رواية الله يسامح اثنين جابوني للدنيا و راحو و خلوني -31
كان رايح يشغل رشاشات الماء على الأشجار والورد
وشافها من بعيد وهي مغمضه عيونها بحزن وسانده راسها على المرجيحه
وتدف المرجيحه بشويش
جاء يمشي وهو يتأملها
لحد ماقرب عندها
بيادر كانت تدور حنان عشان بتعتذر منها
جات شافتهم
ووقفت عند الجدار وهي عاضه إصبعها ومصدومه
وتطالع فيهم من بعيد بدون مايشوفونها بإستغراب
حاتم لما قرب من حنان
مد إصبعه ومسح دموعها اللي على خدودها
حنان خافت وفتحت عيونها
وطاحت بعيون حاتم
قعدت تطالعه وهي تلم شعرها على جنب
حاتم جلس عندها على المرجيحه:شفيك تبكين؟
حنان:ولاشي وقامت
حاتم مسك يدها
حنان طالعته وطالعت يدها:حاتم بليز إذا حبك لي شريف إترك يدي لاتخليني أكرهك
حاتم ترك يدها
حنان قعدت تطالعه شوي بعدين راحت تركض لداخل
بيادر إرتبكت أول ماشافت حنان جايه
بسرعه دخلت وتخبت عند المغاسل وأنفاسها سريعه وحاطه يدها على فمها تخاف إن حنان شافتها
حنان دخلت
بيادر تنفست الصعداء وهي تقول بنفسها
معقوله حنان وحاتم بينهم علاقه ويحبون بعض
لأن حنان تقوله إذا حبك لي شريف إترك يدي لاخليني أكرهك
بس غريبه شلون تعرفو على بعض
ماتدري ليش جاها فضول تشوف حاتم وش يسوي!!!
دخلت الغرفه اللي قريبه من المغاسل ودورات المياه (والجميع بكرامه)
وفتحت الشباك
وحطت الستاره على وجهها
وطالعت بنص عين حاتم وش يسوي
كان للحين بالمرجيحه ويفكر
سكرت الشباك بشويش
وعدلت الستاره
وراحت داخل عند الحريم
وكانت بتعتذر لحنان
بس سمعت صراخها وبكاها وهي تكلم
وتجمدت
حنان وهي تبكي وتصارخ:يبه انت وش قاعد تقول؟؟طيب هو شخباره الحين والله اني كنت حاسه إن فيه شي
يلا يلا الحين دق على السواق خله يجي ياخذني والله مافيني حيل أدق عليه إسمع يبه هو بأي مستشفى خلاص أوكي يلا باي
وسكرت الجوال وهي تبكي وترتجف
وراحت تركض تجيب عبايتها وشنطتها
إم راكان:بسم الله عليك يابينتي وش فيك؟
حنان وهي تبكي وتدور ماتدري وين تروح :اخوي فهد صار له حادث وحالته خطيره
داناخافت على فهد:الله يستر يارب انتي من كلمك تو؟
حنان تشاهق من البكاا:ابوي
دانا جات عندها وضمتها:هدي نفسك حبيبتي
حنان بقهر:وين اهدي نفسي اوف بس ياربي متى يجيني السواق متى
الحريم قعدوا يدعون لإخوها
وبيادر حست إنه مو وقتها تعتذر لحنان بعدين عادي هي ماقالت شي غلط
وكان قصدها تستهبل على حنان بس
الرجال قعدو يحطون الأغراض بالسياره
عشان يمشون
الحريم كلهم لابسين عبايتهم وطالعات برا
حنان راسها صار وش كبره من البكااا:ياربي متى يجي الزفت هذا متى
دانا:خلاص هدي نفسك تعوذي من الشيطان إن شاءالله إنه بخير
حنان تبكي:إن شاءالله إن شاءالله
جاء السواق
حنان راحت تركض بسرعه
فتحت الباب اللي ورى وهو حتى ماوقف السسياره زين
حاتم نسى نفسه بغى يروح يركض لمها خاف عليها
بس مسك نفسه بآخر لحظه
بيادر كانت تراقب حركاته !
الكل مشو من المزرعه
دانا بالها مع حنان واخوها فهد وتدعي لهم بقلبها
حنان حالتها ماتسرمره منهاره
حنان أول ماوصلت للمستشفى
نزلت من السياره وهي تركض
وتبكي
ودقت على إبوها تسئله وينهم فيه
راحت لـ الطابق الثالث
ووصلت للعنايه المركزه
وشافت فهد مع القزازه
والأجهزه موصله فيه بكل مكان
وهو جسد بدون روح على السرير الأبيض
قعدت تطالعه شوي وهي مصدومه
بعدين طالعت إبوها اللي جالس على الكراسي وحزين وحاط يده على عيونه
جات حنان عنده وجلست على ركبها وهي تضحك من بين دموعها:هه ماأصدق أنت يبه حزين وعشان مين عشان فهد
مسكت يده بكل إيديها ووقعدت تهزه وهي منهاره وتصارخ:
انت حزين يبه معقوله
انت عمرك ماحسيت فينا يبه
توه صحى ضميرك توه صحى
قلي يبه قلي فهد وش فيه قلي
إبوها طالعها بعيون كسيره:دخل بغيبوبه بس أشوا تعدى مرحلة الخطر
حنان زاد بكاها:هه وش أشوا يبه وش اشوا قلي هو تعدى مرحلةالخطر إيه بس هو بغيبوبه تعرف وش يعني بغيبوبه
يعني يمكن يصحى بعد سنه بعد سنتين من يدري
إبوها بنبره حنونه:لا لاتخافين إن شاءالله إنه يتعافى بسرعه
حنان:يبه أنت تحبنا
ابوهاإنصدم من سؤالها:إيه أكيد أحبكم وش هالسؤال
حنان قعدت تهزه مره ثانيه وهي منهاره وهو يحاول يهديها:لايبه انت كذاب كذاب يبه حرام عليك لوكنت تحبنا مابعتنا عشان فلوس عشان بنات عشان وسخ الدنيا
خلاص يبه إتركنا إتركنا روح لملذاتك ليش جيت يبه ليش لو ماجيت كان ماصار لفهد كذا فهد اللي حطمته وشككت برجولته
فهد اللي بعته عشان زوجتك
يبه فهد يمكن يموت وهو ماسمع منك كلمةياولدي
يمكن يموت وماسمع منك كلمه حلوه
يمكن يموت وهو ماحس بحنانك
إبوها ضمها وهو يحاول يهديها لأن صوتها راح من البكي
حنان طالعت بعيون ابوها اللي مليانه دموع:أنت تبكي يبه؟مااصدق يعني أنت إنسان ولك مشاعر منت حجر وضميرك حي للحين مامات
أبيك تبكي يبه أكثر خلك تكفر عن ذنوبك يبه
كانت تهلوس بالحكي لأنها مصدومه من اللي صار لفهد
إبوها حضنها أكثر وهو يتعذب من كلامها القاسي حس إنه ندم على كل شي ومايبي فهد يصير له شي
حنان بصوت مبحوح:تدري يبه متى آخر مره حضنتني؟تذكر وإلا أذكرك؟؟
ليه تحرمني من حضنك وحنانك يبه ليه؟؟؟
ليه خليتني أفقدك وأنت على قيد الحياة؟
ليه خليتني أحس إني يتيمه من طفولتي وأنت حي
ليه خليتني أحس بالنقص ليه
ليه ماذوقتني حنان الأبوه إلا بأصعب موقف مر علي بحياتي
ليه يايبه ليه
ليه أحرمتنا من إمي
ليه قسيت على فهد
مايكفي العذاب اللي شافه بحياته
ليه تصير أنت والزمن عليه
يبه أنت جرحته برجولته
حرام عليك يبه حرام
إبوها بكى بقهر :خلاص ياحنان تكفين
حنان مسحت دموع إبوهاوهي تبكي:يبه لاتبكي تكفى الله يخليك قطعت قلبي وربي دموع القهر اللي بعيونك تعذبني مهما كان تراك ماتهون عندي يبه ودموعك غاليه مهما كان أنت إبوي
إبوها ضمها :والله ثم والله إني ندمان ونذر(ن)علي إن قام إخوك فهد بالسلامه إني لأعوضكم عن كل اللي راح
بس تكفين سامحيني وياليت إمك وإخوك يسامحوني
والله إن إمك مافيه مثلها
توني عرفت قدرها
جوليانا سافرت وتركتني وماهميتها وتبي ورقة الطلاق توصلها بأسرع وقت لأن ولدي فهد أحرمها من اللي فبطنها
حنان:آه يبه ياليت فهد يسمعك وانت تقول ولدي بعدين أحسن يمكن خيره إنه طاح اللي فبطنها لأن يمكنه موب منك من غيرك لأن هي مسيحيه وماتخاف ربها
إبوها طالعها بنظره
حنان سكتت شوي بعدين قالت:آسفه يبه تعديت حدودي بالحكي بس وربي قاهرتني هالجوليانا
إبوهاقام :خليك هنا أبروح أشوف الدكتور المشرف على حالة فهد
حنان:طيب بس يبه هو من متى هنا!ومن اللي قالك
إبوها:من يومين والي علمني واحد من إخوياه يله أنا بروح وأرجع لك
حنان :طيب
راح إبوها
قامت
وقعدت تطالع فهد مع القزازه حطت يدها على القزازه وهي تتحسسها وكأنها تلمس وجه فهد
قعدت تبكي
وجاء على بالها إمها
طلعت جوالها من شنطتها ودقت على إمها
إمها:ألو
حنان تبكي وتشاهق:يمه إلحقي علي
إمها خافت:خير اللهم إجعله خير شفيك
حنان :يمه وربي محتاجه لك حيل تكفين تعالي لـ السعوديه تكفيييين
إمها :حنان شفيك خوفتيني
حنان:يمــ
أخذ إبوها منها الجوال وقفله
إمهاوهي قلقانه موت:حنان حنان ألو
حنان:يبه ليش سكرته
إبوها:مجنونه أنتي تبين تموتين إمك؟بسرعه كذا بتصدمينها وتقولين لها الخبر خليها
أنا بدق عليها وأقولها تجي لـ السعوديه
وإذا جات نمهد لها الخبر يله تعالي نرجع للبيت مالها فايده قعدتنا هنا
حنان:بسـ
إبوهاقاطعها:لابس ولاشي يلا قدامي
حنان:طيب الدكتور وش قالك؟
إبوها :مالقيته إن شاءالله بكره أسئله حالته فيها تحسن أو لا
ليلة زواج (ريم وخالد)
بيادر كانت نازله من فوق وهي لابسه عبايتها ولابسه ومخلصه مكياجها وكل شي أوكي وبتروح للقاعه هي وإخوانها
مع إبوها
وإمها عند ريم
لأن الكوفيرا قاعده تزينها
بالبيت
ريم كانت متوتره على الآخر
وماذاقت شي من الصباح على لحم بطنها
وبعد محاولات من إمها شربت عصير برتقال
خالد كان عكس ريم موب متوتر ولاشي
لأنه تعود على ريم
مستانس حده
وقاعد يظبط عمره عند الحلاق
بـا(القــاعــه)
بيادر وصلت اخوانها راحو مع إبوها عند الرجال
وهي دخلت داخل
نزلت عبايتها
وعدلت نفسها
ورشت عطررررر
ودخلت أغراضها داخل بالغرفه المخصصه لأهل العروس
بشاير
وإم عساف
وإم راكان
وريتان
كلهم إجو
بس بقى دانا
عند دانا راكان توه جايبها من المشغل
بسرعه
دخلت لبست على السريع
تعطرت
دخل عليها راكان وهو معجب فيها
طالعه تجنن قمر ماشاءالله عليها
بس إنقهر من فستانها مررره عاري
الميك أب كان خفيف بس روعه
ورسمة عيونها هاديه
مع العدسات الرماديه طالعه روعه
وفستانها وردي ماسك من فوق إلى الخصر
ومن تحت الخصر واسع
ومع ورى كله عاري إلى آخر فقره من ظهرها
ومع قدام صدرها مفتوح إلى نص بطنها شوي
تقريبا نفس تصميم فساتين إليسا بأغانيها دايم فساتينها موديلها كذا
والصندل وردي
راكان ضربها على ظهرها على خفيف:جاهزه!
دانا:إيه بس أنت شفيك معصب
راكان: معصب من فستانك الفاصخ هذا
داناكعادي شيها كل البنات يلبسون كذا
راكان:بس أنا عندي موب عادي
دانا:يوه يعني شلون بتقلبها هواش يعني!
راكان:لا والله أبقلبها شي ثاني مايعجبك بس يله إلبسي عباتك وإمشي قدامي أبرك لك
دانا فهمت قصده:سخييييف
راكان قرصها مع خدها:من هو السخيف؟؟
دانا :محد
راكان:يله بسرعه إخلصي قبل لاأخربها
دانا:طيب أوف منك
وصلت دانا ووصلو كل المعازيم
ماعدا حنان لأن اخوها فهد للحين بغيبوبه
وإمها جات من المغرب
وأول مادرت بالخبر إنخفض عليها الظغط من الصدمه
والزواج كان يجنن بكل شي فيه
وريم جات هي وإمها للقاعه على وقت زفتها
ريم
البنات سلمو عليها وسط الغرفه
وجاتها المصوره
وبس درت إن خالد بيدخل بعد شوي يسلم عليها ويصور معاها ماتت من الخوف والخجل
وقعدت تبكي وتقول لإمها لاتروحين خليك عندي
وإمها حاولت تهديها عشان مايخرب مكياجها
بعد ماصورو
وجاء وقت الزفه
ريم زفوها إمها وإختها وصديقتها دانا
وبشاير وريتان معاهم
وخالد زفوه اخوانه عبدالعزيز ونايف
وابوريم وعساف!
دانا إرتبكت مستغربه عساف وش دخله!
بس قالت بنفسها يمكن عشان خالد صديقه
عساف كان طول الوقت عيونه على دانا يعرفها حتى وهي بالعبايه ومتغطيه
بعد ماخلصت الزفه
سلموا على العرسان وودعوهم
بيادر كانت محزنه شوي ماهي متخيله البيت من دون هبال إختها ريم
بس دعت لهم إن الله يهنيهم يارب
عاد البنات فلوها رقص وهيصه
نروح عند العرسان
اللي وصلهم للفندق عبدالعزيز
أول مادخلو الفندق
ريم يتموت من الخوف والرهبه
تحس بخوف عمرها ماحست فيه
الجو غريب عليها
أول مره تكون لحالها من دون أهلها ومعاها خالد بلحالهم
خالد نزل بشته على الكنب
وجلس
وطلب لهم عشاء
ريم واقفه ومتصنمه
خالد:شفيك ريوم تعالي إجلسي
ريم زاد خوفها بلعت ريقها وجات وجلست بعيد عنه شوي
خالد كان مقدر خوفها وكان عارف إنها خجوووله مره قال وهو يبي يهديها:ماله داعي كل هالخوف تراني ماآكل أنا
ريم ساكته ومررره متوتره
خالد كان يبي يسولف بأي شي ويغير جو التوتر اللي هم فيه لين يجي العشاا
المعازيم بعد ماتفرقو وراحو
حتى عساف وإمه راحو
بقو بس أهل العريس واهل العروس
وأهل راكان زوج دانا
بيادر وبشايروإم ريم راحو يتعشون
ودانا وريتان طايحات هز ورقص ومبسوطات
راكان قاعد على واحد من الكراسي اللي على المسرح
ويطالع دانا ومبتسم لها
دانا تطالعه بحب
قام راكان وطلب من الطقاقه تغني أغنية قم قم لراشد الماجد
وأهداها لدانا
دانا إستانست
راكان مسك يدها
وهي واقفه و ترقص وتهزعنده وتلفح بشعرها وكان رقصها ظابط على إيقاع الأغنيه والطق
بعدين تركت يده وقعدت تردح ردح عراقي
راكان منجن عليها وقاعد يردد ورى الطقاقه
قم علم الصبـح ويش البارحه كنا
خله يقـول للعواذل انا تصافينـا
حتى يعرفون يوم انا تزاعلنـا
نبغى نزود قهرهم لاتراضينـا
حنا شربنـا الغـلا حتى تمايلنـا
من نشوة الحـب تدفعنا خطاوينـا
نكسب تعاطف هل الحـب بتعاملنا
وهروج حسادنـا ما أثـرت فينـا
ياما و ياما حكـوا لكن تجاهلنـا
تلامس احساسنا يسبـق خطاوينـا
من بدهم في الوفا حنا تأهلنـا
كسرت يد التجافـي من تسامينـا
يابحر كان انتـ في موجك تساهلنـا
في الحب نبحـر ونمسي في موانينـا
روض المحبين محمـي في مداهلنـا
وزهور الأشواق تنبـت في مراعينـا
حنـا الشرف والنـدا ونشرف اهلنـا
عن الرذيله على النايف تعلينـا
يا ظامي الحـب اروتنا مناهلنـا
اذا طوانا هجيـر البعد تسقينـا
والسالفه كلها يوم ان تزاعلنـا
كله على شان يقهرهـم تراضينـا
ريتان وإمها يصفقون
وراكان يوم خلصت الأغنيه باس دانا مع خدها وطلع
عشان بشاير
وبيادر وإمها طلعو من صالة العشاء
أكمل لكم باقي الأحداث بالبارت القادم بإذن الله
دمتم بحب
~
البارت الخامس والثلاثين
بارت طويل وجريء و مليء بالأحداث الرومانسيه والأكشـــن ~_^
بعد الزواج
الكل راحو للبيت
عند أهل ريم
وليد وبدر
راحو لغرفتهم ونامو
إبو ريم وإمها
كانو متضايقين البيت بدون ريم ولاشي فقدوها من أول ليله
بيادر
كانت بغرفتها
مابدلت فستانها ولامسحت مكياجها ولاشي
على طول رمت نفسها على السرير وتكورت على نفسها وقعدت تبكي
فقدت ريم
أول مره تعرف إنها هالكثر تحب إختها ريم
دعت لها بهمس وهي تشاهق من البكا
إن ربي يوفقهاويهنيها
عند بشاير وعبدالعزيز
بشايربدلت فستانها ولبست قميص نوم
ومسحت مكياجها وغسلت وجهها
وجففته وحطت كريم على وجهها ويديها
ونزلت تحت وشافت عبدالعزيز بالصاله يسولف هو ونايف
بسرعه راحت لغرفة البراء
قبل نايف ينتبه لها لأن لبسها مره فاضح
كانت الشغاله توها طالعه من غرفة البراء
بشاير:ها جولي البراء نام؟
جولي:يس مدام
بشاير:أوكي
ودخلت عند البراء
وكان نايم بهدوء
باسته بشاير مع خده وتمسح على شعره:يالبى دلبك فديتو أنا
أخذته لحضنها
وراحت بسرعه فوق لغرفتها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك