رواية همس الموت - Whisper Death ™ - 29
هيييه..نفسسه الحقير....مدربها..
حاولت اوقف الكحه...بس ما قدرت..
كل كحه احسها تقطع داخلي قطعه قطعه..
قرّب مني محمد ومنصور والشخص هذا..
مسكني محمد... : جفتي...قلتلج بطنج واايد تأثر من الضربة..
حسيت بطعم الدم فـ حلجي..
بعّدت ايدي عن فمي...
جفتها كلها دم...
مسك ايدي محمد وهو يطالع الدم اللي يقطر منها..
نزلت راسي..ودموعي بدت تنزل..
تكلمت بصعوبة : انــ..ا.....جفتـــ...ها........جفــــ...ت فجــــر....!! تذكــ...رت....بـ..ـس....هـ..ي ســ..ـوت....روحــ...ـ
سمعت صوت ريم تزقرني لما دخلت..
كمّلت بالم : ســ...وت روحــ...ها....مــ..ا تعـــ...رفـنـ..ـي......لــ..يش....؟!!! تعـ..رفون ليــ...ش؟؟ " عضيت ع شفايفي من القهر " عشــ..ان...تحمــ...يني منــ..كم...يالحـ..ثآلة..!
غطيت ويهي بايدي وبكييت بحررقة..وبقهر..
وانا اتخيل التعذيب اللي لاقته طوول الفترة الماضية...
لين خلّوها بالشكل المطلوب اللي هم يبونه..
والله يصير فيني اي شي..ولا يصير فيج شي يا فجر..
ابااااا فجر...فجر ردّي...محد بيقدر يسولج شي...بس ردّي..ولا تتركيني..
بتحمّل وياج كل شي ...بس لا تروووحين..
رفعت راسي اوانا اجوف هالحقير حاط ايده فـ جيبه ويطالعني ببرود..
قهرتني نظرته..
سحبت ايدي من محمد...
و مسحت دموعي بقووة..
وقفت بصعوبة..
وانا اشدّ ع بطني..
مشيت كم خطوة ووقفت مجابلته
طالعته وقلت بغيض : ردّ لـ...ـي....فجر.......ابي....فجـ...ـر..
تم يطالعني بجموود...وكأني يالسة ارمس الطووفة..!
انا : ابي فجـ..ـر.....
قال ببرود :..مافي وحده عندي اسمها فجر.." وبهمس قاتل " اللي عندي اسمه فاارس..
حسيت بغضب يمشي فـ عروقي : اسمهـ..ـا فجر....مب ....فآرس.....وو...هــ..ـي بنية...مب ولــ...ـد..............! ابيك....تردهـ...ــا.
جفته رفع حواجبه بتعجب : واذا مارديتيها..
سكت اوانا اطاالع فيه...والغضب والحقد فـ دااخلي يزدااد..
قلت بجمود : بقتــ..ــــــــــلك...
قاطعني منصور : مريم...لاتكلمينه بهالطريقة....انتي ما تعرفين هذا منوو...
طنشته ورديت اكلمه باصرار : ردّ لــ...ــي....فجــ.ٍر..!!
صدّ عنّي..شكله بيظهر....
انقهرت منه.!!! مسويلي اكبر طااف..
مشى كمّ خطوة..
بس وقف..
والتفت لي..
طالعته بكررره...
انحنى صوبي وهمس فـ اذني : فجر لي....مب لج...!
وو
ابتعد عني بيظهر....
عضيت شفايفي بغيض وانا اجوفه..
وهو عند الباب صدّ وقالي وهو يغمز : لا تنسين تتابعين مباراتها باجر..
وو
اختفى...
جفت ريم بسرعه يت صوبي ومسكتني..
بيجووف الحقير..
بذبحه.بقتله....!!
" فجر لي....مب لج.."
شو يقصد...؟!!!!!!!!
ما لحقت استوعب كلماته...لاني دخلت فـ نوبة كحه...وعقبها غرقت في الظلام..!!
//
//
فجر..
،
نشيت الصبح بكسسل..
وتجهزت للنادي وظهرت..
اليوم مباراتنا الاخيرة..
مالي نفس لاي شي...ماعرف كيف بالالعب..
،
ظهرت ورحت للنادي..
لما وصلت جفتهم كلهم موجودين...ومتحمسيين للنهاائي..
جفت كابتن ستيفن يدربهم..
ويوسف مب موجود....مادري وينه من امس..
.
انضميت لهم في التمرينات..
جفت علي يالس ع المقاعد وعدّاله عكّازه..
ابتسم لي بتشجيع..
رديت له الابتسامه....وبديت اتمرن..
،
الساعه 8 مساءَ
المباراة النهائية في ملعبنا..
،
بدا الكل يلعب بقووة..
الفريق الخصم....لعبه قوي ومب هينيين..
بدو الشباب يلعبون بحمآآس..
,
مرر لي سالم الكره...
خذتها وركضت فيها..
ومررتها لـ خليفة..
واللي كاااااان بيدخل قوول..ولكن للاسف صدها حارسهم..
و رد اللعب مرة ثانية..
جفت علي ياشّر ع ريوله..يعني انتقمي لي..
ضحكت بخفه..
يلا لازم اسجل هدف عشانه..
.
الكورة الحين ويا الفريق الثااني..
جفت ناصر و سيف يحاولون ياخذون الكوورة منهم..
لكن قدروا يتعدووهم..
ووصلوا منطقة الجزاء..
وعمر وحميد يحاولون ياخذون الكورة ويبعدونها عن مرمانا..
بسس..
صفّر الحكم..........الفريق الثااني سجّل هدف..!!
جفت جاسم يضرب العاارض مقهور..
صرخت وانا اقولهم بتشجيع : مااعلييه تونا في بداية المبااراة..يلااا..شدّو حييلكم..
الكورة الحين ويا فهد...
مررها لسالم...ومن ساالم لخليييفة...
ركضت انا صوب منطقة الجزاء..
الكوورة الحين ويا سيف..
اللي شاتها بقوو لي...
الكورة الحين ويااي..
ركضت صوب مرماهم..
يت صوورة بدر البدور جدامي...
وعقبها مريوم..
هزيت رااسي ابعد صورهم..
والحزن اللي طغا عليّ..
.
بسس..
ما حسيتا لا بشي يضرب ريولي بقووة....وطحت ع الارض متألمّة..
: آآآآآآآآآآآخخ...
سمعت صفّارة الحكم.......
وقراره بكرت اصفر للاعب الفريق الثاني..
وبلنتي لنا...
يلست..لمّا يو الفريق الطبّي....ورشّوا ع ريولي..
مسكت غرشة الماي وصبيتها ع ويهي...وانا اتنفس بسسرعه..
.
وقفت بعد ما حسيت ان الالم خف اللي فـ ريولي..
الحين لازم اسجّل هدف التعادل..
يو عندي سالم وخليفة...
ربّت ع كتفي خليفة : نعتمد عليك..
ابتسم لي سالم يشجعني..
صفّر الحكم...
واصوات الجمهوور بدت تعلاااا...
رديت وراا.....وركضت وشت الكووورة بقووة صوب المرمى..
بس..
ضآآآآآآآآآآآآآآعت الكوورة..
خللت ايدي فـ شعري وغمضت عيني...وانا اسمع صوت الاحباط من الجمهور..
يت عيني فـ عين يوسف....بسم الله هذا متى ياا..؟
جفته متكتف..ويطاالعني بـ نظرته اللي اكرهها..
صديت عنّه وكمّلنا لعب..
،
انتــــهى الشوط الاول والنتييجة 2 :0
لصالح الفريق الثاني..
سرت يلست صوب الكراسي اريّح..
فتحت غرشة الماي وشربتها مرة وحده..
يا كابتن ستيفن..وفرّ علي فوطه....جففت ويهي فيها..
مسكني من كتوفي..
وتم يعطيني نصاايح وشو اللي لازم اسويه..
هزيت راسي له وانا بالي اصلن مب وياه..
بعد ما راح..جفت علي ياي وهو يمشي ع العكاز..
يلسع عدالي
علي : غريبة اول مرة تضيّع الكورة منك..
هزيت كتوفي : بس ضاعت عليّ..
قال بتشجييع : يلااا عاد..نباا الكااس لنا..
هزيت راسي بان شاءالله..
تم يسوولف وياي شوي..
عقبها
قال وهو يوقف... : بسير اجوف الشبااب شخباارهم..
ورااح..
.
بعد الاستراحه...ووقفنا كلنا نتجهز للشوط الثاني...
جفت يوسف واقف يطالعني..
مشيت عدّاله وانا مطنشتنه..
..: وقفيي..
التفت اجوف حد سمعنا..
وقفت وانا معطتينه ظهري..
قال وانا احس نظراته بتخترقني : مستواج اليوم ضعييف..
شديت ع قبضة ايدي.. ها يبا يفضح نفسه..!
قال بغموض : يا ترا شو السبب..؟ شو اللي شاغل بال اللاعبة..
قلت وانا متنرفزة..مب متفيجة له : ما يخصك..
قال بقسوة : لا تكلميني بهالاسلوب..
قلت اقهره : جب..ونفس ما قلتلك ما يخصك فيني..
قال بنبرة تهديد اكرهها : لا تتحديني..ولا تفكرين وايد وانتي تلعبين..
ها شعرفه اني كنت افكّر..؟
قال بسخرية: ممم شو كان اسمها...؟ مريم..ولا ريم..؟ لا اظن مريم...
صديت وانا اطالعه بصدمة..
اقترب مني بهدوء وحطّ ايده ع كتفي...والايد الثانية اشّر فيها ع الكاميرا..
يوسف: تجوفين ورا عدسة الكاميرا.....
تأمّلت الكاميرا..!؟
نطق بجمود : هنااك...مريم..تجوفج الحين..!!!!!
بعدت ايده عنّي وانا بعدني مصدومة..
قلت وانا بعدني مب مستوعبة : كيف تعرف مريم....!!!!!
هز كتوفه بلا مبالاة : جفتها امس..كانهم في الجرايد قالو انها مخطوفة..؟
فتحت عيوني ع وسعهن..لا...لايكون هو اللي خطفها..
مسكته من ياقته بغيض : انت....انت اللي خطفتها...؟
قال بجمود : لا...هالمرة مالي خص في السالفة....انا جفتها .............. في المنظمة...
دزيته عنّي بقووة..وايدي ترتجف....
المنظمة....المنظمة..!!
خطفووها.....!!
شو يبوووون منها..!
بديت اتنفس بسسرعه..
لا يااااربي...احمي مريووم....يااربي لا تخلييهم يأذوونها..!!
لييش...!!
لايكون بسببي اناا...!!!؟
صديت اطالع الكاميرا..
مريوم تجووفيني...صح..؟
مريوم انتي قوية..انا اعرفج عدل...لا تخلينهم يسوون فيج شي...
غمضت عيني بقووة وانا ادعي ربي انها تكون بخير..
.
صفّر الحكم..
وبدا اللعب....
وانا الغضب اللي فيني يكبر اكثر واكثر...
عيل المنظمة هي سبب اختفائها...
براويكم يالحثّاالة..يا احقر ناااااااااس....
بتجووفوون شو بسوّي..!!
بذبحكم وااحد ورا الثااني..
بس تريووا عليّ شوي..
.
مرر ناصر لي الكورة.....
وحطييت حرتي كلها في اللعب..
لعبت بقووة وبغضب..
وصلت المرمى...جفت كم لاعب جداامي..
ومن غيضي..
شت الكوورة بقوووة...و ضربت فويه لاعب كان قريب مني...
جفته مسك ويهه متألم..
ردّت الكوورة لي..
وهالمرة صوبتها بكل قوتي للمرمى..
وو
قووووووول..!
يت عيني بعين علي..
هذي لك يا علي..!!
.
ردّ اللعب..
وسجّل خليفة الهدف الثاني..
وصرنا متعادلين..
.
جفت الشبااب ياهم نشآآآآط مب طبيعي..
وصاروا يلعبوون بقووة..
الهدف الثالث اللي دخّله فهد..
.
ردّينا نلعب...
استغربت من قوة لعب الشبااب اللي تغيرت وصارت احسسن بواااااايد عن الشوط الاول..
جفت يوسف واقف ببرود ومتكتف...
انرفع ضغطي..
خذت الكورة من ناصر...وركضت صوب المرمى بقووة..
وانفاسي الغاضبة تشتد اكثر واكثر..
كل ما اقتربت من المرمى..
حطيت حرتي فـ الكوورة..وضربت بكل قوووتي...
وو
دخلت في الشباااااااك..
غمضت عيني اهدّي اعصابي..
وانا اسمع اصوات الجمهوور العااااالية من الحمااس..
يو الشباااب...اللي يضربني واللي يشد شعري...واللي ينااقز عدالي..
الهدف الرااااابع..!
بعّدت عنهم....ووقفت جدآم الكاميرا..
مريووم ...انتي تجوفيني صح...؟
شديت ع قبضتي..وحطيتها ع صدري..
وابتسمت....اكيد تذكرين هالحركة...!
بنتم للابد................
//
يتبع
//
مريم
،
بعد ما فتحت عيني اليوم حصلت نفسي في نفس الغرفة البيضا..
شكلنا ردينا موقع محمد ومنصور..
جفت ايدي لاافينها عدل..وعدّالي ادوية...
دوّرت بعيني ع ريم...
مب في الغرفة..؟
وينها..
.
جفت حد فتح الباب..
ودخلت ريم ووياه البنية الصغيرة..!!
ارتحت لما جفتها....يعني قدروا يدخلونها بالدس..
جافتني ريموو : مسااا الخييييير يا ماااما...حشى مب نووم هذا,,,!
عقدت حواجبي وقلت بصوت مبحوح : ليش الساعه كم الحين..؟
تكتفت : الحينة العصر يا ماما...
اففف...من امس ليين العصر وانا رااقدة..!
قرّبت مني وباستني ع خدي : الحمدالله ع السلامة..مييموو..
ابتسمت لها : الله يسلمج..
يلست وعدالها البنية الصغيرة..
قلت : وين كنتي حاطتنها...؟
ريم بحماس : فـ مكان اكتشفته...مافيه لا كاميرات ولا شي..سررري جدا جدا..
ضحكت بخفه بس بسرعه مسكت بطني لما عورني..
قالت وهي مبوزة : غبية..لا تضحكين بعد اللي صار...قال الدكتور انه في شي صار ببطنج...ممم تمزق..تقطع...شي كذي..
قلت : اففف...لهدرجة.!!!
انقلبت ملامحها فجاة للحزن : واحتمااال.....احتمااال...مااا..." غطت ويها بايدها بسرعه " خلاا.ص....ولا....شي..
؟؟!
قلت مستغربة : احتمااال شوو..؟
هزت راسها بلا : ماقد...ماقدر اقوووول..
خوفتني: لييش..!!؟
قالت بصوت باكي وهي بعدها مغطية ويها : لانه....احتماال.......تعيييشييييين..
قلبي بدا يدق بقووة...
لحظة...؟
قلت وانا استوعبت اللي قالته : نعم.؟
بعدت ايدها عن ويهها ونقعت ضحك...
صدق غبية هالبنت..
قلت : المعفنين ويينهم..؟
قالت : تطمني .....محد...الظاهر عندهم مهمة..
قلت وانا اتذكر : لحظة.....ياالغبية...كيف يبتي هاليااهل هني...؟!! اكيد في كاميرا مندسة هني..
ابتسمت بشطآآنة: ماعلييج....اكتسبت الخبرة من شهرزااد....ههههاااي....قردنت لي كم وحده من البشاكير اللي هني..وعرفت وين غرفة المراقبة....وقلتلهن يبندن الكاميرا..
قلت مستنكرة : وانتي شدرااج انهن ما يطلعن نذلات شرات الاولياات..؟
قال بثقة : لا حرام هذيلا شكلهم مسااكين...تخيلي ان كل العاملين اللي هني ما يقدرون يردّون بلادهم....قالتلي وحده....اي حد هني مستحييل يظهر...يا يمووت...او يتم هني للابد..
حشى..!
قالت ريم فجاة: ع فكرة ...جووفي خلييتهم اييبون تلفزيون هني....
اشرت عليه..
قلت بعد ما تذكرت : فجرر..!! صح...قال اليوم مباراتها..
قالت ريم بحمااس : هييه...بتجووفينها...
ساارت وبطلت التلفزيون..
وحطت ع القناة الرياضية...وتمينا نطالع التلفزيون نتريا المبااراة بشوق..
،
لما بدت المباراة...
دق قلبي بقووة وانا اجووف فجر..
شكلها تغير 180 درجة..
انا لما جفتها بالمووول...عرفتها من عيوووونها..
عيوونها غييير....لها سحر غرييب..
ومحد عنده هالعيون الا هي...
آآخ يالقهر...
كل ماجوف شكلها..يزيد قهري اكثر واكثر..
.
المعلّق " اوووووووووه بلنتي.....اصاااابة لللاعب فااارس..والحكم يعطي كرت اصفر للاعب عبدالرحمن....الـ.......سلاااماات يا فاارس ما تجووف شرر..."
شهقت بصوت عاالي لما طاحت بسبب الضربة اللي يتها..
الله ياخذهم الحقيرين..
كيف يخلّون بنية تلعب ويا شبااب..
هاا تعذييب..
عضيت شفايفي بقهر وانا اتابع المباراة..
.
قبل الشوط الثاني بدقاايق...
كانوا حاطين الكاميرا ع فجر....
بقتت عيني لما جفت الريّال اللي وياها..هيه ها مدربها....اظن اسمه يوسف..!
جفتها ما سكتنه من ياقته...وتتكلم وياه بعصبية...
" المعلّق : الظااهر في خلاااف بسييط بين اللاعب فارس....ومدربه الكابتن يوسف.. "
وبعد ما بدا الشوط الثاني...
حسيت بشي غريب فـ فجر..
طريقة لعبها صارت اعنف..
شو قالها الخاايس هذا..؟
اكييد نرفزها...شرات ما نرفزني امس..
هالشخص مستحيل حد يتحمّله..
.
حطّوا الصوورة عليها لما سجلت هدف..
جفت نظرتها..
عينها..
عينها ملياانة غضب..
تغيرتي..
تغيرتي يا فجر وااايد..
صرتي اقوى واقوى...!!
.
غمضت عيني براحه..
اكييد ...اكيد بتقدر توقف فـ ويههم..!
.
ابتسمت وانا اجوف ريموو تنااقز من الحمااس لما دخلوا فريق فجر اهدااف..
ريم وهي ماسكة غرشة الماي اونه مايك هههه : ايواااا..وتعدّي فجر...ايوا يا فقر..اقررررري..." فجر...اجررررري " ايواا كده اللعب ولا بلااااااش....!!! وتعدّي...وتمشييي...وتر رركض فجر....ووواا....قووووووووووووووووول....يآآآربآآآآآ ه الهدف الراااابع على التوالي لفريق الصقر....
جفت البنوتة تضحك ع خبال مريوم..
حلييلها بسرعه تعودت علينا...!!
كمّلت ريم : ماهذاا ياا فاارس...انك تُبهرناا..!! ياإلهي انهو وسيم بشكل غير طبيعي...!
ما هذا...كانه سمعني...انه....لحظة....انهووو يقف اما الكاميرا وو....وو....ينظر اليّ..!!
لااا يااااافاارس...كده بتكسفني انتاا ....اي ده..كمااان....بيعملي تحية..." وقفت وسوت تحية " افاا وهااي اكبر تحية للبطلة فجر...خخخخخ
يلست متفاجأة وانا اجووف فجر....
هيه...تطالعني الحين....جفت حركتها..
شديت ع قبضتي..وحطيتها ع صدري وانا ابتسم...
هالحركة دوم نسويها لبعض لما تكون وحده منا زعلانة من الثانية..
واول ما تسويها وحده منا..على طول نرضى..
لان هذي دليل ان نحن بنتم صديقات للابد..
حسيت بفرح يسري فيني..
ما نستني...بعدها تذكر الحركة..!!
.
سندت ظهري ع السرير براحه..
وتمينا نطالع المبارة باستمتااع لين ما خلصت...
.
انا وفجر فـ نفس المنظمة..
واحتماال نلتقي فـ بعض..
وان شاءالله يكون لقائنا قرييييب..!
//
علــــي
،
بين الشوطين
،
في اللحظة اللي ابتعدت فيها عن فارس..
دخلت غرفة التبديل بجوف اخبار الشبااب..
بس سمعت همس حد بين صفوف الخزانات..
حاولت ما يطلّع صوت العكاز..
تساندت ع وحدة من الخزانات..
وولمحتهم ,,,
.
بطلت عيني ع وسعهن لمّا جفتهم...!!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك