رواية الله يسامح اثنين جابوني للدنيا و راحو و خلوني -37
خالد وخر شعرها عن عيونها وباسها مع خدها :يله مع السلامه
ريم بهمس:مع السلامه
أول ماطلع خالد سكرت الباب وجلست وسندت ظهرها على الباب وإنهارت بالبكي
وهي تطالع الساعه اللي على الجدار باقي ربع ساعه ويجيها سلطان
بجناح دانا
أول ماطلعت من عند إمهاوإختها جات بسرعه لجناحها ورمت نفسها على السرير ودفنت وجهها بالمخده وكملت بكي
ماحست إلا بأنفاس راكان تحرق رقبتها:دنو حبي وش قايلك أنا موب قلت لك روحي غسلي وجهك ماقلت لك تعالي هنا وكملي صياح
دانا :شسوي وربي راكان أنا موب قادره أوصف لك شعوري مدري أنا زعلانه وإلا فرحانه
راكان سحبها وضمها لصدره بقوه:ياقلبي أنتي ماالومك اللي شفتيه موب شوي
دانا طالعته بعيون مليانه دموع:يعني أنت حاس فيني
راكان :أكيد حاس فيك
دانا ضمته مره ثانيه وباسته مع رقبته
راكان وخرها عنه:يله روحي غسلي وجهك بسرعه وتعالي إنزلي تحت عند امك واختك خلينا نتقهوى ونسولف
دانا:لا أنت لاتجي عشان وفاء تقدر تاخذ راحتها
راكان:حاضر من عيوني
دانا:فديت عيونك الله لايحرمني هالعيون وصاحبهم
راكان إبتسم:آمين
قامت دانا تغسل وجهها عشان تنزل تحت عند إمها وإختها وريتان وإم راكان
راكان إنسدح وشغل البلازما
وقعد يطالع أفلام كالعاده
عشقه الأفلام الأجنبيه
وخصوصا الأكشن مع شوية رومانسيه
ريم ماتدري كم راح من الوقت وهي تبكي عند الباب ماحست
إلا بالجرس يدق
فزت بخوف مسحت دموعها
وقامت وفتحت الباب بتردد
دخل بإبتسامه جذابه:سلام
ريم كشرت وماردت عليه
سلطان دخل وسكر الباب
ريم طالعته بإحتقار مره ماخذ راحته
بس مقيوله لاصارت حاجتك عند الكلب قله ياسيدي
أهم شي عندها سمعتها وإن خالد مايدري ولاأهلها يدرون ولاصورها ينتشرون بالنت
هي بكل الحالتين ضايعه
بس شي أهون من شي
خيانتها لخالد عندها أرحم من فضيحتها لأنها ماخانته برضاها
مسكها سلطان مع كتوفها
ريم حست بقشعريره سرت بكل جسمها وخرت يديه عن كتوفها بقوه وبقرف
سلطان مسك ذراعها بقوه
ريم تألمت :وخر يدك راح تكسر لي ذراعي
سلطان:وأكسر راسك بعد لو سويتي هالحركه مره ثانيه
ريم نزلت دموعها بصمت قعدت تطالعه وكل حقد الدنيا بعيونها
سلطان ترك ذراعها
ريم مسكت ذراعها الأحمر من مسكته وقعدت تفركه
سلطان بكل وقاحه:يله خلينا نمشي
ريم زادت أنفاسها وحست بخوف:لا مابي الله يخليك مابي
سلطان:لا تبين موب على كيفك
ريم :الله ينتقم منك الله لايوفقك
سلطان قرب منها وشد شعرها وباسها على شفايفها
ريم حاولت تقاومه بس سلطان أقوى منها
كل ماتحاول تبعده عنها يعاندها ويقعد يبوسها أكثر وأكثر
ريم إخنقته بيديها مع رقبته لين تركها
وخر عنها ومسك رقبته وهو يحاول يتنفس
ريم شهقت وراحت تركض لأقرب مغسله إستفرغت(والجميع بكرامه)
فتحت الماء وقعدت تغسل فمها وهي تبكي
غسلت فمها مره ومرتين وثلاث وأربع
وهي كل شوي يزيد بكاها
سلطان سمعها وهي تبكي وتلعن وتسب فيه وتستفرغ
فتح الباب وطلع وسكره بقوه
طلعت ريم وأخذت المنشفه ومسحت وجهها
قعدت تدعي على سلطان من كل قلبها
راحت فوق لغرفة نومهاهي وخالد
جلست على الكرسي حق الكومدينا
حطت راسها على الكومدينا وقعدت تبكي
وتدعي ربها إنه يفكها من الحقير سلطان
ماتوقعت إن الغلطه اللي سوتها راح تظل طول العمر تدفع ثمنها
ودها الزمن يرجع لورى شوي
ويتوقف عند لماجات تتعرف على سلطان
كان والله ماتتعرف عليه
آه بس آه
بماليزياا
وتحديدآ عند البحر
الحريم والبنآت
جآلسين على طاوله
والرجال والشباب على طاوله
بسام كان رايح للمطعم يجيب لهم
مأكولات بحريه ومقبلات وسلطات
وعزام جالس يهايط على الشيبان وهم مصدقين بطولاته هههههههههه
والبنات
فالينها أنواع الحلويات والمشروبات
بيادر:أقول يمه تدرين أنتي وعمتي إن حنا فالينها هنا
والدول العربيه بمصايب
بعد المظاهرات اللي صايره بتونس ومصر
الحين بليبيا
واليمن
وسوريا
إم بيارد:ايه الله يكافينا الشر وأنا إمك
مي:الحمدالله الدنيا لسى بخير كول الدول ماتبغى الفساد والظلم كلهم مايبغون حكامهم لأنهم معيشينهم بمذله وفقر
هم يبغون العدل والإخاء والصدق والأمانه
روان:يوه إشبكم قلبتوها سياسه خلونا بعد ماناكل نروح نتمشى على البحر قبل مايجيب بيسو العشاء
إم بسام:أنتي ليه كذا مرجوجه يابنت عيب إعقلي
روان:واناصادقه ياماما أنا أحوب الفرفشه ماأحوب الأجواء هاذي سياسه وماني عارفه إيش
بيادر:طيب كولي تبن بعد العشاء نتمشى عـ البحر
روان فتحت فمها بزعل:تموني يابنت خالي
بيادر مدت لها لسانها:غصب عنك
روان:مالت عليكي واثقه كمان
بيادر غمزت لها:أكيد
روان إبتسمت:طيب دحين بعد مانتعشى بنروح نتمشى
بيادر:أوكي
مي:بيدو إديني علبة البيبسي اللي عندك
بيادر مدتها لها:خذي
مي:شكرا
روان:ياربي وربي تحسسوني إني بحصة تعليم أطفال الله لايضركم إيش الأدب هذا
مي ضربتها على خفيف مع راسها:موب شغلك
خالد رجع من دوامه الساعه 12 الظهر
شاف البيت هادي
طاحت عينه على طاولة الأكل
الفطور على مكانه ريم ماشالته
إستغرب
نادى على ريم
مالقاها تحت لابالمطبخ
ولا بالصاله
خالد بهمس:غريبه وينها
صعد فوق
الصاله اللي فوق مافيها أحد
دخل غرفة النوم
وإنصدم
لما شاف ريم جالسه على الكرسي
وحاطه راسها على الكومدينا
و دموعها جافه على خدها ومغمضه عيونها
قرب منها وحط يده على شعرها ومسح عليه
ريم فتحت عيونها وفزت بطولها وباين عليها الخوف
خالد:بسم الله عليك آسف خوفتك
ريم طالعت خالدشوي
بعدين ضمته وبكت :خالد سامحني أرجووووك يالغالي سامحني
خالد مستغرب من تصرفاتها:أسامحك على ايش ؟
ريم زاد بكاها وتمسكت بخالد أكثر
خالد تركها تبكي بحضنه على راحتها
هو مره منصدم ومستغرب من تصرفاتها وبكاها وكلامها اللي موب فاهم وش قصدها فيه
إنتهى البارت أتمنى يكون عجبكم
تابعوني يوم الأربعاء بإذن الله بالبارت الأخير
ورآح يكون طووووووويل مره
راح تصير فيه أحداث ماتوقعتوها
يلا ودعتكم ربي
إختكم\حنــــان(عطرالغلا)
البــــــــــــارت الأربعــــيــــــن (والأخيـــــــــر)
الفصل الأول؛؛
خالد كان قاعد يطالع مباراة برشلونه وريال مدريد
وكان متحمس مررره لأنه برشلوني موت
ريم جات عنده:خلودي يلا جهزت العشاء
خالد قام وهو يطالع طاولة الأكل:وين العشاء؟وين حاطته؟
ريم:امممم لا بس حبيت أغير شوي فحطيته على الطاوله اللي بالمبطخ
خالد:كويس طيب يله قدامي وحط يده على ظهر ريم
ريم تكهربت من لمسته لظهرها
دخلوا المطبخ
خالد سحب الكرسي وجلس
ريم أخذت الولاعه وولعت الشموع
وكانت الطاوله قمه بالترتيب والتنسيق
خالد:ريومتي فيه شاهي؟
ريم قامت:ايه بس لحظه أجيب البريق
راحت جابت البريق حق الشاهي اللي فوق الفرن
جات وصبت لخالد بكاسته
خالد كان قاعد يتأمل بوجه ريم
ويشم ريحةعطرها اللي دوخته
ريم كانت مشغوله تصب الشاهي وماإنتبهت لخالد
خالد قرب منها يبي يبوسها
ريم بسرعه صدته وإرتبكت وجاء فبالها سلطان لما باسها
خالد:ريومتي شفيك ليش صديتيني؟
ريم:هاا لا مافيني شي بس نسيت أجيب السكر
راحت لـ الدولاب بتجيب الصحن اللي فيه السكر
طاح الصحن منهاوإنكسر
وإنكب السكر على الأرض
رمت الملعقه من يدها الثانيه
وقعدت تبكي
جاها خالدوضمها:ريم أنتي شفيك ؟عادي ماصار شي حبيبتي
ريم وخرت عن حضنه وماردت عليه كانت قاعده تبكي وتهمس الله لايوفقه الله لايوفقه
خالد جاب المكنسه الصغيره:ولايهمك ياقلبي الحين أكنس الأرضيه واللي إنكسر ألمه وكأنه ماصار شي
ريم أخذت منه المكنسه:لا أنت روح تعشى أنا أكنسه
خالد:طيب
راح خالد وجلس على الطاوله وعيونه عليها متضايق عشانها البنت ماهي طبيعيه تغيرت180 درجه مايدري وش فيها
ريم كانت تبكي وتشيل الصحن اللي إنكسر وحطته بالزباله
وكنست السكر وحطته بالزباله المخصصه لـ الطعام
غسلت وجهها وجففته
وجات بتطلع
مسك يدها خالد:وين؟
ريم:بروح أنام
خالد:لا إجلسي معاي
ريم:لامعليش خالد انا تعبانه وبروح أنام
خالدسحبها:تعالي إجلسي هنا
وأشر لها على الكرسي اللي جنبه
ريم جات وجلست على الكرسي اللي جنبه
خالدضم إيديها بيديه:قوليلي شفيك؟
ريم نزلت راسها :مافيني شي
خالد:لافيك
ريم عصبت :يووووه قلت لك مافيني شي
خالد بزعل:طيب براحتك لاتعلميني شفيك
وقام
ريم نادته:وين؟ماأكلت
خالد:الحمدالله شبعت سديتي نفسي
راح وتركها
ريم قعدت تضف الصحون اللي على الطاوله وهي تبكي
نفخت على الشموع وطفتها
وقعدت تغسل الصحون
وهي تردد بقلبها "سامحني ياخالد سامحني"
عساف كان عند إبوراكان
جاي يشوف ردهم عليه
طبعا إبو راكان قاله إنه هو وحاتم موافقين بس مابعد أخذو رأي ريتان لأن راكان رافض
عساف عشان الإنتقام معمي عيونه
قرر إنه يذل نفسه لراكان بس عشان يزوجه ريتان
عساف رملى عقاله عند رجلين راكان:انا داخل على الله ثم عليك إنك ماتردني أنا طالب يد إختك على سنة الله ورسوله وابوك واخوك موافقين بس باقي انت وماأظن إن فيه سبب مقنع يخليك ترفضني
راكان ماقدر يرفض عساف بعد حركته اللي سواها
عيب عليه يرفضه قدام إبوه وإخوه وهو رمى عقاله عنده
باين إنه شاري إخته ويبيهاا
راكان قعد يطالع عساف
بعدين طالع إبوه وحاتم وطلع من المجلس بدون ولاكلمه
عساف طالع إبو راكان:هاه ياابو راكان وش راي ولدك موافق وإلا لا ؟مع إن الراي الأول والأخير لك ولبنتك
ابو راكان وهو مستحي من عساف:إن شاءالله إن البنت توافق وراكان بعد بيوافق أنت بس إصبر ومالك إلا طيبة الخاطر
دانا كانت معزومه عند إمها
تعرفت على إخوانها ضاري وتسنيم
وجالسه تسولف مع وفاء وإمها وكانت حييييل مبسوطه
وكل شوي تحضن إمها تحس إنها بحلم ماودها تصحى منه
بسام وعزام
كانوا طالعين من الشقه
بينزلون بالأصنصير
أول ماإنفتح الأصنصير تنحوا
كانت فيه بنت شقراء
شعرها بوي مع ورى
ومع قدام نص غرتها مغطيه على عيونها
ولابسه أساور كثيره
لابسه فستان أسود مخصر على جسمها
ومفتوح مع الجنب إلى نص الفخذ
وحاطه على فخذها ربطه زي الشريطه ومدخله فيها مسدس
وحاطه السيجاره بفمها على جنب
طلعت من الأصنصير وهي تطالع بعزام وبسام اللي مفهين فيها
وراحت
بسام دخل هو وعزام الأصنصير
بسام:ياويلي على ريحة عطرها اللي لسى موجوده بالمكان
عزام:خل عنك ريحة عطرها أنت شايف المسدس اللي حاطته على فخذها شكلها مجرمه
بسام :يالبى المجرمه
عزام:انت الظاهر بحياتك ماشفت بنات الأصنصير إنفتح يله إطلع
بسام:طيب لاتنافخ انااخوك الكبير ولازم تحترمني
عزام:اقول إمش وانت ساكت بس
بسام:فين نروح
عزام:لجهنم أي مكان المهم نغير جو
بسام:ياخي انت شفيك معصب واخلاقك قافله كذا
عزام:لأن خويتي سحبت علي
بسام إنسدح من الضحك:ههههههههههههههههههههههههه بالله صدق ههههههههههههههههههههههه أي وحده فيهم
عزام بقهر:اللي بالبلاك
بسام قعد يغني وهو كاتم ضحكته:باعني وحب غيري بسبة بلاك بيـ
قاطعه عزام وهو يضربه بساعته على فمه
بسام حط يده على فمه:ااااااح ياكلب
عزام:احسن لأنك ماتنعطى وجه
بسام:طيب طيب ياخروف البلاك بيري هههههههههههههه
تعال نروح للكوفي اللي قريب من هنا
عزام:أشوف فيك يوم
بسام:بعدك حبيبي انا مو خروف زيك ههههههههههههه
كملوا هواش وسواليف ومزح ثقيل لحد ماوصلوا للكوفي
جات ريتان اللي إستغربت لما شافت إبوها وإمها وراكان وحاتم مجتمعين
توترت شوي
جات وجلست جنب إبوها:هاا يبه طلبتني وش بغيت؟
إبوراكان إبتسم لبنته الوحيده بحب:أنتي يارتون كبرتي وكل بنت مصيرها لبيت زوجها
راكان تأفف وقام وقال:عن إذنكم وراح وخلاهم
ريتان طالعت راكان وإستغربت إنه تنرفز
رجعت تطالع إبوها تحتريه يكمل وهي عارفه السالفه دام الدعوه فيها كبرتي وبيت زوجك ومدري إيش
إبوراكان عدل شماغه وقال:المهم يارتون أنابدخل الموضوع على طول فيه واحد رجال ونعم الرجال تقدم لك وأنا عني موافق بس الراي الأول والأخير لك أنتي إستخيري وأنا وإمك وإخوانك ماراح نجبرك على شي ماتبينه ولا راح نظغط عليك
ريتان تمنت بـ هاللحظه إنه الأرض تنشق وتبلعها مرررره إستحـــــــــت
وحمرت خدودها
قالت بهمس :طيب يبه إخواني موافقين
حاتم دخل عرض:انا عن نفسي موافق بس راكان مدري شفيه رافض بس كأنه بدا يلين عقب مارمى عساف عليه العقال
ريتان مافهمت وش قصده؟
قامت وهي تقول:خلاص أنا بستخير وأرد لك خبر أوكي بابي
وباست راس إبوها وراحت
إبو راكان بهمس:الله يحفظك ياالغاليه
حنان كانت جالسه بالصاله تتتفرج على التلفزيون
دق التلفون
وإستغربت من داق هالحزه الساعه 12 بالليل
قامت بملل وراحت ترد عليه
حنان بنعاس وملل :الو
الدكتور:السلام عليكم
حنان:وعليكم السلام
الدكتور:حبيت أبلغك ياست هانم إن فهد صحي من الغيبوبه ئبل شوي ونئلناه لغرفه عاديه
حنان فتحت فمها وسرت رعششششه بكل جسمها
تجمعت الدموع بعيونها
وحست عيونها توجعها من قوة حرارة دموع الفرح بعيونها
الدكتور:الو الو إنتي معايا حضرتك؟
حنان بفرح وصوت باكي:ايوا معاك الله يبشرك بالجنه يادكتور
الدكتور:ربنا يسلمك أ
حنان ماخلته يكمل كلامه سكرت الخط بوجهه
وراحت عند الدرج ورقت أول درجتين وماقدرت تكمل الباقي وقعدت تنادي إمها وإبوها بصراخ:يمااااااااااااااااه يبااااااااه فهود صحى والله العظيم صحى يماااااااااااااه يباه بسرعه تكفون تعالوا وسندت ظهرها على الجدار وقعدت تبكي
جات إمها تنزل مع الدرج بسرعه وزوجها وراها
ضمت حسنا بنتها:بسم الله عليك حبيبتي شفيك حلمانه
حنان تبكي:لايمه وربي فهد صحى قبل شوي الدكتور المشرف على حالته إتصل وبلغني
حسناوهي تمسح على شعرها:تعوذي من إبليس حبيبتي وروحي نامي أنتي شايفه الساعه كم
حنان قعدت تبكي بصراخ:يمه شفيك شايفتني مجنونه أقولك فهد صحى من الغيبوبه يلا خلينا نروح له تكفين يمه
وطالعت إبوها:يلا يبه تكفى
حسنا:بس حبيببتي إهدي
حنان بعدت عن حضن إمها
وراحت عند إبوهاومسكت يده وقعدت تترجاه:يبه تكفى خلنا نروح له والله الدكتور دق وقالي فهد صحى والله ماأكذب عليكم والله
قعدت تطالع إبوها وإمها :شفيكم ساكتين ياربي منكم شايفيني مجنونه ليش موب مصدقيني أنا بروح أجيب عبايتي واروح مع السواق
إبوهامسك يدها:لامصدقك وأنابوديك وإمك بتجي معانا بعد
وطالع بحسنا يبيها توافق تروح معاهم
حسنا:إيه حنون بروح معاك أنا وإبوك يلا روحي جيبي عبايتك
حنان راحت وهي تبكي إنقهرت من إمها وإبوها ماخذينها على قد عقلها
كأنها مجنونه
ريتان كانت قاعده تصلي صلاة الإستخاره
ولماخلصت حست إنها إرتاحت
دعت ربها يكتب لها الخير
ويسعدها مع الرجال اللي تقدم لها
ويحفظ لها إمها وإبوها
قامت ونزلت شرشف الصلاة
وسفطته
وأخذت السجاده وسفطتها
وحطتهم فوق المكتب حقها
إنسدحت على السرير وتلحفت
وجلست تفكر
معقوله جاء اليوم اللي بتتزوج فيه
يالله ماتتخيل نفسها متزوجه أبد
ياترى هالشخص راح يكون هو فارس أحلامها اللي حلمت فيه
راح تكون حياتها مع زوجها مثل ماحلمت أولا
وعلى هالتفكير
غفت عيونها ونامت
بالمستشفى
حنان وإمها وإبوها
وصلوا للعنايه
وخفق قلب حسنا لما ماشافت فهد على السرير اللي داخل العنايه
حطت يدها على القزازه الخارجيه لغرفة العنايه
وطالعت إبو فهد بعيون دامعه وكأنها تقول وينه؟
حنان :ها يمه يبه صدقتوني إن فهد صحى!و
قطع كلامها الدكتور اللي جاي إتجاههم بإبتسامه:أهلا بيكم أهلا
إبوفهد:هلابك يادكتور
الدكتور:الحمدالله على سلامة إبنك فهد
إبو فهد إنصدم وإنشل لسانه عن الكلام
حنان ضحكت بصوت باكي وضمت إمها:صدقتيني يمه
حسنا ضمتها بقوه:إيه ياحبيبتي الحمدالله إن اخوك صحى الحمدالله
إبوفهد بصعوبه:الله
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك