رواية رشوا على قبري من دموع عينه -35
ملاك : والله ياعبدالله اني مرعوبه ...احس انه بغمى علي
عبدالله: وفري الرعب لوقته و..وترى وراك زفه ...قاطعهم جوال عبدالله
عبدالله: استعدي فيصل بيدخل عشان التصوير ...ارتبكت ..وباين عليها الخوف
عبدالله: بس بس ترى قلت فيصل ماقلت وحش
ملاك: اسكت انت ...وخله يدخل ...وقفت وعدلت نفسها بالمرايا ..واخذت المسكه ..فتح عبدالله الباب ..ودخل فيصل
كان كمان مرتبك ..وشوي مستحي نسى حتى يقول لها أي كلمه
عبدالله : الحمدلله والشكر الاثنين مستحين ..
بالقاعه ...
فاديا: ابروح اشوف فيصل لا يوهقنا ومايعرف يتصرف
فريده:اوكي روحي واعطيني بعدين خبر
راحت فاديا وسالت مضاوي وقالت لها ان كلهم طلعوا لانها كلمت ثامر اللي نسى ان عبدالله باقي عند ملاك
راحت لغرفه ملاك ..ودقت الباب وفتحته ...
فاديا: هاااااااااااااااااااااااااااااايوووووووووووووو يا عرســــــ....... وسكتت اتجمدت مكانها ..عبدالله اول ماشافها طل فيها وبعدين لف على الجهه الثانيه ...طلعت بسرعه وقلبها يرجف بداخلها
فاديا ((هو نفسه اللي شفته بملكت ملاك ...يعني هو اخوها ..تتذكر شكله .)) عضت على شفايفها وراحت للمرايه تشوف شكلها ..وتتامله ..((يعني هو شافني كذا ....معقوله لفت انتباهه من ذاك اليوم او انه خاطب ..لالا ويش خاطب بس فيه براءه تجنن ..)) رجعت للقاعه ..وكانت سرحانه الكل منسجم مع الدق والرقص والوناسه نسوا الحزازيات ...رغم ان هند تسوي لها استنفار بين حين وحين الا انهم يتجاهلونها
ريهام : فدوووووووي وين رحتي ...<<ماحست فيها
مياده: البنت عايشه الجو ...شكلها رايحه فيها ...دقتها مياده
مياده: مين اللي اخذ عقلك ياجميل
فاديا: هاه ..لا بس متنحه بالناس اتأملهم
ريهام : العبي على غيرنا ...قولي انتي من رجعتي ما انتي طبيعيه
فاديا: يتهيئ لكم بس يالله الاغنيه اللي بعد هذي نرقص ...<<تصرفهم
بالغرفه ...عبدالله توتر شوي بعد دخول فاديا ..وكان باين انه مو على بعضه
ملاك: خلاص عبدالله روح قسم الرجال
عبدالله: نسيتي اني بدخل معك بالزفه
ملاك: لا بس...روح ارتاح ..
فيصل يمسك يد ملاك: ماعليك منه ياقلبي اهم شيء انتي مرتاحه ...حمر وجهها
ملاك: فيصـــــــــــــل
عبدالله: اقول لاتخليني احلف عليك ماتاخذها ...
فيصل: لا كله ولا ذا الشيء اموووووووووووت
عبدالله: اجل اسكت
جاء وقت الزفه ...خيم الظلام على القاعه مافي غير ضوء الشموع اللي على اطراف الممر ..وبدات الزفه
وانطلقت انغام موسيقى رومنسيه ..وتسلط الضوء على الباب اللي طلع منه فيصل االي كان ماسك اعصابه وهادي
ريهام : فاديا هذا اخوك
فاديا: ايه
مياده: مشاء الله يجنن ..اجل كيف العروس
دانا: شوفي كيف طاير من الفرح
ساميه: هو الخسران
امال: هذيك الحيوانه هي اللي خربت علينا كل شيء
دانا: ميته واشوف هذي ملاكوه ..وينها ما طلعت ..بشوف اللي عصى عمي عشانها اخ بس اخ
ديما: ثواني وبتطلع
قبل تطلع ملاك ..بدت الاغنيه :
يأرض احفظي ما عليكي .. حبيب قلبي حضر
اليوم طالع قمر .. في طلتك يا سلام
حلاة غير البشر .. وأخذت مشي الحمام
شفتك وضاع الكلام .. ضيعت حتى الغزل
اعذرني والله جمالك .. ما خلى فيني عقل
وقفت قلبي بسحرك .. يا روحي والله ستر
يا أرض احفظي ما عليكي .. اليوم طالع قمر
يا عيني ع الابتسامة .. تمشي وسهامك تصيب
واللي يشوفك يقول .. يا بخت راعي النصيب
يموت بك من يشوفك .. لو كان قلبه حجر
يا أرض احفظي ما عليك .. اليوم طالع قمر
وطلعت ملاك اللي ابهرت الكل بجمالها الخرافي وفستانها الابيض ومشكوك بالذهبي وماسك على صدرها وبطنها على شكل معينات وكله كرستالات والظهر كله مفتوح وسط الصدر حلقه تجمع القماش الابيض ..والفستان طويل ومنفوش وذيله مترين وراها ومسويه تسريحه كله كيرلي ورافعتها ومنزله منها خصل كثيره والطرحه داخله من تحتها وجايه على جنب وفيها فيونكه على الجنب ولابسه السلسال الالماس اللي جابه لها فيصل ومسكتها كانت باقه على شكل قلب كلها ورد جوري ونازل منها سلاسل لولو فيها ورد ابيض كان شكلها روعه ..ومكياجها اسود واحمر وروج توتي ..طلع معاها عبدالله ..اللي يساعدها
ساميه شهقت: وااااااااااااااااااااااااو
ديما: قولي لااله الا الله لاتموت البنت ...نزلت دموع دانا من القهر لان في فرق كبير بينها وبين ملاك
لمياء: يارب تحفظها
وصايف: مشاء الله ..من بعيد تخبل ..
ابتهال: يحزن عبود احس قلبه على اخته
عبير: يارب توفقها والله تستاهل كل خير
ريم: شوفوا بنات عمه كيف ميتين بارضهم
ميساء: مالت عليهم كيف يقارنون بينهم وبين ملوكه
كلوووووووووووووووووووووووووووووووووووووووووووووش ..كلووووووووووووووووووووووووووش
من يقول الزين ما يكمل حلاه
كل شي في حبيبي اكتمل
الله اللي كملّه والله عطاه
ما بقى للزين في خلّي محل
العيون أحلى من عيون المها
شافها قلبي وصفق واحتفل
نظرته من فتنته شعلة حياه
والجفون من الحيا فيها كسل
ساهم رمشه على الخد وسناه
كن لمعة وجنته ورد وطلّ
والشفايا كنها جمر الغضاه
تحرس الريق المحلى بالعسل
والشعر ليل نقل حمرة مساه
أجعد حوّل على صدره همل
ما يجي من فوق مثنه ما طواه
لون من شلال مع المغرب نزل
أنطلق جيده يماري فيه بهاه
فوق ميّاس تعزل واعتدل
بالرشاقة فيه من ظبي الفلاه
لا مشى كنه على الريح انتقل
صافي مثل المطر فوق الصفاه
باسم مثل البشاير بالأمل
جامع من كل زين منتهاه
مستحيل الوصف في خلّي سهل
كايد ما هو يلين لمن بغاه
يرتفع عن كل سقطات الزلّل.
بدت تمشي هي وفيصل على اغنيه عاجبني ..
راضي راضي به.بحلوه راضي به وبمره راضي به
مهما حكوا عنه ماغيروا منه مني وانا منه مهما حكوا عنه
ما اشوف انا غيره غيره ولا غيره ما احداً ابدا غيره
ياطيبة قليبه عاجبني بزينه عاجبني .....وبهيبه عاجبني
يابو عسل صافي فيه الحلى وافي ..وضحكته يشافي
ادعج على حله ..فيه الغنج كله ..والشعر نافله ..ضيع قلوب الناس
خلوني خلوني ..اروي ظما عيوني ...من شوفه خلوني خلوني
ماشفت انا زيه روحه جنوبيه والطله شرقيه ماشفت انا زيه
قامه شماليه والقبله غربيه ..والهيبه نجديه روحي تغني به
راضي به راضي به بحلوه راضي به وبمره راضي به ياطيبه قليبه
وصلت عند الدرج هي وفيصل وبدلوا اماكن الدبل ..وباسها على جبينها وتغير وجهها الوان ..مسك يدها واخذوا المقص وقصوا الشريطه ..وارتفعت اصوات الزغاريط والصلاه على النبي ..وعبدالله يرش عليهم الورد ويساعد ملاك بالفستان
مياده: الولد اللي يرش الورد اخوها
فاديا: ايه اخوها
ريهام: مملوح ...يخقق
فاديا: ماسمح لك تراني حاجزته
مياده :اشوفك قبل شوي بالك مو معك شوي وتاكلينه تقزينه قز مو طبيعي
فاديا: اسكتوا بس ..وقامت تتامل ملامحه وطوله ورزته بجنب اخته
فيصل :مو ترتبكين عند الكيكه خليكي طبيعيه
ملاك: بس شكل السكينه ثقيله
فيصل: لا تخافين انا بشيله وانتي بس حطي يدك ديكور ...مسكت نفسها لا تضحك
بعد مانزلوا من الدرج فيه طاوله وعليها ادوار الجاتوه الخمسه وسكين الجاتوه لونها ذهبي ..رفعها فيصل وقطعوا الجاتوه..وفي شوكه ذهبيه وحده ..استغربت كيف تاكل فيصل وهو ياكلها بشوكه وحده ..اخذ قطعه من الجاتوه وشكلها مستطيله وصغيره واكل ملاك وبعدين قرب فمه من فمها واكل معاها ..تلون وجهها واستحت مره
ميساء: الاخ مو مقدر خجلها ..بعد قدام الناس
ابتهال: اعوذ بالله خليه يستمتع ويش فيك عليك
الكل:هههههههههههههههههههههههه
لمياء: حرام وجهها صار احمر ازرق اخضر اصفر
هند: مستعجل فيصلووه مو قادر يصبر له نص ساعه
ساميه: بس حركته حلوه ....ياليت عبدالكريم يسويلي مثله
دانا: مدري ويش لاقي فيها ذايب عندها
ديما: الحق ينقال البنت ماعليها كلام بس الغيره تسوي اكثر واكثر
هند: انثبري مكانك بس ولا اسمع صوتك
مسك فيصل يد ملاك ومشوا بالممر ..وملاك متقطعه من الحياء وتاشر بعيونها لعبدالله ..فهمها على الطاير قرب من فيصل ..
عبدالله : خف على اختي شوي تراها شوي وتطيح عليك اصبر
فيصل: انت داخل عرض ياليت تسفرق
عبدالله: اقول جالس على قلبك ..وابتسم ...
ذابت فاديا عند ابتسامته هو يدور بعيونه عليها بس لان الكل لابسين العبايات ماقدر يعرفها بعد ماوصلوا الكوشه واتصوروا اخذ عبدالله ملاك ورقص معاها وبعدين فيصل وجات فاديا وفريده وسلموا على اخوهم ورقصوا معاه ..وجات لمياء ووصايف وابتهال والجد هوام فراس ومضاوي ..وسلموا على ملاك
لمياء : اخص عبيد وتعرف ترقص
عبدالله مستحي: لميوه ماني ناقصك
ابتهال: اقول ترى البنات طايحين عندك وكلني اخطب لك احلى وحده
عبدالله: المشكله ما اثق غير بذوقي وذوق ملاك
ابتهال: الشرهه علي اللي باخليك تودع حياة العزوبيه
عبدالله: طيب مينا حلى وحده وانا اروح اخطبها
ابتهال فهمته: مافي والله كلهن يعلن القلب
عبدالله: نكمل كلامنا بكره
وصايف: هذا اذا جلسنا ..
الجده: يمه يافيصل ..وصيتي لك ملاك حطها بعيونك
فيصل: ابشري ياخالتي ماطلبتي شيء
ام فراس: وانتي بعد ياملاك لا تقصرين على زوجك بشيء
ملاك: ان شاء الله ...جات ام فادي ..وسلمت عليهم
ام فادي: مبروك يابنتي ..الله يشهد اني اغليك مثل فاديا وفريده
ملاك: تسلمين ياخالتي
ام فادي: هاه فيصل هذي البنت اللي تبيها وصارت حلالك ..حطها بعيونك ..وغمض عليها
فيصل: افا عليك يايمه توصيني على قلبي اللي بين ضلوعي ..استحت ملاك من كلامه
فريده: ياعيني غزل من ذحين ايش هالحركات ياواد
فاديا: ماعليك منها خذ راحتك ..خلك فري..وسوا زي قبل شوي
ملاك: فاديوه ..اسكتي لا اكسرك
فاديا: مقبوله منك ياحلووووووه ...
عبدالله: الف مبروك ياملوكه ..الف مبروك يافيصل منك امال ومنها العيال
ملاك وفيصل: الله يبارك فيك ...مسكت يد اخوها
ملاك: راح توحشوني ..
عبدالله: مو اكثر منك ..وباسها على جبينها وخدها ...عاد تذكرينا باتصال ..وانت يالنسيب الله الله باختي هذي وحيدتنا
فيصل : ملاك بقلبي قبل عيني ..فاديا سرحانه فيه وبجاذبيته اللي دوختها ..راحوا المعازيم وبقى اهل العرسان
عبدالله ((ايه اخيرا شفتها ..هذي هي فاديا ))
فريده: يالله فاديا بروح السياره لا تنسين الكيس الاحمر جيبيه ..رجعت تجيب الكيس واستغل عبدالله الفرصه وراح وراها
فاديا: يامال اللبشه الحين انا الشغاله عندهم كان قلوا الخدم عندنا ..سحبت الكيس ولفت وصدمت بعبدالله كانت بتطيح لكن يد عبدالله كانت اسرع منها ضمها لصدره بسرعه وطبع روجها على خده ..كانت متمسكه فيه وبثوبه ..لما حست بنفسها بعدت عنه
فاديا: انــــــــــــــت
عبدالله: اظن لي اسم ...عبدالله
فاديا مصدومه: من وين طلعت لي
عبدالله: من تحت الارض
فاديا دفته : بعد عن طريقي
عبدالله: بشويش طيب هذا بدل ماتقولين شكر او جزاك الله خير
فاديا استحت : طيب ولا تزعل شكرا وماقصرت ..تبي تروح بس تحس في شيء يمنعها
عبدالله: عن اذنك ...ولف بيروح
فاديا: انت اخو ملاك ...رقص قلب عبدالله بداخله وهي تسولف معه
عبدالله: ايه اخوها ..
فاديا (يارب طلع سالفه ..يازينه وهو يسولف معي ..يخقق)
عبدالله وهو لسى معطيها ظهره: تبين شيء بروح
فاديا: لا سلامتك ...بس المره الجايه فتح عيونك زين ..وراحت
عبدالله مستغرب: انا اللي افتح او هي
اما وصايف ومحمد
محمد: بشري كيف العرس
وصايف طاير عقلها : يهبـــــــــــــــل عرس اسطوري
محمد: اسطوري مرة وحده
وصايف: اقولك روعه قليله عليه
محمد: ايه اشواء انه عجبك ..
وصايف: ماعليه كلام ..ابداً
اما فارس وابتهال
ابتهال قرفانه: وووووووووع يابنات عمه رافعين ضغطي ودي اني ذبحتهن
فارس: ههههههههه شكلك حاقده عليهن وبقوه
ابتهال: والله يافروسي لو تشوف كيف يناظروننا كاننا جايين من كوكب اخر
فارس: وانتي ماقصرتي اعطيتهن المقسوم
ابتهال: افا عليك ايش نظرات ودفات ...وكلمات ماخليتها بقلبي ابد
فارس: تعجبيني ..وباس يدها
ابتهال: عشان تدري ان عندك وحده تنحسد عليها
فارس: أي بالله انحسد عليها وعلى تهورها
ابتهال: بس بالله عليك ما اهبل
فارس: تهبلين وبس ما احد مهبلني غيرك
بالفندق
ريم: بس العرس خبااااااااااااااااال
ساره: ههههههههههههههههه كل ما اتذكر شكل ملاك اموت ضحك
عبير: والله طلعت قمر لااله الا الله وكادت العذال
بدت ساره تقول لهم عن بنات عم فيصل
عبير شهقت : وجع بعينهن قليلات الادب
ريم: مساكين مادروا ان ملاك ميته على فيصل
عبير: ما اصدق انهم وقحات كذا
ساره: دمهن بارد وانتي الصادقه مايستحن
ريم: على فكره ويش شعورك يوم طلع عبدالله مع ملاك
ساره بدون اهتمام: عادي ..خلاص ماعاد يعنيلي شيء اول كان حب مراهقه وصحيت الحين
عبير: هووووووووووووووه ياعاقله
ريم: من متى العقل ياسويره
ساره: من يوم اللي فهمت الدنيا
عبير: فهمتي الديا..والله ما انتي هينه يا سويره
ساره: الحين صار ما يهمني
ببيت لمياء
ناصر :عسى ماتعبتي بس
لمياء: لا والله الحمدلله ..نصوري تكفى روح جيب عزام من عند خواتك
ناصر: ليييييييييييش؟؟؟؟؟!!!!!!!
لمياء: وحشني من العصر ماشفته ..ولهانه عليه
ناصر: افااااااااا وانا ماوحشتك ؟؟؟
لمياء: وانت بعد
ناصر: اليوم عزومي بينام عند عماته والليله لي انا وانتي
لمياء ولعت من الحيا: نصوووووووور
ناصر: لاتحاولين ...بس ارضي بالواقع ..وانا قايل لخواتي انه ينام عندهم
لمياء: يعني مخطط من وراي ...ومجهز كل شيء
ناصر: معك نص ساعه تتكشخين فيها ...سيووووو ^_*
لمياء: وتغمز بعد والله يانويصير صدق مالك امااااااااااااااان
ناصر: راحت دقيقه اسرعي ..ترى بعد 29 دقيقه ببسط هنيا ...وطلع
لمياء: ياويلي منه ...رومنسي زياده عن اللزوم ..وه فديته ..وراحت تكشخ
اما ملاك وفيصل دخلت السويت اللي حاجزه فيصل ..اول ما دخلت مشوا وجلست على الكرسي ..تتأمل الاضاء الخافتة والفخامة وباقه الورد اللي على الطاوله الزجاجيه ...جلس جنبها فيصل
فيصل: مبروك ياقلبي
ملاك بخجل: الله يبارك فيك
فيصل: واخيرا ماني مصدق اللي يصير ...فرحانه
ملاك ميته حياء تهز راسها بالايجاب ...فيصل قرب منها وباسها على خدها
ملاك مرتبكه: بروح ابدل ملابسي
فيصل بخبث: مو تتاخرين تراني انتظرك على احر من الجمر ..دخلت الغرفه ..ونزلت الفستان واخذت لها شور سريع
وبهذا الوقت نزل فيصل شماغه ورتبه ودخل الغرفه ولبس بجامه واتعطر ورجع للصاله عشان تاخذ ملاك راحت اذا طلعت من الحمام <<وانتوا بكرامه ...بعد ماطلعت احتارت تلبس أي قميص بعد تفكير قررت تلبس احمر عاري ومفتوح لنص الافخاذ ومخصر على جسمها وفيه تطريز بالابيض استشورت شعرها وكحلت عيونها وحطت روج احمر لامع وطلت بشكلها الراقي والهادي والمغري
ملاك((يؤيؤيؤيؤ كيف اطلع كذا وربي ميته من الحيا كاني اول مره اشوف فيصل ..)) بعد تردد اتعطرت وقررت انها تطلع ...كان يقلب بالقنوات ينتظرها تجي ..سمع صوت الباب تعدل بجلسته ..جات وماعندها أي كلام تقول تحس ان الكلام خانها تبي تقول أي شيء يحسسه بوجودها معاه لكن انغلق قاموس كلماتها في ذيك اللحظات
فيصل خاق عندها : ياهلا والله بالزين كله ...حياك اجلسي ..جلست وبينها وبينه مسافه
فيصل: لالا ما اقدر على كذا ...ابيض واحمر ...اموووووووت انا حمر وجهها
فيصل: واااااااااااااي واااااااااااي ..علامك ما تتكلمين
ملاك: مافي شيء اقوله !!
فيصل : حتى كلمه حبيبي .. ولعت منه نفسها تقتله مو راحم حياها
ملاك بخجل : فيـــــصل ..ترى والله حدي مستحيه
فيصل يغمض عيونها: آآآآآآآآآآآآآآآآآآآآآآآآآآه
ملاك انفجعت: ويش فيك ؟؟؟؟!!
فيصل: حدي مستحيه .....خلاص ذوبتيني بهالغنج يا قلبي انتي ..عرفت ملاك ان مافي مكان للهروب ابدا
ملاك: انا بروح الغرفه ...وطارت بسرعه على الغرفه ...ماتدري ويش تسوي
ملاك ((ايه مافي غير هذا الحل ))
بالصاله..كان فيصل ينتظر الروم سيرفس ياخذون العشاء اللي ما تحرك فيه شيء ..وتاخروا شوي
فيصل: طولوازانا تارك البنت لحالها ...دق الباب ..وفيصل مستعجل ...بعد ماراحوا ..دخل الغرفه كل شيء ساكن حتى السرير مافيه اثر لحركه احد الشرشف السكري وفوقه بتلات الورد انتبه لها ...قرب منها وكانت نايمه
فيصل ((لاااااااااااااااااا ...مو وقته ابد انتظرتك يا ملاك لين مل الانتظار ))قرب منها : ملاك ...ملاك انتي نمتي ..ماردت عليه ..رجع مكسور خايب
فيصل ((شلون تنام ...هين ياملاك بكره وخير ..انا اوريك )) راح للجهه الثانيه وانسدح جنبها وهو مقهور
ملاك ((ياقلبي عليك يافصووووولي تكسر الخاطر خخخخخخخخ بس المقلب جاء بوقته ))
فيصل بهدوء: وقته هالحين ..مالقت تنام الا الحين صدق حظي نحس ...وانطلقت ضحكات ملاك ...لف عليها
فيصل: ما نمتي ؟؟؟!!!!!!!!!!!!
ملاك ميته ضحك: اكلت الضرب ...حط يده على رقبتها ويخنقها
فيصل: تسوين فيني كذا ...يالئيمه ...
ملاك: حزنتني والله بس خساره كنت بكمل وانام ..كله منك خربت المقلب
فيصل بخبث : تنامين ...هــــــــــــاه ...
اليوم اللي بعده
فاديا صاحيه بدري ...كانت تحلم بعبدالله قامت وساعدت الخدم بالفطور وصحت اهلها
ابوها: غريبه العاده نايمه
فاديا: شبعت نوم
امها: فاديا قايمه الظهر تكتب بالتاريخ
ابو فادي: متى تبين نروح لفيصل يا ام فادي
ام فادي: المغرب ...وقته مناسب الحين يمكن نايمين
ابو فادي: اجل بروح الشركه والمغرب اجي ونروح
فاديا: ترى بروح معاكم ...وهديتي جاهزة ..ما ابي أي اعتراض
ابوها: طيب ليش تشاورينا دامك ناويه تروحين
امها: ما يحتاج تشاورين مجهزة كل شيء مشاء الله عليك
المغرب اتجهوا لعند فيصل وملاك
فيصل يدق الباب علي ملاك: ملاك خلصتي
ملاك: ايه ادخل ...دخل ...وكاد يصيبه جنون
كانت لابسه فستان قصير لحد الركبه فوشي صارخ وفيه شريطه ساتان تحت الصدر لونها اصفر ومسيحه شعرها على طوله وملفله اطرافه على فوق وخصلها من قدام لامتها على جنب بورده صفراء ..ولابسه كعب اصفر وساعه فوشي وحاطه مكياج ناعم بارز جمالها ..
فيصل: حسبي الله عليك يابنت فهد ونعم الوكيل
ملاك تتخصر: ويش فيك تتحسب علي ...شنو سويت لك
فيصل يقرب منها: خبلتي فيني ..دوختيني ..ما اقدر على هالجمال ..والله اموت ..ارحميني ...ابتسمت بدلع
ملاك: عشان كذا
فيصل يسوي نفسه دايخ: ايه ..عشان تسذا ...حطت يدها على رقبته ..وتطالع السقف
ملاك بدلع : قولي احبك
فيصل: مووووووووووووووت احبك
ملاك: بس ؟؟؟!!!
فيصل: اموت واحيا ...بحبك يا بعد دنيتي كلها ..طبعت على خده بوسه
فيصل: وه وه وه وه ياقلبي وقف مكانه
ملاك: سلامتك قلبك ...يا حبيبي فيني ولا فيك ...واندق الجرس
فيصل: دايــــــــــم اوقاتهم غلط × غلط
ملاك تضحك: عيب عليك روح افتح لهم .. لاتخليهم واقفين على الباب...راح وفتح الباب لاهله ورحب فيهم ..وجلسوا بالصاله ..بعد ماشيكت على كامل اناقتها ..اخذت نفس عميق ..واستعدت للدخول لانها اول مره تشوف عمها ابو فادي .
ملاك: السلام عليكم
الكل: وعليكم السلام
ام فادي: ياهلا وغلا باحلى عروس ..وقامت تسلم عليها وتضمها ...مشاء الله تبارك الله الله يحفظك يا بنتي من كل مكروه
فاديا: كيفك يا ملاك ..شخبارك ؟؟
ملاك بحياء: الحمدلله بخير
فيصل: يبه هذي ملاك ...زوجتي ...ملاك هذا ابوي
ملاك تسلم عليه وتبوس راسه: كيف حالك ياعمي
ابو فادي: الحمدلله بخير يا بنتي ...مشاء الله معذور فيصل يوم يبيك انا اشهد انك زينه البنات ...حمر وجهها
ام فادي: متى رحلتكم يافيصل ؟؟
فيصل: ان شاء الله بعد بكره
فاديا : توصلون بالسلامه
الكل: اميييييييييييييين ..
بعد صلاة العشاء ...فيصل وملاك يودعون اهله
ملاك: اجلسوا اتعشوا عندنا
ابو فادي: مايصير انتم عرسان مانبي نخرب عليكم
ام فادي: يالله نشوفكم على خير ..مع السلامه ..وراحوا ..
ملاك: اهلك مره طيبين
فيصل: ان شاء الله ارتحتي لهم
ملاك: بقووووووه ارتحت لهم
فيصل: ويش رايك نروح نتعشى بمطعم
ملاك: على راحتك ...وطلعوا يتعشون بمطعم
ببيت لمياء
ناصر: هااااااااااااااي لمووووووووش
لمياء: هااااااااااااياااااااااااات ...خير ويش فيك مستانس ..
ناصر: يالله البسي
لمياء: ليش ؟؟؟
ناصر: بنروح نتعشى بمطعم ...ولحالنا بعد
لمياء تضم عزام: حرام عليك خله يروح معانا ترى لسى عمرة اربع شهور
ناصر: قلت لحالنا وبيجلس عند عماته
لمياء : اخذتها فته ...عند عماته
ناصر: احمدي ربك ان عماته يموتون عليه لو عليهم كان ربوه بدالنا ...يالله عاد لموووووووش
لمياء: طيب خذه نزله لهم عبال ما البس واتجهز ...
بالفندق
ثامر: احس في شيء ناقص
مضاوي: ناقص حس ملاك بيننا
عبدالله: والله احس مالنا داعي بدونها
ثامر: من يصدق ان ملاكوه الحين بيت زوجها
عبدالله: يالله هذا حال الدنيا
بالمطعم ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك