه فخمه أصفر بأسود مع ميك أب ناعم..
طلال ابتسم: ها جاهزين..
تفأجا بدلال تنط على ظهره وتبوس خده: اممممممواه أنا خلصت..اللـــــــه شحلاة العطر اللي حاطه..
طلال ضحك: ههههههههههههههه بعد عمري بنت أبوها..
صمود ابتسمت: يلا خلونا نمشي
تأخرنا
مريم بدلع: بابا تأخرنا
طلال ابتسم: يلا يلا..
ـــــــــــــــــــــــــــــــــــــــــ
بفيلا أبو عمر سابقا..فيلا سعود
محمد حاليا..
الساعه 8 بالليل..
عايلة سعود..
سعود الأب: 40سنه..ما تغير وايد بس كبر وزادت مسؤولياته
أم عمر الجده وأبو عمر الجد وصلوا الستين وقاعدين عنده..
لمى الأم: 40سنة..تزوجت سعود عن قصة حب..
عيالهم:
شهد: 19سنة..
محمد: 18سنة..
ناديه: 17سنه
عبدالعزيز: 16سنه
ربى: 14سنة..
أم عمر كانت قاعده وعيالها وأحفادها مجتمعين عندها ما عدا وجدان ما يت: شهد..ياشهد
شهد كانت تسولف مع ابتهال: هلا يديده
أم عمر: دقي على عمتج شوفيها وين ليش مايت..
شهد طلعت فونها: إن شاء الله
الحين أدق عليهم..
الشباب محمد ونواف ومشعل وفواز كانوا قاعدين بزاويه يسولفون..
فواز: تروحون مخيم فارس..
محمد: أنا إيه بروح له بس بدون ما يدري أبوي لأنه ما رضى
نواف باستغراب: تصدق حتى أبوي..ما أدري ليش ما يحب فارس مع أنه طيب..
مشعل ابتسم: ما عليك..المهم تقومون نلعب كره..
محمد وقف: طبعا أنا قدساوي..
منى من بعيد أرسلت له بوسه بالهوا: امممواه..فديت أخوي القدساوي أنا..
الكل : ههههههههههههههههههههه
ـــــــــــــــــــــــــــــــــــــــــ
بفيلا وجدان وعيالها نفس الوقت
..
بغرفة وجدان..
عيالها كانوا قاعدين على سريرها يشوفون ألبوم الصور..
نايف شاف صورة أبوه وأمه بباريس وهو بايس رقبتها: شوف
أبوي أحس أني أشوف نفسي..
سعود ابتسم: ياليت لو أشوفه نظره وحده بس..
وجدان كانت بغرفة التبديل تلبس
بعد ما تروشت..لبست نفنوف أحمر كت عالصدر ومزموم بشريطه سودا وطوله لنص الساق مع صندل فلات أسود بشرايط ربط عالساق..وبيدها قميص أسود قصير..
سمعت عيالها ومسحت دمعه طفرت من عينها..وطلعت لهم..
وجدان ابتسمت: يلا نروح أنا جاهزه..
عبدالله صفر: اوووف يمه جنج أم العشرين..
وجدان ضحكت: ههههههه كثر منها
نايف قام: هههههههههه يلا يلا تأخرنا
نزلوا تحت مع بعض وجدان بالوسط وثلاثتهم وراها..
بس انفتح الباب وارتفعت دقات القلوب..
وجدان باستغراب: من بيينا هلــ
..وسكتت..انصدمت..وقف قلبها عن النبض..نزلت دموعها
زياد من شافها ابتسم وتقدم لها
بابتسامة باهره وفتح لها إيدينه: وجــــدان..
وجدان ظلت واقفه عاجزه عن الاستيعاب..
زياد ابتسم والتفت لعياله..عرفهم لأنهم يشبهون له..
نايف وسعود وعبدالله بدموع: يبــــــــــــــــــــه..
وركضوا له وطاحوا بحضنه وباسوا إيدينه وريوله وراسه وظلوا وقت طويل يبجون بحضنه
..
زياد بابتسامه: شسميتهم..
نايف بفرحه وعيونه تلمع: أنا نايف الكبير..
سعود ابتسم وهو يبوس جتف أبوه:وأنا سعود الوسطي..
عبدالله بضحك: وأنا عاد عبود الجعده ودمي خفيف..
زياد ونايف وسعود وعبدالله: هههههههههههههههههههههههههههه
زياد تركهم ومشى لها ووقف جدامها وبابتسامه فتح لها إيدينه
: ما تبين تيين
وجدان ابتسمت بصعوبه وطاحت بحضنه وحضنوا بعض بقوووووووه..: طولت زياد طولت..
زياد رفع وجهها وبنظرة شوق:
طحت من السياره للسور وحاشني عمود وطحت على راسي وفقدت الذاكره..20سنه
وأنا بباريس فاقد الذاكره..دايم
أشوف صورتج ببالي بس ما أقدر أتذكرج..بس الحين أنا رجعت رجعت..
وقرب منها وباس شفايفها بقووه..ووجدان بجت وذابت بحضنه..
عيالهم استحوا بس ابتسموا على هاللحظه..
وبعــــــــد دقايق طويله..
زياد رفعها عن حضنه وابتسم: مشتاق لج..
وجدان ابتسمت وردت لها الروح
: وأنا عمري ابتدأ فيك..وفيك انتهيت..أحبك أحبك أحبك..
زياد حضنها بقوه لصدره وهمس: أحبــــــــــــــــج ..
نايف بعيون تلمع فيها الدموع:
يمه تأخرنا عن يدي ويدتي..دقوا
يسألون عنج..
زياد بلهفه: صـــــــج أبوي وأمي
وعمي محمد وعمتي لطيفه وعمر وعمور..آآآه كلهم كلهم اشتقت لهم..
وجدان ابتسمت وهي تمسح دموعها: يلا الحين نروح لهم..بس أنت ما تبي تاخذ شاور ولا تلبس..
زياد ابتسم: أي والله محتاج شور
طويل..تنطروني..
وجدان ابتسمت: 20سنه نطرتك ما انطرك دقايق..روح أحنا ناطرينك..
زياد مسك إيدها وباسها: يابعد قلبي أنتي..يلا رايح أتروش وألبس..
وجدان راحت معاه فوق..
سعود بابتسامه: شرايكم نسبقهم ونقول لهم أن أمي محضرتلهم مفأجاه..
عبدالله بفرحه: شفت قبل شوي
تقول ودي أناديه يبه..
نايف ابتسم: خلونا نرووح يلا مع أن ما ودي افارقه ودي اقعد وأملي عيوني منه..
وطلعوا وراحوا بسيارة نايف بنتلي سلفر أخر موديل..
فوق بغرفة وجدان..
زياد أول ما شاف الغرفه و أثاثها
ابتسم: سويتها نفس ما طلبتها..
وجدان ابتسمت بحب: كل شي تمنيناه مع بعض سويته..
زياد ابتسم: انزين حبيبتي أنا ما يبت معاي ملابس..من رجعت لي الذاكره خذت أغراضي من أدارة المستشفى ويتج على طول..
وجدان قربت منه ومسكت خده بحب: ملابسك بمكانها..كلها..دشداشيك..فنايلك..حتى البناطيل
والبلايز ما حركت منهم شبر..ما طاوعني قلبي أقط شي من ريحتك..
زياد اتسعت ابتسامته وحضنها لصدره: آآآآآآه ياوجدان آآآآآآه..لو تدرين شكثر مشتاقلج..مشتاق لعيونج أطالعها طول الوقت..مشتاق أسمع صوتج يرن
بأذني..مشتاق أحس بدقات قلبج
وأنتي نايمه على صدري..
وجدان ابتسمت: للحينك رومانسي..
زياد ابتسم: ليش عبالج كبرت..ترى بعدي شباب عمري..
وجدان قاطعته: 41سنه..و50يوم و6 دقايق و 8880 ثانيه..
زياد انصدم أنها حاسبه عمره بالدقايق والأيام والثواني..حضنها بعنف وباس شفايفها وصرخ: أحــــــــــــــبج أحبــــج
أحبــــــــــــــــــــــــــــج..
وجدان ضحكت: ههههههههههههه
وأنا أموووت فيك..بس بسرعه روح تروش وأنا بجهز ملابسك..تأخرنا..
زياد ابتسم وباس خدها: يلا عشر دقايق بس..
وتركها ودخل الحمام..
وجدان ابتسمت بلهفه وبسرعه راحت طلعت له بنطلون أسود
طويل وجديد..مع حزام سلفر روعه..وقميص أبيض..وعطرتهم وبخرتهم..
وبنفس الوقت طلع زياد لاف فوطه على خصره..شافها وابتسم: ليش مو دشداشه..
وجدان ابتسمت: لأن هذول يدد
وأنت ما تغيرت..للحين جسمك حلو وعضلاتك قويه وأنا أحب أشوفك شباب..أحس برجولتك..
زياد ابتسم بحب وباس خدها وأخذ الملابس يلبس: فديتج أنا ياحياتي..
لبس وتعطر وبخرته وجدان عن العين ومشطت شعره الأسود الكثيف..وطلعوا..ركب بسيارتها وساقها..
ـــــــــــــــــــــــــــــــــــــــــ
بفيلا سعود محمد الـ..أبومحمد..
الساعه 9:15
بالصاله..
أبوعمر يشوف ساعته: نايف وأنا
يدك أمك وينها تأخرت..
نايف ابتسم وهو يتخيل ردة فعلهم: صدقني يدي اهي بالطريج بس أكيد تحضر المفأجاه..
طلال ابتسم وبانت غمازته: والله أمك هذي ينخاف منها..
هههههههههههههههههههههههههههه
اندق جرس الباب..
الجده أم عمر: أكيد هذي إهي قوم افتح لأمك ياسعود..
سعود ابتسم ووقف: إن شاء الله..
راح فتح الباب ودخلت وجدان مبتسمه..: السلام عليكـــــــم..
الكل: وعليكم السلام..
وجدان بفرحه وهي تأشر لزياد يدخل: يبـــــــه..يمـــــــه..عمي حمد..عمتي.. شوفوا رجعلي زيــــــــــــــاد..
كلهم طالعوا بعض باستغراب وصدمه من كلامها..
الجده أم جراح بدموع: اللـــــــه
يرحــ
قطع عليها دخول زياد بوسط الصاله..
زياد ابتسم: لا يـــــــمه..زياد ولدج عايش..أنا جدامج يمه..
وجدان كانت تبجي وراحت لأبوها وطاحت بحضنه وبجت بعد ما ردت لها روحها..
أم جراح انصدمت..وطالعت فيه
بقوه..: حمد شوف هذا زياد ولدي..والله ولدي..
قامت وحضنته بقوه وصار عناق رهيب بين الأم وولدها..وأم جراح كانت تبوسه وتشمه..
والكل بجى على هالمنظر حتى الأحفاد اللي ما يعرفون القصه..
أبوجراح تقدم لولده وهو يتوكا على عصاه..وأول ما وصل عنده طيح العصا وحضنه..وزياد
طاح على ريله: وين كنت يبـــــه
وينك فيه كل هالمده..
زياد: اشتقتلك..اشتقتلك..
وبعد مده طويله..
أبو عمر ابتسم: عاد اترك لنا حضن
الكل بدموع: هههههههههههههههه
زياد ترك أبوه وراح لعمه وحضنه بقوه: شلونك ياعمـــي
..سامحني ياعمي ما حافظت على الأمانه..
أبو عمر ابتسم وشد جتفه: لا بالله أنك حافظت عليها..وجدان عاشت لك وبتموت لك..وعيالك يسدون عنك..
زياد ابتسم وراح سلم على عمته أم عمر..وبعدها راح لأخوانه جراح وناصر وعانقهم وبجوا وسلم على عيالهم واحد واحد..وأخر شي راح لعيال عمه
مشاري وعمر وعامر وطلال وسعود ومناف وعزيز وفهد ومشعل..وتعرف على عيالهم كلهم..
خالد ابتسم: أقول يبه..مو جنه ولد عمتك بعده شباب ويخقق..
>>يقصد زياد
الكل: هههههههههههههههههههههه
زياد بضحك: طالع يشبهك يامشاري حتى بهذي..ههههههههه
خلود ابتسمت: خالو قول لنا وين
كنت طول هالسنين..
الكل سكت..كأنهم ناطريـــــــن
هالسؤال..
زياد بهدوء: كنت بباريس
طلال انصدم: 20سنه بباريس..
عيل شلون قالوا لي أنك تفحمت
بسيارتك
زياد التفت لوجدان وشافها مبتسمه: أنا كنت ماشي بالسياره
وشفت الشجره جدامي بس ما
سحب البريك لأن أحد قطع الوايرات..ما قدرت أسيطر عالسياره وبسرعه فتحت الباب
ونطيت منه..حسيت بالسياره احترقت والتذاكر طاروا مني عالارض وأنا طحت على سور الحديقه يمين السياره..بس ما قدرت أقوم لأن عمود حديد طاح على راسي وفقدت الذاكره..
أبو جراح: يعني طول هالسنين كنت فاقد الذاكره..
عمر: بس منو هالابن الحرام اللي ناوي لك الشر ومخرب البريك..
زياد قبض كفه بشده: شفته وأعرفه..كان يراقب كل تحركات
بشهر العسل..
الكل بدهشه: شفتــــــــــــــه
وجدان وقفت: أنا أعرفـــــــه..
زياد انصدم: شدارج..
نايف بسرعه: بعدين يبه..بالبيت بتقولك
زياد حس أنهم خاشين عنه سر
فسكت..
أم عمر: عاد قولنا منو اهوو..
زياد بهدوء: الولــــــــــــــيد..
أبرار وفجر انصفق وجههم لما سمعوا اسمه..مو كافي اللي سواه بوجدان..كل وحده طالعت
زوجها..
عمر وعامر وطلال وسعود وقفوا مع بعض: الخســـــــيس
كان ناوي عليها من أول عشان جذي صرفك من طريجه..
زياد انصدم وما فهم شي..
أبو عمر بحده: عـــــــمر عامر
طلال وأنت ياسعود..سكروا هالسالفه ولا تفتحون صفحات انطوت بالماضي..
طلال بقهر صفق كف بكف: شلوووون يبه شلووووووووون واهو كـــــــان...
وسكت ما قدر ينطقها..طلع وصفق الباب بقوه زلزلت البيت..
أم عمر: صمود روحي وراه لا يذبح نفسه من القهر..
زياد تنفس بقوه: عمي أنتوا خاشين عني شي..
الجد أبو عمر بنظره: مرتك تقولك وأنا عمك..[والتفت لمرت ولده سعود]يلا ياحريم انجبوا لنا العشى متنا يوع..
أبوجراح براحه: على سلامتك يايبه يبيلنا نسوي عزيمه ونذبح ذبايح
زياد ابتسم: بس مو قبل أسبوع
..بقعد مع مرتي وعيالي مشتاق
لهم..
قبل ما انهي الباارت بكتب ملاحظه: زيااااد رجع لاهله لماا كان عمر عياله خمس سنين مو عشرين سنه بس انا غيرته عشااان الحماااس وهااذا التغيير الوحيد بهالبااارت واللي بعده اما الاحداث والمواقف نفسها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك