رواية الله يسامح اثنين جابوني للدنيا و راحو و خلوني -42
كانت إم راكان وإم وفاءوإم حنان
ودانا وبشاير
هم اللي زفوا العرايس
حنان:واي يمه أحس إني مرتبكه
حسنا:شي طبيعي حبيبتي انتي بس إقري المعوذات وماعليك
بيادر وريم إجو عند دانا سلموا عليها وباركوا لها
دانا :وربي مره مبسوطه ياريم اليوم زواج اخوي نايف واختي وفاء
(أحب أوضح للي مافهموا نايف يصير إخو دانا بس لأنها متربيه من صغرها معاه لاكن وفاءإخت دانامن الإم)
ريم إبتسمت بحزن:الله يهنيهم يارب وعسى فرحتك دايمه
دانا:آمين
بعدين انتي لاتشيلين هم تراني قلت لخالد السالفه وإن شاءالله إنه راح يرجعك وتصيرون مثل أول وأحسن
ريم:الله يسمع منك
قالت المطربه بالمايك إن المعاريس راح يدخلون
دانا ماتدري ليش صار قلبها يدق تحس إنها توها إستوعبت إن عساف تزوج مثلها
ومثل ماهي صارت لغيره
هو صار لغيرها
حست إنها حنت للماضي بعدين تعوذت من إبليس وطردت هالأفكار من راسها
بس تذكرت إن عساف متزوج ريتان بس عشان ينتقم
حرام ريتان طيبه وماتستاهل دعت ربي بقلبها إنه يوفقهم وإن عساف مايضر ريتان بشي
دخلوا المعازيم الثلاثه
زفوهم وكل واحد منهم راح هو وزوجته على سيارته
حاتم وحنان راحوا لبيتهم
نايف ووفاء راحوا لـ الفندق
وبعد مايرجعون من شهر العسل راح يسكنون بالفيلا اللي فيها بشاير وعبدالعزيز لأنها واسعه وتكفيهم
عساف وريتان راحوا للجناح الخاص فيهم فبيت إبو راكان
كالعاده بعد الرقص والعشاء خلص الزواج على خير
والله يبارك لهم ويجمع بينهم على خير
ومن البنات العيال ومن الشباب المال^_^
فبيت حنان وحاتم
حاتم مسك يد حنان وباسها:ماني مصدق إنك قدام عيوني وحلالي
حنان قالت بخجل:الله لايحرمني منك
حاتم:ولامنك يابعدهم
قرب منها حضنها وباسها مع شفايفها
حنان حمرت خدودها تحس إنها بتبكي من الخجل
حاتم :يله حياتي تعالي نغير ملابسنا عشان نتعشى ونسهر أحلى سهره
حنان إبتسمت له:يلا
وفاء كانت قاعده تغير لبسها
ونايف ينتظرها بالصاله
عشان يتعشون
عساف أول مادخل هو وريتان
حس إنها ضاعت علومه
ومايدري شلون ينتقم
ذاب على نعومة ريتان ورقتها وجمالها الهادي
عساف باس جبينها:مبروك
ريتان بهمس وهي مبتسمه:الله يبارك فيك عن إذنك بروح أبدل فستاني
عساف تنهد:إذنك معك
فسخ بشته بعد ماراحت ريتان وحطها على الكنب وجلس وهو محتار مايدري وش يسوي؟
مع آذان الفجر
دانا قامت وهي تبكيي:راكان الله يخليك قوم
راكان قام مفزوع :شفيك
دانا:الطلق جاني أبولد بسرعه ودني خايفه أولد هنا
راكان قام :يله يله بسرعه قومي خليني أوديك
دانا:طيب شوف الشنطه اللي بالدولاب خذها معانا
راكان: طيب
ريتان قامت عشان تصلي وتصحي عساف
طاحت عينها على التاتوه اللي على كتف عساف
لأنه نايم فبنطلونه بس
قربت من عساف عشان تشوف التاتوه
تضايقت وقالت بنفسها"اكيد إنه عاشق ياربي مين هاذي اللي واشم حرفها على كتفه
بس شكلها تاركته أو شي زي كذا لأنه كاتب تحت الحرف كلام"
قعدت تتأمل بعساف
ذوبها شكله
وإنجنت على شفايفه الي صايره سودا شوي من الدخان
لاشعوريا باست شفايفه
وخرت عنه وهي مرتبكه بسرعه قامت ودخلت الحمام والجميع بكرامه
عساف حس فيها يوم تبوسه
يوم دخلت الحمام فتح عيونه وهو يقول بنفسه"عز الله إنتقمت البنت ناويه فيني على نيه"
صبـاح العيد الثالث
المعاريس سافروا لشهر العسل
نايف ووفاء سافروا لـ(دبي)
حنان وحاتم لـدولة العشاق(إيطاليا)
عساف وريتان لـ(باريس)
بـ المستشفى
دانا بدت تصحى من البنج فتحت عيونها بشويش وشافت راكان جالس على الكرسي بقربها
راكان :الحمدالله على سلامتك
دانا حطت يدها على بطنها:الله يسلمك
أنا ولدت
راكان:إيه
بنوتتنا مثل القمر بسم الله عليها
دانا:شفتها
راكان:إيه
دانا:وينها
راكان:بالحضانه
دانا:تكفى جبها لي بشوفها
راكان :من عيوني
بس أنتي تعبانه الحين توك والده لازم ترتاحين وانا برجع للبيت والعصر أجيك انا واهلي
دانا:إتصلت عليهم وبلغتهم
راكان:إيه حتى إمك واخوانك قلت لهم
دانا:طيب تكفى جبها لي قبل لاتروح بشوفها وأرضعها
راكان :طيب
راح للحضانه وقال للممرضه تعطيه بنته
دانا كانت تطالع الباب يوم إنفتح
قامت وجلست وأخذت بنتها من راكان بلهفه
ضمتها لصدرها بقوه وباستها :ياحبيبتي فديتها
راكان جلس على طرف السرير عند دانا ومسح دموعها:طيب ليش البكي الله يصلحك
دانا:شسوي موبيدي ياراكان شعور الأمه شعور غريب وحلو حسيت بإمي شلون إنحرمت مني 22 سنه ولما لقتني انا قسيت عليها ولولا الله ثم انت خليتني اسامحها كان امي الحين ماتت بحسرتها
راكان ضمها:ياقلبي انتي
دانا:راكان وخر كتمت البنت
راكان وخر:خلاص الحين جات هالفصعونه وكل الأحضان والدلع لها
دانا:هههههههههههه
راكان:ايه وش عليك إضحكي
دانا:لا ياقلبي انت حضنك محفوظ لاتخاف
راكان غمزلها:يالبى بس
داناضربته على خفيف مع صدره:يلا عادلاتحرجني
راكان:هههههههههههههه طيب
دانا:اقول ركوني أنا مفكره إنا نسمي البنت أمل شرايك؟
راكان:أمل؟غريبه الإسم هذا قديم وش عاجبك فيه
دانا:بالعكس يجنن خفيف وبعدين لأن حياتا كلها أمل وتفاؤل وسعاده إن شاءالله
راكان:خلاص من عيوني انا الحين قبل لاأطلع من المستشفى أسجلها
بعد خمس شهور من الأحداث
خالد للحين ماهو قادر يسامح ريم
ولاهو قادر يرسل لها ورقة طلاقها
ومقهور إنها ولدت وهي بعيده عن عينه
ريم ولدت وجابت ولد
وماتدري وش تسميه مقهوره إن خالد ماسئل عنها ولا عن ولدها
ولاحتى فكرفيهم
وفا ونايف
عايشين حياتهم من أحسن مايكون
ووفاء حامل بشهرها الأول
حاتم وحنان كناري الحب
يالبى قلوبهم
ريتان وعساف
عايشين حياة مبنيه على التفاهم والإحترام والتقدير
بس خاليه من الحب
وناقصها شوية إحساس
دانا كل ليله تدعي لراكان وخايفه إنها تفقده
لأنه سوا العمليه
ومن طلعوه من غرفة العمليات وهم حاطينه بالعنايه
وله يومين وهو فيها
عاد العمليه موب سهله عملية قلب
الله يحمي جميع اللي يقرون ويحفظهم من كل الأمراض يارب
بنوتة دانا وراكان (أمل)صار عمرها 5 شهور
تهبل فديتها
ماخذه نص الحلى من ابوها وباقي الحلى كله ماخذته من إمها
دانا كانت قاعده تحاول تنوم أمل بس هي موب راضيه وقاعده تبكي
دانا قعدت تبكي معاها:بس ياماما بس
ريتان دخلت جناح دانا
ودخلت الصاله:هاي دنو
دانا وهي تمسح دموعها وتهز امل تبي تنومها:هلارتون
ريتان جات وجلست:شفيك تبكين
دانا:أمولتي مدري شفيها موب راضيه لاتنام ولاتسكت
ريتان:يمكن جوعانه
دانا:لاتوني مرضعتها
ريتان:طيب نادي المربيه وعطيها امول لأني بتكلم معاك بموضوع
دانا نغزها قلبهاخافت إن عساف قايل لريتان شي :طيب
قامت وطلعت من الجناح وقفت عند الدرج ونادت المربيه
جات المربيه:نعم مس دانا
دانا:خذي إيميليا
المربيه أخذتها ونزلت تحت وهي تلعبها
لأنها تموت على أمل وتدلعها إيميليا
دانا دخلت جناحها
وجات عند ريتان بالصاله
تنهدت وجلست:هاه يارتون وش عندك؟
ريتان وهي خانقتها العبره:دانا مافيه غيرك قريبه مني وتفهمني وأشكي لها اللي مضايقني
دانا:خير رتون شفيك
ريتان:بصراحه يادانا انا وعساف حياتنا ماشيه وزي العسل بس جافه خاليه من الحب والمشاعر لأن عساف يحب غيري
دانا بلعت ريقها:ليش وش دراك إنه يحب غيرك؟
ريتان:لأنه واشم حرف اللي يحبها على كتفه
دانا:ودك تعرفين اللي يحبها عساف؟
ريتان إستغربت حست إن دانا ماخذتها على قد عقلها :إيه
دانا:بس أوعديني ماتزعلين ولاتتنرفزين لأن اللي عساف يحبها ماضي بالنسبه له وبالنسبه لها عساف ماضي بعد
هم كانوا يحبون بعض ولاحظي إني قلت كانوا
وخلاص تفرقوا من سنين
واللي عساف يحبها تزوجت والحين عندها بنت وتحب زوجها وتموت عليه
ومافيه أحد بقلبها غيره
ريتان بدت تشك:دانا أنتي وش دراك؟وبعدين منهي هاذي؟
دانا:أنا
ريتان إنصدمت سكتت وقعدت تستوعب اللي دانا قالته
دانا:أدري إنك إنصدمتي بس ترى ماضي مثل ماقلت لك وترى عساف بعد متزوج عشان ينتقم مني بس ماشفته سوا شي باين إنك نسيـتيه الإنتقام وأنا متأكده إنك تحبينه وهو بعد يحبك بس كل واحد منكم يكابر لايعترف لـ الثاني
ريتان تحمست :طيب شلون أعترف له أو على الأقل أحسسه بحبي له
داناإبتسمت:أنتي وشطارتك وبعد ترى إذا جات عفويه تكون أحلى
ريتان:طيب أنا مازعلت منك بس إنصدمت ومثل ماقلتي أنتي قصتكم ماضي
وأنا لازم أعترف لعساف بحبي له
لأني أحس إنه حتى هو يحبني
دانا:فديتك يلا الحيـن رو
قاطعتهم إم راكان اللي جات وهي لابسه عبايتهاوتبكي:يابنات بسرعه إلبسوا عباياتكم بنروح للمستشفى راكان صحى وحالته ماتسر يبي يشوفنا
دانا شهقت :الله يستر
ريتان طلعت من جناح دانا وراحت تركض تلبس عبايتها
دانا لبست عبايتها وأخذت بنتها أمل
وكلهم راحوا مع عساف
ام راكان والبنات ورى
وإبو راكان قدام عند عساف
إم راكان دقت على حاتم تقوله يجي للمستشفى بسرعه
بـ المستــشــفــى
عند العنايه
الدكتور قالهم بس واحد منهم يدخل عند راكان بالعنايه لأنه تعبان ومايصير كلهم يدخلون
كلهم قالوا لدانا تدخل
بس دانا رفضت قالت يا إم ركان أو ابو راكان
بس كلهم رفضوا
أخذت أم راكان حفيدتها من دانا
دخلت دانا وهي ميته من البكي
كانت العنايه بارده مره
حست برجفه
جات عند راكان ومسكت يده:راكان حبيبي شفيك
راكان أشر لها توخر عنه الأكسجين
وخرت عنه دانا الأكسجين وباسته مع خده
راكان بصوت تعبان:دانا أنا بوصيك على نفسك وعلى أمل وامانه لاتزوجتي غيري خلي شرطك الوحيد إنه يقبل فيك أنتي وبنتك
دانابصوت مبحوح من البكي حطت يدها على فم راكان:بس لاتكمل أنا لك ومستحيل يلمسني رجال غيرك أنت بتطيب وبترجع تنور بيتك
راكان باس يد دانا اللي على فمه
دانا وخرت يدها وحطتها على شعره وقعدت تمسح على شعره
راكان:دانا
دانا:ياعيون دانا
راكان:أحبك
دانا بكت أكثر:وأنا أعشقك وربي
راكان شفايفه صارت بيض وجف ريقه
وبدا يحتضر
دانا قعدت تبكي بهستيريا وهي مصدومه:لا راكان تكفى لاتموت تكفى ياحبيبي لاتموت
طلعت برى ماتبي تشوفه وهو يحتضر
قعدت تصارخ :راكان بيموت بيموت
أم راكان عطت ريتان امل و دخلت هي وابو راكان وحاتم
الأطباء إجو يركضون
وطلعوهم برى عشان ينعشون راكان
بس لقو نبضه قد وقف وخلاص طلعت روحه يعني الإنعاش ماينفع
طلع الدكتوروعلى وجهه ملامح الحزن وراح بدون مايكلمهم
لأنه عارف إنهم شافو راكان وهو يحتضر
ريتان قعدت تبكي
دانا أخذت أمل من ريتان وضمتها وقعدت تبكي بصوت عالي:أمول بابا مات مات آه يابنتي آه مابيك تعيشين نفس اللي عشته
بس ربي كاتب إنك تصيرين مثل امك بس يتيمه أرحم من لقيطه
ريتان قعدت تبكي وتهدي دانا
حاتم حط شماغه على وجهه وقع يبكي عديله واخوه اللي راح
ابو راكان جلس على الكرسي وهو مو مصدق إن ولده البكر وسنده بـ هالدنيا مات
ام راكان إرتفع ظغطها وطاحت عليهم
ريتان كانت تبكي وحاطه أمل بحضنها وجالسه عند إمها اللي نايمه والمغذي بيدها
وظغطها مرتفع
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك