رواية خاتم في اصابع رجال -5
دم وآآآآيد ساعتها وايد وايد حسيت بألم فظيع بس بفضل الله مآ اذكر شو استوا لما ظهر من عندنا وتمت ساره تخيط الجرح بما انها خبيره ف هالأشياء ومتعودة تبون الصدق ساعات احس انها دكتورة خبيرة ف هالأشياء
ممم شو يسمونة استانست يوم شفت هالإمآراتي ناوي أغايظ منصور اول مآ أرد المقر جد جد مستانس بس طبعا لآزم اعفس هالإمآراتي واللي حذاله ولا شو الفايدة من دروس افنان اللي علمتنا اياها
طالعت نعالي مهترية بزيادة وشكلها يقرف وهذا المطلوب تميت العب بها لين مآ ظهرتها من ريولي عقب فريتها صوبهم كانت تحت كراسيهم مابين كرسي الاماراتي واللي حذاله وهذا المطلوب
نشيت من مكاني وقلت حق السفاح يوسع بمر مع ان المكان ضيييج يالله الواحد يقدر يتحرك فيه
وسع السفاح واستغرب من حركتي كنت ازحف بركبي عسب ابين لهم اني بييب شي من تحت الكراسي قامو يحركوون كراسيهم ومادري شوو مريت ويوم وصلت عند النعال فريتها ابعد عسب انسدح ع بطني واحط راسي تحت كرسي الاماراتي سويت هالشي
واللي حذاله كان مبين انه متظايج من حركتي لكن سويت طاف
من حطيت راسي تحت الكرسي رفعت ايدي وتمييت ادق قاعدة الكرسي (المكان اللي ييلسون عليه ) عشان يتحسب انه راسي هو اللي دق ونجحت الخطه
شفته يرفع الكرسي وف نفس اللحظة حطيت ايدي ع راسي اوني متألم ولا ننسى السلاح السري اللي لا يمكن استغنى عنه في السرقة واللي هو
الكآتشب
....... : أوووه سَلامات اخوي ما تشوف شرر لا يكون تعورت
الشبح : لا بس ألم خفيف
وشلييت ايدي من ع راسي بعد مآ شبعتها بدم خفيف
الشبح : اووه شكلي تعورت هذا دم قام ينزل ع العموم آسف أخوي بس نعالي طارت تحت كرسيكم بالغلط وحبيت اييبها
.... : لا والله انا اللي آسف مآ انتبهت ولا استنتجت انه من المفروض انش واشل الكرسي عسب تييب نعالك او ع الأقل اساعدك اسمح لي الشيخ
الشبح : لآ أفا علييك عادي يلا بستأذنك الحين
..... : تعال اشوف جرحك ع الأقل يمكن يباله خياطه او شي
خذ راسي بإيده بسرعه كأنه حاس اني بعترظ
..... : بسم الله وين راح الجرح مآ اشوف مكان ينزل منه دم
الشبح : والله عيل كيف يا هالشي الأحمر
خذ الريال بيدي يشوف اللون من وين يا عقب قال
.... : مب كأن هاي ريحة كآتشاب ؟؟؟؟
الشبح : ههههه أووووه يا غبائـــــي نسيت اني يوم كنت يالس وقبل مآ اطير نعالي صوبكم كنت آكل كاتشاب ... السموحه منك
...... : هههههههههههههه والله انك تحفه لا ماعليه مسموح بالحل الا مآقلتلي شو اسمك
الشبح : وياك الشب ( وتدراك نفسه) عبدالعزيز
فارس : عاشت الأسامي والله شكيت بس انك ناسي اسمك من ساعه وياك فارس من الامارات
الشبح : هههه لا بس دوم ينادوني بلقب وتعودت عليه ... يا هلا والله بأهل الإمآرات
فارس : يلا ماعليه الشيخ يا اشوفك بعد المحاضرة بإذن الله
الشبح : ان شاءالله
وجلس كل في مكآنه مترقب الأحداث الآتية
ســـــــــــــــــــــآرة
آآآآخ والله هالشغلة صدق اتعععب الوآححد ..... معققدة بشكل فظيع أي حركة خطأ تخلي العضو يرووح في داهية آآخ وخآصة هالأشياء اللي أشوفها وقت اللي أسويه أحسها تلوع بجبدي اللي ع قددي مستحييل يقطعن دياي ف كيف أنآ وانآ اقص أعضاء وغيره إستغفرالله
الظروف هيي اللي حدتني ع هالشغلة بس هل قدرت انهآ تغير من شخصيتي وتخليني قوية قلب وقاسية لهالدرجة ولا هاي صفة مزروعة فيني ؟
خلصت من شغلتي وطالعت جثة الحرمة اللي حذالي مسكينة ماتت وهي بعز شبابها الله يغفر لها .. أدري اني حقيرة وبكل بساطه اقول هالشي لكنها بتعتبر شهيدة بإذن الله شو تبا اكثر عن كذييه
ظهرت من الحجره اللي أسوي بها اشغالي المقززة بعد ما رتبت ونظفت المكان من الدم والخرابيط الثانية حصلت شخص يالس ينتظرني
ساره : مآ أريد اي كلمة وشل الجثث وادفنهن
صراخ وصياح وصل لأذني دآمك بتندم ف النهاية ليش تسوي الشي وانت مب قده والله
تقهرني هالنوعية من الناس يسووون ويقترفون الشي وبعدين يندمون ياخي فكر بعقلك قبل مآ تقدم ع اي خطوة
طلعت من المكان اللي يجردني من الإحساس وحصلت اليازية ومنصور ورحاب تحت البناية يشحتون بعد مآ امرتهم يشحتون دايم ف المكان اللي اكون فيه انآ استويت اخآف عليهم من الناس الحقيرة شفتهم واقفين طفرانين شكل محد اتبرع لهم
اليازية لمحتني ويتني تركض : ساراااااااااااااااه ساارااااااااااااااااه شوفي رحاب مآ اطيع توديني الحمام بسرعه بسرعه مستعيلة
التفت لرحاب شفت منصور يالس يعصب عليها شكله اتظايج ليش انهآ ماترمس وياه او انه كان يبا يودي اليازية الحمام ورحاب ما فهمتهم اكيد ما بتفهمهم مآ تسمع ويوم بتيي تشوف شفايفهم مآ بتفهم لان لهجة منصور واليازية غير عن لهجتنا
رديت ناظرت اليازية اللي شوي وتنفجر من الصياح شليتها وركضت صوب المسيد اللي حذالنا دخلت حمام الحريم وديتها وردينا وسمعت منصور يرمس رحاب
منصور : الله يخليييج الله يخلييج دخيييل امممج بس قولي لاا اي كلمة بليييييييييز ابا اسمع صوتج
شفت رحاب تأشر له بلا وتمثل بإيدها انها ما تقدر
حسيتها تستحي اطلع صوتها يدام منصور عشان مآ يطنز عليها
استغربت يوم منصور عظ ايدها شكله يباها تصرخ شفتها تتألم عقب استوعبت اللي المفروض اسويه
ساره : منصووووووووووووووووور :@:@
حسيييته خاف بمعنى الكلمه بغى ينجللللط لف بسرعه صوبي وعيونه شوي وتطلع من مكانها : كنت استهبل وياها ابا اسمع صوتها بسس مآ كنت ابا اعورها
ساره : انا كم مره قلتلك لا تدخل ف رحاب تباني اظربك هااااااااااه ... والله يا منصور ان شفتك مره ثانيه تمد ايدك عليها بقصها لك فاااهم
سمعت صياح لفييت شفت اليازيييه تصيييح وتصررخ : لا تقطعييين ايده لا لا لااااااااااااااا تقطعين ايده والله اخبر مآما منصور لا لا
شفت منصور يتقدم منها ويهديها لكن من يوم مآ نطقت انها تبا ترد عند اهلها قام يصيييح بقوه : كللله منكم كللله منكم لييش ماتودوونا عند اهلنا خلاص مانريد عندكم مآ نباكم ودونا عند اهلنا انتو كبار اكيد تعرفوون وين هم
طالعتهم بملل يالله هاليهال متى بيسكتون وأنآ كل مره لازم اسمع نفس السنفونية كل سنة ... أقصد كل شهر ... أول مره ياب رابح لنا يهال تعلقت فيهم حبيتهم حسيتهم أخواني الصغار لكن انصدمت وأنآ اشوفهم يموتون يوم ورا يوم بين ايدي من اليوع او من الضرب اللي يصير بهم خففت اشوف يااهل احبه يموت بين ايدي لذلك كرهت اليهال وقد مآ اقدر مآ اريد احتك فيهم
شفت رحاب تتقدم من الاثنين وعيونها مليانه دموع شكلها فهمت شو يبوون شلت اليازية بين ايديها وتمت ادورها وتضحك لها وبلطفها والعابها الحلوه مآ استمرو خمس دقايق الا وهم ساكتين ويضحكون طالعت فيهم وامرتهم بالمشي وع العصر بنرد نكمل الشغل
فـــــــــــــــــــــآرِس
خلصنا المحاضرة كانت روووعة حبيت كلام الشيخ كان روووعة يخلييك تفكر الف مرة ف كل حرف يقوله يخلييك تعزم وتصر انك مستحييل ترد وتسوي المعاصي حبيت اسلوبه من صميم قلبي واللي عيبني أكثر
هالشلة اللي تعرفنا عليهم (راكان , عبدالعزيز , حمد)
شلة غريبة عجيبة وخصوصا راكان وعبدالعزيز شخصيتهم مرحه وايد عكس حمد الجدي بعد مآ خلصت المحاضرة تمينا انا وخالد نسولف وياهم كنا مستانسين عدا اثنين حمد وخالد احس هالاثنين شخصياتهم متقاربة غامظيين وساكتيين لكن ان دعا الموقف للضحك فما يقصرون لكن عليهم برود مش طبيعي
بس اللي صدمني اعمارهم يعني مآ اصدق من شفتهم قلت هييل ماتعدوا ال 15 او 16 بس انصدمت يوم عرفت انهم تجاوززو هالعمر اجشامهم صغيرة وضعاااف بس طبعا ما قلتلهم هالشي عس بمآ أجرحهم أو احرجهم كنا نضحك ونسولف قضينا ويآهم اليوم بطوله
كانت الساعه ثمان ونص الليل وحسيت خالد تعب فما بغيت اثجل عليه
فارس : يلا شبااب نشوفكم ع خيير
السفاح : بددددري
الشبح : اي بدري تستهبل انت
فارس : ههههههه شفت حتى الشبح اعترف ان نحن تأخرنا
السفاح : اووه صح نسييت ههه شكلي صدقت الحلم
استغربت من كلامه لكن طوفته
فارس : يلا نلقاكم على خير ان شاءالله الا عطوني ارقام تلفوناتكم
شفتهم ترددو شوي ولكن عطاني السفاح رقمه وانتهت اليلسة
بو الجـــــــــماجــــــــــــم
ألزموني الشبح والسفاح ايلس وياهم ويا فارس وربيعه خالد الصراحة عيبوني وشخصيتهم حلوه لكن خالد احسه هادي شكله نفسي مآيحب يسولف وايد بس فارس خريش احسه يناسب الاثنين هيييل ... الصراحة اليوم كان يوم لاينسى جميل بمعنى الكلمة من المحاضرة لليلسة ويا الشبااب والوناسة
راحو فارس وخالد بس حسييت ان نحن بنتوهق ويا الزعيم وبيكشفنا الله يستر بس
شفت السفاح والشبح قامو فجأه يشلووون الأكل اللي موجود بالطاولة اللي ف المطعم استغربت من تصرفهم ..
بو الجماجم : شو تسووون ؟
السفاح : شو نسوي يعني بنشل الأكل الباقي حق البنات ومنصور
الشبح : يلا بسرعه تأخرنا الساعه ثمان ونص ولين مآ نوصل ونتعشى يا ويلنا من ساره
بو الجماجم : هذا اذا مآ انذبحنا من الزعيم يلا
لفيييت بطلع لكن انصدمت يوم شفت فارس يطالعنا باستغراب ويطالع الشبح والسفاح
اعرفهم هييل ما يعرفون يجذبون او يرقعون السالفة ف توكلت أنآ بالأمر
بو الجماجم : هااه لهالدرجة ما قدرت تصبر عنا اشوفك رديت
فارس : نسيت بوكي والله بس شوي السين تسوون ؟
بو الجماجم : حرام ينعق الأكل ف الزباله وشي ناس محتاجه اللقمة نعرف ناس فقرا بنعطيهم
فارس ببتسامة واسعة : ماشاءالله عليكم ف ميزان حسناتكم
وطلع من بوكه بيزات
فارس : وهاي فلوس اباها صدقه عطوهم اذا شفتوهم محتاجيين
بو الجماجم : لا اسمح لي الشييخ اخآف اعطيهم ويكون فيه ناس محتاجينها اكثر عنهم
السفاح : لا لا هالناس محتاجينها وايد بو حمد انت تدري بحالهم كيف
الشبح : اوافق السفاح يكفي انهم مآ ياكلون غير الخبز اليابس
فارس : لا دام كذييه حالهم وصلوولهم هالبيزات وان شاءالله ف يوم بسير واشوف اوضاعهم دام الله معطينا من فضله خل نتبرع به
لفيت ع الاغبياء الاثنين اللي عندي الحين بننكشف الله يهدييهم شفتهم خايفين ومرتبكيين قلت اصرف فارس لان نحن جد تأخرنا
بو الجماجم : على خير الحين لازم نرووح اسمح لنا
فارس : في حد بيوصلكم
السفاح : هيه هيه ماعليك
الشبح : فمان الله
وظهرنا كان وديي اذبحههم بس خلاص خوفهم مبين ف عيونهم مآ اريد ازيدهم
مشينا للمقر مشيه سريعه عن نتأخر
وكل واحد سارح بخياله
رحــــــــــــــــــــــــــآب
طلعنا احن وساره العصر وشحتنا انا ومنصور واليازية اما هي راحت لشغلتها المعتادة
حصلنا الحمدالله مبلغ من أهل الخيير ويعتبر جيد جدا يعني نروم نسكت به الزعيم
واحنا رادين شفنا محل يبيع اكل بسعر رخييص دخلت ساره وظهرت منه وف يدها
اكياس استغربت من تصرفها لكن سكت .. اكيد بسكت لي شانا اتكمل صلا آآآه يارب
المهم في الطريق تمت تقول حق اليازية انها لأنهآ يمعت بيزات وايد اليوم هي ومنصور شرت لهم أكل حلو عاد فديتهم هاليهال استانسوووو وفرحووو
وصلنا المقر وصلينا المغرررب ويلسنا نتريا البقية
الساعه الحين 9 ونص وهم للحين مآ يوو وقلبي ينغزني وكأن شي بيصيير
ارتاح قلبي يوم شفت الشبح والسفاح يطلون علينا ببتسامة غير طبيعيه وبصوت واحد
السفاح & الشبح : يبنالكم اكلللللللللللللللللللل
بو الجماجم : السلام عليكم
يلس بو الجماجم ف زاويته المعروفه أمآ السفاح والشبح تمو يسولفون ويا منصور ويستهبلون وياه
عقبها شل الشبح اليازية وتم يفرها فوق
صديت صوب ساره وشفتها تقول
ساره : يوعانين احط الأكل ولا نصلي أول ؟
السفاح : احنا صلينا ف المسجد وتعشينا
ساره : ياربي منكم ليش مآ اتصلتو انا شاريه لكم أكل زيادة
الشبح : هاااه شارية ليش ؟
اليازية (ببراءة) : لأن انا ومنصور يمعنا بيزات وايد
السفاح : شااااطرة يزووي حبيبتي انتي واحنا بعد يبنالج أكل
اليآزية : زين يلا خل آكل يوعانة
الشبح : شوفو هاي اللي مآتنعطى ويه
ساره : خلاص انا ورحاب بنصلي ومنصور واليازية بياكلون وعقبها يصلون
منصور : زين يلا يوعان وبعدين المره الثانية بروح وياهم مابروح ويا البنات
قمت أساعد ساره أحط الأكل ورحنا نصلي
خلصنا ولفيت اشوف منصور واليازية ياكلون بفرحه مساكين مآ ياكلون عدل من يوم مآ يوو عندنا حتى ضعفوو وايد عن قبل
فجأه حسيت قلبي طآح ف بطني يوم شفت الزعيم داخل معصب وكأن شياطين الدنيا كلها فيه
كلمة واحده نطقها الكل بقلبهم : الله يستر
دخل واول شي لقطته عينه الأكل اللي منصور واليازية ياكلونة ع الطاولة اللي وحده من ريولاتها مكسوورة تقدم بكل حقارة
وفرر الأكل ع الأرض ومسك منصور من ثوبه ووو
رابح : انت من وين لك الأكل
منصور : يابوه الشبح والسافح من الشارع
رابح : ومن سمح لك تآكل انتو هنيه تشتغلون مآ تاكلون فاهم
منصور : زين بس هدني آسف
رابح : شو آسف بعد
انصدمت يوم شفت منصور مرمي ع الأرض ورابح يالس يضربه
التفت اشوف الكل كيف يطالعون بصدمه ومش قادرين يتحركون الا ساره كالعاده هي اللي تحمينا
ســــــــــــآره
كالعاده لآزم اتحمل الضرب عشان هاليهال يييت بسير عند رابح أمنعه لكن انصدمت يوم شفت جسم صغير يرتمي عند ريوله ويمسكها ويصييح
كآنت اليازيه ادافع عن اخوهآ هزني هالمنظر وايد كلامها هو اللي خلاني أحس ان نحن مآ نسوى شي يدامها
اليازية : لا تذبح منصور لاتذبحه لااا منصوور لا تموته منصور طيب لا تذبحه بابا مآ كان يضرب منصووور آآآآآآآآآآآآآه
شفتها اطالعنا برجآء
اليازية : منصور بيموت منصور بيموت
شفت الشبح ياي يركض بيشلها بس على مين لأن رابح اكتفى من منصور ويا دور اليازية
التفت الى منصور شفته يئن ويصيح بعدين بشوف شو فييه لكن الحين خل نشوف اليازية
رابح : تعالي يالكلللللللللللبة محد تجرأ ولمسني واعترض كيف تيين انتي وتمسكين ريولي
ركضت بسرعه بمسكه يوم شفته بدا يشدها من شعرها ويعطيها كف وصلت له وف نفس الوقت وقفت رحاب بويهه
وتصررررخ بصوتها الغير واضح لكن اللي عرفته انها اطلع حرت سنوات مضت
شفته التفت لرحاب بعدها استغليت الفرصة وشلييت اليازية من ايده ومنصور ودخلتهم ف الحمام وطلبت من السفاح ييلس وياهم ويهديهم ويشوف منصور
ردييت من الحمام اشوف شو صار ع رحاب
وليتني مآ رديت وشفت المنظر اللي يدآمــــــــــي
هم وآقفين متجمدين ورابح ظهر بكل برود
لكن
ترك ورآه جثه
ساره : لآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآ
انتهى
الجُزء السآبِع
يَآلسَة ومآخذه لي زَآوية وأحس بألم شَديد ينهِش عظآمي طِلعت مِن حَيآتي وإنقطعت أخبارها ولَحقهآ هُو ومآعدت بَشوفه
مآ قِدرت أتَحمِل زِيآدة كآنوو حولي كلهم يوآسووني لَكن كل شَي يُقوولوونه مآ عِدت أسمعه
أبآهم يردووون أبآ هالإثنين يِردووون مهمآ كِنت قَآسية وأبين عَدم الإهتمآم بَس أنآ لي قَلب
حَيآتي مآ تِسوى بعِيد عنهم
يِلسَت حذآلي توآسيني يآ ترى هي حآسة باللي أعآنية
حآسه اني صِرت وحيده من دونهم
حآسَة بأن غآلية وغآلي راحو عني
واني بَعيش نعمت الحرمآن للأَبد
انفجرت يدآمهم شرات َالمينونة
من كآن يتصور اني أنآ بستوي ضعيفة عَشآن شَخص أو أشخآص مآ كنت أبين اني أباهم حولي
.... : لااااااا .. والله أباهم يارب ردهم لي أباهم يارب أباهم من لي غيرهم أباااها هي انآ انآ كنت دايما أقنع نفسي إني مآ أباها بَس أنآ أباهااااااا أحتآجها والله
حَتى هو مهمآ كنت قآسية علييه بَس أبااااه .. كنت أستمد منه قوتي في هالحياة
عقبهآ ناظرت اللي يالسة حذالي : واللي يعافييج تأكدي يمكن أنآ احلم واللي يعافييج جوفي الحجرة بتحصليين فيها شي ولا لا
آآآآآآآآآآآآه
ســـــــــآرَه
كِل اللي أقدر أقوله إن أفنان تعآني وبتظل تعآني لمده مش بَسيطه
ابوها روحه طلعت بأمر من الخالق بَعد مآ كان لها السند الوَحيد في هالدنيا ..
حآلتها صعبببه وآيد تصرررخ وتصييح أول مره أشوفها بهالحالة الظآهر انهآ كبتت وكبتت وآخر شي انفجرت
مآ قدرت أواسيها بَس أطآلعها بشَفقة وحَسسد كيف تقدر اطلع دموعهآ انآ عانييت وعآنيت ليش دموعي مآ تِطلع .. ليش مآعندي احساس
اووه خل نرد لحآل هالمِسكيينة شفتها تحضن منيرررة بألم ورحاب بلفة الراس يالسة حذالها تحاول تهديها
اول مآ شفت لفة الراس اللي حاطتنها ع راسها تذكرت من يومين شو صار آآآآه كان يوم مؤلم ومرعب لي وف نفس الوقت اول مره أحس بخوف لهالدرجة
غمضت عيوني أتذكر الموقف
.
.
.
ردييت من الحمام اشوف شو صار ع رحاب
وليتني مآ رديت وشفت المنظر اللي يدآمــــــــــي
هم وآقفين متجمدين ورابح ظهر بكل برود
لكن
ترك ورآه جثث
ساره : لآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآ
حَصلت جثة رحاب ع الأرض والدم يطلع من راسها تخيلت للحظة ان الظربة كانت ف الجمجمة وإن رحاب ميته كآن مغمى عليها لكن من خوفي الشديد صرررخت ولكن يوم شفت ايد بو الجماجم طلعت الصرخه من أعمآق قلبي
تخيلو وياي المشهد رحاب طايحه جثه ع الأرض
وبو الجماجم طايح ع الأرض وكفه مش متلصقه بإيده الحقير رآبح قَص له كفه كآن المنظر جدا مؤلم تمييت متصنمه مكاني بين صدمتين
بو الجماجم اللي قلت اكيد من الألم مات او ان رابح قصها له بشكل غير صحيح وهذا سبب بموته
لحظتها تصنمت مكاني من الخووف معقولة فقدنا اثنيين ف لحظة وحده ومش اي اثنين هيييل عشرة عمر تميت اصرخ وأصرخ الييين ما يآ السفاح وانصدم من المنظر شفته يصييح ويصييح ودموعه تنزل .. كآن يحاول يقوم بو الجماجم لكن من دون فايدة
بعدها استوعبت الأمر وان عليي اساعده رحت بسرعه صوب رحاب شليتها ومآعرفت وين اوديها لكن يتني فكرة
ناديت ع السفاح والشبح يشل بو الجماجم وياي أوديه الشقه اللي اشتغل بها هناك فييه نآس يعرفون لهالأشياء
رحنا بسرعه وقد مآ نقدر حاولنا نخفي يد بو الجماجم عن تستوي لنا فظييحة
كان السفاح يلعن ويصيح والشبح ساكت بألم عرفت بعدها ان معزة بو الجماجم موجودة وان معزته كبييرة وايد بالنسبة لهم
وصلنا الشقة وبعدها شفت ان واحد من اللي اعرفهم كآن موجود لحسن حظنا حطيتهم وكآن يعالجهم بس تذكرت بعدها ان كف بو الجماجم مرمية ع الأرض وان منصور واليازية ف الشقة بروحهم مآعرفت شو أسوي خفت يشوفون الكف و يتخبلون علينا من الخوف تذكرت افنان أكيد انها عند ابوها الحين وفاظية بلا شغلة ولا مشغلة
دقيييت لها وأول مآ عرفت بالسالفة حسيتها خافت لكن كالعاده أخذت الأمورر باستهتار وراحت
تمينا 8 ساعات لين مآ خلصت عملية بو الجماجم من تعقييم ومن هالسوالف للعروق وغيره
أمآ رحاب والحمدالله صح انها نزفت وايد بس الحمدالله اذا كلت زين بينرد لها الدم اللي فقدته مع اني اشك ان نحن بنوفر لها الأكل
ردينا البيت انا والسفاح والشبح ورحاب اما بو الجماجم فكان احسن له يقعد ف مكان معقم ومرتب شوي لين ما يخف عليه الألم والله يستر يوم بينش كيف بيتقبل الصدمه
دخلت وشفت منصور يصييح بهستيريا اما اليازية راقدة
كانت افنان تحاول تهديييه لكنه كان يصييح بشكل مؤلم قطع قلبي كنت بروح أهديه وأعرف السالفة لكني شفت السفاح والشبح يتقدمون واحد شله من ريوله وواحد شله من ايده وتموا يفرفرونه يمين يسار كان يصيح يباهم يهدونه لكنهم مآ استسلمو وبعدها هدا شوي ... شفتهم بيظهرون كنت بسألهم وين لكن الشبح سبقني وقال : بنطلع نشم هوا شوي حاولو تنظفون الحجرة ريحتها دم تخنق مآ الومه منصور ع اللي سواه
ظهرووو وتميت اسأل افنان عن سالفة منصور قالت انها بس شافته واقف ف الزاوية ويصيييح ونظره مثبت ع الأرض وخصوصا الكف الممدوده
تنهدت ساعتها وعرفت ان نحن لازم ندخل الطمأنينه ف قلوبهم وأنآ اعرف كيف
رديييت للواقع بهزة رحاب لي وكانهآ تنبهني ان أفنان رقددت ظهرنا انا ومنيرة للحجرة الثانية ويلسنا ع الأض نتناقش
منيرة : الله يعينها .. بس تصدقون مآ توقعتها تتحسر عليه جييه حسيتها ندمت من أعمآق قلبها ع الوقت اللي مايلست وياه فيه
ساره : واصلا اللي يصعب الأمر انه مات بعد مآدخل ف غيبوبة بعد مآ انخفض السكر عليه واكيد افنان بتحس بالذنب لانها مآعطته ادويته بالوقت المحدد بما انه شيبة وينسى
منيرة : الله يعين بس الحين شوو .. كيف نسوي الدفن ؟
ساره : انا بروح للفندق اللي تشتغلون فييه وبسحب من المدير راتب افنان اللي للحين مآ نزله وعقبها اكيد المبلغ بيكون كبير مب بسيط وبنسوي مراسييم الدفن منه
منيرة : اروح وياج ولا ؟
ساره : يستحسسن صراحة عشان مآ اضييع وعشان بالمره ناخذ راتبج لان فترة عملكم خلصت
منيرة : ان شاءالله .. الحين استأذنكم اتأخر الوقت ولازم أرد
ساره : خلاص وانا برقد ويا افنان عشان لو قامت
منيرة : خلاص زين .. فمان الله
رحَآب
ظهرت منيرة من شقة أفنان وظهرت بعدها أنآ لشقتنا كنا مطمنين من ناحية رابح انه مابيي الا بعد يومين وثلاثة وهالشي تعودناه منه يوم يقتل او يضرب حد بشكل فظييع وهاللي بييصير هالفترة ..
دخلت الشقة وأنآ افكر باللي شفته اليوم الظهر قبل ما نكتشف دخول بو افناان ف غيبوبة شفت واحد يظههر من شقتهم بسرعه كان واحد اربعيني تقريبا ومن لفته للسفره عرفت انه اماراتي .. استغربت ف البداية شو يبا وليش دخل شقتهم لان ف العاده محد يزورهم ماعطيت للامر اهمية وع العصر تقريبا يتنا افنان وهي تصيح وتقول ان ابوها ما يتحرك ولحسن حظها اني انا مريضة وما رحت اشحت والشبح كآن ناسي فونه فرد وخذه
ف يوم وصلت افنان ع طوول ومن دون شعور رحنا وياها ودقينا على الاسعاف مع ان هذا خطر علينا لو ينعرف مكان مخبأنا او شي بس ف ذاك الوقت ماكنا حاسيين يكفي ان روح شخص بين يدينا
كانت افنان تصييح بخوف مآ ادري شو هالشعور اللي داهمها فجأه وخلاها تحب ابوها بس مع ذلك يبقى هو ابوها وتاج راسها ...
وصلت الإسعاف وخذته وكان الشبح وافنان وياه امآ انا تميت ف الحجرة
آخر الليل يتنا منيرة وياها الشبح وأفنان وكانت حالت افنان مثل ماعبرنآ لكم فوق
وبس
دخلت شقتنا المتهالكة صح متهالكة وتخرع بس ساره الله يحفظها لنا خلت لنا
نغمة محببه للقلب
عشقتها النفوس
فهي سر سعادتها وأملها
وشعورها بالأمان
....
كآنت ساره شارية لنا راديوو صغير عشان نشغل اذاعة القرآن وشرت بعد شريط لسورة البقرة بصوت الشيخ الجهني كآنت اول مره اسمع صوته واعرف منو هذا لكني أهنيه الصراحه ع الصوت العذب اللي يحظى به
دخلت الحجرة اللي نرقد فيها كان بو الجمآجم راقد بطريقة مرتبه وهالشي معروف عنه من زمان
التفت للشبح والسفاح هههه شكلهم تحفه واحد ريوله ف ويه الثاني والثاني ايده ف حلج الثاني الله يعينهم
شفت منصور نومه كان غريب كان نايم وكأنه يسجد استغربت هالوظعية اللي اول مره اشوف حد يرقد بها
جربت منه وعدلته ييت ادور لحاف الحفه به لكن تذكرت ان عندنا لحاف واحد وعطيناه اليازية
حسيت بالأسى عليه خفت يبرد ماعرفت شو اسوي تذكرت عباتي ع طول لحفته بها مع اني احسها تبرد اكثر من انها ادفي بس يلا
المهم انسدحت وطارت بي أفكاري باللي صادفتهم امس صدفة
كنت راده من الصيدلية انا وساره نشتري دوا لأني قمت ادوخ وعرفت عقبها ان عندي نقص حديد قمت احس اني عله كل امراض الدنيا فيني استغفرالله
المهم طلعنا من الصيدلية كنت بمشي لكن ساره اصرت ان نحن نركب تآكسي أسهل لي ولها مع انه بيكلف بس دايما تقدم راحتي
يوم ييت بركب شفت يدامي شابيين
اول مآ لمحت الشاب الأول تذكررت الوقت اللي حظني فيييه وساعدني
كآن مآغيره فارس
حسسيت خدوودي اشتعلن وانآ اتذكر المواقف اللي استوت تميت اطالعه وما حسيت ع عمري لين ما التفت لي هو والتقت عيونا
وبعدها ركبت التآكسي مآ انككر انه كآن حليووو وجميل لكن اللي حذاله حسيت فيه شي جذبني شي غرييب ما ادري كيف اوصفه المهم ما علينا خل ارقد ف النهاية محد بيرضى فيني
بو الجَمآجم
أَتأمل ذرآعِي من أولها لين آخرها ويوم اوقف عند الكف اللي عدمته أبتسم ببلاهه
مآ أدري شو هالشعور اللي يجتاحني وأنآ أطالعها بس اللي متأكد منه اني مستآنس وآآيد
أحس هالشي بيسآعدني واايد إني أكسب عَمل يديد عوض عن السرقة اللي مآ منهآ فايدة
أحسسد السفاح والشبح ع الشغل اللي حصلوه فيما يقل عن ساعه وهو تنظيف ارضية الحرم
كآنو جريئين ف اختيار هالشغلة ولكن اللي سمعته منهم حفزني اني أكون وياهم " يكفي ان هالشي بيحسسنا بالقرب من الله " كآن هذا كلامهم ومآ أنكر اني استانسست منهم لأنهم شجعوني بس اللي مش متأكد منه هل بيقبلوني وانا من دون كف آآآخ الحمدالله على كل حال ووالله يكتب لي اللي فيه الخير بس الحمدالله اللي عدمت الكف اليسرى مب اليمنى
تميت اتسَمع لآيات سورة البقرة اللي يقراها الشيخ الجهني تبارك الرحمن صوته يدش القلب سمعت وسمعت ويت في بالي فكرة ولازم أنفذها
بس في البداية لازم اسير لأهلي و وديمة أروييهم هجرهم لي وقسوتهم علي وتصديقهم للكلام اللي انقال عني وين وداني وكيف خلاني انحرم من اشياء وايد واولها جسد صحيح كامل
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك