رواية يا راكان ترى مالي مكان في هالدنيا بدونك -9
غرام : الوو, ريم ... لا تزعلي ...اسفة
ريم بكل برود : على وشو..... حبيبتي عادي لما تردين بالسلامة ان شاء الله .. بنسويها ... حبيبتي انتي..!
************************************************** ***
وجه شاحب... من كثر التفكير
جسم هالك من كثر ما اخذ من ادوية في هالاسبوع
وقلب ...... قلب مات ...
انتهى كل شيء بالنسة لها
كانت راقده على السرير ........ والغرفة ظلام ماعدا هذاك
الضوء الخافت ... اللي مضوي جزء من الغرفة... رافعة شعرها الحريري.... ولابسة ملابس المستشفى ... وصاحية وماهي صاحية... عقلها يفكر ....
بصوت هادئ... يخرج من شفاهه الباردة : هذي مو نهاية الدنيا ؟؟
روان ما تحركت ولا اهتزت ... ظلت مثل ما هي ... ما تحركت حركة واحده...
يكمل : تنتحري ..... الانتحار مو الحل لكل شيء...؟؟
ويتم السكوت من قبل روان ...
يكمل : لا تنغري ورا افلام الرومنسية اللي تكون دووم نهايتها الانتحار..!!
وهي ساكته ...
يكمل : ليه سويتي كذا يا روان ... نزلتي من عيني واايد.؟؟
بصوت حاد ... وبدون مياعة مثل قبل : أنت احقر انسان عرفته في حياتي؟؟؟
جاوبها راكان بسرعة : لا, اذا كنت حقير ما كنت جيت هني..
كان راكان واقف امامها ... بس هي ما ناظرت عليه ابد ..
راكان ..: ادري انك الحين تكرهيني.... بس انا احبك يا روان ... احبك كاخت لي .. وعمري ما اتمنى لاختي غير الخير ... والانتحار مو خير ابد ...
روان : انا عمري ما ناظرت لك كاخ ...
راكان ياخذ نفس : لانك توهمتي باشياء مالها وجود ولا راح يكون لها وجود ...
روان : هذي الامور انتهت... ليه أنت هني الحين.
راكان .. : ابيكي ... تكوني اخت صالحة و ذكية .. روان انتي مثل اختي ... اختي الوحيده.. انتي من وحنا صغار ونحن نلعب ويا بعض ...اختي الصغيرة ... اللي عندها اسراري تحفظها .. واللي ابيها تقوم .. وتتنشط وتهتم بدراستها ... الاخت اللي في يوم تمسك شهادة تخرجها وتجيبها لي....
روان ابتسمت هني : من قلبك هالكلام يا راكان..؟؟
راكان : ايه والله العظيم من قلبي... ابيك الحين تقومي يا روان ... وتصيري احسن من قبل ..
روان ناظرت فيه وابتسمت : ابي منك طلبين ... لا تردهم يا راكان..
راكان ..: لوطلبتي عيوني بعطيك ..
روان ..: الاول انك تخليني دووم مثل اختك وتحبني مثل اختك , وفي المناسبات ,, تجيني هدايا منك ... وكل شيء بين الاخوان يصير بيننا ... انا ندي اخوان صح بس مو مثلك يا راكان ..ابد مو مثلك ...
راكان بابتسامة : انتي اختي من زمان يا روان ..
روان : والطلب الثاني .. ابي يكون بيننا اتصال... احكيلك وتحكيلي .... نسولف ويا بعض... على المسن او على البي بي....
راكان : حاضر مافي مانع يالغلا ما طلبتي شيء...
( راكان ما كان يدري بان هذي الجملة بتسويله الف مشكلة , ولا انتوا تدروا ا نام روان وزوجه مشاري كانوا موجودين يرافقوا روان .... وان راكان ترجى امها علشان يدخل ولولا ان ام روان واثقة من راكان ما كانت دخلته ....
بس الشيء اللي كلكم ما تعرفوه .. ان ( ضيا زوجة مشاري ) اتصلت على زوجها وبلغته ان راكان دخل لروان ... وما تدروا ان مشاري وراشد في السيارة ويسوقوا باقصى سرعة علشان يوصلوا على المستشفى ..... وما تدروا بان راشد استغل الفرصة .. وبدا هجومه .. وهو في السيارة اتصل على غرام ... وقالها : مساء الخير
غرام ما تكلم احد على جوالها فظلت ساكته ..
راشد يضحك : ههههههههههههههههههههه
غرام استفزتها هالحركة ..: نعـــــــم !
راشد : تعرفي وين زوجك الحين .. عند حبيبته الاولية يالغلا... لما تشوفيه سلميلي عليه .. قوليله فاعل خير ..ههههههههه
...................
كانت محادثة هادئة بس خلت غرام تفور من داخلها والنار تشعل فيها )
البارت الحادي عشر
يمشي مشاري بخطوات ثابته ..... ووراه راشد ... وما مرت خمس دقايق من دخولهم ... حتى وقفوا ورا باب غرفة روان ....
دخلوا بس ما لقوا احد .....
مشاري لف على امه .... : يمى وين النذل.... راكان ؟؟
ام مشاري ... تفاجات من هالسؤال اشلون درى بان راكان كان هني...: راكان..؟؟؟
راشد ... وهو معصب : يمى ندري ان راكانو كان هني .... وينه خليني اعلمه الاصول...؟؟ هالكلب؟؟؟
ام مشاري ناظرت على ضيا ...: انتي علمتيهم ...؟؟
مشاري ..: يمى اشلون ما تقوليلي ... كنتي تخليني اعلمه الادب هالزفت....
ام مشاري فت ..:مشاري.... وطي صوتك.. اخت نايمة ....
راشد بعصبية : اشلون تدخليه هني يمى .... والله كنت ناوي اضربه ضرب بيت ابوه ما ضربه اياه ...
مشاري لف عليهم : وش كان يبي منها..؟؟؟
ام مشاري : جى يسال عنها ... وبس..؟؟
مشاري : يسال عنها .... مهي ناقصة ... والاحسن يكف شره عننا ..؟؟؟
***************************************
كراااااااااك..... ينفحت باب جناح راكان ..... الجناح البارد ..... الخالي.... لا مو فاضي ... كانت في انفاس ... دافية ....
غرام اللي كانت جالسة على الكنب , ومشغلة التلفزيون ...على فلم روومانتك ...... وعيونها تدمع .... والمناديل كملت..
راكان تفاجأ منها... كان يتوقع انه لما يرجع بيلاقيها نايمة ... وخصوصا ان سفرهم ... باقي عليه ساعات ...
راكان وهو يدخل...: غرام , حبيبي ليه مو نايمة ..؟؟؟
افاا , لا يكون البطل مات ...ههههههههههه !!!
غلط راكان لما ظن ان هالدموع علشان الفلم, اصلا ما تدري بهوا داره,..... الدموع نزلت بسبب الاتصال اللي جاها..... روحت راكان لروان يعني انه يحبها ... واذا كان يحبها.... *****
راكان : ما شفت احد تحت... ويينهم .... ؟؟
غرام ..: طلعوا كلهم ....؟؟
راكان لف عليها ...: على وين ..؟؟
غرام ..: مآ اذكر..... بس قالوا انهم بيرجعوا .. بعد الفجر...
راكان وهو يختار ملابسه .... : ليه ما رحتي... نحن مسافرين بكرة الليل, كان يمديك تروحي وترجعي...
تستانسي .... حبيبي وانا من الاساس ما عندي مانع..
دخل راكان غرفة تبديل الملابس ,,,,,
مرت عليهم فترة صمت مخنوقة ... بعدها دخل راكان الغرفة ..................
***********************************************
( تفضلي هالحليب بالفراولة اللي طلبتيه ) غانم وهو يمسك الجلاس...
اخذت وداد منه الكاس : شكرا غنووم.
غانم يجلس : افاا .... ما بيننا شكر ... انتي طلبي وانا اطيع هههههههههههههههه...
وداد : تسلم حبيبي ... اقول يا غانم .... الحين لو طلعت بنت وش بنسميها ....
غانم: لا اله الا الله , مين بنته .....
وداد: الله اكبر ... بنتنا اللي هني ( تاشر على بطنها ..)
غانم : لا يا عمري , هني ولد مو بنت ...
وداد : بس انا خاطري في بنت ...
غانم وهو يرتب اوراقه اللي
مبعثرة في الغرفة ...: ولد ... علشان يهز البيت بصوته ... يكون رجال البيت .....
وداد ... : ولد بنت ... ما يفرق ... المهم وش بيكون اساميهم ...
غانم ..: لو ولد .. بسميه علي ... على ابوي .. واذا بنت بسميها ... صالحة على امي...
وداد قامت بعصبية : وش صالحة .... ؟؟؟؟
غانم ناظر عليها : افاا , هذا اسم امي؟؟
وداد ..: امك ما يخالف على راسي , بس الاسم قدييييم
غانم : هااااي , وداد ... أي قديم ... ما في اسم غير اسم امي.....
وداد ..: والله , ما راح اسمي بنتي بهالاسم .. ابد
طلعت بعصبية ....
غانم : لا اله الا الله ... الاحسن ارجع لشغلي....
مسك جواله واتصل على .. الشرطي خالد ...
غانم وهو يقلب الاوراق: السلام عليكم خالد .
الشرطي خالد : وعليكم السلام .... يا سيدي المفتش.
غانم : انا شفت ملف القضية رقم 233 ...
الشرطي خالد ..: قضية القتل ... ؟؟؟
غانم : لا مو هذي... قصدي على قضية سرقة المتحف
الله يخليك ... خلي بالك وياي..
الشرطي خالد : اسف سيدي....
غانم : انا الحين قريت الملف و... على ما اظن في شيء مفقود.....
***********************************************
غرام تفكر... وتفكر ... وفجأة بلا شعور ..... غرام تسال : راكان .. بكل صراحة ... انت وين كنت؟؟
راكان اللي رمى نفسه على السرير .... كان وايد تعبان وحالته نصف نائم ونصف صاحي... بس سؤالها صحاه ...
رد عليها بلا مبالاة : كنت ويا مؤيد ومحمد ....!!
شدت غرام في الكلام اكثر : وانت ومؤيد ومحمد وين كنتوا؟؟
راكان : في ... كنا في مشوار.
غرام وقفت : ايه...مشوار... مثل انك تروح عند
حبيبة قلبك .... الحبيبة الاولى ....
راكان رفع نفسه ... : انتي وش تقولي...؟؟
غرام قامت من مكانها وعلت صوتها: راكان , لا تستفزني ....
راكان ازعجته هالحركة : غرام وطي صوتك .... !!
غرام مسكت اعصابها ..: طيب,,,, ليه رحت هناك ..؟؟
راكان سكت ....
غرام : راكان انا اكلمك .... ليه رحت ... اعصابي بتفلت ...
راكان : الموضوع تافه وانتي مزوده فيه ....
غرام بعصبية : ليه رحت .... اذا تبيها اوكي عادي ...
( قاطعها راكان ) : انا ما ابي احد ... غرام اليوم انت مو صاحيه ابد ...
غرام : ايه مجنونة .. مو كذا ؟؟؟
راكان وقف .../: انا ما قلت كذا ...؟؟
غرام فتفتح الباب بعصبية زائدة .... لحقها راكان ...
غرام ... لفت عليه : نعم ؟؟
راكان : على وين ؟؟؟
غرام تكمل مشيها : أي مكان ما تكون فيه... انا قلبي تعبان وما يستحمل...
راكان وقف ... ما كمل ... تذكر قلبها ... ورجع على غرفته ...
جلس على السرير ...... ومسك البلاك بيري... اتصل على مساعد ......................
مساعد : الوو, راكان ..
راكان اخذ نفس... : هلا مساعد .. وينكم دخلت على البيت ما لقيت احد ...؟؟
مساعد : بعد ما راحوا اعمامنا , اخذت البنات بوديهم على المهرجان الجديد .. فكلهم جوا يانا .. ما عدا زوجتك .. ( رؤى اخذت الجوال من مساعد )
رؤى : هلا راكان وياك رؤى .... اقول شيل غرام وتعالوا جري, والله المهرجان يجنن , ابد ما توقعته كذا ...
راكان .. ( ههه لو تعرفي غرام وش مسويه الحين بتضحكي ) : صراحة شوقتيني ... بس ما عليه مرة ثانية .. احس ان غرام تعبانة شوي ...
**************************************************
( بعد مرور ربع ساعة )
راكان وهو على السرير ما جاه نوم ....
( الاحسن اروح اشوفها .... ) قام راكان من السرير ... وراح على الممر يدور عليها وينها فيه .. مشى مشى حتى ما لقاها ...
راكان ما مسك نفسه ههههههههههههههههههههه ....
ناظرت عليه نص نظرة .... وكملت اكلها ....
راكان بعد ما وقف ضحك : صراحة توقعتك ,, تبكي ,, حابسة روحك في مكان .. مناحشة في فجة ... بس تاكلين هههههههههههه.
غرام لفت عليه بكل برود : انا ما تعشيت ... ؟
وهو لا يزال يضحك ....
غرام بكل برود اكثر من قبل : راكان ...؟؟؟
راكان وقف من الضحك ..: يا عيونه ...!
غرام ...: دمك ثقيل ...!!
انكسر كل امل في داخل راكان .... ما بقي شيء .. وحضرتها تكمل عشاها ... راكان تحملها وعدها ...
مشى راكان عليها وجلس في السفرة قبالها....
راكان يمد يده : تصدقي عاد .. حتى انا ما تعشيت .. ( ياخذ بطاطس وياكل ..) الله .. حلو تسلم ايدك...
غرام : الشغالة مسوياه ...
راكان بالعافية بلع اللقمة ..: انا قلت ايد الشغالة ما قصدت ايدك.
غرام كانت حاطه السماعات ..... راكان لاحظها
راكان : غرامي ... ابعدي السماعات تري الساعة الحين 2 الليل , يعني الله في السماء الدنيا , ما ينفع حبيبي بعديها ...
غرام تبعد السماعات << يا عيني على المؤدبه ..خخ
غرام : الحمد لله انك حاسب الوقت علشان لما يسالك اخوي .... تقوله انك كنت ويا حبيبتك حتى الساعة 2 الليل .
راكان ... انزعج : لا اله الا الله , يا غرام
لا هي حبيبتي ولا يحزنون .. هذي الافكار ابعديها عن راسك.
غرام وقفت اكل : طيب اوكي, ببعدها بس تجاوب , ليه رحت عندها ووش تكلمتوا فيه...؟؟؟
راكان : يعني عادي , هي في المستشفى و... ورحت ازورها ... بس هذا كل شيء.... وما تكلمنا عن الا عن اشياء عاديه ... هي مثل اختي ..
ناظرت غرام في عينه ( ما يكذب ... يمكن *)
غرام : اوكي ... بعديها يا راكان بس لان عيونك ما تكذب...
راكان ابتسم : حلو ...ايه خليك كذا ... عاديه لا تتصرفي مثل الجاهل...
غرام وهي تشيل الصحون : انا مو جاهل .. اصلا المفروض لما تزورها تاخذني وياك ...
جرررررررررررررن جرررررررررررن جررررن
( رسالة على بي بي راكان ... راكان شاف ممن مين الرسالة وحط الجوال )
غرام وقفت حطت الصحون : هذا جوالي...
راكان : اااآآآ ... لا لالالا . هذا جوالي انا ..
غرام ..ابتسمت : طيب اشفيك .... شوف الرسالة ...
راكان : ايه ششششفت ... شوي منها ... وببببببعدين بقرراها... ايه بببقراها ...
غرام .. ولساتها مبتسمة : تتتتت بببببببب ششش( تضحك عليه ) وش فيك بسم الله عليك..
راكان يوقف : ها لا مافي شيء بس ما ابي اخرب هاللحظات خلينا نطلع ...
غرام بهتت ابتسامتها شوي شوي ....
خطفت البي بي بسرعة وفتحت الرسالة ...:
المرسل : روان صالح
المحتوى :
(قالوا : تعطيه قلبك !
قلت : فداه..
قالوا : يا مجنون ترى تموت !
قلت : انا ميت بلاه..
قالوا : وش تحب فيه؟
قلت : يا لطيف..
قلبه نظيف..
دمه خفيف..
واللي يكرهه والله سخيف..
قالوا : شكلك تحبه حيل
قلت : اموت واحيا على شانه..
قالوا : وش بعد..
قلت : صرت بالصوت اناديه..
انت حياة الروح~
انت حبي~
انت عمري~
انت فؤادي~
انت قلبي~
انت حياتي~
انت روحي~
انت نور عيني~
انت الامل~
انت الحياه~
انت ولهفتي~
انت عذابي~
انت شقاي~
انت جرحي~
انت دمي~
انت انفاسي~
انت الحنان في قلبي اخفيك~
وفي العين اراعيك~
دايم على بالي~
ومنطق لساني~
قالوا : عطنا بإختصار..
قلت : انت كل حياتي..
بدونك حياتي تضيع..
قالوا : خلاص كفايه..
قلت : هذا ولا شي..
قالوا : يعني نسميه ملاك..؟!
قلت :لا هو احلى من كذا..
قالوا : كلمة اخيرة..
قلت :اخجلت شمس المحبه من هواك..
القمر من كامل اوصافك خجول..
اطلب عيوني وانا كلي فداك..
واعتبر ماتطلبه عندك وصول..
لو يغار الوردالاحمر من شذاك..
من يلومه لو تهادى للذبول.. )
غرام لفت على راكان وعطته البي بي.. بكل عصبية: انا شفت ظلك في الغرفة والله... والله يا راكان ما تشوف خير ...
جريت على الغرفة ......
راكان ...( ينعن شكلك يا روان .. ما لقيتي غير ذا الوقت )
راكنا مسح شعره وتصرفات عصبية ...
مؤيد دخل ..: راكان انت ما نمت وراك سفر..
راكان فز : اماا عاد ... انت هني؟؟
مؤيد : انا كنت وياك في المستشفى , وانتم وصلني بنفسك.
راكان : ايه صح ... الا اقول يالاخ , غرفتك فاضية بجي انام وياك ...
*******************************
( طبعا هذا كله قبل لا يسافرون على باريس..وابشركم .. في المطار غرام ما مشيت ويا راكان كانت طول الوقت ماسكة في ريما .. وفي الطيارة جالسة جنب راكان صح بس ما تكلمت وياه ... المهم .. في البارت الجاي بتعرفوا وش الاحداث اللي حصلت هناك في باريس )
البارت الثاني عشر والأخيـــر
***** الجزء الاول *****
*****************************
الشخصيات الجديدة ... مالهم دور بس داخلين عرض.:
( ناجي ) : ابن جيران غرام .. كانوا جيران زمان... ورحلوا من الديرة وانتقلوا الى فرنسا ..عمره الان 26 سنه.. تصرفاته مثل البنات ... يعني طريقة كلامه .. مشيته ... حركاته ... من زمان وغرام ما تطيقه... يعيش ويا امه وابوه واخوه المتزوج.
( عائلة ماجد << ترجع هع هع )) :
(ام ماجد ) ..... ( جود .. اخت ماجد اصغر من ماجد باربع سنين تدرس بكلية فنون ).. ( ماجد عمره 29 سنة ويحضر للدكتوراه ... )
( ريناد ) : زميلة راكان في الجامعة... واخت ماجد الثانية ... اصغر من ماجد بسبع سنين .
(جونار و راشد ) : في نفس الفندق .
*****************************
(Merci ) == = > ( شكرا )
يقولها راكان وهو ياخذ كروت الغرف .... مشى على ريما وغرام ومحمد اللي كانوا واقفين ... ومنتظرين..
راكان يمد الكرت ..: هذا كرت غرفتك يا محمد..
( يمد لريما ) وهذي غرفتك يا ريما...
محمد ..: لا ما ينفع يا راكان ... اشلون في غرفة لحالها .. البنت عمرها 16 سنة...
ريما .: 17 يالنحيس..
راكان : ايه صح , لا تناظرني كذا ترى هم اللي حجزوا من الكويت موب اانا.... على اساس 4 افراد ... اثنين متزوجين واثنين سينجل ..
محمد : ... غرف ... تعال اسألك انتم وش نوع غرفتكم ؟؟
راكان : جناح ...!
محمد بصوت بطئ : يابن اللذين .... انت جناح وحنا غرف...
راكان : انا وغرام في شهر عسل ... انتوا اللي
داخلين غلط .
غرام ( ههه ههههههههههههههه )
راكان فرح بضحكتها .. لف على محمد : علشان غرام ضحكت ... راح احول غرفكم جناح ... تجلسوا فيه الاثنين ...
محمد : يب اكيد , لو كنت اعرف ضحكت غرام غالية كذا .. كنت اشتغلت مهرج ...
راكان ناظر على غرام ...: حبيبي خذي ريما .. واطلعوا على الجناح ... ادخلوا ارتاحوا شوي .. واقفلوا الباب زين .. يمكن شوي ونرجع .. بنبدل الغرف .
اخذت غرام الكرت .. وبصوت خافض : أي طابق..؟
راكان : الطابق الـ 13 ... جناح 63 ...
غرام مشيت هي وريما .... وراكان ويا محمد على الاستقبال .
****************************
الساعة ( 10:00 ) صباحا في شركة ابو مساعد في الكويت
مشاري وهو يتكلم في الاجتماع : هذي صفقة مربحة يا عمي ابو مساعد ...
ابو مساعد : انا اعرف انها صفقة مربحة .. واعرف ان هذا مشروع مربح وتجاري بحت ...
مساعد : نحن فهمنا كل شيء من خلال الملفات اللي ارسلتوها .... ومثل ما قال الوالد نبي شهر قبل لا نوقع العقد .
راشد : ما فهمت يا عم بو مساعد ... ليه شهر ؟؟
(( كان اجتماع في شركة ابو مساعد , بحضور التالي :ابو مســـــــــا عد و مساعد وريان (اصحاب الشركة ) ...... مشاري ... راشد ( اصحاب الشركة المتعاقد وياها ... وبعض موظفي الشركتين اللي مهم حضورهم ))
ابو مساعد : مشروعك تمام وحنا باذن الله موافقين فيه لكن هو يتطلب بناء .. و مدير القسم الهندسي عندنا غايب .. بكذا نأجل العقد الى شهر من الان... الا ان يرجع من سفره .
مشاري رجع على ورا في الكرسي: ولا يهمك يا عمي ... بدال المدير اثنين ..وما اظن ان شركة بهالحجم الكبير يكون فيها مدير واحد .
ريان تدخل : لان مدير القسم الهندسي اوه راكان .
راشد وقف بعصبية , ناظر فيهم .. ومسك نفسه
راشد توه الموضوع : شهر .... تمام .. مو مشكلة ..
بننتظر شهر .... ونتم الموضوع...
*****************************
دق دق دق .. : غرام افتحي انا راكان ...
تفتح ريما .. : وين محمد يا راكان ..؟؟؟
راكان ياشر باصبعه : هذا جناحكم , مقابل لنا ...
ريما : اوكي انا استأذن بروح ...
راكان وقفها : اسمعي ريما قولي ... او بتصل عليه مو مشكلة روحي .
ناظرها حتى ما دخلت الجناح ...
بعدين مسك البي بي ...
يتصل على محمد ... : يالله نسيت ما ابدل الشرايح..
مشى على جناحهم دق الباب ... محمد فتح : هلا راكان.
راكان : ايه بغيت اذكرك ... الحين الساعة 7 صباحا ... نريح 3 ساعات .. وبعدها ننزل نفطر في مطعم ... واعرف سوالفك .. مافي طلوع من دون ما اعرف.... ابوكم موصيني .
محمد ابتسم : ان شاء الله .
راكان : خلاص لا تناموا قبل لا تصلون
الفجر.. راحت علينا الصلاة.. و افقل الباب زين .... انا بروح .
غرام بدلت ملابسها وسوت شعرها.. صلت ... ومستعده تناااام وعيونها نص مفتوحة .... دخل راكان الجناح .
ناظر على غرام اللي كانت بالكاد صاحية وكانت جالسه في الكنبة ... : انا باخذ شور ... ليه وجهه اصفر.. تعبانة شي؟؟
غرام مسكت راسها : لالا , بس امس ما نمت تمام .
مسكها راكان : قومي على الغرفة غرام ....
ماسكها حتى ما وصلت الغرفة .....
راكان .. وهو واقف عند السرير : دام اننا وصلنا ابي اقولك شي.... يعني السالفة الاخيرة اللي حصلت بيننا ... ارجوك غرام انسيها ... روان مثل اختي الصغيرة ... ولو اني مثل ما انتي مفكرة ... كنت تزوجتها من ... من زمان..
ابتسمت غرام وهزت براسها ....: ادري راكان ... انا من جد اسفة ... يعني كبرت السالفة من لا شي .
راكان .. ابتسم من اعماق قلبه .... وغطاها...
ما مرت 5 دقايق وهي في السرير الا ونامت ...
راكان اخذ له شور صلى ونااااام ..
وريما نفس الشيء بدلت ملابسها
اخذت شور حار صلت ونامت ....
ومحمد صلى و تفرج على فلم من اللاب توب حتى ما قال خخخخخخخخخ << يعني نام ... نوم العوافي كلهم .
*****************************
الساعة ( 1 الظهر في الكويت )
ام مشاري وهي تنظم في شنطة روان : والله ما صدقت الدكتور يوم قال انك بتطلعي ... بسوي حفلة ... وبغيرلك جهازك يمى .. وبلم الجيران ... وش ما تبي يا روان بسويه.. حبيبتي
روان وهي مبتسم : يالبي يمى ... الحمد لله صرت زينه الحين ..
ضيا وهي تمشط لها شعرها : اصلا مين قال بانك كنتي تعبانه .... هذا مجرد ابتلاء والحمد لله على كل حال..
مشاري يدخل : ما خلصتوا يلا عاد ...
مشاري ياخذ الشنطة من امه .... وطلع ... ام مشاري مسكت بنتها .. ووراهم ضيا ........
..... وصلوا عند السيارة ودخلوا روان
... مشاري مسك امه : يمى انا كلمت الشغالات ياخذوا أي دواء في غرفتها ... واي الة حاده .. وابيك يمى لا تخليها بروحها يعني نعتبر هذي فترة نقاهة .... وبعدين يصير خير ...روان بعدها صغيرة وافكارها على قدها ...
ام مشاري : انت مجنون ... اشلون توصيني على بنتي ...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك