رواية خاتم في اصابع رجال -21
ما اباها تخبر ابوها اني كنت اتحرش فيها
ما كنت ابا اطيح من عين عمي ولا بغيت اصير منبوذ والكل يكرهني
كنت مراهق غبي اناني .. حقيررررر هيه انا حقير واكبر حقير
شو الفايدة .. الحين ماتت وتميت انا للحين متعذب
وهي مستانسة عند ربها ..
استدرجتها للبيت المهجور واللي محد يدخله
قفلت عليها ووعدتها اني بيي
لكن كنت مخطط اخليها للأبد وتموت
وصلت لبيت عمي وانا متأكد ان محد بيحس باختفاءها
رحت للحجرة اللي دوم العبها فيها
انا احب هالبنت اكثر عن لطوف
هذا اللي دار ف عقلي وانا اطالع الألعاب
ما طاوعني قلبي اخليها اكثر
نسرين حبيبتي ...
رحت وركضت
ردييت للمكان بعد 2 ساعات من يوم ما خليته بسبب البعد بينه وبين بيت عمي
لكن نسرين كانت قد راحت
صرخت وصحت على الإطفاء
الحقوهااا
هي داخل
نسرين داخل
وطلعو جثتها محرووقة
احيييد اني صحت اول ما شفتهم يطلعون جثه ويغطونها بشرشف عشان منظرها المخيف
ركضت بعيد ما اتحمل اشوفها
صحت وصحت اشهر عشانها
العاملين ف بيت عمي صاحوا
امي صاحت
لكن اللي يقهر عمي ما نزلت من عيونه دمعه
وكأنه ما صدق انه افتك منها
تابعت اقلب في الأوراق
واقشعر بدني وانا اشوف صورة لجثة نسرين
ملامح ويهها مختفية بالكامل وجسمها يعاني من حروق فظيعه
اصلا الجثة ما تبين شي حتى جنس الشخص اللي مات
ركزت ف الصورة اكثر كان فيه قطعة قماش لاصقة ف ايد نسرين وفي جلدها
كانت هالقطعة تحتوي على فص احمر
اقشعر بدني وحسيت ان هالشي مؤلم الظاهر ان جلدها اندمج مع ملابسها
آآآخخخخخ
رديت الظرف في مكانه
وظهرت وانا مخنوق من الحجرة
انا اللي استاهل لو صار بي هالشي بيكون احسن
رحــــــــــاب
وِين انا !!
مظلم المكان ..
ساره ؟
حمد , راكان عبدالعزيز وينكم ؟؟؟
ادق الباب ليش محد يفتح
هذي مب شقتنا ولا مقرررنا انا وين
نقزت وانا احس بحد يمسسسكني
ابا اصررخ بس كيف انا ماعرف بطلع اي صوت
ساااره
فتحت عيوني بصدمة !!
انا انطق كييف
ساره
هيه والله انطق , بسم الله
تحسست اليد اللي على خصري
ايد ريال كبير
بطلت عيوني بخوف
اكيد رابح
اشتغلت الليتات
صديت لورا
وصررررخت بقوووة وانا اشوف باكستاني وراي
رحااب : اييييييه ساااااره وييييييينكممممم !!!!
تميت اصيح بخوف
شوي ومادري كيف انتقلت لحجرة ثانية من هالبيت الغريب
طاحت عيني على جثة بنت صغيييرة
مجتووووووووولة !!!
اليازيييية هذا اللي يا ف بالي على طول
اليازييية جداااااامي
ركضضضت لعندها ويوم ييييت بوصل سحبني شخص
وشبت النار فجأه ف المكان
نشششيت خايفة من رقادي
حلللللم كااان هذذذذا حلللم وحلللم مخييف
بسم الله بسم الله
كم مره اقول ان رقاد الظهر ييب الكوابيس
توبة ارقد
نشييت وانا افكر بهالحلم اللي دايما يتكرر علي
جثة بنت صغيرة وساعات حريق ونار
الظاهر اني تأثرت باليازية واحتراق المقر
اففف
غسلت ويهي وظهرت من الحجرة توجهت لتلفوني المحطوط ع الشبرية وتأكدت اذا نوف اتصلت ولا لا
قطعتني هالبنت من يوم ما وصلت الظاهر من الوناسة نستني
والمشكلة اني ادق لها ويطلع مغلق
اهم شي تكون بخير
ظهرت من الحجرة و دقيت باب الصالة عشان انبه اني بدخل
ساره وعبدالعزيز وحمد كلهم موجودين ويتناقشون ف شي
وعبدالعزيز مبين عليه الاكتئاب
الظاهر متأثر بروحة راكان وابتعاده عنّا
كلنا متأثرين حتى سارة مبين عليها الاكتئاب
محد كان يضحكنا كثر هالإثنين والحين افترقوا
يلست وياهم وحاولت افهم شو يقولون
وبديت اندمج بالقضية المطروحة .,
عبدالعزيز (الشبح)
انا مستغرب من سارة ماعرف كيف تفكر
راكان وحصلت اهله زين سوت فيه خير
لكن انا شو تبا فيني , احسها تبا تسوي فيني شر
رديت على كلامها
عبدالعزيز : ساررررراااا ما اقددددر
ساره : ليش ؟
عبدالعزيز : بس اخاف .,
ساره : عندك عذر غيره ؟
عبدالعزيز : ساره افهميني اخاااف اروح عند عمي وبعدين ماعرف وين ساكن
ساره : انا اعرف
طالعتها بصدمة
سارة : صار لي فترة ادور عليه وحصلته !!
عبدالعزيز : كييييف عرفتي اسمه !!
سارة : بكل بساطة انا كنت اليد اليمنى لرابح وكان يعطيني ساعات اوراق وعقود الأطفال اللي يشتريهم فقبل ما يحترق المقر بأيام شفت العقد اللي تعاقده مع عمك وقريت اسم عمك فقررت احتفظ بالورقة بدال ما ارميها ف الزبالة حسب طلبه وطبعا حصلت ورقة رحاب بما انه اشتراها بعد , وخذت الأوراق للمستقبل .. وهذا هو المستقبل وعمك لازم يتحاسب
ياربي والله هالبنت مب هينة اخاااااف ارووح عند عمي انا انسان خواااااف
عبدالعزيز : وشو بتستفيدين يعننني ؟
ساره : انت بتستفيد , بتاخذ ورث ابوك , اللي سمعته عن عمك ان معاه فلووس وهالفلوس من نصيبك ... صدقني يا عبدالعزيز هذا لصالحك .. انا ما طلبت منك تعيش عنده انا قلتلك خذ حقك وبيظل مكانك بينا بس انا لازم ومن الحين اضمن لكل واحد مستقبل ..
سكت اول ما خلصت كلامها
ماعندي شي اقوله .. سارة صدق لها فضل كبير علينا
سارة هي امنا وابونا واساسنا لو هي مب موجودة ما كنا بنقدر ندبر اعمارنا
هزيت راسي بالموافقة وانا مصمم اني اساعدها دام عندي القدرة على هالشي
والخوف من عمي بيطير وغصبا عنه
ساره : حلوو , باجر ان شاءالله بنروح له لشركته زين ؟
عبدالعزيز : زين وين الاثباتات
ساره : اولا في تحاليل ف المستشفيات تتسوى عشان يعرفون اذا انت تقرب له ولا لا ثانيا عندي العقد اللي تعاقده مع رابح , وبنوكل محامي يساعدنا
استغربت من كلمت محامي من هذا !!
لكن طوفت انا ماعرف شي ف الدنيا لكن بعد ما استلم حقي واتعلم بكون ادرى الناس بهالدنيا وبعوض كل السنين اللي كنت غارق فيها بالجهل
حمد : ورحاب زين عرفتي من وين خذها ؟
صديت صوب رحاب اشوف ردة فعلها من الأمر بس كانت ملامحها عادية
والله هالبنتين رحاب وسارة غامضات
سارة ساعات بنحس من كلامها شفيها وطبعا نادر
لكن رحاب ابداااا الله يستر بس
سارة : من شخص بس ما اتوقع انه من اهلها , رحاب منو قلتيلي هذاك الشخص اللي يابج عند رابح ؟
شفت رحاب تأشر بس انا ميح ف فهم لغة الإشارة
سارة : اها , زين وحمد شرايك ؟
حمد : شرايي ف شو ؟
سارة : كيف بنعرف رحاب من وين يت ؟
حمد : ماعرف بس انا اذا تبيني ادور ع الشخص اللي باعها لرابح انا مستعد
سمعت صوت تصفيق والتفت مستغرب ناحية رحاب اللي تحرك راسها بقوة معارضة لفكرة حمد
حمد : افا رحاب ما تبين تعرفين اهلج ؟
سارة : لاتخافين ما بنردج لأحد ما يقدرج ,, نحن الحين يالسين نفكر في المستقبل وكيف نأمن لكم حياة بعيدة كل البعد عن الماضي ..
حمد : زين عطيني العقد وبدور لج
سارة : زين ... باجر يوم نحن بنروح عند عم عبدالعزيز ابدا البحث وورا باجر بتأجل بحثك لين ما نروح عند أهلك
حمد : اهللللللي !!!
سارة : اللي كنت تتحسب انهم أهلك !!
حمد : كييييييييييييييييييييف ؟؟؟
حمد (بو الجماجم)
شو تقول هاي !!
مينونة !!!
كيف مب اهليييييي
لا يا سارررة وربج مب ناقص يكفي اللي فيني يا سااااااااارة
انخطف وانا ياهل
اعاني من عذاب وظلم ويوع
احصل اهلي
انظلم وانطرد
ويتبرون مني
اللي احبها راحت وخلتني
والحين اللي عانيت بسببهم مب اهلي
شو من حياة هذذذذذي
حمد : كككك .. كــيف ؟
سارة : بقولكم شو اكتشفت في هالإسبوعين ومن يوم ما طلعنا من جدة ..
حمد الفترة اللي طردوك اهلك فيها بعذر انك هاجمت وديمة
حمَد : ادري ان هم اللي هاجموها لَكِن لييش شو غرضهم من انهم يتخلصون مني
ساره : اللي عرفته ان امك وابوك متوفين خالتك من الأب وريلها هم اللي اهتموا فيك ... ضعت عنهم وحزنوا عليك ويوم حصلوك ما صدِقوا لكِن قبل ما ترد وياهم في حد حرضهم انهم يتخلصون منك عشان ترد لرابح وبيعطونهم بيزات ...
حمَد : ييييعنننني انا .. مَااا عندي ام وَ أب يعني هذيل خلونِي أعاني ع الفاضي يعني الحيوانات باعوني عشان فلوس ... حسسسسسسبي الله عليهم ونعم الوكيل وحسبي الله على من كان السبب
انفجرت اصييح قهر وظلم وانا ادعي ع اللي حرضهم
حسيت بإيد عبدالعزيز ع ظهري وقعد يهديني
قدرت بعد دقايق اتمالك نفسي
حمد : زين من هذا اللي حرضهم .. !!!
ساره : شَخص انا شاكة فيه ويوم بتأكد بخبركم ... لكن الحين لازم انبهكم .. كومار لو تشوفونه اشردوا عنه لا ترمسونه لا ادلونه مكان شقتنا اذا اتصل عليكم لا تردون عليه الغوه من بالكم ... حسيتو بحد يلحقكم خبروني .. فاهمييييين !!
عبدالعزيز : بسم الله شو السالفة ؟؟
ساره : شاكه في اشياء ... وعشان ما تتحقق شكوكي اسمعوا كلامي وانا بتصل على راكان يأجل زيارته
عبدالعزيز : ليييييييييييييييييش ساره لا تسوينها الله يخليج اسبوعين ما شفففته وايد
ساره : تبا تفقد اسبوع زيادة ولا للأبد
عبدالعزيز : لا تخرعيني
ساره : لا جد اختار اي واحد تبا
عبدالعزيز : خلص اتصلي عليه افففف .. انا بظهر
سارة : سير ارقد
عبدالعزيز : هاه ؟
سارة : روح ارقد مافي ظهره من البيت الا للدوام
عبدالعزيز : صدقوني ساره مب صاحية
شفت عبدالعزيز يروح لحجرته وهو يتحرطم مسكين كان متحمس يشوف راكان
بس انا ماهمني غير اشوف خالتي واطعنها الحيوانة اللي باعتني عشان بيزات
يعلها يارب ما تربح لا دنيا ولا آخرة الكريهة وبتشوف ان ما خذت البيزات اللي باعوني مقابلها
وفي خاطري اعرف منو الزقت اللي وسوس لهم ...
معقولة يكون كومار
ناظرت ساره اشوف ملامحها
هالبنت ما ينعرف هي بشو تفكر ولا بشو تحس فأحسن لي اروح ارقد ويا عبدالعزيز احسن
نشيت وسمعتها تقول
سارة : حمد انا بظهر واقفل الشقة عليكم ما برد الا متأخر اليوم زين ؟
حمد : ان شاءالله وانتبهي على نفسج
سارة : رحاب الثلاجة ناقصنها شي عشان العشى ؟
شفت رحاب تهز راسها بلا
حمد : متأكده مافيني اموت يوع على العشى
شفت رحاب تبتسم وتهز راسها ب متأكدة
سارة : خلاص عيل .. استودعتكم الله الذي لا تضيع ودائعه
افـــــنـــــان
يالسة في بيتنا واسمع اكذب رجل في العالم وهو مبارك ريلي
ماشاءالله تبارك الرحمن عن اضربه بعين يعرف يكذذب
محترف في الكذب قاعده اسمعه وهو يرمس امه ويحلف لها بكل اسماء الله والمشكلة يحلف
كذب مادري هالإنسان وين تعلم هالكذب ... لكن شكله معلمه اخلص ف تعليمه وهو اجتهد في دروسه
مبارك : ورررررب الكعبة يا يمه اني في مكة وتوني مخلص عمررتي
مبارك : اقسسسسسسسسسم بآيات الله بلاج ما تصدقيني
مبارك : أخربط ... لا والله العظيم اني ماشي سيدة ماعندي خرابيط الشباب الحين
مبارك : خلاص والله افا عليج من ارد عندكم بتختارين الحرمة اللي تبينها تكون لي وانا موافق
مبارك : طبعا اقرا الأذكار اصلا دايما كتاب الأذكار ف مخباي
مبارك : يا يمه الله يهديج انا ما اتحمل ريحة السجارة عشان اسجر ... أطمني اطمني
مبارك : زين يمه الحين بخليج بروح اقرا قرآن
مبارك : مع السلامة
من شفته سكر عن امه وانا قمت اصرخ واصفق تشجيع له
افنان : ماشاءالله علييييك والله .. والله وطلعت مب هين لازم تعلمني كيف تكذب
مبارك : نععععم شو اكذب وين كذبت ماشفتيني وانتي راقدة توني كنت معتتتتمر
انصدمت لا يكون على باله بيكذب علي بعد
افنان : هاااه
مبارك : وكتاب الأذكار على بالج ما قراا اذكار لحظة بطلعه من مخباي ... وينه وينه ... اووووووه صح نسيت عطيته واحد اليوم تخيلي كان كافر واسلم
افنان : ماشاءالله
مبارك : ليييش مب مصدقة تبيني اييب لج المصحف عشان احلف
افنان : لا لا مصدقتنك افا عليك
مبارك : اتحسب ... المهم انا طالع الحين
افنان : وين
مبارك : على المرأه المسيار ان لا تسأل زوجها الى اين سيذهب
افنان : مالت عليك .. زين بطلب منك طلب
مبارك : على المرأه المسيار ان لا تطلب النفقة من زوجها
افنان : منو قال اني ابا منك بيزات ,, ابا اكلم وحده من البنات اللي عندك
مبارك : هااااه
افنان : والله برووك ملانة ابا وحده اسولف وياها شوي
مبارك : تبين اللي بروح لها الحين
افنان : متزوجها انت ؟
مبارك : لا اصلا انتي اول وحده اغامر واتزوجها مسيار
افنان : وهذا من سوء حظي ... المهم اتصل
مبارك : مب فاضي يلا حبي سلااام
شفته بيطلع ومسكته من ثوبه انا وايد ملانة حرام عليه يخليني جيه
افنان : مبارك انا ملانننننة
مبارك : روحي تسكعي ف الشوارع
افنان : لا
مبارك : ليه
افنان : اخاف
مبارك : بسم الله انتي تخوفين ما تخافين
افنان : يا حمار
مبارك : يا حمارة
افنان : يا دب
مبارك : يا دبه
افنان : يا خنفسانه
مبارك : يا خنفسان .... أوووه بتينن اذا تميت اكثر هنيه
افنان : مباااااااااااااااااااااااارااااااااااااااااااااااا ك
مبارك : انا اعرف شو اللي بيسكتج
افنان : شوو
مبارك : قربي بقولج
قربت منه بحسن نيه
لين ما خليت اذني حذال حلجه ع بالي بيهمس فيها وبيقول الشي
لكن انجلطت وانا احس بأسنانه تنغرس ف خدي بقوووة
افنان : آآآآآآآآآآآآآآآآآآآه يا حيوووووووووووووان هددددني
كان يزيد من عضته اللي ما يستحي يعووور
والله بصيييح انا بروحي مزاجي متعكر اليووم
ومن حسيت انه مب راضي يهدني صحت
وهو هدني من الصدمة
مبارك : افناااان ؟؟؟؟؟؟
رحت لحجرتي وخليته الحيوان ينقلع يارب وهو يسوي مع وحده الحرام يموت ويدخل النار
قفلت باب حجرتي بالمفتاح وانسدحت
سمعته يدق الباب ويقولي افتح له
بس انا مب متفيجه له
هو هالإسبوع مستوي سخيف وانا مب متحملتنه
او امثل اني مب متحملتنه عشان لا اتعلق فيه ...
يا ناس انا مب فاهمه مشاعري اتجاهه ...
ابا امي .. اكيد بتفهمني
ابا ابوي .. اكيد بيعرف يتصرف مع الحيوان هذا واصلا لو كان موجود ما كان بيخليني اتزوج هالزواج
بس لحظة انا اقيطة بس كيف لقيطة بنت حرام ؟؟ ولا ضايعة عن اهلي
يارب ..
احس تفكيري مخربط ومتشتت ف برقد احسن لي
ســـــــــــارة
يَالسة ف مكاني المعتاد واسولف مع أم عبدالعزيز
اللي ياها اتصال واضطرت تطلع عشان ترمس اللي اتصل عليها
تميت يالسة افكر بكومار وعلى شو ناوي
اكتشفت وايد اشياء صعقتني
واولها انه يشتغل عند الراس الكبير وهذا اللي جلطني
زين ليش كان يهتم فيني وانا صغيرة
ليش اقنع خالة حمد تطرده .. معقولة عشاني
زين شمعنى انا .. ليش مب رحاب او اي حد غيري
انا متأكده ان في السالفة إن .. ولازم اعرفها
طلعت من مخباي الصورتين اللي ما يفارقني ..
تَميت أتأملهن يا ترى وينهن الحين ..
متشردات
لا أم تحميهم ولا اب
بس الكبيرة عند محمد على قولت امها يعني عند ابوها .. زين ابوها يحبها
زين بنت الحرام وين !!
تتعذب ؟؟
تتسول شراتنا
ما ادري ليش يروادني احساس كبير انها ممكن تكون انا او رحاب
تأملت اللي عمرها سنتين ..
بيضا ومليانة شعرها ناعم وو
ام عبدالعزيز : ما مليتي وانتي تتأملين هالصورتين
ابتسمت لها : يا خالة احسهم أمانة ولازم اعرف وينهم يمكن يعانن
ام عبدالعزيز : عطيني اشوف ..
عطيت ام عبدالعزيز الصور واتريا منها اجابة هي شافتني وشافت رحاب
ف بعرف بعدين اذا بتشبهني بتحس بالاحساس اللي انا احسه
ام عبدالعزيز : ممم الله يحفظهن وين ما كانن
سارة : آمين .. زين يا خالة أرد البيت ولا بتحتاجيني ؟
ام عبدالعزيز : والله ماعرف لكن احتمال تيينا وحده تبانا انطلع لها اثنين
سارة : ههههههه
ام عبدالعزيز : بلاج تضحكين
سارة : عليج شو بعد انطلع لها اثنين
ام عبدالعزيز : مليت ابا اغير الجملة شوي
ساره : يا خالة اذا تعبانة انا بقوم بالشغل ترومين تروحين البيت
ام عبدالعزيز : لا ياعمري مب تعبانة وعبدالعزيز طالع هو ومرته بقعد بروحي لو رحت ,, خلني عندج احسن
سارة : هيه احسن بعد
ام عبدالعزيز : واخبار اخوانج ؟
سارة : الحمدالله راكان مستانس ويا اهله وعبدالعزيز باجر بروح عند عمه آخذ حقه وواليوم خبرت حمد عن خالته ومسكين كسر خاطري تم يصيح
ام عبدالعزيز : وحليله حبيب قلبي .. الله يعينكم والله الود ودي اكون امكم كلكم .. بس ماتبوني ان شاءالله تحصلون اهلكم
ساره : ماعاش اللي ما يبيج يا خالة .. والله الود ودي انج امي واصلا اعتبرج امي ومالي غنى عنج
ام عبدالعزيز : والله وانتي بحسبة عبدالعزيز حتى انه قام يغار منج ..
ساره : هههههه
ام عبدالعزيز : يلا هذا هو الصراخ بدا .. والله هالحريم دلوعات دامهن بيتمن يصرخن جيه فوق روسنا ليه يتفلسفن .. مستعده يا بنتي ؟
ساره : هههه طبعا
ام عبدالعزيز : ييبي الماي والأغراض
ساره : ان شاءالله
رحت من ام عبدالعزيز وانا من الحين ماسكه راسي
اكيد بصدع وكيف ما اصدع وهالحرمة بتم تصرخ فوق روسنا طول الليل
الله يعين
الجزء الواحد والعشرون
أفنان
مِنسدحة ع شبريتي وأتأمل الحجرة ..
ملانة ملل شديد ومبارك صار له يومين ما رد البيت
احسن بعد ، احس اني مفتشلة احط عيني بعينه بعد ما صحت ع سبب تافه ذاك اليوم
تمت عيوني تدور في الحجرة لين استقرت على هدية سارة اللي اهدتني اياها ف يوم عرسي كانت عبارة عن صندوق وفيه أغراض
توجهت للصندوق خذته ورديت يلست ع شبريتي وفتحته ..
دون يوم اكون ملانة أو احس اني وحيدة أفتحه وأونس عمري
كان يحتوي على ساعه عيبتني وايد شكلها حلووو وتلمع حسيتها غالية وايد لأنها تشبه السوع اللي كنت أسرقهن في الفندق
طلعت مني تنهيدة تدل على الاشتياق للأيام الخوالي
آآه يازينها من أيام
دخلت الساعة وظهرت علبت المكياج اللي عرفت بعدين انها هي اللي يرسمون بها على وجه المهرج ...
مادري ليش ساره عطتنيل اياها لهالدرجة انا مهرج عندها
وماعرف هل هي تتحسب اني بسوي شرات الحريم المخبل اللي يمشن ف الشوارع وويوهم ملونة
ابتسمت على أكاذيبي .. مب كأني قبل اسبوع حاولت اسوي شراتهم وفي قمت اندماجي دخل علي مبارك ونقع علي ضحك
تم يطنز علي لين كرهني ف عمري
ومن إحراجي نقزت عليه وتميت اشخبط في ويهه بقلم أسود يسمى "جحال"
ساره يلست وياي يوم كامل عشان تعلمني كيف أستخدم هالأشياء
هالبنت تصعقني مادري من وين تتعلم مع انها من نفس مستوانا المادي
ونفس معاناتنا ...
دخلت الأغراض داخل الصندوق وطالعت الساعة ..
كانت الساعه 3 ونص الفجر
اليوم بيكمل مبارك 3 ايام من اختفاءه
شكله بدا يسحب علي وما بيرد
تنهدت بألم شكلي بتم وحيدة
انسدحت وعقب تذكرت لو مبارك يا البيت منو بيفتح له
والأكيد انه بيكون سكران وماعنده مفتاح البيت الثاني
نشيت وفتحت قفل باب الحويي
بحيث انه ينفتح اذا حد دزه بس
رديت حجرتي ورقدت ..
بعد ساعة :-
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك